सुन्दरकाण्ड

सुन्दरकाण्ड · दोहा १–१५

साझा करें

श्लोक १

शान्तं शाश्वतमप्रमेयमनघं निर्वाणशान्तिप्रदं ब्रह्माशम्भुफणीन्द्रसेव्यमनिशं वेदान्तवेद्यं विभुम्। रामाख्यं जगदीश्वरं सुरगुरुं मायामनुष्यं हरिं वन्देऽहं करुणाकरं रघुवरं भूपालचूडामणिम्॥ १॥

śāntaṃ śāśvatamaprameyamanaghaṃ nirvāṇaśāntipradaṃ brahmāśambhuphaṇīndrasevyamaniśaṃ vedāntavedyaṃ vibhum| rāmākhyaṃ jagadīśvaraṃ suraguruṃ māyāmanuṣyaṃ hariṃ vande'haṃ karuṇākaraṃ raghuvaraṃ bhūpālacūḍāmaṇim|| 1||

श्लोक २

नान्या स्पृहा रघुपते हृदयेऽस्मदीये सत्यं वदामि च भवानखिलान्तरात्मा। भक्तिं प्रयच्छ रघुपुङ्गव निर्भरां मे कामादिदोषरहितं कुरु मानसं च॥ २॥

nānyā spṛhā raghupate hṛdaye'smadīye satyaṃ vadāmi ca bhavānakhilāntarātmā| bhaktiṃ prayaccha raghupuṅgava nirbharāṃ me kāmādidoṣarahitaṃ kuru mānasaṃ ca|| 2||

श्लोक ३

अतुलितबलधामं हेमशैलाभदेहं दनुजवनकृशानुं ज्ञानिनामग्रगण्यम्। सकलगुणनिधानं वानराणामधीशं रघुपतिप्रियभक्तं वातजातं नमामि॥ ३॥

atulitabaladhāmaṃ hemaśailābhadehaṃ danujavanakṛśānuṃ jñānināmagragaṇyam| sakalaguṇanidhānaṃ vānarāṇāmadhīśaṃ raghupatipriyabhaktaṃ vātajātaṃ namāmi|| 3||

जामवंत के बचन सुहाए। सुनि हनुमंत हृदय अति भाए॥ तब लगि मोहि परिखेहु तुम्ह भाई। सहि दुख कंद मूल फल खाई॥

jāmavaṃta ke bacana suhāe| suni hanumaṃta hṛdaya ati bhāe|| taba lagi mohi parikhehu tumha bhāī| sahi dukha kaṃda mūla phala khāī||

जब लगि आवौं सीतहि देखी। होइहि काजु मोहि हरष बिसेषी॥ यह कहि नाइ सबन्हि कहुँ माथा। चलेउ हरषि हियँ धरि रघुनाथा॥

jaba lagi āvauṃ sītahi dekhī| hoihi kāju mohi haraṣa biseṣī|| yaha kahi nāi sabanhi kahum̐ māthā| caleu haraṣi hiyam̐ dhari raghunāthā||

सिंधु तीर एक भूधर सुंदर। कौतुक कूदि चढ़ेउ ता ऊपर॥ बार बार रघुबीर सँभारी। तरकेउ पवनतनय बल भारी॥

siṃdhu tīra eka bhūdhara suṃdara| kautuka kūdi caṛheu tā ūpara|| bāra bāra raghubīra sam̐bhārī| tarakeu pavanatanaya bala bhārī||

जेहिं गिरि चरन देइ हनुमंता। चलेउ सो गा पाताल तुरंता॥ जिमि अमोघ रघुपति कर बाना। एही भाँति चलेउ हनुमाना॥

jehiṃ giri carana dei hanumaṃtā| caleu so gā pātāla turaṃtā|| jimi amogha raghupati kara bānā| ehī bhām̐ti caleu hanumānā||

जलनिधि रघुपति दूत बिचारी। तैं मैनाक होहि श्रमहारी॥

jalanidhi raghupati dūta bicārī| taiṃ maināka hohi śramahārī||

दोहा १

हनूमान तेहि परसा कर पुनि कीन्ह प्रनाम। राम काजु कीन्हें बिनु मोहि कहाँ बिश्राम ॥ १॥

hanūmāna tehi parasā kara puni kīnha pranāma| rāma kāju kīnheṃ binu mohi kahām̐ biśrāma || 1||

जात पवनसुत देवन्ह देखा। जानैं कहुँ बल बुद्धि बिसेषा॥ सुरसा नाम अहिन्ह कै माता। पठइन्हि आइ कही तेहिं बाता॥

jāta pavanasuta devanha dekhā| jānaiṃ kahum̐ bala buddhi biseṣā|| surasā nāma ahinha kai mātā| paṭhainhi āi kahī tehiṃ bātā||

आजु सुरन्ह मोहि दीन्ह अहारा। सुनत बचन कह पवनकुमारा॥ राम काजु करि फिरि मैं आवौं। सीता कइ सुधि प्रभुहि सुनावौं॥

āju suranha mohi dīnha ahārā| sunata bacana kaha pavanakumārā|| rāma kāju kari phiri maiṃ āvauṃ| sītā kai sudhi prabhuhi sunāvauṃ||

तब तव बदन पैठिहउँ आई। सत्य कहउँ मोहि जान दे माई॥ कबनेहुँ जतन देइ नहिं जाना। ग्रससि न मोहि कहेउ हनुमाना॥

taba tava badana paiṭhihaum̐ āī| satya kahaum̐ mohi jāna de māī|| kabanehum̐ jatana dei nahiṃ jānā| grasasi na mohi kaheu hanumānā||

जोजन भरि तेहिं बदनु पसारा। कपि तनु कीन्ह दुगुन बिस्तारा॥

jojana bhari tehiṃ badanu pasārā| kapi tanu kīnha duguna bistārā||

सोरठा ४

सोरह जोजन मुख तेहिं ठयऊ। तुरत पवनसुत बत्तिस भयऊ॥

soraha jojana mukha tehiṃ ṭhayaū| turata pavanasuta battisa bhayaū||

जस जस सुरसा बदनु बढ़ावा। तासु दून कपि रूप देखावा॥ सत जोजन तेहिं आनन कीन्हा। अति लघु रूप पवनसुत लीन्हा॥

jasa jasa surasā badanu baṛhāvā| tāsu dūna kapi rūpa dekhāvā|| sata jojana tehiṃ ānana kīnhā| ati laghu rūpa pavanasuta līnhā||

बदन पइठि पुनि बाहेर आवा। मागा बिदा ताहि सिरु नावा॥ मोहि सुरन्ह जेहि लागि पठावा। बुधि बल मरमु तोर मै पावा॥

badana paiṭhi puni bāhera āvā| māgā bidā tāhi siru nāvā|| mohi suranha jehi lāgi paṭhāvā| budhi bala maramu tora mai pāvā||

दोहा २

राम काजु सबु करिहहु तुम्ह बल बुद्धि निधान। आसिष देह गई सो हरषि चलेउ हनुमान ॥ २॥

rāma kāju sabu karihahu tumha bala buddhi nidhāna| āsiṣa deha gaī so haraṣi caleu hanumāna || 2||

निसिचरि एक सिंधु महुँ रहई। करि माया नभु के खग गहई॥ जीव जंतु जे गगन उड़ाहीं। जल बिलोकि तिन्ह कै परिछाहीं॥

nisicari eka siṃdhu mahum̐ rahaī| kari māyā nabhu ke khaga gahaī|| jīva jaṃtu je gagana uṛāhīṃ| jala biloki tinha kai parichāhīṃ||

गहइ छाहँ सक सो न उड़ाई। एहि बिधि सदा गगनचर खाई॥

gahai chāham̐ saka so na uṛāī| ehi bidhi sadā gaganacara khāī||

सोरठा २

सोइ छल हनूमान कहँ कीन्हा। तासु कपटु कपि तुरतहिं चीन्हा॥

soi chala hanūmāna kaham̐ kīnhā| tāsu kapaṭu kapi turatahiṃ cīnhā||

ताहि मारि मारुतसुत बीरा। बारिधि पार गयउ मतिधीरा॥ तहाँ जाइ देखी बन सोभा। गुंजत चंचरीक मधु लोभा॥

tāhi māri mārutasuta bīrā| bāridhi pāra gayau matidhīrā|| tahām̐ jāi dekhī bana sobhā| guṃjata caṃcarīka madhu lobhā||

नाना तरु फल फूल सुहाए। खग मृग बृंद देखि मन भाए॥ सैल बिसाल देखि एक आगें। ता पर धाइ चढेउ भय त्यागें॥

nānā taru phala phūla suhāe| khaga mṛga bṛṃda dekhi mana bhāe|| saila bisāla dekhi eka āgeṃ| tā para dhāi caḍheu bhaya tyāgeṃ||

उमा न कछु कपि कै अधिकाई। प्रभु प्रताप जो कालहि खाई॥ गिरि पर चढि लंका तेहिं देखी। कहि न जाइ अति दुर्ग बिसेषी॥

umā na kachu kapi kai adhikāī| prabhu pratāpa jo kālahi khāī|| giri para caḍhi laṃkā tehiṃ dekhī| kahi na jāi ati durga biseṣī||

अति उतंग जलनिधि चहु पासा। कनक कोट कर परम प्रकासा॥

ati utaṃga jalanidhi cahu pāsā| kanaka koṭa kara parama prakāsā||

छंद १

कनक कोट बिचित्र मनि कृत सुंदरायतना घना। चउहट्ट हट्ट सुबट्ट बीथीं चारु पुर बहु बिधि बना॥ गज बाजि खच्चर निकर पदचर रथ बरूथिन्ह को गनै। बहुरूप निसिचर जूथ अतिबल सेन बरनत नहिं बनै॥

kanaka koṭa bicitra mani kṛta suṃdarāyatanā ghanā| cauhaṭṭa haṭṭa subaṭṭa bīthīṃ cāru pura bahu bidhi banā|| gaja bāji khaccara nikara padacara ratha barūthinha ko ganai| bahurūpa nisicara jūtha atibala sena baranata nahiṃ banai||

दोहा २

बन बाग उपबन बाटिका सर कूप बापीं सोहहीं। नर नाग सुर गंधर्ब कन्या रूप मुनि मन मोहहीं॥ कहुँ माल देह बिसाल सैल समान अतिबल गर्जहीं। नाना अखारेन्ह भिरहिं बहु बिधि एक एकन्ह तर्जहीं॥

bana bāga upabana bāṭikā sara kūpa bāpīṃ sohahīṃ| nara nāga sura gaṃdharba kanyā rūpa muni mana mohahīṃ|| kahum̐ māla deha bisāla saila samāna atibala garjahīṃ| nānā akhārenha bhirahiṃ bahu bidhi eka ekanha tarjahīṃ||

करि जतन भट कोटिन्ह बिकट तन नगर चहुँ दिसि रच्छहीं। कहुँ महिष मानषु धेनु खर अज खल निसाचर भच्छहीं॥ एहि लागि तुलसीदास इन्ह की कथा कछु एक है कही। रघुबीर सर तीरथ सरीरन्हि त्यागि गति पैहहिं सही॥

kari jatana bhaṭa koṭinha bikaṭa tana nagara cahum̐ disi racchahīṃ| kahum̐ mahiṣa mānaṣu dhenu khara aja khala nisācara bhacchahīṃ|| ehi lāgi tulasīdāsa inha kī kathā kachu eka hai kahī| raghubīra sara tīratha sarīranhi tyāgi gati paihahiṃ sahī||

दोहा ३

पुर रखवारे देखि बहु कपि मन कीन्ह बिचार। अति लघु रूप धरौं निसि नगर करौं पइसार ॥ ३॥

pura rakhavāre dekhi bahu kapi mana kīnha bicāra| ati laghu rūpa dharauṃ nisi nagara karauṃ paisāra || 3||

मसक समान रूप कपि धरी। लंकहि चलेउ सुमिरि नरहरी॥ नाम लंकिनी एक निसिचरी। सो कह चलेसि मोहि निंदरी॥

masaka samāna rūpa kapi dharī| laṃkahi caleu sumiri naraharī|| nāma laṃkinī eka nisicarī| so kaha calesi mohi niṃdarī||

जानेहि नहीं मरमु सठ मोरा। मोर अहार जहाँ लगि चोरा॥ मुठिका एक महा कपि हनी। रुधिर बमत धरनीं ढनमनी॥

jānehi nahīṃ maramu saṭha morā| mora ahāra jahām̐ lagi corā|| muṭhikā eka mahā kapi hanī| rudhira bamata dharanīṃ ḍhanamanī||

पुनि संभारि उठि सो लंका। जोरि पानि कर बिनय संसका॥ जब रावनहि ब्रह्म बर दीन्हा। चलत बिरंचि कहा मोहि चीन्हा॥

puni saṃbhāri uṭhi so laṃkā| jori pāni kara binaya saṃsakā|| jaba rāvanahi brahma bara dīnhā| calata biraṃci kahā mohi cīnhā||

बिकल होसि तैं कपि कें मारे। तब जानेसु निसिचर संघारे॥ तात मोर अति पुन्य बहूता। देखेउँ नयन राम कर दूता॥

bikala hosi taiṃ kapi keṃ māre| taba jānesu nisicara saṃghāre|| tāta mora ati punya bahūtā| dekheum̐ nayana rāma kara dūtā||

दोहा ४

तात स्वर्ग अपबर्ग सुख धरिअ तुला एक अंग। तूल न ताहि सकल मिलि जो सुख लव सतसंग ॥ ४॥

tāta svarga apabarga sukha dharia tulā eka aṃga| tūla na tāhi sakala mili jo sukha lava satasaṃga || 4||

प्रबिसि नगर कीजे सब काजा। हृदयँ राखि कौसलपुर राजा॥ गरल सुधा रिपु करहिं मिताई। गोपद सिंधु अनल सितलाई॥

prabisi nagara kīje saba kājā| hṛdayam̐ rākhi kausalapura rājā|| garala sudhā ripu karahiṃ mitāī| gopada siṃdhu anala sitalāī||

गरुड़ सुमेरु रेनू सम ताही। राम कृपा करि चितवा जाही॥ अति लघु रूप धरेउ हनुमाना। पैठा नगर सुमिरि भगवाना॥

garuṛa sumeru renū sama tāhī| rāma kṛpā kari citavā jāhī|| ati laghu rūpa dhareu hanumānā| paiṭhā nagara sumiri bhagavānā||

मंदिर मंदिर प्रति करि सोधा। देखे जहँ तहँ अगनित जोधा॥ गयउ दसानन मंदिर माहीं। अति बिचित्र कहि जात सो नाहीं॥

maṃdira maṃdira prati kari sodhā| dekhe jaham̐ taham̐ aganita jodhā|| gayau dasānana maṃdira māhīṃ| ati bicitra kahi jāta so nāhīṃ||

सयन किए देखा कपि तेही। मंदिर महुँ न दीखि बैदेही॥ भवन एक पुनि दीख सुहावा। हरि मंदिर तहँ भिन्न बनावा॥

sayana kie dekhā kapi tehī| maṃdira mahum̐ na dīkhi baidehī|| bhavana eka puni dīkha suhāvā| hari maṃdira taham̐ bhinna banāvā||

दोहा ५

रामायुध अंकित गृह सोभा बरनि न जाइ। नव तुलसिका बृंद तहँ देखि हरषि कपिराइ ॥ ५॥

rāmāyudha aṃkita gṛha sobhā barani na jāi| nava tulasikā bṛṃda taham̐ dekhi haraṣi kapirāi || 5||

लंका निसिचर निकर निवासा। इहाँ कहाँ सज्जन कर बासा॥ मन महुँ तरक करै कपि लागा। तेहीं समय बिभीषनु जागा॥

laṃkā nisicara nikara nivāsā| ihām̐ kahām̐ sajjana kara bāsā|| mana mahum̐ taraka karai kapi lāgā| tehīṃ samaya bibhīṣanu jāgā||

राम राम तेहिं सुमिरन कीन्हा। हृदयँ हरष कपि सज्जन चीन्हा॥ एहि सन हठि करिहउँ पहिचानी। साधु ते होइ न कारज हानी॥

rāma rāma tehiṃ sumirana kīnhā| hṛdayam̐ haraṣa kapi sajjana cīnhā|| ehi sana haṭhi karihaum̐ pahicānī| sādhu te hoi na kāraja hānī||

बिप्र रुप धरि बचन सुनाए। सुनत बिभीषण उठि तहँ आए॥ करि प्रनाम पूँछी कुसलाई। बिप्र कहहु निज कथा बुझाई॥

bipra rupa dhari bacana sunāe| sunata bibhīṣaṇa uṭhi taham̐ āe|| kari pranāma pūm̐chī kusalāī| bipra kahahu nija kathā bujhāī||

की तुम्ह हरि दासन्ह महँ कोई। मोरें हृदय प्रीति अति होई॥ की तुम्ह रामु दीन अनुरागी। आयहु मोहि करन बड़भागी॥

kī tumha hari dāsanha maham̐ koī| moreṃ hṛdaya prīti ati hoī|| kī tumha rāmu dīna anurāgī| āyahu mohi karana baṛabhāgī||

दोहा ६

तब हनुमंत कही सब राम कथा निज नाम। सुनत जुगल तन पुलक मन मगन सुमिरि गुन ग्राम ॥ ६॥

taba hanumaṃta kahī saba rāma kathā nija nāma| sunata jugala tana pulaka mana magana sumiri guna grāma || 6||

सुनहु पवनसुत रहनि हमारी। जिमि दसनन्हि महुँ जीभ बिचारी॥ तात कबहुँ मोहि जानि अनाथा। करिहहिं कृपा भानुकुल नाथा॥

sunahu pavanasuta rahani hamārī| jimi dasananhi mahum̐ jībha bicārī|| tāta kabahum̐ mohi jāni anāthā| karihahiṃ kṛpā bhānukula nāthā||

तामस तनु कछु साधन नाहीं। प्रीति न पद सरोज मन माहीं॥ अब मोहि भा भरोस हनुमंता। बिनु हरिकृपा मिलहिं नहिं संता॥

tāmasa tanu kachu sādhana nāhīṃ| prīti na pada saroja mana māhīṃ|| aba mohi bhā bharosa hanumaṃtā| binu harikṛpā milahiṃ nahiṃ saṃtā||

जौ रघुबीर अनुग्रह कीन्हा। तौ तुम्ह मोहि दरसु हठि दीन्हा॥ सुनहु बिभीषन प्रभु कै रीती। करहिं सदा सेवक पर प्रीती॥

jau raghubīra anugraha kīnhā| tau tumha mohi darasu haṭhi dīnhā|| sunahu bibhīṣana prabhu kai rītī| karahiṃ sadā sevaka para prītī||

कहहु कवन मैं परम कुलीना। कपि चंचल सबहीं बिधि हीना॥ प्रात लेइ जो नाम हमारा। तेहि दिन ताहि न मिलै अहारा॥

kahahu kavana maiṃ parama kulīnā| kapi caṃcala sabahīṃ bidhi hīnā|| prāta lei jo nāma hamārā| tehi dina tāhi na milai ahārā||

दोहा ७

अस मैं अधम सखा सुनु मोहू पर रघुबीर। कीन्ही कृपा सुमिरि गुन भरे बिलोचन नीर ॥ ७॥

asa maiṃ adhama sakhā sunu mohū para raghubīra| kīnhī kṛpā sumiri guna bhare bilocana nīra || 7||

जानतहूँ अस स्वामि बिसारी। फिरहिं ते काहे न होहिं दुखारी॥ एहि बिधि कहत राम गुन ग्रामा। पावा अनिर्बाच्य बिश्रामा॥

jānatahūm̐ asa svāmi bisārī| phirahiṃ te kāhe na hohiṃ dukhārī|| ehi bidhi kahata rāma guna grāmā| pāvā anirbācya biśrāmā||

पुनि सब कथा बिभीषन कही। जेहि बिधि जनकसुता तहँ रही॥ तब हनुमंत कहा सुनु भ्राता। देखी चहउँ जानकी माता॥

puni saba kathā bibhīṣana kahī| jehi bidhi janakasutā taham̐ rahī|| taba hanumaṃta kahā sunu bhrātā| dekhī cahaum̐ jānakī mātā||

जुगुति बिभीषन सकल सुनाई। चलेउ पवनसुत बिदा कराई॥ करि सोइ रूप गयउ पुनि तहवाँ। बन असोक सीता रह जहवाँ॥

juguti bibhīṣana sakala sunāī| caleu pavanasuta bidā karāī|| kari soi rūpa gayau puni tahavām̐| bana asoka sītā raha jahavām̐||

देखि मनहि महुँ कीन्ह प्रनामा। बैठेहिं बीति जात निसि जामा॥ कृस तन सीस जटा एक बेनी। जपति हृदयँ रघुपति गुन श्रेनी॥

dekhi manahi mahum̐ kīnha pranāmā| baiṭhehiṃ bīti jāta nisi jāmā|| kṛsa tana sīsa jaṭā eka benī| japati hṛdayam̐ raghupati guna śrenī||

दोहा ८

निज पद नयन दिएँ मन राम पद कमल लीन। परम दुखी भा पवनसुत देखि जानकी दीन ॥ ८॥

nija pada nayana diem̐ mana rāma pada kamala līna| parama dukhī bhā pavanasuta dekhi jānakī dīna || 8||

तरु पल्लव महुँ रहा लुकाई। करइ बिचार करौं का भाई॥ तेहि अवसर रावनु तहँ आवा। संग नारि बहु किएँ बनावा॥

taru pallava mahum̐ rahā lukāī| karai bicāra karauṃ kā bhāī|| tehi avasara rāvanu taham̐ āvā| saṃga nāri bahu kiem̐ banāvā||

बहु बिधि खल सीतहि समुझावा। साम दान भय भेद देखावा॥ कह रावनु सुनु सुमुखि सयानी। मंदोदरी आदि सब रानी॥

bahu bidhi khala sītahi samujhāvā| sāma dāna bhaya bheda dekhāvā|| kaha rāvanu sunu sumukhi sayānī| maṃdodarī ādi saba rānī||

तव अनुचरीं करउँ पन मोरा। एक बार बिलोकु मम ओरा॥ तृन धरि ओट कहति बैदेही। सुमिरि अवधपति परम सनेही॥

tava anucarīṃ karaum̐ pana morā| eka bāra biloku mama orā|| tṛna dhari oṭa kahati baidehī| sumiri avadhapati parama sanehī||

सुनु दसमुख खद्योत प्रकासा। कबहुँ कि नलिनी करइ बिकासा॥ अस मन समुझु कहति जानकी। खल सुधि नहिं रघुबीर बान की॥

sunu dasamukha khadyota prakāsā| kabahum̐ ki nalinī karai bikāsā|| asa mana samujhu kahati jānakī| khala sudhi nahiṃ raghubīra bāna kī||

सठ सूने हरि आनेहि मोहि। अधम निलज्ज लाज नहिं तोही॥

saṭha sūne hari ānehi mohi| adhama nilajja lāja nahiṃ tohī||

दोहा ९

आपुहि सुनि खद्योत सम रामहि भानु समान। परुष बचन सुनि काढ़ि असि बोला अति खिसिआन ॥ ९॥

āpuhi suni khadyota sama rāmahi bhānu samāna| paruṣa bacana suni kāṛhi asi bolā ati khisiāna || 9||

सीता तैं मम कृत अपमाना। कटिहउँ तव सिर कठिन कृपाना॥ नाहिं त सपदि मानु मम बानी। सुमुखि होति न त जीवन हानी॥

sītā taiṃ mama kṛta apamānā| kaṭihaum̐ tava sira kaṭhina kṛpānā|| nāhiṃ ta sapadi mānu mama bānī| sumukhi hoti na ta jīvana hānī||

स्याम सरोज दाम सम सुंदर। प्रभु भुज करि कर सम दसकंधर॥

syāma saroja dāma sama suṃdara| prabhu bhuja kari kara sama dasakaṃdhara||

सोरठा २

सो भुज कंठ कि तव असि घोरा। सुनु सठ अस प्रवान पन मोरा॥

so bhuja kaṃṭha ki tava asi ghorā| sunu saṭha asa pravāna pana morā||

चंद्रहास हरु मम परितापं। रघुपति बिरह अनल संजातं॥ सीतल निसित बहसि बर धारा। कह सीता हरु मम दुख भारा॥

caṃdrahāsa haru mama paritāpaṃ| raghupati biraha anala saṃjātaṃ|| sītala nisita bahasi bara dhārā| kaha sītā haru mama dukha bhārā||

सुनत बचन पुनि मारन धावा। मयतनयाँ कहि नीति बुझावा॥ कहेसि सकल निसिचरिन्ह बोलाई। सीतहि बहु बिधि त्रासहु जाई॥

sunata bacana puni mārana dhāvā| mayatanayām̐ kahi nīti bujhāvā|| kahesi sakala nisicarinha bolāī| sītahi bahu bidhi trāsahu jāī||

मास दिवस महुँ कहा न माना। तौ मैं मारबि काढ़ि कृपाना॥

māsa divasa mahum̐ kahā na mānā| tau maiṃ mārabi kāṛhi kṛpānā||

दोहा १०

भवन गयउ दसकंधर इहाँ पिसाचिनि बृंद। सीतहि त्रास देखावहि धरहिं रूप बहु मंद ॥ १०॥

bhavana gayau dasakaṃdhara ihām̐ pisācini bṛṃda| sītahi trāsa dekhāvahi dharahiṃ rūpa bahu maṃda || 10||

त्रिजटा नाम राच्छसी एका। राम चरन रति निपुन बिबेका॥ सबन्हौ बोलि सुनाएसि सपना। सीतहि सेइ करहु हित अपना॥

trijaṭā nāma rācchasī ekā| rāma carana rati nipuna bibekā|| sabanhau boli sunāesi sapanā| sītahi sei karahu hita apanā||

सपनें बानर लंका जारी। जातुधान सेना सब मारी॥ खर आरूढ़ नगन दससीसा। मुंडित सिर खंडित भुज बीसा॥

sapaneṃ bānara laṃkā jārī| jātudhāna senā saba mārī|| khara ārūṛha nagana dasasīsā| muṃḍita sira khaṃḍita bhuja bīsā||

एहि बिधि सो दच्छिन दिसि जाई। लंका मनहुँ बिभीषन पाई॥ नगर फिरी रघुबीर दोहाई। तब प्रभु सीता बोलि पठाई॥

ehi bidhi so dacchina disi jāī| laṃkā manahum̐ bibhīṣana pāī|| nagara phirī raghubīra dohāī| taba prabhu sītā boli paṭhāī||

यह सपना में कहउँ पुकारी। होइहि सत्य गएँ दिन चारी॥ तासु बचन सुनि ते सब डरीं। जनकसुता के चरनन्हि परीं॥

yaha sapanā meṃ kahaum̐ pukārī| hoihi satya gaem̐ dina cārī|| tāsu bacana suni te saba ḍarīṃ| janakasutā ke carananhi parīṃ||

दोहा ११

जहँ तहँ गईं सकल तब सीता कर मन सोच। मास दिवस बीतें मोहि मारिहि निसिचर पोच ॥ ११॥

jaham̐ taham̐ gaīṃ sakala taba sītā kara mana soca| māsa divasa bīteṃ mohi mārihi nisicara poca || 11||

त्रिजटा सन बोली कर जोरी। मातु बिपति संगिनि तैं मोरी॥ तजौं देह करु बेगि उपाई। दुसहु बिरहु अब नहिं सहि जाई॥

trijaṭā sana bolī kara jorī| mātu bipati saṃgini taiṃ morī|| tajauṃ deha karu begi upāī| dusahu birahu aba nahiṃ sahi jāī||

आनि काठ रचु चिता बनाई। मातु अनल पुनि देहि लगाई॥ सत्य करहि मम प्रीति सयानी। सुनै को श्रवन सूल सम बानी॥

āni kāṭha racu citā banāī| mātu anala puni dehi lagāī|| satya karahi mama prīti sayānī| sunai ko śravana sūla sama bānī||

सुनत बचन पद गहि समुझाएसि। प्रभु प्रताप बल सुजसु सुनाएसि॥ निसि न अनल मिल सुनु सुकुमारी। अस कहि सो निज भवन सिधारी॥

sunata bacana pada gahi samujhāesi| prabhu pratāpa bala sujasu sunāesi|| nisi na anala mila sunu sukumārī| asa kahi so nija bhavana sidhārī||

कह सीता बिधि भा प्रतिकूला। मिलहि न पावक मिटिहि न सूला॥ देखिअत प्रगट गगन अंगारा। अवनि न आवत एकउ तारा॥

kaha sītā bidhi bhā pratikūlā| milahi na pāvaka miṭihi na sūlā|| dekhiata pragaṭa gagana aṃgārā| avani na āvata ekau tārā||

पावकमय ससि स्त्रवत न आगी। मानहुँ मोहि जानि हतभागी॥ सुनहि बिनय मम बिटप असोका। सत्य नाम करु हरु मम सोका॥

pāvakamaya sasi stravata na āgī| mānahum̐ mohi jāni hatabhāgī|| sunahi binaya mama biṭapa asokā| satya nāma karu haru mama sokā||

नूतन किसलय अनल समाना। देहि अगिनि जनि करहि निदाना॥ देखि परम बिरहाकुल सीता। सो छन कपिहि कलप सम बीता॥

nūtana kisalaya anala samānā| dehi agini jani karahi nidānā|| dekhi parama birahākula sītā| so chana kapihi kalapa sama bītā||

सोरठा १२

कपि करि हृदयँ बिचार दीन्हि मुद्रिका डारी तब। जनु असोक अंगार दीन्हि हरषि उठि कर गहेउ ॥ १२॥

kapi kari hṛdayam̐ bicāra dīnhi mudrikā ḍārī taba| janu asoka aṃgāra dīnhi haraṣi uṭhi kara gaheu || 12||

तब देखी मुद्रिका मनोहर। राम नाम अंकित अति सुंदर॥ चकित चितव मुदरी पहिचानी। हरष बिषाद हृदयँ अकुलानी॥

taba dekhī mudrikā manohara| rāma nāma aṃkita ati suṃdara|| cakita citava mudarī pahicānī| haraṣa biṣāda hṛdayam̐ akulānī||

जीति को सकइ अजय रघुराई। माया तें असि रचि नहिं जाई॥ सीता मन बिचार कर नाना। मधुर बचन बोलेउ हनुमाना॥

jīti ko sakai ajaya raghurāī| māyā teṃ asi raci nahiṃ jāī|| sītā mana bicāra kara nānā| madhura bacana boleu hanumānā||

रामचंद्र गुन बरनैं लागा। सुनतहिं सीता कर दुख भागा॥ लागीं सुनैं श्रवन मन लाई। आदिहु तें सब कथा सुनाई॥

rāmacaṃdra guna baranaiṃ lāgā| sunatahiṃ sītā kara dukha bhāgā|| lāgīṃ sunaiṃ śravana mana lāī| ādihu teṃ saba kathā sunāī||

श्रवनामृत जेहिं कथा सुहाई। कहि सो प्रगट होति किन भाई॥ तब हनुमंत निकट चलि गयऊ। फिरि बैंठीं मन बिसमय भयऊ॥

śravanāmṛta jehiṃ kathā suhāī| kahi so pragaṭa hoti kina bhāī|| taba hanumaṃta nikaṭa cali gayaū| phiri baiṃṭhīṃ mana bisamaya bhayaū||

राम दूत मैं मातु जानकी। सत्य सपथ करुनानिधान की॥ यह मुद्रिका मातु मैं आनी। दीन्हि राम तुम्ह कहँ सहिदानी॥

rāma dūta maiṃ mātu jānakī| satya sapatha karunānidhāna kī|| yaha mudrikā mātu maiṃ ānī| dīnhi rāma tumha kaham̐ sahidānī||

नर बानरहि संग कहु कैसें। कहि कथा भइ संगति जैसें॥

nara bānarahi saṃga kahu kaiseṃ| kahi kathā bhai saṃgati jaiseṃ||

दोहा १३

कपि के बचन सप्रेम सुनि उपजा मन बिस्वास। जाना मन क्रम बचन यह कृपासिंधु कर दास॥

kapi ke bacana saprema suni upajā mana bisvāsa| jānā mana krama bacana yaha kṛpāsiṃdhu kara dāsa||

हरिजन जानि प्रीति अति गाढ़ी। सजल नयन पुलकावलि बाढ़ी॥ बूड़त बिरह जलधि हनुमाना। भयउ तात मों कहुँ जलजाना॥

harijana jāni prīti ati gāṛhī| sajala nayana pulakāvali bāṛhī|| būṛata biraha jaladhi hanumānā| bhayau tāta moṃ kahum̐ jalajānā||

अब कहु कुसल जाउँ बलिहारी। अनुज सहित सुख भवन खरारी॥ कोमलचित कृपाल रघुराई। कपि केहि हेतु धरी निठुराई॥

aba kahu kusala jāum̐ balihārī| anuja sahita sukha bhavana kharārī|| komalacita kṛpāla raghurāī| kapi kehi hetu dharī niṭhurāī||

सहज बानि सेवक सुख दायक। कबहुँक सुरति करत रघुनायक॥ कबहुँ नयन मम सीतल ताता। होइहहि निरखि स्याम मृदु गाता॥

sahaja bāni sevaka sukha dāyaka| kabahum̐ka surati karata raghunāyaka|| kabahum̐ nayana mama sītala tātā| hoihahi nirakhi syāma mṛdu gātā||

बचनु न आव नयन भरे बारी। अहह नाथ हौं निपट बिसारी॥ देखि परम बिरहाकुल सीता। बोला कपि मृदु बचन बिनीता॥

bacanu na āva nayana bhare bārī| ahaha nātha hauṃ nipaṭa bisārī|| dekhi parama birahākula sītā| bolā kapi mṛdu bacana binītā||

मातु कुसल प्रभु अनुज समेता। तव दुख दुखी सुकृपा निकेता॥ जनि जननी मानहु जियँ ऊना। तुम्ह ते प्रेमु राम कें दूना॥

mātu kusala prabhu anuja sametā| tava dukha dukhī sukṛpā niketā|| jani jananī mānahu jiyam̐ ūnā| tumha te premu rāma keṃ dūnā||

दोहा १४

रघुपति कर संदेसु अब सुनु जननी धरि धीर। अस कहि कपि गद गद भयउ भरे बिलोचन नीर ॥ १४॥

raghupati kara saṃdesu aba sunu jananī dhari dhīra| asa kahi kapi gada gada bhayau bhare bilocana nīra || 14||

कहेउ राम बियोग तव सीता। मो कहुँ सकल भए बिपरीता॥ नव तरु किसलय मनहुँ कृसानू। कालनिसा सम निसि ससि भानू॥

kaheu rāma biyoga tava sītā| mo kahum̐ sakala bhae biparītā|| nava taru kisalaya manahum̐ kṛsānū| kālanisā sama nisi sasi bhānū||

कुबलय बिपिन कुंत बन सरिसा। बारिद तपत तेल जनु बरिसा॥ जे हित रहे करत तेइ पीरा। उरग स्वास सम त्रिबिध समीरा॥

kubalaya bipina kuṃta bana sarisā| bārida tapata tela janu barisā|| je hita rahe karata tei pīrā| uraga svāsa sama tribidha samīrā||

कहेहू तें कछु दुख घटि होई। काहि कहौं यह जान न कोई॥ तत्व प्रेम कर मम अरु तोरा। जानत प्रिया एकु मनु मोरा॥

kahehū teṃ kachu dukha ghaṭi hoī| kāhi kahauṃ yaha jāna na koī|| tatva prema kara mama aru torā| jānata priyā eku manu morā||

सोरठा ४

सो मनु सदा रहत तोहि पाहीं। जानु प्रीति रसु एतेनहि माहीं॥ प्रभु संदेसु सुनत बैदेही। मगन प्रेम तन सुधि नहिं तेही॥

so manu sadā rahata tohi pāhīṃ| jānu prīti rasu etenahi māhīṃ|| prabhu saṃdesu sunata baidehī| magana prema tana sudhi nahiṃ tehī||

कह कपि हृदयँ धीर धरु माता। सुमिरु राम सेवक सुखदाता॥ उर आनहु रघुपति प्रभुताई। सुनि मम बचन तजहु कदराई॥

kaha kapi hṛdayam̐ dhīra dharu mātā| sumiru rāma sevaka sukhadātā|| ura ānahu raghupati prabhutāī| suni mama bacana tajahu kadarāī||

दोहा १५

निसिचर निकर पतंग सम रघुपति बान कृसानु। जननी हृदयँ धीर धरु जरे निसाचर जानु ॥ १५॥

nisicara nikara pataṃga sama raghupati bāna kṛsānu| jananī hṛdayam̐ dhīra dharu jare nisācara jānu || 15||