Aparādha-Kṣamāpaṇa Stotram — अपराधक्षमापन स्तोत्र — Durga Saptashati

ॐ अपराधशतं कृत्वा जगदम्बेति चोच्चरेत् । यां गतिं समवाप्नोति न तां ब्रह्मादयः सुराः ॥ १॥

oṃ aparādhaśataṃ kṛtvā jagadambeti coccaret | yāṃ gatiṃ samavāpnoti na tāṃ brahmādayaḥ surāḥ || 1||

सापराधोऽस्मि शरणं प्राप्तस्त्वां जगदम्बिके । इदानीमनुकम्प्योऽहं यथेच्छसि तथा कुरु ॥ २॥

sāparādho'smi śaraṇaṃ prāptastvāṃ jagadambike | idānīmanukampyo'haṃ yathecchasi tathā kuru || 2||

अज्ञानाद्विस्मृतेर्भ्रान्त्या यन्न्यूनमधिकं कृतम् । तत्सर्वं क्षम्यतां देवि प्रसीद परमेश्वरि ॥ ३॥

ajñānādvismṛterbhrāntyā yannyūnamadhikaṃ kṛtam | tatsarvaṃ kṣamyatāṃ devi prasīda parameśvari || 3||

कामेश्वरि जगन्मातः सच्चिदानन्दविग्रहे । गृहाणार्चामिमां प्रीत्या प्रसीद परमेश्वरि ॥ ४॥

kāmeśvari jaganmātaḥ saccidānandavigrahe | gṛhāṇārcāmimāṃ prītyā prasīda parameśvari || 4||

सर्वरूपमयी देवी सर्वं देवीमयं जगत् । अतोऽहं विश्वरूपां त्वां नमामि परमेश्वरीम् ॥ ५॥

sarvarūpamayī devī sarvaṃ devīmayaṃ jagat | ato'haṃ viśvarūpāṃ tvāṃ namāmi parameśvarīm || 5||

यदक्षरं परिभ्रष्टं मात्राहीनञ्च यद्भवेत् । पूर्णं भवतु तत् सर्वं त्वत्प्रसादान्महेश्वरि ॥ ६॥

yadakṣaraṃ paribhraṣṭaṃ mātrāhīnañca yadbhavet | pūrṇaṃ bhavatu tat sarvaṃ tvatprasādānmaheśvari || 6||

यदत्र पाठे जगदम्बिके मया विसर्गबिन्द्वक्षरहीनमीरितम् । तदस्तु सम्पूर्णतमं प्रसादतः सङ्कल्पसिद्धिश्च सदैव जायताम् ॥ ७॥

yadatra pāṭhe jagadambike mayā visargabindvakṣarahīnamīritam | tadastu sampūrṇatamaṃ prasādataḥ saṅkalpasiddhiśca sadaiva jāyatām || 7||

यन्मात्राबिन्दुबिन्दुद्वितयपदपदद्वन्द्ववर्णादिहीनं भक्त्याभक्त्यानुपूर्वं प्रसभकृतिवशात् व्यक्तमव्यक्तमम्ब । मोहादज्ञानतो वा पठितमपठितं साम्प्रतं ते स्तवेऽस्मिन् तत् सर्वं साङ्गमास्तां भगवति वरदे त्वत्प्रसादात् प्रसीद ॥ ८॥

yanmātrābindubindudvitayapadapadadvandvavarṇādihīnaṃ bhaktyābhaktyānupūrvaṃ prasabhakṛtivaśāt vyaktamavyaktamamba | mohādajñānato vā paṭhitamapaṭhitaṃ sāmprataṃ te stave'smin tat sarvaṃ sāṅgamāstāṃ bhagavati varade tvatprasādāt prasīda || 8||

Meaning

O Mother, whatever in this hymn has been left wanting a mātrā (vowel-measure), a bindu (anusvāra), a pair of dots (visarga), a word, a pair of words, a letter and the like — whatever I have recited with devotion or without it, in due order or under the sway of haste, clearly or indistinctly, out of delusion or ignorance, whether read or left unread — O boon-granting Bhagavati, let all of it stand complete with all its parts by your grace; be gracious.

प्रसीद भगवत्यम्ब प्रसीद भक्तवत्सले । प्रसादं कुरु मे देवि दुर्गे देवि नमोऽस्तु ते ॥ ९॥

prasīda bhagavatyamba prasīda bhaktavatsale | prasādaṃ kuru me devi durge devi namo'stu te || 9||