Chandi Kavacham

Text

View

विनियोग 1

श्रीगणेशाय नमः । अस्य श्रीचण्डीकवचस्य ब्रह्मा ऋषिः , अनुष्टुप् छन्दः , चामुण्डा देवता , अङ्गन्यासोक्तमातरो बीजम् , दिग्बन्धदेवतास्तत्त्वम् , श्रीजगदम्बाप्रीत्यर्थे जपे विनियोगः । ॐ नमश्चण्डिकायै ।

śrīgaṇeśāya namaḥ | asya śrīcaṇḍīkavacasya brahmā ṛṣiḥ , anuṣṭup chandaḥ , cāmuṇḍā devatā , aṅganyāsoktamātaro bījam , digbandhadevatāstattvam , śrījagadambāprītyarthe jape viniyogaḥ | oṃ namaścaṇḍikāyai |

मार्कण्डेय उवाच 1

ॐ मार्कण्डेय उवाच । ॐ यद्गुह्यं परमं लोके सर्वरक्षाकरं नृणाम् । यन्न कस्यचिदाख्यातं तन्मे ब्रूहि पितामह ॥ १॥

oṃ mārkaṇḍeya uvāca | oṃ yadguhyaṃ paramaṃ loke sarvarakṣākaraṃ nṛṇām | yanna kasyacidākhyātaṃ tanme brūhi pitāmaha || 1||

ब्रह्मोवाच 1

ब्रह्मोवाच । अस्ति गुह्यतमं विप्र सर्वभूतोपकारकम् । देव्यास्तु कवचं पुण्यं तच्छृणुष्व महामुने ॥ २॥

brahmovāca | asti guhyatamaṃ vipra sarvabhūtopakārakam | devyāstu kavacaṃ puṇyaṃ tacchṛṇuṣva mahāmune || 2||

नवदुर्गा 3

प्रथमं शैलपुत्रीति द्वितीयं ब्रह्मचारिणी । तृतीयं चन्द्रघण्टेति कूष्माण्डेति चतुर्थकम् ॥ ३॥

prathamaṃ śailaputrīti dvitīyaṃ brahmacāriṇī | tṛtīyaṃ candraghaṇṭeti kūṣmāṇḍeti caturthakam || 3||

पञ्चमं स्कन्दमातेति षष्ठं कात्यायनीति च । सप्तमं कालरात्रिश्च महागौरीति चाष्टमम् ॥ ४॥

pañcamaṃ skandamāteti ṣaṣṭhaṃ kātyāyanīti ca | saptamaṃ kālarātriśca mahāgaurīti cāṣṭamam || 4||

नवमं सिद्धिदात्री च नवदुर्गाः प्रकीर्तिताः । उक्तान्येतानि नामानि ब्रह्मणैव महात्मना ॥ ५॥

navamaṃ siddhidātrī ca navadurgāḥ prakīrtitāḥ | uktānyetāni nāmāni brahmaṇaiva mahātmanā || 5||

रक्षामहिमा 3

अग्निना दह्यमानस्तु शत्रुमध्ये गतो रणे । विषमे दुर्गे चैव भयार्ताः शरणं गताः ॥ ६॥

agninā dahyamānastu śatrumadhye gato raṇe | viṣame durge caiva bhayārtāḥ śaraṇaṃ gatāḥ || 6||

न तेषां जायते किञ्चिदशुभं रणसङ्कटे । नापदं तस्य पश्यामि शोकदुःखभयं नहि ॥ ७॥

na teṣāṃ jāyate kiñcidaśubhaṃ raṇasaṅkaṭe | nāpadaṃ tasya paśyāmi śokaduḥkhabhayaṃ nahi || 7||

यैस्तु भक्त्या स्मृता नूनं तेषां सिद्धिः प्रजायते । ये त्वां स्मरन्ति देवेशि रक्षसे तान्न संशयः । ८॥

yaistu bhaktyā smṛtā nūnaṃ teṣāṃ siddhiḥ prajāyate | ye tvāṃ smaranti deveśi rakṣase tānna saṃśayaḥ | 8||

मातृगण 7

प्रेतसंस्था तु चामुण्डा वाराही महिषासना । ऐन्द्री गजसमारुढा वैष्णवी गरुडासना ॥ ९॥

pretasaṃsthā tu cāmuṇḍā vārāhī mahiṣāsanā | aindrī gajasamāruḍhā vaiṣṇavī garuḍāsanā || 9||

माहेश्वरी वृषारुढा कौमारी शिखिवाहना । लक्ष्मीः पद्मासना देवी पद्महस्ता हरिप्रिया ॥ १०॥

māheśvarī vṛṣāruḍhā kaumārī śikhivāhanā | lakṣmīḥ padmāsanā devī padmahastā haripriyā || 10||

श्वेतरूपधरा देवी ईश्वरी वृषवाहना । ब्राह्मी हंससमारुढा सर्वाभरणभूषिता ॥ ११॥

śvetarūpadharā devī īśvarī vṛṣavāhanā | brāhmī haṃsasamāruḍhā sarvābharaṇabhūṣitā || 11||

इत्येता मातरः सर्वाः सर्वयोगसमन्विताः । नानाभरणशोभाढ्या नानारत्नोपशोभिता ॥ १२॥

ityetā mātaraḥ sarvāḥ sarvayogasamanvitāḥ | nānābharaṇaśobhāḍhyā nānāratnopaśobhitā || 12||

दृश्यन्ते रथमारुढा देव्यः क्रोधसमाकुलाः । शङ्खं चक्रं गदां शक्तिं हलं च मुसलायुधम् ॥ १३॥

dṛśyante rathamāruḍhā devyaḥ krodhasamākulāḥ | śaṅkhaṃ cakraṃ gadāṃ śaktiṃ halaṃ ca musalāyudham || 13||

खेटकं तोमरं चैव परशुं पाशमेव च । कुन्तायुधं त्रिशूलं च शार्ङ्गमायुधमुत्तमम् ॥ १४॥

kheṭakaṃ tomaraṃ caiva paraśuṃ pāśameva ca | kuntāyudhaṃ triśūlaṃ ca śārṅgamāyudhamuttamam || 14||

दैत्यानां देहनाशाय भक्तानामभयाय च । धारयन्त्यायुधानीत्थं देवानां च हिताय वै ॥ १५॥

daityānāṃ dehanāśāya bhaktānāmabhayāya ca | dhārayantyāyudhānītthaṃ devānāṃ ca hitāya vai || 15||

स्तुति 1

नमस्तेऽस्तु महारौद्रे महाघोरपराक्रमे । महाबले महोत्साहे महाभयविनाशिनी ॥ १६॥

namaste'stu mahāraudre mahāghoraparākrame | mahābale mahotsāhe mahābhayavināśinī || 16||

दिग्बन्ध 4

त्राहि मां देवि दुष्प्रेक्ष्ये शत्रूणां भयवर्धिनि । प्राच्यां रक्षतु मामैन्द्री आग्नेयामग्निदेवता ॥ १७॥

trāhi māṃ devi duṣprekṣye śatrūṇāṃ bhayavardhini | prācyāṃ rakṣatu māmaindrī āgneyāmagnidevatā || 17||

दक्षिणेऽवतु वाराही नैरृत्यां खड्गधारिणी । प्रतीच्यां वारुणी रक्षेद्वायव्यां मृगवाहिनी ॥ १८॥

dakṣiṇe'vatu vārāhī nairṛtyāṃ khaḍgadhāriṇī | pratīcyāṃ vāruṇī rakṣedvāyavyāṃ mṛgavāhinī || 18||

उदीच्यां रक्ष कौबेरि ईशान्यां शूलधारिणी । ऊर्ध्वं ब्रह्माणी मे रक्षेदधस्ताद्वैष्णवी तथा ॥ १९॥

udīcyāṃ rakṣa kauberi īśānyāṃ śūladhāriṇī | ūrdhvaṃ brahmāṇī me rakṣedadhastādvaiṣṇavī tathā || 19||

एवं दश दिशो रक्षेच्चामुण्डा शववाहना । जया मे अग्रतः स्थातु विजया स्थातु पृष्ठतः ॥ २०॥

evaṃ daśa diśo rakṣeccāmuṇḍā śavavāhanā | jayā me agrataḥ sthātu vijayā sthātu pṛṣṭhataḥ || 20||

कवच 22

अजिता वामपार्श्वे तु दक्षिणे चापराजिता । शिखां मे द्योतिनी रक्षेदुमा मूर्ध्नि व्यवस्थिता ॥ २१॥

ajitā vāmapārśve tu dakṣiṇe cāparājitā | śikhāṃ me dyotinī rakṣedumā mūrdhni vyavasthitā || 21||

मालाधरी ललाटे च भ्रुवौ रक्षेद्यशस्विनी । त्रिनेत्रा च भ्रुवोर्मध्ये यमघण्टा च नासिके ॥ २२॥

mālādharī lalāṭe ca bhruvau rakṣedyaśasvinī | trinetrā ca bhruvormadhye yamaghaṇṭā ca nāsike || 22||

शङ्खिनी चक्षुषोर्मध्ये श्रोत्रयोर्द्वारवासिनी । कपोलौ कालिका रक्षेत्कर्णमूले तु शाङ्करी ॥ २३॥

śaṅkhinī cakṣuṣormadhye śrotrayordvāravāsinī | kapolau kālikā rakṣetkarṇamūle tu śāṅkarī || 23||

नासिकायां सुगन्धा च उत्तरोष्ठे च चर्चिका । अधरे चामृतकला जिह्वायां च सरस्वती ॥ २४॥

nāsikāyāṃ sugandhā ca uttaroṣṭhe ca carcikā | adhare cāmṛtakalā jihvāyāṃ ca sarasvatī || 24||

दन्तान् रक्षतु कौमारी कण्ठमध्ये तु चण्डिका । घण्टिकां चित्रघण्टा च महामाया च तालुके ॥ २५॥

dantān rakṣatu kaumārī kaṇṭhamadhye tu caṇḍikā | ghaṇṭikāṃ citraghaṇṭā ca mahāmāyā ca tāluke || 25||

कामाक्षी चिबुकं रक्षेद्वाचं मे सर्वमङ्गला । ग्रीवायां भद्रकाली च पृष्ठवंशे धनुर्धरी ॥ २६॥

kāmākṣī cibukaṃ rakṣedvācaṃ me sarvamaṅgalā | grīvāyāṃ bhadrakālī ca pṛṣṭhavaṃśe dhanurdharī || 26||

नीलग्रीवा बहिःकण्ठे नलिकां नलकूबरी । स्कन्धयोः खड्गिनी रक्षेद् बाहू मे वज्रधारिणी ॥ २७॥

nīlagrīvā bahiḥkaṇṭhe nalikāṃ nalakūbarī | skandhayoḥ khaḍginī rakṣed bāhū me vajradhāriṇī || 27||

हस्तयोर्दण्डिनी रक्षेदम्बिका चाङ्गुलीस्तथा । नखाञ्छूलेश्वरी रक्षेत् कुक्षौ रक्षेन्नलेश्वरी ॥ २८॥

hastayordaṇḍinī rakṣedambikā cāṅgulīstathā | nakhāñchūleśvarī rakṣet kukṣau rakṣennaleśvarī || 28||

स्तनौ रक्षेन्महालक्ष्मीर्मनःशोकविनाशिनी । हृदये ललितादेवी उदरे शूलधारिणी ॥ २९॥

stanau rakṣenmahālakṣmīrmanaḥśokavināśinī | hṛdaye lalitādevī udare śūladhāriṇī || 29||

नाभौ च कामिनी रक्षेद्गुह्यं गुह्येश्वरी तथा । पूतना कामिका मेढ्रं गुदे महिषवाहिनी ॥ ३०॥

nābhau ca kāminī rakṣedguhyaṃ guhyeśvarī tathā | pūtanā kāmikā meḍhraṃ gude mahiṣavāhinī || 30||

कट्यां भगवती रक्षेज्जानुनी विन्ध्यवासिनी । जङ्घे महाबला प्रोक्ता सर्वकामप्रदायिनी ॥ ३१॥

kaṭyāṃ bhagavatī rakṣejjānunī vindhyavāsinī | jaṅghe mahābalā proktā sarvakāmapradāyinī || 31||

गुल्फयोर्नारसिंही च पादौ चामिततेजसी । पादाङ्गुलीः श्रीर्मे रक्षेत्पादाधस्तलवासिनी ॥ ३२॥

gulphayornārasiṃhī ca pādau cāmitatejasī | pādāṅgulīḥ śrīrme rakṣetpādādhastalavāsinī || 32||

नखान्दंष्ट्राकराली च केशांश्चैवोर्ध्वकेशिनी । रोमकूपेषु कौबेरी त्वचं वागीश्वरी तथा ॥ ३३॥

nakhāndaṃṣṭrākarālī ca keśāṃścaivordhvakeśinī | romakūpeṣu kauberī tvacaṃ vāgīśvarī tathā || 33||

रक्तमज्जावमांसान्यस्थिमेदांसी पार्वती । अन्त्राणि कालरात्रिश्च पित्तं च मुकुटेश्वरी ॥ ३४॥

raktamajjāvamāṃsānyasthimedāṃsī pārvatī | antrāṇi kālarātriśca pittaṃ ca mukuṭeśvarī || 34||

पद्मावती पद्मकोशे कफे चुडामणिस्तथा । ज्वालामुखी नखज्वाला अभेद्या सर्वसन्धिषु ॥ ३५॥

padmāvatī padmakośe kaphe cuḍāmaṇistathā | jvālāmukhī nakhajvālā abhedyā sarvasandhiṣu || 35||

शुक्रं ब्रह्माणी मे रक्षेच्छायां छत्रेश्वरी तथा । अहङ्कारं मनो बुद्धिं रक्ष मे धर्मचारिणि ॥ ३६॥

śukraṃ brahmāṇī me rakṣecchāyāṃ chatreśvarī tathā | ahaṅkāraṃ mano buddhiṃ rakṣa me dharmacāriṇi || 36||

प्राणापानौ तथा व्यानं समानोदानमेव च । वज्रहस्ता च मे रेक्षेत्प्राणं कल्याणशोभना ॥ ३७॥

prāṇāpānau tathā vyānaṃ samānodānameva ca | vajrahastā ca me rekṣetprāṇaṃ kalyāṇaśobhanā || 37||

रसे रूपे च गन्धे च शब्दे स्पर्शे च योगिनी । सत्त्वं रजस्तमश्चैव रक्षेन्नारायणी सदा ॥ ३८॥

rase rūpe ca gandhe ca śabde sparśe ca yoginī | sattvaṃ rajastamaścaiva rakṣennārāyaṇī sadā || 38||

आयू रक्षतु वाराही धर्मं रक्षतु वैष्णवी । यशः कीर्तिं च लक्ष्मीं च धनं विद्यां च चक्रिणी ॥ ३९॥

āyū rakṣatu vārāhī dharmaṃ rakṣatu vaiṣṇavī | yaśaḥ kīrtiṃ ca lakṣmīṃ ca dhanaṃ vidyāṃ ca cakriṇī || 39||

गोत्रमिन्द्राणी मे रक्षेत्पशून्मे रक्ष चण्डिके । पुत्रान् रक्षेन्महालक्ष्मीर्भार्यां रक्षतु भैरवी ॥ ४०॥

gotramindrāṇī me rakṣetpaśūnme rakṣa caṇḍike | putrān rakṣenmahālakṣmīrbhāryāṃ rakṣatu bhairavī || 40||

पन्थानं सुपथा रक्षेन्मार्गं क्षेमकरी तथा । राजद्वारे महालक्ष्मीर्विजया सर्वतः स्थिता ॥ ४१॥

panthānaṃ supathā rakṣenmārgaṃ kṣemakarī tathā | rājadvāre mahālakṣmīrvijayā sarvataḥ sthitā || 41||

रक्षाहीनं तु यत्स्थानं वर्जितं कवचेन तु । तत्सर्वं रक्ष मे देवि जयन्ती पापनाशिनी ॥ ४२॥

rakṣāhīnaṃ tu yatsthānaṃ varjitaṃ kavacena tu | tatsarvaṃ rakṣa me devi jayantī pāpanāśinī || 42||

फलश्रुति 14

पदमेकं न गच्छेत्तु यदीच्छेच्छुभमात्मनः । कवचेनावृतो नित्यं यत्र यत्राधिगच्छति ॥ ४३॥

padamekaṃ na gacchettu yadīcchecchubhamātmanaḥ | kavacenāvṛto nityaṃ yatra yatrādhigacchati || 43||

तत्र तत्रार्थ लाभश्च विजयः सार्वकामिकः । यं यं कामयते कामं तं तं प्राप्नोति निश्चितम् । परमैश्वर्यमतुलं प्राप्स्यते भूतले पुमान् ॥ ४४॥

tatra tatrārtha lābhaśca vijayaḥ sārvakāmikaḥ | yaṃ yaṃ kāmayate kāmaṃ taṃ taṃ prāpnoti niścitam | paramaiśvaryamatulaṃ prāpsyate bhūtale pumān || 44||

निर्भयो जायते मर्त्यः सङ्ग्रामेष्व पराजितः । त्रैलोक्ये तु भवेत्पूज्यः कवचेनावृतः पुमान् ॥ ४५॥

nirbhayo jāyate martyaḥ saṅgrāmeṣva parājitaḥ | trailokye tu bhavetpūjyaḥ kavacenāvṛtaḥ pumān || 45||

इदं तु देव्याः कवचं देवानामपि दुर्लभम् । यः पठेत्प्रयतो नित्यं त्रिसन्ध्यं श्रद्धयान्वितः ॥ ४६॥

idaṃ tu devyāḥ kavacaṃ devānāmapi durlabham | yaḥ paṭhetprayato nityaṃ trisandhyaṃ śraddhayānvitaḥ || 46||

दैवी कला भवेत्तस्य त्रैलोकेष्व पराजितः । जीवेद्वर्षशतं साग्रमपमृत्यु विवर्जितः ॥ ४७॥

daivī kalā bhavettasya trailokeṣva parājitaḥ | jīvedvarṣaśataṃ sāgramapamṛtyu vivarjitaḥ || 47||

नश्यन्ति व्याधयः सर्वे लूताविस्फोटकादयः । स्थावरं जङ्गमं वापि कृत्रिमं चापि यद्विषम् ॥ ४८॥

naśyanti vyādhayaḥ sarve lūtāvisphoṭakādayaḥ | sthāvaraṃ jaṅgamaṃ vāpi kṛtrimaṃ cāpi yadviṣam || 48||

अभिचाराणि सर्वाणि मन्त्रयन्त्राणि भूतले । भूचराः खेचराश्चैव जलजाश्चोपदेशिकाः ॥ ४९॥

abhicārāṇi sarvāṇi mantrayantrāṇi bhūtale | bhūcarāḥ khecarāścaiva jalajāścopadeśikāḥ || 49||

सहजाः कुलजा मालाः शाकिनी डाकिनी तथा । अन्तरिक्षचरा घोरा डाकिन्यश्च महाबलाः ॥ ५०॥

sahajāḥ kulajā mālāḥ śākinī ḍākinī tathā | antarikṣacarā ghorā ḍākinyaśca mahābalāḥ || 50||

ग्रहभूतपिशाचाश्च यक्षगन्धर्वराक्षसाः । ब्रह्मराक्षसवेतालाः कूष्माण्डा भैरवादयः ॥ ५१॥

grahabhūtapiśācāśca yakṣagandharvarākṣasāḥ | brahmarākṣasavetālāḥ kūṣmāṇḍā bhairavādayaḥ || 51||

नश्यन्ति दर्शनात्तस्य कवचे हृदि संस्थिते । मानोन्नतिर्भवेद्राज्ञस्तेजोवृद्धिकरं परम् ॥ ५२॥

naśyanti darśanāttasya kavace hṛdi saṃsthite | mānonnatirbhavedrājñastejovṛddhikaraṃ param || 52||

यशसा वर्धते सोऽपि कीर्तिमण्डितभूतले । जपेत्सप्तशतीं चण्डीं कृत्वा तु कवचं पुरा ॥ ५३॥

yaśasā vardhate so'pi kīrtimaṇḍitabhūtale | japetsaptaśatīṃ caṇḍīṃ kṛtvā tu kavacaṃ purā || 53||

यावद्भूमण्डलं धत्ते सशैलवनकाननम् । तावत्तिष्ठति मेदिन्यां सन्ततिः पुत्रपौत्रकी ॥ ५४॥

yāvadbhūmaṇḍalaṃ dhatte saśailavanakānanam | tāvattiṣṭhati medinyāṃ santatiḥ putrapautrakī || 54||

देहान्ते परमं स्थानं यत्सुरैरपि दुर्लभम् । प्राप्नोति पुरुषो नित्यं महामायाप्रसादतः ॥ ५५॥

dehānte paramaṃ sthānaṃ yatsurairapi durlabham | prāpnoti puruṣo nityaṃ mahāmāyāprasādataḥ || 55||

लभते परमं रूपं शिवेन सह मोदते ॥ ५६॥

labhate paramaṃ rūpaṃ śivena saha modate || 56||

समापन 1

॥ इति श्रीवाराहपुराणे हरिहरब्रह्मविरचितं देव्याः कवचं सम्पूर्णम् ॥

|| iti śrīvārāhapurāṇe hariharabrahmaviracitaṃ devyāḥ kavacaṃ sampūrṇam ||

विनियोग

मार्कण्डेय उवाच

oṃ mārkaṇḍeya uvāca | oṃ yadguhyaṃ paramaṃ loke sarvarakṣākaraṃ nṛṇām | yanna kasyacidākhyātaṃ tanme brūhi pitāmaha || 1||

ब्रह्मोवाच

brahmovāca | asti guhyatamaṃ vipra sarvabhūtopakārakam | devyāstu kavacaṃ puṇyaṃ tacchṛṇuṣva mahāmune || 2||

नवदुर्गा

prathamaṃ śailaputrīti dvitīyaṃ brahmacāriṇī | tṛtīyaṃ candraghaṇṭeti kūṣmāṇḍeti caturthakam || 3||

नवदुर्गा

pañcamaṃ skandamāteti ṣaṣṭhaṃ kātyāyanīti ca | saptamaṃ kālarātriśca mahāgaurīti cāṣṭamam || 4||

नवदुर्गा

navamaṃ siddhidātrī ca navadurgāḥ prakīrtitāḥ | uktānyetāni nāmāni brahmaṇaiva mahātmanā || 5||

रक्षामहिमा

agninā dahyamānastu śatrumadhye gato raṇe | viṣame durge caiva bhayārtāḥ śaraṇaṃ gatāḥ || 6||

रक्षामहिमा

na teṣāṃ jāyate kiñcidaśubhaṃ raṇasaṅkaṭe | nāpadaṃ tasya paśyāmi śokaduḥkhabhayaṃ nahi || 7||

रक्षामहिमा

yaistu bhaktyā smṛtā nūnaṃ teṣāṃ siddhiḥ prajāyate | ye tvāṃ smaranti deveśi rakṣase tānna saṃśayaḥ | 8||

मातृगण

pretasaṃsthā tu cāmuṇḍā vārāhī mahiṣāsanā | aindrī gajasamāruḍhā vaiṣṇavī garuḍāsanā || 9||

मातृगण

māheśvarī vṛṣāruḍhā kaumārī śikhivāhanā | lakṣmīḥ padmāsanā devī padmahastā haripriyā || 10||

मातृगण

śvetarūpadharā devī īśvarī vṛṣavāhanā | brāhmī haṃsasamāruḍhā sarvābharaṇabhūṣitā || 11||

मातृगण

ityetā mātaraḥ sarvāḥ sarvayogasamanvitāḥ | nānābharaṇaśobhāḍhyā nānāratnopaśobhitā || 12||

मातृगण

dṛśyante rathamāruḍhā devyaḥ krodhasamākulāḥ | śaṅkhaṃ cakraṃ gadāṃ śaktiṃ halaṃ ca musalāyudham || 13||

मातृगण

kheṭakaṃ tomaraṃ caiva paraśuṃ pāśameva ca | kuntāyudhaṃ triśūlaṃ ca śārṅgamāyudhamuttamam || 14||

मातृगण

daityānāṃ dehanāśāya bhaktānāmabhayāya ca | dhārayantyāyudhānītthaṃ devānāṃ ca hitāya vai || 15||

स्तुति

namaste'stu mahāraudre mahāghoraparākrame | mahābale mahotsāhe mahābhayavināśinī || 16||

दिग्बन्ध

trāhi māṃ devi duṣprekṣye śatrūṇāṃ bhayavardhini | prācyāṃ rakṣatu māmaindrī āgneyāmagnidevatā || 17||

दिग्बन्ध

dakṣiṇe'vatu vārāhī nairṛtyāṃ khaḍgadhāriṇī | pratīcyāṃ vāruṇī rakṣedvāyavyāṃ mṛgavāhinī || 18||

दिग्बन्ध

udīcyāṃ rakṣa kauberi īśānyāṃ śūladhāriṇī | ūrdhvaṃ brahmāṇī me rakṣedadhastādvaiṣṇavī tathā || 19||

दिग्बन्ध

evaṃ daśa diśo rakṣeccāmuṇḍā śavavāhanā | jayā me agrataḥ sthātu vijayā sthātu pṛṣṭhataḥ || 20||

कवच

ajitā vāmapārśve tu dakṣiṇe cāparājitā | śikhāṃ me dyotinī rakṣedumā mūrdhni vyavasthitā || 21||

कवच

mālādharī lalāṭe ca bhruvau rakṣedyaśasvinī | trinetrā ca bhruvormadhye yamaghaṇṭā ca nāsike || 22||

कवच

śaṅkhinī cakṣuṣormadhye śrotrayordvāravāsinī | kapolau kālikā rakṣetkarṇamūle tu śāṅkarī || 23||

कवच

nāsikāyāṃ sugandhā ca uttaroṣṭhe ca carcikā | adhare cāmṛtakalā jihvāyāṃ ca sarasvatī || 24||

कवच

dantān rakṣatu kaumārī kaṇṭhamadhye tu caṇḍikā | ghaṇṭikāṃ citraghaṇṭā ca mahāmāyā ca tāluke || 25||

कवच

kāmākṣī cibukaṃ rakṣedvācaṃ me sarvamaṅgalā | grīvāyāṃ bhadrakālī ca pṛṣṭhavaṃśe dhanurdharī || 26||

कवच

nīlagrīvā bahiḥkaṇṭhe nalikāṃ nalakūbarī | skandhayoḥ khaḍginī rakṣed bāhū me vajradhāriṇī || 27||

कवच

hastayordaṇḍinī rakṣedambikā cāṅgulīstathā | nakhāñchūleśvarī rakṣet kukṣau rakṣennaleśvarī || 28||

कवच

stanau rakṣenmahālakṣmīrmanaḥśokavināśinī | hṛdaye lalitādevī udare śūladhāriṇī || 29||

कवच

nābhau ca kāminī rakṣedguhyaṃ guhyeśvarī tathā | pūtanā kāmikā meḍhraṃ gude mahiṣavāhinī || 30||

कवच

kaṭyāṃ bhagavatī rakṣejjānunī vindhyavāsinī | jaṅghe mahābalā proktā sarvakāmapradāyinī || 31||

कवच

gulphayornārasiṃhī ca pādau cāmitatejasī | pādāṅgulīḥ śrīrme rakṣetpādādhastalavāsinī || 32||

कवच

nakhāndaṃṣṭrākarālī ca keśāṃścaivordhvakeśinī | romakūpeṣu kauberī tvacaṃ vāgīśvarī tathā || 33||

कवच

raktamajjāvamāṃsānyasthimedāṃsī pārvatī | antrāṇi kālarātriśca pittaṃ ca mukuṭeśvarī || 34||

कवच

padmāvatī padmakośe kaphe cuḍāmaṇistathā | jvālāmukhī nakhajvālā abhedyā sarvasandhiṣu || 35||

कवच

śukraṃ brahmāṇī me rakṣecchāyāṃ chatreśvarī tathā | ahaṅkāraṃ mano buddhiṃ rakṣa me dharmacāriṇi || 36||

कवच

prāṇāpānau tathā vyānaṃ samānodānameva ca | vajrahastā ca me rekṣetprāṇaṃ kalyāṇaśobhanā || 37||

कवच

rase rūpe ca gandhe ca śabde sparśe ca yoginī | sattvaṃ rajastamaścaiva rakṣennārāyaṇī sadā || 38||

कवच

āyū rakṣatu vārāhī dharmaṃ rakṣatu vaiṣṇavī | yaśaḥ kīrtiṃ ca lakṣmīṃ ca dhanaṃ vidyāṃ ca cakriṇī || 39||

कवच

gotramindrāṇī me rakṣetpaśūnme rakṣa caṇḍike | putrān rakṣenmahālakṣmīrbhāryāṃ rakṣatu bhairavī || 40||

कवच

panthānaṃ supathā rakṣenmārgaṃ kṣemakarī tathā | rājadvāre mahālakṣmīrvijayā sarvataḥ sthitā || 41||

कवच

rakṣāhīnaṃ tu yatsthānaṃ varjitaṃ kavacena tu | tatsarvaṃ rakṣa me devi jayantī pāpanāśinī || 42||

फलश्रुति

padamekaṃ na gacchettu yadīcchecchubhamātmanaḥ | kavacenāvṛto nityaṃ yatra yatrādhigacchati || 43||

फलश्रुति

tatra tatrārtha lābhaśca vijayaḥ sārvakāmikaḥ | yaṃ yaṃ kāmayate kāmaṃ taṃ taṃ prāpnoti niścitam | paramaiśvaryamatulaṃ prāpsyate bhūtale pumān || 44||

फलश्रुति

nirbhayo jāyate martyaḥ saṅgrāmeṣva parājitaḥ | trailokye tu bhavetpūjyaḥ kavacenāvṛtaḥ pumān || 45||

फलश्रुति

idaṃ tu devyāḥ kavacaṃ devānāmapi durlabham | yaḥ paṭhetprayato nityaṃ trisandhyaṃ śraddhayānvitaḥ || 46||

फलश्रुति

daivī kalā bhavettasya trailokeṣva parājitaḥ | jīvedvarṣaśataṃ sāgramapamṛtyu vivarjitaḥ || 47||

फलश्रुति

naśyanti vyādhayaḥ sarve lūtāvisphoṭakādayaḥ | sthāvaraṃ jaṅgamaṃ vāpi kṛtrimaṃ cāpi yadviṣam || 48||

फलश्रुति

abhicārāṇi sarvāṇi mantrayantrāṇi bhūtale | bhūcarāḥ khecarāścaiva jalajāścopadeśikāḥ || 49||

फलश्रुति

sahajāḥ kulajā mālāḥ śākinī ḍākinī tathā | antarikṣacarā ghorā ḍākinyaśca mahābalāḥ || 50||

फलश्रुति

grahabhūtapiśācāśca yakṣagandharvarākṣasāḥ | brahmarākṣasavetālāḥ kūṣmāṇḍā bhairavādayaḥ || 51||

फलश्रुति

naśyanti darśanāttasya kavace hṛdi saṃsthite | mānonnatirbhavedrājñastejovṛddhikaraṃ param || 52||

फलश्रुति

yaśasā vardhate so'pi kīrtimaṇḍitabhūtale | japetsaptaśatīṃ caṇḍīṃ kṛtvā tu kavacaṃ purā || 53||

फलश्रुति

yāvadbhūmaṇḍalaṃ dhatte saśailavanakānanam | tāvattiṣṭhati medinyāṃ santatiḥ putrapautrakī || 54||

फलश्रुति

dehānte paramaṃ sthānaṃ yatsurairapi durlabham | prāpnoti puruṣo nityaṃ mahāmāyāprasādataḥ || 55||

फलश्रुति

लभते परमं रूपं शिवेन सह मोदते ॥ ५६॥

labhate paramaṃ rūpaṃ śivena saha modate || 56||

समापन

॥ इति श्रीवाराहपुराणे हरिहरब्रह्मविरचितं देव्याः कवचं सम्पूर्णम् ॥

|| iti śrīvārāhapurāṇe hariharabrahmaviracitaṃ devyāḥ kavacaṃ sampūrṇam ||

Introduction

The Shri Chandi Kavacham (Devi Kavacham) is a protective “armour” hymn to Goddess Durga-Chandika, traditionally the first limb (anga) of the Devi Mahatmya (Durga Saptashati) of the Markandeya Purana. Remembering the nine forms of Durga (Navadurga), the devotee binds the ten directions with the Mother-goddesses and seeks the protection of a distinct goddess for every limb from the crown of the head to the feet; the closing verses recount the merit of its daily recitation.

The Sanskrit text is reproduced verbatim from a canonical source; the meanings are explanatory. For correct pronunciation and practice, guidance from a qualified teacher is advisable.

Sources 2

Sanskrit Documents — चण्डीकवचम् — chaNDiikavacham, proofread ITRANS
संस्कृत मूल पाठ प्रामाणिक स्रोत से अक्षरशः; अर्थ व्याख्यात्मक। धार्मिक समीक्षा अपेक्षित।
Hindupedia — Devi Kavacham — English verse-by-verse meaning (Navadurga, dig-bandha, limb-by-limb protection, phalashruti)

Meanings are compiled and edited by the Ved Path team, and are being progressively reviewed for accuracy.

Chandi Kavacham

विनियोग 1

मार्कण्डेय उवाच 1

ब्रह्मोवाच 1

नवदुर्गा 3

रक्षामहिमा 3

मातृगण 7

स्तुति 1

दिग्बन्ध 4

कवच 22

फलश्रुति 14

समापन 1

Introduction

Sources 2

Report an issue

Related Content 1

Dasha Mahavidya Kavacham

Explore More 13

Aartis

Shri Durga Aarti - Jai Ambe Gauri

Chalisas

Durga Chalisa

Bhajans

आना अम्बे माँ

अम्बे के भवन में आओ रे

हे भवानी भगवती माँ तुझ नमो तुझ नमो

जय दुर्गे दुर्गति परिहारिणी

Stotrams

Lalita Sahasranama

Deities

Durga

Festivals

Dussehra (Vijayadashami)

Navratri