अयोध्याकाण्ड

अयोध्याकाण्ड · दोहा १–१९

विभज्यताम्

श्लोक १

यस्याङ्के च विभाति भूधरसुता देवापगा मस्तके भाले बालविधुर्गले च गरलं यस्योरसि व्यालराट्। सोऽयं भूतिविभूषणः सुरवरः सर्वाधिपः सर्वदा शर्वः सर्वगतः शिवः शशिनिभः श्रीशङ्करः पातु माम्॥ १॥

yasyāṅke ca vibhāti bhūdharasutā devāpagā mastake bhāle bālavidhurgale ca garalaṃ yasyorasi vyālarāṭ| so'yaṃ bhūtivibhūṣaṇaḥ suravaraḥ sarvādhipaḥ sarvadā śarvaḥ sarvagataḥ śivaḥ śaśinibhaḥ śrīśaṅkaraḥ pātu mām|| 1||

सोरठा १

$यं भूतिविभूषण: सुरवर: सर्वाधिप: सर्वदा शर्व: सर्वगत: शिव: शशिनिभ: श्रीशड्र: पातु माम्‌ ॥ १॥

$yaṃ bhūtivibhūṣaṇa: suravara: sarvādhipa: sarvadā śarva: sarvagata: śiva: śaśinibha: śrīśaḍra: pātu mām || 1||

श्लोक २

प्रसन्नतां या न गताभिषेकतस्तथा न मम्ले वनवासदुःखतः। मुखाम्बुजश्री रघुनन्दनस्य मे सदास्तु सा मञ्जुलमङ्गलप्रदा॥ २॥

prasannatāṃ yā na gatābhiṣekatastathā na mamle vanavāsaduḥkhataḥ| mukhāmbujaśrī raghunandanasya me sadāstu sā mañjulamaṅgalapradā|| 2||

श्लोक ३

नीलाम्बुजश्यामलकोमलाङ्गं सीतासमारोपितवामभागम्। पाणौ महासायकचारुचापं नमामि रामं रघुवंशनाथम्॥ ३॥

nīlāmbujaśyāmalakomalāṅgaṃ sītāsamāropitavāmabhāgam| pāṇau mahāsāyakacārucāpaṃ namāmi rāmaṃ raghuvaṃśanātham|| 3||

दोहा

श्रीगुरु चरन सरोज रज निज मनु मुकुरु सुधारि। बरनउँ रघुबर बिमल जसु जो दायकु फल चारि॥

śrīguru carana saroja raja nija manu mukuru sudhāri| baranaum̐ raghubara bimala jasu jo dāyaku phala cāri||

जब तें रामु ब्याहि घर आए। नित नव मंगल मोद बधाए॥ भुवन चारिदस भूधर भारी। सुकृत मेघ बरषहि सुख बारी॥

jaba teṃ rāmu byāhi ghara āe| nita nava maṃgala moda badhāe|| bhuvana cāridasa bhūdhara bhārī| sukṛta megha baraṣahi sukha bārī||

रिधि सिधि संपति नदीं सुहाई। उमगि अवध अंबुधि कहुँ आई॥ मनिगन पुर नर नारि सुजाती। सुचि अमोल सुंदर सब भाँती॥

ridhi sidhi saṃpati nadīṃ suhāī| umagi avadha aṃbudhi kahum̐ āī|| manigana pura nara nāri sujātī| suci amola suṃdara saba bhām̐tī||

कहि न जाइ कछु नगर बिभूती। जनु एतनिअ बिरंचि करतूती॥ सब बिधि सब पुर लोग सुखारी। रामचंद मुख चंदु निहारी॥

kahi na jāi kachu nagara bibhūtī| janu etania biraṃci karatūtī|| saba bidhi saba pura loga sukhārī| rāmacaṃda mukha caṃdu nihārī||

मुदित मातु सब सखीं सहेली। फलित बिलोकि मनोरथ बेली॥ राम रूपु गुनसीलु सुभाऊ। प्रमुदित होइ देखि सुनि राऊ॥

mudita mātu saba sakhīṃ sahelī| phalita biloki manoratha belī|| rāma rūpu gunasīlu subhāū| pramudita hoi dekhi suni rāū||

दोहा १

सब कें उर अभिलाषु अस कहहिं मनाइ महेसु। आप अछत जुबराज पद रामहि देउ नरेसु ॥ १॥

saba keṃ ura abhilāṣu asa kahahiṃ manāi mahesu| āpa achata jubarāja pada rāmahi deu naresu || 1||

एक समय सब सहित समाजा। राजसभाँ रघुराजु बिराजा॥ सकल सुकृत मूरति नरनाहू। राम सुजसु सुनि अतिहि उछाहू॥

eka samaya saba sahita samājā| rājasabhām̐ raghurāju birājā|| sakala sukṛta mūrati naranāhū| rāma sujasu suni atihi uchāhū||

नृप सब रहहिं कृपा अभिलाषें। लोकप करहिं प्रीति रुख राखें॥ तिभुवन तीनि काल जग माहीं। भूरि भाग दसरथ सम नाहीं॥

nṛpa saba rahahiṃ kṛpā abhilāṣeṃ| lokapa karahiṃ prīti rukha rākheṃ|| tibhuvana tīni kāla jaga māhīṃ| bhūri bhāga dasaratha sama nāhīṃ||

मंगलमूल रामु सुत जासू। जो कछु कहिज थोर सबु तासू॥ रायँ सुभायँ मुकुरु कर लीन्हा। बदनु बिलोकि मुकुट सम कीन्हा॥

maṃgalamūla rāmu suta jāsū| jo kachu kahija thora sabu tāsū|| rāyam̐ subhāyam̐ mukuru kara līnhā| badanu biloki mukuṭa sama kīnhā||

श्रवन समीप भए सित केसा। मनहुँ जरठपनु अस उपदेसा॥ नृप जुबराज राम कहुँ देहू। जीवन जनम लाहु किन लेहू॥

śravana samīpa bhae sita kesā| manahum̐ jaraṭhapanu asa upadesā|| nṛpa jubarāja rāma kahum̐ dehū| jīvana janama lāhu kina lehū||

दोहा २

यह बिचारु उर आनि नृप सुदिनु सुअवसरु पाइ। प्रेम पुलकि तन मुदित मन गुरहि सुनायउ जाइ ॥ २॥

yaha bicāru ura āni nṛpa sudinu suavasaru pāi| prema pulaki tana mudita mana gurahi sunāyau jāi || 2||

कहइ भुआलु सुनिअ मुनिनायक। भए राम सब बिधि सब लायक॥ सेवक सचिव सकल पुरबासी। जे हमारे अरि मित्र उदासी॥

kahai bhuālu sunia munināyaka| bhae rāma saba bidhi saba lāyaka|| sevaka saciva sakala purabāsī| je hamāre ari mitra udāsī||

सबहि रामु प्रिय जेहि बिधि मोही। प्रभु असीस जनु तनु धरि सोही॥ बिप्र सहित परिवार गोसाईं। करहिं छोहु सब रौरिहि नाई॥

sabahi rāmu priya jehi bidhi mohī| prabhu asīsa janu tanu dhari sohī|| bipra sahita parivāra gosāīṃ| karahiṃ chohu saba raurihi nāī||

जे गुर चरन रेनु सिर धरहीं। ते जनु सकल बिभव बस करहीं॥ मोहि सम यहु अनुभयउ न दूजें। सबु पायउँ रज पावनि पूजें॥

je gura carana renu sira dharahīṃ| te janu sakala bibhava basa karahīṃ|| mohi sama yahu anubhayau na dūjeṃ| sabu pāyaum̐ raja pāvani pūjeṃ||

अब अभिलाषु एकु मन मोरें। पूजहि नाथ अनुग्रह तोरें॥ मुनि प्रसन्न लखि सहज सनेहू। कहेउ नरेस रजायसु देहू॥

aba abhilāṣu eku mana moreṃ| pūjahi nātha anugraha toreṃ|| muni prasanna lakhi sahaja sanehū| kaheu naresa rajāyasu dehū||

दोहा ३

राजन राउर नामु जसु सब अभिमत दातार। फल अनुगामी महिप मनि मन अभिलाषु तुम्हार ॥ ३॥

rājana rāura nāmu jasu saba abhimata dātāra| phala anugāmī mahipa mani mana abhilāṣu tumhāra || 3||

सब बिधि गुरु प्रसन्न जियँ जानी। बोलेउ राउ रहँसि मृदु बानी॥ नाथ रामु करिअहिं जुबराजू। कहिअ कृपा करि करिअ समाजू॥

saba bidhi guru prasanna jiyam̐ jānī| boleu rāu raham̐si mṛdu bānī|| nātha rāmu kariahiṃ jubarājū| kahia kṛpā kari karia samājū||

मोहि अछत यहु होइ उछाहू। लहहिं लोग सब लोचन लाहू॥ प्रभु प्रसाद सिव सबइ निबाहीं। यह लालसा एक मन माहीं॥

mohi achata yahu hoi uchāhū| lahahiṃ loga saba locana lāhū|| prabhu prasāda siva sabai nibāhīṃ| yaha lālasā eka mana māhīṃ||

पुनि न सोच तनु रहउ कि जाऊ। जेहिं न होइ पाछें पछिताऊ॥ सुनि मुनि दसरथ बचन सुहाए। मंगल मोद मूल मन भाए॥

puni na soca tanu rahau ki jāū| jehiṃ na hoi pācheṃ pachitāū|| suni muni dasaratha bacana suhāe| maṃgala moda mūla mana bhāe||

सुनु नृप जासु बिमुख पछिताहीं। जासु भजन बिनु जरनि न जाहीं॥ भयउ तुम्हार तनय सोइ स्वामी। रामु पुनीत प्रेम अनुगामी॥

sunu nṛpa jāsu bimukha pachitāhīṃ| jāsu bhajana binu jarani na jāhīṃ|| bhayau tumhāra tanaya soi svāmī| rāmu punīta prema anugāmī||

दोहा ४

बेगि बिलंबु न करिअ नृप साजिअ सबुइ समाजु। सुदिन सुमंगलु तबहिं जब रामु होहिं जुबराजु ॥ ४॥

begi bilaṃbu na karia nṛpa sājia sabui samāju| sudina sumaṃgalu tabahiṃ jaba rāmu hohiṃ jubarāju || 4||

मुदित महिपति मंदिर आए। सेवक सचिव सुमंत्रु बोलाए॥ कहि जयजीव सीस तिन्ह नाए। भूप सुमंगल बचन सुनाए॥

mudita mahipati maṃdira āe| sevaka saciva sumaṃtru bolāe|| kahi jayajīva sīsa tinha nāe| bhūpa sumaṃgala bacana sunāe||

जौं पाँचहि मत लागै नीका। करहु हरषि हियँ रामहि टीका॥

jauṃ pām̐cahi mata lāgai nīkā| karahu haraṣi hiyam̐ rāmahi ṭīkā||

मंत्री मुदित सुनत प्रिय बानी। अभिमत बिरवँ परेउ जनु पानी॥ बिनती सचिव करहि कर जोरी। जिअहु जगतपति बरिस करोरी॥

maṃtrī mudita sunata priya bānī| abhimata biravam̐ pareu janu pānī|| binatī saciva karahi kara jorī| jiahu jagatapati barisa karorī||

जग मंगल भल काजु बिचारा। बेगिअ नाथ न लाइअ बारा॥ नृपहि मोदु सुनि सचिव सुभाषा। बढ़त बौंड़ जनु लही सुसाखा॥

jaga maṃgala bhala kāju bicārā| begia nātha na lāia bārā|| nṛpahi modu suni saciva subhāṣā| baṛhata bauṃṛa janu lahī susākhā||

दोहा ५

कहेउ भूप मुनिराज कर जोइ जोइ आयसु होइ। राम राज अभिषेक हित बेगि करहु सोइ सोइ ॥ ५॥

kaheu bhūpa munirāja kara joi joi āyasu hoi| rāma rāja abhiṣeka hita begi karahu soi soi || 5||

हरषि मुनीस कहेउ मृदु बानी। आनहु सकल सुतीरथ पानी॥ औषध मूल फूल फल पाना। कहे नाम गनि मंगल नाना॥

haraṣi munīsa kaheu mṛdu bānī| ānahu sakala sutīratha pānī|| auṣadha mūla phūla phala pānā| kahe nāma gani maṃgala nānā||

चामर चरम बसन बहु भाँती। रोम पाट पट अगनित जाती॥ मनिगन मंगल बस्तु अनेका। जो जग जोगु भूप अभिषेका॥

cāmara carama basana bahu bhām̐tī| roma pāṭa paṭa aganita jātī|| manigana maṃgala bastu anekā| jo jaga jogu bhūpa abhiṣekā||

बेद बिदित कहि सकल बिधाना। कहेउ रचहु पुर बिबिध बिताना॥ सफल रसाल पूगफल केरा। रोपहु बीथिन्ह पुर चहुँ फेरा॥

beda bidita kahi sakala bidhānā| kaheu racahu pura bibidha bitānā|| saphala rasāla pūgaphala kerā| ropahu bīthinha pura cahum̐ pherā||

रचहु मंजु मनि चौकें चारू। कहहु बनावन बेगि बजारू॥ पूजहु गनपति गुर कुलदेवा। सब बिधि करहु भूमिसुर सेवा॥

racahu maṃju mani caukeṃ cārū| kahahu banāvana begi bajārū|| pūjahu ganapati gura kuladevā| saba bidhi karahu bhūmisura sevā||

दोहा ६

ध्वज पताक तोरन कलस सजहु तुरग रथ नाग। सिर धरि मुनिबर बचन सबु निज निज काजहिं लाग ॥ ६॥

dhvaja patāka torana kalasa sajahu turaga ratha nāga| sira dhari munibara bacana sabu nija nija kājahiṃ lāga || 6||

जो मुनीस जेहि आयसु दीन्हा। सो तेहिं काजु प्रथम जनु कीन्हा॥ बिप्र साधु सुर पूजत राजा। करत राम हित मंगल काजा॥

jo munīsa jehi āyasu dīnhā| so tehiṃ kāju prathama janu kīnhā|| bipra sādhu sura pūjata rājā| karata rāma hita maṃgala kājā||

सुनत राम अभिषेक सुहावा। बाज गहागह अवध बधावा॥ राम सीय तन सगुन जनाए। फरकहिं मंगल अंग सुहाए॥

sunata rāma abhiṣeka suhāvā| bāja gahāgaha avadha badhāvā|| rāma sīya tana saguna janāe| pharakahiṃ maṃgala aṃga suhāe||

पुलकि सप्रेम परसपर कहहीं। भरत आगमनु सूचक अहहीं॥ भए बहुत दिन अति अवसेरी। सगुन प्रतीति भेंट प्रिय केरी॥

pulaki saprema parasapara kahahīṃ| bharata āgamanu sūcaka ahahīṃ|| bhae bahuta dina ati avaserī| saguna pratīti bheṃṭa priya kerī||

भरत सरिस प्रिय को जग माहीं। इहइ सगुन फलु दूसर नाहीं॥ रामहि बंधु सोच दिन राती। अंडन्हि कमठ ह्रदउ जेहि भाँती॥

bharata sarisa priya ko jaga māhīṃ| ihai saguna phalu dūsara nāhīṃ|| rāmahi baṃdhu soca dina rātī| aṃḍanhi kamaṭha hradau jehi bhām̐tī||

दोहा

एहि अवसर मंगलु परम सुनि रहँसेउ रनिवासु।

ehi avasara maṃgalu parama suni raham̐seu ranivāsu|

सोरठा ७

सोभत लखि बिधु बढ़त जनु बारिधि बीचि बिलासु ॥ ७॥

sobhata lakhi bidhu baṛhata janu bāridhi bīci bilāsu || 7||

प्रथम जाइ जिन्ह बचन सुनाए। भूषन बसन भूरि तिन्ह पाए॥ प्रेम पुलकि तन मन अनुरागीं। मंगल कलस सजन सब लागीं॥

prathama jāi jinha bacana sunāe| bhūṣana basana bhūri tinha pāe|| prema pulaki tana mana anurāgīṃ| maṃgala kalasa sajana saba lāgīṃ||

चौकें चारु सुमित्राँ पुरी। मनिमय बिबिध भाँति अति रुरी॥ आनँद मगन राम महतारी। दिए दान बहु बिप्र हँकारी॥

caukeṃ cāru sumitrām̐ purī| manimaya bibidha bhām̐ti ati rurī|| ānam̐da magana rāma mahatārī| die dāna bahu bipra ham̐kārī||

पूजीं ग्रामदेबि सुर नागा। कहेउ बहोरि देन बलिभागा॥ जेहि बिधि होइ राम कल्यानू। देहु दया करि सो बरदानू॥

pūjīṃ grāmadebi sura nāgā| kaheu bahori dena balibhāgā|| jehi bidhi hoi rāma kalyānū| dehu dayā kari so baradānū||

गावहिं मंगल कोकिलबयनीं। बिधुबदनीं मृगसावकनयनीं॥

gāvahiṃ maṃgala kokilabayanīṃ| bidhubadanīṃ mṛgasāvakanayanīṃ||

दोहा ८

राम राज अभिषेकु सुनि हियँ हरषे नर नारि। लगे सुमंगल सजन सब बिधि अनुकूल बिचारि ॥ ८॥

rāma rāja abhiṣeku suni hiyam̐ haraṣe nara nāri| lage sumaṃgala sajana saba bidhi anukūla bicāri || 8||

तब नरनाहँ बसिष्ठु बोलाए। रामधाम सिख देन पठाए॥ गुर आगमनु सुनत रघुनाथा। द्वार आइ पद नायउ माथा॥

taba naranāham̐ basiṣṭhu bolāe| rāmadhāma sikha dena paṭhāe|| gura āgamanu sunata raghunāthā| dvāra āi pada nāyau māthā||

सादर अरघ देइ घर आने। सोरह भाँति पूजि सनमाने॥ गहे चरन सिय सहित बहोरी। बोले रामु कमल कर जोरी॥

sādara aragha dei ghara āne| soraha bhām̐ti pūji sanamāne|| gahe carana siya sahita bahorī| bole rāmu kamala kara jorī||

सेवक सदन स्वामि आगमनू। मंगल मूल अमंगल दमनू॥ तदपि उचित जनु बोलि सप्रीती। पठइअ काज नाथ असि नीती॥

sevaka sadana svāmi āgamanū| maṃgala mūla amaṃgala damanū|| tadapi ucita janu boli saprītī| paṭhaia kāja nātha asi nītī||

प्रभुता तजि प्रभु कीन्ह सनेहू। भयउ पुनीत आजु यहु गेहू॥ आयसु होइ सो करौं गोसाई। सेवक लहइ स्वामि सेवकाई॥

prabhutā taji prabhu kīnha sanehū| bhayau punīta āju yahu gehū|| āyasu hoi so karauṃ gosāī| sevaka lahai svāmi sevakāī||

दोहा ९

सुनि सनेह साने बचन मुनि रघुबरहि प्रसंस। राम कस न तुम्ह कहहु अस हंस बंस अवतंस ॥ ९॥

suni saneha sāne bacana muni raghubarahi prasaṃsa| rāma kasa na tumha kahahu asa haṃsa baṃsa avataṃsa || 9||

बरनि राम गुन सीलु सुभाऊ। बोले प्रेम पुलकि मुनिराऊ॥ भूप सजेउ अभिषेक समाजू। चाहत देन तुम्हहि जुबराजू॥

barani rāma guna sīlu subhāū| bole prema pulaki munirāū|| bhūpa sajeu abhiṣeka samājū| cāhata dena tumhahi jubarājū||

राम करहु सब संजम आजू। जौं बिधि कुसल निबाहै काजू॥ गुरु सिख देइ राय पहिं गयउ। राम हृदयँ अस बिसमउ भयऊ॥

rāma karahu saba saṃjama ājū| jauṃ bidhi kusala nibāhai kājū|| guru sikha dei rāya pahiṃ gayau| rāma hṛdayam̐ asa bisamau bhayaū||

जनमे एक संग सब भाई। भोजन सयन केलि लरिकाई॥ करनबेध उपबीत बिआहा। संग संग सब भए उछाहा॥

janame eka saṃga saba bhāī| bhojana sayana keli larikāī|| karanabedha upabīta biāhā| saṃga saṃga saba bhae uchāhā||

बिमल बंस यहु अनुचित एकू। बंधु बिहाइ बड़ेहि अभिषेकू॥ प्रभु सप्रेम पछितानि सुहाई। हरउ भगत मन कै कुटिलाई॥

bimala baṃsa yahu anucita ekū| baṃdhu bihāi baṛehi abhiṣekū|| prabhu saprema pachitāni suhāī| harau bhagata mana kai kuṭilāī||

दोहा १०

तेहि अवसर आए लखन मगन प्रेम आनंद। सनमाने प्रिय बचन कहि रघुकुल कैरव चंद ॥ १०॥

tehi avasara āe lakhana magana prema ānaṃda| sanamāne priya bacana kahi raghukula kairava caṃda || 10||

बाजहिं बाजने बिबिध बिधाना। पुर प्रमोदु नहिं जाइ बखाना॥ भरत आगमनु सकल मनावहिं। आवहुँ बेगि नयन फलु पावहिं॥

bājahiṃ bājane bibidha bidhānā| pura pramodu nahiṃ jāi bakhānā|| bharata āgamanu sakala manāvahiṃ| āvahum̐ begi nayana phalu pāvahiṃ||

हाट बाट घर गलीं अथाई। कहहिं परसपर लोग लोगाई॥ कालि लगन भलि केतिक बारा। पूजिहि बिधि अभिलाषु हमारा॥

hāṭa bāṭa ghara galīṃ athāī| kahahiṃ parasapara loga logāī|| kāli lagana bhali ketika bārā| pūjihi bidhi abhilāṣu hamārā||

कनक सिंघासन सीय समेता। बैठहिं रामु होइ चित चेता॥ सकल कहहिं कब होइहि काली। बिघन मनावहिं देव कुचाली॥

kanaka siṃghāsana sīya sametā| baiṭhahiṃ rāmu hoi cita cetā|| sakala kahahiṃ kaba hoihi kālī| bighana manāvahiṃ deva kucālī||

तिन्हहि सोहाइ न अवध बधावा। चोरहि चंदिनि राति न भावा॥ सारद बोलि बिनय सुर करहीं। बारहिं बार पाय लै परहीं॥

tinhahi sohāi na avadha badhāvā| corahi caṃdini rāti na bhāvā|| sārada boli binaya sura karahīṃ| bārahiṃ bāra pāya lai parahīṃ||

दोहा ११

बिपति हमारि बिलोकि बड़ि मातु करिअ सोइ आजु। रामु जाहिं बन राजु तजि होइ सकल सुरकाजु ॥ ११॥

bipati hamāri biloki baṛi mātu karia soi āju| rāmu jāhiṃ bana rāju taji hoi sakala surakāju || 11||

सुनि सुर बिनय ठाढ़ि पछिताती। भइउँ सरोज बिपिन हिमराती॥ देखि देव पुनि कहहिं निहोरी। मातु तोहि नहिं थोरिउ खोरी॥

suni sura binaya ṭhāṛhi pachitātī| bhaium̐ saroja bipina himarātī|| dekhi deva puni kahahiṃ nihorī| mātu tohi nahiṃ thoriu khorī||

बिसमय हरष रहित रघुराऊ। तुम्ह जानहु सब राम प्रभाऊ॥ जीव करम बस सुख दुख भागी। जाइअ अवध देव हित लागी॥

bisamaya haraṣa rahita raghurāū| tumha jānahu saba rāma prabhāū|| jīva karama basa sukha dukha bhāgī| jāia avadha deva hita lāgī||

बार बार गहि चरन सँकोचौ। चली बिचारि बिबुध मति पोची॥ ऊँच निवासु नीचि करतूती। देखि न सकहिं पराइ बिभूती॥

bāra bāra gahi carana sam̐kocau| calī bicāri bibudha mati pocī|| ūm̐ca nivāsu nīci karatūtī| dekhi na sakahiṃ parāi bibhūtī||

आगिल काजु बिचारि बहोरी। करहहिं चाह कुसल कबि मोरी॥ हरषि हृदयँ दसरथ पुर आई। जनु ग्रह दसा दुसह दुखदाई॥

āgila kāju bicāri bahorī| karahahiṃ cāha kusala kabi morī|| haraṣi hṛdayam̐ dasaratha pura āī| janu graha dasā dusaha dukhadāī||

दोहा १२

नामु मंथरा मंदमति चेरी कैकेइ केरि। अजस पेटारी ताहि करि गई गिरा मति फेरि ॥ १२॥

nāmu maṃtharā maṃdamati cerī kaikei keri| ajasa peṭārī tāhi kari gaī girā mati pheri || 12||

दीख मंथरा नगरु बनावा। मंजुल मंगल बाज बधावा॥ पूछेसि लोगन्ह काह उछाहू। राम तिलकु सुनि भा उर दाहू॥

dīkha maṃtharā nagaru banāvā| maṃjula maṃgala bāja badhāvā|| pūchesi loganha kāha uchāhū| rāma tilaku suni bhā ura dāhū||

करइ बिचारु कुबुद्धि कुजाती। होइ अकाजु कवनि बिधि राती॥ देखि लागि मधु कुटिल किराती। जिमि गवँ तकइ लेउँ केहि भाँती॥

karai bicāru kubuddhi kujātī| hoi akāju kavani bidhi rātī|| dekhi lāgi madhu kuṭila kirātī| jimi gavam̐ takai leum̐ kehi bhām̐tī||

भरत मातु पहिं गइ बिलखानी। का अनमनि हसि कह हँसि रानी॥ ऊतरु देइ न लेइ उसासू। नारि चरित करि ढारइ आँसू॥

bharata mātu pahiṃ gai bilakhānī| kā anamani hasi kaha ham̐si rānī|| ūtaru dei na lei usāsū| nāri carita kari ḍhārai ām̐sū||

हँसि कह रानि गालु बड़ तोरें। दीन्ह लखन सिख अस मन मोरें॥ तबहुँ न बोल चेरि बड़ि पापिनि। छाड़इ स्वास कारि जनु साँपिनि॥

ham̐si kaha rāni gālu baṛa toreṃ| dīnha lakhana sikha asa mana moreṃ|| tabahum̐ na bola ceri baṛi pāpini| chāṛai svāsa kāri janu sām̐pini||

दोहा १३

सभय रानि कह कहसि किन कुसल रामु महिपालु। लखनु भरतु रिपुदमनु सुनि भा कुबरी उर सालु ॥ १३॥

sabhaya rāni kaha kahasi kina kusala rāmu mahipālu| lakhanu bharatu ripudamanu suni bhā kubarī ura sālu || 13||

कत सिख देइ हमहि कोउ माई। गालु करब केहि कर बलु पाई॥ रामहि छाड़ि कुसल केहि आजू। जेहि जनेसु देइ जुबराजू॥

kata sikha dei hamahi kou māī| gālu karaba kehi kara balu pāī|| rāmahi chāṛi kusala kehi ājū| jehi janesu dei jubarājū||

भयउ कौसिलहि बिधि अति दाहिन। देखत गरब रहत उर नाहिन॥ देखेहु कस न जाइ सब सोभा। जो अवलोकि मोर मनु छोभा॥

bhayau kausilahi bidhi ati dāhina| dekhata garaba rahata ura nāhina|| dekhehu kasa na jāi saba sobhā| jo avaloki mora manu chobhā||

पूतु बिदेस न सोचु तुम्हारें। जानति हहु बस नाहु हमारें॥ नीद बहुत प्रिय सेज तुराई। लखहु न भूप कपट चतुराई॥

pūtu bidesa na socu tumhāreṃ| jānati hahu basa nāhu hamāreṃ|| nīda bahuta priya seja turāī| lakhahu na bhūpa kapaṭa caturāī||

सुनि प्रिय बचन मलिन मनु जानी। झुकी रानि अब रहु अरगानी॥ पुनि अस कबहुँ कहसि घरफोरी। तब धरि जीभ कढ़ावउँ तोरी॥

suni priya bacana malina manu jānī| jhukī rāni aba rahu aragānī|| puni asa kabahum̐ kahasi gharaphorī| taba dhari jībha kaṛhāvaum̐ torī||

दोहा १४

काने खोरे कूबरे कुटिल कुचाली जानि। तिय बिसेषि पुनि चेरि कहि भरतमातु मुसुकानि ॥ १४॥

kāne khore kūbare kuṭila kucālī jāni| tiya biseṣi puni ceri kahi bharatamātu musukāni || 14||

प्रियबादिनि सिख दीन्हिउँ तोही। सपनेहुँ तो पर कोपु न मोही॥ सुदिनु सुमंगल दायकु सोई। तोर कहा फुर जेहि दिन होई॥

priyabādini sikha dīnhium̐ tohī| sapanehum̐ to para kopu na mohī|| sudinu sumaṃgala dāyaku soī| tora kahā phura jehi dina hoī||

जेठ स्वामि सेवक लघु भाई। यह दिनकर कुल रीति सुहाई॥ राम तिलकु जौं साँचेहुँ काली। देउँ मागु मन भावत आली॥

jeṭha svāmi sevaka laghu bhāī| yaha dinakara kula rīti suhāī|| rāma tilaku jauṃ sām̐cehum̐ kālī| deum̐ māgu mana bhāvata ālī||

कौसल्या सम सब महतारी। रामहि सहज सुभायँ पिआरी॥ मो पर करहिं सनेहु बिसेषी। मैं करि प्रीति परीछा देखी॥

kausalyā sama saba mahatārī| rāmahi sahaja subhāyam̐ piārī|| mo para karahiṃ sanehu biseṣī| maiṃ kari prīti parīchā dekhī||

जौं बिधि जनमु देइ करि छोहू। होहुँ राम सिय पूत पुतोहू॥ प्रान तें अधिक रामु प्रिय मोरें। तिन्ह कें तिलक छोभु कस तोरें॥

jauṃ bidhi janamu dei kari chohū| hohum̐ rāma siya pūta putohū|| prāna teṃ adhika rāmu priya moreṃ| tinha keṃ tilaka chobhu kasa toreṃ||

दोहा १५

भरत सपथ तोहि सत्य कहु परिहरि कपट दुराउ। हरष समय बिसमउ करसि कारन मोहि सुनाउ ॥ १५॥

bharata sapatha tohi satya kahu parihari kapaṭa durāu| haraṣa samaya bisamau karasi kārana mohi sunāu || 15||

एकहिं बार आस सब पूजी। अब कछु कहब जीभ करि दूजी॥ फोरै जोगु कपारु अभागा। भलेउ कहत दुख रउरेहि लागा॥

ekahiṃ bāra āsa saba pūjī| aba kachu kahaba jībha kari dūjī|| phorai jogu kapāru abhāgā| bhaleu kahata dukha raurehi lāgā||

कहहिं झूठि फुरि बात बनाई। ते प्रिय तुम्हहि करुइ मैं माई॥ हमहुँ कहबि अब ठकुरसोहाती। नाहिं त मौन रहब दिनु राती॥

kahahiṃ jhūṭhi phuri bāta banāī| te priya tumhahi karui maiṃ māī|| hamahum̐ kahabi aba ṭhakurasohātī| nāhiṃ ta mauna rahaba dinu rātī||

करि कुरूप बिधि परबस कीन्हा। बवा सो लुनिअ लहिअ जो दीन्हा॥ कोउ नृप होउ हमहि का हानी। चेरि छाड़ि अब होब कि रानी॥

kari kurūpa bidhi parabasa kīnhā| bavā so lunia lahia jo dīnhā|| kou nṛpa hou hamahi kā hānī| ceri chāṛi aba hoba ki rānī||

जारै जोगु सुभाउ हमारा। अनभल देखि न जाइ तुम्हारा॥ तातें कछुक बात अनुसारी। छमिअ देबि बड़ि चूक हमारी॥

jārai jogu subhāu hamārā| anabhala dekhi na jāi tumhārā|| tāteṃ kachuka bāta anusārī| chamia debi baṛi cūka hamārī||

दोहा १६

गूढ़ कपट प्रिय बचन सुनि तीय अधरबुधि रानि। सुरमाया बस बैरिनिहि सुह्द जानि पतिआनि ॥ १६॥

gūṛha kapaṭa priya bacana suni tīya adharabudhi rāni| suramāyā basa bairinihi suhda jāni patiāni || 16||

सादर पुनि पुनि पूँछति ओही। सबरी गान मृगी जनु मोही॥ तसि मति फिरी अहइ जसि भाबी। रहसी चेरि घात जनु फाबी॥

sādara puni puni pūm̐chati ohī| sabarī gāna mṛgī janu mohī|| tasi mati phirī ahai jasi bhābī| rahasī ceri ghāta janu phābī||

तुम्ह पूँछहु मैं कहत डेराऊँ। धरेउ मोर घरफोरी नाऊँ॥ सजि प्रतीति बहुबिधि गढ़ि छोली। अवध साढ़साती तब बोली॥

tumha pūm̐chahu maiṃ kahata ḍerāūm̐| dhareu mora gharaphorī nāūm̐|| saji pratīti bahubidhi gaṛhi cholī| avadha sāṛhasātī taba bolī||

प्रिय सिय रामु कहा तुम्ह रानी। रामहि तुम्ह प्रिय सो फुरि बानी॥ रहा प्रथम अब ते दिन बीते। समउ फिरें रिपु होहिं पिंरीते॥

priya siya rāmu kahā tumha rānī| rāmahi tumha priya so phuri bānī|| rahā prathama aba te dina bīte| samau phireṃ ripu hohiṃ piṃrīte||

भानु कमल कुल पोषनिहारा। बिनु जल जारि करइ सोइ छारा॥ जरि तुम्हारि चह सवति उखारी। रूँधहु करि उपाउ बर बारी॥

bhānu kamala kula poṣanihārā| binu jala jāri karai soi chārā|| jari tumhāri caha savati ukhārī| rūm̐dhahu kari upāu bara bārī||

दोहा १७

तुम्हहि न सोचु सोहाग बल निज बस जानहु राउ। मन मलीन मुह मीठ नृप राउर सरल सुभाउ ॥ १७॥

tumhahi na socu sohāga bala nija basa jānahu rāu| mana malīna muha mīṭha nṛpa rāura sarala subhāu || 17||

चतुर गँभीर राम महतारी। बीचु पाइ निज बात सँवारी॥ पठए भरतु भूप ननिअउरें। राम मातु मत जानव रउरें॥

catura gam̐bhīra rāma mahatārī| bīcu pāi nija bāta sam̐vārī|| paṭhae bharatu bhūpa naniaureṃ| rāma mātu mata jānava raureṃ||

सेवहिं सकल सवति मोहि नीकें। गरबित भरत मातु बल पी कें॥ सालु तुम्हार कौसिलहि माई। कपट चतुर नहिं होइ जनाई॥

sevahiṃ sakala savati mohi nīkeṃ| garabita bharata mātu bala pī keṃ|| sālu tumhāra kausilahi māī| kapaṭa catura nahiṃ hoi janāī||

राजहि तुम्ह पर प्रेमु बिसेषी। सवति सुभाउ सकइ नहिं देखी॥ रची प्रंपचु भूपहि अपनाई। राम तिलक हित लगन धराई॥

rājahi tumha para premu biseṣī| savati subhāu sakai nahiṃ dekhī|| racī praṃpacu bhūpahi apanāī| rāma tilaka hita lagana dharāī||

यह कुल उचित राम कहुँ टीका। सबहि सोहाइ मोहि सुठि नीका॥ आगिलि बात समुझि डरु मोही। देउ दैउ फिरि सो फलु ओही॥

yaha kula ucita rāma kahum̐ ṭīkā| sabahi sohāi mohi suṭhi nīkā|| āgili bāta samujhi ḍaru mohī| deu daiu phiri so phalu ohī||

दोहा १८

रचि पचि कोटिक कुटिलपन कीन्हेसि कपट प्रबोधु। कहिसि कथा सत सवति कै जेहि बिधि बाढ़ बिरोधु ॥ १८॥

raci paci koṭika kuṭilapana kīnhesi kapaṭa prabodhu| kahisi kathā sata savati kai jehi bidhi bāṛha birodhu || 18||

भावी बस प्रतीति उर आई। पूँछ रानि पुनि सपथ देवाई॥ का पूछहुँ तुम्ह अबहुँ न जाना। निज हित अनहित पसु पहिचाना॥

bhāvī basa pratīti ura āī| pūm̐cha rāni puni sapatha devāī|| kā pūchahum̐ tumha abahum̐ na jānā| nija hita anahita pasu pahicānā||

भयउ पाखु दिन सजत समाजू। तुम्ह पाई सुधि मोहि सन आजू॥ खाइअ पहिरिअ राज तुम्हारें। सत्य कहें नहिं दोषु हमारें॥

bhayau pākhu dina sajata samājū| tumha pāī sudhi mohi sana ājū|| khāia pahiria rāja tumhāreṃ| satya kaheṃ nahiṃ doṣu hamāreṃ||

जौं असत्य कछु कहब बनाई। तौ बिधि देइहि हमहि सजाई॥ रामहि तिलक कालि जौं भयऊ। तुम्ह कहुँ बिपति बीजु बिधि बयऊ॥

jauṃ asatya kachu kahaba banāī| tau bidhi deihi hamahi sajāī|| rāmahi tilaka kāli jauṃ bhayaū| tumha kahum̐ bipati bīju bidhi bayaū||

रेख खँचाइ कहउँ बलु भाषी। भामिनि भइहु दूध कइ माखी॥ जौं सुत सहित करहु सेवकाई। तौ घर रहहु न आन उपाई॥

rekha kham̐cāi kahaum̐ balu bhāṣī| bhāmini bhaihu dūdha kai mākhī|| jauṃ suta sahita karahu sevakāī| tau ghara rahahu na āna upāī||

दोहा १९

कद्रूँ बिनतहि दीन्ह दुखु तुम्हहि कौसिलाँ देब। भरतु बंदिगृह सेइहहिं लखनु राम के नेब ॥ १९॥

kadrūm̐ binatahi dīnha dukhu tumhahi kausilām̐ deba| bharatu baṃdigṛha seihahiṃ lakhanu rāma ke neba || 19||