उत्तरकाण्ड

उत्तरकाण्ड · दोहा ७८(क)–८७(ख)

साझा करें

नाथ इहाँ कछु कारन आना। सुनहु सो सावधान हरिजाना॥ ग्यान अखंड एक सीताबर। माया बस्य जीव सचराचर॥

nātha ihām̐ kachu kārana ānā| sunahu so sāvadhāna harijānā|| gyāna akhaṃḍa eka sītābara| māyā basya jīva sacarācara||

जौं सब कें रह ग्यान एकरस। ईस्वर जीवहि भेद कहहु कस॥ माया बस्य जीव अभिमानी। ईस बस्य माया गुनखानी॥

jauṃ saba keṃ raha gyāna ekarasa| īsvara jīvahi bheda kahahu kasa|| māyā basya jīva abhimānī| īsa basya māyā gunakhānī||

परबस जीव स्वबस भगवंता। जीव अनेक एक श्रीकंता॥ मुधा भेद जद्यपि कृत माया। बिनु हरि जाइ न कोटि उपाया॥

parabasa jīva svabasa bhagavaṃtā| jīva aneka eka śrīkaṃtā|| mudhā bheda jadyapi kṛta māyā| binu hari jāi na koṭi upāyā||

दोहा ७८(क)

रामचंद्र के भजन बिनु जो चह पद निर्बान। ग्यानवंत अपि सो नर पसु बिनु पूछ बिषान ॥ ७८ (क)॥

rāmacaṃdra ke bhajana binu jo caha pada nirbāna| gyānavaṃta api so nara pasu binu pūcha biṣāna || 78 (ka)||

दोहा ७८(ख)

राकापति षोडस उअहिं तारागन समुदाइ। सकल गिरिन्ह दव लाइअ बिनु रबि राति न जाइ ॥ ७८ (ख)॥

rākāpati ṣoḍasa uahiṃ tārāgana samudāi| sakala girinha dava lāia binu rabi rāti na jāi || 78 (kha)||

ऐसेहिं हरि बिनु भजन खगेसा। मिटइ न जीवन्ह केर कलेसा॥ हरि सेवकहि न ब्याप अबिद्या। प्रभु प्रेरित ब्यापइ तेहि बिद्या॥

aisehiṃ hari binu bhajana khagesā| miṭai na jīvanha kera kalesā|| hari sevakahi na byāpa abidyā| prabhu prerita byāpai tehi bidyā||

ताते नास न होइ दास कर। भेद भगति भाढ़इ बिहंगबर॥ भ्रम ते चकित राम मोहि देखा। बिहँसे सो सुनु चरित बिसेषा॥

tāte nāsa na hoi dāsa kara| bheda bhagati bhāṛhai bihaṃgabara|| bhrama te cakita rāma mohi dekhā| biham̐se so sunu carita biseṣā||

तेहि कौतुक कर मरमु न काहूँ। जाना अनुज न मातु पिताहूँ॥ जानु पानि धाए मोहि धरना। स्यामल गात अरुन कर चरना॥

tehi kautuka kara maramu na kāhūm̐| jānā anuja na mātu pitāhūm̐|| jānu pāni dhāe mohi dharanā| syāmala gāta aruna kara caranā||

तब मैं भागि चलेउँ उरगामी। राम गहन कहँ भुजा पसारी॥ जिमि जिमि दूरि उड़ाउँ अकासा। तहँ भुज हरि देखउँ निज पासा॥

taba maiṃ bhāgi caleum̐ uragāmī| rāma gahana kaham̐ bhujā pasārī|| jimi jimi dūri uṛāum̐ akāsā| taham̐ bhuja hari dekhaum̐ nija pāsā||

दोहा ७९(क)

ब्रहालोक लगि गये मैं चितयउँ पाछ उड़ात। जुग अंगुल कर बीच सब राम भुजहि मोहि तात ॥ ७९ (क)॥

brahāloka lagi gaye maiṃ citayaum̐ pācha uṛāta| juga aṃgula kara bīca saba rāma bhujahi mohi tāta || 79 (ka)||

दोहा ७९(ख)

सप्ताबरन भेद करि जहां लगें गति मोरि। गयडें तहां प्रभु भुज निरखि ब्याकुल भय बहोरि ॥ ७९ (ख)॥

saptābarana bheda kari jahāṃ lageṃ gati mori| gayaḍeṃ tahāṃ prabhu bhuja nirakhi byākula bhaya bahori || 79 (kha)||

मूदेउँ नयन त्रसित जब भयउँ। पुनि चितवत कोसलपुर गयऊँ॥ मोहि बिलोकि राम मुसुकाहीं। बिहँसत तुरत गयउँ मुख माहीं॥

mūdeum̐ nayana trasita jaba bhayaum̐| puni citavata kosalapura gayaūm̐|| mohi biloki rāma musukāhīṃ| biham̐sata turata gayaum̐ mukha māhīṃ||

उदर माझ सुनु अंडज राया। देखेउँ बहु ब्रह्मांड निकाया॥ अति बिचित्र तहँ लोक अनेका। रचना अधिक एक ते एका॥

udara mājha sunu aṃḍaja rāyā| dekheum̐ bahu brahmāṃḍa nikāyā|| ati bicitra taham̐ loka anekā| racanā adhika eka te ekā||

कोटिन्ह चतुरानन गौरीसा। अगनित उडगन रबि रजनीसा॥ अगनित लोकपाल जम काला। अगनित भूधर भूमि बिसाला॥

koṭinha caturānana gaurīsā| aganita uḍagana rabi rajanīsā|| aganita lokapāla jama kālā| aganita bhūdhara bhūmi bisālā||

सागर सरि सर बिपिन अपारा। नाना भाँति सृष्टि बिस्तारा॥ सुर मुनि सिद्ध नाग नर किंनर। चारि प्रकार जीव सचराचर॥

sāgara sari sara bipina apārā| nānā bhām̐ti sṛṣṭi bistārā|| sura muni siddha nāga nara kiṃnara| cāri prakāra jīva sacarācara||

दोहा

जो नहिं देखा नहिं सुना जो मनहूं न समाइ।

jo nahiṃ dekhā nahiṃ sunā jo manahūṃ na samāi|

सोरठा ८०(क)

सब अद्भुत देखेउं बरनि कवनि बिधि जाइ ॥ ८० (क)॥

saba adbhuta dekheuṃ barani kavani bidhi jāi || 80 (ka)||

दोहा ८०(ख)

एक एक ब्रह्मांड महूं रहउं बरष सत एक। एहि बिधि देखत फिरें में अंड कटाह अनेक ॥ ८० (ख)॥

eka eka brahmāṃḍa mahūṃ rahauṃ baraṣa sata eka| ehi bidhi dekhata phireṃ meṃ aṃḍa kaṭāha aneka || 80 (kha)||

लोक लोक प्रति भिन्न बिधाता। भिन्न बिष्नु सिव मनु दिसित्राता॥ नर गंधर्ब भूत बेताला। किंनर निसिचर पसु खग ब्याला॥

loka loka prati bhinna bidhātā| bhinna biṣnu siva manu disitrātā|| nara gaṃdharba bhūta betālā| kiṃnara nisicara pasu khaga byālā||

देव दनुज गन नाना जाती। सकल जीव तहँ आनहि भाँती॥ महि सरि सागर सर गिरि नाना। सब प्रपंच तहँ आनइ आना॥

deva danuja gana nānā jātī| sakala jīva taham̐ ānahi bhām̐tī|| mahi sari sāgara sara giri nānā| saba prapaṃca taham̐ ānai ānā||

अंडकोस प्रति प्रति निज रुपा। देखेउँ जिनस अनेक अनूपा॥ अवधपुरी प्रति भुवन निनारी। सरजू भिन्न भिन्न नर नारी॥

aṃḍakosa prati prati nija rupā| dekheum̐ jinasa aneka anūpā|| avadhapurī prati bhuvana ninārī| sarajū bhinna bhinna nara nārī||

दसरथ कौसल्या सुनु ताता। बिबिध रूप भरतादिक भ्राता॥ प्रति ब्रह्मांड राम अवतारा। देखउँ बालबिनोद अपारा॥

dasaratha kausalyā sunu tātā| bibidha rūpa bharatādika bhrātā|| prati brahmāṃḍa rāma avatārā| dekhaum̐ bālabinoda apārā||

दोहा ८१(क)

भिन्न भिन्न में दीख सबु अति बिचित्र हरिजान। अगनित भुवन फिरेउं प्रभु राम न देखेउं आन ॥ ८१ (क)॥

bhinna bhinna meṃ dīkha sabu ati bicitra harijāna| aganita bhuvana phireuṃ prabhu rāma na dekheuṃ āna || 81 (ka)||

सोरठा ८१(ख)

सोइ सिसुपन सोइ सोभा सोइ कृपाल रघुबीर। भुवन भुवन देखत फिरें प्रेरित मोह समीर ॥ ८१ (ख)॥

soi sisupana soi sobhā soi kṛpāla raghubīra| bhuvana bhuvana dekhata phireṃ prerita moha samīra || 81 (kha)||

भ्रमत मोहि ब्रह्मांड अनेका। बीते मनहुँ कल्प सत एका॥ फिरत फिरत निज आश्रम आयउँ। तहें पुनि रहि कछ काल ग्वाँयडें॥

bhramata mohi brahmāṃḍa anekā| bīte manahum̐ kalpa sata ekā|| phirata phirata nija āśrama āyaum̐| taheṃ puni rahi kacha kāla gvām̐yaḍeṃ||

निज प्रभु जन्म अवध सुनि पायउँ। निर्भर प्रेम हरषि उठि धायउँ॥ देखउँ जन्म महोत्सव जाई। जेहि बिधि प्रथम कहा मैं गाई॥

nija prabhu janma avadha suni pāyaum̐| nirbhara prema haraṣi uṭhi dhāyaum̐|| dekhaum̐ janma mahotsava jāī| jehi bidhi prathama kahā maiṃ gāī||

राम उदर देखेउँ जग नाना। देखत बनइ न जाइ बखाना॥ तहँ पुनि देखेउँ राम सुजाना। माया पति कृपाल भगवाना॥

rāma udara dekheum̐ jaga nānā| dekhata banai na jāi bakhānā|| taham̐ puni dekheum̐ rāma sujānā| māyā pati kṛpāla bhagavānā||

करउँ बिचार बहोरि बहोरी। मोह कलिल ब्यापित मति मोरी॥ उभय घरी महँ मैं सब देखा। भयउँ भ्रमित मन मोह बिसेषा॥

karaum̐ bicāra bahori bahorī| moha kalila byāpita mati morī|| ubhaya gharī maham̐ maiṃ saba dekhā| bhayaum̐ bhramita mana moha biseṣā||

दोहा ८२(क)

देखि कृपाल बिकल मोहि बिहँसे तब रघुबीर। बिहँसतहीं मुख बाहेर आय सुनु मतिधीर ॥ ८२ (क)॥

dekhi kṛpāla bikala mohi biham̐se taba raghubīra| biham̐satahīṃ mukha bāhera āya sunu matidhīra || 82 (ka)||

सोरठा ८२(ख)

इ़ लरिकाई मो सन करन लगे पुनि राम। कोटि भाँति समुझावउँ मनु न लहइ बिश्राम ॥ ८२ (ख)॥

i larikāī mo sana karana lage puni rāma| koṭi bhām̐ti samujhāvaum̐ manu na lahai biśrāma || 82 (kha)||

देखि चरित यह सो प्रभुताई। समुझत देह दसा बिसराई॥ धरनि परेउँ मुख आव न बाता। त्राहि त्राहि आरत जन त्राता॥

dekhi carita yaha so prabhutāī| samujhata deha dasā bisarāī|| dharani pareum̐ mukha āva na bātā| trāhi trāhi ārata jana trātā||

प्रेमाकुल प्रभु मोहि बिलोकी। निज माया प्रभुता तब रोकी॥ कर सरोज प्रभु मम सिर धरेऊ। दीनदयाल सकल दुख हरेऊ॥

premākula prabhu mohi bilokī| nija māyā prabhutā taba rokī|| kara saroja prabhu mama sira dhareū| dīnadayāla sakala dukha hareū||

कीन्ह राम मोहि बिगत बिमोहा। सेवक सुखद कृपा संदोहा॥ प्रभुता प्रथम बिचारि बिचारी। मन महँ होइ हरष अति भारी॥

kīnha rāma mohi bigata bimohā| sevaka sukhada kṛpā saṃdohā|| prabhutā prathama bicāri bicārī| mana maham̐ hoi haraṣa ati bhārī||

भगत बछलता प्रभु कै देखी। उपजी मम उर प्रीति बिसेषी॥ सजल नयन पुलकित कर जोरी। कीन्हिउँ बहु बिधि बिनय बहोरी॥

bhagata bachalatā prabhu kai dekhī| upajī mama ura prīti biseṣī|| sajala nayana pulakita kara jorī| kīnhium̐ bahu bidhi binaya bahorī||

दोहा ८३(क)

सुनि सप्रेम मम बानी देखि दीन निज दास। बचन सुखद गंभीर मृदु बोले रमानिवास ॥ ८३ (क)॥

suni saprema mama bānī dekhi dīna nija dāsa| bacana sukhada gaṃbhīra mṛdu bole ramānivāsa || 83 (ka)||

काकभसुंडि मागु बर अति प्रसन्न मोहि जानि। अनिमादिक सिधि अपर रिधिमोच्छ सकल सुख खानि॥ ८ ३ ( ख )॥

kākabhasuṃḍi māgu bara ati prasanna mohi jāni| animādika sidhi apara ridhimoccha sakala sukha khāni|| 8 3 ( kha )||

ग्यान बिबेक बिरति बिग्याना। मुनि दुर्लभ गुन जे जग नाना॥ आजु देउँ सब संसय नाहीं। मागु जो तोहि भाव मन माहीं॥

gyāna bibeka birati bigyānā| muni durlabha guna je jaga nānā|| āju deum̐ saba saṃsaya nāhīṃ| māgu jo tohi bhāva mana māhīṃ||

सुनि प्रभु बचन अधिक अनुरागेउँ। मन अनुमान करन तब लागेऊँ॥ प्रभु कह देन सकल सुख सही। भगति आपनी देन न कही॥

suni prabhu bacana adhika anurāgeum̐| mana anumāna karana taba lāgeūm̐|| prabhu kaha dena sakala sukha sahī| bhagati āpanī dena na kahī||

भगति हीन गुन सब सुख ऐसे। लवन बिना बहु बिंजन जैसे॥ भजन हीन सुख कवने काजा। अस बिचारि बोलेउँ खगराजा॥

bhagati hīna guna saba sukha aise| lavana binā bahu biṃjana jaise|| bhajana hīna sukha kavane kājā| asa bicāri boleum̐ khagarājā||

जौं प्रभु होइ प्रसन्न बर देहू। मो पर करहु कृपा अरु नेहू॥ मन भावत बर मागउँ स्वामी। तुम्ह उदार उर अंतरजामी॥

jauṃ prabhu hoi prasanna bara dehū| mo para karahu kṛpā aru nehū|| mana bhāvata bara māgaum̐ svāmī| tumha udāra ura aṃtarajāmī||

दोहा ८४(क)

अबिरल भगति बिसुद्ध तब श्रुति पुरान जो गाव। जेहि खोजत जोगीस मुनि प्रभु प्रसाद कोउ पाव ॥ ८४ (क)॥

abirala bhagati bisuddha taba śruti purāna jo gāva| jehi khojata jogīsa muni prabhu prasāda kou pāva || 84 (ka)||

भगत कल्पतरु प्रनत हित कृपा सिंधु सुख धाम।

bhagata kalpataru pranata hita kṛpā siṃdhu sukha dhāma|

सोरठा ८४(ख)

इ़ निज भगति मोहि प्रभु देहु दया करि राम ॥ ८४ (ख)॥

i nija bhagati mohi prabhu dehu dayā kari rāma || 84 (kha)||

एवमस्तु कहि रघुकुलनायक। बोले बचन परम सुखदायक॥ सुनु बायस तैं सहज सयाना। काहे न मागसि अस बरदाना॥

evamastu kahi raghukulanāyaka| bole bacana parama sukhadāyaka|| sunu bāyasa taiṃ sahaja sayānā| kāhe na māgasi asa baradānā||

सब सुख खानि भगति तैं मागी। नहिं जग कोउ तोहि सम बड़भागी॥ जो मुनि कोटि जतन नहिं लहहीं। जे जप जोग अनल तन दहहीं॥

saba sukha khāni bhagati taiṃ māgī| nahiṃ jaga kou tohi sama baṛabhāgī|| jo muni koṭi jatana nahiṃ lahahīṃ| je japa joga anala tana dahahīṃ||

रीझेउँ देखि तोरि चतुराई। मागेहु भगति मोहि अति भाई॥ सुनु बिहंग प्रसाद अब मोरें। सब सुभ गुन बसिहहिं उर तोरें॥

rījheum̐ dekhi tori caturāī| māgehu bhagati mohi ati bhāī|| sunu bihaṃga prasāda aba moreṃ| saba subha guna basihahiṃ ura toreṃ||

भगति ग्यान बिग्यान बिरागा। जोग चरित्र रहस्य बिभागा॥ जानब तैं सबही कर भेदा। मम प्रसाद नहिं साधन खेदा॥

bhagati gyāna bigyāna birāgā| joga caritra rahasya bibhāgā|| jānaba taiṃ sabahī kara bhedā| mama prasāda nahiṃ sādhana khedā||

दोहा ८५(क)

माया संभव भ्रम सब अब न ब्यापिहहिं तोहि। जानेसु ब्रहा अनादि अज अगुन गुनाकर मोहि ॥ ८५ (क)॥

māyā saṃbhava bhrama saba aba na byāpihahiṃ tohi| jānesu brahā anādi aja aguna gunākara mohi || 85 (ka)||

दोहा ८५(ख)

मोहि भगत प्रिय संतत अस बिचारि सुनु काग। का्यें बचन मन मम पद करेसु अचल अनुराग ॥ ८५ (ख)॥

mohi bhagata priya saṃtata asa bicāri sunu kāga| kāyeṃ bacana mana mama pada karesu acala anurāga || 85 (kha)||

अब सुनु परम बिमल मम बानी। सत्य सुगम निगमादि बखानी॥ निज सिद्धांत सुनावउँ तोही। सुनु मन धरु सब तजि भजु मोही॥

aba sunu parama bimala mama bānī| satya sugama nigamādi bakhānī|| nija siddhāṃta sunāvaum̐ tohī| sunu mana dharu saba taji bhaju mohī||

मम माया संभव संसारा। जीव चराचर बिबिधि प्रकारा॥ सब मम प्रिय सब मम उपजाए। सब ते अधिक मनुज मोहि भाए॥

mama māyā saṃbhava saṃsārā| jīva carācara bibidhi prakārā|| saba mama priya saba mama upajāe| saba te adhika manuja mohi bhāe||

तिन्ह महँ द्विज द्विज महँ श्रुतिधारी। तिन्ह महुँ निगम धरम अनुसारी॥ तिन्ह महँ प्रिय बिरक्त पुनि ग्यानी। ग्यानिहु ते अति प्रिय बिग्यानी॥

tinha maham̐ dvija dvija maham̐ śrutidhārī| tinha mahum̐ nigama dharama anusārī|| tinha maham̐ priya birakta puni gyānī| gyānihu te ati priya bigyānī||

तिन्ह ते पुनि मोहि प्रिय निज दासा। जेहि गति मोरि न दूसरि आसा॥ पुनि पुनि सत्य कहउँ तोहि पाहीं। मोहि सेवक सम प्रिय कोउ नाहीं॥

tinha te puni mohi priya nija dāsā| jehi gati mori na dūsari āsā|| puni puni satya kahaum̐ tohi pāhīṃ| mohi sevaka sama priya kou nāhīṃ||

भगति हीन बिरंचि किन होई। सब जीवहु सम प्रिय मोहि सोई॥ भगतिवंत अति नीचउ प्रानी। मोहि प्रानप्रिय असि मम बानी॥

bhagati hīna biraṃci kina hoī| saba jīvahu sama priya mohi soī|| bhagativaṃta ati nīcau prānī| mohi prānapriya asi mama bānī||

दोहा ८६

सुचि सुसील सेवक सुमति प्रिय कहु काहि न लाग। श्रुति पुरान कह नीति असि सावधान सुनु काग ॥ ८६॥

suci susīla sevaka sumati priya kahu kāhi na lāga| śruti purāna kaha nīti asi sāvadhāna sunu kāga || 86||

एक पिता के बिपुल कुमारा। होहिं पृथक गुन सील अचारा॥ कोउ पंडिंत कोउ तापस ग्याता। कोउ धनवंत सूर कोउ दाता॥

eka pitā ke bipula kumārā| hohiṃ pṛthaka guna sīla acārā|| kou paṃḍiṃta kou tāpasa gyātā| kou dhanavaṃta sūra kou dātā||

कोउ सर्बग्य धर्मरत कोई। सब पर पितहि प्रीति सम होई॥ कोउ पितु भगत बचन मन कर्मा। सपनेहुँ जान न दूसर धर्मा॥

kou sarbagya dharmarata koī| saba para pitahi prīti sama hoī|| kou pitu bhagata bacana mana karmā| sapanehum̐ jāna na dūsara dharmā||

सोरठा ३

सो सुत प्रिय पितु प्रान समाना। जद्यपि सो सब भाँति अयाना॥ एहि बिधि जीव चराचर जेते। त्रिजग देव नर असुर समेते॥

so suta priya pitu prāna samānā| jadyapi so saba bhām̐ti ayānā|| ehi bidhi jīva carācara jete| trijaga deva nara asura samete||

अखिल बिस्व यह मोर उपाया। सब पर मोहि बराबरि दाया॥ तिन्ह महँ जो परिहरि मद माया। भजै मोहि मन बच अरू काया॥

akhila bisva yaha mora upāyā| saba para mohi barābari dāyā|| tinha maham̐ jo parihari mada māyā| bhajai mohi mana baca arū kāyā||

दोहा ८७(क)

पुरुष नपुंसक नारि वा जीव चराचर कोइ। सर्ब भाव भज कपट तजि मोहि परम प्रिय सोइ ॥ ८७ (क)॥

puruṣa napuṃsaka nāri vā jīva carācara koi| sarba bhāva bhaja kapaṭa taji mohi parama priya soi || 87 (ka)||

सोरठा ८७(ख)

सत्य कह३ँ खग तोहि सुचि सेवक मम प्रानप्रिय। अस बिचारि भजु मोहि परिहरि आस भरोस सब ॥ ८७ (ख)॥

satya kaha3m̐ khaga tohi suci sevaka mama prānapriya| asa bicāri bhaju mohi parihari āsa bharosa saba || 87 (kha)||

कबहूँ काल न ब्यापिहि तोही। सुमिरेसु भजेसु निरंतर मोही॥ प्रभु बचनामृत सुनि न अघाऊँ। तनु पुलकित मन अति हरषाऊँ॥

kabahūm̐ kāla na byāpihi tohī| sumiresu bhajesu niraṃtara mohī|| prabhu bacanāmṛta suni na aghāūm̐| tanu pulakita mana ati haraṣāūm̐||

सोरठा २

सो सुख जानइ मन अरु काना। नहिं रसना पहिं जाइ बखाना॥ प्रभु सोभा सुख जानहिं नयना। कहि किमि सकहिं तिन्हहि नहिं बयना॥

so sukha jānai mana aru kānā| nahiṃ rasanā pahiṃ jāi bakhānā|| prabhu sobhā sukha jānahiṃ nayanā| kahi kimi sakahiṃ tinhahi nahiṃ bayanā||