Uttar Kand — उत्तरकाण्ड

उत्तरकाण्ड · दोहा १२७–१३०(क)

धन्य देस सो जहँ सुरसरी। धन्य नारि पतिब्रत अनुसरी॥ धन्य सो भूपु नीति जो करई। धन्य सो द्विज निज धर्म न टरई॥

dhanya desa so jaham̐ surasarī| dhanya nāri patibrata anusarī|| dhanya so bhūpu nīti jo karaī| dhanya so dvija nija dharma na ṭaraī||

Sortha

सो धन धन्य प्रथम गति जाकी। धन्य पुन्य रत मति सोइ पाकी॥ धन्य घरी सोइ जब सतसंगा। धन्य जन्म द्विज भगति अभंगा॥

so dhana dhanya prathama gati jākī| dhanya punya rata mati soi pākī|| dhanya gharī soi jaba satasaṃgā| dhanya janma dvija bhagati abhaṃgā||

Doha १२७

सो कुल धन्य उमा सुनु जगत पूज्य सुपुनीत। श्रीरघुबीर परायन जेहिं नर उपज बिनीत ॥ १२७॥

so kula dhanya umā sunu jagata pūjya supunīta| śrīraghubīra parāyana jehiṃ nara upaja binīta || 127||

मति अनुरूप कथा मैं भाषी। जद्यपि प्रथम गुप्त करि राखी॥ तव मन प्रीति देखि अधिकाई। तब मैं रघुपति कथा सुनाई॥

mati anurūpa kathā maiṃ bhāṣī| jadyapi prathama gupta kari rākhī|| tava mana prīti dekhi adhikāī| taba maiṃ raghupati kathā sunāī||

यह न कहिअ सठही हठसीलहि। जो मन लाइ न सुन हरि लीलहि॥ कहिअ न लोभिहि क्रोधहि कामिहि। जो न भजइ सचराचर स्वामिहि॥

yaha na kahia saṭhahī haṭhasīlahi| jo mana lāi na suna hari līlahi|| kahia na lobhihi krodhahi kāmihi| jo na bhajai sacarācara svāmihi||

द्विज द्रोहिहि न सुनाइअ कबहूँ। सुरपति सरिस होइ नृप जबहूँ॥ राम कथा के तेइ अधिकारी। जिन्ह कें सतसंगति अति प्यारी॥

dvija drohihi na sunāia kabahūm̐| surapati sarisa hoi nṛpa jabahūm̐|| rāma kathā ke tei adhikārī| jinha keṃ satasaṃgati ati pyārī||

गुर पद प्रीति नीति रत जेई। द्विज सेवक अधिकारी तेई॥ ता कहँ यह बिसेष सुखदाई। जाहि प्रानप्रिय श्रीरघुराई॥

gura pada prīti nīti rata jeī| dvija sevaka adhikārī teī|| tā kaham̐ yaha biseṣa sukhadāī| jāhi prānapriya śrīraghurāī||

Doha १२८

राम चरन रति जो चह अथवा पद निर्बान। भाव सहित सो यह कथा करड श्रवन पुट पान ॥ १२८॥

rāma carana rati jo caha athavā pada nirbāna| bhāva sahita so yaha kathā karaḍa śravana puṭa pāna || 128||

राम कथा गिरिजा मैं बरनी। कलि मल समनि मनोमल हरनी॥ संसृति रोग सजीवन मूरी। राम कथा गावहिं श्रुति सूरी॥

rāma kathā girijā maiṃ baranī| kali mala samani manomala haranī|| saṃsṛti roga sajīvana mūrī| rāma kathā gāvahiṃ śruti sūrī||

अति हरि कृपा जाहि पर होई। पाउँ देइ एहिं मारग सोई॥

ati hari kṛpā jāhi para hoī| pāum̐ dei ehiṃ māraga soī||

मन कामना सिद्धि नर पावा। जे यह कथा कपट तजि गावा॥ कहहिं सुनहिं अनुमोदन करहीं। ते गोपद इव भवनिधि तरहीं॥

mana kāmanā siddhi nara pāvā| je yaha kathā kapaṭa taji gāvā|| kahahiṃ sunahiṃ anumodana karahīṃ| te gopada iva bhavanidhi tarahīṃ||

सुनि सब कथा हृदयँ अति भाई। गिरिजा बोली गिरा सुहाई॥ नाथ कृपाँ मम गत संदेहा। राम चरन उपजेउ नव नेहा॥

suni saba kathā hṛdayam̐ ati bhāī| girijā bolī girā suhāī|| nātha kṛpām̐ mama gata saṃdehā| rāma carana upajeu nava nehā||

Doha १२९

मैं कृतकृत्य भड़उँं अब तब प्रसाद बिस्वेस। उपजी राम भगति दृढ़ बीते सकल कलेस ॥ १२९॥

maiṃ kṛtakṛtya bhaṛaum̐ṃ aba taba prasāda bisvesa| upajī rāma bhagati dṛṛha bīte sakala kalesa || 129||

यह सुभ संभु उमा संबादा। सुख संपादन समन बिषादा॥ भव भंजन गंजन संदेहा। जन रंजन सज्जन प्रिय एहा॥

yaha subha saṃbhu umā saṃbādā| sukha saṃpādana samana biṣādā|| bhava bhaṃjana gaṃjana saṃdehā| jana raṃjana sajjana priya ehā||

राम उपासक जे जग माहीं। एहि सम प्रिय तिन्ह के कछु नाहीं॥ रघुपति कृपाँ जथामति गावा। मैं यह पावन चरित सुहावा॥

rāma upāsaka je jaga māhīṃ| ehi sama priya tinha ke kachu nāhīṃ|| raghupati kṛpām̐ jathāmati gāvā| maiṃ yaha pāvana carita suhāvā||

एहिं कलिकाल न साधन दूजा। जोग जग्य जप तप ब्रत पूजा॥ रामहि सुमिरिअ गाइअ रामहि। संतत सुनिअ राम गुन ग्रामहि॥

ehiṃ kalikāla na sādhana dūjā| joga jagya japa tapa brata pūjā|| rāmahi sumiria gāia rāmahi| saṃtata sunia rāma guna grāmahi||

जासु पतित पावन बड़ बाना। गावहिं कबि श्रुति संत पुराना॥ ताहि भजहि मन तजि कुटिलाई। राम भजें गति केहिं नहिं पाई॥

jāsu patita pāvana baṛa bānā| gāvahiṃ kabi śruti saṃta purānā|| tāhi bhajahi mana taji kuṭilāī| rāma bhajeṃ gati kehiṃ nahiṃ pāī||

Chhand १

पाई न केहिं गति पतित पावन राम भजि सुनु सठ मना। गनिका अजामिल ब्याध गीध गजादि खल तारे घना॥ आभीर जमन किरात खस स्वपचादि अति अघरूप जे। कहि नाम बारक तेपि पावन होहिं राम नमामि ते॥

pāī na kehiṃ gati patita pāvana rāma bhaji sunu saṭha manā| ganikā ajāmila byādha gīdha gajādi khala tāre ghanā|| ābhīra jamana kirāta khasa svapacādi ati agharūpa je| kahi nāma bāraka tepi pāvana hohiṃ rāma namāmi te||

Doha २

रघुबंस भूषन चरित यह नर कहहिं सुनहिं जे गावहीं। कलि मल मनोमल धोइ बिनु श्रम राम धाम सिधावहीं॥ सत पंच चौपाईं मनोहर जानि जो नर उर धरै। दारुन अबिद्या पंच जनित बिकार श्रीरघुबर हरै॥

raghubaṃsa bhūṣana carita yaha nara kahahiṃ sunahiṃ je gāvahīṃ| kali mala manomala dhoi binu śrama rāma dhāma sidhāvahīṃ|| sata paṃca caupāīṃ manohara jāni jo nara ura dharai| dāruna abidyā paṃca janita bikāra śrīraghubara harai||

Doha

सुंदर सुजान कृपा निधान अनाथ पर कर प्रीति जो।

suṃdara sujāna kṛpā nidhāna anātha para kara prīti jo|

Sortha ३

सो एक राम अकाम हित निर्बानप्रद सम आन को॥ जाकी कृपा लवलेस ते मतिमंद तुलसीदासहूँ। पायो परम बिश्रामु राम समान प्रभु नाहीं कहूँ

so eka rāma akāma hita nirbānaprada sama āna ko|| jākī kṛpā lavalesa te matimaṃda tulasīdāsahūm̐| pāyo parama biśrāmu rāma samāna prabhu nāhīṃ kahūm̐

Doha १३०(क)

मो सम दीन न दीन हित तुम्ह समान रघुबीर। अस बिचारि रघुबंस मनि हरहु बिषम भव भीर ॥ १३० (क)॥

mo sama dīna na dīna hita tumha samāna raghubīra| asa bicāri raghubaṃsa mani harahu biṣama bhava bhīra || 130 (ka)||

कामिहि नारि पिआरि जिमि लोभहि प्रिय जिमि दाम। तिमि रघुनाथ निरंतर प्रिय लागहु मोहि राम॥ १३०(ख)॥

kāmihi nāri piāri jimi lobhahi priya jimi dāma| timi raghunātha niraṃtara priya lāgahu mohi rāma|| 130(kha)||

Shloka १

यत्पूर्वं प्रभुणा कृतं सुकविना श्रीशम्भुना दुर्गमं श्रीमद्रामपदाब्जभक्तिमनिशं प्राप्त्यै तु रामायणम्। मत्वा तद्रघुनाथनामनिरतं स्वान्तस्तमःशान्तये भाषाबद्धमिदं चकार तुलसीदासस्तथा मानसम्॥ १॥

yatpūrvaṃ prabhuṇā kṛtaṃ sukavinā śrīśambhunā durgamaṃ śrīmadrāmapadābjabhaktimaniśaṃ prāptyai tu rāmāyaṇam| matvā tadraghunāthanāmanirataṃ svāntastamaḥśāntaye bhāṣābaddhamidaṃ cakāra tulasīdāsastathā mānasam|| 1||

Shloka २

पुण्यं पापहरं सदा शिवकरं विज्ञानभक्तिप्रदं मायामोहमलापहं सुविमलं प्रेमाम्बुपूरं शुभम्। श्रीमद्रामचरित्रमानसमिदं भक्त्यावगाहन्ति ये ते संसारपतङ्गघोरकिरणैर्दह्यन्ति नो मानवाः॥ २॥

puṇyaṃ pāpaharaṃ sadā śivakaraṃ vijñānabhaktipradaṃ māyāmohamalāpahaṃ suvimalaṃ premāmbupūraṃ śubham| śrīmadrāmacaritramānasamidaṃ bhaktyāvagāhanti ye te saṃsārapataṅgaghorakiraṇairdahyanti no mānavāḥ|| 2||