Matangi Kavacham

Text

View

विनियोग 1

अस्य श्रीमातङ्गीकवचमन्त्रस्य महायोगीश्वरऋषिः अनुष्टुप् छन्दः श्रीराजमातङ्गीश्वरी श्रीमनङ्गीप्रसादसिद्ध्यर्थे जपे विनियोगः ॥

asya śrīmātaṅgīkavacamantrasya mahāyogīśvaraṛṣiḥ anuṣṭup chandaḥ śrīrājamātaṅgīśvarī śrīmanaṅgīprasādasiddhyarthe jape viniyogaḥ ||

ध्यान 2

नीलोत्पलप्रतीकाशामञ्जनाद्रिसमप्रभाम् । वीणाहस्तां गानरतां मधुपात्रं च बिभ्रतीम् ॥ १॥

nīlotpalapratīkāśāmañjanādrisamaprabhām | vīṇāhastāṃ gānaratāṃ madhupātraṃ ca bibhratīm || 1||

सर्वालङ्कारसंयुक्तां श्यामलां मदशालिनीम् । नमामि राजमातङ्गीं भक्तानामिष्टदायिनीम् ॥ २॥

sarvālaṅkārasaṃyuktāṃ śyāmalāṃ madaśālinīm | namāmi rājamātaṅgīṃ bhaktānāmiṣṭadāyinīm || 2||

कवच 10

एवं ध्यात्वा जपेन्नित्यं कवचं सर्वकामदम् । शिखां मे श्यामला पातु मातङ्गी मे शिरोऽवतु ॥ ३॥

evaṃ dhyātvā japennityaṃ kavacaṃ sarvakāmadam | śikhāṃ me śyāmalā pātu mātaṅgī me śiro'vatu || 3||

ललाटं पातु चण्डाली भ्रुवौ मे मदशालिनी । कर्णौ मे पातु मातङ्गी शङ्खौ कुण्डलशोभिता ॥ ४॥

lalāṭaṃ pātu caṇḍālī bhruvau me madaśālinī | karṇau me pātu mātaṅgī śaṅkhau kuṇḍalaśobhitā || 4||

नेत्रे मे पातु रक्ताक्षी नासिकां पातु मे शिवा । गण्डौ मे पातु देवेशी ओष्ठौ बिम्बफलाधरा ॥ ५॥

netre me pātu raktākṣī nāsikāṃ pātu me śivā | gaṇḍau me pātu deveśī oṣṭhau bimbaphalādharā || 5||

जिह्वां मे पातु वागीशी दन्तान् कल्याणकारिणी । पातु मे राजमातङ्गी वदनं सर्वसिद्धिदा ॥ ६॥

jihvāṃ me pātu vāgīśī dantān kalyāṇakāriṇī | pātu me rājamātaṅgī vadanaṃ sarvasiddhidā || 6||

कण्ठं मे पातु हृद्याङ्गी वीणाहस्ता करौ मम । हृदयं पातु मे लक्ष्मीर्नाभिं मे विशवनायिका ॥ ७॥

kaṇṭhaṃ me pātu hṛdyāṅgī vīṇāhastā karau mama | hṛdayaṃ pātu me lakṣmīrnābhiṃ me viśavanāyikā || 7||

मम पार्श्वद्वयं पातु सूक्ष्ममध्या महेश्वरी । शुकश्यामा कटिं पातु गुह्यं मे लोकमोहिनी ॥ ८॥

mama pārśvadvayaṃ pātu sūkṣmamadhyā maheśvarī | śukaśyāmā kaṭiṃ pātu guhyaṃ me lokamohinī || 8||

ऊरू मे पातु भद्राङ्गी जानुनी पातु शाङ्करी । जङ्घाद्वयं मे लोकेशी पादौ मे परमेश्वरी ॥ ९॥

ūrū me pātu bhadrāṅgī jānunī pātu śāṅkarī | jaṅghādvayaṃ me lokeśī pādau me parameśvarī || 9||

प्रागादिदिक्षु मां पातु सर्वैश्वर्यप्रदायिनी । रोमाणि पातु मे कृष्णा भार्यां मे भववल्लभा ॥ १०॥

prāgādidikṣu māṃ pātu sarvaiśvaryapradāyinī | romāṇi pātu me kṛṣṇā bhāryāṃ me bhavavallabhā || 10||

शङ्करी सर्वतः पातु मम सर्ववशङ्करी । महालक्ष्मीर्मम धनं विश्वमाता सुतान् मम ॥ ११॥

śaṅkarī sarvataḥ pātu mama sarvavaśaṅkarī | mahālakṣmīrmama dhanaṃ viśvamātā sutān mama || 11||

श्रीमातङ्गीश्वरी नित्यं मां पातु जगदीश्वरी । मातङ्गी कवचं नित्यं य एतत्प्रपठेन्नरः ॥ १२॥

śrīmātaṅgīśvarī nityaṃ māṃ pātu jagadīśvarī | mātaṅgī kavacaṃ nityaṃ ya etatprapaṭhennaraḥ || 12||

फलश्रुति 6

सुखित्वं सकलान् लोकान् दासीभूतान्करोत्यसौ । प्राप्नोति महतीं कान्तिं भवेत्काम शतप्रभः ॥ १३॥

sukhitvaṃ sakalān lokān dāsībhūtānkarotyasau | prāpnoti mahatīṃ kāntiṃ bhavetkāma śataprabhaḥ || 13||

लभते महतीं लक्ष्मीं त्रैलोक्ये चापि दुर्लभाम् । अणिमाद्यष्टसिद्धं यं सञ्चरत्येष मानवः ॥ १४॥

labhate mahatīṃ lakṣmīṃ trailokye cāpi durlabhām | aṇimādyaṣṭasiddhaṃ yaṃ sañcaratyeṣa mānavaḥ || 14||

सर्वविद्यानिधिरयं भवेद्वागीश्वरेश्वरः । ब्रह्मराक्षसवेतालभूतप्रेत पिशाचकैः ॥ १५॥

sarvavidyānidhirayaṃ bhavedvāgīśvareśvaraḥ | brahmarākṣasavetālabhūtapreta piśācakaiḥ || 15||

ज्वलन्वह्निरिव शस्यैर्वेश्यते भूतपूर्वकैः । परमं योगमाप्नोति दिव्यज्ञानं समश्नुते ॥ १६॥

jvalanvahniriva śasyairveśyate bhūtapūrvakaiḥ | paramaṃ yogamāpnoti divyajñānaṃ samaśnute || 16||

पुत्रान् पौत्रानवाप्नोति श्रीर्विद्याकान्ति संयुतान् । तद्भार्या दुर्भगा चापि कान्त्या रतिसमाभवेत् ॥ १७॥

putrān pautrānavāpnoti śrīrvidyākānti saṃyutān | tadbhāryā durbhagā cāpi kāntyā ratisamābhavet || 17||

सर्वान् कामानवाप्नोति महाभोगांश्च दुर्लभान् । भुक्तिमन्ते समाप्नोति साक्षात्परशिवो भवेत् ॥ १८॥

sarvān kāmānavāpnoti mahābhogāṃśca durlabhān | bhuktimante samāpnoti sākṣātparaśivo bhavet || 18||

समापन 1

इति श्री महाऽऽगमरहस्ये दत्तात्रेय वामदेव संवादे सप्तमपरिच्छेदे श्रीमातङ्गी कवचं सम्पूर्णम् ।

iti śrī mahā''gamarahasye dattātreya vāmadeva saṃvāde saptamaparicchede śrīmātaṅgī kavacaṃ sampūrṇam |

विनियोग

asya śrīmātaṅgīkavacamantrasya mahāyogīśvaraṛṣiḥ anuṣṭup chandaḥ śrīrājamātaṅgīśvarī śrīmanaṅgīprasādasiddhyarthe jape viniyogaḥ ||

ध्यान

nīlotpalapratīkāśāmañjanādrisamaprabhām | vīṇāhastāṃ gānaratāṃ madhupātraṃ ca bibhratīm || 1||

ध्यान

sarvālaṅkārasaṃyuktāṃ śyāmalāṃ madaśālinīm | namāmi rājamātaṅgīṃ bhaktānāmiṣṭadāyinīm || 2||

कवच

evaṃ dhyātvā japennityaṃ kavacaṃ sarvakāmadam | śikhāṃ me śyāmalā pātu mātaṅgī me śiro'vatu || 3||

कवच

lalāṭaṃ pātu caṇḍālī bhruvau me madaśālinī | karṇau me pātu mātaṅgī śaṅkhau kuṇḍalaśobhitā || 4||

कवच

netre me pātu raktākṣī nāsikāṃ pātu me śivā | gaṇḍau me pātu deveśī oṣṭhau bimbaphalādharā || 5||

कवच

jihvāṃ me pātu vāgīśī dantān kalyāṇakāriṇī | pātu me rājamātaṅgī vadanaṃ sarvasiddhidā || 6||

कवच

kaṇṭhaṃ me pātu hṛdyāṅgī vīṇāhastā karau mama | hṛdayaṃ pātu me lakṣmīrnābhiṃ me viśavanāyikā || 7||

कवच

mama pārśvadvayaṃ pātu sūkṣmamadhyā maheśvarī | śukaśyāmā kaṭiṃ pātu guhyaṃ me lokamohinī || 8||

कवच

ūrū me pātu bhadrāṅgī jānunī pātu śāṅkarī | jaṅghādvayaṃ me lokeśī pādau me parameśvarī || 9||

कवच

prāgādidikṣu māṃ pātu sarvaiśvaryapradāyinī | romāṇi pātu me kṛṣṇā bhāryāṃ me bhavavallabhā || 10||

कवच

śaṅkarī sarvataḥ pātu mama sarvavaśaṅkarī | mahālakṣmīrmama dhanaṃ viśvamātā sutān mama || 11||

कवच

śrīmātaṅgīśvarī nityaṃ māṃ pātu jagadīśvarī | mātaṅgī kavacaṃ nityaṃ ya etatprapaṭhennaraḥ || 12||

फलश्रुति

sukhitvaṃ sakalān lokān dāsībhūtānkarotyasau | prāpnoti mahatīṃ kāntiṃ bhavetkāma śataprabhaḥ || 13||

फलश्रुति

labhate mahatīṃ lakṣmīṃ trailokye cāpi durlabhām | aṇimādyaṣṭasiddhaṃ yaṃ sañcaratyeṣa mānavaḥ || 14||

फलश्रुति

sarvavidyānidhirayaṃ bhavedvāgīśvareśvaraḥ | brahmarākṣasavetālabhūtapreta piśācakaiḥ || 15||

फलश्रुति

jvalanvahniriva śasyairveśyate bhūtapūrvakaiḥ | paramaṃ yogamāpnoti divyajñānaṃ samaśnute || 16||

फलश्रुति

putrān pautrānavāpnoti śrīrvidyākānti saṃyutān | tadbhāryā durbhagā cāpi kāntyā ratisamābhavet || 17||

फलश्रुति

sarvān kāmānavāpnoti mahābhogāṃśca durlabhān | bhuktimante samāpnoti sākṣātparaśivo bhavet || 18||

समापन

iti śrī mahā''gamarahasye dattātreya vāmadeva saṃvāde saptamaparicchede śrīmātaṅgī kavacaṃ sampūrṇam |

Introduction

Among the ten Mahavidyas, Matangi (Rajamatangi / Ucchishta-Chandalini) is the goddess of speech, music, learning and enchantment. This tantric Sri Matangi Kavacham — recorded as a dialogue between Dattatreya and Vamadeva in the Mahagama-Rahasya — guards each limb of the devotee from crown-lock to feet through the goddess’s many forms, and closes by promising eloquence, prosperity, progeny and final liberation.

The Sanskrit text below is reproduced verbatim from a canonical source; the meanings are explanatory. A few variant readings and obscure lines are rendered by sense. Scholarly-religious review is welcome.

Sources 2

Sanskrit Documents — श्रीमातङ्गीकवचम् — mAtangIkavacha, proofread by Lalitha Parameswari
संस्कृत मूल पाठ प्रामाणिक स्रोत से अक्षरशः; बीजमन्त्रों का शब्दशः अनुवाद सम्भव नहीं, अर्थ व्याख्यात्मक। धार्मिक समीक्षा अपेक्षित।
GuruKripa — श्रीमातङ्गी कवचम् (अर्थ सहित) — limb-by-limb protection mapping and explanatory meaning

Meanings are compiled and edited by the Ved Path team, and are being progressively reviewed for accuracy.