अरण्यकाण्ड

अरण्यकाण्ड · दोहा १–३

साझा करें

श्लोक १

मूलं धर्मतरोर्विवेकजलधेः पूर्णेन्दुमानन्ददं वैराग्याम्बुजभास्करं ह्यघघनध्वान्तापहं तापहम्। मोहाम्भोधरपूगपाटनविधौ स्वःसम्भवं शङ्करं वन्दे ब्रह्मकुलं कलङ्कशमनं श्रीरामभूपप्रियम्॥ १॥

mūlaṃ dharmatarorvivekajaladheḥ pūrṇendumānandadaṃ vairāgyāmbujabhāskaraṃ hyaghaghanadhvāntāpahaṃ tāpaham| mohāmbhodharapūgapāṭanavidhau svaḥsambhavaṃ śaṅkaraṃ vande brahmakulaṃ kalaṅkaśamanaṃ śrīrāmabhūpapriyam|| 1||

श्लोक २

सान्द्रानन्दपयोदसौभगतनुं पीताम्बरं सुन्दरं पाणौ बाणशरासनं कटिलसत्तूणीरभारं वरम्। राजीवायतलोचनं धृतजटाजूटेन संशोभितं सीतालक्ष्मणसंयुतं पथिगतं रामाभिरामं भजे॥ २॥

sāndrānandapayodasaubhagatanuṃ pītāmbaraṃ sundaraṃ pāṇau bāṇaśarāsanaṃ kaṭilasattūṇīrabhāraṃ varam| rājīvāyatalocanaṃ dhṛtajaṭājūṭena saṃśobhitaṃ sītālakṣmaṇasaṃyutaṃ pathigataṃ rāmābhirāmaṃ bhaje|| 2||

सोरठा

उमा राम गुन गूढ़ पंडित मुनि पावहिं बिरति। पावहिं मोह बिमूढ़ जे हरि बिमुख न धर्म रति॥

umā rāma guna gūṛha paṃḍita muni pāvahiṃ birati| pāvahiṃ moha bimūṛha je hari bimukha na dharma rati||

पुर नर भरत प्रीति मैं गाई। मति अनुरूप अनूप सुहाई॥ अब प्रभु चरित सुनहु अति पावन। करत जे बन सुर नर मुनि भावन॥

pura nara bharata prīti maiṃ gāī| mati anurūpa anūpa suhāī|| aba prabhu carita sunahu ati pāvana| karata je bana sura nara muni bhāvana||

एक बार चुनि कुसुम सुहाए। निज कर भूषन राम बनाए॥ सीतहि पहिराए प्रभु सादर। बैठे फटिक सिला पर सुंदर॥

eka bāra cuni kusuma suhāe| nija kara bhūṣana rāma banāe|| sītahi pahirāe prabhu sādara| baiṭhe phaṭika silā para suṃdara||

सुरपति सुत धरि बायस बेषा। सठ चाहत रघुपति बल देखा॥ जिमि पिपीलिका सागर थाहा। महा मंदमति पावन चाहा॥

surapati suta dhari bāyasa beṣā| saṭha cāhata raghupati bala dekhā|| jimi pipīlikā sāgara thāhā| mahā maṃdamati pāvana cāhā||

सीता चरन चौंच हति भागा। मूढ़ मंदमति कारन कागा॥ चला रुधिर रघुनायक जाना। सींक धनुष सायक संधाना॥

sītā carana cauṃca hati bhāgā| mūṛha maṃdamati kārana kāgā|| calā rudhira raghunāyaka jānā| sīṃka dhanuṣa sāyaka saṃdhānā||

दोहा १

अति कृपाल रघुनायक सदा दीन पर नेह। ता सन आइ कीन्ह छलु मूरख अवगुन गेह ॥ १॥

ati kṛpāla raghunāyaka sadā dīna para neha| tā sana āi kīnha chalu mūrakha avaguna geha || 1||

प्रेरित मंत्र ब्रह्मसर धावा। चला भाजि बायस भय पावा॥ धरि निज रुप गयउ पितु पाहीं। राम बिमुख राखा तेहि नाहीं॥

prerita maṃtra brahmasara dhāvā| calā bhāji bāyasa bhaya pāvā|| dhari nija rupa gayau pitu pāhīṃ| rāma bimukha rākhā tehi nāhīṃ||

भा निरास उपजी मन त्रासा। जथा चक्र भय रिषि दुर्बासा॥ ब्रह्मधाम सिवपुर सब लोका। फिरा श्रमित ब्याकुल भय सोका॥

bhā nirāsa upajī mana trāsā| jathā cakra bhaya riṣi durbāsā|| brahmadhāma sivapura saba lokā| phirā śramita byākula bhaya sokā||

काहूँ बैठन कहा न ओही। राखि को सकइ राम कर द्रोही॥ मातु मृत्यु पितु समन समाना। सुधा होइ बिष सुनु हरिजाना॥

kāhūm̐ baiṭhana kahā na ohī| rākhi ko sakai rāma kara drohī|| mātu mṛtyu pitu samana samānā| sudhā hoi biṣa sunu harijānā||

मित्र करइ सत रिपु कै करनी। ता कहँ बिबुधनदी बैतरनी॥ सब जगु ताहि अनलहु ते ताता। जो रघुबीर बिमुख सुनु भ्राता॥

mitra karai sata ripu kai karanī| tā kaham̐ bibudhanadī baitaranī|| saba jagu tāhi analahu te tātā| jo raghubīra bimukha sunu bhrātā||

नारद देखा बिकल जयंता। लागि दया कोमल चित संता॥ पठवा तुरत राम पहिं ताही। कहेसि पुकारि प्रनत हित पाही॥

nārada dekhā bikala jayaṃtā| lāgi dayā komala cita saṃtā|| paṭhavā turata rāma pahiṃ tāhī| kahesi pukāri pranata hita pāhī||

आतुर सभय गहेसि पद जाई। त्राहि त्राहि दयाल रघुराई॥ अतुलित बल अतुलित प्रभुताई। मैं मतिमंद जानि नहिं पाई॥

ātura sabhaya gahesi pada jāī| trāhi trāhi dayāla raghurāī|| atulita bala atulita prabhutāī| maiṃ matimaṃda jāni nahiṃ pāī||

निज कृत कर्म जनित फल पायउँ। अब प्रभु पाहि सरन तकि आयउँ॥ सुनि कृपाल अति आरत बानी। एकनयन करि तजा भवानी॥

nija kṛta karma janita phala pāyaum̐| aba prabhu pāhi sarana taki āyaum̐|| suni kṛpāla ati ārata bānī| ekanayana kari tajā bhavānī||

सोरठा २

कीन्ह मोह बस द्रोह जद्यपि तेहि कर बध उचित। प्रभु छाड़ेउ करि छोह को कृपाल रघुबीर सम ॥ २॥

kīnha moha basa droha jadyapi tehi kara badha ucita| prabhu chāṛeu kari choha ko kṛpāla raghubīra sama || 2||

रघुपति चित्रकूट बसि नाना। चरित किए श्रुति सुधा समाना॥ बहुरि राम अस मन अनुमाना। होइहि भीर सबहिं मोहि जाना॥

raghupati citrakūṭa basi nānā| carita kie śruti sudhā samānā|| bahuri rāma asa mana anumānā| hoihi bhīra sabahiṃ mohi jānā||

सकल मुनिन्ह सन बिदा कराई। सीता सहित चले द्वौ भाई॥ अत्रि के आश्रम जब प्रभु गयऊ। सुनत महामुनि हरषित भयऊ॥

sakala muninha sana bidā karāī| sītā sahita cale dvau bhāī|| atri ke āśrama jaba prabhu gayaū| sunata mahāmuni haraṣita bhayaū||

पुलकित गात अत्रि उठि धाए। देखि रामु आतुर चलि आए॥ करत दंडवत मुनि उर लाए। प्रेम बारि द्वौ जन अन्हवाए॥

pulakita gāta atri uṭhi dhāe| dekhi rāmu ātura cali āe|| karata daṃḍavata muni ura lāe| prema bāri dvau jana anhavāe||

देखि राम छबि नयन जुड़ाने। सादर निज आश्रम तब आने॥ करि पूजा कहि बचन सुहाए। दिए मूल फल प्रभु मन भाए॥

dekhi rāma chabi nayana juṛāne| sādara nija āśrama taba āne|| kari pūjā kahi bacana suhāe| die mūla phala prabhu mana bhāe||

सोरठा ३

प्रभु आसन आसीन भरि लोचन सोभा निरखि। मुनिबर परम प्रबीन जोरि पानि अस्तुति करत ॥ ३॥

prabhu āsana āsīna bhari locana sobhā nirakhi| munibara parama prabīna jori pāni astuti karata || 3||

छंद १

नमामि भक्त वत्सलं। कृपालु शील कोमलं। भजामि ते पदांबुजं। अकामिनां स्वधामदं॥ १॥

namāmi bhakta vatsalaṃ| kṛpālu śīla komalaṃ| bhajāmi te padāṃbujaṃ| akāmināṃ svadhāmadaṃ|| 1||

दोहा २

निकाम श्याम सुंदरं। भवाम्बुनाथ मंदरं। प्रफुल्ल कंज लोचनं। मदादि दोष मोचनं ॥ २॥

nikāma śyāma suṃdaraṃ| bhavāmbunātha maṃdaraṃ| praphulla kaṃja locanaṃ| madādi doṣa mocanaṃ || 2||

दोहा ३

प्रलंब बाहु विक्रमं। प्रभोऽप्रमेय वैभवं। निषंग चाप सायकं। धरं त्रिलोक नायकं ॥ ३॥

pralaṃba bāhu vikramaṃ| prabho'prameya vaibhavaṃ| niṣaṃga cāpa sāyakaṃ| dharaṃ triloka nāyakaṃ || 3||

दोहा ४

दिनेश वंश मंडनं। महेश चाप खंडनं। मुनींद्र संत रंजनं। सुरारि वृंद भंजनं ॥ ४॥

dineśa vaṃśa maṃḍanaṃ| maheśa cāpa khaṃḍanaṃ| munīṃdra saṃta raṃjanaṃ| surāri vṛṃda bhaṃjanaṃ || 4||

दोहा ५

मनोज वैरि वंदितं। अजादि देव सेवितं। विशुद्ध बोध विग्रहं। समस्त दूषणापहं ॥ ५॥

manoja vairi vaṃditaṃ| ajādi deva sevitaṃ| viśuddha bodha vigrahaṃ| samasta dūṣaṇāpahaṃ || 5||

दोहा ६

नमामि इंदिरा पतिं। सुखाकरं सतां गतिं। भजे सशक्ति सानुजं। शची पतिं प्रियानुजं ॥ ६॥

namāmi iṃdirā patiṃ| sukhākaraṃ satāṃ gatiṃ| bhaje saśakti sānujaṃ| śacī patiṃ priyānujaṃ || 6||

दोहा ७

त्वदंघ्रि मूल ये नराः। भजंति हीन मत्सरा। पतंति नो भवार्णवे। वितर्क वीचि संकुले ॥ ७॥

tvadaṃghri mūla ye narāḥ| bhajaṃti hīna matsarā| pataṃti no bhavārṇave| vitarka vīci saṃkule || 7||

दोहा ८

विविक्त वासिनः सदा। भजंति मुक्तये मुदा। निरस्य इंद्रियादिकं। प्रयांति ते गतिं स्वकं ॥ ८॥

vivikta vāsinaḥ sadā| bhajaṃti muktaye mudā| nirasya iṃdriyādikaṃ| prayāṃti te gatiṃ svakaṃ || 8||

दोहा ९

तमेकमभ्दुतं प्रभुं। निरीहमीश्वरं विभुं। जगदूरूं च शाश्चतं। तुरीयमेव केवलं ॥ ९॥

tamekamabhdutaṃ prabhuṃ| nirīhamīśvaraṃ vibhuṃ| jagadūrūṃ ca śāścataṃ| turīyameva kevalaṃ || 9||

दोहा १०

भजामि भाव वल्लभं। कुयोगिनां सुदुर्लभं। स्वभक्त कल्प पादपं। समं सुसेव्यमन्वहं ॥ १०॥

bhajāmi bhāva vallabhaṃ| kuyogināṃ sudurlabhaṃ| svabhakta kalpa pādapaṃ| samaṃ susevyamanvahaṃ || 10||

दोहा ११

अनूप रूप भूपतिं। नतोऽहमुर्विजा पतिं। प्रसीद मे नमामि ते। पदाब्ज भक्ति देहि मे ॥ ११॥

anūpa rūpa bhūpatiṃ| nato'hamurvijā patiṃ| prasīda me namāmi te| padābja bhakti dehi me || 11||

दोहा १२

पठंति ये स्तवं इदं। नरादरेण ते पदं। व्रजंति नात्र संशयं। त्वदीय भक्ति संयुता ॥ १२॥

paṭhaṃti ye stavaṃ idaṃ| narādareṇa te padaṃ| vrajaṃti nātra saṃśayaṃ| tvadīya bhakti saṃyutā || 12||

दोहा ४

बिनती करि मुनि नाइ सिरु कह कर जोरि बहोरि। चरन सरोरुह नाथ जनि कबहुँ तजै मति मोरि ॥ ४॥

binatī kari muni nāi siru kaha kara jori bahori| carana saroruha nātha jani kabahum̐ tajai mati mori || 4||

अनुसुइया के पद गहि सीता। मिली बहोरि सुसील बिनीता॥ रिषिपतिनी मन सुख अधिकाई। आसिष देइ निकट बैठाई॥

anusuiyā ke pada gahi sītā| milī bahori susīla binītā|| riṣipatinī mana sukha adhikāī| āsiṣa dei nikaṭa baiṭhāī||

दिब्य बसन भूषन पहिराए। जे नित नूतन अमल सुहाए॥ कह रिषिबधू सरस मृदु बानी। नारिधर्म कछु ब्याज बखानी॥

dibya basana bhūṣana pahirāe| je nita nūtana amala suhāe|| kaha riṣibadhū sarasa mṛdu bānī| nāridharma kachu byāja bakhānī||

मातु पिता भ्राता हितकारी। मितप्रद सब सुनु राजकुमारी॥ अमित दानि भर्ता बयदेही। अधम सो नारि जो सेव न तेही॥

mātu pitā bhrātā hitakārī| mitaprada saba sunu rājakumārī|| amita dāni bhartā bayadehī| adhama so nāri jo seva na tehī||

धीरज धर्म मित्र अरु नारी। आपद काल परिखिअहिं चारी॥ बृद्ध रोगबस जड़ धनहीना। अधं बधिर क्रोधी अति दीना॥

dhīraja dharma mitra aru nārī| āpada kāla parikhiahiṃ cārī|| bṛddha rogabasa jaṛa dhanahīnā| adhaṃ badhira krodhī ati dīnā||

ऐसेहु पति कर किएँ अपमाना। नारि पाव जमपुर दुख नाना॥ एकइ धर्म एक ब्रत नेमा। कायँ बचन मन पति पद प्रेमा॥

aisehu pati kara kiem̐ apamānā| nāri pāva jamapura dukha nānā|| ekai dharma eka brata nemā| kāyam̐ bacana mana pati pada premā||

जग पति ब्रता चारि बिधि अहहिं। बेद पुरान संत सब कहहिं॥ उत्तम के अस बस मन माहीं। सपनेहुँ आन पुरुष जग नाहीं॥

jaga pati bratā cāri bidhi ahahiṃ| beda purāna saṃta saba kahahiṃ|| uttama ke asa basa mana māhīṃ| sapanehum̐ āna puruṣa jaga nāhīṃ||

मध्यम परपति देखइ कैसें। भ्राता पिता पुत्र निज जैंसें॥ धर्म बिचारि समुझि कुल रहई। सो निकिष्ट त्रिय श्रुति अस कहई॥

madhyama parapati dekhai kaiseṃ| bhrātā pitā putra nija jaiṃseṃ|| dharma bicāri samujhi kula rahaī| so nikiṣṭa triya śruti asa kahaī||

बिनु अवसर भय तें रह जोई। जानेहु अधम नारि जग सोई॥ पति बंचक परपति रति करई। रौरव नरक कल्प सत परई॥

binu avasara bhaya teṃ raha joī| jānehu adhama nāri jaga soī|| pati baṃcaka parapati rati karaī| raurava naraka kalpa sata paraī||

छन सुख लागि जनम सत कोटि। दुख न समुझ तेहि सम को खोटी॥ बिनु श्रम नारि परम गति लहई। पतिब्रत धर्म छाड़ि छल गहई॥

chana sukha lāgi janama sata koṭi| dukha na samujha tehi sama ko khoṭī|| binu śrama nāri parama gati lahaī| patibrata dharma chāṛi chala gahaī||

पति प्रतिकुल जनम जहँ जाई। बिधवा होई पाई तरुनाई॥

pati pratikula janama jaham̐ jāī| bidhavā hoī pāī tarunāī||

सोरठा ५(क)

सहज अपावनि नारि पति सेवत सुभ गति लहइ। जसु गावत श्रुति चारि अजहु तुलसिका हरिहि प्रिय ॥ ५ (क)॥

sahaja apāvani nāri pati sevata subha gati lahai| jasu gāvata śruti cāri ajahu tulasikā harihi priya || 5 (ka)||

सुनु सीता तव नाम सुमिर नारि पतिब्रत करहि। तोहि प्रानप्रिय राम कहिउँ कथा संसार हित॥ ५ ( ख )॥

sunu sītā tava nāma sumira nāri patibrata karahi| tohi prānapriya rāma kahium̐ kathā saṃsāra hita|| 5 ( kha )||

सुनि जानकीं परम सुखु पावा। सादर तासु चरन सिरु नावा॥ तब मुनि सन कह कृपानिधाना। आयसु होइ जाउँ बन आना॥

suni jānakīṃ parama sukhu pāvā| sādara tāsu carana siru nāvā|| taba muni sana kaha kṛpānidhānā| āyasu hoi jāum̐ bana ānā||

संतत मो पर कृपा करेहू। सेवक जानि तजेहु जनि नेहू॥ धर्म धुरंधर प्रभु कै बानी। सुनि सप्रेम बोले मुनि ग्यानी॥

saṃtata mo para kṛpā karehū| sevaka jāni tajehu jani nehū|| dharma dhuraṃdhara prabhu kai bānī| suni saprema bole muni gyānī||

जासु कृपा अज सिव सनकादी। चहत सकल परमारथ बादी॥ ते तुम्ह राम अकाम पिआरे। दीन बंधु मृदु बचन उचारे॥

jāsu kṛpā aja siva sanakādī| cahata sakala paramāratha bādī|| te tumha rāma akāma piāre| dīna baṃdhu mṛdu bacana ucāre||

अब जानी मैं श्री चतुराई। भजी तुम्हहि सब देव बिहाई॥ जेहि समान अतिसय नहिं कोई। ता कर सील कस न अस होई॥

aba jānī maiṃ śrī caturāī| bhajī tumhahi saba deva bihāī|| jehi samāna atisaya nahiṃ koī| tā kara sīla kasa na asa hoī||

केहि बिधि कहौं जाहु अब स्वामी। कहहु नाथ तुम्ह अंतरजामी॥ अस कहि प्रभु बिलोकि मुनि धीरा। लोचन जल बह पुलक सरीरा॥

kehi bidhi kahauṃ jāhu aba svāmī| kahahu nātha tumha aṃtarajāmī|| asa kahi prabhu biloki muni dhīrā| locana jala baha pulaka sarīrā||

छंद

तन पुलक निर्भर प्रेम पुरन नयन मुख पंकज दिए। मन ग्यान गुन गोतीत प्रभु मैं दीख जप तप का किए॥ जप जोग धर्म समूह तें नर भगति अनुपम पावई। रधुबीर चरित पुनीत निसि दिन दास तुलसी गावई॥

tana pulaka nirbhara prema purana nayana mukha paṃkaja die| mana gyāna guna gotīta prabhu maiṃ dīkha japa tapa kā kie|| japa joga dharma samūha teṃ nara bhagati anupama pāvaī| radhubīra carita punīta nisi dina dāsa tulasī gāvaī||

दोहा ६(क)

कलिमल समन दमन मन राम सुजस सुखमूल। सादर सुनहि जे तिन्ह पर राम रहहिं अनुकूल ॥ ६ (क)॥

kalimala samana damana mana rāma sujasa sukhamūla| sādara sunahi je tinha para rāma rahahiṃ anukūla || 6 (ka)||

सोरठा ६(ख)

कठिन काल मल कोस धर्म न ग्यान न जोग जप। परिहरि सकल भरोस रामहि भजहिं ते चतुर नर ॥ ६ (ख)॥

kaṭhina kāla mala kosa dharma na gyāna na joga japa| parihari sakala bharosa rāmahi bhajahiṃ te catura nara || 6 (kha)||

मुनि पद कमल नाइ करि सीसा। चले बनहि सुर नर मुनि ईसा॥ आगे राम अनुज पुनि पाछें। मुनि बर बेष बने अति काछें॥

muni pada kamala nāi kari sīsā| cale banahi sura nara muni īsā|| āge rāma anuja puni pācheṃ| muni bara beṣa bane ati kācheṃ||

उमय बीच श्री सोहइ कैसी। ब्रह्म जीव बिच माया जैसी॥ सरिता बन गिरि अवघट घाटा। पति पहिचानी देहिं बर बाटा॥

umaya bīca śrī sohai kaisī| brahma jīva bica māyā jaisī|| saritā bana giri avaghaṭa ghāṭā| pati pahicānī dehiṃ bara bāṭā||

जहँ जहँ जाहि देव रघुराया। करहिं मेध तहँ तहँ नभ छाया॥ मिला असुर बिराध मग जाता। आवतहीं रघुवीर निपाता॥

jaham̐ jaham̐ jāhi deva raghurāyā| karahiṃ medha taham̐ taham̐ nabha chāyā|| milā asura birādha maga jātā| āvatahīṃ raghuvīra nipātā||

तुरतहिं रुचिर रूप तेहिं पावा। देखि दुखी निज धाम पठावा॥ पुनि आए जहँ मुनि सरभंगा। सुंदर अनुज जानकी संगा॥

turatahiṃ rucira rūpa tehiṃ pāvā| dekhi dukhī nija dhāma paṭhāvā|| puni āe jaham̐ muni sarabhaṃgā| suṃdara anuja jānakī saṃgā||

दोहा ७

देखी राम मुख पंकज मुनिबर लोचन भृंग। सादर पान करत अति धन्य जन्म सरभंग ॥ ७॥

dekhī rāma mukha paṃkaja munibara locana bhṛṃga| sādara pāna karata ati dhanya janma sarabhaṃga || 7||

कह मुनि सुनु रघुबीर कृपाला। संकर मानस राजमराला॥ जात रहेउँ बिरंचि के धामा। सुनेउँ श्रवन बन ऐहहिं रामा॥

kaha muni sunu raghubīra kṛpālā| saṃkara mānasa rājamarālā|| jāta raheum̐ biraṃci ke dhāmā| suneum̐ śravana bana aihahiṃ rāmā||

चितवत पंथ रहेउँ दिन राती। अब प्रभु देखि जुड़ानी छाती॥ नाथ सकल साधन मैं हीना। कीन्ही कृपा जानि जन दीना॥

citavata paṃtha raheum̐ dina rātī| aba prabhu dekhi juṛānī chātī|| nātha sakala sādhana maiṃ hīnā| kīnhī kṛpā jāni jana dīnā||

सोरठा ३

सो कछु देव न मोहि निहोरा। निज पन राखेउ जन मन चोरा॥ तब लगि रहहु दीन हित लागी। जब लगि मिलौं तुम्हहि तनु त्यागी॥

so kachu deva na mohi nihorā| nija pana rākheu jana mana corā|| taba lagi rahahu dīna hita lāgī| jaba lagi milauṃ tumhahi tanu tyāgī||