ज्ञानेश्वरी — अध्याय अकरावा

शेअर करा

॥ ॐ श्री परमात्मने नमः ॥ ॥ अथ श्रीमद्भगवद्गीता ॥ । अथ एकादशोऽध्यायः - अध्याय अकरावा । । । विश्वरूपदर्शनयोगः ।

|| oṃ śrī paramātmane namaḥ || || atha śrīmadbhagavadgītā || | atha ekādaśo'dhyāyaḥ - adhyāya akarāvā | | | viśvarūpadarśanayogaḥ |

आतां यावरी एकादशीं । कथा आहे दोहीं रसीं । येथ पार्था विश्वरूपेंसीं । होईल भेटी ॥ १ ॥

ātāṃ yāvarī ekādaśīṃ | kathā āhe dohīṃ rasīṃ | yetha pārthā viśvarūpeṃsīṃ | hoīla bheṭī || 1 ||

जेथ शांताचिया घरा । अद्भुत आला आहे पाहुणेरा । आणि येरांही रसां पांतिकरां । जाहला मानु ॥ २ ॥

jetha śāṃtāciyā gharā | adbhuta ālā āhe pāhuṇerā | āṇi yerāṃhī rasāṃ pāṃtikarāṃ | jāhalā mānu || 2 ||

अहो वधुवरांचिये मिळणीं । जैशी वराडियां लुगडीं लेणीं । तैसे देशियेच्या सुखासनीं । मिरविले रस ॥ ३ ॥

aho vadhuvarāṃciye miḷaṇīṃ | jaiśī varāḍiyāṃ lugaḍīṃ leṇīṃ | taise deśiyecyā sukhāsanīṃ | miravile rasa || 3 ||

परी शांताद्भुत बरवे । जे डोळियांच्या अंजुळीं घ्यावें । जैसे हरिहर प्रेमभावें । आले खेंवा ॥ ४ ॥

parī śāṃtādbhuta barave | je ḍoḷiyāṃcyā aṃjuḷīṃ ghyāveṃ | jaise harihara premabhāveṃ | āle kheṃvā || 4 ||

ना तरी अंवसेच्या दिवशीं । भेटलीं बिंबें दोनी जैशीं । तेवीं एकवळा रसीं । केला एथ ॥ ५ ॥

nā tarī aṃvasecyā divaśīṃ | bheṭalīṃ biṃbeṃ donī jaiśīṃ | tevīṃ ekavaḷā rasīṃ | kelā etha || 5 ||

मीनले गंगेयमुनेचे ओघ । तैसें रसां जाहलें प्रयाग । म्हणौनि सुस्नात होत जग । आघवें एथ ॥ ६ ॥

mīnale gaṃgeyamunece ogha | taiseṃ rasāṃ jāhaleṃ prayāga | mhaṇauni susnāta hota jaga | āghaveṃ etha || 6 ||

माजीं गीता सरस्वती गुप्त । आणि दोनी रस ते ओघ मूर्त । यालागीं त्रिवेणी हे उचित । फावली बापा ॥ ७ ॥

mājīṃ gītā sarasvatī gupta | āṇi donī rasa te ogha mūrta | yālāgīṃ triveṇī he ucita | phāvalī bāpā || 7 ||

एथ श्रवणाचेनि द्वारें । तीर्थीं रिघतां सोपारें । ज्ञानदेवो म्हणे दातारें । माझेनि केलें ॥ ८ ॥

etha śravaṇāceni dvāreṃ | tīrthīṃ righatāṃ sopāreṃ | jñānadevo mhaṇe dātāreṃ | mājheni keleṃ || 8 ||

तीरें संस्कृताचीं गहनें । तोडोनि मऱ्हाठियां शब्दसोपानें । रचिली धर्मनिधानें । श्रिइनिवृत्तिदेवें ॥ ९ ॥

tīreṃ saṃskṛtācīṃ gahaneṃ | toḍoni maऱhāṭhiyāṃ śabdasopāneṃ | racilī dharmanidhāneṃ | śriinivṛttideveṃ || 9 ||

म्हणौनि भलतेणें एथ सद्भावें नाहावें । प्रयागमाधव विश्वरूप पहावें । येतुलेनि संसारासि द्यावें । तिळोदक ॥ १० ॥

mhaṇauni bhalateṇeṃ etha sadbhāveṃ nāhāveṃ | prayāgamādhava viśvarūpa pahāveṃ | yetuleni saṃsārāsi dyāveṃ | tiḷodaka || 10 ||

हें असो ऐसें सावयव । एथ सासिन्नले आथी रसभाव । तेथ श्रवणसुखाची राणीव । जोडली जगा ॥ ११ ॥

heṃ aso aiseṃ sāvayava | etha sāsinnale āthī rasabhāva | tetha śravaṇasukhācī rāṇīva | joḍalī jagā || 11 ||

जेथ शांताद्भुत रोकडे । आणि येरां रसां पडप जोडे । हें अल्पचि परी उघडें । कैवल्य एथ ॥ १२ ॥

jetha śāṃtādbhuta rokaḍe | āṇi yerāṃ rasāṃ paḍapa joḍe | heṃ alpaci parī ughaḍeṃ | kaivalya etha || 12 ||

तो हा अकरावा अध्यायो । जो देवाचा आपणपें विसंवता ठावो । परी अर्जुन सदैवांचा रावो । जो एथही पातला ॥ १३ ॥

to hā akarāvā adhyāyo | jo devācā āpaṇapeṃ visaṃvatā ṭhāvo | parī arjuna sadaivāṃcā rāvo | jo ethahī pātalā || 13 ||

एथ अर्जुनचि काय म्हणों पातला । आजि आवडतयाही सुकाळु जाहला । जे गीतार्थु हा आला । मऱ्हाठिये ॥ १४ ॥

etha arjunaci kāya mhaṇoṃ pātalā | āji āvaḍatayāhī sukāḷu jāhalā | je gītārthu hā ālā | maऱhāṭhiye || 14 ||

याचिलागीं माझें । विनविलें आइकिजे । तरी अवधान दीजे । सज्जनीं तुम्ही ॥ १५ ॥

yācilāgīṃ mājheṃ | vinavileṃ āikije | tarī avadhāna dīje | sajjanīṃ tumhī || 15 ||

तेवींचि तुम्हां संतांचिये सभे । ऐसी सलगी कीर करूं न लभे । परी मानावें जी तुम्ही लोभें । अपत्या मज ॥ १६ ॥

tevīṃci tumhāṃ saṃtāṃciye sabhe | aisī salagī kīra karūṃ na labhe | parī mānāveṃ jī tumhī lobheṃ | apatyā maja || 16 ||

अहो पुंसा आपणचि पढविजे । मग पढे तरी माथा तुकिजे । कां करविलेनि चोजें न रिझे । बाळका माय ॥ १७ ॥

aho puṃsā āpaṇaci paḍhavije | maga paḍhe tarī māthā tukije | kāṃ karavileni cojeṃ na rijhe | bāḷakā māya || 17 ||

तेवीं मी जें जें बोलें । तें प्रभु तुमचेंचि शिकविलें । म्हणौनि अवधारिजो आपुलें । आपण देवा ॥ १८ ॥

tevīṃ mī jeṃ jeṃ boleṃ | teṃ prabhu tumaceṃci śikavileṃ | mhaṇauni avadhārijo āpuleṃ | āpaṇa devā || 18 ||

हें सारस्वताचें गोड । तुम्हींचि लाविलें जी झाड । तरी आतां अवधानामृतें वाड । सिंपोनि कीजे ॥ १९ ॥

heṃ sārasvatāceṃ goḍa | tumhīṃci lāvileṃ jī jhāḍa | tarī ātāṃ avadhānāmṛteṃ vāḍa | siṃponi kīje || 19 ||

मग हें रसभाव फुलीं फुलेल । नानार्थ फळभारें फळा येईल । तुमचेनि धर्में होईल । सुरवाडु जगा ॥ २० ॥

maga heṃ rasabhāva phulīṃ phulela | nānārtha phaḷabhāreṃ phaḷā yeīla | tumaceni dharmeṃ hoīla | suravāḍu jagā || 20 ||

या बोला संत रिझले । म्हणती तोषलों गा भलें केलें । आतां सांगैं जें बोलिलें । अर्जुनें तेथ ॥ २१ ॥

yā bolā saṃta rijhale | mhaṇatī toṣaloṃ gā bhaleṃ keleṃ | ātāṃ sāṃgaiṃ jeṃ bolileṃ | arjuneṃ tetha || 21 ||

तंव निवृत्तिदास म्हणे । जी कृष्णार्जुनांचें बोलणें । मी प्राकृत काय सांगों जाणें । परी सांगवा तुम्ही ॥ २२ ॥

taṃva nivṛttidāsa mhaṇe | jī kṛṣṇārjunāṃceṃ bolaṇeṃ | mī prākṛta kāya sāṃgoṃ jāṇeṃ | parī sāṃgavā tumhī || 22 ||

अहो रानींचिया पालेखाइरा । नेवाणें करविले लंकेश्वरा । एकला अर्जुन परी अक्षौहिणी अकरा । न जिणेचि काई ? ॥ २३ ॥

aho rānīṃciyā pālekhāirā | nevāṇeṃ karavile laṃkeśvarā | ekalā arjuna parī akṣauhiṇī akarā | na jiṇeci kāī ? || 23 ||

म्हणौनि समर्थ जें जें करी । तें न हो न ये चराचरीं । तुम्ही संत तयापरी । बोलवा मातें ॥ २४ ॥

mhaṇauni samartha jeṃ jeṃ karī | teṃ na ho na ye carācarīṃ | tumhī saṃta tayāparī | bolavā māteṃ || 24 ||

आतां बोलिजतसें आइका । हा गीताभाव निका । जो वैकुंठनायका- । मुखौनि निघाला ॥ २५ ॥

ātāṃ bolijataseṃ āikā | hā gītābhāva nikā | jo vaikuṃṭhanāyakā- | mukhauni nighālā || 25 ||

बाप बाप ग्रंथ गीता । जो वेदीं प्रतिपाद्य देवता । तो श्रीकृष्ण वक्ता । जिये ग्रंथीं ॥ २६ ॥

bāpa bāpa graṃtha gītā | jo vedīṃ pratipādya devatā | to śrīkṛṣṇa vaktā | jiye graṃthīṃ || 26 ||

तेथिंचे गौरव कैसें वानावें । जें श्रीशंभूचिये मती नागवे । तें आतां नमस्कारिजे जीवेंभावें । हेंचि भलें ॥ २७ ॥

tethiṃce gaurava kaiseṃ vānāveṃ | jeṃ śrīśaṃbhūciye matī nāgave | teṃ ātāṃ namaskārije jīveṃbhāveṃ | heṃci bhaleṃ || 27 ||

मग आइका तो किरीटी । घालूनि विश्वरूपीं दिठी । पहिली कैसी गोठी । करिता जाहला ॥ २८ ॥

maga āikā to kirīṭī | ghālūni viśvarūpīṃ diṭhī | pahilī kaisī goṭhī | karitā jāhalā || 28 ||

हें सर्वही सर्वेश्वरु । ऐसा प्रतीतिगत जो पतिकरु । तो बाहेरी होआवा गोचरु । लोचनांसी ॥ २९ ॥

heṃ sarvahī sarveśvaru | aisā pratītigata jo patikaru | to bāherī hoāvā gocaru | locanāṃsī || 29 ||

हे जिवाआंतुली चाड । परी देवासि सांगतां सांकड । कां जें विश्वरूप गूढ । कैसेनि पुसावें ? ॥ ३० ॥

he jivāāṃtulī cāḍa | parī devāsi sāṃgatāṃ sāṃkaḍa | kāṃ jeṃ viśvarūpa gūḍha | kaiseni pusāveṃ ? || 30 ||

म्हणे मागां कवणीं कहीं । जें पढियंतेनें पुसिलें नाहीं । ते सहसा कैसें काई । सांगा म्हणों ? ॥ ३१ ॥

mhaṇe māgāṃ kavaṇīṃ kahīṃ | jeṃ paḍhiyaṃteneṃ pusileṃ nāhīṃ | te sahasā kaiseṃ kāī | sāṃgā mhaṇoṃ ? || 31 ||

मी जरी सलगीचा चांगु । तरी काय आइसीहूनी अंतरंगु । परी तेही हा प्रसंगु । बिहाली पुसों ॥ ३२ ॥

mī jarī salagīcā cāṃgu | tarī kāya āisīhūnī aṃtaraṃgu | parī tehī hā prasaṃgu | bihālī pusoṃ || 32 ||

माझी आवडे तैसी सेवा जाहली । तरी काय होईल गरुडाचिया येतुली ? । परी तोही हें बोली । करीचिना ॥ ३३ ॥

mājhī āvaḍe taisī sevā jāhalī | tarī kāya hoīla garuḍāciyā yetulī ? | parī tohī heṃ bolī | karīcinā || 33 ||

मी काय सनकादिकांहूनि जवळां । परी तयांही नागवेचि हा चाळा । मी आवडेन काय प्रेमळां । गोकुळींचिया ऐसा ? ॥ ३४ ॥

mī kāya sanakādikāṃhūni javaḷāṃ | parī tayāṃhī nāgaveci hā cāḷā | mī āvaḍena kāya premaḷāṃ | gokuḷīṃciyā aisā ? || 34 ||

तयांतेंही लेकुरपणें झकविलें । एकाचे गर्भवासही साहिले । परी विश्वरूप हें राहविलें । न दावीच कवणा ॥ ३५ ॥

tayāṃteṃhī lekurapaṇeṃ jhakavileṃ | ekāce garbhavāsahī sāhile | parī viśvarūpa heṃ rāhavileṃ | na dāvīca kavaṇā || 35 ||

हा ठायवरी गुज । याचिये अंतरीचें हें निज । केवीं उराउरी मज । पुसों ये पां ? ॥ ३६ ॥

hā ṭhāyavarī guja | yāciye aṃtarīceṃ heṃ nija | kevīṃ urāurī maja | pusoṃ ye pāṃ ? || 36 ||

आणि न पुसेंचि जरी म्हणे । तरी विश्वरूप देखिलियाविणें । सुख नोहेचि परी जिणें । तेंही विपायें ॥ ३७ ॥

āṇi na puseṃci jarī mhaṇe | tarī viśvarūpa dekhiliyāviṇeṃ | sukha noheci parī jiṇeṃ | teṃhī vipāyeṃ || 37 ||

म्हणौनि आतां पुसों अळुमाळसें । मग करूं देवा आवडे तैसें । येणें प्रवर्तला साध्वसें । पार्थु बोलों ॥ ३८ ॥

mhaṇauni ātāṃ pusoṃ aḷumāḷaseṃ | maga karūṃ devā āvaḍe taiseṃ | yeṇeṃ pravartalā sādhvaseṃ | pārthu boloṃ || 38 ||

परी तेंचि ऐसेनि भावें । जें एका दों उत्तरांसवें । दावी विश्वरूप आघवें । झाडा देउनी ॥ ३९ ॥

parī teṃci aiseni bhāveṃ | jeṃ ekā doṃ uttarāṃsaveṃ | dāvī viśvarūpa āghaveṃ | jhāḍā deunī || 39 ||

अहो वांसरूं देखिलियाचिसाठीं । धेनु खडबडोनि मोहें उठी । मग स्तनामुखाचिये भेटी । काय पान्हा धरे ? ॥ ४० ॥

aho vāṃsarūṃ dekhiliyācisāṭhīṃ | dhenu khaḍabaḍoni moheṃ uṭhī | maga stanāmukhāciye bheṭī | kāya pānhā dhare ? || 40 ||

पाहा पां तया पांडवाचेनि नांवें । जो कृष्ण रानींही प्रतिपाळूं धावे । तयांतें अर्जुनें जंव पुसावें । तंव साहील काई ? ॥ ४१ ॥

pāhā pāṃ tayā pāṃḍavāceni nāṃveṃ | jo kṛṣṇa rānīṃhī pratipāḷūṃ dhāve | tayāṃteṃ arjuneṃ jaṃva pusāveṃ | taṃva sāhīla kāī ? || 41 ||

तो सहजेंचि स्नेहाचें अवतरण । आणि येरु स्नेहा घातलें आहे माजवण । ऐसिये मिळवणी वेगळेपण । उरे हेंचि बहु ॥ ४२ ॥

to sahajeṃci snehāceṃ avataraṇa | āṇi yeru snehā ghātaleṃ āhe mājavaṇa | aisiye miḷavaṇī vegaḷepaṇa | ure heṃci bahu || 42 ||

म्हणौनि अर्जुनाचिया बोलासरिसा । देव विश्वरूप होईल आपैसा । तोचि पहिला प्रसंगु ऐसा । ऐकिजे तरी ॥ ४३ ॥

mhaṇauni arjunāciyā bolāsarisā | deva viśvarūpa hoīla āpaisā | toci pahilā prasaṃgu aisā | aikije tarī || 43 ||

मग पार्थु देवातें म्हणे । जी तुम्ही मजकारणें । वाच्य केलें जें न बोलणें । कृपानिधे ॥ ४४ ॥

maga pārthu devāteṃ mhaṇe | jī tumhī majakāraṇeṃ | vācya keleṃ jeṃ na bolaṇeṃ | kṛpānidhe || 44 ||

जैं महाभूतें ब्रह्मीं आटती । जीव महदादींचे ठाव फिटती । तैं जें देव होऊनि ठाकती । तें विसवणें शेषींचें ॥ ४५ ॥

jaiṃ mahābhūteṃ brahmīṃ āṭatī | jīva mahadādīṃce ṭhāva phiṭatī | taiṃ jeṃ deva hoūni ṭhākatī | teṃ visavaṇeṃ śeṣīṃceṃ || 45 ||

होतें हृदयाचिये परिवरीं । रोंविलें कृपणाचिये परी । शब्दब्रह्मासही चोरी । जयाची केली ॥ ४६ ॥

hoteṃ hṛdayāciye parivarīṃ | roṃvileṃ kṛpaṇāciye parī | śabdabrahmāsahī corī | jayācī kelī || 46 ||

तें तुम्हीं आजि आपुलें । मजपुढां हियें फोडिलें । जया अध्यात्मा वोवाळिलें । ऐश्वर्य हरें ॥ ४७ ॥

teṃ tumhīṃ āji āpuleṃ | majapuḍhāṃ hiyeṃ phoḍileṃ | jayā adhyātmā vovāḷileṃ | aiśvarya hareṃ || 47 ||

ते वस्तु मज स्वामी । एकिहेळां दिधली तुम्ही । हें बोलों तरी आम्ही । तुज पावोनि कैंचे ॥ ४८ ॥

te vastu maja svāmī | ekiheḷāṃ didhalī tumhī | heṃ boloṃ tarī āmhī | tuja pāvoni kaiṃce || 48 ||

परी साचचि महामोहाचिये पुरीं । बुडालेया देखोनि सीसवरी । तुवां आपणपें घालोनि श्रीहरी । मग काढिलें मातें ॥ ४९ ॥

parī sācaci mahāmohāciye purīṃ | buḍāleyā dekhoni sīsavarī | tuvāṃ āpaṇapeṃ ghāloni śrīharī | maga kāḍhileṃ māteṃ || 49 ||

एक तूंवांचूनि कांहीं । विश्वीं दुजियाची भाष नाहीं । कीं आमुचें कर्म पाहीं । जे आम्हीं आथी म्हणों ॥ ५० ॥

eka tūṃvāṃcūni kāṃhīṃ | viśvīṃ dujiyācī bhāṣa nāhīṃ | kīṃ āmuceṃ karma pāhīṃ | je āmhīṃ āthī mhaṇoṃ || 50 ||

मी जगीं एक अर्जुनु । ऐसा देहीं वाहे अभिमानु । आणि कौरवांतें इयां स्वजनु । आपुलें म्हणें ॥ ५१ ॥

mī jagīṃ eka arjunu | aisā dehīṃ vāhe abhimānu | āṇi kauravāṃteṃ iyāṃ svajanu | āpuleṃ mhaṇeṃ || 51 ||

याहीवरी यांतें मी मारीन । म्हणें तेणें पापें कें रिगेन । ऐसें देखत होतों दुःस्वप्न । तों चेवविला प्रभु ॥ ५२ ॥

yāhīvarī yāṃteṃ mī mārīna | mhaṇeṃ teṇeṃ pāpeṃ keṃ rigena | aiseṃ dekhata hotoṃ duḥsvapna | toṃ cevavilā prabhu || 52 ||

देवा गंधर्वनगरीची वस्ती । सोडूनि निघालों लक्ष्मीपती । होतों उदकाचिया आर्ती । रोहिणी पीत ॥ ५३ ॥

devā gaṃdharvanagarīcī vastī | soḍūni nighāloṃ lakṣmīpatī | hotoṃ udakāciyā ārtī | rohiṇī pīta || 53 ||

जी किरडूं तरी कापडाचें । परी लहरी येत होतिया साचें । ऐसें वायां मरतया जीवाचें । श्रेय तुवां घेतलें ॥ ५४ ॥

jī kiraḍūṃ tarī kāpaḍāceṃ | parī laharī yeta hotiyā sāceṃ | aiseṃ vāyāṃ maratayā jīvāceṃ | śreya tuvāṃ ghetaleṃ || 54 ||

आपुलें प्रतिबिंब नेणता । सिंह कुहां घालील देखोनि आतां । ऐसा धरिजे तेवीं अनंता । राखिलें मातें ॥ ५५ ॥

āpuleṃ pratibiṃba neṇatā | siṃha kuhāṃ ghālīla dekhoni ātāṃ | aisā dharije tevīṃ anaṃtā | rākhileṃ māteṃ || 55 ||

एऱ्हवीं माझा तरी येतुलेवरी । एथ निश्चय होता अवधारीं । जें आतांचि सातांही सागरीं । एकत्र मिळिजे ॥ ५६ ॥

eऱhavīṃ mājhā tarī yetulevarī | etha niścaya hotā avadhārīṃ | jeṃ ātāṃci sātāṃhī sāgarīṃ | ekatra miḷije || 56 ||

हें जगचि आघवें बुडावें । वरी आकाशहि तुटोनि पडावें । परी झुंजणें न घडावें । गोत्रजेशीं मज ॥ ५७ ॥

heṃ jagaci āghaveṃ buḍāveṃ | varī ākāśahi tuṭoni paḍāveṃ | parī jhuṃjaṇeṃ na ghaḍāveṃ | gotrajeśīṃ maja || 57 ||

ऐसिया अहंकाराचिये वाढी । मियां आग्रहजळीं दिधली होती बुडी । चांगचि तूं जवळां एऱ्हवीं काढी । कवणु मातें ॥ ५८ ॥

aisiyā ahaṃkārāciye vāḍhī | miyāṃ āgrahajaḷīṃ didhalī hotī buḍī | cāṃgaci tūṃ javaḷāṃ eऱhavīṃ kāḍhī | kavaṇu māteṃ || 58 ||

नाथिलें आपण पां एक मानिलें । आणि नव्हतया नाम गोत्र ठेविलें । थोर पिसें होतें लागलें । परि राखिलें तुम्ही ॥ ५९ ॥

nāthileṃ āpaṇa pāṃ eka mānileṃ | āṇi navhatayā nāma gotra ṭhevileṃ | thora piseṃ hoteṃ lāgaleṃ | pari rākhileṃ tumhī || 59 ||

मागां जळत काढिलें जोहरीं । तैं तें देहासीच भय अवधारीं । आतां हे जोहरवाहर दुसरी । चैतन्यासकट ॥ ६० ॥

māgāṃ jaḷata kāḍhileṃ joharīṃ | taiṃ teṃ dehāsīca bhaya avadhārīṃ | ātāṃ he joharavāhara dusarī | caitanyāsakaṭa || 60 ||

दुराग्रह हिरण्याक्षें । माझी बुद्धि वसुंधरा सूदली काखे । मग माहार्णव गवाक्षें । रिघोनि ठेला ॥ ६१ ॥

durāgraha hiraṇyākṣeṃ | mājhī buddhi vasuṃdharā sūdalī kākhe | maga māhārṇava gavākṣeṃ | righoni ṭhelā || 61 ||

तेथ तुझेनि गोसावीपणें । एकवेळ बुद्धीचिया ठाया येणें । हें दुसरें वराह होणें । पडिलें तुज ॥ ६२ ॥

tetha tujheni gosāvīpaṇeṃ | ekaveḷa buddhīciyā ṭhāyā yeṇeṃ | heṃ dusareṃ varāha hoṇeṃ | paḍileṃ tuja || 62 ||

ऐसें अपार तुझें केलें । एकी वाचा काय मी बोलें । परी पांचही पालव मोकलिले । मजप्रती ॥ ६३ ॥

aiseṃ apāra tujheṃ keleṃ | ekī vācā kāya mī boleṃ | parī pāṃcahī pālava mokalile | majapratī || 63 ||

तें कांहीं न वचेचि वायां । भलें यश फावलें देवराया । जे साद्यंत माया । निरसिली माझी ॥ ६४ ॥

teṃ kāṃhīṃ na vaceci vāyāṃ | bhaleṃ yaśa phāvaleṃ devarāyā | je sādyaṃta māyā | nirasilī mājhī || 64 ||

आजीं आनंदसरोवरींचीं कमळें । तैसे हे तुझे डोळे । आपुलिया प्रसादाचीं राउळें । जयालागीं करिती ॥ ६५ ॥

ājīṃ ānaṃdasarovarīṃcīṃ kamaḷeṃ | taise he tujhe ḍoḷe | āpuliyā prasādācīṃ rāuḷeṃ | jayālāgīṃ karitī || 65 ||

हां हो तयाही आणि मोहाची भेटी । हे कायसी पाबळी गोठी ? । केउती मृगजळाची वृष्टी । वडवानळेंसीं ? ॥ ६६ ॥

hāṃ ho tayāhī āṇi mohācī bheṭī | he kāyasī pābaḷī goṭhī ? | keutī mṛgajaḷācī vṛṣṭī | vaḍavānaḷeṃsīṃ ? || 66 ||

आणि मी तंव दातारा । ये कृपेचिये रिघोनि गाभारां । घेत आहें चारा । ब्रह्मरसाचा ॥ ६७ ॥

āṇi mī taṃva dātārā | ye kṛpeciye righoni gābhārāṃ | gheta āheṃ cārā | brahmarasācā || 67 ||

तेणें माझा जी मोह जाये । एथ विस्मो कांहीं आहे ? । तरी उद्धरलों कीं तुझे पाये । शिवतले आहाती ॥ ६८ ॥

teṇeṃ mājhā jī moha jāye | etha vismo kāṃhīṃ āhe ? | tarī uddharaloṃ kīṃ tujhe pāye | śivatale āhātī || 68 ||

भवाप्ययौ हि भूतानां श्रुतौ विस्तरशो मया ।

bhavāpyayau hi bhūtānāṃ śrutau vistaraśo mayā |

पैं कमलायतडोळसा । सूर्यकोटितेजसा । मियां तुजपासोनि महेशा । परिसिलें आजीं ॥ ६९ ॥

paiṃ kamalāyataḍoḷasā | sūryakoṭitejasā | miyāṃ tujapāsoni maheśā | parisileṃ ājīṃ || 69 ||

इयें भूतें जयापरी होती । अथवा लया हन जैसेनि जाती । ते मजपुढां प्रकृती । विवंचिली देवें ॥ ७० ॥

iyeṃ bhūteṃ jayāparī hotī | athavā layā hana jaiseni jātī | te majapuḍhāṃ prakṛtī | vivaṃcilī deveṃ || 70 ||

आणि प्रकृती कीर उगाणा दिधला । वरि पुरुषाचाही ठावो दाविला । जयाचा महिमा पांघरोनि जाहला । धडौता वेदु ॥ ७१ ॥

āṇi prakṛtī kīra ugāṇā didhalā | vari puruṣācāhī ṭhāvo dāvilā | jayācā mahimā pāṃgharoni jāhalā | dhaḍautā vedu || 71 ||

जी शब्दराशी वाढे जिये । कां धर्माऐशिया रत्नांतें विये । ते एथिंचे प्रभेचे पाये । वोळगे म्हणौनि ॥ ७२ ॥

jī śabdarāśī vāḍhe jiye | kāṃ dharmāaiśiyā ratnāṃteṃ viye | te ethiṃce prabhece pāye | voḷage mhaṇauni || 72 ||

ऐसें अगाध माहात्म्य । जें सकळमार्गैकगम्य । जें स्वात्मानुभवरम्य । तें इयापरी दाविलें ॥ ७३ ॥

aiseṃ agādha māhātmya | jeṃ sakaḷamārgaikagamya | jeṃ svātmānubhavaramya | teṃ iyāparī dāvileṃ || 73 ||

जैसा केरु फिटलिया आभाळीं । दिठी रिगे सूर्यमंडळीं । कां हातें सारूनि बाबुळीं । जळ देखिजे ॥ ७४ ॥

jaisā keru phiṭaliyā ābhāḷīṃ | diṭhī rige sūryamaṃḍaḷīṃ | kāṃ hāteṃ sārūni bābuḷīṃ | jaḷa dekhije || 74 ||

नातरी उकलतया सापाचे वेढे । जैसें चंदना खेंव देणें घडे । अथवा विवसी पळे मग चढे । निधान हातां ॥ ७५ ॥

nātarī ukalatayā sāpāce veḍhe | jaiseṃ caṃdanā kheṃva deṇeṃ ghaḍe | athavā vivasī paḷe maga caḍhe | nidhāna hātāṃ || 75 ||

तैसी प्रकृती हे आड होती । ते देवेंचि सारोनि परौती । मग परतत्त्व माझिये मती । शेजार केलें ॥ ७६ ॥

taisī prakṛtī he āḍa hotī | te deveṃci sāroni parautī | maga paratattva mājhiye matī | śejāra keleṃ || 76 ||

म्हणौनि इयेविषयींचा मज देवा । भरंवसा कीर जाहला जीवा । परी आणीक एक हेवा । उपनला असे ॥ ७७ ॥

mhaṇauni iyeviṣayīṃcā maja devā | bharaṃvasā kīra jāhalā jīvā | parī āṇīka eka hevā | upanalā ase || 77 ||

तो भिडां जरी म्हणों राहों । तरी आना कवणा पुसों जावों । काय तुजवांचोनि ठावो । जाणत आहों आम्ही ? ॥ ७८ ॥

to bhiḍāṃ jarī mhaṇoṃ rāhoṃ | tarī ānā kavaṇā pusoṃ jāvoṃ | kāya tujavāṃconi ṭhāvo | jāṇata āhoṃ āmhī ? || 78 ||

जळचरु जळाचा आभारु धरी । बाळक स्तनपानीं उपरोधु करी । तरी तया जिणया श्रीहरी । आन उपायो असे ? ॥ ७९ ॥

jaḷacaru jaḷācā ābhāru dharī | bāḷaka stanapānīṃ uparodhu karī | tarī tayā jiṇayā śrīharī | āna upāyo ase ? || 79 ||

म्हणौनि भीड सांकडी न धरवे । जीवा आवडे तेंही तुजपुढां बोलावें । तंव राहें म्हणितलें देवें । चाड सांगैं ॥ ८० ॥

mhaṇauni bhīḍa sāṃkaḍī na dharave | jīvā āvaḍe teṃhī tujapuḍhāṃ bolāveṃ | taṃva rāheṃ mhaṇitaleṃ deveṃ | cāḍa sāṃgaiṃ || 80 ||

मग बोलिला तो किरीटी । म्हणे तुम्हीं केली जे गोठी । तिया प्रतीतीची दिठी । निवाली माझी ॥ ८१ ॥

maga bolilā to kirīṭī | mhaṇe tumhīṃ kelī je goṭhī | tiyā pratītīcī diṭhī | nivālī mājhī || 81 ||

आतां जयाचेनि संकल्पें । हे लोकपरंपरा होय हारपे । जया ठायातें आपणपें । मी ऐसें म्हणसी ॥ ८२ ॥

ātāṃ jayāceni saṃkalpeṃ | he lokaparaṃparā hoya hārape | jayā ṭhāyāteṃ āpaṇapeṃ | mī aiseṃ mhaṇasī || 82 ||

तें मुद्दल रूप तुझें । जेथूनि इयें द्विभुजें हन चतुर्भुजें । सुरकार्याचेनि व्याजें । घेवों घेवों येसी ॥ ८३ ॥

teṃ muddala rūpa tujheṃ | jethūni iyeṃ dvibhujeṃ hana caturbhujeṃ | surakāryāceni vyājeṃ | ghevoṃ ghevoṃ yesī || 83 ||

पैं जळशयनाचिया अवगणिया । कां मत्स्य कूर्म इया मिरवणिया । खेळु सरलिया तूं गुणिया । सांठविसी जेथ ॥ ८४ ॥

paiṃ jaḷaśayanāciyā avagaṇiyā | kāṃ matsya kūrma iyā miravaṇiyā | kheḷu saraliyā tūṃ guṇiyā | sāṃṭhavisī jetha || 84 ||

उपनिषदें जें गाती । योगिये हृदयीं रिगोनि पाहाती । जयातें सनकादिक आहाती । पोटाळुनियां ॥ ८५ ॥

upaniṣadeṃ jeṃ gātī | yogiye hṛdayīṃ rigoni pāhātī | jayāteṃ sanakādika āhātī | poṭāḷuniyāṃ || 85 ||

ऐसें अगाध जें तुझें । विश्वरूप कानीं ऐकिजे । तें देखावया चित्त माझें । उतावीळ देवा ॥ ८६ ॥

aiseṃ agādha jeṃ tujheṃ | viśvarūpa kānīṃ aikije | teṃ dekhāvayā citta mājheṃ | utāvīḷa devā || 86 ||

देवें फेडूनियां सांकड । लोभें पुसिली जरी चाड । तरी हेंचि एकीं वाड । आर्तीं जी मज ॥ ८७ ॥

deveṃ pheḍūniyāṃ sāṃkaḍa | lobheṃ pusilī jarī cāḍa | tarī heṃci ekīṃ vāḍa | ārtīṃ jī maja || 87 ||

तुझें विश्वरूपपण आघवें । माझिये दिठीसि गोचर होआवें । ऐसी थोर आस जीवें । बांधोनि आहें ॥ ८८ ॥

tujheṃ viśvarūpapaṇa āghaveṃ | mājhiye diṭhīsi gocara hoāveṃ | aisī thora āsa jīveṃ | bāṃdhoni āheṃ || 88 ||

परी आणीक एक एथ शारङ्गी । तुज विश्वरूपातें देखावयालागीं । पैं योग्यता माझिया आंगीं । असे कीं नाहीं ॥ ८९ ॥

parī āṇīka eka etha śāraṅgī | tuja viśvarūpāteṃ dekhāvayālāgīṃ | paiṃ yogyatā mājhiyā āṃgīṃ | ase kīṃ nāhīṃ || 89 ||

हें आपलें आपण मी नेणें । तें कां नेणसी जरी देव म्हणे । तरी सरोगु काय जाणे । निदान रोगाचें ? ॥ ९० ॥

heṃ āpaleṃ āpaṇa mī neṇeṃ | teṃ kāṃ neṇasī jarī deva mhaṇe | tarī sarogu kāya jāṇe | nidāna rogāceṃ ? || 90 ||

आणि जी आर्तीचेनि पडिभरें । आर्तु आपुली ठाकी पैं विसरे । जैसा तान्हेला म्हणे न पुरे । समुद्र मज ॥ ९१ ॥

āṇi jī ārtīceni paḍibhareṃ | ārtu āpulī ṭhākī paiṃ visare | jaisā tānhelā mhaṇe na pure | samudra maja || 91 ||

ऐशा सचाडपणाचिये भुली । न सांभाळवे समस्या आपुली । यालागीं योग्यता जेवीं माउली । बालकाची जाणे ॥ ९२ ॥

aiśā sacāḍapaṇāciye bhulī | na sāṃbhāḷave samasyā āpulī | yālāgīṃ yogyatā jevīṃ māulī | bālakācī jāṇe || 92 ||

तयापरी श्रीजनार्दना । विचारिजो माझी संभावना । मग विश्वरूपदर्शना । उपक्रम कीजे ॥ ९३ ॥

tayāparī śrījanārdanā | vicārijo mājhī saṃbhāvanā | maga viśvarūpadarśanā | upakrama kīje || 93 ||

तरी ऐसी ते कृपा करा । एऱ्हवीं नव्हे हें म्हणा अवधारा । वायां पंचमालापें बधिरा । सुख केउतें देणें ? ॥ ९४ ॥

tarī aisī te kṛpā karā | eऱhavīṃ navhe heṃ mhaṇā avadhārā | vāyāṃ paṃcamālāpeṃ badhirā | sukha keuteṃ deṇeṃ ? || 94 ||

एऱ्हवीं येकले बापियाचे तृषे । मेघ जगापुरतें काय न वर्षे ? । परी जहालीही वृष्टि उपखे । जऱ्ही खडकीं होय ॥ ९५ ॥

eऱhavīṃ yekale bāpiyāce tṛṣe | megha jagāpurateṃ kāya na varṣe ? | parī jahālīhī vṛṣṭi upakhe | jaऱhī khaḍakīṃ hoya || 95 ||

चकोरा चंद्रामृत फावलें । येरा आण वाहूनि काय वारिलें ? । परी डोळ्यांवीण पाहलें । वायां जाय ॥ ९६ ॥

cakorā caṃdrāmṛta phāvaleṃ | yerā āṇa vāhūni kāya vārileṃ ? | parī ḍoḷyāṃvīṇa pāhaleṃ | vāyāṃ jāya || 96 ||

म्हणौनि विश्वरूप तूं सहसा । दाविसी कीर हा भरवंसा । कां जे कडाडां आणि गहिंसा- । माजी नीत्य नवा तूं कीं ॥ ९७ ॥

mhaṇauni viśvarūpa tūṃ sahasā | dāvisī kīra hā bharavaṃsā | kāṃ je kaḍāḍāṃ āṇi gahiṃsā- | mājī nītya navā tūṃ kīṃ || 97 ||

तुझें औदार्य जाणों स्वतंत्र । देतां न म्हणसी पात्रापात्र । पैं कैवल्या ऐसें पवित्र । जें वैरियांही दिधलें ॥ ९८ ॥

tujheṃ audārya jāṇoṃ svataṃtra | detāṃ na mhaṇasī pātrāpātra | paiṃ kaivalyā aiseṃ pavitra | jeṃ vairiyāṃhī didhaleṃ || 98 ||

मोक्षु दुराराध्यु कीर होय । परी तोही आराधी तुझे पाय । म्हणौनि धाडिसी तेथ जाय । पाइकु जैसा ॥ ९९ ॥

mokṣu durārādhyu kīra hoya | parī tohī ārādhī tujhe pāya | mhaṇauni dhāḍisī tetha jāya | pāiku jaisā || 99 ||

तुवां सनकादिकांचेनि मानें । सायुज्यीं सौरसु दिधला पूतने । जे विषाचेनि स्तनपानें । मारूं आली ॥ १०० ॥

tuvāṃ sanakādikāṃceni māneṃ | sāyujyīṃ saurasu didhalā pūtane | je viṣāceni stanapāneṃ | mārūṃ ālī || 100 ||

हां गा राजसूय यागाचिया सभासदीं । देखतां त्रिभुवनाची मांदी । कैसा शतधा दुर्वाक्य शब्दीं । निस्तेजिलासी ॥ १०१ ॥

hāṃ gā rājasūya yāgāciyā sabhāsadīṃ | dekhatāṃ tribhuvanācī māṃdī | kaisā śatadhā durvākya śabdīṃ | nistejilāsī || 101 ||

ऐशिया अपराधिया शिशुपाळा । आपणपें ठावो दिधला गोपाळा । आणि उत्तानचरणाचिया बाळा । काय ध्रुवपदीं चाड ? ॥ १०२ ॥

aiśiyā aparādhiyā śiśupāḷā | āpaṇapeṃ ṭhāvo didhalā gopāḷā | āṇi uttānacaraṇāciyā bāḷā | kāya dhruvapadīṃ cāḍa ? || 102 ||

तो वना आला याचिलागीं । जे बैसावें पितयाचिया उत्संगीं । कीं तो चंद्रसूर्यादिकांपरिस जगीं । श्लाघ्यु केला ॥ १०३ ॥

to vanā ālā yācilāgīṃ | je baisāveṃ pitayāciyā utsaṃgīṃ | kīṃ to caṃdrasūryādikāṃparisa jagīṃ | ślāghyu kelā || 103 ||

ऐसा वनवासिया सकळां । देतां एकचि तूं धसाळा । पुत्रा आळवितां अजामिळा । आपणपें देसी ॥ १०४ ॥

aisā vanavāsiyā sakaḷāṃ | detāṃ ekaci tūṃ dhasāḷā | putrā āḷavitāṃ ajāmiḷā | āpaṇapeṃ desī || 104 ||

जेणें उरीं हाणितलासि पांपरा । तयाचा चरणु वाहासी दातारा । अझुनी वैरियांचिया कलेवरा । विसंबसीना ॥ १०५ ॥

jeṇeṃ urīṃ hāṇitalāsi pāṃparā | tayācā caraṇu vāhāsī dātārā | ajhunī vairiyāṃciyā kalevarā | visaṃbasīnā || 105 ||

ऐसा अपकारियां तुझा उपकारु । तूं अपात्रींही परी उदारु । दान म्हणौनि दारवंठेकरु । जाहलासी बळीचा ॥ १०६ ॥

aisā apakāriyāṃ tujhā upakāru | tūṃ apātrīṃhī parī udāru | dāna mhaṇauni dāravaṃṭhekaru | jāhalāsī baḷīcā || 106 ||

तूंतें आराधी ना आयकें । होती पुंसा बोलावित कौतुकें । तिये वैकुंठीं तुवां गणिके । सुरवाडु केला ॥ १०७ ॥

tūṃteṃ ārādhī nā āyakeṃ | hotī puṃsā bolāvita kautukeṃ | tiye vaikuṃṭhīṃ tuvāṃ gaṇike | suravāḍu kelā || 107 ||

ऐसीं पाहूनि वायाणीं मिषें । आपणपें देवों लागसी वानिवसें । तो तूं कां अनारिसें । मजलागीं करिसी ॥ १०८ ॥

aisīṃ pāhūni vāyāṇīṃ miṣeṃ | āpaṇapeṃ devoṃ lāgasī vānivaseṃ | to tūṃ kāṃ anāriseṃ | majalāgīṃ karisī || 108 ||

हां गा दुभतयाचेनि पवाडें । जे जगाचें फेडी सांकडें । तिये कामधेनूचे पाडे । काय भुकेले ठाती ? ॥ १०९ ॥

hāṃ gā dubhatayāceni pavāḍeṃ | je jagāceṃ pheḍī sāṃkaḍeṃ | tiye kāmadhenūce pāḍe | kāya bhukele ṭhātī ? || 109 ||

म्हणौनि मियां जें विनविलें कांहीं । तें देव न दाखविती हें कीर नाहीं । परी देखावयालागीं देईं । पात्रता मज ॥ ११० ॥

mhaṇauni miyāṃ jeṃ vinavileṃ kāṃhīṃ | teṃ deva na dākhavitī heṃ kīra nāhīṃ | parī dekhāvayālāgīṃ deīṃ | pātratā maja || 110 ||

तुझें विश्वरूप आकळे । ऐसे जरी जाणसी माझे डोळे । तरी आर्तीचे डोहळे । पुरवीं देवा ॥ १११ ॥

tujheṃ viśvarūpa ākaḷe | aise jarī jāṇasī mājhe ḍoḷe | tarī ārtīce ḍohaḷe | puravīṃ devā || 111 ||

ऐसी ठायेंठावो विनंती । जंव करूं सरला सुभद्रापती । तंव तया षड्गुणचक्रवर्ती । साहवेचिना ॥ ११२ ॥

aisī ṭhāyeṃṭhāvo vinaṃtī | jaṃva karūṃ saralā subhadrāpatī | taṃva tayā ṣaḍguṇacakravartī | sāhavecinā || 112 ||

तो कृपापीयूषसजळु । आणि येरु जवळां आला वर्षाकाळु । नाना कृष्ण कोकिळु । अर्जुन वसंतु ॥ ११३ ॥

to kṛpāpīyūṣasajaḷu | āṇi yeru javaḷāṃ ālā varṣākāḷu | nānā kṛṣṇa kokiḷu | arjuna vasaṃtu || 113 ||

नातरी चंद्रबिंब वाटोळें । देखोनि क्षीरसागर उचंबळे । तैसा दुणेंही वरी प्रेमबळें । उल्लसितु जाहला ॥ ११४ ॥

nātarī caṃdrabiṃba vāṭoḷeṃ | dekhoni kṣīrasāgara ucaṃbaḷe | taisā duṇeṃhī varī premabaḷeṃ | ullasitu jāhalā || 114 ||

मग तिये प्रसन्नतेचेनि आटोपें । गाजोनि म्हणितलें सकृपें । पार्था देख देख अमुपें । स्वरूपें माझीं ॥ ११५ ॥

maga tiye prasannateceni āṭopeṃ | gājoni mhaṇitaleṃ sakṛpeṃ | pārthā dekha dekha amupeṃ | svarūpeṃ mājhīṃ || 115 ||

एक विश्वरूप देखावें । ऐसा मनोरथु केला पांडवें । कीं विश्वरूपमय आघवें । करूनि घातलें ॥ ११६ ॥

eka viśvarūpa dekhāveṃ | aisā manorathu kelā pāṃḍaveṃ | kīṃ viśvarūpamaya āghaveṃ | karūni ghātaleṃ || 116 ||

बाप उदार देवो अपरिमितु । याचक स्वेच्छा सदोदितु । असे सहस्रवरी देतु । सर्वस्व आपुलें ॥ ११७ ॥

bāpa udāra devo aparimitu | yācaka svecchā sadoditu | ase sahasravarī detu | sarvasva āpuleṃ || 117 ||

अहो शेषाचेहि डोळे चोरिले । वेद जयालागीं झकविले । लक्ष्मीयेही राहविलें । जिव्हार जें ॥ ११८ ॥

aho śeṣācehi ḍoḷe corile | veda jayālāgīṃ jhakavile | lakṣmīyehī rāhavileṃ | jivhāra jeṃ || 118 ||

तें आतां प्रकटुनी अनेकधा । करीत विश्वरूपदर्शनाचा धांदा । बाप भाग्या अगाधा । पार्थाचिया ॥ ११९ ॥

teṃ ātāṃ prakaṭunī anekadhā | karīta viśvarūpadarśanācā dhāṃdā | bāpa bhāgyā agādhā | pārthāciyā || 119 ||

जो जागता स्वप्नावस्थे जाये । तो जेवीं स्वप्नींचें आघवें होये । तेवीं अनंत ब्रह्मकटाह आहे । आपणचि जाहला ॥ १२० ॥

jo jāgatā svapnāvasthe jāye | to jevīṃ svapnīṃceṃ āghaveṃ hoye | tevīṃ anaṃta brahmakaṭāha āhe | āpaṇaci jāhalā || 120 ||

ते सहसा मुद्रा सोडिली । आणि स्थूळदृष्टीची जवनिका फेडिली । किंबहुना उघडिली । योगऋद्धी ॥ १२१ ॥

te sahasā mudrā soḍilī | āṇi sthūḷadṛṣṭīcī javanikā pheḍilī | kiṃbahunā ughaḍilī | yogaṛddhī || 121 ||

परी हा हें देखेल कीं नाहीं । ऐसी सेचि न करी कांहीं । एकसरां म्हणतसे पाहीं । स्नेहातुर ॥ १२२ ॥

parī hā heṃ dekhela kīṃ nāhīṃ | aisī seci na karī kāṃhīṃ | ekasarāṃ mhaṇatase pāhīṃ | snehātura || 122 ||

अर्जुना तुवां एक दावा म्हणितलें । आणि तेंचि दावूं तरी काय दाविलें । आतां देखें आघवें भरिलें । माझ्याचि रूपीं ॥ १२३ ॥

arjunā tuvāṃ eka dāvā mhaṇitaleṃ | āṇi teṃci dāvūṃ tarī kāya dāvileṃ | ātāṃ dekheṃ āghaveṃ bharileṃ | mājhyāci rūpīṃ || 123 ||

एकें कृशें एकें स्थूळें । एकें ऱ्हस्वें एकें विशाळें । पृथुतरें सरळें । अप्रांतें एकें ॥ १२४ ॥

ekeṃ kṛśeṃ ekeṃ sthūḷeṃ | ekeṃ ऱhasveṃ ekeṃ viśāḷeṃ | pṛthutareṃ saraḷeṃ | aprāṃteṃ ekeṃ || 124 ||

एकें अनावरें प्रांजळें । सव्यापारें एकें निश्चळें । उदासीनें स्नेहाळें । तीव्रें एकें ॥ १२५ ॥

ekeṃ anāvareṃ prāṃjaḷeṃ | savyāpāreṃ ekeṃ niścaḷeṃ | udāsīneṃ snehāḷeṃ | tīvreṃ ekeṃ || 125 ||

एके घूर्णितें सावधें । असलगें एकें अगाधें । एकें उदारें अतिबद्धें । क्रुद्धें एकें ॥ १२६ ॥

eke ghūrṇiteṃ sāvadheṃ | asalageṃ ekeṃ agādheṃ | ekeṃ udāreṃ atibaddheṃ | kruddheṃ ekeṃ || 126 ||

एकें शांतें सन्मदें । स्तब्धें एकें सानंदें । गर्जितें निःशब्दें । सौम्यें एकें ॥ १२७ ॥

ekeṃ śāṃteṃ sanmadeṃ | stabdheṃ ekeṃ sānaṃdeṃ | garjiteṃ niḥśabdeṃ | saumyeṃ ekeṃ || 127 ||

एकें साभिलाषें विरक्तें । उन्निद्रितें एकें निद्रितें । परितुष्टें एकें आर्तें । प्रसन्नें एकें ॥ १२८ ॥

ekeṃ sābhilāṣeṃ virakteṃ | unnidriteṃ ekeṃ nidriteṃ | parituṣṭeṃ ekeṃ ārteṃ | prasanneṃ ekeṃ || 128 ||

एकें अशस्त्रें सशस्त्रें । एकें रौद्रें अतिमित्रें । भयानकें एकें पवित्रें । लयस्थें एकें ॥ १२९ ॥

ekeṃ aśastreṃ saśastreṃ | ekeṃ raudreṃ atimitreṃ | bhayānakeṃ ekeṃ pavitreṃ | layastheṃ ekeṃ || 129 ||

एकें जनलीलाविलासें । एकें पालनशीलें लालसें । एकें संहारकें सावेशें । साक्षिभूतें एकें ॥ १३० ॥

ekeṃ janalīlāvilāseṃ | ekeṃ pālanaśīleṃ lālaseṃ | ekeṃ saṃhārakeṃ sāveśeṃ | sākṣibhūteṃ ekeṃ || 130 ||

एवं नानाविधें परी बहुवसें । आणि दिव्यतेजप्रकाशें । तेवींचि एकएका ऐसें । वर्णेंही नव्हे ॥ १३१ ॥

evaṃ nānāvidheṃ parī bahuvaseṃ | āṇi divyatejaprakāśeṃ | tevīṃci ekaekā aiseṃ | varṇeṃhī navhe || 131 ||

एकें तातलें साडेपंधरें । तैसीं कपिलवर्णें अपारें । एकें सर्वांगीं जैसें सेंदुरें । डवरलें नभ ॥ १३२ ॥

ekeṃ tātaleṃ sāḍepaṃdhareṃ | taisīṃ kapilavarṇeṃ apāreṃ | ekeṃ sarvāṃgīṃ jaiseṃ seṃdureṃ | ḍavaraleṃ nabha || 132 ||

एकें सावियाचि चुळुकीं । जैसें ब्रह्मकटाह खचिलें माणिकीं । एकें अरुणोदयासारिखीं । कुंकुमवर्णें ॥ १३३ ॥

ekeṃ sāviyāci cuḷukīṃ | jaiseṃ brahmakaṭāha khacileṃ māṇikīṃ | ekeṃ aruṇodayāsārikhīṃ | kuṃkumavarṇeṃ || 133 ||

एकें शुद्धस्फटिकसोज्वळें । एकें इंद्रनीळसुनीळें । एकें अंजनवर्णें सकाळें । रक्तवर्णें एकें ॥ १३४ ॥

ekeṃ śuddhasphaṭikasojvaḷeṃ | ekeṃ iṃdranīḷasunīḷeṃ | ekeṃ aṃjanavarṇeṃ sakāḷeṃ | raktavarṇeṃ ekeṃ || 134 ||

एकें लसत्कांचनसम पिंवळीं । एकें नवजलदश्यामळीं । एकें चांपेगौरीं केवळीं । हरितें एकें ॥ १३५ ॥

ekeṃ lasatkāṃcanasama piṃvaḷīṃ | ekeṃ navajaladaśyāmaḷīṃ | ekeṃ cāṃpegaurīṃ kevaḷīṃ | hariteṃ ekeṃ || 135 ||

एकें तप्तताम्रतांबडीं । एकें श्वेतचंद्र चोखडीं । ऐसीं नानावर्णें रूपडीं । देखें माझीं ॥ १३६ ॥

ekeṃ taptatāmratāṃbaḍīṃ | ekeṃ śvetacaṃdra cokhaḍīṃ | aisīṃ nānāvarṇeṃ rūpaḍīṃ | dekheṃ mājhīṃ || 136 ||

हे जैसे कां आनान वर्ण । तैसें आकृतींही अनारिसेपण । लाजा कंदर्प रिघाला शरण । तैसीं सुंदरें एकें ॥ १३७ ॥

he jaise kāṃ ānāna varṇa | taiseṃ ākṛtīṃhī anārisepaṇa | lājā kaṃdarpa righālā śaraṇa | taisīṃ suṃdareṃ ekeṃ || 137 ||

एकें अतिलावण्यसाकारें । एकें स्निग्धवपु मनोहरें । शृंगारश्रियेचीं भांडारें । उघडिली जैसीं ॥ १३८ ॥

ekeṃ atilāvaṇyasākāreṃ | ekeṃ snigdhavapu manohareṃ | śṛṃgāraśriyecīṃ bhāṃḍāreṃ | ughaḍilī jaisīṃ || 138 ||

एकें पीनावयवमांसाळें । एकें शुष्कें अति विक्राळें । एकें दीर्घकंठें विताळें । विकटें एकें ॥ १३९ ॥

ekeṃ pīnāvayavamāṃsāḷeṃ | ekeṃ śuṣkeṃ ati vikrāḷeṃ | ekeṃ dīrghakaṃṭheṃ vitāḷeṃ | vikaṭeṃ ekeṃ || 139 ||

एवं नानाविधाकृती । इयां पाहतां पारु नाहीं सुभद्रापती । ययांच्या एकेकीं अंगप्रांतीं । देख पां जग ॥ १४० ॥

evaṃ nānāvidhākṛtī | iyāṃ pāhatāṃ pāru nāhīṃ subhadrāpatī | yayāṃcyā ekekīṃ aṃgaprāṃtīṃ | dekha pāṃ jaga || 140 ||

जेथ उन्मीलन होत आहे दिठी । तेथ पसरती आदित्यांचिया सृष्टी । पुढती निमीलनीं मिठीं । देत आहाती ॥ १४१ ॥

jetha unmīlana hota āhe diṭhī | tetha pasaratī ādityāṃciyā sṛṣṭī | puḍhatī nimīlanīṃ miṭhīṃ | deta āhātī || 141 ||

वदनींचिया वाफेसवें । होत ज्वाळामय आघवें । जेथ पावकादिक पावे । समूह वसूंचा ॥ १४२ ॥

vadanīṃciyā vāphesaveṃ | hota jvāḷāmaya āghaveṃ | jetha pāvakādika pāve | samūha vasūṃcā || 142 ||

आणि भ्रूलतांचे शेवट । कोपें मिळों पाहतीं एकवट । तेथ रुद्रगणांचे संघाट । अवतरत देखें ॥ १४३ ॥

āṇi bhrūlatāṃce śevaṭa | kopeṃ miḷoṃ pāhatīṃ ekavaṭa | tetha rudragaṇāṃce saṃghāṭa | avatarata dekheṃ || 143 ||

पैं सौम्यतेचा बोलावा । मिती नेणिजे अश्विनौदेवां । श्रोत्रीं होती पांडवा । अनेक वायु ॥ १४४ ॥

paiṃ saumyatecā bolāvā | mitī neṇije aśvinaudevāṃ | śrotrīṃ hotī pāṃḍavā | aneka vāyu || 144 ||

यापरी एकेकाचिये लीळे । जन्मती सुरसिद्धांचीं कुळें । ऐसीं अपारें आणि विशाळें । रूपें इयें पाहीं ॥ १४५ ॥

yāparī ekekāciye līḷe | janmatī surasiddhāṃcīṃ kuḷeṃ | aisīṃ apāreṃ āṇi viśāḷeṃ | rūpeṃ iyeṃ pāhīṃ || 145 ||

जयांतें सांगावया वेद बोबडे । पहावया काळाचेंही आयुष्य थोकडें । धातयाही परी न सांपडे । ठाव जयांचा ॥ १४६ ॥

jayāṃteṃ sāṃgāvayā veda bobaḍe | pahāvayā kāḷāceṃhī āyuṣya thokaḍeṃ | dhātayāhī parī na sāṃpaḍe | ṭhāva jayāṃcā || 146 ||

जयांतें देवत्रयी कधीं नायके । तियें इयें प्रत्यक्ष देख अनेकें । भोगीं आश्चर्याची कवतिकें । महासिद्धी ॥ १४७ ॥

jayāṃteṃ devatrayī kadhīṃ nāyake | tiyeṃ iyeṃ pratyakṣa dekha anekeṃ | bhogīṃ āścaryācī kavatikeṃ | mahāsiddhī || 147 ||

इया मूर्तीचिया किरीटी । रोममूळीं देखें पां सृष्टी । सुरतरुतळवटीं । तृणांकुर जैसे ॥ १४८ ॥

iyā mūrtīciyā kirīṭī | romamūḷīṃ dekheṃ pāṃ sṛṣṭī | suratarutaḷavaṭīṃ | tṛṇāṃkura jaise || 148 ||

चंडवाताचेनि प्रकाशें । उडत परमाणु दिसती जैसे । भ्रमत ब्रह्मकटाह तैसें । अवयवसंधीं ॥ १४९ ॥

caṃḍavātāceni prakāśeṃ | uḍata paramāṇu disatī jaise | bhramata brahmakaṭāha taiseṃ | avayavasaṃdhīṃ || 149 ||

एथ एकैकाचिया प्रदेशीं । विश्व देख विस्तारेंशी । आणि विश्वाही परौतें मानसीं । जरी देखावें वर्ते ॥ १५० ॥

etha ekaikāciyā pradeśīṃ | viśva dekha vistāreṃśī | āṇi viśvāhī parauteṃ mānasīṃ | jarī dekhāveṃ varte || 150 ||

तरी इयेही विषयींचें कांहीं । एथ सर्वथा सांकडें नाहीं । सुखें आवडे तें माझिया देहीं । देखसी तूं ॥ १५१ ॥

tarī iyehī viṣayīṃceṃ kāṃhīṃ | etha sarvathā sāṃkaḍeṃ nāhīṃ | sukheṃ āvaḍe teṃ mājhiyā dehīṃ | dekhasī tūṃ || 151 ||

ऐसें विश्वमूर्ती तेणें । बोलिलें कारुण्यपूर्णें । तंव देखत आहे कीं नाहीं न म्हणे । निवांतुचि येरु ॥ १५२ ॥

aiseṃ viśvamūrtī teṇeṃ | bolileṃ kāruṇyapūrṇeṃ | taṃva dekhata āhe kīṃ nāhīṃ na mhaṇe | nivāṃtuci yeru || 152 ||

एथ कां पां हा उगला ? । म्हणौनि श्रीकृष्णें जंव पाहिला । तंव आर्तीचें लेणें लेइला । तैसाचि आहे ॥ १५३ ॥

etha kāṃ pāṃ hā ugalā ? | mhaṇauni śrīkṛṣṇeṃ jaṃva pāhilā | taṃva ārtīceṃ leṇeṃ leilā | taisāci āhe || 153 ||

मग म्हणें उत्कंठे वोहट न पडे । अझुनी सुखाची सोय न सांपडे । परी दाविलें तें फुडें । नाकळेचि यया ॥ १५४ ॥

maga mhaṇeṃ utkaṃṭhe vohaṭa na paḍe | ajhunī sukhācī soya na sāṃpaḍe | parī dāvileṃ teṃ phuḍeṃ | nākaḷeci yayā || 154 ||

हे बोलोनि देवो हांसिले । हांसोनि देखणियातें म्हणितलें । आम्हीं विश्वरूप तरी दाविलें । परी न देखसीच तूं ॥ १५५ ॥

he boloni devo hāṃsile | hāṃsoni dekhaṇiyāteṃ mhaṇitaleṃ | āmhīṃ viśvarūpa tarī dāvileṃ | parī na dekhasīca tūṃ || 155 ||

यया बोला येरें विचक्षणें । म्हणितलें हां जी कवणासी तें उणें ? । तुम्ही बकाकरवीं चांदिणें । चरऊं पहा मा ॥ १५६ ॥

yayā bolā yereṃ vicakṣaṇeṃ | mhaṇitaleṃ hāṃ jī kavaṇāsī teṃ uṇeṃ ? | tumhī bakākaravīṃ cāṃdiṇeṃ | caraūṃ pahā mā || 156 ||

हां हो उटोनियां आरिसा । आंधळिया दाऊं बैसा । बहिरियापुढें हृषीकेशा । गाणीव करा ॥ १५७ ॥

hāṃ ho uṭoniyāṃ ārisā | āṃdhaḷiyā dāūṃ baisā | bahiriyāpuḍheṃ hṛṣīkeśā | gāṇīva karā || 157 ||

मकरंदकणाचा चारा । जाणतां घालूनि दर्दुरा । वायां धाडा शारङ्गधरा । कोपा कवणा ॥ १५८ ॥

makaraṃdakaṇācā cārā | jāṇatāṃ ghālūni dardurā | vāyāṃ dhāḍā śāraṅgadharā | kopā kavaṇā || 158 ||

जें अतींद्रिय म्हणौनि व्यवस्थिलें । केवळ ज्ञानदृष्टीचिया भागा फिटलें । तें तुम्हीं चर्मचक्षूंपुढें सूदलें । मी कैसेनि देखें ॥ १५९ ॥

jeṃ atīṃdriya mhaṇauni vyavasthileṃ | kevaḷa jñānadṛṣṭīciyā bhāgā phiṭaleṃ | teṃ tumhīṃ carmacakṣūṃpuḍheṃ sūdaleṃ | mī kaiseni dekheṃ || 159 ||

परी हें तुमचें उणें न बोलावें । मीचि साहें तेंचि बरवें । एथ आथि म्हणितलें देवें । मानूं बापा ॥ १६० ॥

parī heṃ tumaceṃ uṇeṃ na bolāveṃ | mīci sāheṃ teṃci baraveṃ | etha āthi mhaṇitaleṃ deveṃ | mānūṃ bāpā || 160 ||

साच विश्वरूप जरी आम्ही दावावें । तरी आधीं देखावया सामर्थ्य कीं द्यावें । परी बोलत बोलत प्रेमभावें । धसाळ गेलों ॥ १६१ ॥

sāca viśvarūpa jarī āmhī dāvāveṃ | tarī ādhīṃ dekhāvayā sāmarthya kīṃ dyāveṃ | parī bolata bolata premabhāveṃ | dhasāḷa geloṃ || 161 ||

काय जाहलें न वाहतां भुई पेरिजे । तरी तो वेलु विलया जाइजे । तरी आतां माझें निजरूप देखिजे । तें दृष्टी देवों तुज ॥ १६२ ॥

kāya jāhaleṃ na vāhatāṃ bhuī perije | tarī to velu vilayā jāije | tarī ātāṃ mājheṃ nijarūpa dekhije | teṃ dṛṣṭī devoṃ tuja || 162 ||

मग तिया दृष्टी पांडवा । आमुचा ऐश्वर्ययोगु आघवा । देखोनियां अनुभवा । माजिवडा करीं ॥ १६३ ॥

maga tiyā dṛṣṭī pāṃḍavā | āmucā aiśvaryayogu āghavā | dekhoniyāṃ anubhavā | mājivaḍā karīṃ || 163 ||

ऐसें तेणें वेदांतवेद्यें । सकळ लोक आद्यें । बोलिलें आराध्यें । जगाचेनि ॥ १६४ ॥

aiseṃ teṇeṃ vedāṃtavedyeṃ | sakaḷa loka ādyeṃ | bolileṃ ārādhyeṃ | jagāceni || 164 ||

पैं कौरवकुलचक्रवर्ती । मज हाचि विस्मयो पुढतपुढती । जे श्रियेहूनि त्रिजगतीं । सदैव असे कवणी ? ॥ १६५ ॥

paiṃ kauravakulacakravartī | maja hāci vismayo puḍhatapuḍhatī | je śriyehūni trijagatīṃ | sadaiva ase kavaṇī ? || 165 ||

ना तरी खुणेचें वानावयालागीं । श्रुतीवांचूनि दावा पां जगीं । ना सेवकपण तरी आंगीं । शेषाच्याचि आथी ॥ १६६ ॥

nā tarī khuṇeceṃ vānāvayālāgīṃ | śrutīvāṃcūni dāvā pāṃ jagīṃ | nā sevakapaṇa tarī āṃgīṃ | śeṣācyāci āthī || 166 ||

हां हो जयाचेनि सोसें । शिणत आठही पहार योगी जैसे । अनुसरलें गरुडाऐसें । कवण आहे ? ॥ १६७ ॥

hāṃ ho jayāceni soseṃ | śiṇata āṭhahī pahāra yogī jaise | anusaraleṃ garuḍāaiseṃ | kavaṇa āhe ? || 167 ||

परी तें आघवेंचि एकीकडे ठेलें । सापें कृष्णसुख एकंदरें जाहलें । जिये दिवूनि जन्मले । पांडव हे ॥ १६८ ॥

parī teṃ āghaveṃci ekīkaḍe ṭheleṃ | sāpeṃ kṛṣṇasukha ekaṃdareṃ jāhaleṃ | jiye divūni janmale | pāṃḍava he || 168 ||

परी पांचांही आंतु अर्जुना । श्रीकृष्ण सावियाचि जाहला अधीना । कामुक कां जैसा अंगना । आपैता कीजे ॥ १६९ ॥

parī pāṃcāṃhī āṃtu arjunā | śrīkṛṣṇa sāviyāci jāhalā adhīnā | kāmuka kāṃ jaisā aṃganā | āpaitā kīje || 169 ||

पढविलें पाखरूं ऐसें न बोले । यापरी क्रीडामृगही तैसा न चले । कैसें दैव एथें सुरवाडलें । तें जाणों न ये ॥ १७० ॥

paḍhavileṃ pākharūṃ aiseṃ na bole | yāparī krīḍāmṛgahī taisā na cale | kaiseṃ daiva etheṃ suravāḍaleṃ | teṃ jāṇoṃ na ye || 170 ||

आजि हें परब्रह्म सगळें । भोगावया सदैव याचेचि डोळे । कैसे वाचेनि हन लळे । पाळीत असे ॥ १७१ ॥

āji heṃ parabrahma sagaḷeṃ | bhogāvayā sadaiva yāceci ḍoḷe | kaise vāceni hana laḷe | pāḷīta ase || 171 ||

हा कोपे कीं निवांतु साहे । हा रुसे तरी बुझावीत जाये । नवल पिसें लागलें आहे । पार्थाचें देवा ॥ १७२ ॥

hā kope kīṃ nivāṃtu sāhe | hā ruse tarī bujhāvīta jāye | navala piseṃ lāgaleṃ āhe | pārthāceṃ devā || 172 ||

एऱ्हवीं विषय जिणोनि जन्मले । जे शुकादिक दादुले । ते विषयोचि वानितां जाहले । भाट ययाचें ॥ १७३ ॥

eऱhavīṃ viṣaya jiṇoni janmale | je śukādika dādule | te viṣayoci vānitāṃ jāhale | bhāṭa yayāceṃ || 173 ||

हा योगियांचें समाधिधन । कीं होऊनि ठेले पार्थाआधीन । यालागीं विस्मयो माझें मन । करीतसे राया ॥ १७४ ॥

hā yogiyāṃceṃ samādhidhana | kīṃ hoūni ṭhele pārthāādhīna | yālāgīṃ vismayo mājheṃ mana | karītase rāyā || 174 ||

तेवींचि संजय म्हणे कायसा । विस्मयो एथें कौरवेशा । श्रीकृष्णें स्वीकारिजे तया ऐसा । भाग्योदय होय ॥ १७५ ॥

tevīṃci saṃjaya mhaṇe kāyasā | vismayo etheṃ kauraveśā | śrīkṛṣṇeṃ svīkārije tayā aisā | bhāgyodaya hoya || 175 ||

म्हणौनि तो देवांचा रावो । म्हणे पार्थाते तुज दृष्टि देवों । जया विश्वरूपाचा ठावो । देखसी तूं ॥ १७६ ॥

mhaṇauni to devāṃcā rāvo | mhaṇe pārthāte tuja dṛṣṭi devoṃ | jayā viśvarūpācā ṭhāvo | dekhasī tūṃ || 176 ||

ऐसी श्रीमुखौनि अक्षरें । निघती ना जंव एकसरें । तंव अविद्येचे आंधारें । जावोंचि लागे ॥ १७७ ॥

aisī śrīmukhauni akṣareṃ | nighatī nā jaṃva ekasareṃ | taṃva avidyece āṃdhāreṃ | jāvoṃci lāge || 177 ||

तीं अक्षरें नव्हती देखा । ब्रह्मसाम्राज्यदीपिका । अर्जुनालागीं चित्कळिका । उजळलिया श्रीकृष्णें ॥ १७८ ॥

tīṃ akṣareṃ navhatī dekhā | brahmasāmrājyadīpikā | arjunālāgīṃ citkaḷikā | ujaḷaliyā śrīkṛṣṇeṃ || 178 ||

मग दिव्यचक्षुप्रकाशु प्रगटला । तया ज्ञानदृष्टी फांटा फुटला । ययापरी दाविता जाहला । ऐश्वर्य आपुलें ॥ १७९ ॥

maga divyacakṣuprakāśu pragaṭalā | tayā jñānadṛṣṭī phāṃṭā phuṭalā | yayāparī dāvitā jāhalā | aiśvarya āpuleṃ || 179 ||

हे अवतार जे सकळ । ते जिये समुद्रींचे कां कल्लोळ । विश्व हें मृगजळ । जया रश्मीस्तव दिसे ॥ १८० ॥

he avatāra je sakaḷa | te jiye samudrīṃce kāṃ kalloḷa | viśva heṃ mṛgajaḷa | jayā raśmīstava dise || 180 ||

जिये अनादिभूमिके निटे । चराचर हें चित्र उमटे । आपणपें श्रीवैकुंठें । दाविलें तया ॥ १८१ ॥

jiye anādibhūmike niṭe | carācara heṃ citra umaṭe | āpaṇapeṃ śrīvaikuṃṭheṃ | dāvileṃ tayā || 181 ||

मागां बाळपणीं येणें श्रीपती । जैं एक वेळ खादली होती माती । तैं कोपोनियां हातीं । यशोदां धरिला ॥ १८२ ॥

māgāṃ bāḷapaṇīṃ yeṇeṃ śrīpatī | jaiṃ eka veḷa khādalī hotī mātī | taiṃ koponiyāṃ hātīṃ | yaśodāṃ dharilā || 182 ||

मग भेणें भेणें जैसें । मुखीं झाडा द्यावयाचेनि मिसें । चवदाही भुवनें सावकाशें । दाविलीं तिये ॥ १८३ ॥

maga bheṇeṃ bheṇeṃ jaiseṃ | mukhīṃ jhāḍā dyāvayāceni miseṃ | cavadāhī bhuvaneṃ sāvakāśeṃ | dāvilīṃ tiye || 183 ||

ना तरी मधुवनीं ध्रुवासि केलें । जैसें कपोल शंखें शिवतलें । आणि वेदांचियेही मतीं ठेलें । तें लागला बोलों ॥ १८४ ॥

nā tarī madhuvanīṃ dhruvāsi keleṃ | jaiseṃ kapola śaṃkheṃ śivataleṃ | āṇi vedāṃciyehī matīṃ ṭheleṃ | teṃ lāgalā boloṃ || 184 ||

तैसा अनुग्रहो पैं राया । श्रीहरी केला धनंजया । आतां कवणेकडेही माया । ऐसी भाष नेणेंचि तो ॥ १८५ ॥

taisā anugraho paiṃ rāyā | śrīharī kelā dhanaṃjayā | ātāṃ kavaṇekaḍehī māyā | aisī bhāṣa neṇeṃci to || 185 ||

एकसरें ऐश्वर्यतेजें पाहलें । तया चमत्काराचें एकार्णव जाहलें । चित्त समाजीं बुडोनि ठेलें । विस्मयाचिया ॥ १८६ ॥

ekasareṃ aiśvaryatejeṃ pāhaleṃ | tayā camatkārāceṃ ekārṇava jāhaleṃ | citta samājīṃ buḍoni ṭheleṃ | vismayāciyā || 186 ||

जैसा आब्रह्म पूर्णोदकीं । पव्हे मार्कंडेय एकाकीं । तैसा विश्वरूप कौतुकीं । पार्थु लोळे ॥ १८७ ॥

jaisā ābrahma pūrṇodakīṃ | pavhe mārkaṃḍeya ekākīṃ | taisā viśvarūpa kautukīṃ | pārthu loḷe || 187 ||

म्हणे केवढें गगन एथ होतें । तें कवणें नेलें पां केउतें । तीं चराचर महाभूतें । काय जाहलीं ? ॥ १८८ ॥

mhaṇe kevaḍheṃ gagana etha hoteṃ | teṃ kavaṇeṃ neleṃ pāṃ keuteṃ | tīṃ carācara mahābhūteṃ | kāya jāhalīṃ ? || 188 ||

दिशांचे ठावही हारपले । आधोर्ध्व काय नेणों जाहले । चेइलिया स्वप्न तैसे गेले । लोकाकार ॥ १८९ ॥

diśāṃce ṭhāvahī hārapale | ādhordhva kāya neṇoṃ jāhale | ceiliyā svapna taise gele | lokākāra || 189 ||

नाना सूर्यतेजप्रतापें । सचंद्र तारांगण जैसें लोपे । तैसीं गिळिलीं विश्वरूपें । प्रपंचरचना ॥ १९० ॥

nānā sūryatejapratāpeṃ | sacaṃdra tārāṃgaṇa jaiseṃ lope | taisīṃ giḷilīṃ viśvarūpeṃ | prapaṃcaracanā || 190 ||

तेव्हां मनासी मनपण न स्फुरे । बुद्धि आपणपें न सांवरें । इंद्रियांचे रश्मी माघारे । हृदयवरी भरले ॥ १९१ ॥

tevhāṃ manāsī manapaṇa na sphure | buddhi āpaṇapeṃ na sāṃvareṃ | iṃdriyāṃce raśmī māghāre | hṛdayavarī bharale || 191 ||

तेथ ताटस्थ्या ताटस्थ्य पडिलें । टकासी टक लागले । जैसें मोहनास्त्र घातलें । विचारजातां ॥ १९२ ॥

tetha tāṭasthyā tāṭasthya paḍileṃ | ṭakāsī ṭaka lāgale | jaiseṃ mohanāstra ghātaleṃ | vicārajātāṃ || 192 ||

तैसा विस्मितु पाहे कोडें । तंव पुढां होतें चतुर्भुज रूपडें । तेंचि नानारूप चहूंकडे । मांडोनि ठेलें ॥ १९३ ॥

taisā vismitu pāhe koḍeṃ | taṃva puḍhāṃ hoteṃ caturbhuja rūpaḍeṃ | teṃci nānārūpa cahūṃkaḍe | māṃḍoni ṭheleṃ || 193 ||

जैसें वर्षाकाळींचे मेघौडे । कां महाप्रळयींचें तेज वाढे । तैसें आपणावीण कवणीकडे । नेदीचि उरों ॥ १९४ ॥

jaiseṃ varṣākāḷīṃce meghauḍe | kāṃ mahāpraḷayīṃceṃ teja vāḍhe | taiseṃ āpaṇāvīṇa kavaṇīkaḍe | nedīci uroṃ || 194 ||

प्रथम स्वरूपसमाधान । पावोनि ठेला अर्जुन । सवेचि उघडी लोचन । तंव विश्वरूप देखें ॥ १९५ ॥

prathama svarūpasamādhāna | pāvoni ṭhelā arjuna | saveci ughaḍī locana | taṃva viśvarūpa dekheṃ || 195 ||

इहींचि दोहीं डोळां । पाहावें विश्वरूपा सकळा । तो श्रीकृष्णें सोहळा । पुरविला ऐसा ॥ १९६ ॥

ihīṃci dohīṃ ḍoḷāṃ | pāhāveṃ viśvarūpā sakaḷā | to śrīkṛṣṇeṃ sohaḷā | puravilā aisā || 196 ||

मग तेथ सैंघ देखे वदनें । जैसी रमानायकाचीं राजभुवनें । नाना प्रगटलीं निधानें । लावण्यश्रियेचीं ॥ १९७ ॥

maga tetha saiṃgha dekhe vadaneṃ | jaisī ramānāyakācīṃ rājabhuvaneṃ | nānā pragaṭalīṃ nidhāneṃ | lāvaṇyaśriyecīṃ || 197 ||

कीं आनंदाची वनें सासिन्नलीं । जैसी सौंदर्या राणीव जोडली । तैसीं मनोहरें देखिलीं । हरीचीं वक्त्रें ॥ १९८ ॥

kīṃ ānaṃdācī vaneṃ sāsinnalīṃ | jaisī sauṃdaryā rāṇīva joḍalī | taisīṃ manohareṃ dekhilīṃ | harīcīṃ vaktreṃ || 198 ||

तयांही माजीं एकैकें । सावियाचि भयानकें । काळरात्रीचीं कटकें । उठवलीं जैसीं ॥ १९९ ॥

tayāṃhī mājīṃ ekaikeṃ | sāviyāci bhayānakeṃ | kāḷarātrīcīṃ kaṭakeṃ | uṭhavalīṃ jaisīṃ || 199 ||

कीं मृत्यूसीचि मुखें जाहलीं । हो कां जें भयाचीं दुर्गें पन्नासिलीं । कीं महाकुंडें उघडलीं । प्रळयानळाचीं ॥ २०० ॥

kīṃ mṛtyūsīci mukheṃ jāhalīṃ | ho kāṃ jeṃ bhayācīṃ durgeṃ pannāsilīṃ | kīṃ mahākuṃḍeṃ ughaḍalīṃ | praḷayānaḷācīṃ || 200 ||

तैसीं अद्भुतें भयासुरें । तेथ वदनें देखिलीं वीरें । आणिकें असाधारणें साळंकारें । सौम्यें बहुतें ॥ २०१ ॥

taisīṃ adbhuteṃ bhayāsureṃ | tetha vadaneṃ dekhilīṃ vīreṃ | āṇikeṃ asādhāraṇeṃ sāḷaṃkāreṃ | saumyeṃ bahuteṃ || 201 ||

पैं ज्ञानदृष्टीचेनि अवलोकें । परी वदनांचा शेवटु न टके । मग लोचन तें कवतिकें । लागला पाहों ॥ २०२ ॥

paiṃ jñānadṛṣṭīceni avalokeṃ | parī vadanāṃcā śevaṭu na ṭake | maga locana teṃ kavatikeṃ | lāgalā pāhoṃ || 202 ||

तंव नानावर्णें कमळवनें । विकासिलीं तैसे अर्जुनें । डोळे देखिले पालिंगनें । आदित्यांचीं ॥ २०३ ॥

taṃva nānāvarṇeṃ kamaḷavaneṃ | vikāsilīṃ taise arjuneṃ | ḍoḷe dekhile pāliṃganeṃ | ādityāṃcīṃ || 203 ||

तेथेंचि कृष्णमेघांचिया दाटी- । माजीं कल्पांत विजूंचिया स्फुटी । तैसिया वन्हि पिंगळा दिठी । भ्रूभंगातळीं ॥ २०४ ॥

tetheṃci kṛṣṇameghāṃciyā dāṭī- | mājīṃ kalpāṃta vijūṃciyā sphuṭī | taisiyā vanhi piṃgaḷā diṭhī | bhrūbhaṃgātaḷīṃ || 204 ||

हें एकैक आश्चर्य पाहतां । तिये एकेचि रूपीं पंडुसुता । दर्शनाची अनेकता । प्रतिफळली ॥ २०५ ॥

heṃ ekaika āścarya pāhatāṃ | tiye ekeci rūpīṃ paṃḍusutā | darśanācī anekatā | pratiphaḷalī || 205 ||

मग म्हणे चरण ते कवणेकडे । केउते मुकुट कें दोर्दंडें । ऐसी वाढविताहे कोडें । चाड देखावयाची ॥ २०६ ॥

maga mhaṇe caraṇa te kavaṇekaḍe | keute mukuṭa keṃ dordaṃḍeṃ | aisī vāḍhavitāhe koḍeṃ | cāḍa dekhāvayācī || 206 ||

तेथ भाग्यनिधि पार्था । कां विफलत्व होईल मनोरथा । काय पिनाकपाणीचिया भातां । वायकांडीं आहाती ? ॥ २०७ ॥

tetha bhāgyanidhi pārthā | kāṃ viphalatva hoīla manorathā | kāya pinākapāṇīciyā bhātāṃ | vāyakāṃḍīṃ āhātī ? || 207 ||

ना तरी चतुराननाचिये वाचे । काय आहाती लटिकिया अक्षरांचे साचे ? । म्हणौनि साद्यंतपण अपारांचे । देखिलें तेणें ॥ २०८ ॥

nā tarī caturānanāciye vāce | kāya āhātī laṭikiyā akṣarāṃce sāce ? | mhaṇauni sādyaṃtapaṇa apārāṃce | dekhileṃ teṇeṃ || 208 ||

जयाची सोय वेदां नाकळे । तयाचे सकळावयव एकेचि वेळे । अर्जुनाचे दोन्ही डोळे । भोगिते जाहले ॥ २०९ ॥

jayācī soya vedāṃ nākaḷe | tayāce sakaḷāvayava ekeci veḷe | arjunāce donhī ḍoḷe | bhogite jāhale || 209 ||

चरणौनि मुकुटवरी । देखत विश्वरूपाची थोरी । जे नाना रत्न अळंकारीं । मिरवत असे ॥ २१० ॥

caraṇauni mukuṭavarī | dekhata viśvarūpācī thorī | je nānā ratna aḷaṃkārīṃ | miravata ase || 210 ||

परब्रह्म आपुलेनि आंगें । ल्यावया आपणचि जाहला अनेगें । तियें लेणीं मी सांगें । काइसयासारिखीं ॥ २११ ॥

parabrahma āpuleni āṃgeṃ | lyāvayā āpaṇaci jāhalā anegeṃ | tiyeṃ leṇīṃ mī sāṃgeṃ | kāisayāsārikhīṃ || 211 ||

जिये प्रभेचिये झळाळा । उजाळु चंद्रादित्यमंडळा । जे महातेजाचा जिव्हाळा । जेणें विश्व प्रगटे ॥ २१२ ॥

jiye prabheciye jhaḷāḷā | ujāḷu caṃdrādityamaṃḍaḷā | je mahātejācā jivhāḷā | jeṇeṃ viśva pragaṭe || 212 ||

तो दिव्यतेज शृंगारु । कोणाचिये मतीसी होय गोचरु । देव आपणपेंचि लेइले ऐसें वीरु । देखत असे ॥ २१३ ॥

to divyateja śṛṃgāru | koṇāciye matīsī hoya gocaru | deva āpaṇapeṃci leile aiseṃ vīru | dekhata ase || 213 ||

मग तेथेंचि ज्ञानाचिया डोळां । पहात करपल्लवां जंव सरळा । तंव तोडित कल्पांतींचिया ज्वाळा । तैसीं शस्त्रें झळकत देखे ॥ २१४ ॥

maga tetheṃci jñānāciyā ḍoḷāṃ | pahāta karapallavāṃ jaṃva saraḷā | taṃva toḍita kalpāṃtīṃciyā jvāḷā | taisīṃ śastreṃ jhaḷakata dekhe || 214 ||

आपण आंग आपण अलंकार । आपण हात आपण हतियार । आपण जीव आपण शरीर । देखें चराचर कोंदलें देवें ॥ २१५ ॥

āpaṇa āṃga āpaṇa alaṃkāra | āpaṇa hāta āpaṇa hatiyāra | āpaṇa jīva āpaṇa śarīra | dekheṃ carācara koṃdaleṃ deveṃ || 215 ||

जयाचिया किरणांचे निखरपणें । नक्षत्रांचे होत फुटाणे । तेजें खिरडला वन्हि म्हणे । समुद्रीं रिघों ॥ २१६ ॥

jayāciyā kiraṇāṃce nikharapaṇeṃ | nakṣatrāṃce hota phuṭāṇe | tejeṃ khiraḍalā vanhi mhaṇe | samudrīṃ righoṃ || 216 ||

मग कालकूटकल्लोळीं कवळिलें । नाना महाविजूंचें दांग उमटलें । तैसे अपार कर देखिले । उदितायुधीं ॥ २१७ ॥

maga kālakūṭakalloḷīṃ kavaḷileṃ | nānā mahāvijūṃceṃ dāṃga umaṭaleṃ | taise apāra kara dekhile | uditāyudhīṃ || 217 ||

कीं भेणें तेथूनि काढिली दिठी । मग कंठमुगुट पहातसे किरीटी । तंव सुरतरूची सृष्टी । जयांपासोनि कां जाहली ॥ २१८ ॥

kīṃ bheṇeṃ tethūni kāḍhilī diṭhī | maga kaṃṭhamuguṭa pahātase kirīṭī | taṃva suratarūcī sṛṣṭī | jayāṃpāsoni kāṃ jāhalī || 218 ||

जिये महासिद्धींचीं मूळपीठें । शिणली कमळा जेथ वावटे । तैसीं कुसुमें अति चोखटें । तुरंबिलीं देखिलीं ॥ २१९ ॥

jiye mahāsiddhīṃcīṃ mūḷapīṭheṃ | śiṇalī kamaḷā jetha vāvaṭe | taisīṃ kusumeṃ ati cokhaṭeṃ | turaṃbilīṃ dekhilīṃ || 219 ||

मुगुटावरी स्तबक । ठायीं ठायीं पूजाबंध अनेक । कंठीं रुळताति अलौकिक । माळादंड ॥ २२० ॥

muguṭāvarī stabaka | ṭhāyīṃ ṭhāyīṃ pūjābaṃdha aneka | kaṃṭhīṃ ruḷatāti alaukika | māḷādaṃḍa || 220 ||

स्वर्गें सूर्यतेज वेढिलें । जैसें पंधरेनें मेरूतें मढिलें । तैसें नितंबावरी गाढिलें । पीतांबरु झळके ॥ २२१ ॥

svargeṃ sūryateja veḍhileṃ | jaiseṃ paṃdhareneṃ merūteṃ maḍhileṃ | taiseṃ nitaṃbāvarī gāḍhileṃ | pītāṃbaru jhaḷake || 221 ||

श्रीमहादेवो कापुरें उटिला । कां कैलासु पारजें डवरिला । नाना क्षीरोदकें पांघरविला । क्षीरार्णवो जैसा ॥ २२२ ॥

śrīmahādevo kāpureṃ uṭilā | kāṃ kailāsu pārajeṃ ḍavarilā | nānā kṣīrodakeṃ pāṃgharavilā | kṣīrārṇavo jaisā || 222 ||

जैसी चंद्रमयाची घडी उपलविली । मग गगनाकरवीं बुंथी घेवविली । तैसीं चंदनपिंजरी देखिली । सर्वांगीं तेणें ॥ २२३ ॥

jaisī caṃdramayācī ghaḍī upalavilī | maga gaganākaravīṃ buṃthī ghevavilī | taisīṃ caṃdanapiṃjarī dekhilī | sarvāṃgīṃ teṇeṃ || 223 ||

जेणें स्वप्रकाशा कांतीं चढे । ब्रह्मानंदाचा निदाघु मोडे । जयाचेनि सौरभ्यें जीवित जोडे । वेदवतीये ॥ २२४ ॥

jeṇeṃ svaprakāśā kāṃtīṃ caḍhe | brahmānaṃdācā nidāghu moḍe | jayāceni saurabhyeṃ jīvita joḍe | vedavatīye || 224 ||

जयाचे निर्लेप अनुलेपु करी । जे अनंगुही सर्वांगीं धरी । तया सुगंधाची थोरी । कवण वानी ? ॥ २२५ ॥

jayāce nirlepa anulepu karī | je anaṃguhī sarvāṃgīṃ dharī | tayā sugaṃdhācī thorī | kavaṇa vānī ? || 225 ||

ऐसी एकैक शृंगारशोभा । पाहतां अर्जुन जातसें क्षोभा । तेवींचि देवो बैसला कीं उभा । का शयालु हें नेणवें ॥ २२६ ॥

aisī ekaika śṛṃgāraśobhā | pāhatāṃ arjuna jātaseṃ kṣobhā | tevīṃci devo baisalā kīṃ ubhā | kā śayālu heṃ neṇaveṃ || 226 ||

बाहेर दिठी उघडोनि पाहे । तंव आघवें मूर्तिमय देखत आहे । मग आतां न पाहें म्हणौनि उगा राहे । तरी आंतुही तैसेंचि ॥ २२७ ॥

bāhera diṭhī ughaḍoni pāhe | taṃva āghaveṃ mūrtimaya dekhata āhe | maga ātāṃ na pāheṃ mhaṇauni ugā rāhe | tarī āṃtuhī taiseṃci || 227 ||

अनावरें मुखें समोर देखे । तयाभेणें पाठीमोरा जंव ठाके । तंव तयाहीकडे श्रीमुखें । करचरण तैसेचि ॥ २२८ ॥

anāvareṃ mukheṃ samora dekhe | tayābheṇeṃ pāṭhīmorā jaṃva ṭhāke | taṃva tayāhīkaḍe śrīmukheṃ | karacaraṇa taiseci || 228 ||

अहो पाहतां कीर प्रतिभासे । एथ नवलावो काय असे ? । परि न पाहतांही दिसे । चोज आइका ॥ २२९ ॥

aho pāhatāṃ kīra pratibhāse | etha navalāvo kāya ase ? | pari na pāhatāṃhī dise | coja āikā || 229 ||

कैसें अनुग्रहाचें करणें । पार्थाचें पाहणें आणि न पाहणें । तयाही सकट नारायणें । व्यापूनि घेतलें ॥ २३० ॥

kaiseṃ anugrahāceṃ karaṇeṃ | pārthāceṃ pāhaṇeṃ āṇi na pāhaṇeṃ | tayāhī sakaṭa nārāyaṇeṃ | vyāpūni ghetaleṃ || 230 ||

म्हणौनि आश्चर्याच्या पुरीं एकीं । पडिला ठायेठाव थडीं ठाकी । तंव चमत्काराचिया आणिकीं । महार्णवीं पडे ॥ २३१ ॥

mhaṇauni āścaryācyā purīṃ ekīṃ | paḍilā ṭhāyeṭhāva thaḍīṃ ṭhākī | taṃva camatkārāciyā āṇikīṃ | mahārṇavīṃ paḍe || 231 ||

तैसा अर्जुनु असाधारणें । आपुलिया दर्शनाचेनि विंदाणें । कवळूनि घेतला तेणें । अनंतरूपें ॥ २३२ ॥

taisā arjunu asādhāraṇeṃ | āpuliyā darśanāceni viṃdāṇeṃ | kavaḷūni ghetalā teṇeṃ | anaṃtarūpeṃ || 232 ||

तो विश्वतोमुख स्वभावें । आणि तेचि दावावयालागीं पांडवें । प्रार्थिला आतां आघवें । होऊनि ठेला ॥ २३३ ॥

to viśvatomukha svabhāveṃ | āṇi teci dāvāvayālāgīṃ pāṃḍaveṃ | prārthilā ātāṃ āghaveṃ | hoūni ṭhelā || 233 ||

आणि दीपें कां सूर्यें प्रगटे । अथवा निमुटलिया देखावेंचि खुंटे । तैसी दिठी नव्हे जे वैकुंठें । दिधली आहे ॥ २३४ ॥

āṇi dīpeṃ kāṃ sūryeṃ pragaṭe | athavā nimuṭaliyā dekhāveṃci khuṃṭe | taisī diṭhī navhe je vaikuṃṭheṃ | didhalī āhe || 234 ||

म्हणौनि किरीटीसि दोहीं परी । तें देखणें देखें अंधारी । हें संजयो हस्तिनापुरीं । सांगतसे राया ॥ २३५ ॥

mhaṇauni kirīṭīsi dohīṃ parī | teṃ dekhaṇeṃ dekheṃ aṃdhārī | heṃ saṃjayo hastināpurīṃ | sāṃgatase rāyā || 235 ||

म्हणे किंबहुना अवधारिलें । पार्थें विश्वरूप देखिलें । नाना आभरणीं भरलें । विश्वतोमुख ॥ २३६ ॥

mhaṇe kiṃbahunā avadhārileṃ | pārtheṃ viśvarūpa dekhileṃ | nānā ābharaṇīṃ bharaleṃ | viśvatomukha || 236 ||

तिये अंगप्रभेचा देवा । नवलावो काइसया ऐसा सांगावा । कल्पांतीं एकुचि मेळावा । द्वादशादित्यांचा होय ॥ २३७ ॥

tiye aṃgaprabhecā devā | navalāvo kāisayā aisā sāṃgāvā | kalpāṃtīṃ ekuci meḷāvā | dvādaśādityāṃcā hoya || 237 ||

तैसे ते दिव्यसूर्य सहस्रवरी । जरी उदयजती कां एकेचि अवसरीं । तऱ्ही तया तेजाची थोरी । उपमूं नये ॥ २३८ ॥

taise te divyasūrya sahasravarī | jarī udayajatī kāṃ ekeci avasarīṃ | taऱhī tayā tejācī thorī | upamūṃ naye || 238 ||

आघवयाचि विजूंचा मेळावा कीजे । आणि प्रळयाग्नीची सर्व सामग्री आणिजे । तेवींचि दशकुही मेळविजे । महातेजांचा ॥ २३९ ॥

āghavayāci vijūṃcā meḷāvā kīje | āṇi praḷayāgnīcī sarva sāmagrī āṇije | tevīṃci daśakuhī meḷavije | mahātejāṃcā || 239 ||

तऱ्ही तिये अंगप्रभेचेनि पाडें । हें तेज कांहीं कांहीं होईल थोडें । आणि तया ऐसें कीर चोखडें । त्रिशुद्धी नोहे ॥ २४० ॥

taऱhī tiye aṃgaprabheceni pāḍeṃ | heṃ teja kāṃhīṃ kāṃhīṃ hoīla thoḍeṃ | āṇi tayā aiseṃ kīra cokhaḍeṃ | triśuddhī nohe || 240 ||

ऐसें महात्म्य या श्रीहरीचें सहज । फांकतसे सर्वांगीचें तेज । तें मुनिकृपा जी मज । दृष्ट जाहलें ॥ २४१ ॥

aiseṃ mahātmya yā śrīharīceṃ sahaja | phāṃkatase sarvāṃgīceṃ teja | teṃ munikṛpā jī maja | dṛṣṭa jāhaleṃ || 241 ||

आणि तिये विश्वरूपीं एकीकडे । जग आघवें आपुलेनि पवाडें । जैसे महोदधीमाजीं बुडबुडे । सिनानें दिसती ॥ २४२ ॥

āṇi tiye viśvarūpīṃ ekīkaḍe | jaga āghaveṃ āpuleni pavāḍeṃ | jaise mahodadhīmājīṃ buḍabuḍe | sināneṃ disatī || 242 ||

कां आकाशीं गंधर्वनगर । भूतळीं पिपीलिका बांधे घर । नाना मेरुवरी सपूर । परमाणु बैसले ॥ २४३ ॥

kāṃ ākāśīṃ gaṃdharvanagara | bhūtaḷīṃ pipīlikā bāṃdhe ghara | nānā meruvarī sapūra | paramāṇu baisale || 243 ||

विश्व आघवेंचि तयापरी । तया देवचक्रवर्तीचिया शरीरीं । अर्जुन तिये अवसरीं । देखता जाहला ॥ २४४ ॥

viśva āghaveṃci tayāparī | tayā devacakravartīciyā śarīrīṃ | arjuna tiye avasarīṃ | dekhatā jāhalā || 244 ||

तेथ एक विश्व एक आपण । ऐसें अळुमाळ होतें जें दुजेपण । तेंही आटोनि गेलें अंतःकरण । विरालें सहसा ॥ २४५ ॥

tetha eka viśva eka āpaṇa | aiseṃ aḷumāḷa hoteṃ jeṃ dujepaṇa | teṃhī āṭoni geleṃ aṃtaḥkaraṇa | virāleṃ sahasā || 245 ||

आंतु आनंदा चेइरें जाहलें । बाहेरि गात्रांचें बळ हारपोनि गेलें । आपाद पां गुंतलें । पुलकांचलें ॥ २४६ ॥

āṃtu ānaṃdā ceireṃ jāhaleṃ | bāheri gātrāṃceṃ baḷa hāraponi geleṃ | āpāda pāṃ guṃtaleṃ | pulakāṃcaleṃ || 246 ||

वार्षिये प्रथमदशे । वोहळलया शैलांचें सर्वांग जैसें । विरूढे कोमलांकुरीं तैसे । रोमांच जाहले ॥ २४७ ॥

vārṣiye prathamadaśe | vohaḷalayā śailāṃceṃ sarvāṃga jaiseṃ | virūḍhe komalāṃkurīṃ taise | romāṃca jāhale || 247 ||

शिवतला चंद्रकरीं । सोमकांतु द्रावो धरी । तैसिया स्वेदकणिका शरीरीं । दाटलिया ॥ २४८ ॥

śivatalā caṃdrakarīṃ | somakāṃtu drāvo dharī | taisiyā svedakaṇikā śarīrīṃ | dāṭaliyā || 248 ||

माजीं सापडलेनि अलिकुळें । जळावरी कमळकळिका जेवीं आंदोळे । तेवीं आंतुलिया सुखोर्मीचेनि बळें । बाहेरि कांपे ॥ २४९ ॥

mājīṃ sāpaḍaleni alikuḷeṃ | jaḷāvarī kamaḷakaḷikā jevīṃ āṃdoḷe | tevīṃ āṃtuliyā sukhormīceni baḷeṃ | bāheri kāṃpe || 249 ||

कर्पूरकर्दळीचीं गर्भपुटें । उकलतां कापुराचेनि कोंदाटें । पुलिका गळती तेवीं थेंबुटें । नेत्रौनि पडती ॥ २५० ॥

karpūrakardaḷīcīṃ garbhapuṭeṃ | ukalatāṃ kāpurāceni koṃdāṭeṃ | pulikā gaḷatī tevīṃ theṃbuṭeṃ | netrauni paḍatī || 250 ||

उदयलेनि सुधाकरें । जैसा भरलाचि समुद्र भरे । तैसा वेळोवेळां उर्मिभरें । उचंबळत असे ॥ २५१ ॥

udayaleni sudhākareṃ | jaisā bharalāci samudra bhare | taisā veḷoveḷāṃ urmibhareṃ | ucaṃbaḷata ase || 251 ||

ऐसा सात्त्विकांही आठां भावां । परस्परें वर्ततसे हेवा । तेथ ब्रह्मानंदाची जीवा । राणीव फावली ॥ २५२ ॥

aisā sāttvikāṃhī āṭhāṃ bhāvāṃ | paraspareṃ vartatase hevā | tetha brahmānaṃdācī jīvā | rāṇīva phāvalī || 252 ||

तैसाचि तया सुखानुभवापाठीं । केला द्वैताचा सांभाळु दिठी । मग उसासौनि किरीटी । वास पाहिली ॥ २५३ ॥

taisāci tayā sukhānubhavāpāṭhīṃ | kelā dvaitācā sāṃbhāḷu diṭhī | maga usāsauni kirīṭī | vāsa pāhilī || 253 ||

तेथ बैसला होता जिया सवा । तियाचिया कडे मस्तक खालविला देवा । जोडूनि करसंपुट बरवा । बोलतु असे ॥ २५४ ॥

tetha baisalā hotā jiyā savā | tiyāciyā kaḍe mastaka khālavilā devā | joḍūni karasaṃpuṭa baravā | bolatu ase || 254 ||

म्हणे जयजयाजी स्वामी । नवल कृपा केली तुम्हीं । जें हें विश्वरूप कीं आम्हीं । प्राकृत देखों ॥ २५५ ॥

mhaṇe jayajayājī svāmī | navala kṛpā kelī tumhīṃ | jeṃ heṃ viśvarūpa kīṃ āmhīṃ | prākṛta dekhoṃ || 255 ||

परि साचचि भलें केलें गोसाविया । मज परितोषु जाहला साविया । जी देखलासि जो इया । सृष्टीसी तूं आश्रयो ॥ २५६ ॥

pari sācaci bhaleṃ keleṃ gosāviyā | maja paritoṣu jāhalā sāviyā | jī dekhalāsi jo iyā | sṛṣṭīsī tūṃ āśrayo || 256 ||

देवा मंदराचेनि अंगलगें । ठायीं ठायीं श्वापदांचीं दांगें । तैसीं इयें तुझ्या देहीं अनेगें । देखतसें भुवनें ॥ २५७ ॥

devā maṃdarāceni aṃgalageṃ | ṭhāyīṃ ṭhāyīṃ śvāpadāṃcīṃ dāṃgeṃ | taisīṃ iyeṃ tujhyā dehīṃ anegeṃ | dekhataseṃ bhuvaneṃ || 257 ||

अहो आकाशचिये खोळे । दिसती ग्रहगणांचीं कुळें । कां महावृक्षीं अविसाळें । पक्षिजातीचीं ॥ २५८ ॥

aho ākāśaciye khoḷe | disatī grahagaṇāṃcīṃ kuḷeṃ | kāṃ mahāvṛkṣīṃ avisāḷeṃ | pakṣijātīcīṃ || 258 ||

तयापरी श्रीहरी । तुझिया विश्वात्मकीं इये शरीरीं । स्वर्गु देखतसें अवधारीं । सुरगणेंसीं ॥ २५९ ॥

tayāparī śrīharī | tujhiyā viśvātmakīṃ iye śarīrīṃ | svargu dekhataseṃ avadhārīṃ | suragaṇeṃsīṃ || 259 ||

प्रभु महाभूतांचें पंचक । येथ देखत आहे अनेक । आणि भूतग्राम एकेक । भूतसृष्टीचें ॥ २६० ॥

prabhu mahābhūtāṃceṃ paṃcaka | yetha dekhata āhe aneka | āṇi bhūtagrāma ekeka | bhūtasṛṣṭīceṃ || 260 ||

जी सत्यलोकु तुजमाजीं आहे । देखिला चतुराननु हा नोहे ? । आणि येरीकडे जंव पाहें । तंव कैलासुही दिसे ॥ २६१ ॥

jī satyaloku tujamājīṃ āhe | dekhilā caturānanu hā nohe ? | āṇi yerīkaḍe jaṃva pāheṃ | taṃva kailāsuhī dise || 261 ||

श्रीमहादेव भवानियेशीं । तुझ्या दिसतसे एके अंशीं । आणि तूंतेंही गा हृषीकेशी । तुजमाजीं देखे ॥ २६२ ॥

śrīmahādeva bhavāniyeśīṃ | tujhyā disatase eke aṃśīṃ | āṇi tūṃteṃhī gā hṛṣīkeśī | tujamājīṃ dekhe || 262 ||

पैं कश्यपादि ऋषिकुळें । इयें तुझिया स्वरूपीं सकळें । देखतसें पाताळें । पन्नगेंशीं ॥ २६३ ॥

paiṃ kaśyapādi ṛṣikuḷeṃ | iyeṃ tujhiyā svarūpīṃ sakaḷeṃ | dekhataseṃ pātāḷeṃ | pannageṃśīṃ || 263 ||

किंबहुना त्रैलोक्यपती । तुझिया एकेकाचि अवयवाचिये भिंती । इयें चतुर्दशभुवनें चित्राकृती । अंकुरलीं जाणों ॥ २६४ ॥

kiṃbahunā trailokyapatī | tujhiyā ekekāci avayavāciye bhiṃtī | iyeṃ caturdaśabhuvaneṃ citrākṛtī | aṃkuralīṃ jāṇoṃ || 264 ||

आणि तेथिंचे जे जे लोक । ते चित्ररचना जी अनेक । ऐसें देखतसे अलोकिक । गांभीर्य तुझें ॥ २६५ ॥

āṇi tethiṃce je je loka | te citraracanā jī aneka | aiseṃ dekhatase alokika | gāṃbhīrya tujheṃ || 265 ||

त्या दिव्यचक्षूंचेनि पैसें । चहुंकडे जंव पाहात असें । तंव दोर्दंडीं कां जैसें । आकाश कोंभैलें ॥ २६६ ॥

tyā divyacakṣūṃceni paiseṃ | cahuṃkaḍe jaṃva pāhāta aseṃ | taṃva dordaṃḍīṃ kāṃ jaiseṃ | ākāśa koṃbhaileṃ || 266 ||

तैसे एकचि निरंतर । देवा देखत असें तुझे कर । करीत आघवेचि व्यापार । एकेचि काळीं ॥ २६७ ॥

taise ekaci niraṃtara | devā dekhata aseṃ tujhe kara | karīta āghaveci vyāpāra | ekeci kāḷīṃ || 267 ||

मग महाशून्याचेनि पैसारें । उघडलीं ब्रह्मकटाहाचीं भांडारें । तैसीं देखतसें अपारें । उदरें तुझीं ॥ २६८ ॥

maga mahāśūnyāceni paisāreṃ | ughaḍalīṃ brahmakaṭāhācīṃ bhāṃḍāreṃ | taisīṃ dekhataseṃ apāreṃ | udareṃ tujhīṃ || 268 ||

जी सहस्रशीर्षयाचें देखिलें । कोडीवरी होताति एकीवेळें । कीं परब्रह्मचि वदनफळें । मोडोनि आलें ॥ २६९ ॥

jī sahasraśīrṣayāceṃ dekhileṃ | koḍīvarī hotāti ekīveḷeṃ | kīṃ parabrahmaci vadanaphaḷeṃ | moḍoni āleṃ || 269 ||

तैसीं वक्त्रें जी जेउतीं तेउतीं । तुझीं देखितसे विश्वमूर्ती । आणि तयाचिपरी नेत्रपंक्ती । अनेका सैंघ ॥ २७० ॥

taisīṃ vaktreṃ jī jeutīṃ teutīṃ | tujhīṃ dekhitase viśvamūrtī | āṇi tayāciparī netrapaṃktī | anekā saiṃgha || 270 ||

हें असो स्वर्ग पाताळ । कीं भूमी दिशा अंतराळ । हे विवक्षा ठेली सकळ । मूर्तिमय देखतसें ॥ २७१ ॥

heṃ aso svarga pātāḷa | kīṃ bhūmī diśā aṃtarāḷa | he vivakṣā ṭhelī sakaḷa | mūrtimaya dekhataseṃ || 271 ||

हें तुजवीण एकादियाकडे । परमाणूहि एतुला कोडें । अवकाशु पाहतसें परि न सांपडे । ऐसें व्यापिलें तुवां ॥ २७२ ॥

heṃ tujavīṇa ekādiyākaḍe | paramāṇūhi etulā koḍeṃ | avakāśu pāhataseṃ pari na sāṃpaḍe | aiseṃ vyāpileṃ tuvāṃ || 272 ||

इये नानापरी अपरिमितें । जेतुलीं साठविलीं होतीं महाभूतें । तेतुलाहि पवाडु तुवां अनंतें । कोंदला देखतसें ॥ २७३ ॥

iye nānāparī aparimiteṃ | jetulīṃ sāṭhavilīṃ hotīṃ mahābhūteṃ | tetulāhi pavāḍu tuvāṃ anaṃteṃ | koṃdalā dekhataseṃ || 273 ||

ऐसा कवणें ठायाहूनि तूं आलासी । एथ बैसलासि कीं उभा आहासि । आणि कवणिये मायेचिये पोटीं होतासी । तुझें ठाण केवढें ॥ २७४ ॥

aisā kavaṇeṃ ṭhāyāhūni tūṃ ālāsī | etha baisalāsi kīṃ ubhā āhāsi | āṇi kavaṇiye māyeciye poṭīṃ hotāsī | tujheṃ ṭhāṇa kevaḍheṃ || 274 ||

तुझें रूप वय कैसें । तुजपैलीकडे काय असे । तूं काइसयावरी आहासि ऐसें । पाहिलें मियां ॥ २७५ ॥

tujheṃ rūpa vaya kaiseṃ | tujapailīkaḍe kāya ase | tūṃ kāisayāvarī āhāsi aiseṃ | pāhileṃ miyāṃ || 275 ||

तंव देखिलें जी आघवेंचि । तरि आतां तुज ठावो तूंचि । तूं कवणाचा नव्हेसि ऐसाचि । अनादि आयता ॥ २७६ ॥

taṃva dekhileṃ jī āghaveṃci | tari ātāṃ tuja ṭhāvo tūṃci | tūṃ kavaṇācā navhesi aisāci | anādi āyatā || 276 ||

तूं उभा ना बैठा । दिघडु ना खुजटा । तुज तळीं वरी वैकुंठा । तूंचि आहासी ॥ २७७ ॥

tūṃ ubhā nā baiṭhā | dighaḍu nā khujaṭā | tuja taḷīṃ varī vaikuṃṭhā | tūṃci āhāsī || 277 ||

तूं रूपें आपणयांचि ऐसा । देवा तुझी तूंचि वयसा । पाठीं पोट परेशा । तुझें तूं गा ॥ २७८ ॥

tūṃ rūpeṃ āpaṇayāṃci aisā | devā tujhī tūṃci vayasā | pāṭhīṃ poṭa pareśā | tujheṃ tūṃ gā || 278 ||

किंबहुना आतां । तुझें तूंचि आघवें अनंता । हें पुढत पुढती पाहतां । देखिलें मियां ॥ २७९ ॥

kiṃbahunā ātāṃ | tujheṃ tūṃci āghaveṃ anaṃtā | heṃ puḍhata puḍhatī pāhatāṃ | dekhileṃ miyāṃ || 279 ||

परि या तुझिया रूपाआंतु । जी उणीव एक असे देखतु । जे आदि मध्य अंतु । तिन्हीं नाहीं ॥ २८० ॥

pari yā tujhiyā rūpāāṃtu | jī uṇīva eka ase dekhatu | je ādi madhya aṃtu | tinhīṃ nāhīṃ || 280 ||

एऱ्हवीं गिंवसिलें आघवां ठायीं । परि सोय न लाहेचि कहीं । म्हणौनि त्रिशुद्धी हे नाहीं । तिन्ही एथ ॥ २८१ ॥

eऱhavīṃ giṃvasileṃ āghavāṃ ṭhāyīṃ | pari soya na lāheci kahīṃ | mhaṇauni triśuddhī he nāhīṃ | tinhī etha || 281 ||

एवं आदिमध्यांतरहिता । तूं विश्वेश्वरा अपरिमिता । देखिलासि जी तत्त्वतां । विश्वरूपा ॥ २८२ ॥

evaṃ ādimadhyāṃtarahitā | tūṃ viśveśvarā aparimitā | dekhilāsi jī tattvatāṃ | viśvarūpā || 282 ||

तुज महामूर्तीचिया आंगी । उमटलिया पृथक् मूर्ती अनेगी । लेइलासी वानेपरींची आंगीं । ऐसा आवडतु आहासी ॥ २८३ ॥

tuja mahāmūrtīciyā āṃgī | umaṭaliyā pṛthak mūrtī anegī | leilāsī vāneparīṃcī āṃgīṃ | aisā āvaḍatu āhāsī || 283 ||

नाना पृथक् मूर्ती तिया द्रुमवल्ली । तुझिया स्वरूपमहाचळीं । दिव्यालंकार फुलीं फळीं । सासिन्नलिया ॥ २८४ ॥

nānā pṛthak mūrtī tiyā drumavallī | tujhiyā svarūpamahācaḷīṃ | divyālaṃkāra phulīṃ phaḷīṃ | sāsinnaliyā || 284 ||

हो कां जे महोदधीं तूं देवा । जाहलासि तरंगमूर्ती हेलावा । कीं तूं एक वृक्षु बरवा । मूर्तिफळीं फळलासी ॥ २८५ ॥

ho kāṃ je mahodadhīṃ tūṃ devā | jāhalāsi taraṃgamūrtī helāvā | kīṃ tūṃ eka vṛkṣu baravā | mūrtiphaḷīṃ phaḷalāsī || 285 ||

जी भूतीं भूतळ मांडिलें । जैसें नक्षत्रीं गगन गुढलें । तैसें मूर्तिमय भरलें । देखतसें तुझें रूप ॥ २८६ ॥

jī bhūtīṃ bhūtaḷa māṃḍileṃ | jaiseṃ nakṣatrīṃ gagana guḍhaleṃ | taiseṃ mūrtimaya bharaleṃ | dekhataseṃ tujheṃ rūpa || 286 ||

जी एकेकीच्या अंगप्रांतीं । होय जाय हें त्रिजगती । एवढियाही तुझ्या आंगीं मूर्ती । कीं रोमा जालिया ॥ २८७ ॥

jī ekekīcyā aṃgaprāṃtīṃ | hoya jāya heṃ trijagatī | evaḍhiyāhī tujhyā āṃgīṃ mūrtī | kīṃ romā jāliyā || 287 ||

ऐसा पवाडु मांडूनि विश्वाचा । तूं कवण पां एथ कोणाचा । हें पाहिलें तंव आमुचा । सारथी तोचि तूं ॥ २८८ ॥

aisā pavāḍu māṃḍūni viśvācā | tūṃ kavaṇa pāṃ etha koṇācā | heṃ pāhileṃ taṃva āmucā | sārathī toci tūṃ || 288 ||

तरी मज पाहतां मुकुंदा । तूं ऐसाचि व्यापकु सर्वदा । मग भक्तानुग्रहें तया मुग्धा । रूपातें धरिसी ॥ २८९ ॥

tarī maja pāhatāṃ mukuṃdā | tūṃ aisāci vyāpaku sarvadā | maga bhaktānugraheṃ tayā mugdhā | rūpāteṃ dharisī || 289 ||

कैसें चहूं भुजांचें सांवळें । पाहतां वोल्हावती मन डोळे । खेंव देऊं जाइजे तरी आकळे । दोहींचि बाहीं ॥ २९० ॥

kaiseṃ cahūṃ bhujāṃceṃ sāṃvaḷeṃ | pāhatāṃ volhāvatī mana ḍoḷe | kheṃva deūṃ jāije tarī ākaḷe | dohīṃci bāhīṃ || 290 ||

ऐसी मूर्ति कोडिसवाणी कृपा । करूनि होसी ना विश्वरूपा । कीं अमुचियाचि दिठी सलेपा । जें सामान्यत्वें देखिती ॥ २९१ ॥

aisī mūrti koḍisavāṇī kṛpā | karūni hosī nā viśvarūpā | kīṃ amuciyāci diṭhī salepā | jeṃ sāmānyatveṃ dekhitī || 291 ||

तरी आतां दिठीचा विटाळु गेला । तुवां सहजें दिव्यचक्षू केला । म्हणौनि यथारूपें देखवला । महिमा तुझा ॥ २९२ ॥

tarī ātāṃ diṭhīcā viṭāḷu gelā | tuvāṃ sahajeṃ divyacakṣū kelā | mhaṇauni yathārūpeṃ dekhavalā | mahimā tujhā || 292 ||

परी मकरतुंडामागिलेकडे । तोचि होतासि तूं एवढें । रूप जाहलासि हें फुडें । वोळखिलें मियां ॥ २९३ ॥

parī makaratuṃḍāmāgilekaḍe | toci hotāsi tūṃ evaḍheṃ | rūpa jāhalāsi heṃ phuḍeṃ | voḷakhileṃ miyāṃ || 293 ||

नोहे तोचि हा शिरीं ? । मुकुट लेइलासि श्रीहरी । परी आतांचें तेज आणि थोरी । नवल कीं बहु हें ॥ २९४ ॥

nohe toci hā śirīṃ ? | mukuṭa leilāsi śrīharī | parī ātāṃceṃ teja āṇi thorī | navala kīṃ bahu heṃ || 294 ||

तेंचि हें वरिलियेचि हातीं । चक्र परिजितया आयती । सांवरितासि विश्वमूर्ती । ते न मोडे खूण ॥ २९५ ॥

teṃci heṃ variliyeci hātīṃ | cakra parijitayā āyatī | sāṃvaritāsi viśvamūrtī | te na moḍe khūṇa || 295 ||

येरीकडे तेचि हे नोहे गदा । आणि तळिलिया दोनी भुजा निरायुधा । वागोरे सांवरावया गोविंदा । संसरिलिया ॥ २९६ ॥

yerīkaḍe teci he nohe gadā | āṇi taḷiliyā donī bhujā nirāyudhā | vāgore sāṃvarāvayā goviṃdā | saṃsariliyā || 296 ||

आणि तेणेंचि वेगें सहसा । माझिया मनोरथासरिसा । जाहलासि विश्वरूपा विश्वेशा । म्हणौनि जाणें ॥ २९७ ॥

āṇi teṇeṃci vegeṃ sahasā | mājhiyā manorathāsarisā | jāhalāsi viśvarūpā viśveśā | mhaṇauni jāṇeṃ || 297 ||

परी कायसें बा हें चोज । विस्मयो करावयाहि पाडू नाहीं मज । चित्त होऊनि जातसें निर्बुज । आश्चर्यें येणें ॥ २९८ ॥

parī kāyaseṃ bā heṃ coja | vismayo karāvayāhi pāḍū nāhīṃ maja | citta hoūni jātaseṃ nirbuja | āścaryeṃ yeṇeṃ || 298 ||

हें एथ आथि कां येथ नाहीं । ऐसें श्वसोंही नये कांहीं । नवल अंगप्रभेची नवाई । कैसी कोंदलीं सैंघ ॥ २९९ ॥

heṃ etha āthi kāṃ yetha nāhīṃ | aiseṃ śvasoṃhī naye kāṃhīṃ | navala aṃgaprabhecī navāī | kaisī koṃdalīṃ saiṃgha || 299 ||

एथ अग्नीचीही दिठी करपत । सूर्य खद्योतु तैसा हारपत । ऐसें तीव्रपण अद्भुत । तेजाचें यया ॥ ३०० ॥

etha agnīcīhī diṭhī karapata | sūrya khadyotu taisā hārapata | aiseṃ tīvrapaṇa adbhuta | tejāceṃ yayā || 300 ||

हो कां महातेजाचिया महार्णवीं । बुडोनि गेली सृष्टी आघवी । कीं युगांतविजूंच्या पालवीं । झांकलें गगन ॥ ३०१ ॥

ho kāṃ mahātejāciyā mahārṇavīṃ | buḍoni gelī sṛṣṭī āghavī | kīṃ yugāṃtavijūṃcyā pālavīṃ | jhāṃkaleṃ gagana || 301 ||

नातरी संहारतेजाचिया ज्वाळा । तोडोनि माचू बांधला अंतराळां । आतां दिव्य ज्ञानाचिया डोळां । पाहवेना ॥ ३०२ ॥

nātarī saṃhāratejāciyā jvāḷā | toḍoni mācū bāṃdhalā aṃtarāḷāṃ | ātāṃ divya jñānāciyā ḍoḷāṃ | pāhavenā || 302 ||

उजाळु अधिकाधिक बहुवसु । धडाडीत आहे अतिदाहसु । पडत दिव्यचक्षुंसही त्रासु । न्याहाळितां ॥ ३०३ ॥

ujāḷu adhikādhika bahuvasu | dhaḍāḍīta āhe atidāhasu | paḍata divyacakṣuṃsahī trāsu | nyāhāḷitāṃ || 303 ||

हो कां जे महाप्रळयींचा भडाडु । होता काळाग्निरुद्राचिया ठायीं गूढु । तो तृतीयनयनाचा मढू । फुटला जैसा ॥ ३०४ ॥

ho kāṃ je mahāpraḷayīṃcā bhaḍāḍu | hotā kāḷāgnirudrāciyā ṭhāyīṃ gūḍhu | to tṛtīyanayanācā maḍhū | phuṭalā jaisā || 304 ||

तैसें पसरलेनि प्रकाशें । सैंघ पांचवनिया ज्वाळांचे वळसे । पडतां ब्रह्मकटाह कोळिसे । होत आहाती ॥ ३०५ ॥

taiseṃ pasaraleni prakāśeṃ | saiṃgha pāṃcavaniyā jvāḷāṃce vaḷase | paḍatāṃ brahmakaṭāha koḷise | hota āhātī || 305 ||

ऐसा अद्भुत तेजोराशी । जन्मा नवल म्यां देखिलासी । नाहीं व्याप्ती आणि कांतीसी । पारु जी तुझिये ॥ ३०६ ॥

aisā adbhuta tejorāśī | janmā navala myāṃ dekhilāsī | nāhīṃ vyāptī āṇi kāṃtīsī | pāru jī tujhiye || 306 ||

देवा तूं अक्षर । औटाविये मात्रेसि पर । श्रुती जयाचें घर । गिंवसीत आहाती ॥ ३०७ ॥

devā tūṃ akṣara | auṭāviye mātresi para | śrutī jayāceṃ ghara | giṃvasīta āhātī || 307 ||

जें आकाराचें आयतन । जें विश्वनिक्षेपैकनिधान । तें अव्यय तूं गहन । अविनाश जी ॥ ३०८ ॥

jeṃ ākārāceṃ āyatana | jeṃ viśvanikṣepaikanidhāna | teṃ avyaya tūṃ gahana | avināśa jī || 308 ||

तूं धर्माचा वोलावा । अनादिसिद्ध तूं नित्य नवा । जाणें मी सदतिसावा । पुरुष विशेष तूं ॥ ३०९ ॥

tūṃ dharmācā volāvā | anādisiddha tūṃ nitya navā | jāṇeṃ mī sadatisāvā | puruṣa viśeṣa tūṃ || 309 ||

तूं आदिमध्यांतरहितु । स्वसामर्थ्यें तूं अनंतु । विश्वबाहु अपरिमितु । विश्वचरण तूं ॥ ३१० ॥

tūṃ ādimadhyāṃtarahitu | svasāmarthyeṃ tūṃ anaṃtu | viśvabāhu aparimitu | viśvacaraṇa tūṃ || 310 ||

पैं चंद्र चंडांशु डोळां । दावितासि कोपप्रसाद लीळा । एकां रुससी तमाचिया डोळां । एकां पाळितोसि कृपादृष्टी ॥ ३११ ॥

paiṃ caṃdra caṃḍāṃśu ḍoḷāṃ | dāvitāsi kopaprasāda līḷā | ekāṃ rusasī tamāciyā ḍoḷāṃ | ekāṃ pāḷitosi kṛpādṛṣṭī || 311 ||

जी एवंविधा तूंतें । मी देखतसें हें निरुतें । पेटलें प्रळयाग्नीचें उजितें । तैसें वक्त्र हें तुझें ॥ ३१२ ॥

jī evaṃvidhā tūṃteṃ | mī dekhataseṃ heṃ niruteṃ | peṭaleṃ praḷayāgnīceṃ ujiteṃ | taiseṃ vaktra heṃ tujheṃ || 312 ||

वणिवेनि पेटले पर्वत । कवळूनि ज्वाळांचे उभड उठत । तैसी चाटीत दाढा दांत । जीभ लोळे ॥ ३१३ ॥

vaṇiveni peṭale parvata | kavaḷūni jvāḷāṃce ubhaḍa uṭhata | taisī cāṭīta dāḍhā dāṃta | jībha loḷe || 313 ||

इये वदनींचिया उबा । आणि जी सर्वांगकांतीचिया प्रभा । विश्व तातलें अति क्षोभा । जात आहे ॥ ३१४ ॥

iye vadanīṃciyā ubā | āṇi jī sarvāṃgakāṃtīciyā prabhā | viśva tātaleṃ ati kṣobhā | jāta āhe || 314 ||

कां जे द्यौर्लोक आणि पाताळ । पृथिवी आणि अंतराळ । अथवा दशदिशा समाकुळ । दिशाचक्र ॥ ३१५ ॥

kāṃ je dyaurloka āṇi pātāḷa | pṛthivī āṇi aṃtarāḷa | athavā daśadiśā samākuḷa | diśācakra || 315 ||

हें आघवेंचि तुंवा एकें । भरलें देखत आहे कौतुकें । परि गगनाहीसकट भयानकें । आप्लविजे जेवीं ॥ ३१६ ॥

heṃ āghaveṃci tuṃvā ekeṃ | bharaleṃ dekhata āhe kautukeṃ | pari gaganāhīsakaṭa bhayānakeṃ | āplavije jevīṃ || 316 ||

नातरी अद्भुतरसाचिया कल्लोळीं । जाहली चवदाही भुवनांसि कडियाळीं । तैसें आश्चर्यचि मग मी आकळीं । काय एक ? ॥ ३१७ ॥

nātarī adbhutarasāciyā kalloḷīṃ | jāhalī cavadāhī bhuvanāṃsi kaḍiyāḷīṃ | taiseṃ āścaryaci maga mī ākaḷīṃ | kāya eka ? || 317 ||

नावरे व्याप्ती हे असाधारण । न साहवे रूपाचें उग्रपण । सुख दूरी गेलें परि प्राण । विपायें धरीजे ॥ ३१८ ॥

nāvare vyāptī he asādhāraṇa | na sāhave rūpāceṃ ugrapaṇa | sukha dūrī geleṃ pari prāṇa | vipāyeṃ dharīje || 318 ||

देवा ऐसें देखोनि तूंतें । नेणों कैसें आलें भयाचें भरितें । आतां दुःखकल्लोळीं झळंबतें । तिन्हीं भुवनें ॥ ३१९ ॥

devā aiseṃ dekhoni tūṃteṃ | neṇoṃ kaiseṃ āleṃ bhayāceṃ bhariteṃ | ātāṃ duḥkhakalloḷīṃ jhaḷaṃbateṃ | tinhīṃ bhuvaneṃ || 319 ||

एऱ्हवीं तुज महात्मयाचें देखणें । तरि भयदुःखासि कां मेळवणें ? । परि हें सुख नव्हेचि जेणें गुणें । तें जाणवत आहे मज ॥ ३२० ॥

eऱhavīṃ tuja mahātmayāceṃ dekhaṇeṃ | tari bhayaduḥkhāsi kāṃ meḷavaṇeṃ ? | pari heṃ sukha navheci jeṇeṃ guṇeṃ | teṃ jāṇavata āhe maja || 320 ||

जंव तुझें रूप नोहे दिठें । तंव जगासि संसारिक गोमटें । आतां देखिलासि तरी विषयविटें । उपनला त्रासु ॥ ३२१ ॥

jaṃva tujheṃ rūpa nohe diṭheṃ | taṃva jagāsi saṃsārika gomaṭeṃ | ātāṃ dekhilāsi tarī viṣayaviṭeṃ | upanalā trāsu || 321 ||

तेवींचि तुज देखिलियासाठीं । काय सहसा तुज देवों येईल मिठी । आणि नेदीं तरी शोकसंकटीं । राहों केवीं ? ॥ ३२२ ॥

tevīṃci tuja dekhiliyāsāṭhīṃ | kāya sahasā tuja devoṃ yeīla miṭhī | āṇi nedīṃ tarī śokasaṃkaṭīṃ | rāhoṃ kevīṃ ? || 322 ||

म्हणौनि मागां सरों तंव संसारु । आडवीत येतसे अनिवारु । आणि पुढां तूं तंव अनावरु । न येसि घेवों ॥ ३२३ ॥

mhaṇauni māgāṃ saroṃ taṃva saṃsāru | āḍavīta yetase anivāru | āṇi puḍhāṃ tūṃ taṃva anāvaru | na yesi ghevoṃ || 323 ||

ऐसा माझारलिया सांकडां । बापुड्या त्रैलोक्याचा होतसे हुरडा । हा ध्वनि जी फुडा । चोजवला मज ॥ ३२४ ॥

aisā mājhāraliyā sāṃkaḍāṃ | bāpuḍyā trailokyācā hotase huraḍā | hā dhvani jī phuḍā | cojavalā maja || 324 ||

जैसा आरंबळला आगीं । तो समुद्रा ये निवावयालागीं । तंव कल्लोळपाणियाचिया तरंगीं । आगळा बिहे ॥ ३२५ ॥

jaisā āraṃbaḷalā āgīṃ | to samudrā ye nivāvayālāgīṃ | taṃva kalloḷapāṇiyāciyā taraṃgīṃ | āgaḷā bihe || 325 ||

तैसें या जगासि जाहलें । तूंतें देखोनि तळमळित ठेलें । यामाजीं पैल भले । ज्ञानशूरांचे मेळावे ॥ ३२६ ॥

taiseṃ yā jagāsi jāhaleṃ | tūṃteṃ dekhoni taḷamaḷita ṭheleṃ | yāmājīṃ paila bhale | jñānaśūrāṃce meḷāve || 326 ||

हे तुझेनि आंगिकें तेजें । जाळूनि सर्व कर्मांचीं बीजें । मिळत तुज आंतु सहजें । सद्भावेसीं ॥ ३२७ ॥

he tujheni āṃgikeṃ tejeṃ | jāḷūni sarva karmāṃcīṃ bījeṃ | miḷata tuja āṃtu sahajeṃ | sadbhāvesīṃ || 327 ||

आणिक एक सावियाचि भयभीरु । सर्वस्वें धरूनि तुझी मोहरु । तुज प्रार्थिताति करु । जोडोनियां ॥ ३२८ ॥

āṇika eka sāviyāci bhayabhīru | sarvasveṃ dharūni tujhī moharu | tuja prārthitāti karu | joḍoniyāṃ || 328 ||

देवा अविद्यार्णवीं पडिलों । जी विषयवागुरें आंतुडलों । स्वर्गसंसाराचिया सांकडलों । दोहीं भागीं ॥ ३२९ ॥

devā avidyārṇavīṃ paḍiloṃ | jī viṣayavāgureṃ āṃtuḍaloṃ | svargasaṃsārāciyā sāṃkaḍaloṃ | dohīṃ bhāgīṃ || 329 ||

ऐसें आमुचें सोडवणें । तुजवांचोनि कीजेल कवणें ? । तुज शरण गा सर्वप्राणें । म्हणत देवा ॥ ३३० ॥

aiseṃ āmuceṃ soḍavaṇeṃ | tujavāṃconi kījela kavaṇeṃ ? | tuja śaraṇa gā sarvaprāṇeṃ | mhaṇata devā || 330 ||

आणि महर्षी अथवा सिद्ध । कां विद्याधरसमूह विविध । हे बोलत तुज स्वस्तिवाद । करिती स्तवन ॥ ३३१ ॥

āṇi maharṣī athavā siddha | kāṃ vidyādharasamūha vividha | he bolata tuja svastivāda | karitī stavana || 331 ||

हे रुद्रादित्यांचे मेळावे । वसु हन साध्य आघवे । अश्विनौ देव विश्वेदेव विभवें । वायुही हे जी ॥ ३३२ ॥

he rudrādityāṃce meḷāve | vasu hana sādhya āghave | aśvinau deva viśvedeva vibhaveṃ | vāyuhī he jī || 332 ||

अवधारा पितर हन गंधर्व । पैल यक्षरक्षोगण सर्व । जी महेंद्रमुख्य देव । कां सिद्धादिक ॥ ३३३ ॥

avadhārā pitara hana gaṃdharva | paila yakṣarakṣogaṇa sarva | jī maheṃdramukhya deva | kāṃ siddhādika || 333 ||

हे आघवेचि आपुलालिया लोकीं । सोत्कंठित अवलोकीं । हे महामूर्ती दैविकी । पाहात आहाती ॥ ३३४ ॥

he āghaveci āpulāliyā lokīṃ | sotkaṃṭhita avalokīṃ | he mahāmūrtī daivikī | pāhāta āhātī || 334 ||

मग पाहात पाहात प्रतिक्षणीं । विस्मित होऊनि अंतःकरणीं । करित निजमुकटीं वोवाळणी । प्रभुजी तुज ॥ ३३५ ॥

maga pāhāta pāhāta pratikṣaṇīṃ | vismita hoūni aṃtaḥkaraṇīṃ | karita nijamukaṭīṃ vovāḷaṇī | prabhujī tuja || 335 ||

ते जय जय घोष कलरवें । स्वर्ग गाजविताती आघवे । ठेवित ललाटावरी बरवे । करसंपुट ॥ ३३६ ॥

te jaya jaya ghoṣa kalaraveṃ | svarga gājavitātī āghave | ṭhevita lalāṭāvarī barave | karasaṃpuṭa || 336 ||

तिये विनयद्रुमाचिये आरवीं । सुरवाडली सात्त्विकांची माधवी । म्हणौनि करसंपुटपल्लवीं । तूं होतासि फळ ॥ ३३७ ॥

tiye vinayadrumāciye āravīṃ | suravāḍalī sāttvikāṃcī mādhavī | mhaṇauni karasaṃpuṭapallavīṃ | tūṃ hotāsi phaḷa || 337 ||

जी लोचनां भाग्य उदेलें । मना सुखाचें सुयाणें पाहलें । जे अगाध तुझें देखिलें । विश्वरूप इहीं ॥ ३३८ ॥

jī locanāṃ bhāgya udeleṃ | manā sukhāceṃ suyāṇeṃ pāhaleṃ | je agādha tujheṃ dekhileṃ | viśvarūpa ihīṃ || 338 ||

हें लोकत्रयव्यापक रूपडें । पाहतां देवांही वचक पडे । याचें सन्मुखपण जोडें । भलतयाकडुनी ॥ ३३९ ॥

heṃ lokatrayavyāpaka rūpaḍeṃ | pāhatāṃ devāṃhī vacaka paḍe | yāceṃ sanmukhapaṇa joḍeṃ | bhalatayākaḍunī || 339 ||

ऐसें एकचि परी विचित्रें । आणि भयानकें वक्त्रें । बहुलोचन हे सशस्त्रें । अनंतभुजा ॥ ३४० ॥

aiseṃ ekaci parī vicitreṃ | āṇi bhayānakeṃ vaktreṃ | bahulocana he saśastreṃ | anaṃtabhujā || 340 ||

अनंत चारु बाहु चरण । बहूदर आणि नानावर्ण । कैसें प्रतिवदनीं मातलेपण । आवेशाचें ॥ ३४१ ॥

anaṃta cāru bāhu caraṇa | bahūdara āṇi nānāvarṇa | kaiseṃ prativadanīṃ mātalepaṇa | āveśāceṃ || 341 ||

हो कां महाकल्पाचिया अंतीं । तवकलेनि यमें जेउततेउतीं । प्रळयाग्नीचीं उजितीं । आंबुखिलीं जैसीं ॥ ३४२ ॥

ho kāṃ mahākalpāciyā aṃtīṃ | tavakaleni yameṃ jeutateutīṃ | praḷayāgnīcīṃ ujitīṃ | āṃbukhilīṃ jaisīṃ || 342 ||

नातरी संहारत्रिपुरारीचीं यंत्रें । कीं प्रळयभैरवाचीं क्षेत्रें । नाना युगांतशक्तीचीं पात्रें । भूतखिचा वोढविलीं ॥ ३४३ ॥

nātarī saṃhāratripurārīcīṃ yaṃtreṃ | kīṃ praḷayabhairavācīṃ kṣetreṃ | nānā yugāṃtaśaktīcīṃ pātreṃ | bhūtakhicā voḍhavilīṃ || 343 ||

तैसीं जियेतियेकडे । तुझीं वक्त्रें जीं प्रचंडें । न समाती दरीमाजीं सिंव्हाडे । तैसे दशन दिसती रागीट ॥ ३४४ ॥

taisīṃ jiyetiyekaḍe | tujhīṃ vaktreṃ jīṃ pracaṃḍeṃ | na samātī darīmājīṃ siṃvhāḍe | taise daśana disatī rāgīṭa || 344 ||

जैसें काळरात्रीचेनि अंधारें । उल्हासत निघतीं संहारखेंचरें । तैसिया वदनीं प्रळयरुधिरें । काटलिया दाढा ॥ ३४५ ॥

jaiseṃ kāḷarātrīceni aṃdhāreṃ | ulhāsata nighatīṃ saṃhārakheṃcareṃ | taisiyā vadanīṃ praḷayarudhireṃ | kāṭaliyā dāḍhā || 345 ||

हें असो काळें अवंतिलें रण । कां सर्व संहारें मातलें मरण । तैसें अतिभिंगुळवाणेंपण । वदनीं तुझिये ॥ ३४६ ॥

heṃ aso kāḷeṃ avaṃtileṃ raṇa | kāṃ sarva saṃhāreṃ mātaleṃ maraṇa | taiseṃ atibhiṃguḷavāṇeṃpaṇa | vadanīṃ tujhiye || 346 ||

हे बापुडी लोकसृष्टी । मोटकीये विपाइली दिठी । आणि दुःखकालिंदीचिया तटीं । झाड होऊनि ठेली ॥ ३४७ ॥

he bāpuḍī lokasṛṣṭī | moṭakīye vipāilī diṭhī | āṇi duḥkhakāliṃdīciyā taṭīṃ | jhāḍa hoūni ṭhelī || 347 ||

तुज महामृत्यूचिया सागरीं । आतां हे त्रैलोक्य जीविताची तरी । शोकदुर्वातलहरी । आंदोळत असे ॥ ३४८ ॥

tuja mahāmṛtyūciyā sāgarīṃ | ātāṃ he trailokya jīvitācī tarī | śokadurvātalaharī | āṃdoḷata ase || 348 ||

एथ कोपोनि जरी वैकुंठें । ऐसें हन म्हणिपैल अवचटें । जें तुज लोकांचें काई वाटे ? । तूं ध्यानसुख हें भोगीं ॥ ३४९ ॥

etha koponi jarī vaikuṃṭheṃ | aiseṃ hana mhaṇipaila avacaṭeṃ | jeṃ tuja lokāṃceṃ kāī vāṭe ? | tūṃ dhyānasukha heṃ bhogīṃ || 349 ||

तरी जी लोकांचें कीर साधारण । वायां आड सूतसे वोडण । केवीं सहसा म्हणे प्राण । माझेचि कांपती ॥ ३५० ॥

tarī jī lokāṃceṃ kīra sādhāraṇa | vāyāṃ āḍa sūtase voḍaṇa | kevīṃ sahasā mhaṇe prāṇa | mājheci kāṃpatī || 350 ||

ज्या मज संहाररुद्र वासिपे । ज्या मजभेणें मृत्यु लपे । तो मी एथें अहाळबाहळीं कांपें । ऐसें तुवां केलें ॥ ३५१ ॥

jyā maja saṃhārarudra vāsipe | jyā majabheṇeṃ mṛtyu lape | to mī etheṃ ahāḷabāhaḷīṃ kāṃpeṃ | aiseṃ tuvāṃ keleṃ || 351 ||

परि नवल बापा हे महामारी । इया नाम विश्वरूप जरी । हे भ्यासुरपणें हारी । भयासि आणी ॥ ३५२ ॥

pari navala bāpā he mahāmārī | iyā nāma viśvarūpa jarī | he bhyāsurapaṇeṃ hārī | bhayāsi āṇī || 352 ||

ठेलीं महाकाळेंसि हटेंतटें । तैसी कितीएकें मुखें रागिटें । इहीं वाढोनियां धाकुटें । आकाश केलें ॥ ३५३ ॥

ṭhelīṃ mahākāḷeṃsi haṭeṃtaṭeṃ | taisī kitīekeṃ mukheṃ rāgiṭeṃ | ihīṃ vāḍhoniyāṃ dhākuṭeṃ | ākāśa keleṃ || 353 ||

गगनाचेंनि वाडपणें नाकळे । त्रिभुवनींचियाही वारिया न वेंटाळे । ययाचेनि वाफा आगी जळे । कैसें धडाडीत असे ॥ ३५४ ॥

gaganāceṃni vāḍapaṇeṃ nākaḷe | tribhuvanīṃciyāhī vāriyā na veṃṭāḷe | yayāceni vāphā āgī jaḷe | kaiseṃ dhaḍāḍīta ase || 354 ||

तेवींचि एकसारिखें एक नोहे । एथ वर्णावर्णाचा भेदु आहे । हो कां जें प्रळयीं सावावो लाहे । वन्ह्ं ययाचा ॥ ३५५ ॥

tevīṃci ekasārikheṃ eka nohe | etha varṇāvarṇācā bhedu āhe | ho kāṃ jeṃ praḷayīṃ sāvāvo lāhe | vanhṃ yayācā || 355 ||

जयाचिये आंगींची दीप्ती येवढी । जे त्रैलोक्य कीजे राखोंडी । कीं तयाही तोंडें आणि तोंडीं । दांत दाढा ॥ ३५६ ॥

jayāciye āṃgīṃcī dīptī yevaḍhī | je trailokya kīje rākhoṃḍī | kīṃ tayāhī toṃḍeṃ āṇi toṃḍīṃ | dāṃta dāḍhā || 356 ||

कैसा वारया धनुर्वात चढला । समुद्र कीं महापुरीं पडिला । विषाग्नि मारा प्रवर्तला । वडवानळासी ॥ ३५७ ॥

kaisā vārayā dhanurvāta caḍhalā | samudra kīṃ mahāpurīṃ paḍilā | viṣāgni mārā pravartalā | vaḍavānaḷāsī || 357 ||

हळाहळ आगी पियालें । नवल मरण मारा प्रवर्तलें । तैसें संहारतेजा या जाहलें । वदन देखा ॥ ३५८ ॥

haḷāhaḷa āgī piyāleṃ | navala maraṇa mārā pravartaleṃ | taiseṃ saṃhāratejā yā jāhaleṃ | vadana dekhā || 358 ||

परी कोणें मानें विशाळ । जैसें तुटलिया अंतराळ । आकाशासि कव्हळ । पडोनि ठेलें ॥ ३५९ ॥

parī koṇeṃ māneṃ viśāḷa | jaiseṃ tuṭaliyā aṃtarāḷa | ākāśāsi kavhaḷa | paḍoni ṭheleṃ || 359 ||

नातरी काखे सूनि वसुंधरी । जैं हिरण्याक्षु रिगाला विवरीं । तैं उघडले हाटकेश्वरीं । जेवीं पाताळकुहर ॥ ३६० ॥

nātarī kākhe sūni vasuṃdharī | jaiṃ hiraṇyākṣu rigālā vivarīṃ | taiṃ ughaḍale hāṭakeśvarīṃ | jevīṃ pātāḷakuhara || 360 ||

तैसा वक्त्रांचा विकाशु । माजीं जिव्हांचा आगळाचि आवेशु । विश्व न पुरे म्हणौनि घांसु । न भरीचि कोंडें ॥ ३६१ ॥

taisā vaktrāṃcā vikāśu | mājīṃ jivhāṃcā āgaḷāci āveśu | viśva na pure mhaṇauni ghāṃsu | na bharīci koṃḍeṃ || 361 ||

आणि पाताळव्याळांचिया फूत्कारीं । गरळज्वाळा लागती अंबरीं । तैसी पसरलिये वदनदरी- । माजीं हे जिव्हा ॥ ३६२ ॥

āṇi pātāḷavyāḷāṃciyā phūtkārīṃ | garaḷajvāḷā lāgatī aṃbarīṃ | taisī pasaraliye vadanadarī- | mājīṃ he jivhā || 362 ||

काढूनि प्रळयविजूंचीं जुंबाडें । जैसें पन्नासिलें गगनाचे हुडे । तैसे आवाळुवांवरी आंकडे । धगधगीत दाढांचे ॥ ३६३ ॥

kāḍhūni praḷayavijūṃcīṃ juṃbāḍeṃ | jaiseṃ pannāsileṃ gaganāce huḍe | taise āvāḷuvāṃvarī āṃkaḍe | dhagadhagīta dāḍhāṃce || 363 ||

आणि ललाटपटाचिये खोळे । कैसें भयातें भेडविताती डोळे । हो कां जे महामृत्यूचे उमाळे । कडवसां राहिले ॥ ३६४ ॥

āṇi lalāṭapaṭāciye khoḷe | kaiseṃ bhayāteṃ bheḍavitātī ḍoḷe | ho kāṃ je mahāmṛtyūce umāḷe | kaḍavasāṃ rāhile || 364 ||

ऐसें वाऊनि भयाचें भोज । एथ काय निपजवूं पाहातोसि काज । तें नेणों परी मज । मरणभय आलें ॥ ३६५ ॥

aiseṃ vāūni bhayāceṃ bhoja | etha kāya nipajavūṃ pāhātosi kāja | teṃ neṇoṃ parī maja | maraṇabhaya āleṃ || 365 ||

देवा विश्वरूप पहावयाचे डोहळे । केले तिये पावलों प्रतिफळें । बापा देखिलासि आतां डोळे । निवावे तैसे निवाले ॥ ३६६ ॥

devā viśvarūpa pahāvayāce ḍohaḷe | kele tiye pāvaloṃ pratiphaḷeṃ | bāpā dekhilāsi ātāṃ ḍoḷe | nivāve taise nivāle || 366 ||

अहो देहो पार्थिव कीर जाये । ययाची काकुळती कवणा आहे । परि आतां चैतन्य माझें विपायें । वांचे कीं न वांचे ॥ ३६७ ॥

aho deho pārthiva kīra jāye | yayācī kākuḷatī kavaṇā āhe | pari ātāṃ caitanya mājheṃ vipāyeṃ | vāṃce kīṃ na vāṃce || 367 ||

एऱ्हवीं भयास्तव आंग कांपे । नावेक आगळें तरी मन तापे । अथवा बुद्धिही वासिपे । अभिमानु विसरिजे ॥ ३६८ ॥

eऱhavīṃ bhayāstava āṃga kāṃpe | nāveka āgaḷeṃ tarī mana tāpe | athavā buddhihī vāsipe | abhimānu visarije || 368 ||

परी येतुलियाही वेगळा । जो केवळ आनंदैककळा । तया अंतरात्मयाही निश्चळा । शियारी आली ॥ ३६९ ॥

parī yetuliyāhī vegaḷā | jo kevaḷa ānaṃdaikakaḷā | tayā aṃtarātmayāhī niścaḷā | śiyārī ālī || 369 ||

बाप साक्षात्काराचा वेधु । कैसा देशधडी केला बोधु । हा गुरुशिष्यसंबंधु । विपायें नांदे ॥ ३७० ॥

bāpa sākṣātkārācā vedhu | kaisā deśadhaḍī kelā bodhu | hā guruśiṣyasaṃbaṃdhu | vipāyeṃ nāṃde || 370 ||

देवा तुझ्या ये दर्शनीं । जें वैकल्य उपजलें आहे अंतःकरणीं । तें सावरावयालागीं गंवसणी । धैर्याची करितसें ॥ ३७१ ॥

devā tujhyā ye darśanīṃ | jeṃ vaikalya upajaleṃ āhe aṃtaḥkaraṇīṃ | teṃ sāvarāvayālāgīṃ gaṃvasaṇī | dhairyācī karitaseṃ || 371 ||

तंव माझेनि नामें धैर्य हारपलें । कीं तयाहीवरी विश्वरूपदर्शन जाहलें । हें असो परि मज भलें आतुडविलें । उपदेशा इया ॥ ३७२ ॥

taṃva mājheni nāmeṃ dhairya hārapaleṃ | kīṃ tayāhīvarī viśvarūpadarśana jāhaleṃ | heṃ aso pari maja bhaleṃ ātuḍavileṃ | upadeśā iyā || 372 ||

जीव विसंवावयाचिया चाडा । सैंघ धांवाधांवी करितसे बापुडा । परि सोयही कवणेंकडां । न लभे एथ ॥ ३७३ ॥

jīva visaṃvāvayāciyā cāḍā | saiṃgha dhāṃvādhāṃvī karitase bāpuḍā | pari soyahī kavaṇeṃkaḍāṃ | na labhe etha || 373 ||

ऐसें विश्वरूपाचिया महामारी । जीवित्व गेलें आहें चराचरीं । जी न बोलें तरि काय करीं । कैसेनि राहें ? ॥ ३७४ ॥

aiseṃ viśvarūpāciyā mahāmārī | jīvitva geleṃ āheṃ carācarīṃ | jī na boleṃ tari kāya karīṃ | kaiseni rāheṃ ? || 374 ||

पैं अखंड डोळ्यांपुढें । फुटलें जैसें महाभयाचें भांडें । तैशीं तुझीं मुखें वितंडें । पसरलीं देखें ॥ ३७५ ॥

paiṃ akhaṃḍa ḍoḷyāṃpuḍheṃ | phuṭaleṃ jaiseṃ mahābhayāceṃ bhāṃḍeṃ | taiśīṃ tujhīṃ mukheṃ vitaṃḍeṃ | pasaralīṃ dekheṃ || 375 ||

असो दांत दाढांची दाटी । न झांकवे मा दों दों वोठीं । सैंघ प्रळयशस्त्रांचिया दाट कांटी । लागलिया जैशा ॥ ३७६ ॥

aso dāṃta dāḍhāṃcī dāṭī | na jhāṃkave mā doṃ doṃ voṭhīṃ | saiṃgha praḷayaśastrāṃciyā dāṭa kāṃṭī | lāgaliyā jaiśā || 376 ||

जैसें तक्षका विष भरलें । हो कां जे काळरात्रीं भूत संचरलें । कीं आग्नेयास्त्र परजिलें । वज्राग्नि जैसें ॥ ३७७ ॥

jaiseṃ takṣakā viṣa bharaleṃ | ho kāṃ je kāḷarātrīṃ bhūta saṃcaraleṃ | kīṃ āgneyāstra parajileṃ | vajrāgni jaiseṃ || 377 ||

तैशीं तुझीं वक्त्रें प्रचंडें । वरि आवेश हा बाहेरी वोसंडे । आले मरणरसाचे लोंढे । आम्हांवरी ॥ ३७८ ॥

taiśīṃ tujhīṃ vaktreṃ pracaṃḍeṃ | vari āveśa hā bāherī vosaṃḍe | āle maraṇarasāce loṃḍhe | āmhāṃvarī || 378 ||

संहारसमयींचा चंडानिळु । आणि महाकल्पांत प्रळयानळु । या दोहीं जैं होय मेळु । तैं काय एक न जळे ? ॥ ३७९ ॥

saṃhārasamayīṃcā caṃḍāniḷu | āṇi mahākalpāṃta praḷayānaḷu | yā dohīṃ jaiṃ hoya meḷu | taiṃ kāya eka na jaḷe ? || 379 ||

तैसीं संहारकें तुझीं मुखें । देखोनि धीरु कां आम्हां पारुखे ? । आतां भुललों मी दिशा न देखें । आपणपें नेणें ॥ ३८० ॥

taisīṃ saṃhārakeṃ tujhīṃ mukheṃ | dekhoni dhīru kāṃ āmhāṃ pārukhe ? | ātāṃ bhulaloṃ mī diśā na dekheṃ | āpaṇapeṃ neṇeṃ || 380 ||

मोटकें विश्वरूप डोळां देखिलें । आणि सुखाचें अवर्षण पडिलें । आतां जापाणीं जापाणीं आपुलें । अस्ताव्यस्त हें ॥ ३८१ ॥

moṭakeṃ viśvarūpa ḍoḷāṃ dekhileṃ | āṇi sukhāceṃ avarṣaṇa paḍileṃ | ātāṃ jāpāṇīṃ jāpāṇīṃ āpuleṃ | astāvyasta heṃ || 381 ||

ऐसें करिसी म्हणौनि जरी जाणें । तरी हे गोष्टी सांगावीं कां मी म्हणें । आतां एक वेळ वांचवी जी प्राणें । या स्वरूपप्रळयापासोनि ॥ ३८२ ॥

aiseṃ karisī mhaṇauni jarī jāṇeṃ | tarī he goṣṭī sāṃgāvīṃ kāṃ mī mhaṇeṃ | ātāṃ eka veḷa vāṃcavī jī prāṇeṃ | yā svarūpapraḷayāpāsoni || 382 ||

जरी तूं गोसावी आमुचा अनंता । तरी सुईं वोडण माझिया जीविता । सांटवीं पसारा हा मागुता । महामारीचा ॥ ३८३ ॥

jarī tūṃ gosāvī āmucā anaṃtā | tarī suīṃ voḍaṇa mājhiyā jīvitā | sāṃṭavīṃ pasārā hā māgutā | mahāmārīcā || 383 ||

आइकें सकळ देवांचिया परदेवते । तुवां चैतन्यें गा विश्व वसतें । तें विसरलासी हें उपरतें । संहारूं आदरिलें ॥ ३८४ ॥

āikeṃ sakaḷa devāṃciyā paradevate | tuvāṃ caitanyeṃ gā viśva vasateṃ | teṃ visaralāsī heṃ uparateṃ | saṃhārūṃ ādarileṃ || 384 ||

म्हणौनि वेगीं प्रसन्न होईं देवराया । संहरीं संहरीं आपुली माया । काढीं मातें महाभया- । पासोनियां ॥ ३८५ ॥

mhaṇauni vegīṃ prasanna hoīṃ devarāyā | saṃharīṃ saṃharīṃ āpulī māyā | kāḍhīṃ māteṃ mahābhayā- | pāsoniyāṃ || 385 ||

हा ठायवरी पुढतपुढतीं । तूंतें म्हणिजे बहुवा काकुळती । ऐसा मी विश्वमूर्ती । भेडका जाहलों ॥ ३८६ ॥

hā ṭhāyavarī puḍhatapuḍhatīṃ | tūṃteṃ mhaṇije bahuvā kākuḷatī | aisā mī viśvamūrtī | bheḍakā jāhaloṃ || 386 ||

जैं अमरावतीये आला धाडा । तैं म्यां एकलेनि केला उवेडा । जो मी काळाचियाही तोंडा । वासिपु न धरीं ॥ ३८७ ॥

jaiṃ amarāvatīye ālā dhāḍā | taiṃ myāṃ ekaleni kelā uveḍā | jo mī kāḷāciyāhī toṃḍā | vāsipu na dharīṃ || 387 ||

परी तया आंतुल नव्हे हें देवा । एथ मृत्यूसही करूनि चढावा । तुवां आमुचाचि घोटू भरावा । या सकळ विश्वेंसीं ॥ ३८८ ॥

parī tayā āṃtula navhe heṃ devā | etha mṛtyūsahī karūni caḍhāvā | tuvāṃ āmucāci ghoṭū bharāvā | yā sakaḷa viśveṃsīṃ || 388 ||

कैसा नव्हता प्रळयाचा वेळु । गोखा तूंचि मिनलासि काळु । बापुडा हा त्रिभुवनगोळु । अल्पायु जाहला ॥ ३८९ ॥

kaisā navhatā praḷayācā veḷu | gokhā tūṃci minalāsi kāḷu | bāpuḍā hā tribhuvanagoḷu | alpāyu jāhalā || 389 ||

अहा भाग्या विपरीता । विघ्न उठिलें शांत करितां । कटाकटा विश्व गेलें आतां । तूं लागलासि ग्रासूं ॥ ३९० ॥

ahā bhāgyā viparītā | vighna uṭhileṃ śāṃta karitāṃ | kaṭākaṭā viśva geleṃ ātāṃ | tūṃ lāgalāsi grāsūṃ || 390 ||

हें नव्हे मा रोकडें । सैंघ पसरूनियां तोंडें । कवळितासि चहूंकडे । सैन्यें इयें ॥ ३९१ ॥

heṃ navhe mā rokaḍeṃ | saiṃgha pasarūniyāṃ toṃḍeṃ | kavaḷitāsi cahūṃkaḍe | sainyeṃ iyeṃ || 391 ||

नोहेति ? हे कौरवकुळींचे वीर । आंधळिया धृतराष्ट्राचे कुमर । हे गेले गेले सहपरिवार । तुझिया वदनीं ॥ ३९२ ॥

noheti ? he kauravakuḷīṃce vīra | āṃdhaḷiyā dhṛtarāṣṭrāce kumara | he gele gele sahaparivāra | tujhiyā vadanīṃ || 392 ||

आणि जे जे यांचेनि सावायें । आले देशोदेशींचे राये । तयांचें सांगावया जावों न लाहे । ऐसें सरकटित आहासी ॥ ३९३ ॥

āṇi je je yāṃceni sāvāyeṃ | āle deśodeśīṃce rāye | tayāṃceṃ sāṃgāvayā jāvoṃ na lāhe | aiseṃ sarakaṭita āhāsī || 393 ||

मदमुखाचिया संघटा । घेत आहासि घटघटां । आरणीं हन थाटा । देतासि मिठी ॥ ३९४ ॥

madamukhāciyā saṃghaṭā | gheta āhāsi ghaṭaghaṭāṃ | āraṇīṃ hana thāṭā | detāsi miṭhī || 394 ||

जंत्रावरिचील मार । पदातींचे मोगर । मुखाआंत भार । हारपताति मा ॥ ३९५ ॥

jaṃtrāvaricīla māra | padātīṃce mogara | mukhāāṃta bhāra | hārapatāti mā || 395 ||

कृतांताचिया जावळी । जें एकचि विश्वातें गिळी । तियें कोटीवरी सगळीं । गिळितासि शस्त्रें ॥ ३९६ ॥

kṛtāṃtāciyā jāvaḷī | jeṃ ekaci viśvāteṃ giḷī | tiyeṃ koṭīvarī sagaḷīṃ | giḷitāsi śastreṃ || 396 ||

चतुरंगा परिवारा । संजोडियां रहंवरां । दांत न लाविसी मा परमेश्वरा । कसा तुष्टलासि बरवा ॥ ३९७ ॥

caturaṃgā parivārā | saṃjoḍiyāṃ rahaṃvarāṃ | dāṃta na lāvisī mā parameśvarā | kasā tuṣṭalāsi baravā || 397 ||

हां गा भीष्माऐसा कवणु । सत्यशौर्यनिपुणु । तोही आणि ब्राह्मण द्रोणु । ग्रासिलासि कटकटा ॥ ३९८ ॥

hāṃ gā bhīṣmāaisā kavaṇu | satyaśauryanipuṇu | tohī āṇi brāhmaṇa droṇu | grāsilāsi kaṭakaṭā || 398 ||

अहा सहस्रकराचा कुमरु । एथ गेला गेला कर्णवीरु । आणि आमुचिया आघवयांचा केरु । फेडिला देखें ॥ ३९९ ॥

ahā sahasrakarācā kumaru | etha gelā gelā karṇavīru | āṇi āmuciyā āghavayāṃcā keru | pheḍilā dekheṃ || 399 ||

कटकटा धातया । कैसें जाहलें अनुग्रहा यया । मियां प्रार्थूनि जगा बापुडिया । आणिलें मरण ॥ ४०० ॥

kaṭakaṭā dhātayā | kaiseṃ jāhaleṃ anugrahā yayā | miyāṃ prārthūni jagā bāpuḍiyā | āṇileṃ maraṇa || 400 ||

मागां थोडिया बहुवा उपपत्ती । येणें सांगितलिया विभूती । तैसा नसेचि मा पुढती । बैसलों पुसों ॥ ४०१ ॥

māgāṃ thoḍiyā bahuvā upapattī | yeṇeṃ sāṃgitaliyā vibhūtī | taisā naseci mā puḍhatī | baisaloṃ pusoṃ || 401 ||

म्हणौनि भोग्य तें त्रिशुद्धी न चुके । आणि बुद्धिही होणारासारिखी ठाके । माझ्या कपाळीं पिटावें लोकें । तें लोटेल कांह्यां ॥ ४०२ ॥

mhaṇauni bhogya teṃ triśuddhī na cuke | āṇi buddhihī hoṇārāsārikhī ṭhāke | mājhyā kapāḷīṃ piṭāveṃ lokeṃ | teṃ loṭela kāṃhyāṃ || 402 ||

पूर्वीं अमृतही हातां आलें । परी देव नसतीचि उगले । मग काळकूट उठविलें । शेवटीं जैसें ॥ ४०३ ॥

pūrvīṃ amṛtahī hātāṃ āleṃ | parī deva nasatīci ugale | maga kāḷakūṭa uṭhavileṃ | śevaṭīṃ jaiseṃ || 403 ||

परी तें एकबगीं थोडें । केलिया प्रतिकारामाजिवडें । आणि तिये अवसरीचें तें सांकडें । निस्तरविलें शंभू ॥ ४०४ ॥

parī teṃ ekabagīṃ thoḍeṃ | keliyā pratikārāmājivaḍeṃ | āṇi tiye avasarīceṃ teṃ sāṃkaḍeṃ | nistaravileṃ śaṃbhū || 404 ||

आतां हा जळतां वारा कें वेंटाळे ? । कोणा हे विषा भरलें गगन गिळे ? । महाकाळेंसि कें खेळें ? । आंगवत असे ॥ ४०५ ॥

ātāṃ hā jaḷatāṃ vārā keṃ veṃṭāḷe ? | koṇā he viṣā bharaleṃ gagana giḷe ? | mahākāḷeṃsi keṃ kheḷeṃ ? | āṃgavata ase || 405 ||

ऐसा अर्जुन दुःखें शिणतु । शोचित असे जिवाआंतु । परी न देखें तो प्रस्तुतु । अभिप्राय देवाचा ॥ ४०६ ॥

aisā arjuna duḥkheṃ śiṇatu | śocita ase jivāāṃtu | parī na dekheṃ to prastutu | abhiprāya devācā || 406 ||

जे मी मारिता हे कौरव मरते । ऐसेनि वेंटाळिला होता मोहें बहुतें । तो फेडावयालागीं अनंतें । हें दाखविलें निज ॥ ४०७ ॥

je mī māritā he kaurava marate | aiseni veṃṭāḷilā hotā moheṃ bahuteṃ | to pheḍāvayālāgīṃ anaṃteṃ | heṃ dākhavileṃ nija || 407 ||

अरे कोण्ही कोणातें न मारी । एथ मीचि हो सर्व संहारीं । हें विश्वरूपव्याजें हरी । प्रकटित असे ॥ ४०८ ॥

are koṇhī koṇāteṃ na mārī | etha mīci ho sarva saṃhārīṃ | heṃ viśvarūpavyājeṃ harī | prakaṭita ase || 408 ||

परी वायांचि व्याकुलता । ते न चोजवेचि पंडुसुता । मग अहा कंपु नव्हता । वाढवित असे ॥ ४०९ ॥

parī vāyāṃci vyākulatā | te na cojaveci paṃḍusutā | maga ahā kaṃpu navhatā | vāḍhavita ase || 409 ||

तेथ म्हणे पाहा हो एके वेळे । सासिकवचेंसि दोन्ही दळें । वदनीं गेलीं आभाळें । गगनीं कां जैसीं ॥ ४१० ॥

tetha mhaṇe pāhā ho eke veḷe | sāsikavaceṃsi donhī daḷeṃ | vadanīṃ gelīṃ ābhāḷeṃ | gaganīṃ kāṃ jaisīṃ || 410 ||

कां महाकल्पाचिया शेवटीं । जैं कृतांतु कोपला होय सृष्टी । तैं एकविसांही स्वर्गां मिठी । पाताळासकट दे ॥ ४११ ॥

kāṃ mahākalpāciyā śevaṭīṃ | jaiṃ kṛtāṃtu kopalā hoya sṛṣṭī | taiṃ ekavisāṃhī svargāṃ miṭhī | pātāḷāsakaṭa de || 411 ||

नातरी उदासीनें दैवें । संचकाचीं वैभवें । जेथींचीं तेथ स्वभावें । विलया जाती ॥ ४१२ ॥

nātarī udāsīneṃ daiveṃ | saṃcakācīṃ vaibhaveṃ | jethīṃcīṃ tetha svabhāveṃ | vilayā jātī || 412 ||

तैसीं सासिन्नलीं सैन्यें एकवटें । इये मुखीं जाहलीं प्रविष्टें । परी एकही तोंडौनि न सुटे । कैसें कर्म देखा ॥ ४१३ ॥

taisīṃ sāsinnalīṃ sainyeṃ ekavaṭeṃ | iye mukhīṃ jāhalīṃ praviṣṭeṃ | parī ekahī toṃḍauni na suṭe | kaiseṃ karma dekhā || 413 ||

अशोकाचे अंगवसे । चघळिले कऱ्हेनि जैसे । लोक वक्त्रामाजीं तैसे । वायां गेले ॥ ४१४ ॥

aśokāce aṃgavase | caghaḷile kaऱheni jaise | loka vaktrāmājīṃ taise | vāyāṃ gele || 414 ||

परि सिसाळें मुकुटेंसीं । पडिली दाढांचे सांडसीं । पीठ होत कैसीं । दिसत आहाती ॥ ४१५ ॥

pari sisāḷeṃ mukuṭeṃsīṃ | paḍilī dāḍhāṃce sāṃḍasīṃ | pīṭha hota kaisīṃ | disata āhātī || 415 ||

तियें रत्नें दांतांचिये सवडीं । कूट लागलें जिभेच्या बुडीं । कांहीं कांहीं आगरडीं । द्रंष्ट्रांचीं माखलीं ॥ ४१६ ॥

tiyeṃ ratneṃ dāṃtāṃciye savaḍīṃ | kūṭa lāgaleṃ jibhecyā buḍīṃ | kāṃhīṃ kāṃhīṃ āgaraḍīṃ | draṃṣṭrāṃcīṃ mākhalīṃ || 416 ||

हो कां जे विश्वरूपें काळें । ग्रासिलीं लोकांचीं शरीरें बळें । परि जीवित्व देहींचीं सिसाळें । अवश्य कीं राखिलीं ॥ ४१७ ॥

ho kāṃ je viśvarūpeṃ kāḷeṃ | grāsilīṃ lokāṃcīṃ śarīreṃ baḷeṃ | pari jīvitva dehīṃcīṃ sisāḷeṃ | avaśya kīṃ rākhilīṃ || 417 ||

तैसीं शरीरामाजीं चोखडीं । इयें उत्तमांगें होतीं फुडीं । म्हणौनि महाकाळाचियाही तोंडीं । परि उरलीं शेखीं ॥ ४१८ ॥

taisīṃ śarīrāmājīṃ cokhaḍīṃ | iyeṃ uttamāṃgeṃ hotīṃ phuḍīṃ | mhaṇauni mahākāḷāciyāhī toṃḍīṃ | pari uralīṃ śekhīṃ || 418 ||

मग म्हणे हें काई । जन्मलयां आन मोहरचि नाहीं । जग आपैसेंचि वदनडोहीं । संचारताहे ॥ ४१९ ॥

maga mhaṇe heṃ kāī | janmalayāṃ āna moharaci nāhīṃ | jaga āpaiseṃci vadanaḍohīṃ | saṃcāratāhe || 419 ||

यया आपेंआप आघविया सृष्टी । लागलिया आहाति वदनाच्या वाटीं । आणि हा जेथिंचिया तेथ मिठी । देतसे उगला ॥ ४२० ॥

yayā āpeṃāpa āghaviyā sṛṣṭī | lāgaliyā āhāti vadanācyā vāṭīṃ | āṇi hā jethiṃciyā tetha miṭhī | detase ugalā || 420 ||

ब्रह्मादिक समस्त । उंचा मुखामाजीं धांवत । येर सामान्य हे भरत । ऐलीच वदनीं ॥ ४२१ ॥

brahmādika samasta | uṃcā mukhāmājīṃ dhāṃvata | yera sāmānya he bharata | ailīca vadanīṃ || 421 ||

आणीकही भूतजात । तें उपजलेचि ठायीं ग्रासित । परि याचिया मुखा निभ्रांत । न सुटेचि कांहीं ॥ ४२२ ॥

āṇīkahī bhūtajāta | teṃ upajaleci ṭhāyīṃ grāsita | pari yāciyā mukhā nibhrāṃta | na suṭeci kāṃhīṃ || 422 ||

जैसे महानदीचे वोघ । वहिले ठाकिती समुद्राचें आंग । तैसें आघवाचिकडूनि जग । प्रवेशत मुखीं ॥ ४२३ ॥

jaise mahānadīce vogha | vahile ṭhākitī samudrāceṃ āṃga | taiseṃ āghavācikaḍūni jaga | praveśata mukhīṃ || 423 ||

आयुष्यपंथें प्राणिगणी । करोनि अहोरात्रांची मोवणी । वेगें वक्त्रामिळणीं । साधिजत आहाती ॥ ४२४ ॥

āyuṣyapaṃtheṃ prāṇigaṇī | karoni ahorātrāṃcī movaṇī | vegeṃ vaktrāmiḷaṇīṃ | sādhijata āhātī || 424 ||

जळतया गिरीच्या गवखा- । माजीं घापती पतंगाचिया झाका । तैसे समग्र लोक देखा । इये वदनीं पडती ॥ ४२५ ॥

jaḷatayā girīcyā gavakhā- | mājīṃ ghāpatī pataṃgāciyā jhākā | taise samagra loka dekhā | iye vadanīṃ paḍatī || 425 ||

परि जेतुलें येथ प्रवेशलें । तें तातलिया लोहें पाणीचि पां गिळिलें । वहवटींहि पुसिलें । नामरूप तयांचें ॥ ४२६ ॥

pari jetuleṃ yetha praveśaleṃ | teṃ tātaliyā loheṃ pāṇīci pāṃ giḷileṃ | vahavaṭīṃhi pusileṃ | nāmarūpa tayāṃceṃ || 426 ||

आणि येतुलाही आरोगण । करितां भुके नाहीं उणेपण । कैसें दीपन असाधारण । उदयलें यया ॥ ४२७ ॥

āṇi yetulāhī ārogaṇa | karitāṃ bhuke nāhīṃ uṇepaṇa | kaiseṃ dīpana asādhāraṇa | udayaleṃ yayā || 427 ||

जैसा रोगिया ज्वराहूनि उठिला । का भणगा दुकाळु पाहला । तैसा जिभांचा लळलळाटु देखिला । आवाळुवें चाटितां ॥ ४२८ ॥

jaisā rogiyā jvarāhūni uṭhilā | kā bhaṇagā dukāḷu pāhalā | taisā jibhāṃcā laḷalaḷāṭu dekhilā | āvāḷuveṃ cāṭitāṃ || 428 ||

तैसें आहाराचे नांवें कांहीं । तोंडापासूनि उरलेंचि नाहीं । कैसी समसमीत नवाई । भुकेलेपणाची ॥ ४२९ ॥

taiseṃ āhārāce nāṃveṃ kāṃhīṃ | toṃḍāpāsūni uraleṃci nāhīṃ | kaisī samasamīta navāī | bhukelepaṇācī || 429 ||

काय सागराचा घोंटु भरावा ? । कीं पर्वताचा घांसु करावा ? । ब्रह्मकटाहो घालावा । आघवाचि दाढे ॥ ४३० ॥

kāya sāgarācā ghoṃṭu bharāvā ? | kīṃ parvatācā ghāṃsu karāvā ? | brahmakaṭāho ghālāvā | āghavāci dāḍhe || 430 ||

दिशा सगळियाचि गिळाविया । चांदिणिया चाटूनि घ्याविया । ऐसें वर्तत आहे साविया । लोलुप्य बा तुझें ॥ ४३१ ॥

diśā sagaḷiyāci giḷāviyā | cāṃdiṇiyā cāṭūni ghyāviyā | aiseṃ vartata āhe sāviyā | lolupya bā tujheṃ || 431 ||

जैसा भोगीं कामु वाढे । कां इंधनें आगीसि हाकाक चढे । तैसी खातखातांचि तोंडें । खाखांतें ठेलीं ॥ ४३२ ॥

jaisā bhogīṃ kāmu vāḍhe | kāṃ iṃdhaneṃ āgīsi hākāka caḍhe | taisī khātakhātāṃci toṃḍeṃ | khākhāṃteṃ ṭhelīṃ || 432 ||

कैसें एकचि केवढें पसरलें । त्रिभुवन जिव्हाग्रीं आहे टेकलें । जैसें कां कवीठ घातलें । वडवानळीं ॥ ४३३ ॥

kaiseṃ ekaci kevaḍheṃ pasaraleṃ | tribhuvana jivhāgrīṃ āhe ṭekaleṃ | jaiseṃ kāṃ kavīṭha ghātaleṃ | vaḍavānaḷīṃ || 433 ||

ऐसीं अपार वदनें । आतां येतुलीं कैंचीं त्रिभुवनें । कां आहारु न मिळतां येणें मानें । वाढविलीं सैंघ ॥ ४३४ ॥

aisīṃ apāra vadaneṃ | ātāṃ yetulīṃ kaiṃcīṃ tribhuvaneṃ | kāṃ āhāru na miḷatāṃ yeṇeṃ māneṃ | vāḍhavilīṃ saiṃgha || 434 ||

अगा हा लोकु बापुडा । जाहला वदनज्वाळां वरपडा । जैसी वणवेयाचिया वेढां । सांपडती मृगें ॥ ४३५ ॥

agā hā loku bāpuḍā | jāhalā vadanajvāḷāṃ varapaḍā | jaisī vaṇaveyāciyā veḍhāṃ | sāṃpaḍatī mṛgeṃ || 435 ||

आतां तैसें यां विश्वा जाहालें । देव नव्हे हें कर्म आलें । कां जग चळचळां पांगिलें । काळजाळें ॥ ४३६ ॥

ātāṃ taiseṃ yāṃ viśvā jāhāleṃ | deva navhe heṃ karma āleṃ | kāṃ jaga caḷacaḷāṃ pāṃgileṃ | kāḷajāḷeṃ || 436 ||

आतां इये अंगप्रभेचिये वागुरे । कोणीकडूनि निगिजैल चराचरें । हीं वक्त्रें नोहेती जोहारें । वोडवलीं जगा ॥ ४३७ ॥

ātāṃ iye aṃgaprabheciye vāgure | koṇīkaḍūni nigijaila carācareṃ | hīṃ vaktreṃ nohetī johāreṃ | voḍavalīṃ jagā || 437 ||

आगी आपुलेनि दाहकपणें । कैसेनि पोळिजे तें नेणे । परी जया लागे तया प्राणें । सुटिकाची नाहीं ॥ ४३८ ॥

āgī āpuleni dāhakapaṇeṃ | kaiseni poḷije teṃ neṇe | parī jayā lāge tayā prāṇeṃ | suṭikācī nāhīṃ || 438 ||

नातरी माझेनि तिखटपणें । कैसें निवटे हें शस्त्र कायि जाणें । कां आपुलियां मारा नेणें । विष जैसें ॥ ४३९ ॥

nātarī mājheni tikhaṭapaṇeṃ | kaiseṃ nivaṭe heṃ śastra kāyi jāṇeṃ | kāṃ āpuliyāṃ mārā neṇeṃ | viṣa jaiseṃ || 439 ||

तैसी तुज कांहीं । आपुलिया उग्रपणाची सेचि नाहीं । परी ऐलीकडिले मुखीं खाई । हो सरली जगाची ॥ ४४० ॥

taisī tuja kāṃhīṃ | āpuliyā ugrapaṇācī seci nāhīṃ | parī ailīkaḍile mukhīṃ khāī | ho saralī jagācī || 440 ||

अगा आत्मा तूं एकु । सकळ विश्वव्यापकु । तरी कां आम्हां अंतकु । तैसा वोडवलासी ? ॥ ४४१ ॥

agā ātmā tūṃ eku | sakaḷa viśvavyāpaku | tarī kāṃ āmhāṃ aṃtaku | taisā voḍavalāsī ? || 441 ||

तरी मियां सांडिली जीवित्वाची चाड । आणि तुवांही न धरावी भीड । मनीं आहे तें उघड । बोल पां सुखें ॥ ४४२ ॥

tarī miyāṃ sāṃḍilī jīvitvācī cāḍa | āṇi tuvāṃhī na dharāvī bhīḍa | manīṃ āhe teṃ ughaḍa | bola pāṃ sukheṃ || 442 ||

किती वाढविसी या उग्ररूपा । आंगींचें भगवंतपण आठवीं बापा । नाहीं तरी कृपा । मजपुरती पाही ॥ ४४३ ॥

kitī vāḍhavisī yā ugrarūpā | āṃgīṃceṃ bhagavaṃtapaṇa āṭhavīṃ bāpā | nāhīṃ tarī kṛpā | majapuratī pāhī || 443 ||

तरी एक वेळ वेदवेद्या । जी त्रिभुवनैक आद्या । विनवणी विश्ववंद्या । आइकें माझी ॥ ४४४ ॥

tarī eka veḷa vedavedyā | jī tribhuvanaika ādyā | vinavaṇī viśvavaṃdyā | āikeṃ mājhī || 444 ||

ऐसें बोलोनि वीरें । चरण नमस्कारिलें शिरें । मग म्हणें तरी सर्वेश्वरें । अवधारिजो ॥ ४४५ ॥

aiseṃ boloni vīreṃ | caraṇa namaskārileṃ śireṃ | maga mhaṇeṃ tarī sarveśvareṃ | avadhārijo || 445 ||

मियां होआवया समाधान । जी पुसिलें विश्वरूपध्यान । आणि एकेंचि काळें त्रिभुवन । गिळितुचि उठिलासी ॥ ४४६ ॥

miyāṃ hoāvayā samādhāna | jī pusileṃ viśvarūpadhyāna | āṇi ekeṃci kāḷeṃ tribhuvana | giḷituci uṭhilāsī || 446 ||

तरी तूं कोण कां येतुलीं । इयें भ्यासुरें मुखें कां मेळविलीं । आघवियाचि करीं परिजिलीं । शस्त्रें कांह्या ॥ ४४७ ॥

tarī tūṃ koṇa kāṃ yetulīṃ | iyeṃ bhyāsureṃ mukheṃ kāṃ meḷavilīṃ | āghaviyāci karīṃ parijilīṃ | śastreṃ kāṃhyā || 447 ||

जी जंव तंव रागीटपणें । वाढोनि गगना आणितोसि उणें । कां डोळे करूनि भिंगुळवाणे । भेडसावीत आहासी ॥ ४४८ ॥

jī jaṃva taṃva rāgīṭapaṇeṃ | vāḍhoni gaganā āṇitosi uṇeṃ | kāṃ ḍoḷe karūni bhiṃguḷavāṇe | bheḍasāvīta āhāsī || 448 ||

एथ कृतांतेंसि देवा । कासया किजतसे हेवा । हा आपुला तुवां सांगावा । अभिप्राय मज ॥ ४४९ ॥

etha kṛtāṃteṃsi devā | kāsayā kijatase hevā | hā āpulā tuvāṃ sāṃgāvā | abhiprāya maja || 449 ||

या बोला म्हणे अनंतु । मी कोण हें आहासी पुसतु । आणि कायिसयालागीं असे वाढतु । उग्रतेसी ॥ ४५० ॥

yā bolā mhaṇe anaṃtu | mī koṇa heṃ āhāsī pusatu | āṇi kāyisayālāgīṃ ase vāḍhatu | ugratesī || 450 ||

तरी मी काळु गा हें फुडें । लोक संहारावयालागीं वाढें । सैंघ पसरिलीं आहातीं तोंडें । आतां ग्रासीन हें आघवें ॥ ४५१ ॥

tarī mī kāḷu gā heṃ phuḍeṃ | loka saṃhārāvayālāgīṃ vāḍheṃ | saiṃgha pasarilīṃ āhātīṃ toṃḍeṃ | ātāṃ grāsīna heṃ āghaveṃ || 451 ||

एथ अर्जुन म्हणे कटकटा । उबगिलों मागिल्या संकटा । म्हणौनि आळविला तंव वोखटा । उवाइला हा ॥ ४५२ ॥

etha arjuna mhaṇe kaṭakaṭā | ubagiloṃ māgilyā saṃkaṭā | mhaṇauni āḷavilā taṃva vokhaṭā | uvāilā hā || 452 ||

तेवींचि कठिण बोलें आसतुटी । अर्जुन होईल हिंपुटी । म्हणौनि सवेंचि म्हणे किरीटी । परि आन एक असे ॥ ४५३ ॥

tevīṃci kaṭhiṇa boleṃ āsatuṭī | arjuna hoīla hiṃpuṭī | mhaṇauni saveṃci mhaṇe kirīṭī | pari āna eka ase || 453 ||

तरी आतांचिये संहारवाहरे । तुम्हीं पांडव असा बाहिरे । तेथ जातजातां धनुर्धरें । सांवरिले प्राण ॥ ४५४ ॥

tarī ātāṃciye saṃhāravāhare | tumhīṃ pāṃḍava asā bāhire | tetha jātajātāṃ dhanurdhareṃ | sāṃvarile prāṇa || 454 ||

होता मरणमहामारीं गेला । तो मागुता सावधु जाहला । मग लागला बोला । चित्त देऊं ॥ ४५५ ॥

hotā maraṇamahāmārīṃ gelā | to māgutā sāvadhu jāhalā | maga lāgalā bolā | citta deūṃ || 455 ||

ऐसें म्हणिजत आहे देवें । अर्जुना तुम्ही माझें हें जाणावें । येर जाण मी आघवें । सरलों ग्रासूं ॥ ४५६ ॥

aiseṃ mhaṇijata āhe deveṃ | arjunā tumhī mājheṃ heṃ jāṇāveṃ | yera jāṇa mī āghaveṃ | saraloṃ grāsūṃ || 456 ||

वज्रानळीं प्रचंडीं । जैसी घापे लोणियाची उंडी । तैसें जग हें माझिया तोंडीं । तुवां देखिलें जें ॥ ४५७ ॥

vajrānaḷīṃ pracaṃḍīṃ | jaisī ghāpe loṇiyācī uṃḍī | taiseṃ jaga heṃ mājhiyā toṃḍīṃ | tuvāṃ dekhileṃ jeṃ || 457 ||

तरी तयामाझारीं कांहीं । भरंवसेनि उणें नाहीं । इये वायांचि सैन्यें पाहीं । बरवतें आहाती ॥ ४५८ ॥

tarī tayāmājhārīṃ kāṃhīṃ | bharaṃvaseni uṇeṃ nāhīṃ | iye vāyāṃci sainyeṃ pāhīṃ | baravateṃ āhātī || 458 ||

ऐसा चतुरंगाचिया संपदा । करित महाकाळेंसीं स्पर्धा । वांटिवेचिया मदा । वघळले जे ॥ ४५९ ॥

aisā caturaṃgāciyā saṃpadā | karita mahākāḷeṃsīṃ spardhā | vāṃṭiveciyā madā | vaghaḷale je || 459 ||

हे जे मिळोनियां मेळे । कुंथती वीरवृत्तीचेनि बळें । यमावरी गजदळें । वाखाणिजताती ॥ ४६० ॥

he je miḷoniyāṃ meḷe | kuṃthatī vīravṛttīceni baḷeṃ | yamāvarī gajadaḷeṃ | vākhāṇijatātī || 460 ||

म्हणती सृष्टीवरी सृष्टी करूं । आण वाहूनि मृत्यूतें मारूं । आणि जगाचा भरूं । घोंटु यया ॥ ४६१ ॥

mhaṇatī sṛṣṭīvarī sṛṣṭī karūṃ | āṇa vāhūni mṛtyūteṃ mārūṃ | āṇi jagācā bharūṃ | ghoṃṭu yayā || 461 ||

पृथ्वी सगळीचि गिळूं । आकाश वरिच्यावरी जाळूं । कां बाणवरी खिळूं । वारयातें ॥ ४६२ ॥

pṛthvī sagaḷīci giḷūṃ | ākāśa varicyāvarī jāḷūṃ | kāṃ bāṇavarī khiḷūṃ | vārayāteṃ || 462 ||

बोल हतियेराहूनि तिखट । दिसती अग्निपरिस दासट । मारकपणें काळकूट । महुर म्हणत ॥ ४६३ ॥

bola hatiyerāhūni tikhaṭa | disatī agniparisa dāsaṭa | mārakapaṇeṃ kāḷakūṭa | mahura mhaṇata || 463 ||

तरी हे गंधर्वनगरींचे उमाळे । जाण पोकळीचे पेंडवळें । अगा चित्रीव फळें । वीर हे देखें ॥ ४६४ ॥

tarī he gaṃdharvanagarīṃce umāḷe | jāṇa pokaḷīce peṃḍavaḷeṃ | agā citrīva phaḷeṃ | vīra he dekheṃ || 464 ||

हां गा मृगजळाचा पूर आला । दळ नव्हे कापडाचा साप केला । इया शृंगारूनियां खाला । मांडिलिया पैं ॥ ४६५ ॥

hāṃ gā mṛgajaḷācā pūra ālā | daḷa navhe kāpaḍācā sāpa kelā | iyā śṛṃgārūniyāṃ khālā | māṃḍiliyā paiṃ || 465 ||

येर चेष्टवितें जें बळ । तें मागांचि मियां ग्रासिलें सकळ । आतां कोल्हारिचे वेताळ । तैसे निर्जीव हे आहाती ॥ ४६६ ॥

yera ceṣṭaviteṃ jeṃ baḷa | teṃ māgāṃci miyāṃ grāsileṃ sakaḷa | ātāṃ kolhārice vetāḷa | taise nirjīva he āhātī || 466 ||

हालविती दोरी तुटली । तरी तियें खांबावरील बाहुलीं । भलतेणें लोटिलीं । उलथोनि पडती ॥ ४६७ ॥

hālavitī dorī tuṭalī | tarī tiyeṃ khāṃbāvarīla bāhulīṃ | bhalateṇeṃ loṭilīṃ | ulathoni paḍatī || 467 ||

तैसा सैन्याचा यया बगा । मोडतां वेळू न लगेल पैं गा । म्हणौनि उठीं उठीं वेगां । शाहाणा होईं ॥ ४६८ ॥

taisā sainyācā yayā bagā | moḍatāṃ veḷū na lagela paiṃ gā | mhaṇauni uṭhīṃ uṭhīṃ vegāṃ | śāhāṇā hoīṃ || 468 ||

तुवां गोग्रहणाचेनि अवसरें । घातलें मोहनास्त्र एकसरें । मग विराटाचेनि महाभेडें उत्तरें । आसडूनि नागाविलें ॥ ४६९ ॥

tuvāṃ gograhaṇāceni avasareṃ | ghātaleṃ mohanāstra ekasareṃ | maga virāṭāceni mahābheḍeṃ uttareṃ | āsaḍūni nāgāvileṃ || 469 ||

आतां हें त्याहूनि निपटारें जहालें । निवटीं आयितें रण पडिलें । घेईं यश रिपु जिंतिले । एकलेनि अर्जुनें ॥ ४७० ॥

ātāṃ heṃ tyāhūni nipaṭāreṃ jahāleṃ | nivaṭīṃ āyiteṃ raṇa paḍileṃ | gheīṃ yaśa ripu jiṃtile | ekaleni arjuneṃ || 470 ||

आणि कोरडें यशचि नोहे । समग्र राज्यही आलें आहे । तूं निमित्तमात्रचि होयें । सव्यसाची ॥ ४७१ ॥

āṇi koraḍeṃ yaśaci nohe | samagra rājyahī āleṃ āhe | tūṃ nimittamātraci hoyeṃ | savyasācī || 471 ||

द्रोणाचा पाडु न करीं । भीष्माचें भय न धरीं । कैसेनि कर्णावरी । परजूं हें न म्हण ॥ ४७२ ॥

droṇācā pāḍu na karīṃ | bhīṣmāceṃ bhaya na dharīṃ | kaiseni karṇāvarī | parajūṃ heṃ na mhaṇa || 472 ||

कोण उपायो जयद्रथा कीजे । हें न चिंतूं चित्त तुझें । आणिकही आथि जे जे । नावाणिगे वीर ॥ ४७३ ॥

koṇa upāyo jayadrathā kīje | heṃ na ciṃtūṃ citta tujheṃ | āṇikahī āthi je je | nāvāṇige vīra || 473 ||

तेही एक एक आघवें । चित्रींचे सिंहाडे मानावे । जैसे वोलेनि हातें घ्यावें । पुसोनियां ॥ ४७४ ॥

tehī eka eka āghaveṃ | citrīṃce siṃhāḍe mānāve | jaise voleni hāteṃ ghyāveṃ | pusoniyāṃ || 474 ||

यावरी पांडवा । काइसा युद्धाचा मेळावा ? । हा आभासु गा आघवा । येर ग्रासिलें मियां ॥ ४७५ ॥

yāvarī pāṃḍavā | kāisā yuddhācā meḷāvā ? | hā ābhāsu gā āghavā | yera grāsileṃ miyāṃ || 475 ||

जेव्हां तुवां देखिले । हे माझिया वदनीं पडिले । तेव्हांचि यांचें आयुष्य सरलें । आतां रितीं सोपें ॥ ४७६ ॥

jevhāṃ tuvāṃ dekhile | he mājhiyā vadanīṃ paḍile | tevhāṃci yāṃceṃ āyuṣya saraleṃ | ātāṃ ritīṃ sopeṃ || 476 ||

म्हणौनि वहिला उठीं । मियां मारिले तूं निवटीं । न रिगे शोकसंकटीं । नाथिलिया ॥ ४७७ ॥

mhaṇauni vahilā uṭhīṃ | miyāṃ mārile tūṃ nivaṭīṃ | na rige śokasaṃkaṭīṃ | nāthiliyā || 477 ||

आपणचि आडखिळा कीजे । तो कौतुकें जैसा विंधोनि पाडिजे । तैसें देखें गा तुझें । निमित्त आहे ॥ ४७८ ॥

āpaṇaci āḍakhiḷā kīje | to kautukeṃ jaisā viṃdhoni pāḍije | taiseṃ dekheṃ gā tujheṃ | nimitta āhe || 478 ||

बापा विरुद्ध जें जाहलें । तें उपजतांचि वाघें नेलें । आतां राज्येंशीं संचलें । यश तूं भोगीं ॥ ४७९ ॥

bāpā viruddha jeṃ jāhaleṃ | teṃ upajatāṃci vāgheṃ neleṃ | ātāṃ rājyeṃśīṃ saṃcaleṃ | yaśa tūṃ bhogīṃ || 479 ||

सावियाचि उतत होते दायाद । आणि बळिये जगीं दुर्मद । ते वधिले विशद । सायासु न लागतां ॥ ४८० ॥

sāviyāci utata hote dāyāda | āṇi baḷiye jagīṃ durmada | te vadhile viśada | sāyāsu na lāgatāṃ || 480 ||

ऐसिया इया गोष्टी । विश्वाच्या वाक्पटीं । लिहूनि घाली किरीटी । जगामाजीं ॥ ४८१ ॥

aisiyā iyā goṣṭī | viśvācyā vākpaṭīṃ | lihūni ghālī kirīṭī | jagāmājīṃ || 481 ||

ऐसी आघवीचि हे कथा । तया अपूर्ण मनोरथा । संजयो सांगे कुरुनाथा । ज्ञानदेवो म्हणे ॥ ४८२ ॥

aisī āghavīci he kathā | tayā apūrṇa manorathā | saṃjayo sāṃge kurunāthā | jñānadevo mhaṇe || 482 ||

मग सत्यलोकौनि गंगाजळ । सुटलिया वाजत खळाळ । तैशी वाचा विशाळ । बोलतां तया ॥ ४८३ ॥

maga satyalokauni gaṃgājaḷa | suṭaliyā vājata khaḷāḷa | taiśī vācā viśāḷa | bolatāṃ tayā || 483 ||

नातरी महामेघांचे उमाळे । घडघडीत एके वेळे । कां घुमघुमिला मंदराचळें । क्षीराब्धी जैसा ॥ ४८४ ॥

nātarī mahāmeghāṃce umāḷe | ghaḍaghaḍīta eke veḷe | kāṃ ghumaghumilā maṃdarācaḷeṃ | kṣīrābdhī jaisā || 484 ||

तैसें गंभीरें महानादें । हें वाक्य विश्वकंदें । बोलिलें अगाधें । अनंतरूपें ॥ ४८५ ॥

taiseṃ gaṃbhīreṃ mahānādeṃ | heṃ vākya viśvakaṃdeṃ | bolileṃ agādheṃ | anaṃtarūpeṃ || 485 ||

तें अर्जुनें मोटकें ऐकिलें । आणि सुख कीं भय दुणावलें । हें नेणों परि कांपिन्नलें । सर्वांग तयाचें ॥ ४८६ ॥

teṃ arjuneṃ moṭakeṃ aikileṃ | āṇi sukha kīṃ bhaya duṇāvaleṃ | heṃ neṇoṃ pari kāṃpinnaleṃ | sarvāṃga tayāceṃ || 486 ||

सखोलपणें वळली मोट । आणि तैसेचि जोडले करसंपुट । वेळोवेळां ललाट । चरणीं ठेवी ॥ ४८७ ॥

sakholapaṇeṃ vaḷalī moṭa | āṇi taiseci joḍale karasaṃpuṭa | veḷoveḷāṃ lalāṭa | caraṇīṃ ṭhevī || 487 ||

तेवींचि कांहीं बोलों जाये । तंव गळा बुजालाचि ठाये । हें सुख कीं भय होये । हें विचारा तुम्हीं ॥ ४८८ ॥

tevīṃci kāṃhīṃ boloṃ jāye | taṃva gaḷā bujālāci ṭhāye | heṃ sukha kīṃ bhaya hoye | heṃ vicārā tumhīṃ || 488 ||

परि तेव्हां देवाचेनि बोलें । अर्जुना हें ऐसें जाहलें । मियां पदांवरूनि देखिलें । श्लोकींचिया ॥ ४८९ ॥

pari tevhāṃ devāceni boleṃ | arjunā heṃ aiseṃ jāhaleṃ | miyāṃ padāṃvarūni dekhileṃ | ślokīṃciyā || 489 ||

मग तैसाचि भेणभेण । पुढती जोहारूनि चरण । मग म्हणे जी आपण । ऐसें बोलिलेती ॥ ४९० ॥

maga taisāci bheṇabheṇa | puḍhatī johārūni caraṇa | maga mhaṇe jī āpaṇa | aiseṃ boliletī || 490 ||

ना तरी अर्जुना मी काळु । आणि ग्रासिजे तो माझा खेळु । हा बोलु तुझा कीर अढळु । मानूं आम्ही ॥ ४९१ ॥

nā tarī arjunā mī kāḷu | āṇi grāsije to mājhā kheḷu | hā bolu tujhā kīra aḍhaḷu | mānūṃ āmhī || 491 ||

परि तुवां जी काळें । आजि स्थितीचिये वेळे । ग्रासिजे हें न मिळे । विचारासी ॥ ४९२ ॥

pari tuvāṃ jī kāḷeṃ | āji sthitīciye veḷe | grāsije heṃ na miḷe | vicārāsī || 492 ||

कैसेनि आंगींचें तारुण्य काढावें ? । कैचें नव्हे तें वार्धक्य आणावें ? । म्हणौनि करूं म्हणसी तें नव्हे । बहुतकरुनी ॥ ४९३ ॥

kaiseni āṃgīṃceṃ tāruṇya kāḍhāveṃ ? | kaiceṃ navhe teṃ vārdhakya āṇāveṃ ? | mhaṇauni karūṃ mhaṇasī teṃ navhe | bahutakarunī || 493 ||

हां जी चौपाहारी न भरतां । कोणेही वेळे श्रीअनंता । काय माध्यान्हीं सविता । मावळतु आहे ? ॥ ४९४ ॥

hāṃ jī caupāhārī na bharatāṃ | koṇehī veḷe śrīanaṃtā | kāya mādhyānhīṃ savitā | māvaḷatu āhe ? || 494 ||

पैं तुज अखंडिता काळा । तिन्ही आहाती जी वेळा । त्या तिन्ही परी सबळा । आपुलालिया समयीं ॥ ४९५ ॥

paiṃ tuja akhaṃḍitā kāḷā | tinhī āhātī jī veḷā | tyā tinhī parī sabaḷā | āpulāliyā samayīṃ || 495 ||

जे वेळीं हों लागे उत्पत्ती । ते वेळीं स्थिति प्रळयो हारपती । आणि स्थितिकाळीं न मिरविती । उत्पत्ति प्रळयो ॥ ४९६ ॥

je veḷīṃ hoṃ lāge utpattī | te veḷīṃ sthiti praḷayo hārapatī | āṇi sthitikāḷīṃ na miravitī | utpatti praḷayo || 496 ||

पाठीं प्रळयाचिये वेळे । उत्पत्ति स्थिति मावळे । हें कायसेनही न ढळे । अनादि ऐसें ॥ ४९७ ॥

pāṭhīṃ praḷayāciye veḷe | utpatti sthiti māvaḷe | heṃ kāyasenahī na ḍhaḷe | anādi aiseṃ || 497 ||

म्हणौनि आजि तंव भरें भोगें । स्थिति वर्तिजत आहे जगें । एथ ग्रसिसी तूं हें न लगे । माझ्या जीवीं ॥ ४९८ ॥

mhaṇauni āji taṃva bhareṃ bhogeṃ | sthiti vartijata āhe jageṃ | etha grasisī tūṃ heṃ na lage | mājhyā jīvīṃ || 498 ||

तंव संकेतें देव बोले । अगा या दोन्ही सैन्यांसीचि मरण पुरलें । तें प्रत्यक्षचि तुज दाविलें । येर यथाकाळें जाण ॥ ४९९ ॥

taṃva saṃketeṃ deva bole | agā yā donhī sainyāṃsīci maraṇa puraleṃ | teṃ pratyakṣaci tuja dāvileṃ | yera yathākāḷeṃ jāṇa || 499 ||

हा संकेतु जंव अनंता । वेळु लागला बोलतां । तंव अर्जुनें लोकु मागुता । देखिला यथास्थिति ॥ ५०० ॥

hā saṃketu jaṃva anaṃtā | veḷu lāgalā bolatāṃ | taṃva arjuneṃ loku māgutā | dekhilā yathāsthiti || 500 ||

मग म्हणतसे देवा । तूं सूत्रीं विश्वलाघवा । जग आला मा आघवा । पूर्वस्थिति पुढती ॥ ५०१ ॥

maga mhaṇatase devā | tūṃ sūtrīṃ viśvalāghavā | jaga ālā mā āghavā | pūrvasthiti puḍhatī || 501 ||

परी पडिलिया दुःखसागरीं । तूं काढिसी कां जयापरी । ते कीर्ति तुझी श्रीहरी । आठवित असे ॥ ५०२ ॥

parī paḍiliyā duḥkhasāgarīṃ | tūṃ kāḍhisī kāṃ jayāparī | te kīrti tujhī śrīharī | āṭhavita ase || 502 ||

कीर्ति आठवितां वेळोवेळां । भोगितसें महासुखाचा सोहळा । तेथ हर्षामृतकल्लोळा । वरी लोळत आहें ॥ ५०३ ॥

kīrti āṭhavitāṃ veḷoveḷāṃ | bhogitaseṃ mahāsukhācā sohaḷā | tetha harṣāmṛtakalloḷā | varī loḷata āheṃ || 503 ||

देवा जियालेपणें जग । धरी तुझ्या ठायीं अनुराग । आणि दुष्टां तयां भंग । अधिकाधिक ॥ ५०४ ॥

devā jiyālepaṇeṃ jaga | dharī tujhyā ṭhāyīṃ anurāga | āṇi duṣṭāṃ tayāṃ bhaṃga | adhikādhika || 504 ||

पैं त्रिभुवनींचिया राक्षसां । महाभय तूं हृषीकेशा । म्हणौनि पळताती दाही दिशां । पैलीकडे ॥ ५०५ ॥

paiṃ tribhuvanīṃciyā rākṣasāṃ | mahābhaya tūṃ hṛṣīkeśā | mhaṇauni paḷatātī dāhī diśāṃ | pailīkaḍe || 505 ||

येथ सुर नर सिद्ध किन्नर । किंबहुना चराचर । ते तुज देखोनि हर्षनिर्भर । नमस्कारित असती ॥ ५०६ ॥

yetha sura nara siddha kinnara | kiṃbahunā carācara | te tuja dekhoni harṣanirbhara | namaskārita asatī || 506 ||

एथ गा कवणा कारणा । राक्षस हे नारायणा । न लगतीचि चरणा । पळते जाहले ॥ ५०७ ॥

etha gā kavaṇā kāraṇā | rākṣasa he nārāyaṇā | na lagatīci caraṇā | paḷate jāhale || 507 ||

आणि हें काय तूंतें पुसावें । येतुलें आम्हांसिही जाणवे । तरी सूर्योदयीं राहावें । कैसेनि तमें ? ॥ ५०८ ॥

āṇi heṃ kāya tūṃteṃ pusāveṃ | yetuleṃ āmhāṃsihī jāṇave | tarī sūryodayīṃ rāhāveṃ | kaiseni tameṃ ? || 508 ||

जी तूं प्रकाशाचा आगरु । आणि जाहला आम्हासि गोचरू । म्हणौनिया निशाचरां केरु । फिटला सहजें ॥ ५०९ ॥

jī tūṃ prakāśācā āgaru | āṇi jāhalā āmhāsi gocarū | mhaṇauniyā niśācarāṃ keru | phiṭalā sahajeṃ || 509 ||

हें येतुले दिवस आम्हां । कांहीं नेणवेचि श्रीरामा । आतां देखतसों महिमा । गंभीर तुझा ॥ ५१० ॥

heṃ yetule divasa āmhāṃ | kāṃhīṃ neṇaveci śrīrāmā | ātāṃ dekhatasoṃ mahimā | gaṃbhīra tujhā || 510 ||

जेथूनि नाना सृष्टींचिया वोळी । पसरती भूतग्रामाचिया वेली । तया महद्ब्रह्मातें व्याली । दैविकी इच्छा ॥ ५११ ॥

jethūni nānā sṛṣṭīṃciyā voḷī | pasaratī bhūtagrāmāciyā velī | tayā mahadbrahmāteṃ vyālī | daivikī icchā || 511 ||

देवो निःसीम तत्त्व सदोदितु । देवो निःसीम गुण अनंतु । देवो निःसीम साम्य सततु । नरेंद्र देवांचा ॥ ५१२ ॥

devo niḥsīma tattva sadoditu | devo niḥsīma guṇa anaṃtu | devo niḥsīma sāmya satatu | nareṃdra devāṃcā || 512 ||

जी तूं त्रिजगतिये वोलावा । अक्षर तूं सदाशिवा । तूंचि सदसत् देवा । तयाही अतीत तें तूं ॥ ५१३ ॥

jī tūṃ trijagatiye volāvā | akṣara tūṃ sadāśivā | tūṃci sadasat devā | tayāhī atīta teṃ tūṃ || 513 ||

तूं प्रकृतिपुरुषांचिया आदी । जी महत्तत्वां तूंचि अवधी । स्वयें तूं अनादि । पुरातनु ॥ ५१४ ॥

tūṃ prakṛtipuruṣāṃciyā ādī | jī mahattatvāṃ tūṃci avadhī | svayeṃ tūṃ anādi | purātanu || 514 ||

तूं सकळ विश्वजीवन । जीवांसि तूंचि निधान । भूतभविष्याचें ज्ञान । तुझ्याचि हातीं ॥ ५१५ ॥

tūṃ sakaḷa viśvajīvana | jīvāṃsi tūṃci nidhāna | bhūtabhaviṣyāceṃ jñāna | tujhyāci hātīṃ || 515 ||

जी श्रुतीचियां लोचनां । स्वरूपसुख तूंचि अभिन्ना । त्रिभुवनाचिया आयतना । आयतन तूं ॥ ५१६ ॥

jī śrutīciyāṃ locanāṃ | svarūpasukha tūṃci abhinnā | tribhuvanāciyā āyatanā | āyatana tūṃ || 516 ||

म्हणौनि जी परम । तूंतें म्हणिजे महाधाम । कल्पांतीं महद्ब्रह्म । तुजमाजीं रिगे ॥ ५१७ ॥

mhaṇauni jī parama | tūṃteṃ mhaṇije mahādhāma | kalpāṃtīṃ mahadbrahma | tujamājīṃ rige || 517 ||

किंबहुना तुवां देवें । विश्व विस्तारिलें आहे आघवें । तरि अनंतरूपा वानावें । कवणें तूंतें ॥ ५१८ ॥

kiṃbahunā tuvāṃ deveṃ | viśva vistārileṃ āhe āghaveṃ | tari anaṃtarūpā vānāveṃ | kavaṇeṃ tūṃteṃ || 518 ||

जी काय एक तूं नव्हसी । कवणे ठायीं नससी । हें असो जैसा आहासी । तैसिया नमो ॥ ५१९ ॥

jī kāya eka tūṃ navhasī | kavaṇe ṭhāyīṃ nasasī | heṃ aso jaisā āhāsī | taisiyā namo || 519 ||

वायु तूं अनंता । यम तूं नियमिता । प्राणिगणीं वसता । अग्नि तो तूं ॥ ५२० ॥

vāyu tūṃ anaṃtā | yama tūṃ niyamitā | prāṇigaṇīṃ vasatā | agni to tūṃ || 520 ||

वरुण तूं सोम । स्रष्टा तूं ब्रह्म । पितामहाचाही परम । आदि जनक तूं ॥ ५२१ ॥

varuṇa tūṃ soma | sraṣṭā tūṃ brahma | pitāmahācāhī parama | ādi janaka tūṃ || 521 ||

आणिकही जें जें कांहीं । रूप आथि अथवा नाहीं । तया नमो तुज तैसयाही । जगन्नाथा ॥ ५२२ ॥

āṇikahī jeṃ jeṃ kāṃhīṃ | rūpa āthi athavā nāhīṃ | tayā namo tuja taisayāhī | jagannāthā || 522 ||

ऐसें सानुरागें चित्तें । नमन केलें पंडुसुतें । मग पुढती म्हणे नमस्ते । नमस्ते प्रभो ॥ ५२३ ॥

aiseṃ sānurāgeṃ citteṃ | namana keleṃ paṃḍusuteṃ | maga puḍhatī mhaṇe namaste | namaste prabho || 523 ||

पाठीं तिये साद्यंते । न्याहाळी श्रीमूर्तीतें । आणि पुढती म्हणे नमस्ते । नमस्ते प्रभो ॥ ५२४ ॥

pāṭhīṃ tiye sādyaṃte | nyāhāḷī śrīmūrtīteṃ | āṇi puḍhatī mhaṇe namaste | namaste prabho || 524 ||

पाहतां पाहतां प्रांतें । समाधान पावे चित्तें । आणि पुढती म्हणे नमस्ते । नमस्ते प्रभो ॥ ५२५ ॥

pāhatāṃ pāhatāṃ prāṃteṃ | samādhāna pāve citteṃ | āṇi puḍhatī mhaṇe namaste | namaste prabho || 525 ||

इये चराचरीं जीं भूतें । सर्वत्र देखे तयांतें । आणि पुढती म्हणे नमस्ते । नमस्ते प्रभो ॥ ५२६ ॥

iye carācarīṃ jīṃ bhūteṃ | sarvatra dekhe tayāṃteṃ | āṇi puḍhatī mhaṇe namaste | namaste prabho || 526 ||

ऐसीं रूपें तियें अद्भुतें । आश्चर्यें स्फुरती अनंतें । तंव तंव नमस्ते । नमस्तेचि म्हणे ॥ ५२७ ॥

aisīṃ rūpeṃ tiyeṃ adbhuteṃ | āścaryeṃ sphuratī anaṃteṃ | taṃva taṃva namaste | namasteci mhaṇe || 527 ||

आणिक स्तुतिही नाठवे । आणि निवांतुही न बैसवे । नेणें कैसा प्रेमभावें । गाजोंचि लागे ॥ ५२८ ॥

āṇika stutihī nāṭhave | āṇi nivāṃtuhī na baisave | neṇeṃ kaisā premabhāveṃ | gājoṃci lāge || 528 ||

किंबहुना इयापरी । नमन केलें सहस्रवरी । कीं पुढती म्हणे श्रीहरी । तुज सन्मुखा नमो ॥ ५२९ ॥

kiṃbahunā iyāparī | namana keleṃ sahasravarī | kīṃ puḍhatī mhaṇe śrīharī | tuja sanmukhā namo || 529 ||

देवासि पाठी पोट आथि कीं नाहीं । येणें उपयोगु आम्हां काई । तरि तुज पाठिमोरेयाही । नमो स्वामी ॥ ५३० ॥

devāsi pāṭhī poṭa āthi kīṃ nāhīṃ | yeṇeṃ upayogu āmhāṃ kāī | tari tuja pāṭhimoreyāhī | namo svāmī || 530 ||

उभा माझिये पाठीसीं । म्हणौनि पाठीमोरें म्हणावें तुम्हांसी । सन्मुख विन्मुख जगेंसीं । न घडें तुज ॥ ५३१ ॥

ubhā mājhiye pāṭhīsīṃ | mhaṇauni pāṭhīmoreṃ mhaṇāveṃ tumhāṃsī | sanmukha vinmukha jageṃsīṃ | na ghaḍeṃ tuja || 531 ||

आतां वेगळालिया अवयवां । नेणें रूप करूं देवा । म्हणौनि नमो तुज सर्वा । सर्वात्मका ॥ ५३२ ॥

ātāṃ vegaḷāliyā avayavāṃ | neṇeṃ rūpa karūṃ devā | mhaṇauni namo tuja sarvā | sarvātmakā || 532 ||

जी अनंतबळसंभ्रमा । तुज नमो अमित विक्रमा । सकळकाळीं समा । सर्वरूपा ॥ ५३३ ॥

jī anaṃtabaḷasaṃbhramā | tuja namo amita vikramā | sakaḷakāḷīṃ samā | sarvarūpā || 533 ||

आघविया आकाशीं जैसें । अवकाशचि होऊनि आकाश असे । तूं सर्वपणें तैसें । पातलासि सर्व ॥ ५३४ ॥

āghaviyā ākāśīṃ jaiseṃ | avakāśaci hoūni ākāśa ase | tūṃ sarvapaṇeṃ taiseṃ | pātalāsi sarva || 534 ||

किंबहुना केवळ । सर्व हें तूंचि निखिळ । परी क्षीरार्णवीं कल्लोळ । पयाचे जैसे ॥ ५३५ ॥

kiṃbahunā kevaḷa | sarva heṃ tūṃci nikhiḷa | parī kṣīrārṇavīṃ kalloḷa | payāce jaise || 535 ||

म्हणौनिया देवा । तूं वेगळा नव्हसी सर्वां । हें आलें मज सद्भावा । आतां तूंचि सर्व ॥ ५३६ ॥

mhaṇauniyā devā | tūṃ vegaḷā navhasī sarvāṃ | heṃ āleṃ maja sadbhāvā | ātāṃ tūṃci sarva || 536 ||

परि ऐसिया तूतें स्वामी । कहींच नेणों जी आम्ही । म्हणौनि सोयरे संबंधधर्मीं । राहाटलों तुजसीं ॥ ५३७ ॥

pari aisiyā tūteṃ svāmī | kahīṃca neṇoṃ jī āmhī | mhaṇauni soyare saṃbaṃdhadharmīṃ | rāhāṭaloṃ tujasīṃ || 537 ||

अहा थोर वाउर जाहलें । अमृतें संमार्जन म्यां केलें । वारिकें घेऊनि दिधलें । कामधेनूतें ॥ ५३८ ॥

ahā thora vāura jāhaleṃ | amṛteṃ saṃmārjana myāṃ keleṃ | vārikeṃ gheūni didhaleṃ | kāmadhenūteṃ || 538 ||

परिसाचा खडवाचि जोडला । कीं फोडोनि आम्ही गाडोरा घातला । कल्पतरू तोडोनि केला । कूंप शेता ॥ ५३९ ॥

parisācā khaḍavāci joḍalā | kīṃ phoḍoni āmhī gāḍorā ghātalā | kalpatarū toḍoni kelā | kūṃpa śetā || 539 ||

चिंतामणीची खाणी लागली । तेणें करें वोढाळें वोल्हांडिली । तैसी तुझी जवळिक धाडिली । सांगातीपणें ॥ ५४० ॥

ciṃtāmaṇīcī khāṇī lāgalī | teṇeṃ kareṃ voḍhāḷeṃ volhāṃḍilī | taisī tujhī javaḷika dhāḍilī | sāṃgātīpaṇeṃ || 540 ||

हें आजिचेंचि पाहें पां रोकडें । कवण झुंज हें केवढें । एथ परब्रह्म तूं उघडें । सारथी केलासी ॥ ५४१ ॥

heṃ ājiceṃci pāheṃ pāṃ rokaḍeṃ | kavaṇa jhuṃja heṃ kevaḍheṃ | etha parabrahma tūṃ ughaḍeṃ | sārathī kelāsī || 541 ||

यया कौरवांचिया घरा । शिष्टाई धाडिलासि दातारा । ऐसा वणिजेसाठीं जागेश्वरा । विकलासि आम्हीं ॥ ५४२ ॥

yayā kauravāṃciyā gharā | śiṣṭāī dhāḍilāsi dātārā | aisā vaṇijesāṭhīṃ jāgeśvarā | vikalāsi āmhīṃ || 542 ||

तूं योगियांचें समाधिसुख । कैसा जाणेचिना मी मूर्ख । उपरोधु जी सन्मुख । तुजसीं करूं ॥ ५४३ ॥

tūṃ yogiyāṃceṃ samādhisukha | kaisā jāṇecinā mī mūrkha | uparodhu jī sanmukha | tujasīṃ karūṃ || 543 ||

तूं या विश्वाची अनादि आदी । बैससी जिये सभासदीं । तेथें सोयरीकीचिया संबंधीं । रळीं बोलों ॥ ५४४ ॥

tūṃ yā viśvācī anādi ādī | baisasī jiye sabhāsadīṃ | tetheṃ soyarīkīciyā saṃbaṃdhīṃ | raḷīṃ boloṃ || 544 ||

विपायें राउळा येवों । तरि तुझेनि अंगें मानु पावों । न मानिसी तरी जावों । रुसोनि सलगी ॥ ५४५ ॥

vipāyeṃ rāuḷā yevoṃ | tari tujheni aṃgeṃ mānu pāvoṃ | na mānisī tarī jāvoṃ | rusoni salagī || 545 ||

पायां लागोनि बुझावणी । तुझ्या ठायीं शारङ्गपाणी । पाहिजे ऐशी करणी । बहु केली आम्हीं ॥ ५४६ ॥

pāyāṃ lāgoni bujhāvaṇī | tujhyā ṭhāyīṃ śāraṅgapāṇī | pāhije aiśī karaṇī | bahu kelī āmhīṃ || 546 ||

सजणपणाचिया वाटा । तुजपुढें बैसें उफराटा । हा पाडु काय वैकुंठा ? । परि चुकलों आम्हीं ॥ ५४७ ॥

sajaṇapaṇāciyā vāṭā | tujapuḍheṃ baiseṃ upharāṭā | hā pāḍu kāya vaikuṃṭhā ? | pari cukaloṃ āmhīṃ || 547 ||

देवेंसि कोलकाठी धरूं । आखाडा झोंबीलोंबी करूं । सारी खेळतां आविष्करूं । निकरेंही भांडों ॥ ५४८ ॥

deveṃsi kolakāṭhī dharūṃ | ākhāḍā jhoṃbīloṃbī karūṃ | sārī kheḷatāṃ āviṣkarūṃ | nikareṃhī bhāṃḍoṃ || 548 ||

चांग तें उराउरीं मागों । देवासि कीं बुद्धि सांगों । तेवींचि म्हणों काय लागों । तुझें आम्ही ॥ ५४९ ॥

cāṃga teṃ urāurīṃ māgoṃ | devāsi kīṃ buddhi sāṃgoṃ | tevīṃci mhaṇoṃ kāya lāgoṃ | tujheṃ āmhī || 549 ||

ऐसा अपराधु हा आहे । जो त्रिभुवनीं न समाये । जी नेणतांचि कीं पाये । शिवतिले तुझे ॥ ५५० ॥

aisā aparādhu hā āhe | jo tribhuvanīṃ na samāye | jī neṇatāṃci kīṃ pāye | śivatile tujhe || 550 ||

देवो बोनयाच्या अवसरीं । लोभें कीर आठवण करी । परी माझा निसुग गर्व अवधारीं । जे फुगूनचि बैसें ॥ ५५१ ॥

devo bonayācyā avasarīṃ | lobheṃ kīra āṭhavaṇa karī | parī mājhā nisuga garva avadhārīṃ | je phugūnaci baiseṃ || 551 ||

देवाचिया भोगायतनीं । खेळतां आशंकेना मनीं । जी रिगोनियां शयनीं । सरिसा पहुडें ॥ ५५२ ॥

devāciyā bhogāyatanīṃ | kheḷatāṃ āśaṃkenā manīṃ | jī rigoniyāṃ śayanīṃ | sarisā pahuḍeṃ || 552 ||

'कृष्ण म्हणौनि हाकारिजे । यादवपणें तूंतें लेखिजे । आपली आण घालिजे । जातां तुज ॥ ५५३ ॥

'kṛṣṇa mhaṇauni hākārije | yādavapaṇeṃ tūṃteṃ lekhije | āpalī āṇa ghālije | jātāṃ tuja || 553 ||

मज एकासनीं बैसणें । कां तुझा बोलु न मानणें । हें वोतटीचेनि दाटपणें । बहुत घडलें ॥ ५५४ ॥

maja ekāsanīṃ baisaṇeṃ | kāṃ tujhā bolu na mānaṇeṃ | heṃ votaṭīceni dāṭapaṇeṃ | bahuta ghaḍaleṃ || 554 ||

म्हणौनि काय काय आतां । निवेदिजेल अनंता । मी राशि आहें समस्तां । अपराधांचि ॥ ५५५ ॥

mhaṇauni kāya kāya ātāṃ | nivedijela anaṃtā | mī rāśi āheṃ samastāṃ | aparādhāṃci || 555 ||

यालागीं पुढां अथवा पाठीं । जियें राहटलों बहुवें वोखटीं । तियें मायेचिया परी पोटीं । सामावीं प्रभो ॥ ५५६ ॥

yālāgīṃ puḍhāṃ athavā pāṭhīṃ | jiyeṃ rāhaṭaloṃ bahuveṃ vokhaṭīṃ | tiyeṃ māyeciyā parī poṭīṃ | sāmāvīṃ prabho || 556 ||

जी कोण्ही एके वेळे । सरिता घेऊन येती खडुळें । तियें सामाविजेति सिंधुजळें । आन उपायो नाहीं ॥ ५५७ ॥

jī koṇhī eke veḷe | saritā gheūna yetī khaḍuḷeṃ | tiyeṃ sāmāvijeti siṃdhujaḷeṃ | āna upāyo nāhīṃ || 557 ||

तैसी प्रीती कां प्रमादें । देवेंसीं मज विरुद्धें । बोलविलीं तियें मुकुंदें । उपसाहावीं जी ॥ ५५८ ॥

taisī prītī kāṃ pramādeṃ | deveṃsīṃ maja viruddheṃ | bolavilīṃ tiyeṃ mukuṃdeṃ | upasāhāvīṃ jī || 558 ||

आणि देवाचेनि क्षमत्वें क्षमा । आधारु जाली आहे या भूतग्रामा । म्हणौनि जी पुरुषोत्तमा । विनवूं तें थोडें ॥ ५५९ ॥

āṇi devāceni kṣamatveṃ kṣamā | ādhāru jālī āhe yā bhūtagrāmā | mhaṇauni jī puruṣottamā | vinavūṃ teṃ thoḍeṃ || 559 ||

तरी आतां अप्रमेया । मज शरणागता आपुलिया । क्षमा कीजो जी यया । अपराधांसि ॥ ५६० ॥

tarī ātāṃ aprameyā | maja śaraṇāgatā āpuliyā | kṣamā kījo jī yayā | aparādhāṃsi || 560 ||

जी जाणितलें मियां साचें । महिमान आतां देवाचें । जे देवो होय चराचराचें । जन्मस्थान ॥ ५६१ ॥

jī jāṇitaleṃ miyāṃ sāceṃ | mahimāna ātāṃ devāceṃ | je devo hoya carācarāceṃ | janmasthāna || 561 ||

हरिहरादि समस्तां । देवा तूं परम देवता । वेदांतेंही पढविता । आदिगुरु तूं ॥ ५६२ ॥

hariharādi samastāṃ | devā tūṃ parama devatā | vedāṃteṃhī paḍhavitā | ādiguru tūṃ || 562 ||

गंभीर तूं श्रीरामा । नाना भूतैकसमा । सकळगुणीं अप्रतिमा । अद्वितीया ॥ ५६३ ॥

gaṃbhīra tūṃ śrīrāmā | nānā bhūtaikasamā | sakaḷaguṇīṃ apratimā | advitīyā || 563 ||

तुजसी नाहीं सरिसें । हें प्रतिपादनचि कायसें ? । तुवां जालेनि आकाशें । सामाविलें जग ॥ ५६४ ॥

tujasī nāhīṃ sariseṃ | heṃ pratipādanaci kāyaseṃ ? | tuvāṃ jāleni ākāśeṃ | sāmāvileṃ jaga || 564 ||

तया तुझेनि पाडें दुजें । ऐसें बोलतांचि लाजिजे । तेथ अधिकाची कीजे । गोठी केवीं ॥ ५६५ ॥

tayā tujheni pāḍeṃ dujeṃ | aiseṃ bolatāṃci lājije | tetha adhikācī kīje | goṭhī kevīṃ || 565 ||

म्हणौनि त्रिभुवनीं तूं एकु । तुजसरिखा ना अधिकु । तुझा महिमा अलौकिकु । नेणिजे वानूं ॥ ५६६ ॥

mhaṇauni tribhuvanīṃ tūṃ eku | tujasarikhā nā adhiku | tujhā mahimā alaukiku | neṇije vānūṃ || 566 ||

ऐसें अर्जुनें म्हणितलें । मग पुढती दंडवत घातलें । तेथें सात्त्विकाचें आलें । भरतें तया ॥ ५६७ ॥

aiseṃ arjuneṃ mhaṇitaleṃ | maga puḍhatī daṃḍavata ghātaleṃ | tetheṃ sāttvikāceṃ āleṃ | bharateṃ tayā || 567 ||

मग म्हणतसे प्रसीद प्रसीद । वाचा होतसे सद्गद । काढी जी अपराध- । समुद्रौनि मातें ॥ ५६८ ॥

maga mhaṇatase prasīda prasīda | vācā hotase sadgada | kāḍhī jī aparādha- | samudrauni māteṃ || 568 ||

तुज विश्वसुहृदातें कहीं । सोयरेपणें न मनूंचि पाहीं । तुज विईश्वेश्वराचिया ठायीं । ऐश्वर्य केलें ॥ ५६९ ॥

tuja viśvasuhṛdāteṃ kahīṃ | soyarepaṇeṃ na manūṃci pāhīṃ | tuja viīśveśvarāciyā ṭhāyīṃ | aiśvarya keleṃ || 569 ||

तूं वर्णनीय परी लोभें । मातें वर्णिसी पां सभे । तरि मियां वल्गिजे क्षोभें । अधिकाधिक ॥ ५७० ॥

tūṃ varṇanīya parī lobheṃ | māteṃ varṇisī pāṃ sabhe | tari miyāṃ valgije kṣobheṃ | adhikādhika || 570 ||

आतां ऐसिया अपराधां । मर्यादा नाहीं मुकुंदा । म्हणौनि रक्ष रक्ष प्रमादा । पासोनियां ॥ ५७१ ॥

ātāṃ aisiyā aparādhāṃ | maryādā nāhīṃ mukuṃdā | mhaṇauni rakṣa rakṣa pramādā | pāsoniyāṃ || 571 ||

जी हेंचि विनवावयालागीं । कैंची योग्यता माझिया आंगीं । परी अपत्य जैसें सलगी । बापेंसीं बोले ॥ ५७२ ॥

jī heṃci vinavāvayālāgīṃ | kaiṃcī yogyatā mājhiyā āṃgīṃ | parī apatya jaiseṃ salagī | bāpeṃsīṃ bole || 572 ||

पुत्राचे अपराध । जरी जाहले अगाध । तरी पिता साहे निर्द्वंद्व । तैसें साहिजो जी ॥ ५७३ ॥

putrāce aparādha | jarī jāhale agādha | tarī pitā sāhe nirdvaṃdva | taiseṃ sāhijo jī || 573 ||

सख्याचें उद्धत । सखा साहे निवांत । तैसें तुवां समस्त । साहिजो जी ॥ ५७४ ॥

sakhyāceṃ uddhata | sakhā sāhe nivāṃta | taiseṃ tuvāṃ samasta | sāhijo jī || 574 ||

प्रियाचिया ठायीं सन्मान । प्रिय न पाहें सर्वथा जाण । तेवीं उच्छिष्ट काढिलें आपण । ते क्षमा कीजो जी ॥ ५७५ ॥

priyāciyā ṭhāyīṃ sanmāna | priya na pāheṃ sarvathā jāṇa | tevīṃ ucchiṣṭa kāḍhileṃ āpaṇa | te kṣamā kījo jī || 575 ||

नातरी प्राणाचें सोयरें भेटे । मग जीवें भूतलीं जियें संकटें । तियें निवेदितां न वाटे । संकोचु कांहीं ॥ ५७६ ॥

nātarī prāṇāceṃ soyareṃ bheṭe | maga jīveṃ bhūtalīṃ jiyeṃ saṃkaṭeṃ | tiyeṃ niveditāṃ na vāṭe | saṃkocu kāṃhīṃ || 576 ||

कां उखितें आंगें जीवें । आपणपें दिधलें जिया मनोभावें । तिया कांतु मिनलिया न राहवें । हृदय जेवीं ॥ ५७७ ॥

kāṃ ukhiteṃ āṃgeṃ jīveṃ | āpaṇapeṃ didhaleṃ jiyā manobhāveṃ | tiyā kāṃtu minaliyā na rāhaveṃ | hṛdaya jevīṃ || 577 ||

तयापरी जी मियां । हें विनविलें तुमतें गोसाविया । आणि कांहीं एक म्हणावया । कारण असे ॥ ५७८ ॥

tayāparī jī miyāṃ | heṃ vinavileṃ tumateṃ gosāviyā | āṇi kāṃhīṃ eka mhaṇāvayā | kāraṇa ase || 578 ||

तरी देवेंसीं सलगी केली । जे विश्वरूपाची आळी घेतली । ते मायबापें पुरविली । स्नेहाळाचेनि ॥ ५७९ ॥

tarī deveṃsīṃ salagī kelī | je viśvarūpācī āḷī ghetalī | te māyabāpeṃ puravilī | snehāḷāceni || 579 ||

सुरतरूंची झाडें । आंगणीं लावावीं कोडें । देयावें कामधेनुचें पाडें । खेळावया ॥ ५८० ॥

suratarūṃcī jhāḍeṃ | āṃgaṇīṃ lāvāvīṃ koḍeṃ | deyāveṃ kāmadhenuceṃ pāḍeṃ | kheḷāvayā || 580 ||

मियां नक्षत्रीं डाव पाडावा । चंद्र चेंडुवालागीं आणावा । हा छंदु सिद्धी नेला आघवा । माउलिये तुवां ॥ ५८१ ॥

miyāṃ nakṣatrīṃ ḍāva pāḍāvā | caṃdra ceṃḍuvālāgīṃ āṇāvā | hā chaṃdu siddhī nelā āghavā | māuliye tuvāṃ || 581 ||

जिया अमृतलेशालागीं सायास । तयाचा पाऊस केला चारी मास । पृथ्वी वाहून चासेचास । चिंतामणी पेरिले ॥ ५८२ ॥

jiyā amṛtaleśālāgīṃ sāyāsa | tayācā pāūsa kelā cārī māsa | pṛthvī vāhūna cāsecāsa | ciṃtāmaṇī perile || 582 ||

ऐसा कृतकृत्य केला स्वामी । बहुवे लळा पाळिला तुम्हीं । दाविलें जें हरब्रह्मीं । नायकिजे कानीं ॥ ५८३ ॥

aisā kṛtakṛtya kelā svāmī | bahuve laḷā pāḷilā tumhīṃ | dāvileṃ jeṃ harabrahmīṃ | nāyakije kānīṃ || 583 ||

मा देखावयाची केउती गोठी । जयाची उपनिषदां नाहीं भेटी । ते जिव्हारींची गांठी । मजलागीं सोडिली ॥ ५८४ ॥

mā dekhāvayācī keutī goṭhī | jayācī upaniṣadāṃ nāhīṃ bheṭī | te jivhārīṃcī gāṃṭhī | majalāgīṃ soḍilī || 584 ||

जी कल्पादीलागोनि । आजिची घडी धरुनी । माझीं जेतुलीं हौनी । गेलीं जन्में ॥ ५८५ ॥

jī kalpādīlāgoni | ājicī ghaḍī dharunī | mājhīṃ jetulīṃ haunī | gelīṃ janmeṃ || 585 ||

तयां आघवियांचि आंतु । घरडोळी घेऊनि असें पाहतु । परि ही देखिली ऐकिली मातु । आतुडेचिना ॥ ५८६ ॥

tayāṃ āghaviyāṃci āṃtu | gharaḍoḷī gheūni aseṃ pāhatu | pari hī dekhilī aikilī mātu | ātuḍecinā || 586 ||

बुद्धीचें जाणणें । कहीं न वचेचि याचेनि आंगणें । हे सादही अंतःकरणें । करवेचिना ॥ ५८७ ॥

buddhīceṃ jāṇaṇeṃ | kahīṃ na vaceci yāceni āṃgaṇeṃ | he sādahī aṃtaḥkaraṇeṃ | karavecinā || 587 ||

तेथा डोळ्यां देखी होआवी । ही गोठीचि कायसया करावी । किंबहुना पूर्वीं । दृष्ट ना श्रुत ॥ ५८८ ॥

tethā ḍoḷyāṃ dekhī hoāvī | hī goṭhīci kāyasayā karāvī | kiṃbahunā pūrvīṃ | dṛṣṭa nā śruta || 588 ||

तें हें विश्वरूप आपुलें । तुम्हीं मज डोळां दाविलें । तरी माझें मन झालें । हृष्ट देवा ॥ ५८९ ॥

teṃ heṃ viśvarūpa āpuleṃ | tumhīṃ maja ḍoḷāṃ dāvileṃ | tarī mājheṃ mana jhāleṃ | hṛṣṭa devā || 589 ||

परि आतां ऐसी चाड जीवीं । जे तुजसीं गोठी करावी । जवळीक हे भोगावी । आलिंगावासी ॥ ५९० ॥

pari ātāṃ aisī cāḍa jīvīṃ | je tujasīṃ goṭhī karāvī | javaḷīka he bhogāvī | āliṃgāvāsī || 590 ||

ते याचि रूपीं करूं म्हणिजे । तरि कोणे एके मुखेंसी चावळिजे । आणि कवणा खेंव देईजे । तुज लेख नाहीं ॥ ५९१ ॥

te yāci rūpīṃ karūṃ mhaṇije | tari koṇe eke mukheṃsī cāvaḷije | āṇi kavaṇā kheṃva deīje | tuja lekha nāhīṃ || 591 ||

म्हणौनि वारियासवें धावणें । न ठके गगना खेंव देणें । जळकेली खेळणें । समुद्रीं केउतें ? ॥ ५९२ ॥

mhaṇauni vāriyāsaveṃ dhāvaṇeṃ | na ṭhake gaganā kheṃva deṇeṃ | jaḷakelī kheḷaṇeṃ | samudrīṃ keuteṃ ? || 592 ||

यालागीं जी देवा । एथिंचें भय उपजतसे जीवा । म्हणौनि येतुला लळा पाळावा । जे पुरे हें आतां ॥ ५९३ ॥

yālāgīṃ jī devā | ethiṃceṃ bhaya upajatase jīvā | mhaṇauni yetulā laḷā pāḷāvā | je pure heṃ ātāṃ || 593 ||

पैं चराचर विनोदें पाहिजे । मग तेणें सुखें घरीं राहिजे । तैसें चतुर्भुज रूप तुझें । तो विसांवा आम्हां ॥ ५९४ ॥

paiṃ carācara vinodeṃ pāhije | maga teṇeṃ sukheṃ gharīṃ rāhije | taiseṃ caturbhuja rūpa tujheṃ | to visāṃvā āmhāṃ || 594 ||

आम्हीं योगजात अभ्यासावें । तेणें याचि अनुभवा यावें । शास्त्रांतें आलोडावें । परि सिद्धांतु तो हाचि ॥ ५९५ ॥

āmhīṃ yogajāta abhyāsāveṃ | teṇeṃ yāci anubhavā yāveṃ | śāstrāṃteṃ āloḍāveṃ | pari siddhāṃtu to hāci || 595 ||

आम्हीं यजनें किजती सकळें । परि तियें फळावीं येणेंचि फळें । तीर्थें होतु सकळें । याचिलागीं ॥ ५९६ ॥

āmhīṃ yajaneṃ kijatī sakaḷeṃ | pari tiyeṃ phaḷāvīṃ yeṇeṃci phaḷeṃ | tīrtheṃ hotu sakaḷeṃ | yācilāgīṃ || 596 ||

आणीकही कांहीं जें जें । दान पुण्य आम्हीं कीजे । तया फळीं फळ तुझें । चतुर्भुज रूप ॥ ५९७ ॥

āṇīkahī kāṃhīṃ jeṃ jeṃ | dāna puṇya āmhīṃ kīje | tayā phaḷīṃ phaḷa tujheṃ | caturbhuja rūpa || 597 ||

ऐसी तेथिंची जीवा आवडी । म्हणौनि तेंचि देखावया लवडसवडी । वर्तत असे ते सांकडी । फेडीजे वेगीं ॥ ५९८ ॥

aisī tethiṃcī jīvā āvaḍī | mhaṇauni teṃci dekhāvayā lavaḍasavaḍī | vartata ase te sāṃkaḍī | pheḍīje vegīṃ || 598 ||

अगा जीवींचें जाणतेया । सकळ विश्ववसवितेया । प्रसन्न होईं पूजितया । देवांचिया देवा ॥ ५९९ ॥

agā jīvīṃceṃ jāṇateyā | sakaḷa viśvavasaviteyā | prasanna hoīṃ pūjitayā | devāṃciyā devā || 599 ||

कैसें नीलोत्पलातें रांवित । आकाशाही रंगु लावित । तेजाची वोज दावित । इंद्रनीळा ॥ ६०० ॥

kaiseṃ nīlotpalāteṃ rāṃvita | ākāśāhī raṃgu lāvita | tejācī voja dāvita | iṃdranīḷā || 600 ||

जैसा परिमळ जाहला मरगजा । कां आनंदासि निघालिया भुजा । ज्याचे जानुवरी मकरध्वजा । जोडली बरव ॥ ६०१ ॥

jaisā parimaḷa jāhalā maragajā | kāṃ ānaṃdāsi nighāliyā bhujā | jyāce jānuvarī makaradhvajā | joḍalī barava || 601 ||

मस्तकीं मुकुटातें ठेविलें । कीं मुकुटा मुकुट मस्तक झालें । शृंगारा लेणें लाधलें । आंगाचेनि जया ॥ ६०२ ॥

mastakīṃ mukuṭāteṃ ṭhevileṃ | kīṃ mukuṭā mukuṭa mastaka jhāleṃ | śṛṃgārā leṇeṃ lādhaleṃ | āṃgāceni jayā || 602 ||

इंद्रधनुष्याचिये आडणी । माजीं मेघ गगनरंगणीं । तैसें आवरिलें शारङ्गपाणी । वैजयंतिया ॥ ६०३ ॥

iṃdradhanuṣyāciye āḍaṇī | mājīṃ megha gaganaraṃgaṇīṃ | taiseṃ āvarileṃ śāraṅgapāṇī | vaijayaṃtiyā || 603 ||

आतां कवणी ते उदार गदा । असुरां देत कैवल्य पदा । कैसें चक्र हन गोविंदा । सौम्यतेजें मिरवे ॥ ६०४ ॥

ātāṃ kavaṇī te udāra gadā | asurāṃ deta kaivalya padā | kaiseṃ cakra hana goviṃdā | saumyatejeṃ mirave || 604 ||

किंबहुना स्वामी । तें देखावया उत्कंठित पां मी । म्हणौनि आतां तुम्हीं । तैसया होआवें ॥ ६०५ ॥

kiṃbahunā svāmī | teṃ dekhāvayā utkaṃṭhita pāṃ mī | mhaṇauni ātāṃ tumhīṃ | taisayā hoāveṃ || 605 ||

हे विश्वरूपाचे सोहळे । भोगूनि निवाले जी डोळे । आतां होताति आंधले । कृष्णमूर्तीलागीं ॥ ६०६ ॥

he viśvarūpāce sohaḷe | bhogūni nivāle jī ḍoḷe | ātāṃ hotāti āṃdhale | kṛṣṇamūrtīlāgīṃ || 606 ||

तें साकार कृष्णरूपडें । वांचूनि पाहों नावडे । तें न देखतां थोडें । मानिताती हे ॥ ६०७ ॥

teṃ sākāra kṛṣṇarūpaḍeṃ | vāṃcūni pāhoṃ nāvaḍe | teṃ na dekhatāṃ thoḍeṃ | mānitātī he || 607 ||

आम्हां भोगमोक्षाचिया ठायीं । श्रीमूर्तीवांचूनि नाहीं । म्हणौनि तैसाचि साकारु होईं । हें सांवरीं आतां ॥ ६०८ ॥

āmhāṃ bhogamokṣāciyā ṭhāyīṃ | śrīmūrtīvāṃcūni nāhīṃ | mhaṇauni taisāci sākāru hoīṃ | heṃ sāṃvarīṃ ātāṃ || 608 ||

या अर्जुनाचिया बोला । विश्वरूपा विस्मयो जाहला । म्हणे ऐसा नाहीं देखिला । धसाळ कोणी ॥ ६०९ ॥

yā arjunāciyā bolā | viśvarūpā vismayo jāhalā | mhaṇe aisā nāhīṃ dekhilā | dhasāḷa koṇī || 609 ||

कोण हे वस्तु पावला आहासी । तया लाभाचा तोषु न घेसी । मा भेणें काय नेणों बोलसी । हेकाडु ऐसा ॥ ६१० ॥

koṇa he vastu pāvalā āhāsī | tayā lābhācā toṣu na ghesī | mā bheṇeṃ kāya neṇoṃ bolasī | hekāḍu aisā || 610 ||

आम्हीं सावियाचि जैं प्रसन्न होणें । तैं आंगचिवरी म्हणें देणें । वांचोनि जीव असे वेंचणें । कवणासि गा ॥ ६११ ॥

āmhīṃ sāviyāci jaiṃ prasanna hoṇeṃ | taiṃ āṃgacivarī mhaṇeṃ deṇeṃ | vāṃconi jīva ase veṃcaṇeṃ | kavaṇāsi gā || 611 ||

तें हें तुझिये चाडे । आजि जिवाचेंचि दळवाडें । कामऊनियां येवढें । रचिलें ध्यान ॥ ६१२ ॥

teṃ heṃ tujhiye cāḍe | āji jivāceṃci daḷavāḍeṃ | kāmaūniyāṃ yevaḍheṃ | racileṃ dhyāna || 612 ||

ऐसी काय नेणों तुझिये आवडी । जाहली प्रसन्नता आमुची वेडी । म्हणौनि गौप्याचीही गुढी । उभविली जगीं ॥ ६१३ ॥

aisī kāya neṇoṃ tujhiye āvaḍī | jāhalī prasannatā āmucī veḍī | mhaṇauni gaupyācīhī guḍhī | ubhavilī jagīṃ || 613 ||

तें हें अपारां अपार । स्वरूप माझें परात्पर । एथूनि ते अवतार । कृष्णादिक ॥ ६१४ ॥

teṃ heṃ apārāṃ apāra | svarūpa mājheṃ parātpara | ethūni te avatāra | kṛṣṇādika || 614 ||

हें ज्ञानतेजाचें निखिळ । विश्वात्मक केवळ । अनंत हे अढळ । आद्य सकळां ॥ ६१५ ॥

heṃ jñānatejāceṃ nikhiḷa | viśvātmaka kevaḷa | anaṃta he aḍhaḷa | ādya sakaḷāṃ || 615 ||

हें तुजवांचोनि अर्जुना । पूर्वीं श्रुत दृष्ट नाहीं आना । जे जोगें नव्हे साधना । म्हणौनियां ॥ ६१६ ॥

heṃ tujavāṃconi arjunā | pūrvīṃ śruta dṛṣṭa nāhīṃ ānā | je jogeṃ navhe sādhanā | mhaṇauniyāṃ || 616 ||

याची सोय पातले । आणि वेदीं मौनचि घेतलें । याज्ञिकी माघौते आले । स्वर्गौनियां ॥ ६१७ ॥

yācī soya pātale | āṇi vedīṃ maunaci ghetaleṃ | yājñikī māghaute āle | svargauniyāṃ || 617 ||

साधकीं देखिला आयासु । म्हणौनि वाळिला योगाभ्यासु । आणि अध्ययनें सौरसु । नाहीं एथ ॥ ६१८ ॥

sādhakīṃ dekhilā āyāsu | mhaṇauni vāḷilā yogābhyāsu | āṇi adhyayaneṃ saurasu | nāhīṃ etha || 618 ||

सीगेचीं सत्कर्मे । धाविन्नलीं संभ्रमें । तिहीं बहुतेकीं श्रमें । सत्यलोकु ठाकिला ॥ ६१९ ॥

sīgecīṃ satkarme | dhāvinnalīṃ saṃbhrameṃ | tihīṃ bahutekīṃ śrameṃ | satyaloku ṭhākilā || 619 ||

तपीं ऐश्वर्य देखिलें । आणि उग्रपण उभयांचि सांडिलें । एक तपसाधन जें ठेलें । अपारांतरें ॥ ६२० ॥

tapīṃ aiśvarya dekhileṃ | āṇi ugrapaṇa ubhayāṃci sāṃḍileṃ | eka tapasādhana jeṃ ṭheleṃ | apārāṃtareṃ || 620 ||

तें हें तुवां अनायासें । विश्वरूप देखिलें जैसें । इये मनुष्यलोकीं तैसें । न फवेचि कवणा ॥ ६२१ ॥

teṃ heṃ tuvāṃ anāyāseṃ | viśvarūpa dekhileṃ jaiseṃ | iye manuṣyalokīṃ taiseṃ | na phaveci kavaṇā || 621 ||

आजि ध्यानसंपत्तीलागीं । तूंचि एकु आथिला जगीं । हें परम भाग्य आंगीं । विरंचीही नाहीं ॥ ६२२ ॥

āji dhyānasaṃpattīlāgīṃ | tūṃci eku āthilā jagīṃ | heṃ parama bhāgya āṃgīṃ | viraṃcīhī nāhīṃ || 622 ||

म्हणौनि विश्वरूपलाभें श्लाघ । एथिचें भय नेघ नेघ । हें वांचूनि अन्य चांग । न मनीं कांहीं ॥ ६२३ ॥

mhaṇauni viśvarūpalābheṃ ślāgha | ethiceṃ bhaya negha negha | heṃ vāṃcūni anya cāṃga | na manīṃ kāṃhīṃ || 623 ||

हां गा समुद्र अमृताचा भरला । आणि अवसांत वरपडा जाहला । मग कोणीही आथि वोसंडिला । बुडिजैल म्हणौनि ? ॥ ६२४ ॥

hāṃ gā samudra amṛtācā bharalā | āṇi avasāṃta varapaḍā jāhalā | maga koṇīhī āthi vosaṃḍilā | buḍijaila mhaṇauni ? || 624 ||

नातरी सोनयाचा डोंगरु । येसणा न चले हा थोरु । ऐसें म्हणौनि अव्हेरु । करणें घडे ? ॥ ६२५ ॥

nātarī sonayācā ḍoṃgaru | yesaṇā na cale hā thoru | aiseṃ mhaṇauni avheru | karaṇeṃ ghaḍe ? || 625 ||

दैवें चिंतामणी लेईजे । कीं हें ओझें म्हणौनि सांडिजे ? । कामधेनु दवडिजे । न पोसवे म्हणौनि ? ॥ ६२६ ॥

daiveṃ ciṃtāmaṇī leīje | kīṃ heṃ ojheṃ mhaṇauni sāṃḍije ? | kāmadhenu davaḍije | na posave mhaṇauni ? || 626 ||

चंद्रमा आलिया घरा । म्हणिजे निगे करितोसि उबारा । पडिसायि पाडितोसि दिनकरा । परता सर ॥ ६२७ ॥

caṃdramā āliyā gharā | mhaṇije nige karitosi ubārā | paḍisāyi pāḍitosi dinakarā | paratā sara || 627 ||

तैसें ऐश्वर्य हें महातेज । आजि हातां आलें आहे सहज । कीं एथ तुज गजबज । होआवी कां ? ॥ ६२८ ॥

taiseṃ aiśvarya heṃ mahāteja | āji hātāṃ āleṃ āhe sahaja | kīṃ etha tuja gajabaja | hoāvī kāṃ ? || 628 ||

परि नेणसीच गांवढिया । काय कोपों आतां धनंजया । आंग सांडोनि छाया । आलिंगितोसि मा ? ॥ ६२९ ॥

pari neṇasīca gāṃvaḍhiyā | kāya kopoṃ ātāṃ dhanaṃjayā | āṃga sāṃḍoni chāyā | āliṃgitosi mā ? || 629 ||

हें नव्हे जो मी साचें । एथ मन करूनियां काचें । प्रेम धरिसी अवगणियेचें । चतुर्भुज जें ॥ ६३० ॥

heṃ navhe jo mī sāceṃ | etha mana karūniyāṃ kāceṃ | prema dharisī avagaṇiyeceṃ | caturbhuja jeṃ || 630 ||

तरि अझुनिवरी पार्था । सांडीं सांडीं हे व्यवस्था । इयेविषयीं आस्था । करिसी झणें ॥ ६३१ ॥

tari ajhunivarī pārthā | sāṃḍīṃ sāṃḍīṃ he vyavasthā | iyeviṣayīṃ āsthā | karisī jhaṇeṃ || 631 ||

हें रूप जरी घोर । विकृति आणि थोर । तरी कृतनिश्चयाचें घर । हेंचि करीं ॥ ६३२ ॥

heṃ rūpa jarī ghora | vikṛti āṇi thora | tarī kṛtaniścayāceṃ ghara | heṃci karīṃ || 632 ||

कृपण चित्तवृत्ति जैसी । रोंवोनि घालीं ठेवयापासीं । मग नुसधेनि देहेंसीं । आपण असे ॥ ६३३ ॥

kṛpaṇa cittavṛtti jaisī | roṃvoni ghālīṃ ṭhevayāpāsīṃ | maga nusadheni deheṃsīṃ | āpaṇa ase || 633 ||

कां अजातपक्षिया जवळा । जीव बैसवूनि अविसाळां । पक्षिणी अंतराळा- । माजीं जाय ॥ ६३४ ॥

kāṃ ajātapakṣiyā javaḷā | jīva baisavūni avisāḷāṃ | pakṣiṇī aṃtarāḷā- | mājīṃ jāya || 634 ||

नाना गाय चरे डोंगरीं । परि चित्त बांधिलें वत्सें घरीं । प्रेम एथिंचें करीं । स्थानपती ॥ ६३५ ॥

nānā gāya care ḍoṃgarīṃ | pari citta bāṃdhileṃ vatseṃ gharīṃ | prema ethiṃceṃ karīṃ | sthānapatī || 635 ||

येरें वरिचिलेनि चित्तें । बाह्य सख्य सुखापुरतें । भोगिजो कां श्रीमूर्तींतें । चतुर्भुज ॥ ६३६ ॥

yereṃ varicileni citteṃ | bāhya sakhya sukhāpurateṃ | bhogijo kāṃ śrīmūrtīṃteṃ | caturbhuja || 636 ||

परि पुढतपुढती पांडवा । हा एक बोलु न विसरावा । जे इये रूपींहूनि सद्भावा । नेदावें निघों ॥ ६३७ ॥

pari puḍhatapuḍhatī pāṃḍavā | hā eka bolu na visarāvā | je iye rūpīṃhūni sadbhāvā | nedāveṃ nighoṃ || 637 ||

हें कहीं नव्हतेंचि देखिलें । म्हणौनि भय जें तुज उपजलें । तें सांडीं एथ संचलें । असों दे प्रेम ॥ ६३८ ॥

heṃ kahīṃ navhateṃci dekhileṃ | mhaṇauni bhaya jeṃ tuja upajaleṃ | teṃ sāṃḍīṃ etha saṃcaleṃ | asoṃ de prema || 638 ||

आतां करूं तुजयासारखें । ऐसें म्हणितलें विश्वतोमुखें । तरि मागील रूप सुखें । न्याहाळीं पां तूं ॥ ६३९ ॥

ātāṃ karūṃ tujayāsārakheṃ | aiseṃ mhaṇitaleṃ viśvatomukheṃ | tari māgīla rūpa sukheṃ | nyāhāḷīṃ pāṃ tūṃ || 639 ||

ऐसें वाक्य बोलतखेंवो । मागुता मनुष्य जाहला देवो । हें ना परि नवलावो । आवडीचा तिये ॥ ६४० ॥

aiseṃ vākya bolatakheṃvo | māgutā manuṣya jāhalā devo | heṃ nā pari navalāvo | āvaḍīcā tiye || 640 ||

श्रीकृष्णचि कैवल्य उघडें । वरि सर्वस्व विश्वरूपायेवढें । हातीं दिधलें कीं नावडे । अर्जुनासि ॥ ६४१ ॥

śrīkṛṣṇaci kaivalya ughaḍeṃ | vari sarvasva viśvarūpāyevaḍheṃ | hātīṃ didhaleṃ kīṃ nāvaḍe | arjunāsi || 641 ||

वस्तु घेऊनि वाळिजे । जैसें रत्नासि दूषण ठेविजे । नातरी कन्या पाहूनियां म्हणिजे । मना न ये हे ॥ ६४२ ॥

vastu gheūni vāḷije | jaiseṃ ratnāsi dūṣaṇa ṭhevije | nātarī kanyā pāhūniyāṃ mhaṇije | manā na ye he || 642 ||

तया विश्वरूपायेवढी दशा । करितां प्रीतीचा वाढू कैसा । सेल दीधलीसे उपदेशा । किरीटीसिं देवें ॥ ६४३ ॥

tayā viśvarūpāyevaḍhī daśā | karitāṃ prītīcā vāḍhū kaisā | sela dīdhalīse upadeśā | kirīṭīsiṃ deveṃ || 643 ||

मोडोनि भांगाराचा रवा । लेणें घडिलें आपलिया सवा । मग नावडे जरी जीवा । तरी आटिजे पुढती ॥ ६४४ ॥

moḍoni bhāṃgārācā ravā | leṇeṃ ghaḍileṃ āpaliyā savā | maga nāvaḍe jarī jīvā | tarī āṭije puḍhatī || 644 ||

तैसें शिष्याचिये प्रीती जाहलें । कृष्णत्व होतें तें विश्वरूप केलें । तें मना नयेचि मग आणिलें । कृष्णपण मागुतें ॥ ६४५ ॥

taiseṃ śiṣyāciye prītī jāhaleṃ | kṛṣṇatva hoteṃ teṃ viśvarūpa keleṃ | teṃ manā nayeci maga āṇileṃ | kṛṣṇapaṇa māguteṃ || 645 ||

हा ठाववरी शिष्याची निकसी । सहातें गुरु आहाती कवणे देशीं ? । परि नेणिजे आवडी कैशी । संजयो म्हणे ॥ ६४६ ॥

hā ṭhāvavarī śiṣyācī nikasī | sahāteṃ guru āhātī kavaṇe deśīṃ ? | pari neṇije āvaḍī kaiśī | saṃjayo mhaṇe || 646 ||

मग विश्वरूप व्यापुनि भोंवतें । जें दिव्य तेज प्रगटलें होतें । तेंचि सामावलें मागुतें । कृष्णरूपीं तये ॥ ६४७ ॥

maga viśvarūpa vyāpuni bhoṃvateṃ | jeṃ divya teja pragaṭaleṃ hoteṃ | teṃci sāmāvaleṃ māguteṃ | kṛṣṇarūpīṃ taye || 647 ||

जैसें त्वंपद हें आघवें । तत्पदीं सामावे । अथवा द्रुमाकारु सांठवे । बीजकणिके जेवीं ॥ ६४८ ॥

jaiseṃ tvaṃpada heṃ āghaveṃ | tatpadīṃ sāmāve | athavā drumākāru sāṃṭhave | bījakaṇike jevīṃ || 648 ||

नातरी स्वप्नसंभ्रमु जैसा । गिळी चेइली जीवदशा । श्रीकृष्णें योगु हा तैसा । संहारिला तो ॥ ६४९ ॥

nātarī svapnasaṃbhramu jaisā | giḷī ceilī jīvadaśā | śrīkṛṣṇeṃ yogu hā taisā | saṃhārilā to || 649 ||

जैसी प्रभा हारपली बिंबीं । कीं जळदसंपत्ती नभीं । नाना भरतें सिंधुगर्भीं । रिगालें राया ॥ ६५० ॥

jaisī prabhā hārapalī biṃbīṃ | kīṃ jaḷadasaṃpattī nabhīṃ | nānā bharateṃ siṃdhugarbhīṃ | rigāleṃ rāyā || 650 ||

हो कां जे कृष्णाकृतीचिये मोडी । होती विश्वरूपपटाची घडी । ते अर्जुनाचिये आवडी । उकलूनि दाविली ॥ ६५१ ॥

ho kāṃ je kṛṣṇākṛtīciye moḍī | hotī viśvarūpapaṭācī ghaḍī | te arjunāciye āvaḍī | ukalūni dāvilī || 651 ||

तंव परिमाणा रंगु । तेणें देखिलें साविया चांगु । तेथ ग्राहकीये नव्हेचि लागु । म्हणौनि घडी केली पुढती ॥ ६५२ ॥

taṃva parimāṇā raṃgu | teṇeṃ dekhileṃ sāviyā cāṃgu | tetha grāhakīye navheci lāgu | mhaṇauni ghaḍī kelī puḍhatī || 652 ||

तैसें वाढीचेनि बहुवसपणें । रूपें विश्व जिंतिलें जेणें । तें सौम्य कोडिसवाणें । साकार जाहलें ॥ ६५३ ॥

taiseṃ vāḍhīceni bahuvasapaṇeṃ | rūpeṃ viśva jiṃtileṃ jeṇeṃ | teṃ saumya koḍisavāṇeṃ | sākāra jāhaleṃ || 653 ||

किंबहुना अनंतें । धरिलें धाकुटपण मागुतें । परि आश्वासिलें पार्थातें । बिहालियासी ॥ ६५४ ॥

kiṃbahunā anaṃteṃ | dharileṃ dhākuṭapaṇa māguteṃ | pari āśvāsileṃ pārthāteṃ | bihāliyāsī || 654 ||

जो स्वप्नीं स्वर्गा गेला । तो अवसांत जैसा चेइला । तैसा विस्मयो जाहला । किरीटीसी ॥ ६५५ ॥

jo svapnīṃ svargā gelā | to avasāṃta jaisā ceilā | taisā vismayo jāhalā | kirīṭīsī || 655 ||

नातरी गुरुकृपेसवें । वोसरलेया प्रपंचज्ञान आघवें । स्फुरे तत्त्व तेवीं पांडवें । श्रीमूर्ति देखिली ॥ ६५६ ॥

nātarī gurukṛpesaveṃ | vosaraleyā prapaṃcajñāna āghaveṃ | sphure tattva tevīṃ pāṃḍaveṃ | śrīmūrti dekhilī || 656 ||

तया पांडवा ऐसें चित्तीं । आड विश्वरूपाची जवनिका होती । ते फिटोनि गेली परौती । हें भलें जाहलें ॥ ६५७ ॥

tayā pāṃḍavā aiseṃ cittīṃ | āḍa viśvarūpācī javanikā hotī | te phiṭoni gelī parautī | heṃ bhaleṃ jāhaleṃ || 657 ||

काय काळातें जिणोनि आला । कीं महावातु मागां सांडिला । आपुलिया बाही उतरला । सातही सिंधु ॥ ६५८ ॥

kāya kāḷāteṃ jiṇoni ālā | kīṃ mahāvātu māgāṃ sāṃḍilā | āpuliyā bāhī utaralā | sātahī siṃdhu || 658 ||

ऐसा संतोष बहु चित्तें । घेइजत असे पंडुसुतें । विश्वरूपापाठीं कृष्णातें । देखोनियां ॥ ६५९ ॥

aisā saṃtoṣa bahu citteṃ | gheijata ase paṃḍusuteṃ | viśvarūpāpāṭhīṃ kṛṣṇāteṃ | dekhoniyāṃ || 659 ||

मग सूर्याचिया अस्तमानीं । मागुती तारा उगवती गगनीं । तैसी देखों लागला अवनीं । लोकांसहित ॥ ६६० ॥

maga sūryāciyā astamānīṃ | māgutī tārā ugavatī gaganīṃ | taisī dekhoṃ lāgalā avanīṃ | lokāṃsahita || 660 ||

पाहे तंव तेंचि कुरुक्षेत्र । तैसेंचि देखे दोहीं भागीं गोत्र । वीर वर्षताती शस्त्रास्त्र । संघाटवरी ॥ ६६१ ॥

pāhe taṃva teṃci kurukṣetra | taiseṃci dekhe dohīṃ bhāgīṃ gotra | vīra varṣatātī śastrāstra | saṃghāṭavarī || 661 ||

तया बाणांचिया मांडवाआंतु । तैसाचि रथु देखे निवांतु । धुरे बैसला लक्ष्मीकांतु । आपण तळीं ॥ ६६२ ॥

tayā bāṇāṃciyā māṃḍavāāṃtu | taisāci rathu dekhe nivāṃtu | dhure baisalā lakṣmīkāṃtu | āpaṇa taḷīṃ || 662 ||

एवं मागील जैसें तैसें । तेणें देखिलें वीरविलासें । मग म्हणे जियालों ऐसें । जाहलें आतां ॥ ६६३ ॥

evaṃ māgīla jaiseṃ taiseṃ | teṇeṃ dekhileṃ vīravilāseṃ | maga mhaṇe jiyāloṃ aiseṃ | jāhaleṃ ātāṃ || 663 ||

बुद्धीतें सांडोनि ज्ञान । भेणें वळघलें रान । अहंकारेंसी मन । देशोधडी जाहलें ॥ ६६४ ॥

buddhīteṃ sāṃḍoni jñāna | bheṇeṃ vaḷaghaleṃ rāna | ahaṃkāreṃsī mana | deśodhaḍī jāhaleṃ || 664 ||

इंद्रियें प्रवृत्ती भुललीं । वाचा प्राणा चुकली । ऐसें आपांपरी होती जाली । शरीरग्रामीं ॥ ६६५ ॥

iṃdriyeṃ pravṛttī bhulalīṃ | vācā prāṇā cukalī | aiseṃ āpāṃparī hotī jālī | śarīragrāmīṃ || 665 ||

तियें आघवींचि मागुतीं । जिवंत भेटलीं प्रकृती । आतां जिताणें श्रीमूर्ती । जाहलें मियां ॥ ६६६ ॥

tiyeṃ āghavīṃci māgutīṃ | jivaṃta bheṭalīṃ prakṛtī | ātāṃ jitāṇeṃ śrīmūrtī | jāhaleṃ miyāṃ || 666 ||

ऐसें सुख जीवीं घेतलें । मग श्रीकृष्णातें म्हणितलें । मियां तुमचें रूप देखिलें । मानुष हें ॥ ६६७ ॥

aiseṃ sukha jīvīṃ ghetaleṃ | maga śrīkṛṣṇāteṃ mhaṇitaleṃ | miyāṃ tumaceṃ rūpa dekhileṃ | mānuṣa heṃ || 667 ||

हें रूप दाखवणें देवराया । कीं मज अपत्या चुकलिया । बुझावोनि तुवां माया । स्तनपान दिधलें ॥ ६६८ ॥

heṃ rūpa dākhavaṇeṃ devarāyā | kīṃ maja apatyā cukaliyā | bujhāvoni tuvāṃ māyā | stanapāna didhaleṃ || 668 ||

जी विश्वरूपाचिया सागरीं । होतों तरंग मवित वांवेवरी । तो इये निजमूर्तीच्या तीरीं । निगालों आतां ॥ ६६९ ॥

jī viśvarūpāciyā sāgarīṃ | hotoṃ taraṃga mavita vāṃvevarī | to iye nijamūrtīcyā tīrīṃ | nigāloṃ ātāṃ || 669 ||

आइकें द्वारकापुरसुहाडा । मज सुकतिया जी झाडा । हे भेटी नव्हे बहुडा । मेघाचा केला ॥ ६७० ॥

āikeṃ dvārakāpurasuhāḍā | maja sukatiyā jī jhāḍā | he bheṭī navhe bahuḍā | meghācā kelā || 670 ||

जी सावियाची तृषा फुटला । तया मज अमृतसिंधु हा भेटला । आतां जिणयाचा जाहला । भरंवसा मज ॥ ६७१ ॥

jī sāviyācī tṛṣā phuṭalā | tayā maja amṛtasiṃdhu hā bheṭalā | ātāṃ jiṇayācā jāhalā | bharaṃvasā maja || 671 ||

माझिया हृदयरंगणीं । होताहे हरिखलतांची लावणी । सुखेंसीं बुझावणी । जाहली मज ॥ ६७२ ॥

mājhiyā hṛdayaraṃgaṇīṃ | hotāhe harikhalatāṃcī lāvaṇī | sukheṃsīṃ bujhāvaṇī | jāhalī maja || 672 ||

यया पार्थाचिया बोलासवें । हें काय म्हणितलें देवें । तुवां प्रेम ठेवूनि यावें । विश्वरूपीं कीं ॥ ६७३ ॥

yayā pārthāciyā bolāsaveṃ | heṃ kāya mhaṇitaleṃ deveṃ | tuvāṃ prema ṭhevūni yāveṃ | viśvarūpīṃ kīṃ || 673 ||

मग इये श्रीमूर्ती । भेटावें सडिया आयती । ते शिकवण सुभद्रापती । विसरलासि मा ॥ ६७४ ॥

maga iye śrīmūrtī | bheṭāveṃ saḍiyā āyatī | te śikavaṇa subhadrāpatī | visaralāsi mā || 674 ||

अगा आंधळिया अर्जुना । हाता आलिया मेरूही होय साना । ऐसा आथी मना । चुकीचा भावो ॥ ६७५ ॥

agā āṃdhaḷiyā arjunā | hātā āliyā merūhī hoya sānā | aisā āthī manā | cukīcā bhāvo || 675 ||

तरी विश्वात्मक रूपडें । जें दाविलें आम्ही तुजपुढें । तें शंभूही परि न जोडे । तपें करितां ॥ ६७६ ॥

tarī viśvātmaka rūpaḍeṃ | jeṃ dāvileṃ āmhī tujapuḍheṃ | teṃ śaṃbhūhī pari na joḍe | tapeṃ karitāṃ || 676 ||

आणि अष्टांगादिसंकटीं । योगी शिणताति किरीटी । परि अवसरु नाहीं भेटी । जयाचिये ॥ ६७७ ॥

āṇi aṣṭāṃgādisaṃkaṭīṃ | yogī śiṇatāti kirīṭī | pari avasaru nāhīṃ bheṭī | jayāciye || 677 ||

तें विश्वरूप एकादे वेळ । कैसेनि देखों अळुमाळ । ऐसें स्मरतां काळ । जातसे देवां ॥ ६७८ ॥

teṃ viśvarūpa ekāde veḷa | kaiseni dekhoṃ aḷumāḷa | aiseṃ smaratāṃ kāḷa | jātase devāṃ || 678 ||

आशेचिये अंजुळी । ठेऊनि हृदयाचिया निडळीं । चातक निराळीं । लागले जैसे ॥ ६७९ ॥

āśeciye aṃjuḷī | ṭheūni hṛdayāciyā niḍaḷīṃ | cātaka nirāḷīṃ | lāgale jaise || 679 ||

तैसे उत्कंठा निर्भर । होऊनियां सुरवर । घोकीत आठही पाहार । भेटी जयाची ॥ ६८० ॥

taise utkaṃṭhā nirbhara | hoūniyāṃ suravara | ghokīta āṭhahī pāhāra | bheṭī jayācī || 680 ||

परि विश्वरूपासारिखें । स्वप्नींही कोण्ही न देखे । तें प्रत्यक्ष तुवां सुखें । देखिलें हें ॥ ६८१ ॥

pari viśvarūpāsārikheṃ | svapnīṃhī koṇhī na dekhe | teṃ pratyakṣa tuvāṃ sukheṃ | dekhileṃ heṃ || 681 ||

पैं उपायांसि वाटा । न वाहती एथ सुभटा । साहीसहित वोहटा । वाहिला वेदीं ॥ ६८२ ॥

paiṃ upāyāṃsi vāṭā | na vāhatī etha subhaṭā | sāhīsahita vohaṭā | vāhilā vedīṃ || 682 ||

मज विश्वरूपाचिया मोहरा । चालावया धनुर्धरा । तपांचियाही संभारा । नव्हेचि लागु ॥ ६८३ ॥

maja viśvarūpāciyā moharā | cālāvayā dhanurdharā | tapāṃciyāhī saṃbhārā | navheci lāgu || 683 ||

आणि दानादि कीर कानडें । मी यज्ञींही तैसा न सांपडें । जैसेनि कां सुरवाडें । देखिला तुवां ॥ ६८४ ॥

āṇi dānādi kīra kānaḍeṃ | mī yajñīṃhī taisā na sāṃpaḍeṃ | jaiseni kāṃ suravāḍeṃ | dekhilā tuvāṃ || 684 ||

तैसा मी एकीचि परि । आंतुडें गा अवधारीं । जरी भक्ति येऊनि वरी । चित्तातें गा ॥ ६८५ ॥

taisā mī ekīci pari | āṃtuḍeṃ gā avadhārīṃ | jarī bhakti yeūni varī | cittāteṃ gā || 685 ||

परि तेचि भक्ति ऐसी । पर्जन्याची सुटिका जैसी । धरावांचूनि अनारिसी । गतीचि नेणें ॥ ६८६ ॥

pari teci bhakti aisī | parjanyācī suṭikā jaisī | dharāvāṃcūni anārisī | gatīci neṇeṃ || 686 ||

कां सकळ जळसंपत्ती । घेऊनि समुद्रातें गिंवसिती । गंगा जैसी अनन्यगती । मिळालीचि मिळे ॥ ६८७ ॥

kāṃ sakaḷa jaḷasaṃpattī | gheūni samudrāteṃ giṃvasitī | gaṃgā jaisī ananyagatī | miḷālīci miḷe || 687 ||

तैसें सर्वभावसंभारें । न धरत प्रेम एकसरें । मजमाजीं संचरे । मीचि होऊनि ॥ ६८८ ॥

taiseṃ sarvabhāvasaṃbhāreṃ | na dharata prema ekasareṃ | majamājīṃ saṃcare | mīci hoūni || 688 ||

आणि तेवींचि मी ऐसा । थडिये माझारीं सरिसा । क्षीराब्धि कां जैसा । क्षीराचाचि ॥ ६८९ ॥

āṇi tevīṃci mī aisā | thaḍiye mājhārīṃ sarisā | kṣīrābdhi kāṃ jaisā | kṣīrācāci || 689 ||

तैसें मजलागुनि मुंगीवरी । किंबहुना चराचरीं । भजनासि कां दुसरी । परीचि नाहीं ॥ ६९० ॥

taiseṃ majalāguni muṃgīvarī | kiṃbahunā carācarīṃ | bhajanāsi kāṃ dusarī | parīci nāhīṃ || 690 ||

तयाचि क्षणासवें । एवंविध मी जाणवें । जाणितला तरी स्वभावें । दृष्टही होय ॥ ६९१ ॥

tayāci kṣaṇāsaveṃ | evaṃvidha mī jāṇaveṃ | jāṇitalā tarī svabhāveṃ | dṛṣṭahī hoya || 691 ||

मग इंधनीं अग्नि उद्दीपें । आणि इंधन हें भाष हारपे । तें अग्निचि होऊनि आरोपें । मूर्त जेवीं ॥ ६९२ ॥

maga iṃdhanīṃ agni uddīpeṃ | āṇi iṃdhana heṃ bhāṣa hārape | teṃ agnici hoūni āropeṃ | mūrta jevīṃ || 692 ||

कां उदय न कीजे तेजाकारें । तंव गगनचि होऊनि असे आंधारें । मग उदईलिया एकसरें । प्रकाशु होय ॥ ६९३ ॥

kāṃ udaya na kīje tejākāreṃ | taṃva gaganaci hoūni ase āṃdhāreṃ | maga udaīliyā ekasareṃ | prakāśu hoya || 693 ||

तैसें माझिये साक्षात्कारीं । सरे अहंकाराची वारी । अहंकारलोपीं अवधारीं । द्वैत जाय ॥ ६९४ ॥

taiseṃ mājhiye sākṣātkārīṃ | sare ahaṃkārācī vārī | ahaṃkāralopīṃ avadhārīṃ | dvaita jāya || 694 ||

मग मी तो हें आघवें । एक मीचि आथी स्वभावें । किंबहुना सामावे । समरसें तो ॥ ६९५ ॥

maga mī to heṃ āghaveṃ | eka mīci āthī svabhāveṃ | kiṃbahunā sāmāve | samaraseṃ to || 695 ||

जो मजचि एकालागीं । कर्में वाहातसे आंगीं । जया मीवांचोनि जगीं । गोमटें नाहीं ॥ ६९६ ॥

jo majaci ekālāgīṃ | karmeṃ vāhātase āṃgīṃ | jayā mīvāṃconi jagīṃ | gomaṭeṃ nāhīṃ || 696 ||

दृष्टादृष्ट सकळ । जयाचें मीचि केवळ । जेणें जिणयाचें फळ । मजचि नाम ठेविलें ॥ ६९७ ॥

dṛṣṭādṛṣṭa sakaḷa | jayāceṃ mīci kevaḷa | jeṇeṃ jiṇayāceṃ phaḷa | majaci nāma ṭhevileṃ || 697 ||

मग भूतें हे भाष विसरला । जे दिठी मीचि आहें सूदला । म्हणौनि निर्वैर जाहला । सर्वत्र भजे ॥ ६९८ ॥

maga bhūteṃ he bhāṣa visaralā | je diṭhī mīci āheṃ sūdalā | mhaṇauni nirvaira jāhalā | sarvatra bhaje || 698 ||

ऐसा जो भक्तु होये । तयाचें त्रिधातुक हें जैं जाये । तैं मीचि हौनि ठायें । पांडवा गा ॥ ६९९ ॥

aisā jo bhaktu hoye | tayāceṃ tridhātuka heṃ jaiṃ jāye | taiṃ mīci hauni ṭhāyeṃ | pāṃḍavā gā || 699 ||

ऐसें जगदुदरदोंदिलें । तेणें करुणारसरसाळें । संजयो म्हणे बोलिलें । श्रीकृष्णदेवें ॥ ७०० ॥

aiseṃ jagadudaradoṃdileṃ | teṇeṃ karuṇārasarasāḷeṃ | saṃjayo mhaṇe bolileṃ | śrīkṛṣṇadeveṃ || 700 ||

ययावरी तो पंडुकुमरु । जाहला आनंदसंपदा थोरु । आणि कृष्णचरणचतुरु । एक तो जगीं ॥ ७०१ ॥

yayāvarī to paṃḍukumaru | jāhalā ānaṃdasaṃpadā thoru | āṇi kṛṣṇacaraṇacaturu | eka to jagīṃ || 701 ||

तेणें देवाचिया दोनही मूर्ती । निकिया न्याहाळिलिया चित्तीं । तंव विश्वरूपाहूनि कृष्णाकृतीं । देखिला लाभु ॥ ७०२ ॥

teṇeṃ devāciyā donahī mūrtī | nikiyā nyāhāḷiliyā cittīṃ | taṃva viśvarūpāhūni kṛṣṇākṛtīṃ | dekhilā lābhu || 702 ||

परि तयाचिये जाणिवे । मानु न कीजेचि देवें । जें व्यापकाहूनि नव्हे । एकदेशी ॥ ७०३ ॥

pari tayāciye jāṇive | mānu na kījeci deveṃ | jeṃ vyāpakāhūni navhe | ekadeśī || 703 ||

हेंचि समर्थावयालागीं । एक दोन चांगी । उपपत्ती शारङ्गी । दाविता जाहला ॥ ७०४ ॥

heṃci samarthāvayālāgīṃ | eka dona cāṃgī | upapattī śāraṅgī | dāvitā jāhalā || 704 ||

तिया ऐकोनि सुभद्राकांतु । चित्तीं आहे म्हणतु । तरि होय बरवें दोन्हीं आंतु । तें पुढती पुसों ॥ ७०५ ॥

tiyā aikoni subhadrākāṃtu | cittīṃ āhe mhaṇatu | tari hoya baraveṃ donhīṃ āṃtu | teṃ puḍhatī pusoṃ || 705 ||

ऐसा आलोचु करूनि जीवीं । आतां पुसती वोज बरवी । आदरील ते परिसावी । पुढें कथा ॥ ७०६ ॥

aisā ālocu karūni jīvīṃ | ātāṃ pusatī voja baravī | ādarīla te parisāvī | puḍheṃ kathā || 706 ||

प्रांजळ ओंवीप्रबंधें । गोष्टी सांगिजेल विनोदें । तें परिसा आनंदें । ज्ञानदेवो म्हणे ॥ ७०७ ॥

prāṃjaḷa oṃvīprabaṃdheṃ | goṣṭī sāṃgijela vinodeṃ | teṃ parisā ānaṃdeṃ | jñānadevo mhaṇe || 707 ||

भरोनि सद्भावाची अंजुळी । मियां वोंवियाफुलें मोकळीं । अर्पिलीं अंघ्रियुगुलीं । विश्वरूपाच्या ॥ ७०८ ॥

bharoni sadbhāvācī aṃjuḷī | miyāṃ voṃviyāphuleṃ mokaḷīṃ | arpilīṃ aṃghriyugulīṃ | viśvarūpācyā || 708 ||

इति श्रीज्ञानदेवविरचितायां भावार्थदीपिकायां एकादशोऽध्यायः ॥

iti śrījñānadevaviracitāyāṃ bhāvārthadīpikāyāṃ ekādaśo'dhyāyaḥ ||

गीता श्लोक

अर्जुन उवाच । मदनुग्रहाय परमं गुह्यमध्यात्मसंज्ञितम् । यत्वयोक्तं वचस्तेन मोहोऽयं विगतो मम ॥ १॥

arjuna uvāca | madanugrahāya paramaṃ guhyamadhyātmasaṃjñitam | yatvayoktaṃ vacastena moho'yaṃ vigato mama || 1||

त्वत्तः कमलपत्राक्ष माहात्म्यमपि चाव्ययम् ॥ २॥

tvattaḥ kamalapatrākṣa māhātmyamapi cāvyayam || 2||

एवमेतद्यथाऽऽत्थ त्वमात्मानं परमेश्वर । द्रष्टुमिच्छामि ते रूपमैश्वरं पुरुषोत्तम ॥ ३॥

evametadyathā''ttha tvamātmānaṃ parameśvara | draṣṭumicchāmi te rūpamaiśvaraṃ puruṣottama || 3||

मन्यसे यदि तच्छक्यं मया द्रष्टुमिति प्रभो । योगेश्वर ततो मे त्वं दर्शयाऽत्मानमव्ययम् ॥ ४॥

manyase yadi tacchakyaṃ mayā draṣṭumiti prabho | yogeśvara tato me tvaṃ darśayā'tmānamavyayam || 4||

श्रीभगवानुवाच । पश्य मे पार्थ रूपाणि शतशोऽथ सहस्रशः । नानाविधानि दिव्यानि नानावर्णाकृतीनि च ॥ ५॥

śrībhagavānuvāca | paśya me pārtha rūpāṇi śataśo'tha sahasraśaḥ | nānāvidhāni divyāni nānāvarṇākṛtīni ca || 5||

पश्यादित्यान्वसून्रुद्रान् अश्विनौ मरुतस्तथा । बहून्यदृष्टपूर्वाणि पश्याश्चर्याणि भारत ॥ ६॥

paśyādityānvasūnrudrān aśvinau marutastathā | bahūnyadṛṣṭapūrvāṇi paśyāścaryāṇi bhārata || 6||

इहैकस्थं जगत्कृत्स्नं पश्याद्य सचराचरम् । मम देहे गुडाकेश यच्चान्यद्दृष्टुमिच्छसि ॥ ७॥

ihaikasthaṃ jagatkṛtsnaṃ paśyādya sacarācaram | mama dehe guḍākeśa yaccānyaddṛṣṭumicchasi || 7||

न तु मां शक्यसे द्रष्टुमनेनैव स्वचक्षुषा । दिव्यं ददामि ते चक्षुः पश्य मे योगमैश्वरम् ॥ ८॥

na tu māṃ śakyase draṣṭumanenaiva svacakṣuṣā | divyaṃ dadāmi te cakṣuḥ paśya me yogamaiśvaram || 8||

संजय उवाच । एवमुक्त्वा ततो राजन् महायोगेश्वरो हरिः । दर्शयामास पार्थाय परमं रूपमैश्वरम् ॥ ९॥

saṃjaya uvāca | evamuktvā tato rājan mahāyogeśvaro hariḥ | darśayāmāsa pārthāya paramaṃ rūpamaiśvaram || 9||

अनेकवक्त्रनयनमनेकाद्भुतदर्शनम् । अनेकदिव्याभरणं दिव्यानेकोद्यतायुधम् ॥ १०॥

anekavaktranayanamanekādbhutadarśanam | anekadivyābharaṇaṃ divyānekodyatāyudham || 10||

दिव्यमाल्याम्बरधरं दिव्यगन्धानुलेपनम् । सर्वाश्चर्यमयं देवमनन्तं विश्वतोमुखम् ॥ ११॥

divyamālyāmbaradharaṃ divyagandhānulepanam | sarvāścaryamayaṃ devamanantaṃ viśvatomukham || 11||

दिवि सूर्य सहस्रस्य भवेद्युगपदुत्थिता । यदि भाः सदृशी सा स्याद्भासस्तस्य महात्मनः ॥ १२॥

divi sūrya sahasrasya bhavedyugapadutthitā | yadi bhāḥ sadṛśī sā syādbhāsastasya mahātmanaḥ || 12||

तत्रैकस्थं जगत्कृत्स्नम् प्रविभक्तमनेकधा ॥ अपश्यद्देवदेवस्य शरीरे पांडवस्तदा ॥ १३॥

tatraikasthaṃ jagatkṛtsnam pravibhaktamanekadhā || apaśyaddevadevasya śarīre pāṃḍavastadā || 13||

ततः स विस्मयाविष्टो हृष्टरोमा धनंजयः । प्रणम्य शिरसा देवं कृताझ्जलिरभाषत ॥ १४॥

tataḥ sa vismayāviṣṭo hṛṣṭaromā dhanaṃjayaḥ | praṇamya śirasā devaṃ kṛtājhjalirabhāṣata || 14||

अर्जुन उवाच । पश्यामि देवांस्तव देव देहे सर्वांस्तथा भूतविशेषसंघान् ॥ ब्रह्माणमीशं कमलासनस्थ मृषींश्चसर्वानुरगांश्च दिव्यान् ॥ १५॥

arjuna uvāca | paśyāmi devāṃstava deva dehe sarvāṃstathā bhūtaviśeṣasaṃghān || brahmāṇamīśaṃ kamalāsanastha mṛṣīṃścasarvānuragāṃśca divyān || 15||

अनेकबाहूदरवक्त्रनेत्रं पश्यामि त्वां सर्वतोऽनंतरूपम् । नान्तं न मध्यं न पुनस्तवादिं पश्यामि विश्वेश्वर विश्वरूपम् ॥ १६॥

anekabāhūdaravaktranetraṃ paśyāmi tvāṃ sarvato'naṃtarūpam | nāntaṃ na madhyaṃ na punastavādiṃ paśyāmi viśveśvara viśvarūpam || 16||

किरीटिनं गदिनं चक्रिणं च तेजोराशिं सर्वतो दीप्तिमन्तम् । पश्यामि त्वां दुर्निरीक्ष्यं समन्ताद्दीप्तानलार्कद्युतिमप्रमेयम् ॥ १७॥

kirīṭinaṃ gadinaṃ cakriṇaṃ ca tejorāśiṃ sarvato dīptimantam | paśyāmi tvāṃ durnirīkṣyaṃ samantāddīptānalārkadyutimaprameyam || 17||

त्वमक्षरं परमं वेदितव्यं त्वमस्य विश्वस्य परं निधानम् । त्वमव्ययः शाश्वतधर्मगोप्ता सनातनस्त्वं पुरुषो मतो मे ॥ १८॥

tvamakṣaraṃ paramaṃ veditavyaṃ tvamasya viśvasya paraṃ nidhānam | tvamavyayaḥ śāśvatadharmagoptā sanātanastvaṃ puruṣo mato me || 18||

अनादिमध्यान्तमनन्तवीर्यं अनन्तबाहुं शशिसूर्यनेत्रम् । पश्यामि त्वां दीप्तहुताशवक्त्रं स्वतेजसा विश्वमिदं तपन्तम् ॥ १९॥

anādimadhyāntamanantavīryaṃ anantabāhuṃ śaśisūryanetram | paśyāmi tvāṃ dīptahutāśavaktraṃ svatejasā viśvamidaṃ tapantam || 19||

द्यावापृथिव्योरिदमन्तरं हि व्याप्तं त्वयैकेन दिशश्च सर्वाः । दृष्ट्वाऽद्भुतं रूपमुग्रं तवेदं लोकत्रयं प्रव्यथितं महात्मन् ॥ २०॥

dyāvāpṛthivyoridamantaraṃ hi vyāptaṃ tvayaikena diśaśca sarvāḥ | dṛṣṭvā'dbhutaṃ rūpamugraṃ tavedaṃ lokatrayaṃ pravyathitaṃ mahātman || 20||

अमी हि त्वां सुरसंघा विशन्ति केचिद्भीताः प्राञ्जलयो गृणन्ति । स्वस्तीत्युक्त्वा महर्षिसिद्धसङ्घाः स्तुवन्ति त्वां सुतिभिः पुष्कलाभिः ॥ २१॥

amī hi tvāṃ surasaṃghā viśanti kecidbhītāḥ prāñjalayo gṛṇanti | svastītyuktvā maharṣisiddhasaṅghāḥ stuvanti tvāṃ sutibhiḥ puṣkalābhiḥ || 21||

रुद्रादित्या वसवो ये च साध्या विश्वेऽश्विनौ मरुतश्चोश्मपाश्च । गन्धर्वयक्षासुरसिद्धसङ्घा वीक्षन्ते त्वां विस्मिताश्चैव सर्वे ॥ २२॥

rudrādityā vasavo ye ca sādhyā viśve'śvinau marutaścośmapāśca | gandharvayakṣāsurasiddhasaṅghā vīkṣante tvāṃ vismitāścaiva sarve || 22||

रूपं महत्ते बहुवक्त्रनेत्रं महाबाहो बहुबाहूरुपादम् । बहूदरं बहुदंष्ट्राकरालं दृष्ट्वा लोकाः प्रव्यथितास्तथाऽहम् ॥ २३॥

rūpaṃ mahatte bahuvaktranetraṃ mahābāho bahubāhūrupādam | bahūdaraṃ bahudaṃṣṭrākarālaṃ dṛṣṭvā lokāḥ pravyathitāstathā'ham || 23||

नभःस्पृशं दीप्तमनेकवर्णं व्यात्ताननं दीप्तविशालनेत्रम् । दृष्ट्वा हि त्वां प्रव्यथितान्तरात्मा धृतिं न विन्दामि शमं च विष्णो ॥ २४॥

nabhaḥspṛśaṃ dīptamanekavarṇaṃ vyāttānanaṃ dīptaviśālanetram | dṛṣṭvā hi tvāṃ pravyathitāntarātmā dhṛtiṃ na vindāmi śamaṃ ca viṣṇo || 24||

दंष्ट्राकरालानि च ते मुखानि दृष्ट्वैव कालानलसन्निभानि । दिशो न जाने न लभे च शर्म प्रसीद देवेश जगन्निवास ॥ २५॥

daṃṣṭrākarālāni ca te mukhāni dṛṣṭvaiva kālānalasannibhāni | diśo na jāne na labhe ca śarma prasīda deveśa jagannivāsa || 25||

अमी च त्वां धृतराष्ट्रस्य पुत्राः सर्वे सहैवावनिपालसङ्घैः । भीष्मो द्रोणः सूतपुत्रस्तथाऽसौ सहास्मदीयैरपि योधमुख्यैः ॥ २६॥

amī ca tvāṃ dhṛtarāṣṭrasya putrāḥ sarve sahaivāvanipālasaṅghaiḥ | bhīṣmo droṇaḥ sūtaputrastathā'sau sahāsmadīyairapi yodhamukhyaiḥ || 26||

वक्त्राणि ते त्वरमाणा विशन्ति दंष्ट्राकरालानि भयानकानि । केचिद्विलग्ना दशनान्तरेषु संदृश्यन्ते चूर्णितैरुत्तमाङ्गैः ॥ २७॥

vaktrāṇi te tvaramāṇā viśanti daṃṣṭrākarālāni bhayānakāni | kecidvilagnā daśanāntareṣu saṃdṛśyante cūrṇitairuttamāṅgaiḥ || 27||

यथा नदीनाम् बहवोऽम्बुवेगाः समुद्रमेवाभिमुखा द्रवन्ति । तथा तवामी नरलोकवीरा विशन्ति वक्त्राण्यभिविज्वलन्ति ॥ २८॥

yathā nadīnām bahavo'mbuvegāḥ samudramevābhimukhā dravanti | tathā tavāmī naralokavīrā viśanti vaktrāṇyabhivijvalanti || 28||

यथा प्रदीप्तं ज्वलनं पतङ्गा विशन्ति नाशाय समृद्धवेगाः । तथैव नाशाय विशन्ति लोका स्तवापि वक्त्राणि समृद्धवेगाः ॥ २९॥

yathā pradīptaṃ jvalanaṃ pataṅgā viśanti nāśāya samṛddhavegāḥ | tathaiva nāśāya viśanti lokā stavāpi vaktrāṇi samṛddhavegāḥ || 29||

लेलिह्यसे ग्रसमानः समन्ताल्लोकान्समग्रान्वदनैर्ज्वद्भिः । तेजोभिरापूर्य जगत्समग्रं भासस्तवोग्राः प्रतपन्ति विष्णो ॥ ३०॥

lelihyase grasamānaḥ samantāllokānsamagrānvadanairjvadbhiḥ | tejobhirāpūrya jagatsamagraṃ bhāsastavogrāḥ pratapanti viṣṇo || 30||

आख्याहि मे को भवानुग्ररूपो नमोऽस्तु ते देववर प्रसीद । विज्ञातुमिच्छामिभवन्तमाद्यं न हि प्रजानामि तव प्रवृत्तिम् ॥ ३१॥

ākhyāhi me ko bhavānugrarūpo namo'stu te devavara prasīda | vijñātumicchāmibhavantamādyaṃ na hi prajānāmi tava pravṛttim || 31||

श्रीभगवानुवाच । कालोऽस्मि लोकक्षयकृत्प्रवृद्धो लोकान् समाहर्तुमिह प्रवृत्तः ॥ ऋतेऽपि त्वां न भविष्यन्ति सर्वे येऽवस्थिताः प्रत्यनीकेषु योधाः ॥ ३२॥

śrībhagavānuvāca | kālo'smi lokakṣayakṛtpravṛddho lokān samāhartumiha pravṛttaḥ || ṛte'pi tvāṃ na bhaviṣyanti sarve ye'vasthitāḥ pratyanīkeṣu yodhāḥ || 32||

तस्मात्त्वमुत्तिष्ठ यशो लभस्व जित्वा शत्रून्भुंक्ष्व राज्यं समृद्धम् । मयैवैते निहताः पूर्वमेव निमित्तमात्रं भव सव्यसाचिन् ॥ ३३॥

tasmāttvamuttiṣṭha yaśo labhasva jitvā śatrūnbhuṃkṣva rājyaṃ samṛddham | mayaivaite nihatāḥ pūrvameva nimittamātraṃ bhava savyasācin || 33||

द्रोणं च भीष्मं च जयद्रथं च कर्णां तथान्यानपि योधवीरान् । मया हतांस्त्वं जहि मा व्यथिष्ठा युध्यस्व जेतासि रणे सपत्‌नान् ॥ ३४॥

droṇaṃ ca bhīṣmaṃ ca jayadrathaṃ ca karṇāṃ tathānyānapi yodhavīrān | mayā hatāṃstvaṃ jahi mā vyathiṣṭhā yudhyasva jetāsi raṇe sapatnān || 34||

संजय उवाच । एतच्छ्रुत्वा वचनं केशवस्य कृताञ्जलिर्वेपमानः किरीटी ॥ नमस्कृत्वा भूय एवाह कृष्णं सगद्गदं भीतभीतः प्रणम्य ॥ ३५॥

saṃjaya uvāca | etacchrutvā vacanaṃ keśavasya kṛtāñjalirvepamānaḥ kirīṭī || namaskṛtvā bhūya evāha kṛṣṇaṃ sagadgadaṃ bhītabhītaḥ praṇamya || 35||

अर्जुन उवाच । स्थाने हृषीकेश तव प्रकीर्त्या जगत्प्रहृष्यत्यनुरज्यते च ॥ रक्षांसि भीतानि दिशो द्रवन्ति सर्वे नमस्यन्ति च सिद्धसंघाः ॥ ३६॥

arjuna uvāca | sthāne hṛṣīkeśa tava prakīrtyā jagatprahṛṣyatyanurajyate ca || rakṣāṃsi bhītāni diśo dravanti sarve namasyanti ca siddhasaṃghāḥ || 36||

कस्माच्च ते न नमेरन्महात्मन् गरीयसे ब्रह्मणोऽप्यादिकर्त्रे । अनन्त देवेश जगन्निवास त्वमक्षरं सदसत्तत्परं यत् ॥ ३७॥

kasmācca te na nameranmahātman garīyase brahmaṇo'pyādikartre | ananta deveśa jagannivāsa tvamakṣaraṃ sadasattatparaṃ yat || 37||

त्वमादिदेवः पुरुषः पुराणस्त्वमस्य विश्वस्य परं निधानम् । वेत्तासि वेद्यं च परं च धाम त्वया ततं विश्वमनन्तरूप ॥ ३८॥

tvamādidevaḥ puruṣaḥ purāṇastvamasya viśvasya paraṃ nidhānam | vettāsi vedyaṃ ca paraṃ ca dhāma tvayā tataṃ viśvamanantarūpa || 38||

वायुर्यमोग्निर्वरुणः शशाङ्कः प्रजापतिस्त्वं प्रपितामहश्च । नमो नमस्तेऽस्तुसहस्रकृत्वः पुनश्च भूयोऽपि नमो नमस्ते ॥ ३९॥

vāyuryamognirvaruṇaḥ śaśāṅkaḥ prajāpatistvaṃ prapitāmahaśca | namo namaste'stusahasrakṛtvaḥ punaśca bhūyo'pi namo namaste || 39||

नमः पुरस्तादथ पृष्ठतस्ते नमोऽस्तु ते सर्वत एव सर्व । अनन्तवीर्यामितविक्रमस्त्वं सर्वं समाप्नोषि ततोऽसि सर्वः ॥ ४०॥

namaḥ purastādatha pṛṣṭhataste namo'stu te sarvata eva sarva | anantavīryāmitavikramastvaṃ sarvaṃ samāpnoṣi tato'si sarvaḥ || 40||

सखेति मत्वा प्रसभं यदुक्तं हे कृष्ण हे यादव हे सखेति । अजानता महिमानं तवेदं मया प्रमादात्प्रणयेन वापि ॥ ४१॥

sakheti matvā prasabhaṃ yaduktaṃ he kṛṣṇa he yādava he sakheti | ajānatā mahimānaṃ tavedaṃ mayā pramādātpraṇayena vāpi || 41||

यच्चावहासार्थमसत्कृतोऽसि विहारशय्यासनभोजनेषु । एकोऽथवाप्यच्युत तत्समक्षं तत्क्षामये त्वामहमप्रमेयम् ॥ ४२॥

yaccāvahāsārthamasatkṛto'si vihāraśayyāsanabhojaneṣu | eko'thavāpyacyuta tatsamakṣaṃ tatkṣāmaye tvāmahamaprameyam || 42||

पितासि लोकस्य चराचरस्य त्वमस्य पूज्यश्च गुरुर्गरीयान् । न त्वत्समोऽस्त्यभ्यधिकः कुतोऽन्यो लोकत्रयेऽप्यप्रतिमप्रभावः ॥ ४३॥

pitāsi lokasya carācarasya tvamasya pūjyaśca gururgarīyān | na tvatsamo'styabhyadhikaḥ kuto'nyo lokatraye'pyapratimaprabhāvaḥ || 43||

तस्मात् प्रणम्य प्रणिधाय कायं प्रसादये त्वामहमीशमीड्यम् । पितेव पुत्रस्य सखेव सख्युः प्रियः प्रियायाऱसि देव सोढुम् ॥ ४४॥

tasmāt praṇamya praṇidhāya kāyaṃ prasādaye tvāmahamīśamīḍyam | piteva putrasya sakheva sakhyuḥ priyaḥ priyāyāऱsi deva soḍhum || 44||

अदृष्टपूर्वं हृषितोऽस्मि दृष्ट्वा भयेन च प्रव्यथितं मनो मे । तदेव मे दर्शय देव रूपं प्रसीद देवेश जगन्निवास ॥ ४५॥

adṛṣṭapūrvaṃ hṛṣito'smi dṛṣṭvā bhayena ca pravyathitaṃ mano me | tadeva me darśaya deva rūpaṃ prasīda deveśa jagannivāsa || 45||

किरीटिनं गदिनं चक्रहस्तमिच्छामि त्वां द्रष्टुमहं तथैव । तेनैव रूपेण चतुर्भुजेन सहस्रबाहो भव विश्वमूर्ते ॥ ४६॥

kirīṭinaṃ gadinaṃ cakrahastamicchāmi tvāṃ draṣṭumahaṃ tathaiva | tenaiva rūpeṇa caturbhujena sahasrabāho bhava viśvamūrte || 46||

श्रीभगवानुवाच । मया प्रसन्नेन तवार्जुनेदं रूपं परं दर्शितमात्मयोगात् । तेजोमयं विश्वमनन्तमाद्यं यन्मे त्वदन्येन न दृष्टपूर्वम् ॥ ४७॥

śrībhagavānuvāca | mayā prasannena tavārjunedaṃ rūpaṃ paraṃ darśitamātmayogāt | tejomayaṃ viśvamanantamādyaṃ yanme tvadanyena na dṛṣṭapūrvam || 47||

न वेदयज्ञाध्ययनैर्न दानैर्न च क्रियाभिर्न तपोभिरुग्रैः । एवं रूपः शक्य अहं नृलोके द्रष्टुं त्वदन्येन कुरुप्रवीर ॥ ४८॥

na vedayajñādhyayanairna dānairna ca kriyābhirna tapobhirugraiḥ | evaṃ rūpaḥ śakya ahaṃ nṛloke draṣṭuṃ tvadanyena kurupravīra || 48||

मा ते व्यथा मा च विमूढभावो दृष्ट्वा रूपं घोरमीदृङ्ममेदम् । व्यपेतभीः प्रीतमनाः पुनस्त्वं तदेव मे रूपमिदं प्रपश्य ॥ ४९॥

mā te vyathā mā ca vimūḍhabhāvo dṛṣṭvā rūpaṃ ghoramīdṛṅmamedam | vyapetabhīḥ prītamanāḥ punastvaṃ tadeva me rūpamidaṃ prapaśya || 49||

संजय उवाच । इत्यर्जुनं वासुदेवस्तथोक्त्वा स्वकं रूपं दर्शयामास भूयः ॥ आश्वासयामास च भीतमेनं भूत्वा पुनः सौम्यवपुर्महात्मा ॥ ५०॥

saṃjaya uvāca | ityarjunaṃ vāsudevastathoktvā svakaṃ rūpaṃ darśayāmāsa bhūyaḥ || āśvāsayāmāsa ca bhītamenaṃ bhūtvā punaḥ saumyavapurmahātmā || 50||

अर्जुन उवाच । दृष्ट्वेदं मानुषं रूपं तव सौम्यं जनार्दन । इदानीमस्मि संवृत्तः सचेताः प्रकृउतिं गतः ॥ ५१॥

arjuna uvāca | dṛṣṭvedaṃ mānuṣaṃ rūpaṃ tava saumyaṃ janārdana | idānīmasmi saṃvṛttaḥ sacetāḥ prakṛutiṃ gataḥ || 51||

श्रीभगवानुवाच । सुदुदर्शमिदं रूपं दृष्टवानसि यन्मम । देवा अप्यस्य रूपस्य नित्यं दर्शकाङ्क्षिणः ॥ ५२॥

śrībhagavānuvāca | sududarśamidaṃ rūpaṃ dṛṣṭavānasi yanmama | devā apyasya rūpasya nityaṃ darśakāṅkṣiṇaḥ || 52||

नाहं वेदैर्न तपसा न दानेन न चेज्यया । शक्यं एवंविधो द्रष्टुं दृष्टवानसि मां यथा ॥ ५३॥

nāhaṃ vedairna tapasā na dānena na cejyayā | śakyaṃ evaṃvidho draṣṭuṃ dṛṣṭavānasi māṃ yathā || 53||

भक्त्या त्वनन्यया शक्य अहमेवंविधोऽर्जुन । ज्ञातुं द्रष्टुं च तत्त्वेन प्रवेष्टुं च परंतप ॥ ५४॥

bhaktyā tvananyayā śakya ahamevaṃvidho'rjuna | jñātuṃ draṣṭuṃ ca tattvena praveṣṭuṃ ca paraṃtapa || 54||

मत्कर्मकृन्मत्परमो मद्भक्तः संगवर्जितः ॥ निर्वैरः सर्वभूतेषु यः स मामेति पाण्डव ॥ ५५॥

matkarmakṛnmatparamo madbhaktaḥ saṃgavarjitaḥ || nirvairaḥ sarvabhūteṣu yaḥ sa māmeti pāṇḍava || 55||

ॐ इति श्रीमद्भग्वद्गीतासूपनिषत्सु ब्रह्मविद्यायां योगशास्त्रे श्रीकृष्णार्जुनसंवादे विश्वरूपदर्शनयोगोनाम एकादशोऽध्यायः ॥ ११ ॥

oṃ iti śrīmadbhagvadgītāsūpaniṣatsu brahmavidyāyāṃ yogaśāstre śrīkṛṣṇārjunasaṃvāde viśvarūpadarśanayogonāma ekādaśo'dhyāyaḥ || 11 ||

|| oṃ śrī paramātmane namaḥ || || atha śrīmadbhagavadgītā || | atha ekādaśo'dhyāyaḥ - adhyāya akarāvā | | | viśvarūpadarśanayogaḥ |

पद 1

ātāṃ yāvarī ekādaśīṃ | kathā āhe dohīṃ rasīṃ | yetha pārthā viśvarūpeṃsīṃ | hoīla bheṭī || 1 ||

पद 2

jetha śāṃtāciyā gharā | adbhuta ālā āhe pāhuṇerā | āṇi yerāṃhī rasāṃ pāṃtikarāṃ | jāhalā mānu || 2 ||

पद 3

aho vadhuvarāṃciye miḷaṇīṃ | jaiśī varāḍiyāṃ lugaḍīṃ leṇīṃ | taise deśiyecyā sukhāsanīṃ | miravile rasa || 3 ||

पद 4

parī śāṃtādbhuta barave | je ḍoḷiyāṃcyā aṃjuḷīṃ ghyāveṃ | jaise harihara premabhāveṃ | āle kheṃvā || 4 ||

पद 5

nā tarī aṃvasecyā divaśīṃ | bheṭalīṃ biṃbeṃ donī jaiśīṃ | tevīṃ ekavaḷā rasīṃ | kelā etha || 5 ||

पद 6

mīnale gaṃgeyamunece ogha | taiseṃ rasāṃ jāhaleṃ prayāga | mhaṇauni susnāta hota jaga | āghaveṃ etha || 6 ||

पद 7

mājīṃ gītā sarasvatī gupta | āṇi donī rasa te ogha mūrta | yālāgīṃ triveṇī he ucita | phāvalī bāpā || 7 ||

पद 8

etha śravaṇāceni dvāreṃ | tīrthīṃ righatāṃ sopāreṃ | jñānadevo mhaṇe dātāreṃ | mājheni keleṃ || 8 ||

पद 9

tīreṃ saṃskṛtācīṃ gahaneṃ | toḍoni maऱhāṭhiyāṃ śabdasopāneṃ | racilī dharmanidhāneṃ | śriinivṛttideveṃ || 9 ||

पद 10

mhaṇauni bhalateṇeṃ etha sadbhāveṃ nāhāveṃ | prayāgamādhava viśvarūpa pahāveṃ | yetuleni saṃsārāsi dyāveṃ | tiḷodaka || 10 ||

पद 11

heṃ aso aiseṃ sāvayava | etha sāsinnale āthī rasabhāva | tetha śravaṇasukhācī rāṇīva | joḍalī jagā || 11 ||

पद 12

jetha śāṃtādbhuta rokaḍe | āṇi yerāṃ rasāṃ paḍapa joḍe | heṃ alpaci parī ughaḍeṃ | kaivalya etha || 12 ||

पद 13

to hā akarāvā adhyāyo | jo devācā āpaṇapeṃ visaṃvatā ṭhāvo | parī arjuna sadaivāṃcā rāvo | jo ethahī pātalā || 13 ||

पद 14

etha arjunaci kāya mhaṇoṃ pātalā | āji āvaḍatayāhī sukāḷu jāhalā | je gītārthu hā ālā | maऱhāṭhiye || 14 ||

पद 15

याचिलागीं माझें । विनविलें आइकिजे । तरी अवधान दीजे । सज्जनीं तुम्ही ॥ १५ ॥

yācilāgīṃ mājheṃ | vinavileṃ āikije | tarī avadhāna dīje | sajjanīṃ tumhī || 15 ||

पद 16

tevīṃci tumhāṃ saṃtāṃciye sabhe | aisī salagī kīra karūṃ na labhe | parī mānāveṃ jī tumhī lobheṃ | apatyā maja || 16 ||

पद 17

aho puṃsā āpaṇaci paḍhavije | maga paḍhe tarī māthā tukije | kāṃ karavileni cojeṃ na rijhe | bāḷakā māya || 17 ||

पद 18

tevīṃ mī jeṃ jeṃ boleṃ | teṃ prabhu tumaceṃci śikavileṃ | mhaṇauni avadhārijo āpuleṃ | āpaṇa devā || 18 ||

पद 19

heṃ sārasvatāceṃ goḍa | tumhīṃci lāvileṃ jī jhāḍa | tarī ātāṃ avadhānāmṛteṃ vāḍa | siṃponi kīje || 19 ||

पद 20

maga heṃ rasabhāva phulīṃ phulela | nānārtha phaḷabhāreṃ phaḷā yeīla | tumaceni dharmeṃ hoīla | suravāḍu jagā || 20 ||

पद 21

yā bolā saṃta rijhale | mhaṇatī toṣaloṃ gā bhaleṃ keleṃ | ātāṃ sāṃgaiṃ jeṃ bolileṃ | arjuneṃ tetha || 21 ||

पद 22

taṃva nivṛttidāsa mhaṇe | jī kṛṣṇārjunāṃceṃ bolaṇeṃ | mī prākṛta kāya sāṃgoṃ jāṇeṃ | parī sāṃgavā tumhī || 22 ||

पद 23

aho rānīṃciyā pālekhāirā | nevāṇeṃ karavile laṃkeśvarā | ekalā arjuna parī akṣauhiṇī akarā | na jiṇeci kāī ? || 23 ||

पद 24

mhaṇauni samartha jeṃ jeṃ karī | teṃ na ho na ye carācarīṃ | tumhī saṃta tayāparī | bolavā māteṃ || 24 ||

पद 25

ātāṃ bolijataseṃ āikā | hā gītābhāva nikā | jo vaikuṃṭhanāyakā- | mukhauni nighālā || 25 ||

पद 26

bāpa bāpa graṃtha gītā | jo vedīṃ pratipādya devatā | to śrīkṛṣṇa vaktā | jiye graṃthīṃ || 26 ||

पद 27

tethiṃce gaurava kaiseṃ vānāveṃ | jeṃ śrīśaṃbhūciye matī nāgave | teṃ ātāṃ namaskārije jīveṃbhāveṃ | heṃci bhaleṃ || 27 ||

पद 28

maga āikā to kirīṭī | ghālūni viśvarūpīṃ diṭhī | pahilī kaisī goṭhī | karitā jāhalā || 28 ||

पद 29

heṃ sarvahī sarveśvaru | aisā pratītigata jo patikaru | to bāherī hoāvā gocaru | locanāṃsī || 29 ||

पद 30

he jivāāṃtulī cāḍa | parī devāsi sāṃgatāṃ sāṃkaḍa | kāṃ jeṃ viśvarūpa gūḍha | kaiseni pusāveṃ ? || 30 ||

पद 31

mhaṇe māgāṃ kavaṇīṃ kahīṃ | jeṃ paḍhiyaṃteneṃ pusileṃ nāhīṃ | te sahasā kaiseṃ kāī | sāṃgā mhaṇoṃ ? || 31 ||

पद 32

mī jarī salagīcā cāṃgu | tarī kāya āisīhūnī aṃtaraṃgu | parī tehī hā prasaṃgu | bihālī pusoṃ || 32 ||

पद 33

mājhī āvaḍe taisī sevā jāhalī | tarī kāya hoīla garuḍāciyā yetulī ? | parī tohī heṃ bolī | karīcinā || 33 ||

पद 34

mī kāya sanakādikāṃhūni javaḷāṃ | parī tayāṃhī nāgaveci hā cāḷā | mī āvaḍena kāya premaḷāṃ | gokuḷīṃciyā aisā ? || 34 ||

पद 35

tayāṃteṃhī lekurapaṇeṃ jhakavileṃ | ekāce garbhavāsahī sāhile | parī viśvarūpa heṃ rāhavileṃ | na dāvīca kavaṇā || 35 ||

पद 36

hā ṭhāyavarī guja | yāciye aṃtarīceṃ heṃ nija | kevīṃ urāurī maja | pusoṃ ye pāṃ ? || 36 ||

पद 37

āṇi na puseṃci jarī mhaṇe | tarī viśvarūpa dekhiliyāviṇeṃ | sukha noheci parī jiṇeṃ | teṃhī vipāyeṃ || 37 ||

पद 38

mhaṇauni ātāṃ pusoṃ aḷumāḷaseṃ | maga karūṃ devā āvaḍe taiseṃ | yeṇeṃ pravartalā sādhvaseṃ | pārthu boloṃ || 38 ||

पद 39

parī teṃci aiseni bhāveṃ | jeṃ ekā doṃ uttarāṃsaveṃ | dāvī viśvarūpa āghaveṃ | jhāḍā deunī || 39 ||

पद 40

aho vāṃsarūṃ dekhiliyācisāṭhīṃ | dhenu khaḍabaḍoni moheṃ uṭhī | maga stanāmukhāciye bheṭī | kāya pānhā dhare ? || 40 ||

पद 41

pāhā pāṃ tayā pāṃḍavāceni nāṃveṃ | jo kṛṣṇa rānīṃhī pratipāḷūṃ dhāve | tayāṃteṃ arjuneṃ jaṃva pusāveṃ | taṃva sāhīla kāī ? || 41 ||

पद 42

to sahajeṃci snehāceṃ avataraṇa | āṇi yeru snehā ghātaleṃ āhe mājavaṇa | aisiye miḷavaṇī vegaḷepaṇa | ure heṃci bahu || 42 ||

पद 43

mhaṇauni arjunāciyā bolāsarisā | deva viśvarūpa hoīla āpaisā | toci pahilā prasaṃgu aisā | aikije tarī || 43 ||

पद 44

maga pārthu devāteṃ mhaṇe | jī tumhī majakāraṇeṃ | vācya keleṃ jeṃ na bolaṇeṃ | kṛpānidhe || 44 ||

पद 45

jaiṃ mahābhūteṃ brahmīṃ āṭatī | jīva mahadādīṃce ṭhāva phiṭatī | taiṃ jeṃ deva hoūni ṭhākatī | teṃ visavaṇeṃ śeṣīṃceṃ || 45 ||

पद 46

hoteṃ hṛdayāciye parivarīṃ | roṃvileṃ kṛpaṇāciye parī | śabdabrahmāsahī corī | jayācī kelī || 46 ||

पद 47

teṃ tumhīṃ āji āpuleṃ | majapuḍhāṃ hiyeṃ phoḍileṃ | jayā adhyātmā vovāḷileṃ | aiśvarya hareṃ || 47 ||

पद 48

te vastu maja svāmī | ekiheḷāṃ didhalī tumhī | heṃ boloṃ tarī āmhī | tuja pāvoni kaiṃce || 48 ||

पद 49

parī sācaci mahāmohāciye purīṃ | buḍāleyā dekhoni sīsavarī | tuvāṃ āpaṇapeṃ ghāloni śrīharī | maga kāḍhileṃ māteṃ || 49 ||

पद 50

eka tūṃvāṃcūni kāṃhīṃ | viśvīṃ dujiyācī bhāṣa nāhīṃ | kīṃ āmuceṃ karma pāhīṃ | je āmhīṃ āthī mhaṇoṃ || 50 ||

पद 51

mī jagīṃ eka arjunu | aisā dehīṃ vāhe abhimānu | āṇi kauravāṃteṃ iyāṃ svajanu | āpuleṃ mhaṇeṃ || 51 ||

पद 52

yāhīvarī yāṃteṃ mī mārīna | mhaṇeṃ teṇeṃ pāpeṃ keṃ rigena | aiseṃ dekhata hotoṃ duḥsvapna | toṃ cevavilā prabhu || 52 ||

पद 53

devā gaṃdharvanagarīcī vastī | soḍūni nighāloṃ lakṣmīpatī | hotoṃ udakāciyā ārtī | rohiṇī pīta || 53 ||

पद 54

jī kiraḍūṃ tarī kāpaḍāceṃ | parī laharī yeta hotiyā sāceṃ | aiseṃ vāyāṃ maratayā jīvāceṃ | śreya tuvāṃ ghetaleṃ || 54 ||

पद 55

āpuleṃ pratibiṃba neṇatā | siṃha kuhāṃ ghālīla dekhoni ātāṃ | aisā dharije tevīṃ anaṃtā | rākhileṃ māteṃ || 55 ||

पद 56

eऱhavīṃ mājhā tarī yetulevarī | etha niścaya hotā avadhārīṃ | jeṃ ātāṃci sātāṃhī sāgarīṃ | ekatra miḷije || 56 ||

पद 57

heṃ jagaci āghaveṃ buḍāveṃ | varī ākāśahi tuṭoni paḍāveṃ | parī jhuṃjaṇeṃ na ghaḍāveṃ | gotrajeśīṃ maja || 57 ||

पद 58

aisiyā ahaṃkārāciye vāḍhī | miyāṃ āgrahajaḷīṃ didhalī hotī buḍī | cāṃgaci tūṃ javaḷāṃ eऱhavīṃ kāḍhī | kavaṇu māteṃ || 58 ||

पद 59

nāthileṃ āpaṇa pāṃ eka mānileṃ | āṇi navhatayā nāma gotra ṭhevileṃ | thora piseṃ hoteṃ lāgaleṃ | pari rākhileṃ tumhī || 59 ||

पद 60

māgāṃ jaḷata kāḍhileṃ joharīṃ | taiṃ teṃ dehāsīca bhaya avadhārīṃ | ātāṃ he joharavāhara dusarī | caitanyāsakaṭa || 60 ||

पद 61

durāgraha hiraṇyākṣeṃ | mājhī buddhi vasuṃdharā sūdalī kākhe | maga māhārṇava gavākṣeṃ | righoni ṭhelā || 61 ||

पद 62

tetha tujheni gosāvīpaṇeṃ | ekaveḷa buddhīciyā ṭhāyā yeṇeṃ | heṃ dusareṃ varāha hoṇeṃ | paḍileṃ tuja || 62 ||

पद 63

aiseṃ apāra tujheṃ keleṃ | ekī vācā kāya mī boleṃ | parī pāṃcahī pālava mokalile | majapratī || 63 ||

पद 64

teṃ kāṃhīṃ na vaceci vāyāṃ | bhaleṃ yaśa phāvaleṃ devarāyā | je sādyaṃta māyā | nirasilī mājhī || 64 ||

पद 65

ājīṃ ānaṃdasarovarīṃcīṃ kamaḷeṃ | taise he tujhe ḍoḷe | āpuliyā prasādācīṃ rāuḷeṃ | jayālāgīṃ karitī || 65 ||

पद 66

hāṃ ho tayāhī āṇi mohācī bheṭī | he kāyasī pābaḷī goṭhī ? | keutī mṛgajaḷācī vṛṣṭī | vaḍavānaḷeṃsīṃ ? || 66 ||

पद 67

āṇi mī taṃva dātārā | ye kṛpeciye righoni gābhārāṃ | gheta āheṃ cārā | brahmarasācā || 67 ||

पद 68

teṇeṃ mājhā jī moha jāye | etha vismo kāṃhīṃ āhe ? | tarī uddharaloṃ kīṃ tujhe pāye | śivatale āhātī || 68 ||

भवाप्ययौ हि भूतानां श्रुतौ विस्तरशो मया ।

bhavāpyayau hi bhūtānāṃ śrutau vistaraśo mayā |

पद 69

paiṃ kamalāyataḍoḷasā | sūryakoṭitejasā | miyāṃ tujapāsoni maheśā | parisileṃ ājīṃ || 69 ||

पद 70

iyeṃ bhūteṃ jayāparī hotī | athavā layā hana jaiseni jātī | te majapuḍhāṃ prakṛtī | vivaṃcilī deveṃ || 70 ||

पद 71

āṇi prakṛtī kīra ugāṇā didhalā | vari puruṣācāhī ṭhāvo dāvilā | jayācā mahimā pāṃgharoni jāhalā | dhaḍautā vedu || 71 ||

पद 72

jī śabdarāśī vāḍhe jiye | kāṃ dharmāaiśiyā ratnāṃteṃ viye | te ethiṃce prabhece pāye | voḷage mhaṇauni || 72 ||

पद 73

aiseṃ agādha māhātmya | jeṃ sakaḷamārgaikagamya | jeṃ svātmānubhavaramya | teṃ iyāparī dāvileṃ || 73 ||

पद 74

jaisā keru phiṭaliyā ābhāḷīṃ | diṭhī rige sūryamaṃḍaḷīṃ | kāṃ hāteṃ sārūni bābuḷīṃ | jaḷa dekhije || 74 ||

पद 75

nātarī ukalatayā sāpāce veḍhe | jaiseṃ caṃdanā kheṃva deṇeṃ ghaḍe | athavā vivasī paḷe maga caḍhe | nidhāna hātāṃ || 75 ||

पद 76

taisī prakṛtī he āḍa hotī | te deveṃci sāroni parautī | maga paratattva mājhiye matī | śejāra keleṃ || 76 ||

पद 77

mhaṇauni iyeviṣayīṃcā maja devā | bharaṃvasā kīra jāhalā jīvā | parī āṇīka eka hevā | upanalā ase || 77 ||

पद 78

to bhiḍāṃ jarī mhaṇoṃ rāhoṃ | tarī ānā kavaṇā pusoṃ jāvoṃ | kāya tujavāṃconi ṭhāvo | jāṇata āhoṃ āmhī ? || 78 ||

पद 79

jaḷacaru jaḷācā ābhāru dharī | bāḷaka stanapānīṃ uparodhu karī | tarī tayā jiṇayā śrīharī | āna upāyo ase ? || 79 ||

पद 80

mhaṇauni bhīḍa sāṃkaḍī na dharave | jīvā āvaḍe teṃhī tujapuḍhāṃ bolāveṃ | taṃva rāheṃ mhaṇitaleṃ deveṃ | cāḍa sāṃgaiṃ || 80 ||

पद 81

maga bolilā to kirīṭī | mhaṇe tumhīṃ kelī je goṭhī | tiyā pratītīcī diṭhī | nivālī mājhī || 81 ||

पद 82

ātāṃ jayāceni saṃkalpeṃ | he lokaparaṃparā hoya hārape | jayā ṭhāyāteṃ āpaṇapeṃ | mī aiseṃ mhaṇasī || 82 ||

पद 83

teṃ muddala rūpa tujheṃ | jethūni iyeṃ dvibhujeṃ hana caturbhujeṃ | surakāryāceni vyājeṃ | ghevoṃ ghevoṃ yesī || 83 ||

पद 84

paiṃ jaḷaśayanāciyā avagaṇiyā | kāṃ matsya kūrma iyā miravaṇiyā | kheḷu saraliyā tūṃ guṇiyā | sāṃṭhavisī jetha || 84 ||

पद 85

upaniṣadeṃ jeṃ gātī | yogiye hṛdayīṃ rigoni pāhātī | jayāteṃ sanakādika āhātī | poṭāḷuniyāṃ || 85 ||

पद 86

aiseṃ agādha jeṃ tujheṃ | viśvarūpa kānīṃ aikije | teṃ dekhāvayā citta mājheṃ | utāvīḷa devā || 86 ||

पद 87

deveṃ pheḍūniyāṃ sāṃkaḍa | lobheṃ pusilī jarī cāḍa | tarī heṃci ekīṃ vāḍa | ārtīṃ jī maja || 87 ||

पद 88

tujheṃ viśvarūpapaṇa āghaveṃ | mājhiye diṭhīsi gocara hoāveṃ | aisī thora āsa jīveṃ | bāṃdhoni āheṃ || 88 ||

पद 89

parī āṇīka eka etha śāraṅgī | tuja viśvarūpāteṃ dekhāvayālāgīṃ | paiṃ yogyatā mājhiyā āṃgīṃ | ase kīṃ nāhīṃ || 89 ||

पद 90

heṃ āpaleṃ āpaṇa mī neṇeṃ | teṃ kāṃ neṇasī jarī deva mhaṇe | tarī sarogu kāya jāṇe | nidāna rogāceṃ ? || 90 ||

पद 91

āṇi jī ārtīceni paḍibhareṃ | ārtu āpulī ṭhākī paiṃ visare | jaisā tānhelā mhaṇe na pure | samudra maja || 91 ||

पद 92

aiśā sacāḍapaṇāciye bhulī | na sāṃbhāḷave samasyā āpulī | yālāgīṃ yogyatā jevīṃ māulī | bālakācī jāṇe || 92 ||

पद 93

tayāparī śrījanārdanā | vicārijo mājhī saṃbhāvanā | maga viśvarūpadarśanā | upakrama kīje || 93 ||

पद 94

tarī aisī te kṛpā karā | eऱhavīṃ navhe heṃ mhaṇā avadhārā | vāyāṃ paṃcamālāpeṃ badhirā | sukha keuteṃ deṇeṃ ? || 94 ||

पद 95

eऱhavīṃ yekale bāpiyāce tṛṣe | megha jagāpurateṃ kāya na varṣe ? | parī jahālīhī vṛṣṭi upakhe | jaऱhī khaḍakīṃ hoya || 95 ||

पद 96

cakorā caṃdrāmṛta phāvaleṃ | yerā āṇa vāhūni kāya vārileṃ ? | parī ḍoḷyāṃvīṇa pāhaleṃ | vāyāṃ jāya || 96 ||

पद 97

mhaṇauni viśvarūpa tūṃ sahasā | dāvisī kīra hā bharavaṃsā | kāṃ je kaḍāḍāṃ āṇi gahiṃsā- | mājī nītya navā tūṃ kīṃ || 97 ||

पद 98

tujheṃ audārya jāṇoṃ svataṃtra | detāṃ na mhaṇasī pātrāpātra | paiṃ kaivalyā aiseṃ pavitra | jeṃ vairiyāṃhī didhaleṃ || 98 ||

पद 99

mokṣu durārādhyu kīra hoya | parī tohī ārādhī tujhe pāya | mhaṇauni dhāḍisī tetha jāya | pāiku jaisā || 99 ||

पद 100

tuvāṃ sanakādikāṃceni māneṃ | sāyujyīṃ saurasu didhalā pūtane | je viṣāceni stanapāneṃ | mārūṃ ālī || 100 ||

पद 101

hāṃ gā rājasūya yāgāciyā sabhāsadīṃ | dekhatāṃ tribhuvanācī māṃdī | kaisā śatadhā durvākya śabdīṃ | nistejilāsī || 101 ||

पद 102

aiśiyā aparādhiyā śiśupāḷā | āpaṇapeṃ ṭhāvo didhalā gopāḷā | āṇi uttānacaraṇāciyā bāḷā | kāya dhruvapadīṃ cāḍa ? || 102 ||

पद 103

to vanā ālā yācilāgīṃ | je baisāveṃ pitayāciyā utsaṃgīṃ | kīṃ to caṃdrasūryādikāṃparisa jagīṃ | ślāghyu kelā || 103 ||

पद 104

aisā vanavāsiyā sakaḷāṃ | detāṃ ekaci tūṃ dhasāḷā | putrā āḷavitāṃ ajāmiḷā | āpaṇapeṃ desī || 104 ||

पद 105

jeṇeṃ urīṃ hāṇitalāsi pāṃparā | tayācā caraṇu vāhāsī dātārā | ajhunī vairiyāṃciyā kalevarā | visaṃbasīnā || 105 ||

पद 106

aisā apakāriyāṃ tujhā upakāru | tūṃ apātrīṃhī parī udāru | dāna mhaṇauni dāravaṃṭhekaru | jāhalāsī baḷīcā || 106 ||

पद 107

tūṃteṃ ārādhī nā āyakeṃ | hotī puṃsā bolāvita kautukeṃ | tiye vaikuṃṭhīṃ tuvāṃ gaṇike | suravāḍu kelā || 107 ||

पद 108

aisīṃ pāhūni vāyāṇīṃ miṣeṃ | āpaṇapeṃ devoṃ lāgasī vānivaseṃ | to tūṃ kāṃ anāriseṃ | majalāgīṃ karisī || 108 ||

पद 109

hāṃ gā dubhatayāceni pavāḍeṃ | je jagāceṃ pheḍī sāṃkaḍeṃ | tiye kāmadhenūce pāḍe | kāya bhukele ṭhātī ? || 109 ||

पद 110

mhaṇauni miyāṃ jeṃ vinavileṃ kāṃhīṃ | teṃ deva na dākhavitī heṃ kīra nāhīṃ | parī dekhāvayālāgīṃ deīṃ | pātratā maja || 110 ||

पद 111

tujheṃ viśvarūpa ākaḷe | aise jarī jāṇasī mājhe ḍoḷe | tarī ārtīce ḍohaḷe | puravīṃ devā || 111 ||

पद 112

aisī ṭhāyeṃṭhāvo vinaṃtī | jaṃva karūṃ saralā subhadrāpatī | taṃva tayā ṣaḍguṇacakravartī | sāhavecinā || 112 ||

पद 113

to kṛpāpīyūṣasajaḷu | āṇi yeru javaḷāṃ ālā varṣākāḷu | nānā kṛṣṇa kokiḷu | arjuna vasaṃtu || 113 ||

पद 114

nātarī caṃdrabiṃba vāṭoḷeṃ | dekhoni kṣīrasāgara ucaṃbaḷe | taisā duṇeṃhī varī premabaḷeṃ | ullasitu jāhalā || 114 ||

पद 115

maga tiye prasannateceni āṭopeṃ | gājoni mhaṇitaleṃ sakṛpeṃ | pārthā dekha dekha amupeṃ | svarūpeṃ mājhīṃ || 115 ||

पद 116

eka viśvarūpa dekhāveṃ | aisā manorathu kelā pāṃḍaveṃ | kīṃ viśvarūpamaya āghaveṃ | karūni ghātaleṃ || 116 ||

पद 117

bāpa udāra devo aparimitu | yācaka svecchā sadoditu | ase sahasravarī detu | sarvasva āpuleṃ || 117 ||

पद 118

aho śeṣācehi ḍoḷe corile | veda jayālāgīṃ jhakavile | lakṣmīyehī rāhavileṃ | jivhāra jeṃ || 118 ||

पद 119

teṃ ātāṃ prakaṭunī anekadhā | karīta viśvarūpadarśanācā dhāṃdā | bāpa bhāgyā agādhā | pārthāciyā || 119 ||

पद 120

jo jāgatā svapnāvasthe jāye | to jevīṃ svapnīṃceṃ āghaveṃ hoye | tevīṃ anaṃta brahmakaṭāha āhe | āpaṇaci jāhalā || 120 ||

पद 121

te sahasā mudrā soḍilī | āṇi sthūḷadṛṣṭīcī javanikā pheḍilī | kiṃbahunā ughaḍilī | yogaṛddhī || 121 ||

पद 122

parī hā heṃ dekhela kīṃ nāhīṃ | aisī seci na karī kāṃhīṃ | ekasarāṃ mhaṇatase pāhīṃ | snehātura || 122 ||

पद 123

arjunā tuvāṃ eka dāvā mhaṇitaleṃ | āṇi teṃci dāvūṃ tarī kāya dāvileṃ | ātāṃ dekheṃ āghaveṃ bharileṃ | mājhyāci rūpīṃ || 123 ||

पद 124

ekeṃ kṛśeṃ ekeṃ sthūḷeṃ | ekeṃ ऱhasveṃ ekeṃ viśāḷeṃ | pṛthutareṃ saraḷeṃ | aprāṃteṃ ekeṃ || 124 ||

पद 125

ekeṃ anāvareṃ prāṃjaḷeṃ | savyāpāreṃ ekeṃ niścaḷeṃ | udāsīneṃ snehāḷeṃ | tīvreṃ ekeṃ || 125 ||

पद 126

eke ghūrṇiteṃ sāvadheṃ | asalageṃ ekeṃ agādheṃ | ekeṃ udāreṃ atibaddheṃ | kruddheṃ ekeṃ || 126 ||

पद 127

ekeṃ śāṃteṃ sanmadeṃ | stabdheṃ ekeṃ sānaṃdeṃ | garjiteṃ niḥśabdeṃ | saumyeṃ ekeṃ || 127 ||

पद 128

ekeṃ sābhilāṣeṃ virakteṃ | unnidriteṃ ekeṃ nidriteṃ | parituṣṭeṃ ekeṃ ārteṃ | prasanneṃ ekeṃ || 128 ||

पद 129

ekeṃ aśastreṃ saśastreṃ | ekeṃ raudreṃ atimitreṃ | bhayānakeṃ ekeṃ pavitreṃ | layastheṃ ekeṃ || 129 ||

पद 130

ekeṃ janalīlāvilāseṃ | ekeṃ pālanaśīleṃ lālaseṃ | ekeṃ saṃhārakeṃ sāveśeṃ | sākṣibhūteṃ ekeṃ || 130 ||

पद 131

evaṃ nānāvidheṃ parī bahuvaseṃ | āṇi divyatejaprakāśeṃ | tevīṃci ekaekā aiseṃ | varṇeṃhī navhe || 131 ||

पद 132

ekeṃ tātaleṃ sāḍepaṃdhareṃ | taisīṃ kapilavarṇeṃ apāreṃ | ekeṃ sarvāṃgīṃ jaiseṃ seṃdureṃ | ḍavaraleṃ nabha || 132 ||

पद 133

ekeṃ sāviyāci cuḷukīṃ | jaiseṃ brahmakaṭāha khacileṃ māṇikīṃ | ekeṃ aruṇodayāsārikhīṃ | kuṃkumavarṇeṃ || 133 ||

पद 134

ekeṃ śuddhasphaṭikasojvaḷeṃ | ekeṃ iṃdranīḷasunīḷeṃ | ekeṃ aṃjanavarṇeṃ sakāḷeṃ | raktavarṇeṃ ekeṃ || 134 ||

पद 135

ekeṃ lasatkāṃcanasama piṃvaḷīṃ | ekeṃ navajaladaśyāmaḷīṃ | ekeṃ cāṃpegaurīṃ kevaḷīṃ | hariteṃ ekeṃ || 135 ||

पद 136

ekeṃ taptatāmratāṃbaḍīṃ | ekeṃ śvetacaṃdra cokhaḍīṃ | aisīṃ nānāvarṇeṃ rūpaḍīṃ | dekheṃ mājhīṃ || 136 ||

पद 137

he jaise kāṃ ānāna varṇa | taiseṃ ākṛtīṃhī anārisepaṇa | lājā kaṃdarpa righālā śaraṇa | taisīṃ suṃdareṃ ekeṃ || 137 ||

पद 138

ekeṃ atilāvaṇyasākāreṃ | ekeṃ snigdhavapu manohareṃ | śṛṃgāraśriyecīṃ bhāṃḍāreṃ | ughaḍilī jaisīṃ || 138 ||

पद 139

ekeṃ pīnāvayavamāṃsāḷeṃ | ekeṃ śuṣkeṃ ati vikrāḷeṃ | ekeṃ dīrghakaṃṭheṃ vitāḷeṃ | vikaṭeṃ ekeṃ || 139 ||

पद 140

evaṃ nānāvidhākṛtī | iyāṃ pāhatāṃ pāru nāhīṃ subhadrāpatī | yayāṃcyā ekekīṃ aṃgaprāṃtīṃ | dekha pāṃ jaga || 140 ||

पद 141

jetha unmīlana hota āhe diṭhī | tetha pasaratī ādityāṃciyā sṛṣṭī | puḍhatī nimīlanīṃ miṭhīṃ | deta āhātī || 141 ||

पद 142

vadanīṃciyā vāphesaveṃ | hota jvāḷāmaya āghaveṃ | jetha pāvakādika pāve | samūha vasūṃcā || 142 ||

पद 143

āṇi bhrūlatāṃce śevaṭa | kopeṃ miḷoṃ pāhatīṃ ekavaṭa | tetha rudragaṇāṃce saṃghāṭa | avatarata dekheṃ || 143 ||

पद 144

paiṃ saumyatecā bolāvā | mitī neṇije aśvinaudevāṃ | śrotrīṃ hotī pāṃḍavā | aneka vāyu || 144 ||

पद 145

yāparī ekekāciye līḷe | janmatī surasiddhāṃcīṃ kuḷeṃ | aisīṃ apāreṃ āṇi viśāḷeṃ | rūpeṃ iyeṃ pāhīṃ || 145 ||

पद 146

jayāṃteṃ sāṃgāvayā veda bobaḍe | pahāvayā kāḷāceṃhī āyuṣya thokaḍeṃ | dhātayāhī parī na sāṃpaḍe | ṭhāva jayāṃcā || 146 ||

पद 147

jayāṃteṃ devatrayī kadhīṃ nāyake | tiyeṃ iyeṃ pratyakṣa dekha anekeṃ | bhogīṃ āścaryācī kavatikeṃ | mahāsiddhī || 147 ||

पद 148

iyā mūrtīciyā kirīṭī | romamūḷīṃ dekheṃ pāṃ sṛṣṭī | suratarutaḷavaṭīṃ | tṛṇāṃkura jaise || 148 ||

पद 149

caṃḍavātāceni prakāśeṃ | uḍata paramāṇu disatī jaise | bhramata brahmakaṭāha taiseṃ | avayavasaṃdhīṃ || 149 ||

पद 150

etha ekaikāciyā pradeśīṃ | viśva dekha vistāreṃśī | āṇi viśvāhī parauteṃ mānasīṃ | jarī dekhāveṃ varte || 150 ||

पद 151

tarī iyehī viṣayīṃceṃ kāṃhīṃ | etha sarvathā sāṃkaḍeṃ nāhīṃ | sukheṃ āvaḍe teṃ mājhiyā dehīṃ | dekhasī tūṃ || 151 ||

पद 152

aiseṃ viśvamūrtī teṇeṃ | bolileṃ kāruṇyapūrṇeṃ | taṃva dekhata āhe kīṃ nāhīṃ na mhaṇe | nivāṃtuci yeru || 152 ||

पद 153

etha kāṃ pāṃ hā ugalā ? | mhaṇauni śrīkṛṣṇeṃ jaṃva pāhilā | taṃva ārtīceṃ leṇeṃ leilā | taisāci āhe || 153 ||

पद 154

maga mhaṇeṃ utkaṃṭhe vohaṭa na paḍe | ajhunī sukhācī soya na sāṃpaḍe | parī dāvileṃ teṃ phuḍeṃ | nākaḷeci yayā || 154 ||

पद 155

he boloni devo hāṃsile | hāṃsoni dekhaṇiyāteṃ mhaṇitaleṃ | āmhīṃ viśvarūpa tarī dāvileṃ | parī na dekhasīca tūṃ || 155 ||

पद 156

yayā bolā yereṃ vicakṣaṇeṃ | mhaṇitaleṃ hāṃ jī kavaṇāsī teṃ uṇeṃ ? | tumhī bakākaravīṃ cāṃdiṇeṃ | caraūṃ pahā mā || 156 ||

पद 157

hāṃ ho uṭoniyāṃ ārisā | āṃdhaḷiyā dāūṃ baisā | bahiriyāpuḍheṃ hṛṣīkeśā | gāṇīva karā || 157 ||

पद 158

makaraṃdakaṇācā cārā | jāṇatāṃ ghālūni dardurā | vāyāṃ dhāḍā śāraṅgadharā | kopā kavaṇā || 158 ||

पद 159

jeṃ atīṃdriya mhaṇauni vyavasthileṃ | kevaḷa jñānadṛṣṭīciyā bhāgā phiṭaleṃ | teṃ tumhīṃ carmacakṣūṃpuḍheṃ sūdaleṃ | mī kaiseni dekheṃ || 159 ||

पद 160

parī heṃ tumaceṃ uṇeṃ na bolāveṃ | mīci sāheṃ teṃci baraveṃ | etha āthi mhaṇitaleṃ deveṃ | mānūṃ bāpā || 160 ||

पद 161

sāca viśvarūpa jarī āmhī dāvāveṃ | tarī ādhīṃ dekhāvayā sāmarthya kīṃ dyāveṃ | parī bolata bolata premabhāveṃ | dhasāḷa geloṃ || 161 ||

पद 162

kāya jāhaleṃ na vāhatāṃ bhuī perije | tarī to velu vilayā jāije | tarī ātāṃ mājheṃ nijarūpa dekhije | teṃ dṛṣṭī devoṃ tuja || 162 ||

पद 163

maga tiyā dṛṣṭī pāṃḍavā | āmucā aiśvaryayogu āghavā | dekhoniyāṃ anubhavā | mājivaḍā karīṃ || 163 ||

पद 164

aiseṃ teṇeṃ vedāṃtavedyeṃ | sakaḷa loka ādyeṃ | bolileṃ ārādhyeṃ | jagāceni || 164 ||

पद 165

paiṃ kauravakulacakravartī | maja hāci vismayo puḍhatapuḍhatī | je śriyehūni trijagatīṃ | sadaiva ase kavaṇī ? || 165 ||

पद 166

nā tarī khuṇeceṃ vānāvayālāgīṃ | śrutīvāṃcūni dāvā pāṃ jagīṃ | nā sevakapaṇa tarī āṃgīṃ | śeṣācyāci āthī || 166 ||

पद 167

hāṃ ho jayāceni soseṃ | śiṇata āṭhahī pahāra yogī jaise | anusaraleṃ garuḍāaiseṃ | kavaṇa āhe ? || 167 ||

पद 168

parī teṃ āghaveṃci ekīkaḍe ṭheleṃ | sāpeṃ kṛṣṇasukha ekaṃdareṃ jāhaleṃ | jiye divūni janmale | pāṃḍava he || 168 ||

पद 169

parī pāṃcāṃhī āṃtu arjunā | śrīkṛṣṇa sāviyāci jāhalā adhīnā | kāmuka kāṃ jaisā aṃganā | āpaitā kīje || 169 ||

पद 170

paḍhavileṃ pākharūṃ aiseṃ na bole | yāparī krīḍāmṛgahī taisā na cale | kaiseṃ daiva etheṃ suravāḍaleṃ | teṃ jāṇoṃ na ye || 170 ||

पद 171

āji heṃ parabrahma sagaḷeṃ | bhogāvayā sadaiva yāceci ḍoḷe | kaise vāceni hana laḷe | pāḷīta ase || 171 ||

पद 172

hā kope kīṃ nivāṃtu sāhe | hā ruse tarī bujhāvīta jāye | navala piseṃ lāgaleṃ āhe | pārthāceṃ devā || 172 ||

पद 173

eऱhavīṃ viṣaya jiṇoni janmale | je śukādika dādule | te viṣayoci vānitāṃ jāhale | bhāṭa yayāceṃ || 173 ||

पद 174

hā yogiyāṃceṃ samādhidhana | kīṃ hoūni ṭhele pārthāādhīna | yālāgīṃ vismayo mājheṃ mana | karītase rāyā || 174 ||

पद 175

tevīṃci saṃjaya mhaṇe kāyasā | vismayo etheṃ kauraveśā | śrīkṛṣṇeṃ svīkārije tayā aisā | bhāgyodaya hoya || 175 ||

पद 176

mhaṇauni to devāṃcā rāvo | mhaṇe pārthāte tuja dṛṣṭi devoṃ | jayā viśvarūpācā ṭhāvo | dekhasī tūṃ || 176 ||

पद 177

aisī śrīmukhauni akṣareṃ | nighatī nā jaṃva ekasareṃ | taṃva avidyece āṃdhāreṃ | jāvoṃci lāge || 177 ||

पद 178

tīṃ akṣareṃ navhatī dekhā | brahmasāmrājyadīpikā | arjunālāgīṃ citkaḷikā | ujaḷaliyā śrīkṛṣṇeṃ || 178 ||

पद 179

maga divyacakṣuprakāśu pragaṭalā | tayā jñānadṛṣṭī phāṃṭā phuṭalā | yayāparī dāvitā jāhalā | aiśvarya āpuleṃ || 179 ||

पद 180

he avatāra je sakaḷa | te jiye samudrīṃce kāṃ kalloḷa | viśva heṃ mṛgajaḷa | jayā raśmīstava dise || 180 ||

पद 181

jiye anādibhūmike niṭe | carācara heṃ citra umaṭe | āpaṇapeṃ śrīvaikuṃṭheṃ | dāvileṃ tayā || 181 ||

पद 182

māgāṃ bāḷapaṇīṃ yeṇeṃ śrīpatī | jaiṃ eka veḷa khādalī hotī mātī | taiṃ koponiyāṃ hātīṃ | yaśodāṃ dharilā || 182 ||

पद 183

maga bheṇeṃ bheṇeṃ jaiseṃ | mukhīṃ jhāḍā dyāvayāceni miseṃ | cavadāhī bhuvaneṃ sāvakāśeṃ | dāvilīṃ tiye || 183 ||

पद 184

nā tarī madhuvanīṃ dhruvāsi keleṃ | jaiseṃ kapola śaṃkheṃ śivataleṃ | āṇi vedāṃciyehī matīṃ ṭheleṃ | teṃ lāgalā boloṃ || 184 ||

पद 185

taisā anugraho paiṃ rāyā | śrīharī kelā dhanaṃjayā | ātāṃ kavaṇekaḍehī māyā | aisī bhāṣa neṇeṃci to || 185 ||

पद 186

ekasareṃ aiśvaryatejeṃ pāhaleṃ | tayā camatkārāceṃ ekārṇava jāhaleṃ | citta samājīṃ buḍoni ṭheleṃ | vismayāciyā || 186 ||

पद 187

jaisā ābrahma pūrṇodakīṃ | pavhe mārkaṃḍeya ekākīṃ | taisā viśvarūpa kautukīṃ | pārthu loḷe || 187 ||

पद 188

mhaṇe kevaḍheṃ gagana etha hoteṃ | teṃ kavaṇeṃ neleṃ pāṃ keuteṃ | tīṃ carācara mahābhūteṃ | kāya jāhalīṃ ? || 188 ||

पद 189

diśāṃce ṭhāvahī hārapale | ādhordhva kāya neṇoṃ jāhale | ceiliyā svapna taise gele | lokākāra || 189 ||

पद 190

nānā sūryatejapratāpeṃ | sacaṃdra tārāṃgaṇa jaiseṃ lope | taisīṃ giḷilīṃ viśvarūpeṃ | prapaṃcaracanā || 190 ||

पद 191

tevhāṃ manāsī manapaṇa na sphure | buddhi āpaṇapeṃ na sāṃvareṃ | iṃdriyāṃce raśmī māghāre | hṛdayavarī bharale || 191 ||

पद 192

tetha tāṭasthyā tāṭasthya paḍileṃ | ṭakāsī ṭaka lāgale | jaiseṃ mohanāstra ghātaleṃ | vicārajātāṃ || 192 ||

पद 193

taisā vismitu pāhe koḍeṃ | taṃva puḍhāṃ hoteṃ caturbhuja rūpaḍeṃ | teṃci nānārūpa cahūṃkaḍe | māṃḍoni ṭheleṃ || 193 ||

पद 194

jaiseṃ varṣākāḷīṃce meghauḍe | kāṃ mahāpraḷayīṃceṃ teja vāḍhe | taiseṃ āpaṇāvīṇa kavaṇīkaḍe | nedīci uroṃ || 194 ||

पद 195

prathama svarūpasamādhāna | pāvoni ṭhelā arjuna | saveci ughaḍī locana | taṃva viśvarūpa dekheṃ || 195 ||

पद 196

ihīṃci dohīṃ ḍoḷāṃ | pāhāveṃ viśvarūpā sakaḷā | to śrīkṛṣṇeṃ sohaḷā | puravilā aisā || 196 ||

पद 197

maga tetha saiṃgha dekhe vadaneṃ | jaisī ramānāyakācīṃ rājabhuvaneṃ | nānā pragaṭalīṃ nidhāneṃ | lāvaṇyaśriyecīṃ || 197 ||

पद 198

kīṃ ānaṃdācī vaneṃ sāsinnalīṃ | jaisī sauṃdaryā rāṇīva joḍalī | taisīṃ manohareṃ dekhilīṃ | harīcīṃ vaktreṃ || 198 ||

पद 199

tayāṃhī mājīṃ ekaikeṃ | sāviyāci bhayānakeṃ | kāḷarātrīcīṃ kaṭakeṃ | uṭhavalīṃ jaisīṃ || 199 ||

पद 200

kīṃ mṛtyūsīci mukheṃ jāhalīṃ | ho kāṃ jeṃ bhayācīṃ durgeṃ pannāsilīṃ | kīṃ mahākuṃḍeṃ ughaḍalīṃ | praḷayānaḷācīṃ || 200 ||

पद 201

taisīṃ adbhuteṃ bhayāsureṃ | tetha vadaneṃ dekhilīṃ vīreṃ | āṇikeṃ asādhāraṇeṃ sāḷaṃkāreṃ | saumyeṃ bahuteṃ || 201 ||

पद 202

paiṃ jñānadṛṣṭīceni avalokeṃ | parī vadanāṃcā śevaṭu na ṭake | maga locana teṃ kavatikeṃ | lāgalā pāhoṃ || 202 ||

पद 203

taṃva nānāvarṇeṃ kamaḷavaneṃ | vikāsilīṃ taise arjuneṃ | ḍoḷe dekhile pāliṃganeṃ | ādityāṃcīṃ || 203 ||

पद 204

tetheṃci kṛṣṇameghāṃciyā dāṭī- | mājīṃ kalpāṃta vijūṃciyā sphuṭī | taisiyā vanhi piṃgaḷā diṭhī | bhrūbhaṃgātaḷīṃ || 204 ||

पद 205

heṃ ekaika āścarya pāhatāṃ | tiye ekeci rūpīṃ paṃḍusutā | darśanācī anekatā | pratiphaḷalī || 205 ||

पद 206

maga mhaṇe caraṇa te kavaṇekaḍe | keute mukuṭa keṃ dordaṃḍeṃ | aisī vāḍhavitāhe koḍeṃ | cāḍa dekhāvayācī || 206 ||

पद 207

tetha bhāgyanidhi pārthā | kāṃ viphalatva hoīla manorathā | kāya pinākapāṇīciyā bhātāṃ | vāyakāṃḍīṃ āhātī ? || 207 ||

पद 208

nā tarī caturānanāciye vāce | kāya āhātī laṭikiyā akṣarāṃce sāce ? | mhaṇauni sādyaṃtapaṇa apārāṃce | dekhileṃ teṇeṃ || 208 ||

पद 209

jayācī soya vedāṃ nākaḷe | tayāce sakaḷāvayava ekeci veḷe | arjunāce donhī ḍoḷe | bhogite jāhale || 209 ||

पद 210

caraṇauni mukuṭavarī | dekhata viśvarūpācī thorī | je nānā ratna aḷaṃkārīṃ | miravata ase || 210 ||

पद 211

parabrahma āpuleni āṃgeṃ | lyāvayā āpaṇaci jāhalā anegeṃ | tiyeṃ leṇīṃ mī sāṃgeṃ | kāisayāsārikhīṃ || 211 ||

पद 212

jiye prabheciye jhaḷāḷā | ujāḷu caṃdrādityamaṃḍaḷā | je mahātejācā jivhāḷā | jeṇeṃ viśva pragaṭe || 212 ||

पद 213

to divyateja śṛṃgāru | koṇāciye matīsī hoya gocaru | deva āpaṇapeṃci leile aiseṃ vīru | dekhata ase || 213 ||

पद 214

maga tetheṃci jñānāciyā ḍoḷāṃ | pahāta karapallavāṃ jaṃva saraḷā | taṃva toḍita kalpāṃtīṃciyā jvāḷā | taisīṃ śastreṃ jhaḷakata dekhe || 214 ||

पद 215

āpaṇa āṃga āpaṇa alaṃkāra | āpaṇa hāta āpaṇa hatiyāra | āpaṇa jīva āpaṇa śarīra | dekheṃ carācara koṃdaleṃ deveṃ || 215 ||

पद 216

jayāciyā kiraṇāṃce nikharapaṇeṃ | nakṣatrāṃce hota phuṭāṇe | tejeṃ khiraḍalā vanhi mhaṇe | samudrīṃ righoṃ || 216 ||

पद 217

maga kālakūṭakalloḷīṃ kavaḷileṃ | nānā mahāvijūṃceṃ dāṃga umaṭaleṃ | taise apāra kara dekhile | uditāyudhīṃ || 217 ||

पद 218

kīṃ bheṇeṃ tethūni kāḍhilī diṭhī | maga kaṃṭhamuguṭa pahātase kirīṭī | taṃva suratarūcī sṛṣṭī | jayāṃpāsoni kāṃ jāhalī || 218 ||

पद 219

jiye mahāsiddhīṃcīṃ mūḷapīṭheṃ | śiṇalī kamaḷā jetha vāvaṭe | taisīṃ kusumeṃ ati cokhaṭeṃ | turaṃbilīṃ dekhilīṃ || 219 ||

पद 220

muguṭāvarī stabaka | ṭhāyīṃ ṭhāyīṃ pūjābaṃdha aneka | kaṃṭhīṃ ruḷatāti alaukika | māḷādaṃḍa || 220 ||

पद 221

svargeṃ sūryateja veḍhileṃ | jaiseṃ paṃdhareneṃ merūteṃ maḍhileṃ | taiseṃ nitaṃbāvarī gāḍhileṃ | pītāṃbaru jhaḷake || 221 ||

पद 222

śrīmahādevo kāpureṃ uṭilā | kāṃ kailāsu pārajeṃ ḍavarilā | nānā kṣīrodakeṃ pāṃgharavilā | kṣīrārṇavo jaisā || 222 ||

पद 223

jaisī caṃdramayācī ghaḍī upalavilī | maga gaganākaravīṃ buṃthī ghevavilī | taisīṃ caṃdanapiṃjarī dekhilī | sarvāṃgīṃ teṇeṃ || 223 ||

पद 224

jeṇeṃ svaprakāśā kāṃtīṃ caḍhe | brahmānaṃdācā nidāghu moḍe | jayāceni saurabhyeṃ jīvita joḍe | vedavatīye || 224 ||

पद 225

jayāce nirlepa anulepu karī | je anaṃguhī sarvāṃgīṃ dharī | tayā sugaṃdhācī thorī | kavaṇa vānī ? || 225 ||

पद 226

aisī ekaika śṛṃgāraśobhā | pāhatāṃ arjuna jātaseṃ kṣobhā | tevīṃci devo baisalā kīṃ ubhā | kā śayālu heṃ neṇaveṃ || 226 ||

पद 227

bāhera diṭhī ughaḍoni pāhe | taṃva āghaveṃ mūrtimaya dekhata āhe | maga ātāṃ na pāheṃ mhaṇauni ugā rāhe | tarī āṃtuhī taiseṃci || 227 ||

पद 228

anāvareṃ mukheṃ samora dekhe | tayābheṇeṃ pāṭhīmorā jaṃva ṭhāke | taṃva tayāhīkaḍe śrīmukheṃ | karacaraṇa taiseci || 228 ||

पद 229

aho pāhatāṃ kīra pratibhāse | etha navalāvo kāya ase ? | pari na pāhatāṃhī dise | coja āikā || 229 ||

पद 230

kaiseṃ anugrahāceṃ karaṇeṃ | pārthāceṃ pāhaṇeṃ āṇi na pāhaṇeṃ | tayāhī sakaṭa nārāyaṇeṃ | vyāpūni ghetaleṃ || 230 ||

पद 231

mhaṇauni āścaryācyā purīṃ ekīṃ | paḍilā ṭhāyeṭhāva thaḍīṃ ṭhākī | taṃva camatkārāciyā āṇikīṃ | mahārṇavīṃ paḍe || 231 ||

पद 232

taisā arjunu asādhāraṇeṃ | āpuliyā darśanāceni viṃdāṇeṃ | kavaḷūni ghetalā teṇeṃ | anaṃtarūpeṃ || 232 ||

पद 233

to viśvatomukha svabhāveṃ | āṇi teci dāvāvayālāgīṃ pāṃḍaveṃ | prārthilā ātāṃ āghaveṃ | hoūni ṭhelā || 233 ||

पद 234

āṇi dīpeṃ kāṃ sūryeṃ pragaṭe | athavā nimuṭaliyā dekhāveṃci khuṃṭe | taisī diṭhī navhe je vaikuṃṭheṃ | didhalī āhe || 234 ||

पद 235

mhaṇauni kirīṭīsi dohīṃ parī | teṃ dekhaṇeṃ dekheṃ aṃdhārī | heṃ saṃjayo hastināpurīṃ | sāṃgatase rāyā || 235 ||

पद 236

mhaṇe kiṃbahunā avadhārileṃ | pārtheṃ viśvarūpa dekhileṃ | nānā ābharaṇīṃ bharaleṃ | viśvatomukha || 236 ||

पद 237

tiye aṃgaprabhecā devā | navalāvo kāisayā aisā sāṃgāvā | kalpāṃtīṃ ekuci meḷāvā | dvādaśādityāṃcā hoya || 237 ||

पद 238

taise te divyasūrya sahasravarī | jarī udayajatī kāṃ ekeci avasarīṃ | taऱhī tayā tejācī thorī | upamūṃ naye || 238 ||

पद 239

āghavayāci vijūṃcā meḷāvā kīje | āṇi praḷayāgnīcī sarva sāmagrī āṇije | tevīṃci daśakuhī meḷavije | mahātejāṃcā || 239 ||

पद 240

taऱhī tiye aṃgaprabheceni pāḍeṃ | heṃ teja kāṃhīṃ kāṃhīṃ hoīla thoḍeṃ | āṇi tayā aiseṃ kīra cokhaḍeṃ | triśuddhī nohe || 240 ||

पद 241

aiseṃ mahātmya yā śrīharīceṃ sahaja | phāṃkatase sarvāṃgīceṃ teja | teṃ munikṛpā jī maja | dṛṣṭa jāhaleṃ || 241 ||

पद 242

āṇi tiye viśvarūpīṃ ekīkaḍe | jaga āghaveṃ āpuleni pavāḍeṃ | jaise mahodadhīmājīṃ buḍabuḍe | sināneṃ disatī || 242 ||

पद 243

kāṃ ākāśīṃ gaṃdharvanagara | bhūtaḷīṃ pipīlikā bāṃdhe ghara | nānā meruvarī sapūra | paramāṇu baisale || 243 ||

पद 244

viśva āghaveṃci tayāparī | tayā devacakravartīciyā śarīrīṃ | arjuna tiye avasarīṃ | dekhatā jāhalā || 244 ||

पद 245

tetha eka viśva eka āpaṇa | aiseṃ aḷumāḷa hoteṃ jeṃ dujepaṇa | teṃhī āṭoni geleṃ aṃtaḥkaraṇa | virāleṃ sahasā || 245 ||

पद 246

āṃtu ānaṃdā ceireṃ jāhaleṃ | bāheri gātrāṃceṃ baḷa hāraponi geleṃ | āpāda pāṃ guṃtaleṃ | pulakāṃcaleṃ || 246 ||

पद 247

vārṣiye prathamadaśe | vohaḷalayā śailāṃceṃ sarvāṃga jaiseṃ | virūḍhe komalāṃkurīṃ taise | romāṃca jāhale || 247 ||

पद 248

śivatalā caṃdrakarīṃ | somakāṃtu drāvo dharī | taisiyā svedakaṇikā śarīrīṃ | dāṭaliyā || 248 ||

पद 249

mājīṃ sāpaḍaleni alikuḷeṃ | jaḷāvarī kamaḷakaḷikā jevīṃ āṃdoḷe | tevīṃ āṃtuliyā sukhormīceni baḷeṃ | bāheri kāṃpe || 249 ||

पद 250

karpūrakardaḷīcīṃ garbhapuṭeṃ | ukalatāṃ kāpurāceni koṃdāṭeṃ | pulikā gaḷatī tevīṃ theṃbuṭeṃ | netrauni paḍatī || 250 ||

पद 251

udayaleni sudhākareṃ | jaisā bharalāci samudra bhare | taisā veḷoveḷāṃ urmibhareṃ | ucaṃbaḷata ase || 251 ||

पद 252

aisā sāttvikāṃhī āṭhāṃ bhāvāṃ | paraspareṃ vartatase hevā | tetha brahmānaṃdācī jīvā | rāṇīva phāvalī || 252 ||

पद 253

taisāci tayā sukhānubhavāpāṭhīṃ | kelā dvaitācā sāṃbhāḷu diṭhī | maga usāsauni kirīṭī | vāsa pāhilī || 253 ||

पद 254

tetha baisalā hotā jiyā savā | tiyāciyā kaḍe mastaka khālavilā devā | joḍūni karasaṃpuṭa baravā | bolatu ase || 254 ||

पद 255

mhaṇe jayajayājī svāmī | navala kṛpā kelī tumhīṃ | jeṃ heṃ viśvarūpa kīṃ āmhīṃ | prākṛta dekhoṃ || 255 ||

पद 256

pari sācaci bhaleṃ keleṃ gosāviyā | maja paritoṣu jāhalā sāviyā | jī dekhalāsi jo iyā | sṛṣṭīsī tūṃ āśrayo || 256 ||

पद 257

devā maṃdarāceni aṃgalageṃ | ṭhāyīṃ ṭhāyīṃ śvāpadāṃcīṃ dāṃgeṃ | taisīṃ iyeṃ tujhyā dehīṃ anegeṃ | dekhataseṃ bhuvaneṃ || 257 ||

पद 258

aho ākāśaciye khoḷe | disatī grahagaṇāṃcīṃ kuḷeṃ | kāṃ mahāvṛkṣīṃ avisāḷeṃ | pakṣijātīcīṃ || 258 ||

पद 259

tayāparī śrīharī | tujhiyā viśvātmakīṃ iye śarīrīṃ | svargu dekhataseṃ avadhārīṃ | suragaṇeṃsīṃ || 259 ||

पद 260

prabhu mahābhūtāṃceṃ paṃcaka | yetha dekhata āhe aneka | āṇi bhūtagrāma ekeka | bhūtasṛṣṭīceṃ || 260 ||

पद 261

jī satyaloku tujamājīṃ āhe | dekhilā caturānanu hā nohe ? | āṇi yerīkaḍe jaṃva pāheṃ | taṃva kailāsuhī dise || 261 ||

पद 262

śrīmahādeva bhavāniyeśīṃ | tujhyā disatase eke aṃśīṃ | āṇi tūṃteṃhī gā hṛṣīkeśī | tujamājīṃ dekhe || 262 ||

पद 263

paiṃ kaśyapādi ṛṣikuḷeṃ | iyeṃ tujhiyā svarūpīṃ sakaḷeṃ | dekhataseṃ pātāḷeṃ | pannageṃśīṃ || 263 ||

पद 264

kiṃbahunā trailokyapatī | tujhiyā ekekāci avayavāciye bhiṃtī | iyeṃ caturdaśabhuvaneṃ citrākṛtī | aṃkuralīṃ jāṇoṃ || 264 ||

पद 265

āṇi tethiṃce je je loka | te citraracanā jī aneka | aiseṃ dekhatase alokika | gāṃbhīrya tujheṃ || 265 ||

पद 266

tyā divyacakṣūṃceni paiseṃ | cahuṃkaḍe jaṃva pāhāta aseṃ | taṃva dordaṃḍīṃ kāṃ jaiseṃ | ākāśa koṃbhaileṃ || 266 ||

पद 267

taise ekaci niraṃtara | devā dekhata aseṃ tujhe kara | karīta āghaveci vyāpāra | ekeci kāḷīṃ || 267 ||

पद 268

maga mahāśūnyāceni paisāreṃ | ughaḍalīṃ brahmakaṭāhācīṃ bhāṃḍāreṃ | taisīṃ dekhataseṃ apāreṃ | udareṃ tujhīṃ || 268 ||

पद 269

jī sahasraśīrṣayāceṃ dekhileṃ | koḍīvarī hotāti ekīveḷeṃ | kīṃ parabrahmaci vadanaphaḷeṃ | moḍoni āleṃ || 269 ||

पद 270

taisīṃ vaktreṃ jī jeutīṃ teutīṃ | tujhīṃ dekhitase viśvamūrtī | āṇi tayāciparī netrapaṃktī | anekā saiṃgha || 270 ||

पद 271

heṃ aso svarga pātāḷa | kīṃ bhūmī diśā aṃtarāḷa | he vivakṣā ṭhelī sakaḷa | mūrtimaya dekhataseṃ || 271 ||

पद 272

heṃ tujavīṇa ekādiyākaḍe | paramāṇūhi etulā koḍeṃ | avakāśu pāhataseṃ pari na sāṃpaḍe | aiseṃ vyāpileṃ tuvāṃ || 272 ||

पद 273

iye nānāparī aparimiteṃ | jetulīṃ sāṭhavilīṃ hotīṃ mahābhūteṃ | tetulāhi pavāḍu tuvāṃ anaṃteṃ | koṃdalā dekhataseṃ || 273 ||

पद 274

aisā kavaṇeṃ ṭhāyāhūni tūṃ ālāsī | etha baisalāsi kīṃ ubhā āhāsi | āṇi kavaṇiye māyeciye poṭīṃ hotāsī | tujheṃ ṭhāṇa kevaḍheṃ || 274 ||

पद 275

tujheṃ rūpa vaya kaiseṃ | tujapailīkaḍe kāya ase | tūṃ kāisayāvarī āhāsi aiseṃ | pāhileṃ miyāṃ || 275 ||

पद 276

taṃva dekhileṃ jī āghaveṃci | tari ātāṃ tuja ṭhāvo tūṃci | tūṃ kavaṇācā navhesi aisāci | anādi āyatā || 276 ||

पद 277

तूं उभा ना बैठा । दिघडु ना खुजटा । तुज तळीं वरी वैकुंठा । तूंचि आहासी ॥ २७७ ॥

tūṃ ubhā nā baiṭhā | dighaḍu nā khujaṭā | tuja taḷīṃ varī vaikuṃṭhā | tūṃci āhāsī || 277 ||

पद 278

tūṃ rūpeṃ āpaṇayāṃci aisā | devā tujhī tūṃci vayasā | pāṭhīṃ poṭa pareśā | tujheṃ tūṃ gā || 278 ||

पद 279

kiṃbahunā ātāṃ | tujheṃ tūṃci āghaveṃ anaṃtā | heṃ puḍhata puḍhatī pāhatāṃ | dekhileṃ miyāṃ || 279 ||

पद 280

pari yā tujhiyā rūpāāṃtu | jī uṇīva eka ase dekhatu | je ādi madhya aṃtu | tinhīṃ nāhīṃ || 280 ||

पद 281

eऱhavīṃ giṃvasileṃ āghavāṃ ṭhāyīṃ | pari soya na lāheci kahīṃ | mhaṇauni triśuddhī he nāhīṃ | tinhī etha || 281 ||

पद 282

evaṃ ādimadhyāṃtarahitā | tūṃ viśveśvarā aparimitā | dekhilāsi jī tattvatāṃ | viśvarūpā || 282 ||

पद 283

tuja mahāmūrtīciyā āṃgī | umaṭaliyā pṛthak mūrtī anegī | leilāsī vāneparīṃcī āṃgīṃ | aisā āvaḍatu āhāsī || 283 ||

पद 284

nānā pṛthak mūrtī tiyā drumavallī | tujhiyā svarūpamahācaḷīṃ | divyālaṃkāra phulīṃ phaḷīṃ | sāsinnaliyā || 284 ||

पद 285

ho kāṃ je mahodadhīṃ tūṃ devā | jāhalāsi taraṃgamūrtī helāvā | kīṃ tūṃ eka vṛkṣu baravā | mūrtiphaḷīṃ phaḷalāsī || 285 ||

पद 286

jī bhūtīṃ bhūtaḷa māṃḍileṃ | jaiseṃ nakṣatrīṃ gagana guḍhaleṃ | taiseṃ mūrtimaya bharaleṃ | dekhataseṃ tujheṃ rūpa || 286 ||

पद 287

jī ekekīcyā aṃgaprāṃtīṃ | hoya jāya heṃ trijagatī | evaḍhiyāhī tujhyā āṃgīṃ mūrtī | kīṃ romā jāliyā || 287 ||

पद 288

aisā pavāḍu māṃḍūni viśvācā | tūṃ kavaṇa pāṃ etha koṇācā | heṃ pāhileṃ taṃva āmucā | sārathī toci tūṃ || 288 ||

पद 289

tarī maja pāhatāṃ mukuṃdā | tūṃ aisāci vyāpaku sarvadā | maga bhaktānugraheṃ tayā mugdhā | rūpāteṃ dharisī || 289 ||

पद 290

kaiseṃ cahūṃ bhujāṃceṃ sāṃvaḷeṃ | pāhatāṃ volhāvatī mana ḍoḷe | kheṃva deūṃ jāije tarī ākaḷe | dohīṃci bāhīṃ || 290 ||

पद 291

aisī mūrti koḍisavāṇī kṛpā | karūni hosī nā viśvarūpā | kīṃ amuciyāci diṭhī salepā | jeṃ sāmānyatveṃ dekhitī || 291 ||

पद 292

tarī ātāṃ diṭhīcā viṭāḷu gelā | tuvāṃ sahajeṃ divyacakṣū kelā | mhaṇauni yathārūpeṃ dekhavalā | mahimā tujhā || 292 ||

पद 293

parī makaratuṃḍāmāgilekaḍe | toci hotāsi tūṃ evaḍheṃ | rūpa jāhalāsi heṃ phuḍeṃ | voḷakhileṃ miyāṃ || 293 ||

पद 294

nohe toci hā śirīṃ ? | mukuṭa leilāsi śrīharī | parī ātāṃceṃ teja āṇi thorī | navala kīṃ bahu heṃ || 294 ||

पद 295

teṃci heṃ variliyeci hātīṃ | cakra parijitayā āyatī | sāṃvaritāsi viśvamūrtī | te na moḍe khūṇa || 295 ||

पद 296

yerīkaḍe teci he nohe gadā | āṇi taḷiliyā donī bhujā nirāyudhā | vāgore sāṃvarāvayā goviṃdā | saṃsariliyā || 296 ||

पद 297

āṇi teṇeṃci vegeṃ sahasā | mājhiyā manorathāsarisā | jāhalāsi viśvarūpā viśveśā | mhaṇauni jāṇeṃ || 297 ||

पद 298

parī kāyaseṃ bā heṃ coja | vismayo karāvayāhi pāḍū nāhīṃ maja | citta hoūni jātaseṃ nirbuja | āścaryeṃ yeṇeṃ || 298 ||

पद 299

heṃ etha āthi kāṃ yetha nāhīṃ | aiseṃ śvasoṃhī naye kāṃhīṃ | navala aṃgaprabhecī navāī | kaisī koṃdalīṃ saiṃgha || 299 ||

पद 300

etha agnīcīhī diṭhī karapata | sūrya khadyotu taisā hārapata | aiseṃ tīvrapaṇa adbhuta | tejāceṃ yayā || 300 ||

पद 301

ho kāṃ mahātejāciyā mahārṇavīṃ | buḍoni gelī sṛṣṭī āghavī | kīṃ yugāṃtavijūṃcyā pālavīṃ | jhāṃkaleṃ gagana || 301 ||

पद 302

nātarī saṃhāratejāciyā jvāḷā | toḍoni mācū bāṃdhalā aṃtarāḷāṃ | ātāṃ divya jñānāciyā ḍoḷāṃ | pāhavenā || 302 ||

पद 303

ujāḷu adhikādhika bahuvasu | dhaḍāḍīta āhe atidāhasu | paḍata divyacakṣuṃsahī trāsu | nyāhāḷitāṃ || 303 ||

पद 304

ho kāṃ je mahāpraḷayīṃcā bhaḍāḍu | hotā kāḷāgnirudrāciyā ṭhāyīṃ gūḍhu | to tṛtīyanayanācā maḍhū | phuṭalā jaisā || 304 ||

पद 305

taiseṃ pasaraleni prakāśeṃ | saiṃgha pāṃcavaniyā jvāḷāṃce vaḷase | paḍatāṃ brahmakaṭāha koḷise | hota āhātī || 305 ||

पद 306

aisā adbhuta tejorāśī | janmā navala myāṃ dekhilāsī | nāhīṃ vyāptī āṇi kāṃtīsī | pāru jī tujhiye || 306 ||

पद 307

devā tūṃ akṣara | auṭāviye mātresi para | śrutī jayāceṃ ghara | giṃvasīta āhātī || 307 ||

पद 308

jeṃ ākārāceṃ āyatana | jeṃ viśvanikṣepaikanidhāna | teṃ avyaya tūṃ gahana | avināśa jī || 308 ||

पद 309

tūṃ dharmācā volāvā | anādisiddha tūṃ nitya navā | jāṇeṃ mī sadatisāvā | puruṣa viśeṣa tūṃ || 309 ||

पद 310

tūṃ ādimadhyāṃtarahitu | svasāmarthyeṃ tūṃ anaṃtu | viśvabāhu aparimitu | viśvacaraṇa tūṃ || 310 ||

पद 311

paiṃ caṃdra caṃḍāṃśu ḍoḷāṃ | dāvitāsi kopaprasāda līḷā | ekāṃ rusasī tamāciyā ḍoḷāṃ | ekāṃ pāḷitosi kṛpādṛṣṭī || 311 ||

पद 312

jī evaṃvidhā tūṃteṃ | mī dekhataseṃ heṃ niruteṃ | peṭaleṃ praḷayāgnīceṃ ujiteṃ | taiseṃ vaktra heṃ tujheṃ || 312 ||

पद 313

vaṇiveni peṭale parvata | kavaḷūni jvāḷāṃce ubhaḍa uṭhata | taisī cāṭīta dāḍhā dāṃta | jībha loḷe || 313 ||

पद 314

iye vadanīṃciyā ubā | āṇi jī sarvāṃgakāṃtīciyā prabhā | viśva tātaleṃ ati kṣobhā | jāta āhe || 314 ||

पद 315

kāṃ je dyaurloka āṇi pātāḷa | pṛthivī āṇi aṃtarāḷa | athavā daśadiśā samākuḷa | diśācakra || 315 ||

पद 316

heṃ āghaveṃci tuṃvā ekeṃ | bharaleṃ dekhata āhe kautukeṃ | pari gaganāhīsakaṭa bhayānakeṃ | āplavije jevīṃ || 316 ||

पद 317

nātarī adbhutarasāciyā kalloḷīṃ | jāhalī cavadāhī bhuvanāṃsi kaḍiyāḷīṃ | taiseṃ āścaryaci maga mī ākaḷīṃ | kāya eka ? || 317 ||

पद 318

nāvare vyāptī he asādhāraṇa | na sāhave rūpāceṃ ugrapaṇa | sukha dūrī geleṃ pari prāṇa | vipāyeṃ dharīje || 318 ||

पद 319

devā aiseṃ dekhoni tūṃteṃ | neṇoṃ kaiseṃ āleṃ bhayāceṃ bhariteṃ | ātāṃ duḥkhakalloḷīṃ jhaḷaṃbateṃ | tinhīṃ bhuvaneṃ || 319 ||

पद 320

eऱhavīṃ tuja mahātmayāceṃ dekhaṇeṃ | tari bhayaduḥkhāsi kāṃ meḷavaṇeṃ ? | pari heṃ sukha navheci jeṇeṃ guṇeṃ | teṃ jāṇavata āhe maja || 320 ||

पद 321

jaṃva tujheṃ rūpa nohe diṭheṃ | taṃva jagāsi saṃsārika gomaṭeṃ | ātāṃ dekhilāsi tarī viṣayaviṭeṃ | upanalā trāsu || 321 ||

पद 322

tevīṃci tuja dekhiliyāsāṭhīṃ | kāya sahasā tuja devoṃ yeīla miṭhī | āṇi nedīṃ tarī śokasaṃkaṭīṃ | rāhoṃ kevīṃ ? || 322 ||

पद 323

mhaṇauni māgāṃ saroṃ taṃva saṃsāru | āḍavīta yetase anivāru | āṇi puḍhāṃ tūṃ taṃva anāvaru | na yesi ghevoṃ || 323 ||

पद 324

aisā mājhāraliyā sāṃkaḍāṃ | bāpuḍyā trailokyācā hotase huraḍā | hā dhvani jī phuḍā | cojavalā maja || 324 ||

पद 325

jaisā āraṃbaḷalā āgīṃ | to samudrā ye nivāvayālāgīṃ | taṃva kalloḷapāṇiyāciyā taraṃgīṃ | āgaḷā bihe || 325 ||

पद 326

taiseṃ yā jagāsi jāhaleṃ | tūṃteṃ dekhoni taḷamaḷita ṭheleṃ | yāmājīṃ paila bhale | jñānaśūrāṃce meḷāve || 326 ||

पद 327

he tujheni āṃgikeṃ tejeṃ | jāḷūni sarva karmāṃcīṃ bījeṃ | miḷata tuja āṃtu sahajeṃ | sadbhāvesīṃ || 327 ||

पद 328

āṇika eka sāviyāci bhayabhīru | sarvasveṃ dharūni tujhī moharu | tuja prārthitāti karu | joḍoniyāṃ || 328 ||

पद 329

devā avidyārṇavīṃ paḍiloṃ | jī viṣayavāgureṃ āṃtuḍaloṃ | svargasaṃsārāciyā sāṃkaḍaloṃ | dohīṃ bhāgīṃ || 329 ||

पद 330

aiseṃ āmuceṃ soḍavaṇeṃ | tujavāṃconi kījela kavaṇeṃ ? | tuja śaraṇa gā sarvaprāṇeṃ | mhaṇata devā || 330 ||

पद 331

āṇi maharṣī athavā siddha | kāṃ vidyādharasamūha vividha | he bolata tuja svastivāda | karitī stavana || 331 ||

पद 332

he rudrādityāṃce meḷāve | vasu hana sādhya āghave | aśvinau deva viśvedeva vibhaveṃ | vāyuhī he jī || 332 ||

पद 333

avadhārā pitara hana gaṃdharva | paila yakṣarakṣogaṇa sarva | jī maheṃdramukhya deva | kāṃ siddhādika || 333 ||

पद 334

he āghaveci āpulāliyā lokīṃ | sotkaṃṭhita avalokīṃ | he mahāmūrtī daivikī | pāhāta āhātī || 334 ||

पद 335

maga pāhāta pāhāta pratikṣaṇīṃ | vismita hoūni aṃtaḥkaraṇīṃ | karita nijamukaṭīṃ vovāḷaṇī | prabhujī tuja || 335 ||

पद 336

te jaya jaya ghoṣa kalaraveṃ | svarga gājavitātī āghave | ṭhevita lalāṭāvarī barave | karasaṃpuṭa || 336 ||

पद 337

tiye vinayadrumāciye āravīṃ | suravāḍalī sāttvikāṃcī mādhavī | mhaṇauni karasaṃpuṭapallavīṃ | tūṃ hotāsi phaḷa || 337 ||

पद 338

jī locanāṃ bhāgya udeleṃ | manā sukhāceṃ suyāṇeṃ pāhaleṃ | je agādha tujheṃ dekhileṃ | viśvarūpa ihīṃ || 338 ||

पद 339

heṃ lokatrayavyāpaka rūpaḍeṃ | pāhatāṃ devāṃhī vacaka paḍe | yāceṃ sanmukhapaṇa joḍeṃ | bhalatayākaḍunī || 339 ||

पद 340

aiseṃ ekaci parī vicitreṃ | āṇi bhayānakeṃ vaktreṃ | bahulocana he saśastreṃ | anaṃtabhujā || 340 ||

पद 341

anaṃta cāru bāhu caraṇa | bahūdara āṇi nānāvarṇa | kaiseṃ prativadanīṃ mātalepaṇa | āveśāceṃ || 341 ||

पद 342

ho kāṃ mahākalpāciyā aṃtīṃ | tavakaleni yameṃ jeutateutīṃ | praḷayāgnīcīṃ ujitīṃ | āṃbukhilīṃ jaisīṃ || 342 ||

पद 343

nātarī saṃhāratripurārīcīṃ yaṃtreṃ | kīṃ praḷayabhairavācīṃ kṣetreṃ | nānā yugāṃtaśaktīcīṃ pātreṃ | bhūtakhicā voḍhavilīṃ || 343 ||

पद 344

taisīṃ jiyetiyekaḍe | tujhīṃ vaktreṃ jīṃ pracaṃḍeṃ | na samātī darīmājīṃ siṃvhāḍe | taise daśana disatī rāgīṭa || 344 ||

पद 345

jaiseṃ kāḷarātrīceni aṃdhāreṃ | ulhāsata nighatīṃ saṃhārakheṃcareṃ | taisiyā vadanīṃ praḷayarudhireṃ | kāṭaliyā dāḍhā || 345 ||

पद 346

heṃ aso kāḷeṃ avaṃtileṃ raṇa | kāṃ sarva saṃhāreṃ mātaleṃ maraṇa | taiseṃ atibhiṃguḷavāṇeṃpaṇa | vadanīṃ tujhiye || 346 ||

पद 347

he bāpuḍī lokasṛṣṭī | moṭakīye vipāilī diṭhī | āṇi duḥkhakāliṃdīciyā taṭīṃ | jhāḍa hoūni ṭhelī || 347 ||

पद 348

tuja mahāmṛtyūciyā sāgarīṃ | ātāṃ he trailokya jīvitācī tarī | śokadurvātalaharī | āṃdoḷata ase || 348 ||

पद 349

etha koponi jarī vaikuṃṭheṃ | aiseṃ hana mhaṇipaila avacaṭeṃ | jeṃ tuja lokāṃceṃ kāī vāṭe ? | tūṃ dhyānasukha heṃ bhogīṃ || 349 ||

पद 350

tarī jī lokāṃceṃ kīra sādhāraṇa | vāyāṃ āḍa sūtase voḍaṇa | kevīṃ sahasā mhaṇe prāṇa | mājheci kāṃpatī || 350 ||

पद 351

jyā maja saṃhārarudra vāsipe | jyā majabheṇeṃ mṛtyu lape | to mī etheṃ ahāḷabāhaḷīṃ kāṃpeṃ | aiseṃ tuvāṃ keleṃ || 351 ||

पद 352

pari navala bāpā he mahāmārī | iyā nāma viśvarūpa jarī | he bhyāsurapaṇeṃ hārī | bhayāsi āṇī || 352 ||

पद 353

ṭhelīṃ mahākāḷeṃsi haṭeṃtaṭeṃ | taisī kitīekeṃ mukheṃ rāgiṭeṃ | ihīṃ vāḍhoniyāṃ dhākuṭeṃ | ākāśa keleṃ || 353 ||

पद 354

gaganāceṃni vāḍapaṇeṃ nākaḷe | tribhuvanīṃciyāhī vāriyā na veṃṭāḷe | yayāceni vāphā āgī jaḷe | kaiseṃ dhaḍāḍīta ase || 354 ||

पद 355

tevīṃci ekasārikheṃ eka nohe | etha varṇāvarṇācā bhedu āhe | ho kāṃ jeṃ praḷayīṃ sāvāvo lāhe | vanhṃ yayācā || 355 ||

पद 356

jayāciye āṃgīṃcī dīptī yevaḍhī | je trailokya kīje rākhoṃḍī | kīṃ tayāhī toṃḍeṃ āṇi toṃḍīṃ | dāṃta dāḍhā || 356 ||

पद 357

kaisā vārayā dhanurvāta caḍhalā | samudra kīṃ mahāpurīṃ paḍilā | viṣāgni mārā pravartalā | vaḍavānaḷāsī || 357 ||

पद 358

haḷāhaḷa āgī piyāleṃ | navala maraṇa mārā pravartaleṃ | taiseṃ saṃhāratejā yā jāhaleṃ | vadana dekhā || 358 ||

पद 359

parī koṇeṃ māneṃ viśāḷa | jaiseṃ tuṭaliyā aṃtarāḷa | ākāśāsi kavhaḷa | paḍoni ṭheleṃ || 359 ||

पद 360

nātarī kākhe sūni vasuṃdharī | jaiṃ hiraṇyākṣu rigālā vivarīṃ | taiṃ ughaḍale hāṭakeśvarīṃ | jevīṃ pātāḷakuhara || 360 ||

पद 361

taisā vaktrāṃcā vikāśu | mājīṃ jivhāṃcā āgaḷāci āveśu | viśva na pure mhaṇauni ghāṃsu | na bharīci koṃḍeṃ || 361 ||

पद 362

āṇi pātāḷavyāḷāṃciyā phūtkārīṃ | garaḷajvāḷā lāgatī aṃbarīṃ | taisī pasaraliye vadanadarī- | mājīṃ he jivhā || 362 ||

पद 363

kāḍhūni praḷayavijūṃcīṃ juṃbāḍeṃ | jaiseṃ pannāsileṃ gaganāce huḍe | taise āvāḷuvāṃvarī āṃkaḍe | dhagadhagīta dāḍhāṃce || 363 ||

पद 364

āṇi lalāṭapaṭāciye khoḷe | kaiseṃ bhayāteṃ bheḍavitātī ḍoḷe | ho kāṃ je mahāmṛtyūce umāḷe | kaḍavasāṃ rāhile || 364 ||

पद 365

aiseṃ vāūni bhayāceṃ bhoja | etha kāya nipajavūṃ pāhātosi kāja | teṃ neṇoṃ parī maja | maraṇabhaya āleṃ || 365 ||

पद 366

devā viśvarūpa pahāvayāce ḍohaḷe | kele tiye pāvaloṃ pratiphaḷeṃ | bāpā dekhilāsi ātāṃ ḍoḷe | nivāve taise nivāle || 366 ||

पद 367

aho deho pārthiva kīra jāye | yayācī kākuḷatī kavaṇā āhe | pari ātāṃ caitanya mājheṃ vipāyeṃ | vāṃce kīṃ na vāṃce || 367 ||

पद 368

eऱhavīṃ bhayāstava āṃga kāṃpe | nāveka āgaḷeṃ tarī mana tāpe | athavā buddhihī vāsipe | abhimānu visarije || 368 ||

पद 369

parī yetuliyāhī vegaḷā | jo kevaḷa ānaṃdaikakaḷā | tayā aṃtarātmayāhī niścaḷā | śiyārī ālī || 369 ||

पद 370

bāpa sākṣātkārācā vedhu | kaisā deśadhaḍī kelā bodhu | hā guruśiṣyasaṃbaṃdhu | vipāyeṃ nāṃde || 370 ||

पद 371

devā tujhyā ye darśanīṃ | jeṃ vaikalya upajaleṃ āhe aṃtaḥkaraṇīṃ | teṃ sāvarāvayālāgīṃ gaṃvasaṇī | dhairyācī karitaseṃ || 371 ||

पद 372

taṃva mājheni nāmeṃ dhairya hārapaleṃ | kīṃ tayāhīvarī viśvarūpadarśana jāhaleṃ | heṃ aso pari maja bhaleṃ ātuḍavileṃ | upadeśā iyā || 372 ||

पद 373

jīva visaṃvāvayāciyā cāḍā | saiṃgha dhāṃvādhāṃvī karitase bāpuḍā | pari soyahī kavaṇeṃkaḍāṃ | na labhe etha || 373 ||

पद 374

aiseṃ viśvarūpāciyā mahāmārī | jīvitva geleṃ āheṃ carācarīṃ | jī na boleṃ tari kāya karīṃ | kaiseni rāheṃ ? || 374 ||

पद 375

paiṃ akhaṃḍa ḍoḷyāṃpuḍheṃ | phuṭaleṃ jaiseṃ mahābhayāceṃ bhāṃḍeṃ | taiśīṃ tujhīṃ mukheṃ vitaṃḍeṃ | pasaralīṃ dekheṃ || 375 ||

पद 376

aso dāṃta dāḍhāṃcī dāṭī | na jhāṃkave mā doṃ doṃ voṭhīṃ | saiṃgha praḷayaśastrāṃciyā dāṭa kāṃṭī | lāgaliyā jaiśā || 376 ||

पद 377

jaiseṃ takṣakā viṣa bharaleṃ | ho kāṃ je kāḷarātrīṃ bhūta saṃcaraleṃ | kīṃ āgneyāstra parajileṃ | vajrāgni jaiseṃ || 377 ||

पद 378

taiśīṃ tujhīṃ vaktreṃ pracaṃḍeṃ | vari āveśa hā bāherī vosaṃḍe | āle maraṇarasāce loṃḍhe | āmhāṃvarī || 378 ||

पद 379

saṃhārasamayīṃcā caṃḍāniḷu | āṇi mahākalpāṃta praḷayānaḷu | yā dohīṃ jaiṃ hoya meḷu | taiṃ kāya eka na jaḷe ? || 379 ||

पद 380

taisīṃ saṃhārakeṃ tujhīṃ mukheṃ | dekhoni dhīru kāṃ āmhāṃ pārukhe ? | ātāṃ bhulaloṃ mī diśā na dekheṃ | āpaṇapeṃ neṇeṃ || 380 ||

पद 381

moṭakeṃ viśvarūpa ḍoḷāṃ dekhileṃ | āṇi sukhāceṃ avarṣaṇa paḍileṃ | ātāṃ jāpāṇīṃ jāpāṇīṃ āpuleṃ | astāvyasta heṃ || 381 ||

पद 382

aiseṃ karisī mhaṇauni jarī jāṇeṃ | tarī he goṣṭī sāṃgāvīṃ kāṃ mī mhaṇeṃ | ātāṃ eka veḷa vāṃcavī jī prāṇeṃ | yā svarūpapraḷayāpāsoni || 382 ||

पद 383

jarī tūṃ gosāvī āmucā anaṃtā | tarī suīṃ voḍaṇa mājhiyā jīvitā | sāṃṭavīṃ pasārā hā māgutā | mahāmārīcā || 383 ||

पद 384

āikeṃ sakaḷa devāṃciyā paradevate | tuvāṃ caitanyeṃ gā viśva vasateṃ | teṃ visaralāsī heṃ uparateṃ | saṃhārūṃ ādarileṃ || 384 ||

पद 385

mhaṇauni vegīṃ prasanna hoīṃ devarāyā | saṃharīṃ saṃharīṃ āpulī māyā | kāḍhīṃ māteṃ mahābhayā- | pāsoniyāṃ || 385 ||

पद 386

hā ṭhāyavarī puḍhatapuḍhatīṃ | tūṃteṃ mhaṇije bahuvā kākuḷatī | aisā mī viśvamūrtī | bheḍakā jāhaloṃ || 386 ||

पद 387

jaiṃ amarāvatīye ālā dhāḍā | taiṃ myāṃ ekaleni kelā uveḍā | jo mī kāḷāciyāhī toṃḍā | vāsipu na dharīṃ || 387 ||

पद 388

parī tayā āṃtula navhe heṃ devā | etha mṛtyūsahī karūni caḍhāvā | tuvāṃ āmucāci ghoṭū bharāvā | yā sakaḷa viśveṃsīṃ || 388 ||

पद 389

kaisā navhatā praḷayācā veḷu | gokhā tūṃci minalāsi kāḷu | bāpuḍā hā tribhuvanagoḷu | alpāyu jāhalā || 389 ||

पद 390

ahā bhāgyā viparītā | vighna uṭhileṃ śāṃta karitāṃ | kaṭākaṭā viśva geleṃ ātāṃ | tūṃ lāgalāsi grāsūṃ || 390 ||

पद 391

heṃ navhe mā rokaḍeṃ | saiṃgha pasarūniyāṃ toṃḍeṃ | kavaḷitāsi cahūṃkaḍe | sainyeṃ iyeṃ || 391 ||

पद 392

noheti ? he kauravakuḷīṃce vīra | āṃdhaḷiyā dhṛtarāṣṭrāce kumara | he gele gele sahaparivāra | tujhiyā vadanīṃ || 392 ||

पद 393

āṇi je je yāṃceni sāvāyeṃ | āle deśodeśīṃce rāye | tayāṃceṃ sāṃgāvayā jāvoṃ na lāhe | aiseṃ sarakaṭita āhāsī || 393 ||

पद 394

मदमुखाचिया संघटा । घेत आहासि घटघटां । आरणीं हन थाटा । देतासि मिठी ॥ ३९४ ॥

madamukhāciyā saṃghaṭā | gheta āhāsi ghaṭaghaṭāṃ | āraṇīṃ hana thāṭā | detāsi miṭhī || 394 ||

पद 395

जंत्रावरिचील मार । पदातींचे मोगर । मुखाआंत भार । हारपताति मा ॥ ३९५ ॥

jaṃtrāvaricīla māra | padātīṃce mogara | mukhāāṃta bhāra | hārapatāti mā || 395 ||

पद 396

kṛtāṃtāciyā jāvaḷī | jeṃ ekaci viśvāteṃ giḷī | tiyeṃ koṭīvarī sagaḷīṃ | giḷitāsi śastreṃ || 396 ||

पद 397

caturaṃgā parivārā | saṃjoḍiyāṃ rahaṃvarāṃ | dāṃta na lāvisī mā parameśvarā | kasā tuṣṭalāsi baravā || 397 ||

पद 398

hāṃ gā bhīṣmāaisā kavaṇu | satyaśauryanipuṇu | tohī āṇi brāhmaṇa droṇu | grāsilāsi kaṭakaṭā || 398 ||

पद 399

ahā sahasrakarācā kumaru | etha gelā gelā karṇavīru | āṇi āmuciyā āghavayāṃcā keru | pheḍilā dekheṃ || 399 ||

पद 400

kaṭakaṭā dhātayā | kaiseṃ jāhaleṃ anugrahā yayā | miyāṃ prārthūni jagā bāpuḍiyā | āṇileṃ maraṇa || 400 ||

पद 401

māgāṃ thoḍiyā bahuvā upapattī | yeṇeṃ sāṃgitaliyā vibhūtī | taisā naseci mā puḍhatī | baisaloṃ pusoṃ || 401 ||

पद 402

mhaṇauni bhogya teṃ triśuddhī na cuke | āṇi buddhihī hoṇārāsārikhī ṭhāke | mājhyā kapāḷīṃ piṭāveṃ lokeṃ | teṃ loṭela kāṃhyāṃ || 402 ||

पद 403

pūrvīṃ amṛtahī hātāṃ āleṃ | parī deva nasatīci ugale | maga kāḷakūṭa uṭhavileṃ | śevaṭīṃ jaiseṃ || 403 ||

पद 404

parī teṃ ekabagīṃ thoḍeṃ | keliyā pratikārāmājivaḍeṃ | āṇi tiye avasarīceṃ teṃ sāṃkaḍeṃ | nistaravileṃ śaṃbhū || 404 ||

पद 405

ātāṃ hā jaḷatāṃ vārā keṃ veṃṭāḷe ? | koṇā he viṣā bharaleṃ gagana giḷe ? | mahākāḷeṃsi keṃ kheḷeṃ ? | āṃgavata ase || 405 ||

पद 406

aisā arjuna duḥkheṃ śiṇatu | śocita ase jivāāṃtu | parī na dekheṃ to prastutu | abhiprāya devācā || 406 ||

पद 407

je mī māritā he kaurava marate | aiseni veṃṭāḷilā hotā moheṃ bahuteṃ | to pheḍāvayālāgīṃ anaṃteṃ | heṃ dākhavileṃ nija || 407 ||

पद 408

are koṇhī koṇāteṃ na mārī | etha mīci ho sarva saṃhārīṃ | heṃ viśvarūpavyājeṃ harī | prakaṭita ase || 408 ||

पद 409

parī vāyāṃci vyākulatā | te na cojaveci paṃḍusutā | maga ahā kaṃpu navhatā | vāḍhavita ase || 409 ||

पद 410

tetha mhaṇe pāhā ho eke veḷe | sāsikavaceṃsi donhī daḷeṃ | vadanīṃ gelīṃ ābhāḷeṃ | gaganīṃ kāṃ jaisīṃ || 410 ||

पद 411

kāṃ mahākalpāciyā śevaṭīṃ | jaiṃ kṛtāṃtu kopalā hoya sṛṣṭī | taiṃ ekavisāṃhī svargāṃ miṭhī | pātāḷāsakaṭa de || 411 ||

पद 412

nātarī udāsīneṃ daiveṃ | saṃcakācīṃ vaibhaveṃ | jethīṃcīṃ tetha svabhāveṃ | vilayā jātī || 412 ||

पद 413

taisīṃ sāsinnalīṃ sainyeṃ ekavaṭeṃ | iye mukhīṃ jāhalīṃ praviṣṭeṃ | parī ekahī toṃḍauni na suṭe | kaiseṃ karma dekhā || 413 ||

पद 414

aśokāce aṃgavase | caghaḷile kaऱheni jaise | loka vaktrāmājīṃ taise | vāyāṃ gele || 414 ||

पद 415

pari sisāḷeṃ mukuṭeṃsīṃ | paḍilī dāḍhāṃce sāṃḍasīṃ | pīṭha hota kaisīṃ | disata āhātī || 415 ||

पद 416

tiyeṃ ratneṃ dāṃtāṃciye savaḍīṃ | kūṭa lāgaleṃ jibhecyā buḍīṃ | kāṃhīṃ kāṃhīṃ āgaraḍīṃ | draṃṣṭrāṃcīṃ mākhalīṃ || 416 ||

पद 417

ho kāṃ je viśvarūpeṃ kāḷeṃ | grāsilīṃ lokāṃcīṃ śarīreṃ baḷeṃ | pari jīvitva dehīṃcīṃ sisāḷeṃ | avaśya kīṃ rākhilīṃ || 417 ||

पद 418

taisīṃ śarīrāmājīṃ cokhaḍīṃ | iyeṃ uttamāṃgeṃ hotīṃ phuḍīṃ | mhaṇauni mahākāḷāciyāhī toṃḍīṃ | pari uralīṃ śekhīṃ || 418 ||

पद 419

maga mhaṇe heṃ kāī | janmalayāṃ āna moharaci nāhīṃ | jaga āpaiseṃci vadanaḍohīṃ | saṃcāratāhe || 419 ||

पद 420

yayā āpeṃāpa āghaviyā sṛṣṭī | lāgaliyā āhāti vadanācyā vāṭīṃ | āṇi hā jethiṃciyā tetha miṭhī | detase ugalā || 420 ||

पद 421

brahmādika samasta | uṃcā mukhāmājīṃ dhāṃvata | yera sāmānya he bharata | ailīca vadanīṃ || 421 ||

पद 422

āṇīkahī bhūtajāta | teṃ upajaleci ṭhāyīṃ grāsita | pari yāciyā mukhā nibhrāṃta | na suṭeci kāṃhīṃ || 422 ||

पद 423

jaise mahānadīce vogha | vahile ṭhākitī samudrāceṃ āṃga | taiseṃ āghavācikaḍūni jaga | praveśata mukhīṃ || 423 ||

पद 424

āyuṣyapaṃtheṃ prāṇigaṇī | karoni ahorātrāṃcī movaṇī | vegeṃ vaktrāmiḷaṇīṃ | sādhijata āhātī || 424 ||

पद 425

jaḷatayā girīcyā gavakhā- | mājīṃ ghāpatī pataṃgāciyā jhākā | taise samagra loka dekhā | iye vadanīṃ paḍatī || 425 ||

पद 426

pari jetuleṃ yetha praveśaleṃ | teṃ tātaliyā loheṃ pāṇīci pāṃ giḷileṃ | vahavaṭīṃhi pusileṃ | nāmarūpa tayāṃceṃ || 426 ||

पद 427

āṇi yetulāhī ārogaṇa | karitāṃ bhuke nāhīṃ uṇepaṇa | kaiseṃ dīpana asādhāraṇa | udayaleṃ yayā || 427 ||

पद 428

jaisā rogiyā jvarāhūni uṭhilā | kā bhaṇagā dukāḷu pāhalā | taisā jibhāṃcā laḷalaḷāṭu dekhilā | āvāḷuveṃ cāṭitāṃ || 428 ||

पद 429

taiseṃ āhārāce nāṃveṃ kāṃhīṃ | toṃḍāpāsūni uraleṃci nāhīṃ | kaisī samasamīta navāī | bhukelepaṇācī || 429 ||

पद 430

kāya sāgarācā ghoṃṭu bharāvā ? | kīṃ parvatācā ghāṃsu karāvā ? | brahmakaṭāho ghālāvā | āghavāci dāḍhe || 430 ||

पद 431

diśā sagaḷiyāci giḷāviyā | cāṃdiṇiyā cāṭūni ghyāviyā | aiseṃ vartata āhe sāviyā | lolupya bā tujheṃ || 431 ||

पद 432

jaisā bhogīṃ kāmu vāḍhe | kāṃ iṃdhaneṃ āgīsi hākāka caḍhe | taisī khātakhātāṃci toṃḍeṃ | khākhāṃteṃ ṭhelīṃ || 432 ||

पद 433

kaiseṃ ekaci kevaḍheṃ pasaraleṃ | tribhuvana jivhāgrīṃ āhe ṭekaleṃ | jaiseṃ kāṃ kavīṭha ghātaleṃ | vaḍavānaḷīṃ || 433 ||

पद 434

aisīṃ apāra vadaneṃ | ātāṃ yetulīṃ kaiṃcīṃ tribhuvaneṃ | kāṃ āhāru na miḷatāṃ yeṇeṃ māneṃ | vāḍhavilīṃ saiṃgha || 434 ||

पद 435

agā hā loku bāpuḍā | jāhalā vadanajvāḷāṃ varapaḍā | jaisī vaṇaveyāciyā veḍhāṃ | sāṃpaḍatī mṛgeṃ || 435 ||

पद 436

ātāṃ taiseṃ yāṃ viśvā jāhāleṃ | deva navhe heṃ karma āleṃ | kāṃ jaga caḷacaḷāṃ pāṃgileṃ | kāḷajāḷeṃ || 436 ||

पद 437

ātāṃ iye aṃgaprabheciye vāgure | koṇīkaḍūni nigijaila carācareṃ | hīṃ vaktreṃ nohetī johāreṃ | voḍavalīṃ jagā || 437 ||

पद 438

āgī āpuleni dāhakapaṇeṃ | kaiseni poḷije teṃ neṇe | parī jayā lāge tayā prāṇeṃ | suṭikācī nāhīṃ || 438 ||

पद 439

nātarī mājheni tikhaṭapaṇeṃ | kaiseṃ nivaṭe heṃ śastra kāyi jāṇeṃ | kāṃ āpuliyāṃ mārā neṇeṃ | viṣa jaiseṃ || 439 ||

पद 440

taisī tuja kāṃhīṃ | āpuliyā ugrapaṇācī seci nāhīṃ | parī ailīkaḍile mukhīṃ khāī | ho saralī jagācī || 440 ||

पद 441

agā ātmā tūṃ eku | sakaḷa viśvavyāpaku | tarī kāṃ āmhāṃ aṃtaku | taisā voḍavalāsī ? || 441 ||

पद 442

tarī miyāṃ sāṃḍilī jīvitvācī cāḍa | āṇi tuvāṃhī na dharāvī bhīḍa | manīṃ āhe teṃ ughaḍa | bola pāṃ sukheṃ || 442 ||

पद 443

kitī vāḍhavisī yā ugrarūpā | āṃgīṃceṃ bhagavaṃtapaṇa āṭhavīṃ bāpā | nāhīṃ tarī kṛpā | majapuratī pāhī || 443 ||

पद 444

tarī eka veḷa vedavedyā | jī tribhuvanaika ādyā | vinavaṇī viśvavaṃdyā | āikeṃ mājhī || 444 ||

पद 445

aiseṃ boloni vīreṃ | caraṇa namaskārileṃ śireṃ | maga mhaṇeṃ tarī sarveśvareṃ | avadhārijo || 445 ||

पद 446

miyāṃ hoāvayā samādhāna | jī pusileṃ viśvarūpadhyāna | āṇi ekeṃci kāḷeṃ tribhuvana | giḷituci uṭhilāsī || 446 ||

पद 447

tarī tūṃ koṇa kāṃ yetulīṃ | iyeṃ bhyāsureṃ mukheṃ kāṃ meḷavilīṃ | āghaviyāci karīṃ parijilīṃ | śastreṃ kāṃhyā || 447 ||

पद 448

jī jaṃva taṃva rāgīṭapaṇeṃ | vāḍhoni gaganā āṇitosi uṇeṃ | kāṃ ḍoḷe karūni bhiṃguḷavāṇe | bheḍasāvīta āhāsī || 448 ||

पद 449

etha kṛtāṃteṃsi devā | kāsayā kijatase hevā | hā āpulā tuvāṃ sāṃgāvā | abhiprāya maja || 449 ||

पद 450

yā bolā mhaṇe anaṃtu | mī koṇa heṃ āhāsī pusatu | āṇi kāyisayālāgīṃ ase vāḍhatu | ugratesī || 450 ||

पद 451

tarī mī kāḷu gā heṃ phuḍeṃ | loka saṃhārāvayālāgīṃ vāḍheṃ | saiṃgha pasarilīṃ āhātīṃ toṃḍeṃ | ātāṃ grāsīna heṃ āghaveṃ || 451 ||

पद 452

etha arjuna mhaṇe kaṭakaṭā | ubagiloṃ māgilyā saṃkaṭā | mhaṇauni āḷavilā taṃva vokhaṭā | uvāilā hā || 452 ||

पद 453

tevīṃci kaṭhiṇa boleṃ āsatuṭī | arjuna hoīla hiṃpuṭī | mhaṇauni saveṃci mhaṇe kirīṭī | pari āna eka ase || 453 ||

पद 454

tarī ātāṃciye saṃhāravāhare | tumhīṃ pāṃḍava asā bāhire | tetha jātajātāṃ dhanurdhareṃ | sāṃvarile prāṇa || 454 ||

पद 455

hotā maraṇamahāmārīṃ gelā | to māgutā sāvadhu jāhalā | maga lāgalā bolā | citta deūṃ || 455 ||

पद 456

aiseṃ mhaṇijata āhe deveṃ | arjunā tumhī mājheṃ heṃ jāṇāveṃ | yera jāṇa mī āghaveṃ | saraloṃ grāsūṃ || 456 ||

पद 457

vajrānaḷīṃ pracaṃḍīṃ | jaisī ghāpe loṇiyācī uṃḍī | taiseṃ jaga heṃ mājhiyā toṃḍīṃ | tuvāṃ dekhileṃ jeṃ || 457 ||

पद 458

tarī tayāmājhārīṃ kāṃhīṃ | bharaṃvaseni uṇeṃ nāhīṃ | iye vāyāṃci sainyeṃ pāhīṃ | baravateṃ āhātī || 458 ||

पद 459

aisā caturaṃgāciyā saṃpadā | karita mahākāḷeṃsīṃ spardhā | vāṃṭiveciyā madā | vaghaḷale je || 459 ||

पद 460

he je miḷoniyāṃ meḷe | kuṃthatī vīravṛttīceni baḷeṃ | yamāvarī gajadaḷeṃ | vākhāṇijatātī || 460 ||

पद 461

mhaṇatī sṛṣṭīvarī sṛṣṭī karūṃ | āṇa vāhūni mṛtyūteṃ mārūṃ | āṇi jagācā bharūṃ | ghoṃṭu yayā || 461 ||

पद 462

pṛthvī sagaḷīci giḷūṃ | ākāśa varicyāvarī jāḷūṃ | kāṃ bāṇavarī khiḷūṃ | vārayāteṃ || 462 ||

पद 463

bola hatiyerāhūni tikhaṭa | disatī agniparisa dāsaṭa | mārakapaṇeṃ kāḷakūṭa | mahura mhaṇata || 463 ||

पद 464

tarī he gaṃdharvanagarīṃce umāḷe | jāṇa pokaḷīce peṃḍavaḷeṃ | agā citrīva phaḷeṃ | vīra he dekheṃ || 464 ||

पद 465

hāṃ gā mṛgajaḷācā pūra ālā | daḷa navhe kāpaḍācā sāpa kelā | iyā śṛṃgārūniyāṃ khālā | māṃḍiliyā paiṃ || 465 ||

पद 466

yera ceṣṭaviteṃ jeṃ baḷa | teṃ māgāṃci miyāṃ grāsileṃ sakaḷa | ātāṃ kolhārice vetāḷa | taise nirjīva he āhātī || 466 ||

पद 467

hālavitī dorī tuṭalī | tarī tiyeṃ khāṃbāvarīla bāhulīṃ | bhalateṇeṃ loṭilīṃ | ulathoni paḍatī || 467 ||

पद 468

taisā sainyācā yayā bagā | moḍatāṃ veḷū na lagela paiṃ gā | mhaṇauni uṭhīṃ uṭhīṃ vegāṃ | śāhāṇā hoīṃ || 468 ||

पद 469

tuvāṃ gograhaṇāceni avasareṃ | ghātaleṃ mohanāstra ekasareṃ | maga virāṭāceni mahābheḍeṃ uttareṃ | āsaḍūni nāgāvileṃ || 469 ||

पद 470

ātāṃ heṃ tyāhūni nipaṭāreṃ jahāleṃ | nivaṭīṃ āyiteṃ raṇa paḍileṃ | gheīṃ yaśa ripu jiṃtile | ekaleni arjuneṃ || 470 ||

पद 471

āṇi koraḍeṃ yaśaci nohe | samagra rājyahī āleṃ āhe | tūṃ nimittamātraci hoyeṃ | savyasācī || 471 ||

पद 472

droṇācā pāḍu na karīṃ | bhīṣmāceṃ bhaya na dharīṃ | kaiseni karṇāvarī | parajūṃ heṃ na mhaṇa || 472 ||

पद 473

koṇa upāyo jayadrathā kīje | heṃ na ciṃtūṃ citta tujheṃ | āṇikahī āthi je je | nāvāṇige vīra || 473 ||

पद 474

tehī eka eka āghaveṃ | citrīṃce siṃhāḍe mānāve | jaise voleni hāteṃ ghyāveṃ | pusoniyāṃ || 474 ||

पद 475

yāvarī pāṃḍavā | kāisā yuddhācā meḷāvā ? | hā ābhāsu gā āghavā | yera grāsileṃ miyāṃ || 475 ||

पद 476

jevhāṃ tuvāṃ dekhile | he mājhiyā vadanīṃ paḍile | tevhāṃci yāṃceṃ āyuṣya saraleṃ | ātāṃ ritīṃ sopeṃ || 476 ||

पद 477

mhaṇauni vahilā uṭhīṃ | miyāṃ mārile tūṃ nivaṭīṃ | na rige śokasaṃkaṭīṃ | nāthiliyā || 477 ||

पद 478

āpaṇaci āḍakhiḷā kīje | to kautukeṃ jaisā viṃdhoni pāḍije | taiseṃ dekheṃ gā tujheṃ | nimitta āhe || 478 ||

पद 479

bāpā viruddha jeṃ jāhaleṃ | teṃ upajatāṃci vāgheṃ neleṃ | ātāṃ rājyeṃśīṃ saṃcaleṃ | yaśa tūṃ bhogīṃ || 479 ||

पद 480

sāviyāci utata hote dāyāda | āṇi baḷiye jagīṃ durmada | te vadhile viśada | sāyāsu na lāgatāṃ || 480 ||

पद 481

aisiyā iyā goṣṭī | viśvācyā vākpaṭīṃ | lihūni ghālī kirīṭī | jagāmājīṃ || 481 ||

पद 482

aisī āghavīci he kathā | tayā apūrṇa manorathā | saṃjayo sāṃge kurunāthā | jñānadevo mhaṇe || 482 ||

पद 483

maga satyalokauni gaṃgājaḷa | suṭaliyā vājata khaḷāḷa | taiśī vācā viśāḷa | bolatāṃ tayā || 483 ||

पद 484

nātarī mahāmeghāṃce umāḷe | ghaḍaghaḍīta eke veḷe | kāṃ ghumaghumilā maṃdarācaḷeṃ | kṣīrābdhī jaisā || 484 ||

पद 485

taiseṃ gaṃbhīreṃ mahānādeṃ | heṃ vākya viśvakaṃdeṃ | bolileṃ agādheṃ | anaṃtarūpeṃ || 485 ||

पद 486

teṃ arjuneṃ moṭakeṃ aikileṃ | āṇi sukha kīṃ bhaya duṇāvaleṃ | heṃ neṇoṃ pari kāṃpinnaleṃ | sarvāṃga tayāceṃ || 486 ||

पद 487

sakholapaṇeṃ vaḷalī moṭa | āṇi taiseci joḍale karasaṃpuṭa | veḷoveḷāṃ lalāṭa | caraṇīṃ ṭhevī || 487 ||

पद 488

tevīṃci kāṃhīṃ boloṃ jāye | taṃva gaḷā bujālāci ṭhāye | heṃ sukha kīṃ bhaya hoye | heṃ vicārā tumhīṃ || 488 ||

पद 489

pari tevhāṃ devāceni boleṃ | arjunā heṃ aiseṃ jāhaleṃ | miyāṃ padāṃvarūni dekhileṃ | ślokīṃciyā || 489 ||

पद 490

maga taisāci bheṇabheṇa | puḍhatī johārūni caraṇa | maga mhaṇe jī āpaṇa | aiseṃ boliletī || 490 ||

पद 491

nā tarī arjunā mī kāḷu | āṇi grāsije to mājhā kheḷu | hā bolu tujhā kīra aḍhaḷu | mānūṃ āmhī || 491 ||

पद 492

pari tuvāṃ jī kāḷeṃ | āji sthitīciye veḷe | grāsije heṃ na miḷe | vicārāsī || 492 ||

पद 493

kaiseni āṃgīṃceṃ tāruṇya kāḍhāveṃ ? | kaiceṃ navhe teṃ vārdhakya āṇāveṃ ? | mhaṇauni karūṃ mhaṇasī teṃ navhe | bahutakarunī || 493 ||

पद 494

hāṃ jī caupāhārī na bharatāṃ | koṇehī veḷe śrīanaṃtā | kāya mādhyānhīṃ savitā | māvaḷatu āhe ? || 494 ||

पद 495

paiṃ tuja akhaṃḍitā kāḷā | tinhī āhātī jī veḷā | tyā tinhī parī sabaḷā | āpulāliyā samayīṃ || 495 ||

पद 496

je veḷīṃ hoṃ lāge utpattī | te veḷīṃ sthiti praḷayo hārapatī | āṇi sthitikāḷīṃ na miravitī | utpatti praḷayo || 496 ||

पद 497

pāṭhīṃ praḷayāciye veḷe | utpatti sthiti māvaḷe | heṃ kāyasenahī na ḍhaḷe | anādi aiseṃ || 497 ||

पद 498

mhaṇauni āji taṃva bhareṃ bhogeṃ | sthiti vartijata āhe jageṃ | etha grasisī tūṃ heṃ na lage | mājhyā jīvīṃ || 498 ||

पद 499

taṃva saṃketeṃ deva bole | agā yā donhī sainyāṃsīci maraṇa puraleṃ | teṃ pratyakṣaci tuja dāvileṃ | yera yathākāḷeṃ jāṇa || 499 ||

पद 500

hā saṃketu jaṃva anaṃtā | veḷu lāgalā bolatāṃ | taṃva arjuneṃ loku māgutā | dekhilā yathāsthiti || 500 ||

पद 501

maga mhaṇatase devā | tūṃ sūtrīṃ viśvalāghavā | jaga ālā mā āghavā | pūrvasthiti puḍhatī || 501 ||

पद 502

parī paḍiliyā duḥkhasāgarīṃ | tūṃ kāḍhisī kāṃ jayāparī | te kīrti tujhī śrīharī | āṭhavita ase || 502 ||

पद 503

kīrti āṭhavitāṃ veḷoveḷāṃ | bhogitaseṃ mahāsukhācā sohaḷā | tetha harṣāmṛtakalloḷā | varī loḷata āheṃ || 503 ||

पद 504

devā jiyālepaṇeṃ jaga | dharī tujhyā ṭhāyīṃ anurāga | āṇi duṣṭāṃ tayāṃ bhaṃga | adhikādhika || 504 ||

पद 505

paiṃ tribhuvanīṃciyā rākṣasāṃ | mahābhaya tūṃ hṛṣīkeśā | mhaṇauni paḷatātī dāhī diśāṃ | pailīkaḍe || 505 ||

पद 506

yetha sura nara siddha kinnara | kiṃbahunā carācara | te tuja dekhoni harṣanirbhara | namaskārita asatī || 506 ||

पद 507

एथ गा कवणा कारणा । राक्षस हे नारायणा । न लगतीचि चरणा । पळते जाहले ॥ ५०७ ॥

etha gā kavaṇā kāraṇā | rākṣasa he nārāyaṇā | na lagatīci caraṇā | paḷate jāhale || 507 ||

पद 508

āṇi heṃ kāya tūṃteṃ pusāveṃ | yetuleṃ āmhāṃsihī jāṇave | tarī sūryodayīṃ rāhāveṃ | kaiseni tameṃ ? || 508 ||

पद 509

jī tūṃ prakāśācā āgaru | āṇi jāhalā āmhāsi gocarū | mhaṇauniyā niśācarāṃ keru | phiṭalā sahajeṃ || 509 ||

पद 510

heṃ yetule divasa āmhāṃ | kāṃhīṃ neṇaveci śrīrāmā | ātāṃ dekhatasoṃ mahimā | gaṃbhīra tujhā || 510 ||

पद 511

jethūni nānā sṛṣṭīṃciyā voḷī | pasaratī bhūtagrāmāciyā velī | tayā mahadbrahmāteṃ vyālī | daivikī icchā || 511 ||

पद 512

devo niḥsīma tattva sadoditu | devo niḥsīma guṇa anaṃtu | devo niḥsīma sāmya satatu | nareṃdra devāṃcā || 512 ||

पद 513

jī tūṃ trijagatiye volāvā | akṣara tūṃ sadāśivā | tūṃci sadasat devā | tayāhī atīta teṃ tūṃ || 513 ||

पद 514

tūṃ prakṛtipuruṣāṃciyā ādī | jī mahattatvāṃ tūṃci avadhī | svayeṃ tūṃ anādi | purātanu || 514 ||

पद 515

tūṃ sakaḷa viśvajīvana | jīvāṃsi tūṃci nidhāna | bhūtabhaviṣyāceṃ jñāna | tujhyāci hātīṃ || 515 ||

पद 516

jī śrutīciyāṃ locanāṃ | svarūpasukha tūṃci abhinnā | tribhuvanāciyā āyatanā | āyatana tūṃ || 516 ||

पद 517

mhaṇauni jī parama | tūṃteṃ mhaṇije mahādhāma | kalpāṃtīṃ mahadbrahma | tujamājīṃ rige || 517 ||

पद 518

kiṃbahunā tuvāṃ deveṃ | viśva vistārileṃ āhe āghaveṃ | tari anaṃtarūpā vānāveṃ | kavaṇeṃ tūṃteṃ || 518 ||

पद 519

jī kāya eka tūṃ navhasī | kavaṇe ṭhāyīṃ nasasī | heṃ aso jaisā āhāsī | taisiyā namo || 519 ||

पद 520

वायु तूं अनंता । यम तूं नियमिता । प्राणिगणीं वसता । अग्नि तो तूं ॥ ५२० ॥

vāyu tūṃ anaṃtā | yama tūṃ niyamitā | prāṇigaṇīṃ vasatā | agni to tūṃ || 520 ||

पद 521

वरुण तूं सोम । स्रष्टा तूं ब्रह्म । पितामहाचाही परम । आदि जनक तूं ॥ ५२१ ॥

varuṇa tūṃ soma | sraṣṭā tūṃ brahma | pitāmahācāhī parama | ādi janaka tūṃ || 521 ||

पद 522

āṇikahī jeṃ jeṃ kāṃhīṃ | rūpa āthi athavā nāhīṃ | tayā namo tuja taisayāhī | jagannāthā || 522 ||

पद 523

aiseṃ sānurāgeṃ citteṃ | namana keleṃ paṃḍusuteṃ | maga puḍhatī mhaṇe namaste | namaste prabho || 523 ||

पद 524

pāṭhīṃ tiye sādyaṃte | nyāhāḷī śrīmūrtīteṃ | āṇi puḍhatī mhaṇe namaste | namaste prabho || 524 ||

पद 525

pāhatāṃ pāhatāṃ prāṃteṃ | samādhāna pāve citteṃ | āṇi puḍhatī mhaṇe namaste | namaste prabho || 525 ||

पद 526

iye carācarīṃ jīṃ bhūteṃ | sarvatra dekhe tayāṃteṃ | āṇi puḍhatī mhaṇe namaste | namaste prabho || 526 ||

पद 527

aisīṃ rūpeṃ tiyeṃ adbhuteṃ | āścaryeṃ sphuratī anaṃteṃ | taṃva taṃva namaste | namasteci mhaṇe || 527 ||

पद 528

āṇika stutihī nāṭhave | āṇi nivāṃtuhī na baisave | neṇeṃ kaisā premabhāveṃ | gājoṃci lāge || 528 ||

पद 529

kiṃbahunā iyāparī | namana keleṃ sahasravarī | kīṃ puḍhatī mhaṇe śrīharī | tuja sanmukhā namo || 529 ||

पद 530

devāsi pāṭhī poṭa āthi kīṃ nāhīṃ | yeṇeṃ upayogu āmhāṃ kāī | tari tuja pāṭhimoreyāhī | namo svāmī || 530 ||

पद 531

ubhā mājhiye pāṭhīsīṃ | mhaṇauni pāṭhīmoreṃ mhaṇāveṃ tumhāṃsī | sanmukha vinmukha jageṃsīṃ | na ghaḍeṃ tuja || 531 ||

पद 532

ātāṃ vegaḷāliyā avayavāṃ | neṇeṃ rūpa karūṃ devā | mhaṇauni namo tuja sarvā | sarvātmakā || 532 ||

पद 533

जी अनंतबळसंभ्रमा । तुज नमो अमित विक्रमा । सकळकाळीं समा । सर्वरूपा ॥ ५३३ ॥

jī anaṃtabaḷasaṃbhramā | tuja namo amita vikramā | sakaḷakāḷīṃ samā | sarvarūpā || 533 ||

पद 534

āghaviyā ākāśīṃ jaiseṃ | avakāśaci hoūni ākāśa ase | tūṃ sarvapaṇeṃ taiseṃ | pātalāsi sarva || 534 ||

पद 535

kiṃbahunā kevaḷa | sarva heṃ tūṃci nikhiḷa | parī kṣīrārṇavīṃ kalloḷa | payāce jaise || 535 ||

पद 536

mhaṇauniyā devā | tūṃ vegaḷā navhasī sarvāṃ | heṃ āleṃ maja sadbhāvā | ātāṃ tūṃci sarva || 536 ||

पद 537

pari aisiyā tūteṃ svāmī | kahīṃca neṇoṃ jī āmhī | mhaṇauni soyare saṃbaṃdhadharmīṃ | rāhāṭaloṃ tujasīṃ || 537 ||

पद 538

ahā thora vāura jāhaleṃ | amṛteṃ saṃmārjana myāṃ keleṃ | vārikeṃ gheūni didhaleṃ | kāmadhenūteṃ || 538 ||

पद 539

parisācā khaḍavāci joḍalā | kīṃ phoḍoni āmhī gāḍorā ghātalā | kalpatarū toḍoni kelā | kūṃpa śetā || 539 ||

पद 540

ciṃtāmaṇīcī khāṇī lāgalī | teṇeṃ kareṃ voḍhāḷeṃ volhāṃḍilī | taisī tujhī javaḷika dhāḍilī | sāṃgātīpaṇeṃ || 540 ||

पद 541

heṃ ājiceṃci pāheṃ pāṃ rokaḍeṃ | kavaṇa jhuṃja heṃ kevaḍheṃ | etha parabrahma tūṃ ughaḍeṃ | sārathī kelāsī || 541 ||

पद 542

yayā kauravāṃciyā gharā | śiṣṭāī dhāḍilāsi dātārā | aisā vaṇijesāṭhīṃ jāgeśvarā | vikalāsi āmhīṃ || 542 ||

पद 543

tūṃ yogiyāṃceṃ samādhisukha | kaisā jāṇecinā mī mūrkha | uparodhu jī sanmukha | tujasīṃ karūṃ || 543 ||

पद 544

tūṃ yā viśvācī anādi ādī | baisasī jiye sabhāsadīṃ | tetheṃ soyarīkīciyā saṃbaṃdhīṃ | raḷīṃ boloṃ || 544 ||

पद 545

vipāyeṃ rāuḷā yevoṃ | tari tujheni aṃgeṃ mānu pāvoṃ | na mānisī tarī jāvoṃ | rusoni salagī || 545 ||

पद 546

pāyāṃ lāgoni bujhāvaṇī | tujhyā ṭhāyīṃ śāraṅgapāṇī | pāhije aiśī karaṇī | bahu kelī āmhīṃ || 546 ||

पद 547

sajaṇapaṇāciyā vāṭā | tujapuḍheṃ baiseṃ upharāṭā | hā pāḍu kāya vaikuṃṭhā ? | pari cukaloṃ āmhīṃ || 547 ||

पद 548

deveṃsi kolakāṭhī dharūṃ | ākhāḍā jhoṃbīloṃbī karūṃ | sārī kheḷatāṃ āviṣkarūṃ | nikareṃhī bhāṃḍoṃ || 548 ||

पद 549

cāṃga teṃ urāurīṃ māgoṃ | devāsi kīṃ buddhi sāṃgoṃ | tevīṃci mhaṇoṃ kāya lāgoṃ | tujheṃ āmhī || 549 ||

पद 550

aisā aparādhu hā āhe | jo tribhuvanīṃ na samāye | jī neṇatāṃci kīṃ pāye | śivatile tujhe || 550 ||

पद 551

devo bonayācyā avasarīṃ | lobheṃ kīra āṭhavaṇa karī | parī mājhā nisuga garva avadhārīṃ | je phugūnaci baiseṃ || 551 ||

पद 552

devāciyā bhogāyatanīṃ | kheḷatāṃ āśaṃkenā manīṃ | jī rigoniyāṃ śayanīṃ | sarisā pahuḍeṃ || 552 ||

पद 553

'kṛṣṇa mhaṇauni hākārije | yādavapaṇeṃ tūṃteṃ lekhije | āpalī āṇa ghālije | jātāṃ tuja || 553 ||

पद 554

maja ekāsanīṃ baisaṇeṃ | kāṃ tujhā bolu na mānaṇeṃ | heṃ votaṭīceni dāṭapaṇeṃ | bahuta ghaḍaleṃ || 554 ||

पद 555

mhaṇauni kāya kāya ātāṃ | nivedijela anaṃtā | mī rāśi āheṃ samastāṃ | aparādhāṃci || 555 ||

पद 556

yālāgīṃ puḍhāṃ athavā pāṭhīṃ | jiyeṃ rāhaṭaloṃ bahuveṃ vokhaṭīṃ | tiyeṃ māyeciyā parī poṭīṃ | sāmāvīṃ prabho || 556 ||

पद 557

jī koṇhī eke veḷe | saritā gheūna yetī khaḍuḷeṃ | tiyeṃ sāmāvijeti siṃdhujaḷeṃ | āna upāyo nāhīṃ || 557 ||

पद 558

taisī prītī kāṃ pramādeṃ | deveṃsīṃ maja viruddheṃ | bolavilīṃ tiyeṃ mukuṃdeṃ | upasāhāvīṃ jī || 558 ||

पद 559

āṇi devāceni kṣamatveṃ kṣamā | ādhāru jālī āhe yā bhūtagrāmā | mhaṇauni jī puruṣottamā | vinavūṃ teṃ thoḍeṃ || 559 ||

पद 560

tarī ātāṃ aprameyā | maja śaraṇāgatā āpuliyā | kṣamā kījo jī yayā | aparādhāṃsi || 560 ||

पद 561

jī jāṇitaleṃ miyāṃ sāceṃ | mahimāna ātāṃ devāceṃ | je devo hoya carācarāceṃ | janmasthāna || 561 ||

पद 562

hariharādi samastāṃ | devā tūṃ parama devatā | vedāṃteṃhī paḍhavitā | ādiguru tūṃ || 562 ||

पद 563

गंभीर तूं श्रीरामा । नाना भूतैकसमा । सकळगुणीं अप्रतिमा । अद्वितीया ॥ ५६३ ॥

gaṃbhīra tūṃ śrīrāmā | nānā bhūtaikasamā | sakaḷaguṇīṃ apratimā | advitīyā || 563 ||

पद 564

tujasī nāhīṃ sariseṃ | heṃ pratipādanaci kāyaseṃ ? | tuvāṃ jāleni ākāśeṃ | sāmāvileṃ jaga || 564 ||

पद 565

tayā tujheni pāḍeṃ dujeṃ | aiseṃ bolatāṃci lājije | tetha adhikācī kīje | goṭhī kevīṃ || 565 ||

पद 566

mhaṇauni tribhuvanīṃ tūṃ eku | tujasarikhā nā adhiku | tujhā mahimā alaukiku | neṇije vānūṃ || 566 ||

पद 567

aiseṃ arjuneṃ mhaṇitaleṃ | maga puḍhatī daṃḍavata ghātaleṃ | tetheṃ sāttvikāceṃ āleṃ | bharateṃ tayā || 567 ||

पद 568

maga mhaṇatase prasīda prasīda | vācā hotase sadgada | kāḍhī jī aparādha- | samudrauni māteṃ || 568 ||

पद 569

tuja viśvasuhṛdāteṃ kahīṃ | soyarepaṇeṃ na manūṃci pāhīṃ | tuja viīśveśvarāciyā ṭhāyīṃ | aiśvarya keleṃ || 569 ||

पद 570

tūṃ varṇanīya parī lobheṃ | māteṃ varṇisī pāṃ sabhe | tari miyāṃ valgije kṣobheṃ | adhikādhika || 570 ||

पद 571

ātāṃ aisiyā aparādhāṃ | maryādā nāhīṃ mukuṃdā | mhaṇauni rakṣa rakṣa pramādā | pāsoniyāṃ || 571 ||

पद 572

jī heṃci vinavāvayālāgīṃ | kaiṃcī yogyatā mājhiyā āṃgīṃ | parī apatya jaiseṃ salagī | bāpeṃsīṃ bole || 572 ||

पद 573

putrāce aparādha | jarī jāhale agādha | tarī pitā sāhe nirdvaṃdva | taiseṃ sāhijo jī || 573 ||

पद 574

सख्याचें उद्धत । सखा साहे निवांत । तैसें तुवां समस्त । साहिजो जी ॥ ५७४ ॥

sakhyāceṃ uddhata | sakhā sāhe nivāṃta | taiseṃ tuvāṃ samasta | sāhijo jī || 574 ||

पद 575

priyāciyā ṭhāyīṃ sanmāna | priya na pāheṃ sarvathā jāṇa | tevīṃ ucchiṣṭa kāḍhileṃ āpaṇa | te kṣamā kījo jī || 575 ||

पद 576

nātarī prāṇāceṃ soyareṃ bheṭe | maga jīveṃ bhūtalīṃ jiyeṃ saṃkaṭeṃ | tiyeṃ niveditāṃ na vāṭe | saṃkocu kāṃhīṃ || 576 ||

पद 577

kāṃ ukhiteṃ āṃgeṃ jīveṃ | āpaṇapeṃ didhaleṃ jiyā manobhāveṃ | tiyā kāṃtu minaliyā na rāhaveṃ | hṛdaya jevīṃ || 577 ||

पद 578

tayāparī jī miyāṃ | heṃ vinavileṃ tumateṃ gosāviyā | āṇi kāṃhīṃ eka mhaṇāvayā | kāraṇa ase || 578 ||

पद 579

tarī deveṃsīṃ salagī kelī | je viśvarūpācī āḷī ghetalī | te māyabāpeṃ puravilī | snehāḷāceni || 579 ||

पद 580

suratarūṃcī jhāḍeṃ | āṃgaṇīṃ lāvāvīṃ koḍeṃ | deyāveṃ kāmadhenuceṃ pāḍeṃ | kheḷāvayā || 580 ||

पद 581

miyāṃ nakṣatrīṃ ḍāva pāḍāvā | caṃdra ceṃḍuvālāgīṃ āṇāvā | hā chaṃdu siddhī nelā āghavā | māuliye tuvāṃ || 581 ||

पद 582

jiyā amṛtaleśālāgīṃ sāyāsa | tayācā pāūsa kelā cārī māsa | pṛthvī vāhūna cāsecāsa | ciṃtāmaṇī perile || 582 ||

पद 583

aisā kṛtakṛtya kelā svāmī | bahuve laḷā pāḷilā tumhīṃ | dāvileṃ jeṃ harabrahmīṃ | nāyakije kānīṃ || 583 ||

पद 584

mā dekhāvayācī keutī goṭhī | jayācī upaniṣadāṃ nāhīṃ bheṭī | te jivhārīṃcī gāṃṭhī | majalāgīṃ soḍilī || 584 ||

पद 585

jī kalpādīlāgoni | ājicī ghaḍī dharunī | mājhīṃ jetulīṃ haunī | gelīṃ janmeṃ || 585 ||

पद 586

tayāṃ āghaviyāṃci āṃtu | gharaḍoḷī gheūni aseṃ pāhatu | pari hī dekhilī aikilī mātu | ātuḍecinā || 586 ||

पद 587

buddhīceṃ jāṇaṇeṃ | kahīṃ na vaceci yāceni āṃgaṇeṃ | he sādahī aṃtaḥkaraṇeṃ | karavecinā || 587 ||

पद 588

tethā ḍoḷyāṃ dekhī hoāvī | hī goṭhīci kāyasayā karāvī | kiṃbahunā pūrvīṃ | dṛṣṭa nā śruta || 588 ||

पद 589

teṃ heṃ viśvarūpa āpuleṃ | tumhīṃ maja ḍoḷāṃ dāvileṃ | tarī mājheṃ mana jhāleṃ | hṛṣṭa devā || 589 ||

पद 590

pari ātāṃ aisī cāḍa jīvīṃ | je tujasīṃ goṭhī karāvī | javaḷīka he bhogāvī | āliṃgāvāsī || 590 ||

पद 591

te yāci rūpīṃ karūṃ mhaṇije | tari koṇe eke mukheṃsī cāvaḷije | āṇi kavaṇā kheṃva deīje | tuja lekha nāhīṃ || 591 ||

पद 592

mhaṇauni vāriyāsaveṃ dhāvaṇeṃ | na ṭhake gaganā kheṃva deṇeṃ | jaḷakelī kheḷaṇeṃ | samudrīṃ keuteṃ ? || 592 ||

पद 593

yālāgīṃ jī devā | ethiṃceṃ bhaya upajatase jīvā | mhaṇauni yetulā laḷā pāḷāvā | je pure heṃ ātāṃ || 593 ||

पद 594

paiṃ carācara vinodeṃ pāhije | maga teṇeṃ sukheṃ gharīṃ rāhije | taiseṃ caturbhuja rūpa tujheṃ | to visāṃvā āmhāṃ || 594 ||

पद 595

āmhīṃ yogajāta abhyāsāveṃ | teṇeṃ yāci anubhavā yāveṃ | śāstrāṃteṃ āloḍāveṃ | pari siddhāṃtu to hāci || 595 ||

पद 596

āmhīṃ yajaneṃ kijatī sakaḷeṃ | pari tiyeṃ phaḷāvīṃ yeṇeṃci phaḷeṃ | tīrtheṃ hotu sakaḷeṃ | yācilāgīṃ || 596 ||

पद 597

āṇīkahī kāṃhīṃ jeṃ jeṃ | dāna puṇya āmhīṃ kīje | tayā phaḷīṃ phaḷa tujheṃ | caturbhuja rūpa || 597 ||

पद 598

aisī tethiṃcī jīvā āvaḍī | mhaṇauni teṃci dekhāvayā lavaḍasavaḍī | vartata ase te sāṃkaḍī | pheḍīje vegīṃ || 598 ||

पद 599

agā jīvīṃceṃ jāṇateyā | sakaḷa viśvavasaviteyā | prasanna hoīṃ pūjitayā | devāṃciyā devā || 599 ||

पद 600

kaiseṃ nīlotpalāteṃ rāṃvita | ākāśāhī raṃgu lāvita | tejācī voja dāvita | iṃdranīḷā || 600 ||

पद 601

jaisā parimaḷa jāhalā maragajā | kāṃ ānaṃdāsi nighāliyā bhujā | jyāce jānuvarī makaradhvajā | joḍalī barava || 601 ||

पद 602

mastakīṃ mukuṭāteṃ ṭhevileṃ | kīṃ mukuṭā mukuṭa mastaka jhāleṃ | śṛṃgārā leṇeṃ lādhaleṃ | āṃgāceni jayā || 602 ||

पद 603

iṃdradhanuṣyāciye āḍaṇī | mājīṃ megha gaganaraṃgaṇīṃ | taiseṃ āvarileṃ śāraṅgapāṇī | vaijayaṃtiyā || 603 ||

पद 604

ātāṃ kavaṇī te udāra gadā | asurāṃ deta kaivalya padā | kaiseṃ cakra hana goviṃdā | saumyatejeṃ mirave || 604 ||

पद 605

kiṃbahunā svāmī | teṃ dekhāvayā utkaṃṭhita pāṃ mī | mhaṇauni ātāṃ tumhīṃ | taisayā hoāveṃ || 605 ||

पद 606

he viśvarūpāce sohaḷe | bhogūni nivāle jī ḍoḷe | ātāṃ hotāti āṃdhale | kṛṣṇamūrtīlāgīṃ || 606 ||

पद 607

teṃ sākāra kṛṣṇarūpaḍeṃ | vāṃcūni pāhoṃ nāvaḍe | teṃ na dekhatāṃ thoḍeṃ | mānitātī he || 607 ||

पद 608

āmhāṃ bhogamokṣāciyā ṭhāyīṃ | śrīmūrtīvāṃcūni nāhīṃ | mhaṇauni taisāci sākāru hoīṃ | heṃ sāṃvarīṃ ātāṃ || 608 ||

पद 609

yā arjunāciyā bolā | viśvarūpā vismayo jāhalā | mhaṇe aisā nāhīṃ dekhilā | dhasāḷa koṇī || 609 ||

पद 610

koṇa he vastu pāvalā āhāsī | tayā lābhācā toṣu na ghesī | mā bheṇeṃ kāya neṇoṃ bolasī | hekāḍu aisā || 610 ||

पद 611

āmhīṃ sāviyāci jaiṃ prasanna hoṇeṃ | taiṃ āṃgacivarī mhaṇeṃ deṇeṃ | vāṃconi jīva ase veṃcaṇeṃ | kavaṇāsi gā || 611 ||

पद 612

teṃ heṃ tujhiye cāḍe | āji jivāceṃci daḷavāḍeṃ | kāmaūniyāṃ yevaḍheṃ | racileṃ dhyāna || 612 ||

पद 613

aisī kāya neṇoṃ tujhiye āvaḍī | jāhalī prasannatā āmucī veḍī | mhaṇauni gaupyācīhī guḍhī | ubhavilī jagīṃ || 613 ||

पद 614

teṃ heṃ apārāṃ apāra | svarūpa mājheṃ parātpara | ethūni te avatāra | kṛṣṇādika || 614 ||

पद 615

हें ज्ञानतेजाचें निखिळ । विश्वात्मक केवळ । अनंत हे अढळ । आद्य सकळां ॥ ६१५ ॥

heṃ jñānatejāceṃ nikhiḷa | viśvātmaka kevaḷa | anaṃta he aḍhaḷa | ādya sakaḷāṃ || 615 ||

पद 616

heṃ tujavāṃconi arjunā | pūrvīṃ śruta dṛṣṭa nāhīṃ ānā | je jogeṃ navhe sādhanā | mhaṇauniyāṃ || 616 ||

पद 617

yācī soya pātale | āṇi vedīṃ maunaci ghetaleṃ | yājñikī māghaute āle | svargauniyāṃ || 617 ||

पद 618

sādhakīṃ dekhilā āyāsu | mhaṇauni vāḷilā yogābhyāsu | āṇi adhyayaneṃ saurasu | nāhīṃ etha || 618 ||

पद 619

sīgecīṃ satkarme | dhāvinnalīṃ saṃbhrameṃ | tihīṃ bahutekīṃ śrameṃ | satyaloku ṭhākilā || 619 ||

पद 620

tapīṃ aiśvarya dekhileṃ | āṇi ugrapaṇa ubhayāṃci sāṃḍileṃ | eka tapasādhana jeṃ ṭheleṃ | apārāṃtareṃ || 620 ||

पद 621

teṃ heṃ tuvāṃ anāyāseṃ | viśvarūpa dekhileṃ jaiseṃ | iye manuṣyalokīṃ taiseṃ | na phaveci kavaṇā || 621 ||

पद 622

āji dhyānasaṃpattīlāgīṃ | tūṃci eku āthilā jagīṃ | heṃ parama bhāgya āṃgīṃ | viraṃcīhī nāhīṃ || 622 ||

पद 623

mhaṇauni viśvarūpalābheṃ ślāgha | ethiceṃ bhaya negha negha | heṃ vāṃcūni anya cāṃga | na manīṃ kāṃhīṃ || 623 ||

पद 624

hāṃ gā samudra amṛtācā bharalā | āṇi avasāṃta varapaḍā jāhalā | maga koṇīhī āthi vosaṃḍilā | buḍijaila mhaṇauni ? || 624 ||

पद 625

nātarī sonayācā ḍoṃgaru | yesaṇā na cale hā thoru | aiseṃ mhaṇauni avheru | karaṇeṃ ghaḍe ? || 625 ||

पद 626

daiveṃ ciṃtāmaṇī leīje | kīṃ heṃ ojheṃ mhaṇauni sāṃḍije ? | kāmadhenu davaḍije | na posave mhaṇauni ? || 626 ||

पद 627

caṃdramā āliyā gharā | mhaṇije nige karitosi ubārā | paḍisāyi pāḍitosi dinakarā | paratā sara || 627 ||

पद 628

taiseṃ aiśvarya heṃ mahāteja | āji hātāṃ āleṃ āhe sahaja | kīṃ etha tuja gajabaja | hoāvī kāṃ ? || 628 ||

पद 629

pari neṇasīca gāṃvaḍhiyā | kāya kopoṃ ātāṃ dhanaṃjayā | āṃga sāṃḍoni chāyā | āliṃgitosi mā ? || 629 ||

पद 630

heṃ navhe jo mī sāceṃ | etha mana karūniyāṃ kāceṃ | prema dharisī avagaṇiyeceṃ | caturbhuja jeṃ || 630 ||

पद 631

tari ajhunivarī pārthā | sāṃḍīṃ sāṃḍīṃ he vyavasthā | iyeviṣayīṃ āsthā | karisī jhaṇeṃ || 631 ||

पद 632

हें रूप जरी घोर । विकृति आणि थोर । तरी कृतनिश्चयाचें घर । हेंचि करीं ॥ ६३२ ॥

heṃ rūpa jarī ghora | vikṛti āṇi thora | tarī kṛtaniścayāceṃ ghara | heṃci karīṃ || 632 ||

पद 633

kṛpaṇa cittavṛtti jaisī | roṃvoni ghālīṃ ṭhevayāpāsīṃ | maga nusadheni deheṃsīṃ | āpaṇa ase || 633 ||

पद 634

kāṃ ajātapakṣiyā javaḷā | jīva baisavūni avisāḷāṃ | pakṣiṇī aṃtarāḷā- | mājīṃ jāya || 634 ||

पद 635

nānā gāya care ḍoṃgarīṃ | pari citta bāṃdhileṃ vatseṃ gharīṃ | prema ethiṃceṃ karīṃ | sthānapatī || 635 ||

पद 636

yereṃ varicileni citteṃ | bāhya sakhya sukhāpurateṃ | bhogijo kāṃ śrīmūrtīṃteṃ | caturbhuja || 636 ||

पद 637

pari puḍhatapuḍhatī pāṃḍavā | hā eka bolu na visarāvā | je iye rūpīṃhūni sadbhāvā | nedāveṃ nighoṃ || 637 ||

पद 638

heṃ kahīṃ navhateṃci dekhileṃ | mhaṇauni bhaya jeṃ tuja upajaleṃ | teṃ sāṃḍīṃ etha saṃcaleṃ | asoṃ de prema || 638 ||

पद 639

ātāṃ karūṃ tujayāsārakheṃ | aiseṃ mhaṇitaleṃ viśvatomukheṃ | tari māgīla rūpa sukheṃ | nyāhāḷīṃ pāṃ tūṃ || 639 ||

पद 640

aiseṃ vākya bolatakheṃvo | māgutā manuṣya jāhalā devo | heṃ nā pari navalāvo | āvaḍīcā tiye || 640 ||

पद 641

śrīkṛṣṇaci kaivalya ughaḍeṃ | vari sarvasva viśvarūpāyevaḍheṃ | hātīṃ didhaleṃ kīṃ nāvaḍe | arjunāsi || 641 ||

पद 642

vastu gheūni vāḷije | jaiseṃ ratnāsi dūṣaṇa ṭhevije | nātarī kanyā pāhūniyāṃ mhaṇije | manā na ye he || 642 ||

पद 643

tayā viśvarūpāyevaḍhī daśā | karitāṃ prītīcā vāḍhū kaisā | sela dīdhalīse upadeśā | kirīṭīsiṃ deveṃ || 643 ||

पद 644

moḍoni bhāṃgārācā ravā | leṇeṃ ghaḍileṃ āpaliyā savā | maga nāvaḍe jarī jīvā | tarī āṭije puḍhatī || 644 ||

पद 645

taiseṃ śiṣyāciye prītī jāhaleṃ | kṛṣṇatva hoteṃ teṃ viśvarūpa keleṃ | teṃ manā nayeci maga āṇileṃ | kṛṣṇapaṇa māguteṃ || 645 ||

पद 646

hā ṭhāvavarī śiṣyācī nikasī | sahāteṃ guru āhātī kavaṇe deśīṃ ? | pari neṇije āvaḍī kaiśī | saṃjayo mhaṇe || 646 ||

पद 647

maga viśvarūpa vyāpuni bhoṃvateṃ | jeṃ divya teja pragaṭaleṃ hoteṃ | teṃci sāmāvaleṃ māguteṃ | kṛṣṇarūpīṃ taye || 647 ||

पद 648

jaiseṃ tvaṃpada heṃ āghaveṃ | tatpadīṃ sāmāve | athavā drumākāru sāṃṭhave | bījakaṇike jevīṃ || 648 ||

पद 649

nātarī svapnasaṃbhramu jaisā | giḷī ceilī jīvadaśā | śrīkṛṣṇeṃ yogu hā taisā | saṃhārilā to || 649 ||

पद 650

jaisī prabhā hārapalī biṃbīṃ | kīṃ jaḷadasaṃpattī nabhīṃ | nānā bharateṃ siṃdhugarbhīṃ | rigāleṃ rāyā || 650 ||

पद 651

ho kāṃ je kṛṣṇākṛtīciye moḍī | hotī viśvarūpapaṭācī ghaḍī | te arjunāciye āvaḍī | ukalūni dāvilī || 651 ||

पद 652

taṃva parimāṇā raṃgu | teṇeṃ dekhileṃ sāviyā cāṃgu | tetha grāhakīye navheci lāgu | mhaṇauni ghaḍī kelī puḍhatī || 652 ||

पद 653

taiseṃ vāḍhīceni bahuvasapaṇeṃ | rūpeṃ viśva jiṃtileṃ jeṇeṃ | teṃ saumya koḍisavāṇeṃ | sākāra jāhaleṃ || 653 ||

पद 654

kiṃbahunā anaṃteṃ | dharileṃ dhākuṭapaṇa māguteṃ | pari āśvāsileṃ pārthāteṃ | bihāliyāsī || 654 ||

पद 655

jo svapnīṃ svargā gelā | to avasāṃta jaisā ceilā | taisā vismayo jāhalā | kirīṭīsī || 655 ||

पद 656

nātarī gurukṛpesaveṃ | vosaraleyā prapaṃcajñāna āghaveṃ | sphure tattva tevīṃ pāṃḍaveṃ | śrīmūrti dekhilī || 656 ||

पद 657

tayā pāṃḍavā aiseṃ cittīṃ | āḍa viśvarūpācī javanikā hotī | te phiṭoni gelī parautī | heṃ bhaleṃ jāhaleṃ || 657 ||

पद 658

kāya kāḷāteṃ jiṇoni ālā | kīṃ mahāvātu māgāṃ sāṃḍilā | āpuliyā bāhī utaralā | sātahī siṃdhu || 658 ||

पद 659

aisā saṃtoṣa bahu citteṃ | gheijata ase paṃḍusuteṃ | viśvarūpāpāṭhīṃ kṛṣṇāteṃ | dekhoniyāṃ || 659 ||

पद 660

maga sūryāciyā astamānīṃ | māgutī tārā ugavatī gaganīṃ | taisī dekhoṃ lāgalā avanīṃ | lokāṃsahita || 660 ||

पद 661

pāhe taṃva teṃci kurukṣetra | taiseṃci dekhe dohīṃ bhāgīṃ gotra | vīra varṣatātī śastrāstra | saṃghāṭavarī || 661 ||

पद 662

tayā bāṇāṃciyā māṃḍavāāṃtu | taisāci rathu dekhe nivāṃtu | dhure baisalā lakṣmīkāṃtu | āpaṇa taḷīṃ || 662 ||

पद 663

evaṃ māgīla jaiseṃ taiseṃ | teṇeṃ dekhileṃ vīravilāseṃ | maga mhaṇe jiyāloṃ aiseṃ | jāhaleṃ ātāṃ || 663 ||

पद 664

buddhīteṃ sāṃḍoni jñāna | bheṇeṃ vaḷaghaleṃ rāna | ahaṃkāreṃsī mana | deśodhaḍī jāhaleṃ || 664 ||

पद 665

iṃdriyeṃ pravṛttī bhulalīṃ | vācā prāṇā cukalī | aiseṃ āpāṃparī hotī jālī | śarīragrāmīṃ || 665 ||

पद 666

tiyeṃ āghavīṃci māgutīṃ | jivaṃta bheṭalīṃ prakṛtī | ātāṃ jitāṇeṃ śrīmūrtī | jāhaleṃ miyāṃ || 666 ||

पद 667

aiseṃ sukha jīvīṃ ghetaleṃ | maga śrīkṛṣṇāteṃ mhaṇitaleṃ | miyāṃ tumaceṃ rūpa dekhileṃ | mānuṣa heṃ || 667 ||

पद 668

heṃ rūpa dākhavaṇeṃ devarāyā | kīṃ maja apatyā cukaliyā | bujhāvoni tuvāṃ māyā | stanapāna didhaleṃ || 668 ||

पद 669

jī viśvarūpāciyā sāgarīṃ | hotoṃ taraṃga mavita vāṃvevarī | to iye nijamūrtīcyā tīrīṃ | nigāloṃ ātāṃ || 669 ||

पद 670

āikeṃ dvārakāpurasuhāḍā | maja sukatiyā jī jhāḍā | he bheṭī navhe bahuḍā | meghācā kelā || 670 ||

पद 671

jī sāviyācī tṛṣā phuṭalā | tayā maja amṛtasiṃdhu hā bheṭalā | ātāṃ jiṇayācā jāhalā | bharaṃvasā maja || 671 ||

पद 672

mājhiyā hṛdayaraṃgaṇīṃ | hotāhe harikhalatāṃcī lāvaṇī | sukheṃsīṃ bujhāvaṇī | jāhalī maja || 672 ||

पद 673

yayā pārthāciyā bolāsaveṃ | heṃ kāya mhaṇitaleṃ deveṃ | tuvāṃ prema ṭhevūni yāveṃ | viśvarūpīṃ kīṃ || 673 ||

पद 674

maga iye śrīmūrtī | bheṭāveṃ saḍiyā āyatī | te śikavaṇa subhadrāpatī | visaralāsi mā || 674 ||

पद 675

agā āṃdhaḷiyā arjunā | hātā āliyā merūhī hoya sānā | aisā āthī manā | cukīcā bhāvo || 675 ||

पद 676

tarī viśvātmaka rūpaḍeṃ | jeṃ dāvileṃ āmhī tujapuḍheṃ | teṃ śaṃbhūhī pari na joḍe | tapeṃ karitāṃ || 676 ||

पद 677

āṇi aṣṭāṃgādisaṃkaṭīṃ | yogī śiṇatāti kirīṭī | pari avasaru nāhīṃ bheṭī | jayāciye || 677 ||

पद 678

teṃ viśvarūpa ekāde veḷa | kaiseni dekhoṃ aḷumāḷa | aiseṃ smaratāṃ kāḷa | jātase devāṃ || 678 ||

पद 679

आशेचिये अंजुळी । ठेऊनि हृदयाचिया निडळीं । चातक निराळीं । लागले जैसे ॥ ६७९ ॥

āśeciye aṃjuḷī | ṭheūni hṛdayāciyā niḍaḷīṃ | cātaka nirāḷīṃ | lāgale jaise || 679 ||

पद 680

तैसे उत्कंठा निर्भर । होऊनियां सुरवर । घोकीत आठही पाहार । भेटी जयाची ॥ ६८० ॥

taise utkaṃṭhā nirbhara | hoūniyāṃ suravara | ghokīta āṭhahī pāhāra | bheṭī jayācī || 680 ||

पद 681

pari viśvarūpāsārikheṃ | svapnīṃhī koṇhī na dekhe | teṃ pratyakṣa tuvāṃ sukheṃ | dekhileṃ heṃ || 681 ||

पद 682

पैं उपायांसि वाटा । न वाहती एथ सुभटा । साहीसहित वोहटा । वाहिला वेदीं ॥ ६८२ ॥

paiṃ upāyāṃsi vāṭā | na vāhatī etha subhaṭā | sāhīsahita vohaṭā | vāhilā vedīṃ || 682 ||

पद 683

maja viśvarūpāciyā moharā | cālāvayā dhanurdharā | tapāṃciyāhī saṃbhārā | navheci lāgu || 683 ||

पद 684

āṇi dānādi kīra kānaḍeṃ | mī yajñīṃhī taisā na sāṃpaḍeṃ | jaiseni kāṃ suravāḍeṃ | dekhilā tuvāṃ || 684 ||

पद 685

taisā mī ekīci pari | āṃtuḍeṃ gā avadhārīṃ | jarī bhakti yeūni varī | cittāteṃ gā || 685 ||

पद 686

pari teci bhakti aisī | parjanyācī suṭikā jaisī | dharāvāṃcūni anārisī | gatīci neṇeṃ || 686 ||

पद 687

kāṃ sakaḷa jaḷasaṃpattī | gheūni samudrāteṃ giṃvasitī | gaṃgā jaisī ananyagatī | miḷālīci miḷe || 687 ||

पद 688

taiseṃ sarvabhāvasaṃbhāreṃ | na dharata prema ekasareṃ | majamājīṃ saṃcare | mīci hoūni || 688 ||

पद 689

āṇi tevīṃci mī aisā | thaḍiye mājhārīṃ sarisā | kṣīrābdhi kāṃ jaisā | kṣīrācāci || 689 ||

पद 690

taiseṃ majalāguni muṃgīvarī | kiṃbahunā carācarīṃ | bhajanāsi kāṃ dusarī | parīci nāhīṃ || 690 ||

पद 691

tayāci kṣaṇāsaveṃ | evaṃvidha mī jāṇaveṃ | jāṇitalā tarī svabhāveṃ | dṛṣṭahī hoya || 691 ||

पद 692

maga iṃdhanīṃ agni uddīpeṃ | āṇi iṃdhana heṃ bhāṣa hārape | teṃ agnici hoūni āropeṃ | mūrta jevīṃ || 692 ||

पद 693

kāṃ udaya na kīje tejākāreṃ | taṃva gaganaci hoūni ase āṃdhāreṃ | maga udaīliyā ekasareṃ | prakāśu hoya || 693 ||

पद 694

taiseṃ mājhiye sākṣātkārīṃ | sare ahaṃkārācī vārī | ahaṃkāralopīṃ avadhārīṃ | dvaita jāya || 694 ||

पद 695

maga mī to heṃ āghaveṃ | eka mīci āthī svabhāveṃ | kiṃbahunā sāmāve | samaraseṃ to || 695 ||

पद 696

jo majaci ekālāgīṃ | karmeṃ vāhātase āṃgīṃ | jayā mīvāṃconi jagīṃ | gomaṭeṃ nāhīṃ || 696 ||

पद 697

dṛṣṭādṛṣṭa sakaḷa | jayāceṃ mīci kevaḷa | jeṇeṃ jiṇayāceṃ phaḷa | majaci nāma ṭhevileṃ || 697 ||

पद 698

maga bhūteṃ he bhāṣa visaralā | je diṭhī mīci āheṃ sūdalā | mhaṇauni nirvaira jāhalā | sarvatra bhaje || 698 ||

पद 699

aisā jo bhaktu hoye | tayāceṃ tridhātuka heṃ jaiṃ jāye | taiṃ mīci hauni ṭhāyeṃ | pāṃḍavā gā || 699 ||

पद 700

aiseṃ jagadudaradoṃdileṃ | teṇeṃ karuṇārasarasāḷeṃ | saṃjayo mhaṇe bolileṃ | śrīkṛṣṇadeveṃ || 700 ||

पद 701

yayāvarī to paṃḍukumaru | jāhalā ānaṃdasaṃpadā thoru | āṇi kṛṣṇacaraṇacaturu | eka to jagīṃ || 701 ||

पद 702

teṇeṃ devāciyā donahī mūrtī | nikiyā nyāhāḷiliyā cittīṃ | taṃva viśvarūpāhūni kṛṣṇākṛtīṃ | dekhilā lābhu || 702 ||

पद 703

pari tayāciye jāṇive | mānu na kījeci deveṃ | jeṃ vyāpakāhūni navhe | ekadeśī || 703 ||

पद 704

हेंचि समर्थावयालागीं । एक दोन चांगी । उपपत्ती शारङ्गी । दाविता जाहला ॥ ७०४ ॥

heṃci samarthāvayālāgīṃ | eka dona cāṃgī | upapattī śāraṅgī | dāvitā jāhalā || 704 ||

पद 705

tiyā aikoni subhadrākāṃtu | cittīṃ āhe mhaṇatu | tari hoya baraveṃ donhīṃ āṃtu | teṃ puḍhatī pusoṃ || 705 ||

पद 706

aisā ālocu karūni jīvīṃ | ātāṃ pusatī voja baravī | ādarīla te parisāvī | puḍheṃ kathā || 706 ||

पद 707

prāṃjaḷa oṃvīprabaṃdheṃ | goṣṭī sāṃgijela vinodeṃ | teṃ parisā ānaṃdeṃ | jñānadevo mhaṇe || 707 ||

पद 708

bharoni sadbhāvācī aṃjuḷī | miyāṃ voṃviyāphuleṃ mokaḷīṃ | arpilīṃ aṃghriyugulīṃ | viśvarūpācyā || 708 ||

इति श्रीज्ञानदेवविरचितायां भावार्थदीपिकायां एकादशोऽध्यायः ॥

iti śrījñānadevaviracitāyāṃ bhāvārthadīpikāyāṃ ekādaśo'dhyāyaḥ ||

गीता श्लोक

गीता श्लोक पद 1

arjuna uvāca | madanugrahāya paramaṃ guhyamadhyātmasaṃjñitam | yatvayoktaṃ vacastena moho'yaṃ vigato mama || 1||

गीता श्लोक पद 2

त्वत्तः कमलपत्राक्ष माहात्म्यमपि चाव्ययम् ॥ २॥

tvattaḥ kamalapatrākṣa māhātmyamapi cāvyayam || 2||

गीता श्लोक पद 3

evametadyathā''ttha tvamātmānaṃ parameśvara | draṣṭumicchāmi te rūpamaiśvaraṃ puruṣottama || 3||

गीता श्लोक पद 4

manyase yadi tacchakyaṃ mayā draṣṭumiti prabho | yogeśvara tato me tvaṃ darśayā'tmānamavyayam || 4||

गीता श्लोक पद 5

śrībhagavānuvāca | paśya me pārtha rūpāṇi śataśo'tha sahasraśaḥ | nānāvidhāni divyāni nānāvarṇākṛtīni ca || 5||

गीता श्लोक पद 6

paśyādityānvasūnrudrān aśvinau marutastathā | bahūnyadṛṣṭapūrvāṇi paśyāścaryāṇi bhārata || 6||

गीता श्लोक पद 7

ihaikasthaṃ jagatkṛtsnaṃ paśyādya sacarācaram | mama dehe guḍākeśa yaccānyaddṛṣṭumicchasi || 7||

गीता श्लोक पद 8

na tu māṃ śakyase draṣṭumanenaiva svacakṣuṣā | divyaṃ dadāmi te cakṣuḥ paśya me yogamaiśvaram || 8||

गीता श्लोक पद 9

saṃjaya uvāca | evamuktvā tato rājan mahāyogeśvaro hariḥ | darśayāmāsa pārthāya paramaṃ rūpamaiśvaram || 9||

गीता श्लोक पद 10

anekavaktranayanamanekādbhutadarśanam | anekadivyābharaṇaṃ divyānekodyatāyudham || 10||

गीता श्लोक पद 11

divyamālyāmbaradharaṃ divyagandhānulepanam | sarvāścaryamayaṃ devamanantaṃ viśvatomukham || 11||

गीता श्लोक पद 12

divi sūrya sahasrasya bhavedyugapadutthitā | yadi bhāḥ sadṛśī sā syādbhāsastasya mahātmanaḥ || 12||

गीता श्लोक पद 13

tatraikasthaṃ jagatkṛtsnam pravibhaktamanekadhā || apaśyaddevadevasya śarīre pāṃḍavastadā || 13||

गीता श्लोक पद 14

tataḥ sa vismayāviṣṭo hṛṣṭaromā dhanaṃjayaḥ | praṇamya śirasā devaṃ kṛtājhjalirabhāṣata || 14||

गीता श्लोक पद 15

arjuna uvāca | paśyāmi devāṃstava deva dehe sarvāṃstathā bhūtaviśeṣasaṃghān || brahmāṇamīśaṃ kamalāsanastha mṛṣīṃścasarvānuragāṃśca divyān || 15||

गीता श्लोक पद 16

anekabāhūdaravaktranetraṃ paśyāmi tvāṃ sarvato'naṃtarūpam | nāntaṃ na madhyaṃ na punastavādiṃ paśyāmi viśveśvara viśvarūpam || 16||

गीता श्लोक पद 17

kirīṭinaṃ gadinaṃ cakriṇaṃ ca tejorāśiṃ sarvato dīptimantam | paśyāmi tvāṃ durnirīkṣyaṃ samantāddīptānalārkadyutimaprameyam || 17||

गीता श्लोक पद 18

tvamakṣaraṃ paramaṃ veditavyaṃ tvamasya viśvasya paraṃ nidhānam | tvamavyayaḥ śāśvatadharmagoptā sanātanastvaṃ puruṣo mato me || 18||

गीता श्लोक पद 19

anādimadhyāntamanantavīryaṃ anantabāhuṃ śaśisūryanetram | paśyāmi tvāṃ dīptahutāśavaktraṃ svatejasā viśvamidaṃ tapantam || 19||

गीता श्लोक पद 20

dyāvāpṛthivyoridamantaraṃ hi vyāptaṃ tvayaikena diśaśca sarvāḥ | dṛṣṭvā'dbhutaṃ rūpamugraṃ tavedaṃ lokatrayaṃ pravyathitaṃ mahātman || 20||

गीता श्लोक पद 21

amī hi tvāṃ surasaṃghā viśanti kecidbhītāḥ prāñjalayo gṛṇanti | svastītyuktvā maharṣisiddhasaṅghāḥ stuvanti tvāṃ sutibhiḥ puṣkalābhiḥ || 21||

गीता श्लोक पद 22

rudrādityā vasavo ye ca sādhyā viśve'śvinau marutaścośmapāśca | gandharvayakṣāsurasiddhasaṅghā vīkṣante tvāṃ vismitāścaiva sarve || 22||

गीता श्लोक पद 23

rūpaṃ mahatte bahuvaktranetraṃ mahābāho bahubāhūrupādam | bahūdaraṃ bahudaṃṣṭrākarālaṃ dṛṣṭvā lokāḥ pravyathitāstathā'ham || 23||

गीता श्लोक पद 24

nabhaḥspṛśaṃ dīptamanekavarṇaṃ vyāttānanaṃ dīptaviśālanetram | dṛṣṭvā hi tvāṃ pravyathitāntarātmā dhṛtiṃ na vindāmi śamaṃ ca viṣṇo || 24||

गीता श्लोक पद 25

daṃṣṭrākarālāni ca te mukhāni dṛṣṭvaiva kālānalasannibhāni | diśo na jāne na labhe ca śarma prasīda deveśa jagannivāsa || 25||

गीता श्लोक पद 26

amī ca tvāṃ dhṛtarāṣṭrasya putrāḥ sarve sahaivāvanipālasaṅghaiḥ | bhīṣmo droṇaḥ sūtaputrastathā'sau sahāsmadīyairapi yodhamukhyaiḥ || 26||

गीता श्लोक पद 27

vaktrāṇi te tvaramāṇā viśanti daṃṣṭrākarālāni bhayānakāni | kecidvilagnā daśanāntareṣu saṃdṛśyante cūrṇitairuttamāṅgaiḥ || 27||

गीता श्लोक पद 28

yathā nadīnām bahavo'mbuvegāḥ samudramevābhimukhā dravanti | tathā tavāmī naralokavīrā viśanti vaktrāṇyabhivijvalanti || 28||

गीता श्लोक पद 29

yathā pradīptaṃ jvalanaṃ pataṅgā viśanti nāśāya samṛddhavegāḥ | tathaiva nāśāya viśanti lokā stavāpi vaktrāṇi samṛddhavegāḥ || 29||

गीता श्लोक पद 30

lelihyase grasamānaḥ samantāllokānsamagrānvadanairjvadbhiḥ | tejobhirāpūrya jagatsamagraṃ bhāsastavogrāḥ pratapanti viṣṇo || 30||

गीता श्लोक पद 31

ākhyāhi me ko bhavānugrarūpo namo'stu te devavara prasīda | vijñātumicchāmibhavantamādyaṃ na hi prajānāmi tava pravṛttim || 31||

गीता श्लोक पद 32

śrībhagavānuvāca | kālo'smi lokakṣayakṛtpravṛddho lokān samāhartumiha pravṛttaḥ || ṛte'pi tvāṃ na bhaviṣyanti sarve ye'vasthitāḥ pratyanīkeṣu yodhāḥ || 32||

गीता श्लोक पद 33

tasmāttvamuttiṣṭha yaśo labhasva jitvā śatrūnbhuṃkṣva rājyaṃ samṛddham | mayaivaite nihatāḥ pūrvameva nimittamātraṃ bhava savyasācin || 33||

गीता श्लोक पद 34

droṇaṃ ca bhīṣmaṃ ca jayadrathaṃ ca karṇāṃ tathānyānapi yodhavīrān | mayā hatāṃstvaṃ jahi mā vyathiṣṭhā yudhyasva jetāsi raṇe sapatnān || 34||

गीता श्लोक पद 35

saṃjaya uvāca | etacchrutvā vacanaṃ keśavasya kṛtāñjalirvepamānaḥ kirīṭī || namaskṛtvā bhūya evāha kṛṣṇaṃ sagadgadaṃ bhītabhītaḥ praṇamya || 35||

गीता श्लोक पद 36

arjuna uvāca | sthāne hṛṣīkeśa tava prakīrtyā jagatprahṛṣyatyanurajyate ca || rakṣāṃsi bhītāni diśo dravanti sarve namasyanti ca siddhasaṃghāḥ || 36||

गीता श्लोक पद 37

kasmācca te na nameranmahātman garīyase brahmaṇo'pyādikartre | ananta deveśa jagannivāsa tvamakṣaraṃ sadasattatparaṃ yat || 37||

गीता श्लोक पद 38

tvamādidevaḥ puruṣaḥ purāṇastvamasya viśvasya paraṃ nidhānam | vettāsi vedyaṃ ca paraṃ ca dhāma tvayā tataṃ viśvamanantarūpa || 38||

गीता श्लोक पद 39

vāyuryamognirvaruṇaḥ śaśāṅkaḥ prajāpatistvaṃ prapitāmahaśca | namo namaste'stusahasrakṛtvaḥ punaśca bhūyo'pi namo namaste || 39||

गीता श्लोक पद 40

namaḥ purastādatha pṛṣṭhataste namo'stu te sarvata eva sarva | anantavīryāmitavikramastvaṃ sarvaṃ samāpnoṣi tato'si sarvaḥ || 40||

गीता श्लोक पद 41

sakheti matvā prasabhaṃ yaduktaṃ he kṛṣṇa he yādava he sakheti | ajānatā mahimānaṃ tavedaṃ mayā pramādātpraṇayena vāpi || 41||

गीता श्लोक पद 42

yaccāvahāsārthamasatkṛto'si vihāraśayyāsanabhojaneṣu | eko'thavāpyacyuta tatsamakṣaṃ tatkṣāmaye tvāmahamaprameyam || 42||

गीता श्लोक पद 43

pitāsi lokasya carācarasya tvamasya pūjyaśca gururgarīyān | na tvatsamo'styabhyadhikaḥ kuto'nyo lokatraye'pyapratimaprabhāvaḥ || 43||

गीता श्लोक पद 44

tasmāt praṇamya praṇidhāya kāyaṃ prasādaye tvāmahamīśamīḍyam | piteva putrasya sakheva sakhyuḥ priyaḥ priyāyāऱsi deva soḍhum || 44||

गीता श्लोक पद 45

adṛṣṭapūrvaṃ hṛṣito'smi dṛṣṭvā bhayena ca pravyathitaṃ mano me | tadeva me darśaya deva rūpaṃ prasīda deveśa jagannivāsa || 45||

गीता श्लोक पद 46

kirīṭinaṃ gadinaṃ cakrahastamicchāmi tvāṃ draṣṭumahaṃ tathaiva | tenaiva rūpeṇa caturbhujena sahasrabāho bhava viśvamūrte || 46||

गीता श्लोक पद 47

śrībhagavānuvāca | mayā prasannena tavārjunedaṃ rūpaṃ paraṃ darśitamātmayogāt | tejomayaṃ viśvamanantamādyaṃ yanme tvadanyena na dṛṣṭapūrvam || 47||

गीता श्लोक पद 48

na vedayajñādhyayanairna dānairna ca kriyābhirna tapobhirugraiḥ | evaṃ rūpaḥ śakya ahaṃ nṛloke draṣṭuṃ tvadanyena kurupravīra || 48||

गीता श्लोक पद 49

mā te vyathā mā ca vimūḍhabhāvo dṛṣṭvā rūpaṃ ghoramīdṛṅmamedam | vyapetabhīḥ prītamanāḥ punastvaṃ tadeva me rūpamidaṃ prapaśya || 49||

गीता श्लोक पद 50

saṃjaya uvāca | ityarjunaṃ vāsudevastathoktvā svakaṃ rūpaṃ darśayāmāsa bhūyaḥ || āśvāsayāmāsa ca bhītamenaṃ bhūtvā punaḥ saumyavapurmahātmā || 50||

गीता श्लोक पद 51

arjuna uvāca | dṛṣṭvedaṃ mānuṣaṃ rūpaṃ tava saumyaṃ janārdana | idānīmasmi saṃvṛttaḥ sacetāḥ prakṛutiṃ gataḥ || 51||

गीता श्लोक पद 52

śrībhagavānuvāca | sududarśamidaṃ rūpaṃ dṛṣṭavānasi yanmama | devā apyasya rūpasya nityaṃ darśakāṅkṣiṇaḥ || 52||

गीता श्लोक पद 53

nāhaṃ vedairna tapasā na dānena na cejyayā | śakyaṃ evaṃvidho draṣṭuṃ dṛṣṭavānasi māṃ yathā || 53||

गीता श्लोक पद 54

bhaktyā tvananyayā śakya ahamevaṃvidho'rjuna | jñātuṃ draṣṭuṃ ca tattvena praveṣṭuṃ ca paraṃtapa || 54||

गीता श्लोक पद 55

matkarmakṛnmatparamo madbhaktaḥ saṃgavarjitaḥ || nirvairaḥ sarvabhūteṣu yaḥ sa māmeti pāṇḍava || 55||

गीता श्लोक पद 11

oṃ iti śrīmadbhagvadgītāsūpaniṣatsu brahmavidyāyāṃ yogaśāstre śrīkṛṣṇārjunasaṃvāde viśvarūpadarśanayogonāma ekādaśo'dhyāyaḥ || 11 ||

या पाठाविषयी

परिचय

ज्ञानेश्वरीचा अध्याय अकरावा — भगवद्गीतेच्या विश्वरूपदर्शनयोग या अध्यायावरील संत ज्ञानेश्वरांचे ओवीबद्ध भाष्य. या अध्यायात 711 ओव्या आहेत. मूळ गीतेचे श्लोक ज्या क्रमाने ज्ञानेश्वरीत येतात, त्याच क्रमाने येथे दिले आहेत.

॥ ज्ञानेश्वर माउली ज्ञानराज माउली तुकाराम ॥

संदर्भ 1

ज्ञानेश्वरी/अध्याय अकरावा — mr.wikisource.org
मराठी विकिस्रोत आवृत्ती (revid 210771); ओवीक्रम पडताळून घेतला आहे.

परवाना: CC BY-SA 4.0 — Text adapted from Wikimedia projects, licensed CC BY-SA 4.0. Adaptations must be shared alike.

अर्थ वेद पथ संपादकीय संघाने संकलित व संपादित केले आहेत, आणि साहित्याचे टप्प्याटप्प्याने पुनरावलोकन सुरू आहे.

ज्ञानेश्वरी — अध्याय अकरावा

या पाठाविषयी

परिचय

संदर्भ 1

चूक कळवा

संबंधित रचना 4

ज्ञानेश्वरी — अध्याय पहिला

ज्ञानेश्वरी — अध्याय दहावा

ज्ञानेश्वरी — अध्याय बारावा

ज्ञानेश्वरी — अध्याय तेरावा

आणखी पाहा 22

आरती

श्री कृष्ण आरती — आरती कुंजबिहारी की

चालीसा

कृष्ण चालीसा

भजन

छुप छुप आये श्याम ले के ग्वाल बाल

दर्शन दो घनश्याम नाथ मेरी अखियाँ प्यासी

गोकुल में बजत बधाई

हरि सुन्दर नन्द मुकुन्द

कवच

श्रीगोपालकवचम्

अष्टोत्तर शतनामावली

कृष्ण अष्टोत्तर शतनामावली

व्रतकथा

गोवर्धन (अन्नकूट) कथा

गोवत्स द्वादशी (बछ बारस) व्रत कथा

श्री कृष्ण जन्माष्टमी व्रत कथा

राधाष्टमी व्रत कथा

देवी-देवता

कृष्ण

सण

होळी

जन्माष्टमी