Sri Rudram Namakam

Text

View

प्रथमोऽनुवाकः

ॐ नमो भगवते॑ रुद्रा॒य ॥ नम॑स्ते रुद्र म॒न्यव॑ उ॒तोत॒ इष॑वे॒ नमः॑ । नम॑स्ते अस्तु॒ धन्व॑ने बा॒हुभ्या॑मु॒त ते॒ नमः॑ ॥

oṃ namo bhagavate rudrāya || namaste rudra manyava utota iṣave namaḥ | namaste astu dhanvane bāhubhyāmuta te namaḥ ||

या त॒ इषुः॑ शि॒वत॑मा शि॒वं ब॒भूव॑ ते॒ धनुः॑ । शि॒वा श॑र॒व्या॑ या तव॒ तया॑ नो रुद्र मृडय ।

yā ta iṣuḥ śivatamā śivaṃ babhūva te dhanuḥ | śivā śaravyā yā tava tayā no rudra mṛḍaya |

या ते॑ रुद्र शि॒वा त॒नूरघो॒राऽपा॑पकाशिनी । तया॑ नस्त॒नुवा॒ शंत॑मया॒ गिरि॑शंता॒भिचा॑कशीहि ॥

yā te rudra śivā tanūraghorā'pāpakāśinī | tayā nastanuvā śaṃtamayā giriśaṃtābhicākaśīhi ||

यामिषुं॑ गिरिशंत॒ हस्ते॒ बिभ॒र्ष्यस्त॑वे । शि॒वां गि॑रित्र॒ तां कु॑रु॒ मा हिग्ं॑सीः॒ पुरु॑षं॒ जग॑त्॥

yāmiṣuṃ giriśaṃta haste bibharṣyastave | śivāṃ giritra tāṃ kuru mā higṃsīḥ puruṣaṃ jagat||

शि॒वेन॒ वच॑सा त्वा॒ गिरि॒शाच्छा॑ वदामसि । यथा॑ नः॒ सर्व॒मिज्जग॑दय॒क्ष्मग्ं सु॒मना॒ अस॑त् ॥

śivena vacasā tvā giriśācchā vadāmasi | yathā naḥ sarvamijjagadayakṣmagṃ sumanā asat ||

अध्य॑वोचदधिव॒क्ता प्र॑थ॒मो दैव्यो॑ भि॒षक् । अहीग्॑श्च॒ सर्वां᳚जं॒भय॒न्-थ्सर्वा᳚श्च यातुधा॒न्यः॑ ॥

adhyavocadadhivaktā prathamo daivyo bhiṣak | ahīgśca sarvāṃjaṃbhayan-thsarvāśca yātudhānyaḥ ||

अ॒सौ यस्ता॒म्रो अ॑रु॒ण उ॒त ब॒भ्रुस्सु॑मं॒गलः॑ । ये चे॒माग्ं रु॒द्रा अ॒भितो॑ दि॒क्षु श्रि॒ताः स॑हस्र॒शोऽवै॑षा॒ग्ं॒ हेड॑ ईमहे ॥

asau yastāmro aruṇa uta babhrussumaṃgalaḥ | ye cemāgṃ rudrā abhito dikṣu śritāḥ sahasraśo'vaiṣāgṃ heḍa īmahe ||

अ॒सौ यो॑ऽव॒सर्प॑ति॒ नील॑ग्रीवो॒ विलो॑हितः । उ॒तैनं॑ गो॒पा अ॑दृश॒न्नदृ॑शन्नुदहा॒र्यः॑ । उ॒तैनं॒-विँश्वा॑ भू॒तानि॒ स दृ॒ष्टो मृ॑डयाति नः ॥

asau yo'vasarpati nīlagrīvo vilohitaḥ | utainaṃ gopā adṛśannadṛśannudahāryaḥ | utainaṃ-vim̐śvā bhūtāni sa dṛṣṭo mṛḍayāti naḥ ||

नमो॑ अस्तु॒ नील॑ग्रीवाय सहस्रा॒क्षाय॑ मी॒ढुषे᳚ । अथो॒ ये अ॑स्य॒ सत्त्वा॑नो॒ऽहं तेभ्यो॑ऽकर॒न्नमः॑ ॥

namo astu nīlagrīvāya sahasrākṣāya mīḍhuṣe | atho ye asya sattvāno'haṃ tebhyo'karannamaḥ ||

प्रमुं॑च॒ धन्व॑न॒स्त्वमु॒भयो॒रार्त्नि॑ यो॒र्ज्याम् । याश्च॑ ते॒ हस्त॒ इष॑वः॒ परा॒ ता भ॑गवो वप ॥

pramuṃca dhanvanastvamubhayorārtni yorjyām | yāśca te hasta iṣavaḥ parā tā bhagavo vapa ||

अ॒व॒तत्य॒ धनु॒स्त्वग्ं सह॑स्राक्ष॒ शते॑षुधे । नि॒शीर्य॑ श॒ल्यानां॒ मुखा॑ शि॒वो नः॑ सु॒मना॑ भव ॥

avatatya dhanustvagṃ sahasrākṣa śateṣudhe | niśīrya śalyānāṃ mukhā śivo naḥ sumanā bhava ||

विज्यं॒ धनुः॑ कप॒र्दिनो॒ विश॑ल्यो॒ बाण॑वाग्ं उ॒त । अने॑शन्न॒स्येष॑व आ॒भुर॑स्य निषं॒गथिः॑ ॥

vijyaṃ dhanuḥ kapardino viśalyo bāṇavāgṃ uta | aneśannasyeṣava ābhurasya niṣaṃgathiḥ ||

या ते॑ हे॒तिर्मी॑ढुष्टम॒ हस्ते॑ ब॒भूव॑ ते॒ धनुः॑ । तया॒ऽस्मान्, वि॒श्वत॒स्त्वम॑य॒क्ष्मया॒ परि॑ब्भुज ॥

yā te hetirmīḍhuṣṭama haste babhūva te dhanuḥ | tayā'smān, viśvatastvamayakṣmayā paribbhuja ||

नम॑स्ते अ॒स्त्वायु॑धा॒याना॑तताय धृ॒ष्णवे᳚ । उ॒भाभ्या॑मु॒त ते॒ नमो॑ बा॒हुभ्यां॒ तव॒ धन्व॑ने ॥

namaste astvāyudhāyānātatāya dhṛṣṇave | ubhābhyāmuta te namo bāhubhyāṃ tava dhanvane ||

परि॑ ते॒ धन्व॑नो हे॒तिर॒स्मान् वृ॑णक्तु वि॒श्वतः॑ । अथो॒ य इ॑षु॒धिस्तवा॒रे अ॒स्मन्निधे॑हि॒ तम् ॥ 1 ॥

pari te dhanvano hetirasmān vṛṇaktu viśvataḥ | atho ya iṣudhistavāre asmannidhehi tam || 1 ||

श्री शंभ॑वे॒ नमः॑ ॥ नम॑स्ते अस्तु भगवन्-विश्वेश्व॒राय॑ महादे॒वाय॑ त्र्यंब॒काय॑ त्रिपुरांत॒काय॑ त्रिकाग्निका॒लाय॑ कालाग्निरु॒द्राय॑ नीलकं॒ठाय॑ मृत्युंज॒याय॑ सर्वेश्व॒राय॑ सदाशि॒वाय॑ [शंक॒राय॑] श्रीमन्-महादे॒वाय॒ नमः॑ ।

śrī śaṃbhave namaḥ || namaste astu bhagavan-viśveśvarāya mahādevāya tryaṃbakāya tripurāṃtakāya trikāgnikālāya kālāgnirudrāya nīlakaṃṭhāya mṛtyuṃjayāya sarveśvarāya sadāśivāya [śaṃkarāya] śrīman-mahādevāya namaḥ |

द्वितीयोऽनुवाकः

नमो॒ हिर॑ण्य बाहवे सेना॒न्ये॑ दि॒शां च॒ पत॑ये॒ नमो॒

namo hiraṇya bāhave senānye diśāṃ ca pataye namo

नमो॑ वृ॒क्षेभ्यो॒ हरि॑केशेभ्यः पशू॒नां पत॑ये॒ नमो॒

namo vṛkṣebhyo harikeśebhyaḥ paśūnāṃ pataye namo

नमः॑ स॒स्पिंज॑राय॒ त्विषी॑मते पथी॒नां पत॑ये॒ नमो॒

namaḥ saspiṃjarāya tviṣīmate pathīnāṃ pataye namo

नमो॑ बभ्लु॒शाय॑ विव्या॒धिनेऽन्ना॑नां॒ पत॑ये॒ नमो॒

namo babhluśāya vivyādhine'nnānāṃ pataye namo

नमो॒ हरि॑केशायोपवी॒तिने॑ पु॒ष्टानां॒ पत॑ये॒ नमो॒

namo harikeśāyopavītine puṣṭānāṃ pataye namo

नमो॑ भ॒वस्य॑ हे॒त्यै जग॑तां॒ पत॑ये॒ नमो॒

namo bhavasya hetyai jagatāṃ pataye namo

नमो॑ रु॒द्राया॑तता॒विने॒ क्षेत्रा॑णां॒ पत॑ये॒ नमो॒

namo rudrāyātatāvine kṣetrāṇāṃ pataye namo

नम॑स्सू॒तायाहं॑त्याय॒ वना॑नां॒ पत॑ये॒ नमो॒

namassūtāyāhaṃtyāya vanānāṃ pataye namo

नमो॒ रोहि॑ताय स्थ॒पत॑ये वृ॒क्षाणां॒ पत॑ये॒ नमो॒

namo rohitāya sthapataye vṛkṣāṇāṃ pataye namo

नमो॑ मं॒त्रिणे॑ वाणि॒जाय॒ कक्षा॑णां॒ पत॑ये॒ नमो॒

namo maṃtriṇe vāṇijāya kakṣāṇāṃ pataye namo

नमो॑ भुवं॒तये॑ वारिवस्कृ॒ता-यौष॑धीनां॒ पत॑ये॒ नमो॒

namo bhuvaṃtaye vārivaskṛtā-yauṣadhīnāṃ pataye namo

नम॑ उ॒च्चैर्घो॑षायाक्रं॒दय॑ते पत्ती॒नां पत॑ये॒ नमो॒

nama uccairghoṣāyākraṃdayate pattīnāṃ pataye namo

नमः॑ कृत्स्नवी॒ताय॒ धाव॑ते॒ सत्त्व॑नां॒ पत॑ये॒ नमः॑ ॥ 2 ॥

namaḥ kṛtsnavītāya dhāvate sattvanāṃ pataye namaḥ || 2 ||

तृतीयोऽनुवाकः

नमः॒ सह॑मानाय निव्या॒धिन॑ आव्या॒धिनी॑नां॒ पत॑ये॒ नमो॒

namaḥ sahamānāya nivyādhina āvyādhinīnāṃ pataye namo

नमः॑ ककु॒भाय॑ निषं॒गिणे᳚ स्ते॒नानां॒ पत॑ये॒ नमो॒

namaḥ kakubhāya niṣaṃgiṇe stenānāṃ pataye namo

नमो॑ निषं॒गिण॑ इषुधि॒मते॒ तस्क॑राणां॒ पत॑ये॒ नमो॒

namo niṣaṃgiṇa iṣudhimate taskarāṇāṃ pataye namo

नमो॒ वंच॑ते परि॒वंच॑ते स्तायू॒नां पत॑ये॒ नमो॒

namo vaṃcate parivaṃcate stāyūnāṃ pataye namo

नमो॑ निचे॒रवे॑ परिच॒रायार॑ण्यानां॒ पत॑ये॒ नमो॒

namo nicerave paricarāyāraṇyānāṃ pataye namo

नमः॑ सृका॒विभ्यो॒ जिघाग्ं॑सद्भ्यो मुष्ण॒तां पत॑ये॒ नमो॒

namaḥ sṛkāvibhyo jighāgṃsadbhyo muṣṇatāṃ pataye namo

नमो॑ऽसि॒मद्भ्यो॒ नक्तं॒चर॑द्भ्यः प्रकृं॒तानां॒ पत॑ये॒ नमो॒

namo'simadbhyo naktaṃcaradbhyaḥ prakṛṃtānāṃ pataye namo

नम॑ उष्णी॒षिणे॑ गिरिच॒राय॑ कुलुं॒चानां॒ पत॑ये॒ नमो॒

nama uṣṇīṣiṇe giricarāya kuluṃcānāṃ pataye namo

नम॒ इषु॑मद्भ्यो धन्वा॒विभ्य॑श्च वो॒ नमो॒

nama iṣumadbhyo dhanvāvibhyaśca vo namo

नम॑ आतन्-वा॒नेभ्यः॑ प्रति॒दधा॑नेभ्यश्च वो॒ नमो॒

nama ātan-vānebhyaḥ pratidadhānebhyaśca vo namo

नम॑ आ॒यच्छ॑द्भ्यो विसृ॒जद्भ्य॑श्च वो॒ नमो॒

nama āyacchadbhyo visṛjadbhyaśca vo namo

नमोऽस्य॑द्भ्यो॒ विध्य॑द्भ्यश्च वो॒ नमो॒

namo'syadbhyo vidhyadbhyaśca vo namo

नम॒ आसी॑नेभ्यः॒ शया॑नेभ्यश्च वो॒ नमो॒

nama āsīnebhyaḥ śayānebhyaśca vo namo

नमः॑ स्व॒पद्भ्यो॒ जाग्र॑द्भ्यश्च वो॒ नमो॒

namaḥ svapadbhyo jāgradbhyaśca vo namo

नम॒स्तिष्ठ॑द्भ्यो॒ धाव॑द्भ्यश्च वो॒ नमो॒

namastiṣṭhadbhyo dhāvadbhyaśca vo namo

नमः॑ स॒भाभ्यः॑ स॒भाप॑तिभ्यश्च वो॒ नमो॒

namaḥ sabhābhyaḥ sabhāpatibhyaśca vo namo

नमो॒ अश्वे॒भ्योऽश्व॑पतिभ्यश्च वो॒ नमः॑ ॥ 3 ॥

namo aśvebhyo'śvapatibhyaśca vo namaḥ || 3 ||

चतुर्थोऽनुवाकः

नम॑ आव्या॒धिनी᳚भ्यो वि॒विध्यं॑तीभ्यश्च वो॒ नमो॒

nama āvyādhinībhyo vividhyaṃtībhyaśca vo namo

नम॒ उग॑णाभ्यस्तृग्ं-ह॒तीभ्य॑श्च वो॒ नमो॒

nama ugaṇābhyastṛgṃ-hatībhyaśca vo namo

नमो॑ गृ॒त्सेभ्यो॑ गृ॒त्सप॑तिभ्यश्च वो॒ नमो॒

namo gṛtsebhyo gṛtsapatibhyaśca vo namo

नमो॒ व्राते᳚भ्यो॒ व्रात॑पतिभ्यश्च वो॒ नमो॒

namo vrātebhyo vrātapatibhyaśca vo namo

नमो॑ ग॒णेभ्यो॑ ग॒णप॑तिभ्यश्च वो॒ नमो॒

namo gaṇebhyo gaṇapatibhyaśca vo namo

नमो॒ विरू॑पेभ्यो वि॒श्वरू॑पेभ्यश्च वो॒ नमो॒

namo virūpebhyo viśvarūpebhyaśca vo namo

नमो॑ मह॒द्भ्यः॑, क्षुल्ल॒केभ्य॑श्च वो॒ नमो॒

namo mahadbhyaḥ, kṣullakebhyaśca vo namo

नमो॑ र॒थिभ्यो॑ऽर॒थेभ्य॑श्च वो॒ नमो॒

namo rathibhyo'rathebhyaśca vo namo

नमो॒ रथे᳚भ्यो॒ रथ॑पतिभ्यश्च वो॒ नमो॒

namo rathebhyo rathapatibhyaśca vo namo

नमः॒ सेना᳚भ्यः सेना॒निभ्य॑श्च वो॒ नमो॒

namaḥ senābhyaḥ senānibhyaśca vo namo

नमः॑, क्ष॒त्तृभ्यः॑ संग्रही॒तृभ्य॑श्च वो॒ नमो॒

namaḥ, kṣattṛbhyaḥ saṃgrahītṛbhyaśca vo namo

नम॒स्तक्ष॑भ्यो रथका॒रेभ्य॑श्च वो॒ नमो॒

namastakṣabhyo rathakārebhyaśca vo namo

नमः॒ कुला॑लेभ्यः क॒र्मारे᳚भ्यश्च वो॒ नमो॒

namaḥ kulālebhyaḥ karmārebhyaśca vo namo

नमः॑ पुं॒जिष्टे᳚भ्यो निषा॒देभ्य॑श्च वो॒ नमो॒

namaḥ puṃjiṣṭebhyo niṣādebhyaśca vo namo

नम॑ इषु॒कृद्भ्यो॑ धन्व॒कृद्भ्य॑श्च वो॒ नमो॒

nama iṣukṛdbhyo dhanvakṛdbhyaśca vo namo

नमो॑ मृग॒युभ्यः॑ श्व॒निभ्य॑श्च वो॒ नमो॒

namo mṛgayubhyaḥ śvanibhyaśca vo namo

नम॒-श्श्वभ्य॒-श्श्वप॑तिभ्यश्च वो॒ नमः॑ ॥ 4 ॥

nama-śśvabhya-śśvapatibhyaśca vo namaḥ || 4 ||

पञ्चमोऽनुवाकः

नमो॑ भ॒वाय॑ च रु॒द्राय॑ च॒

namo bhavāya ca rudrāya ca

नमः॑ श॒र्वाय॑ च पशु॒पत॑ये च॒

namaḥ śarvāya ca paśupataye ca

नमो॒ नील॑ग्रीवाय च शिति॒कंठा॑य च॒

namo nīlagrīvāya ca śitikaṃṭhāya ca

नमः॑ कप॒र्दिने॑ च॒ व्यु॑प्तकेशाय च॒

namaḥ kapardine ca vyuptakeśāya ca

नमः॑ सहस्रा॒क्षाय॑ च श॒तध॑न्वने च॒

namaḥ sahasrākṣāya ca śatadhanvane ca

नमो॑ गिरि॒शाय॑ च शिपिवि॒ष्टाय॑ च॒

namo giriśāya ca śipiviṣṭāya ca

नमो॑ मी॒ढुष्ट॑माय॒ चेषु॑मते च॒

namo mīḍhuṣṭamāya ceṣumate ca

नमो᳚ ह्र॒स्वाय॑ च वाम॒नाय॑ च॒

namo hrasvāya ca vāmanāya ca

नमो॑ बृह॒ते च॒ वर्षी॑यसे च॒

namo bṛhate ca varṣīyase ca

नमो॑ वृ॒द्धाय॑ च सं॒वृँध्व॑ने च॒

namo vṛddhāya ca saṃvṛm̐dhvane ca

नमो॒ अग्रि॑याय च प्रथ॒माय॑ च॒

namo agriyāya ca prathamāya ca

नम॑ आ॒शवे॑ चाजि॒राय॑ च॒

nama āśave cājirāya ca

नमः॒ शीघ्रि॑याय च॒ शीभ्या॑य च॒

namaḥ śīghriyāya ca śībhyāya ca

नम॑ ऊ॒र्म्या॑य चावस्व॒न्या॑य च॒

nama ūrmyāya cāvasvanyāya ca

नमः॑ स्रोत॒स्या॑य च॒ द्वीप्या॑य च ॥ 5 ॥

namaḥ srotasyāya ca dvīpyāya ca || 5 ||

षष्ठोऽनुवाकः

नमो᳚ ज्ये॒ष्ठाय॑ च कनि॒ष्ठाय॑ च॒

namo jyeṣṭhāya ca kaniṣṭhāya ca

नमः॑ पूर्व॒जाय॑ चापर॒जाय॑ च॒

namaḥ pūrvajāya cāparajāya ca

नमो॑ मध्य॒माय॑ चापग॒ल्भाय॑ च॒

namo madhyamāya cāpagalbhāya ca

नमो॑ जघ॒न्या॑य च॒ बुध्नि॑याय च॒

namo jaghanyāya ca budhniyāya ca

नमः॑ सो॒भ्या॑य च प्रतिस॒र्या॑य च॒

namaḥ sobhyāya ca pratisaryāya ca

नमो॒ याम्या॑य च॒ क्षेम्या॑य च॒

namo yāmyāya ca kṣemyāya ca

नम॑ उर्व॒र्या॑य च॒ खल्या॑य च॒

nama urvaryāya ca khalyāya ca

नमः॒ श्लोक्या॑य चाऽवसा॒न्या॑य च॒

namaḥ ślokyāya cā'vasānyāya ca

नमो॒ वन्या॑य च॒ कक्ष्या॑य च॒

namo vanyāya ca kakṣyāya ca

नमः॑ श्र॒वाय॑ च प्रतिश्र॒वाय॑ च॒

namaḥ śravāya ca pratiśravāya ca

नम॑ आ॒शुषे॑णाय चा॒शुर॑थाय च॒

nama āśuṣeṇāya cāśurathāya ca

नमः॒ शूरा॑य चावभिंद॒ते च॒

namaḥ śūrāya cāvabhiṃdate ca

नमो॑ व॒र्मिणे॑ च वरू॒थिने॑ च॒

namo varmiṇe ca varūthine ca

नमो॑ बि॒ल्मिने॑ च कव॒चिने॑ च॒

namo bilmine ca kavacine ca

नमः॑ श्रु॒ताय॑ च श्रुतसे॒नाय॑ च ॥ 6 ॥

namaḥ śrutāya ca śrutasenāya ca || 6 ||

सप्तमोऽनुवाकः

नमो॑ दुंदु॒भ्या॑य चाहन॒न्या॑य च॒

namo duṃdubhyāya cāhananyāya ca

नमो॑ धृ॒ष्णवे॑ च प्रमृ॒शाय॑ च॒

namo dhṛṣṇave ca pramṛśāya ca

नमो॑ दू॒ताय॑ च॒ प्रहि॑ताय च॒

namo dūtāya ca prahitāya ca

नमो॑ निषं॒गिणे॑ चेषुधि॒मते॑ च॒

namo niṣaṃgiṇe ceṣudhimate ca

नम॑स्ती॒क्ष्णेष॑वे चायु॒धिने॑ च॒

namastīkṣṇeṣave cāyudhine ca

नमः॑ स्वायु॒धाय॑ च सु॒धन्व॑ने च॒

namaḥ svāyudhāya ca sudhanvane ca

नमः॒ स्रुत्या॑य च॒ पथ्या॑य च॒

namaḥ srutyāya ca pathyāya ca

नमः॑ का॒ट्या॑य च नी॒प्या॑य च॒

namaḥ kāṭyāya ca nīpyāya ca

नमः॒ सूद्या॑य च सर॒स्या॑य च॒

namaḥ sūdyāya ca sarasyāya ca

नमो॑ ना॒द्याय॑ च वैशं॒ताय॑ च॒

namo nādyāya ca vaiśaṃtāya ca

नमः॒ कूप्या॑य चाव॒ट्या॑य च॒

namaḥ kūpyāya cāvaṭyāya ca

नमो॒ वर्ष्या॑य चाव॒र्ष्याय॑ च॒

namo varṣyāya cāvarṣyāya ca

नमो॑ मे॒घ्या॑य च विद्यु॒त्या॑य च॒

namo meghyāya ca vidyutyāya ca

नम ई॒ध्रिया॑य चात॒प्या॑य च॒

nama īdhriyāya cātapyāya ca

नमो॒ वात्या॑य च॒ रेष्मि॑याय च॒

namo vātyāya ca reṣmiyāya ca

नमो॑ वास्त॒व्या॑य च वास्तु॒पाय॑ च ॥ 7 ॥

namo vāstavyāya ca vāstupāya ca || 7 ||

अष्टमोऽनुवाकः

नमः॒ सोमा॑य च रु॒द्राय॑ च॒

namaḥ somāya ca rudrāya ca

नम॑स्ता॒म्राय॑ चारु॒णाय॑ च॒

namastāmrāya cāruṇāya ca

नमः॑ शं॒गाय॑ च पशु॒पत॑ये च॒

namaḥ śaṃgāya ca paśupataye ca

नम॑ उ॒ग्राय॑ च भी॒माय॑ च॒

nama ugrāya ca bhīmāya ca

नमो॑ अग्रेव॒धाय॑ च दूरेव॒धाय॑ च॒

namo agrevadhāya ca dūrevadhāya ca

नमो॑ हं॒त्रे च॒ हनी॑यसे च॒

namo haṃtre ca hanīyase ca

नमो॑ वृ॒क्षेभ्यो॒ हरि॑केशेभ्यो॒

namo vṛkṣebhyo harikeśebhyo

नम॑स्ता॒राय॒

namastārāya

नम॑श्शं॒भवे॑ च मयो॒भवे॑ च॒

namaśśaṃbhave ca mayobhave ca

नमः॑ शंक॒राय॑ च मयस्क॒राय॑ च॒

namaḥ śaṃkarāya ca mayaskarāya ca

नमः॑ शि॒वाय॑ च शि॒वत॑राय च॒

namaḥ śivāya ca śivatarāya ca

नम॒स्तीर्थ्या॑य च॒ कूल्या॑य च॒

namastīrthyāya ca kūlyāya ca

नमः॑ पा॒र्या॑य चावा॒र्या॑य च॒

namaḥ pāryāya cāvāryāya ca

नमः॑ प्र॒तर॑णाय चो॒त्तर॑णाय च॒

namaḥ prataraṇāya cottaraṇāya ca

नम॑ आता॒र्या॑य चाला॒द्या॑य च॒

nama ātāryāya cālādyāya ca

नमः॒ शष्प्या॑य च॒ फेन्या॑य च॒

namaḥ śaṣpyāya ca phenyāya ca

नमः॑ सिक॒त्या॑य च प्रवा॒ह्या॑य च ॥ 8 ॥

namaḥ sikatyāya ca pravāhyāya ca || 8 ||

नवमोऽनुवाकः

नम॑ इरि॒ण्या॑य च प्रप॒थ्या॑य च॒

nama iriṇyāya ca prapathyāya ca

नमः॑ किग्ंशि॒लाय॑ च॒ क्षय॑णाय च॒

namaḥ kigṃśilāya ca kṣayaṇāya ca

नमः॑ कप॒र्दिने॑ च पुल॒स्तये॑ च॒

namaḥ kapardine ca pulastaye ca

नमो॒ गोष्ठ्या॑य च॒ गृह्या॑य च॒

namo goṣṭhyāya ca gṛhyāya ca

नम॒स्तल्प्या॑य च॒ गेह्या॑य च॒

namastalpyāya ca gehyāya ca

नमः॑ का॒ट्या॑य च गह्वरे॒ष्ठाय॑ च॒

namaḥ kāṭyāya ca gahvareṣṭhāya ca

नमो᳚ ह्रद॒य्या॑य च निवे॒ष्प्या॑य च॒

namo hradayyāya ca niveṣpyāya ca

नमः॑ पाग्ं स॒व्या॑य च रज॒स्या॑य च॒

namaḥ pāgṃ savyāya ca rajasyāya ca

नमः॒ शुष्क्या॑य च हरि॒त्या॑य च॒

namaḥ śuṣkyāya ca harityāya ca

नमो॒ लोप्या॑य चोल॒प्या॑य च॒

namo lopyāya colapyāya ca

नम॑ ऊ॒र्व्या॑य च सू॒र्म्या॑य च॒

nama ūrvyāya ca sūrmyāya ca

नमः॑ प॒र्ण्या॑य च पर्णश॒द्या॑य च॒

namaḥ parṇyāya ca parṇaśadyāya ca

नमो॑ऽपगु॒रमा॑णाय चाभिघ्न॒ते च॒

namo'paguramāṇāya cābhighnate ca

नम॑ आख्खिद॒ते च॑ प्रख्खिद॒ते च॒

nama ākhkhidate ca prakhkhidate ca

नमो॑ वः किरि॒केभ्यो॑ दे॒वाना॒ग्॒म्॒ हृद॑येभ्यो॒

namo vaḥ kirikebhyo devānāgm hṛdayebhyo

नमो॑ विक्षीण॒केभ्यो॒ नमो॑ विचिन्व॒त्केभ्यो॒

namo vikṣīṇakebhyo namo vicinvatkebhyo

नम॑ आनिर् ह॒तेभ्यो॒ नम॑ आमीव॒त्केभ्यः॑ ॥ 9 ॥

nama ānir hatebhyo nama āmīvatkebhyaḥ || 9 ||

दशमोऽनुवाकः

द्रापे॒ अंध॑सस्पते॒ दरि॑द्र॒न्नील॑लोहित । ए॒षां पुरु॑षाणामे॒षां प॑शू॒नां मा भेर्माऽरो॒ मो ए॑षां॒ किंच॒नाम॑मत् ।

drāpe aṃdhasaspate daridrannīlalohita | eṣāṃ puruṣāṇāmeṣāṃ paśūnāṃ mā bhermā'ro mo eṣāṃ kiṃcanāmamat |

या ते॑ रुद्र शि॒वा त॒नूः शि॒वा वि॒श्वाह॑भेषजी । शि॒वा रु॒द्रस्य॑ भेष॒जी तया॑ नो मृड जी॒वसे᳚ ॥

yā te rudra śivā tanūḥ śivā viśvāhabheṣajī | śivā rudrasya bheṣajī tayā no mṛḍa jīvase ||

इ॒माग्ं रु॒द्राय॑ त॒वसे॑ कप॒र्दिने᳚ क्ष॒यद्वी॑राय॒ प्रभ॑रामहे म॒तिम् । यथा॑ न॒श्शमस॑द्द्वि॒पदे॒ चतु॑ष्पदे॒ विश्वं॑ पु॒ष्टं ग्रामे॑ अ॒स्मिन्नना॑तुरम् ।

imāgṃ rudrāya tavase kapardine kṣayadvīrāya prabharāmahe matim | yathā naśśamasaddvipade catuṣpade viśvaṃ puṣṭaṃ grāme asminnanāturam |

मृ॒डा नो॑ रुद्रो॒त नो॒ मय॑स्कृधि क्ष॒यद्वी॑राय॒ नम॑सा विधेम ते । यच्छं च॒ योश्च॒ मनु॑राय॒जे पि॒ता तद॑श्याम॒ तव॑ रुद्र॒ प्रणी॑तौ ।

mṛḍā no rudrota no mayaskṛdhi kṣayadvīrāya namasā vidhema te | yacchaṃ ca yośca manurāyaje pitā tadaśyāma tava rudra praṇītau |

मा नो॑ म॒हांत॑मु॒त मा नो॑ अर्भ॒कं मा न॒ उक्षं॑तमु॒त मा न॑ उक्षि॒तम् । मा नो॑ऽवधीः पि॒तरं॒ मोत मा॒तरं॑ प्रि॒या मा न॑स्त॒नुवो॑ रुद्र रीरिषः ।

mā no mahāṃtamuta mā no arbhakaṃ mā na ukṣaṃtamuta mā na ukṣitam | mā no'vadhīḥ pitaraṃ mota mātaraṃ priyā mā nastanuvo rudra rīriṣaḥ |

मा न॑स्तो॒के तन॑ये॒ मा न॒ आयु॑षि॒ मा नो॒ गोषु॒ मा नो॒ अश्वे॑षु रीरिषः । वी॒रान्मा नो॑ रुद्र भामि॒तोऽव॑धीर्ह॒विष्मं॑तो॒ नम॑सा विधेम ते ।

mā nastoke tanaye mā na āyuṣi mā no goṣu mā no aśveṣu rīriṣaḥ | vīrānmā no rudra bhāmito'vadhīrhaviṣmaṃto namasā vidhema te |

आ॒रात्ते॑ गो॒घ्न उ॒त पू॑रुष॒घ्ने क्ष॒यद्वी॑राय सु॒म्नम॒स्मे ते॑ अस्तु । रक्षा॑ च नो॒ अधि॑ च देव ब्रू॒ह्यधा॑ च नः॒ शर्म॑ यच्छ द्वि॒बर्हाः᳚ ।

ārātte goghna uta pūruṣaghne kṣayadvīrāya sumnamasme te astu | rakṣā ca no adhi ca deva brūhyadhā ca naḥ śarma yaccha dvibarhāḥ |

स्तु॒हि श्रु॒तं ग॑र्त॒सदं॒-युँवा॑नं मृ॒गन्न भी॒ममु॑पह॒त्नुमु॒ग्रम् । मृ॒डा ज॑रि॒त्रे रु॑द्र॒ स्तवा॑नो अ॒न्यंते॑ अ॒स्मन्निव॑पंतु॒ सेनाः᳚ ।

stuhi śrutaṃ gartasadaṃ-yum̐vānaṃ mṛganna bhīmamupahatnumugram | mṛḍā jaritre rudra stavāno anyaṃte asmannivapaṃtu senāḥ |

परि॑णो रु॒द्रस्य॑ हे॒तिर्वृ॑णक्तु॒ परि॑ त्वे॒षस्य॑ दुर्म॒ति र॑घा॒योः । अव॑ स्थि॒रा म॒घव॑द्भ्य-स्तनुष्व॒ मीढ्व॑स्तो॒काय॒ तन॑याय मृडय ।

pariṇo rudrasya hetirvṛṇaktu pari tveṣasya durmati raghāyoḥ | ava sthirā maghavadbhya-stanuṣva mīḍhvastokāya tanayāya mṛḍaya |

मीढु॑ष्टम॒ शिव॑तम शि॒वो नः॑ सु॒मना॑ भव । प॒र॒मे वृ॒क्ष आयु॑धन्नि॒धाय॒ कृत्तिं॒-वँसा॑न॒ आच॑र॒ पिना॑कं॒ बिभ्र॒दाग॑हि ।

mīḍhuṣṭama śivatama śivo naḥ sumanā bhava | parame vṛkṣa āyudhannidhāya kṛttiṃ-vam̐sāna ācara pinākaṃ bibhradāgahi |

विकि॑रिद॒ विलो॑हित॒ नम॑स्ते अस्तु भगवः । यास्ते॑ स॒हस्रग्ं॑ हे॒तयो॒न्यम॒स्मन्निव॑पंतु॒ ताः ।

vikirida vilohita namaste astu bhagavaḥ | yāste sahasragṃ hetayonyamasmannivapaṃtu tāḥ |

स॒हस्रा॑णि सहस्र॒धा बा॑हु॒वोस्तव॑ हे॒तयः॑ । तासा॒मीशा॑नो भगवः परा॒चीना॒ मुखा॑ कृधि ॥ 10 ॥

sahasrāṇi sahasradhā bāhuvostava hetayaḥ | tāsāmīśāno bhagavaḥ parācīnā mukhā kṛdhi || 10 ||

एकादशोऽनुवाकः

स॒हस्रा॑णि सहस्र॒शो ये रु॒द्रा अधि॒ भूम्या᳚म् । तेषाग्ं॑ सहस्रयोज॒नेऽव॒धन्वा॑नि तन्मसि ।

sahasrāṇi sahasraśo ye rudrā adhi bhūmyām | teṣāgṃ sahasrayojane'vadhanvāni tanmasi |

अ॒स्मिन्म॑ह॒त्य॑र्ण॒वे᳚ऽंतरि॑क्षे भ॒वा अधि॑ । नील॑ग्रीवाः शिति॒कंठाः᳚ श॒र्वा अ॒धः, क्ष॑माच॒राः ।

asminmahatyarṇave'ṃtarikṣe bhavā adhi | nīlagrīvāḥ śitikaṃṭhāḥ śarvā adhaḥ, kṣamācarāḥ |

नील॑ग्रीवाः शिति॒कंठा॒ दिवग्ं॑ रु॒द्रा उप॑श्रिताः । ये वृ॒क्षेषु॑ स॒स्पिंज॑रा॒ नील॑ग्रीवा॒ विलो॑हिताः ।

nīlagrīvāḥ śitikaṃṭhā divagṃ rudrā upaśritāḥ | ye vṛkṣeṣu saspiṃjarā nīlagrīvā vilohitāḥ |

ये भू॒ताना॒मधि॑पतयो विशि॒खासः॑ कप॒र्दिनः॑ । ये अन्ने॑षु वि॒विध्यं॑ति॒ पात्रे॑षु॒ पिब॑तो॒ जनान्॑ । ये प॒थां प॑थि॒रक्ष॑य ऐलबृ॒दा॑ य॒व्युधः॑ । ये ती॒र्थानि॑ प्र॒चरं॑ति सृ॒कावं॑तो निषं॒गिणः॑ । य ए॒तावं॑तश्च॒ भूयाग्ं॑सश्च॒ दिशो॑ रु॒द्रा वि॑तस्थि॒रे । तेषाग्ं॑ सहस्रयोज॒नेऽव॒धन्वा॑नि तन्मसि ।

ye bhūtānāmadhipatayo viśikhāsaḥ kapardinaḥ | ye anneṣu vividhyaṃti pātreṣu pibato janān | ye pathāṃ pathirakṣaya ailabṛdā yavyudhaḥ | ye tīrthāni pracaraṃti sṛkāvaṃto niṣaṃgiṇaḥ | ya etāvaṃtaśca bhūyāgṃsaśca diśo rudrā vitasthire | teṣāgṃ sahasrayojane'vadhanvāni tanmasi |

Meaning

Those who are lords of beings, shorn of hair or wearing matted locks; those who pierce men amid their food and as they drink from vessels; those who guard the roads, who give sustenance, who do battle; those who roam the sacred fords bearing weapons and swords; and those Rudras, so many and yet more, who stand spread through the quarters — we unstring their bows a thousand leagues away.

नमो॑ रु॒द्रेभ्यो॒ ये पृ॑थि॒व्यां-येँ᳚ऽंतरि॑क्षे॒ ये दि॒वि येषा॒मन्नं॒-वाँतो॑ व॒र्ष॒मिष॑व॒स्तेभ्यो॒ दश॒ प्राची॒र्दश॑ दक्षि॒णा दश॑ प्र॒तीची॒-र्दशो-दी॑ची॒-र्दशो॒र्ध्वास्तेभ्यो॒ नम॒स्ते नो॑ मृडयंतु॒ ते यं द्वि॒ष्मो यश्च॑ नो॒ द्वेष्टि॒ तं-वोँ॒ जंभे॑ दधामि ॥ 11 ॥

namo rudrebhyo ye pṛthivyāṃ-yem̐'ṃtarikṣe ye divi yeṣāmannaṃ-vām̐to varṣamiṣavastebhyo daśa prācīrdaśa dakṣiṇā daśa pratīcī-rdaśo-dīcī-rdaśordhvāstebhyo namaste no mṛḍayaṃtu te yaṃ dviṣmo yaśca no dveṣṭi taṃ-vom̐ jaṃbhe dadhāmi || 11 ||

समापन-मन्त्राः

त्र्यं॑बकं-यँजामहे सुगं॒धिं पु॑ष्टि॒वर्ध॑नम् । उ॒र्वा॒रु॒कमि॑व॒ बंध॑नान्मृ॒त्योर्मु॑क्षीय॒ माऽमृता᳚त् ।

tryaṃbakaṃ-yam̐jāmahe sugaṃdhiṃ puṣṭivardhanam | urvārukamiva baṃdhanānmṛtyormukṣīya mā'mṛtāt |

यो रु॒द्रो अ॒ग्नौ यो अ॒प्सु य ओष॑धीषु॒ यो रु॒द्रो विश्वा॒ भुव॑ना वि॒वेश॒ तस्मै॑ रु॒द्राय॒ नमो॑ अस्तु ।

yo rudro agnau yo apsu ya oṣadhīṣu yo rudro viśvā bhuvanā viveśa tasmai rudrāya namo astu |

तमु॑ ष्टुहि॒ यः स्वि॒षुस्सु॒धन्वा॒ यो विश्व॑स्य॒ क्षय॑ति भेष॒जस्य॑ । यक्ष्वा᳚म॒हे सौ᳚मन॒साय॑ रु॒द्रं नमो᳚भिर्दे॒वमसु॑रं दुवस्य ।

tamu ṣṭuhi yaḥ sviṣussudhanvā yo viśvasya kṣayati bheṣajasya | yakṣvāmahe saumanasāya rudraṃ namobhirdevamasuraṃ duvasya |

अ॒यं मे॒ हस्तो॒ भग॑वान॒यं मे॒ भग॑वत्तरः । अ॒यं मे᳚ वि॒श्वभे᳚षजो॒ऽयग्ं शि॒वाभि॑मर्शनः ।

ayaṃ me hasto bhagavānayaṃ me bhagavattaraḥ | ayaṃ me viśvabheṣajo'yagṃ śivābhimarśanaḥ |

ये ते॑ स॒हस्र॑म॒युतं॒ पाशा॒ मृत्यो॒ मर्त्या॑य॒ हंत॑वे । तान् य॒ज्ञस्य॑ मा॒यया॒ सर्वा॒नव॑ यजामहे । मृ॒त्यवे॒ स्वाहा॑ मृ॒त्यवे॒ स्वाहा᳚ ।

ye te sahasramayutaṃ pāśā mṛtyo martyāya haṃtave | tān yajñasya māyayā sarvānava yajāmahe | mṛtyave svāhā mṛtyave svāhā |

ॐ नमो भगवते रुद्राय विष्णवे मृत्यु॑र्मे पा॒हि ॥ प्राणानां ग्रंथिरसि रुद्रो मा॑ विशां॒तकः । तेनान्नेना᳚प्याय॒स्व ॥ नमो रुद्राय विष्णवे मृत्यु॑र्मे पा॒हि ॥

oṃ namo bhagavate rudrāya viṣṇave mṛtyurme pāhi || prāṇānāṃ graṃthirasi rudro mā viśāṃtakaḥ | tenānnenāpyāyasva || namo rudrāya viṣṇave mṛtyurme pāhi ||

सदाशि॒वोम् ।

sadāśivom |

ॐ शांतिः॒ शांतिः॒ शांतिः॑ ।

oṃ śāṃtiḥ śāṃtiḥ śāṃtiḥ |