उत्तरकाण्ड

उत्तरकाण्ड · दोहा ११(ख)–१८(ख)

शेअर करा

दोहा ११(ख)

राम बाम दिसि सोभति रमा रूप गुन खानि। देखि मातु सब हरषीं जन्म सुफल निज जानि ॥ ११ (ख)॥

rāma bāma disi sobhati ramā rūpa guna khāni| dekhi mātu saba haraṣīṃ janma suphala nija jāni || 11 (kha)||

सुनु खगेस तेहि अवसर ब्रह्मा सिव मुनि बुंद। चढ़ि बिमान आए सब सुर देखन सुखकंद॥ ११ (ग)॥

sunu khagesa tehi avasara brahmā siva muni buṃda| caṛhi bimāna āe saba sura dekhana sukhakaṃda|| 11 (ga)||

प्रभु बिलोकि मुनि मन अनुरागा। तुरत दिब्य सिंघासन मागा॥ रबि सम तेज सो बरनि न जाई। बैठे राम द्विजन्ह सिरु नाई॥

prabhu biloki muni mana anurāgā| turata dibya siṃghāsana māgā|| rabi sama teja so barani na jāī| baiṭhe rāma dvijanha siru nāī||

जनकसुता समेत रघुराई। पेखि प्रहरषे मुनि समुदाई॥ बेद मंत्र तब द्विजन्ह उचारे। नभ सुर मुनि जय जयति पुकारे॥

janakasutā sameta raghurāī| pekhi praharaṣe muni samudāī|| beda maṃtra taba dvijanha ucāre| nabha sura muni jaya jayati pukāre||

प्रथम तिलक बसिष्ट मुनि कीन्हा। पुनि सब बिप्रन्ह आयसु दीन्हा॥

prathama tilaka basiṣṭa muni kīnhā| puni saba bipranha āyasu dīnhā||

बिप्रन्ह दान बिबिध बिधि दीन्हे। जाचक सकल अजाचक कीन्हे॥ सिंघासन पर त्रिभुअन साई। देखि सुरन्ह दुंदुभीं बजाईं॥

bipranha dāna bibidha bidhi dīnhe| jācaka sakala ajācaka kīnhe|| siṃghāsana para tribhuana sāī| dekhi suranha duṃdubhīṃ bajāīṃ||

छंद १

नभ दुंदुभी बाजहिं बिपुल गंधर्ब किंनर गावहीं। नाचहिं अपछरा बंद परमानंद सुर मुनि पावहीं॥ भरतादि अनुज बिभीषनांगद हनुमदादि समेत ते। गहें छत्र चामर ब्यजन धनु असि चर्म सक्ति बिराजते॥

nabha duṃdubhī bājahiṃ bipula gaṃdharba kiṃnara gāvahīṃ| nācahiṃ apacharā baṃda paramānaṃda sura muni pāvahīṃ|| bharatādi anuja bibhīṣanāṃgada hanumadādi sameta te| gaheṃ chatra cāmara byajana dhanu asi carma sakti birājate||

दोहा २

श्री सहित दिनकर बंस भूषन काम बहु छवि सोहई। नव अंबुधर बर गात अंबर पीत सुर मन मोहई॥ मुकुटांगदादि बिचित्र भूषन अंग अंगन्हि प्रति सजे। अंभोज नयन बिसाल उर भुज धन्य नर निरखंति जे॥

śrī sahita dinakara baṃsa bhūṣana kāma bahu chavi sohaī| nava aṃbudhara bara gāta aṃbara pīta sura mana mohaī|| mukuṭāṃgadādi bicitra bhūṣana aṃga aṃganhi prati saje| aṃbhoja nayana bisāla ura bhuja dhanya nara nirakhaṃti je||

दोहा १२(क)

वह सोभा समाज सुख कहत न बनइ़ खगेस। बरनहिं सारद सेष श्रुति सो रस जान महेस ॥ १२ (क)॥

vaha sobhā samāja sukha kahata na banai khagesa| baranahiṃ sārada seṣa śruti so rasa jāna mahesa || 12 (ka)||

दोहा १२(ख)

भिन्न भिन्न अस्तुति करि गए सुर निज निज धाम। बंदी बेष बेद तब आए जहेँँ श्रीराम ॥ १२ (ख)॥

bhinna bhinna astuti kari gae sura nija nija dhāma| baṃdī beṣa beda taba āe jahem̐m̐ śrīrāma || 12 (kha)||

दोहा १२(ग)

प्रभु सर्बग्य कीन्ह अति आदर कृपानिधान। लखेउ न काहूँ मरम कछू लगे करन गुन गान ॥ १२ (ग)॥

prabhu sarbagya kīnha ati ādara kṛpānidhāna| lakheu na kāhūm̐ marama kachū lage karana guna gāna || 12 (ga)||

छंद १

जय सगुन निर्गुन रूप रूप अनूप भूप सिरोमने। दसकंधरादि प्रचंड निसिचर प्रबल खल भुज बल हने॥ अवतार नर संसार भार बिभंजि दारुन दुख दहे। जय प्रनतपाल दयाल प्रभु संजुक्त सक्ति नमामहे॥

jaya saguna nirguna rūpa rūpa anūpa bhūpa siromane| dasakaṃdharādi pracaṃḍa nisicara prabala khala bhuja bala hane|| avatāra nara saṃsāra bhāra bibhaṃji dāruna dukha dahe| jaya pranatapāla dayāla prabhu saṃjukta sakti namāmahe||

दोहा २

तव बिषम माया बस सुरासुर नाग नर अग जग हरे। भव पंथ भ्रमत अमित दिवस निसि काल कर्म गुननि भरे॥ जे नाथ करि करुना बिलोके त्रिबिधि दुख ते निर्बहे। भव खेद छेदन दच्छ हम कहुँ रच्छ राम नमामहे॥

tava biṣama māyā basa surāsura nāga nara aga jaga hare| bhava paṃtha bhramata amita divasa nisi kāla karma gunani bhare|| je nātha kari karunā biloke tribidhi dukha te nirbahe| bhava kheda chedana daccha hama kahum̐ raccha rāma namāmahe||

दोहा ३

जे ग्यान मान बिमत्त तव भव हरनि भक्ति न आदरी। ते पाइ सुर दुर्लभ पदादपि परत हम देखत हरी॥ बिस्वास करि सब आस परिहरि दास तव जे होइ रहे। जपि नाम तव बिनु श्रम तरहिं भव नाथ सो समरामहे॥

je gyāna māna bimatta tava bhava harani bhakti na ādarī| te pāi sura durlabha padādapi parata hama dekhata harī|| bisvāsa kari saba āsa parihari dāsa tava je hoi rahe| japi nāma tava binu śrama tarahiṃ bhava nātha so samarāmahe||

दोहा ४

जे चरन सिव अज पूज्य रज सुभ परसि मुनिपतिनी तरी। नख निर्गता मुनि बंदिता त्रेलोक पावनि सुरसरी॥ ध्वज कुलिस अंकुस कंज जुत बन फिरत कंटक किन लहे। पद कंज द्वंद मुकुंद राम रमेस नित्य भजामहे॥

je carana siva aja pūjya raja subha parasi munipatinī tarī| nakha nirgatā muni baṃditā treloka pāvani surasarī|| dhvaja kulisa aṃkusa kaṃja juta bana phirata kaṃṭaka kina lahe| pada kaṃja dvaṃda mukuṃda rāma ramesa nitya bhajāmahe||

दोहा ५

अब्यक्तमूलमनादि तरु त्वच चारि निगमागम भने। षट कंध साखा पंच बीस अनेक पर्न सुमन घने॥ फल जुगल बिधि कटु मधुर बेलि अकेलि जेहि आश्रित रहे। पल्लवत फूलत नवल नित संसार बिटप नमामहे॥

abyaktamūlamanādi taru tvaca cāri nigamāgama bhane| ṣaṭa kaṃdha sākhā paṃca bīsa aneka parna sumana ghane|| phala jugala bidhi kaṭu madhura beli akeli jehi āśrita rahe| pallavata phūlata navala nita saṃsāra biṭapa namāmahe||

दोहा ६

जे ब्रह्म अजमद्वैतमनुभवगम्य मनपर ध्यावहीं। ते कहहुँ जानहुँ नाथ हम तव सगुन जस नित गावहीं॥ करुनायतन प्रभु सदगुनाकर देव यह बर मागहीं। मन बचन कर्म बिकार तजि तव चरन हम अनुरागहीं॥

je brahma ajamadvaitamanubhavagamya manapara dhyāvahīṃ| te kahahum̐ jānahum̐ nātha hama tava saguna jasa nita gāvahīṃ|| karunāyatana prabhu sadagunākara deva yaha bara māgahīṃ| mana bacana karma bikāra taji tava carana hama anurāgahīṃ||

दोहा १३(क)

सब के देखत बेदन्ह बिनती कीन्हि उदार। अंतर्धान भए पुनि गए ब्रह्म आगार ॥ १३ (क)॥

saba ke dekhata bedanha binatī kīnhi udāra| aṃtardhāna bhae puni gae brahma āgāra || 13 (ka)||

दोहा १३(ख)

बैनतेय सुनु संभु तब आए जहँ रघुबीर। बिनय करत गदगद गिरा पूरित पुलक सरीर ॥ १३ (ख)॥

bainateya sunu saṃbhu taba āe jaham̐ raghubīra| binaya karata gadagada girā pūrita pulaka sarīra || 13 (kha)||

छंद १

जय राम रमारमनं समनं। भव ताप भयाकुल पाहि जनं॥ अवधेस सुरेस रमेस बिभो। सरनागत मागत पाहि प्रभो॥

jaya rāma ramāramanaṃ samanaṃ| bhava tāpa bhayākula pāhi janaṃ|| avadhesa suresa ramesa bibho| saranāgata māgata pāhi prabho||

दससीस बिनासन बीस भुजा। कृत दूरि महा महि भूरि रुजा॥ रजनीचर बृंद पतंग रहे। सर पावक तेज प्रचंड दहे॥

dasasīsa bināsana bīsa bhujā| kṛta dūri mahā mahi bhūri rujā|| rajanīcara bṛṃda pataṃga rahe| sara pāvaka teja pracaṃḍa dahe||

महि मंडल मंडन चारुतरं। धृत सायक चाप निषंग बरं॥ मद मोह महा ममता रजनी। तम पुंज दिवाकर तेज अनी॥

mahi maṃḍala maṃḍana cārutaraṃ| dhṛta sāyaka cāpa niṣaṃga baraṃ|| mada moha mahā mamatā rajanī| tama puṃja divākara teja anī||

मनजात किरात निपात किए। मृग लोग कुभोग सरेन हिए॥ हति नाथ अनाथनि पाहि हरे। बिषया बन पावँर भूलि परे॥

manajāta kirāta nipāta kie| mṛga loga kubhoga sarena hie|| hati nātha anāthani pāhi hare| biṣayā bana pāvam̐ra bhūli pare||

बहु रोग बियोगन्हि लोग हए। भवदंघ्रि निरादर के फल ए॥ भव सिंधु अगाध परे नर ते। पद पंकज प्रेम न जे करते॥

bahu roga biyoganhi loga hae| bhavadaṃghri nirādara ke phala e|| bhava siṃdhu agādha pare nara te| pada paṃkaja prema na je karate||

अति दीन मलीन दुखी नितहीं। जिन्ह के पद पंकज प्रीति नहीं॥ अवलंब भवंत कथा जिन्ह के। प्रिय संत अनंत सदा तिन्ह कें॥

ati dīna malīna dukhī nitahīṃ| jinha ke pada paṃkaja prīti nahīṃ|| avalaṃba bhavaṃta kathā jinha ke| priya saṃta anaṃta sadā tinha keṃ||

नहिं राग न लोभ न मान मदा। तिन्ह कें सम बैभव वा बिपदा॥ एहि ते तव सेवक होत मुदा। मुनि त्यागत जोग भरोस सदा॥

nahiṃ rāga na lobha na māna madā| tinha keṃ sama baibhava vā bipadā|| ehi te tava sevaka hota mudā| muni tyāgata joga bharosa sadā||

करि प्रेम निरंतर नेम लिएँ। पद पंकज सेवत सुद्ध हिएँ॥ सम मानि निरादर आदरही। सब संत सुखी बिचरंति मही॥

kari prema niraṃtara nema liem̐| pada paṃkaja sevata suddha hiem̐|| sama māni nirādara ādarahī| saba saṃta sukhī bicaraṃti mahī||

मुनि मानस पंकज भृंग भजे। रघुबीर महा रनधीर अजे॥ तव नाम जपामि नमामि हरी। भव रोग महागद मान अरी॥

muni mānasa paṃkaja bhṛṃga bhaje| raghubīra mahā ranadhīra aje|| tava nāma japāmi namāmi harī| bhava roga mahāgada māna arī||

गुन सील कृपा परमायतनं। प्रनमामि निरंतर श्रीरमनं॥ रघुनंद निकंदय द्वंद्वघनं। महिपाल बिलोकय दीन जनं॥

guna sīla kṛpā paramāyatanaṃ| pranamāmi niraṃtara śrīramanaṃ|| raghunaṃda nikaṃdaya dvaṃdvaghanaṃ| mahipāla bilokaya dīna janaṃ||

दोहा १४(क)

बार बार बर मागउँ हरघि देह श्रीरंग। पद सरोज अनपायनी भगति सदा सतसंग ॥ १४ (क)॥

bāra bāra bara māgaum̐ haraghi deha śrīraṃga| pada saroja anapāyanī bhagati sadā satasaṃga || 14 (ka)||

दोहा १४(ख)

लरनि उमापति राम गुन हरघि गए कैलास। तब प्रभु कपिन्ह दिवाए सब बिधि सुखप्रद बास ॥ १४ (ख)॥

larani umāpati rāma guna haraghi gae kailāsa| taba prabhu kapinha divāe saba bidhi sukhaprada bāsa || 14 (kha)||

सुनु खगपति यह कथा पावनी। त्रिबिध ताप भव भय दावनी॥ महाराज कर सुभ अभिषेका। सुनत लहहिं नर बिरति बिबेका॥

sunu khagapati yaha kathā pāvanī| tribidha tāpa bhava bhaya dāvanī|| mahārāja kara subha abhiṣekā| sunata lahahiṃ nara birati bibekā||

जे सकाम नर सुनहिं जे गावहिं। सुख संपति नाना बिधि पावहिं॥ सुर दुर्लभ सुख करि जग माहीं। अंतकाल रघुपति पुर जाहीं॥

je sakāma nara sunahiṃ je gāvahiṃ| sukha saṃpati nānā bidhi pāvahiṃ|| sura durlabha sukha kari jaga māhīṃ| aṃtakāla raghupati pura jāhīṃ||

सुनहिं बिमुक्त बिरत अरु बिषई। लहहिं भगति गति संपति नई॥ खगपति राम कथा मैं बरनी। स्वमति बिलास त्रास दुख हरनी॥

sunahiṃ bimukta birata aru biṣaī| lahahiṃ bhagati gati saṃpati naī|| khagapati rāma kathā maiṃ baranī| svamati bilāsa trāsa dukha haranī||

बिरति बिबेक भगति दृढ़ करनी। मोह नदी कहँ सुंदर तरनी॥ नित नव मंगल कौसलपुरी। हरषित रहहिं लोग सब कुरी॥

birati bibeka bhagati dṛṛha karanī| moha nadī kaham̐ suṃdara taranī|| nita nava maṃgala kausalapurī| haraṣita rahahiṃ loga saba kurī||

नित नइ प्रीति राम पद पंकज। सबकें जिन्हहि नमत सिव मुनि अज॥ मंगन बहु प्रकार पहिराए। द्विजन्ह दान नाना बिधि पाए॥

nita nai prīti rāma pada paṃkaja| sabakeṃ jinhahi namata siva muni aja|| maṃgana bahu prakāra pahirāe| dvijanha dāna nānā bidhi pāe||

दोहा १५

ब्रह्मानंद मगन कपि सब कें प्रभु पद प्रीति। जात न जाने दिवस तिन्ह गए मास षट बीति ॥ १५॥

brahmānaṃda magana kapi saba keṃ prabhu pada prīti| jāta na jāne divasa tinha gae māsa ṣaṭa bīti || 15||

बिसरे गृह सपनेहुँ सुधि नाहीं। जिमि परद्रोह संत मन माही॥ तब रघुपति सब सखा बोलाए। आइ सबन्हि सादर सिरु नाए॥

bisare gṛha sapanehum̐ sudhi nāhīṃ| jimi paradroha saṃta mana māhī|| taba raghupati saba sakhā bolāe| āi sabanhi sādara siru nāe||

परम प्रीति समीप बैठारे। भगत सुखद मृदु बचन उचारे॥ तुम्ह अति कीन्ह मोरि सेवकाई। मुख पर केहि बिधि करौं बड़ाई॥

parama prīti samīpa baiṭhāre| bhagata sukhada mṛdu bacana ucāre|| tumha ati kīnha mori sevakāī| mukha para kehi bidhi karauṃ baṛāī||

ताते मोहि तुम्ह अति प्रिय लागे। मम हित लागि भवन सुख त्यागे॥ अनुज राज संपति बैदेही। देह गेह परिवार सनेही॥

tāte mohi tumha ati priya lāge| mama hita lāgi bhavana sukha tyāge|| anuja rāja saṃpati baidehī| deha geha parivāra sanehī||

सब मम प्रिय नहिं तुम्हहि समाना। मृषा न कहउँ मोर यह बाना॥ सब के प्रिय सेवक यह नीती। मोरें अधिक दास पर प्रीती॥

saba mama priya nahiṃ tumhahi samānā| mṛṣā na kahaum̐ mora yaha bānā|| saba ke priya sevaka yaha nītī| moreṃ adhika dāsa para prītī||

दोहा १६

अब गृह जाहु सखा सब भजेहु मोहि दूढ़ नेम। सदा सर्बगत सर्बहित जानि करेहू अति प्रेम ॥ १६॥

aba gṛha jāhu sakhā saba bhajehu mohi dūṛha nema| sadā sarbagata sarbahita jāni karehū ati prema || 16||

सुनि प्रभु बचन मगन सब भए। को हम कहाँ बिसरि तन गए॥ एकटक रहे जोरि कर आगे। सकहिं न कछु कहि अति अनुरागे॥

suni prabhu bacana magana saba bhae| ko hama kahām̐ bisari tana gae|| ekaṭaka rahe jori kara āge| sakahiṃ na kachu kahi ati anurāge||

परम प्रेम तिन्ह कर प्रभु देखा। कहा बिबिध बिधि ग्यान बिसेषा॥ प्रभु सन्मुख कछु कहन न पारहिं। पुनि पुनि चरन सरोज निहारहिं॥

parama prema tinha kara prabhu dekhā| kahā bibidha bidhi gyāna biseṣā|| prabhu sanmukha kachu kahana na pārahiṃ| puni puni carana saroja nihārahiṃ||

तब प्रभु भूषन बसन मगाए। नाना रंग अनूप सुहाए॥ सुग्रीवहि प्रथमहिं पहिराए। बसन भरत निज हाथ बनाए॥

taba prabhu bhūṣana basana magāe| nānā raṃga anūpa suhāe|| sugrīvahi prathamahiṃ pahirāe| basana bharata nija hātha banāe||

प्रभु प्रेरित लछिमन पहिराए। लंकापति रघुपति मन भाए॥ अंगद बैठ रहा नहिं डोला। प्रीति देखि प्रभु ताहि न बोला॥

prabhu prerita lachimana pahirāe| laṃkāpati raghupati mana bhāe|| aṃgada baiṭha rahā nahiṃ ḍolā| prīti dekhi prabhu tāhi na bolā||

दोहा १७(क)

जामवंत नीलादि सब पहिराए रघुनाथ। हियें धरि राम रूप सब चले नाइ़ पद माथ ॥ १७ (क)॥

jāmavaṃta nīlādi saba pahirāe raghunātha| hiyeṃ dhari rāma rūpa saba cale nāi pada mātha || 17 (ka)||

दोहा १७(ख)

तब अंगद उठि नाइ सिरु सजल नयन कर जोरि। अति बिनीत बोलेउ बचन मनहूँ प्रेम रस बोरि ॥ १७ (ख)॥

taba aṃgada uṭhi nāi siru sajala nayana kara jori| ati binīta boleu bacana manahūm̐ prema rasa bori || 17 (kha)||

सुनु सर्बग्य कृपा सुख सिंधो। दीन दयाकर आरत बंधो॥ मरती बेर नाथ मोहि बाली। गयउ तुम्हारेहि कोंछें घाली॥

sunu sarbagya kṛpā sukha siṃdho| dīna dayākara ārata baṃdho|| maratī bera nātha mohi bālī| gayau tumhārehi koṃcheṃ ghālī||

असरन सरन बिरदु संभारी। मोहि जनि तजहु भगत हितकारी॥ मोरें तुम्ह प्रभु गुर पितु माता। जाउँ कहाँ तजि पद जलजाता॥

asarana sarana biradu saṃbhārī| mohi jani tajahu bhagata hitakārī|| moreṃ tumha prabhu gura pitu mātā| jāum̐ kahām̐ taji pada jalajātā||

तुम्हहि बिचारि कहहु नरनाहा। प्रभु तजि भवन काज मम काहा॥ बालक ग्यान बुद्धि बल हीना। राखहु सरन नाथ जन दीना॥

tumhahi bicāri kahahu naranāhā| prabhu taji bhavana kāja mama kāhā|| bālaka gyāna buddhi bala hīnā| rākhahu sarana nātha jana dīnā||

नीचि टहल गृह कै सब करिहउँ। पद पंकज बिलोकि भव तरिहउँ॥ अस कहि चरन परेउ प्रभु पाही। अब जनि नाथ कहहु गृह जाही॥

nīci ṭahala gṛha kai saba karihaum̐| pada paṃkaja biloki bhava tarihaum̐|| asa kahi carana pareu prabhu pāhī| aba jani nātha kahahu gṛha jāhī||

दोहा १८(क)

अंगद बचन बिनीत सुनि रघुपति करुना सींव। प्रभु उठाइ उर लायउठ सजल नयन राजीव ॥ १८ (क)॥

aṃgada bacana binīta suni raghupati karunā sīṃva| prabhu uṭhāi ura lāyauṭha sajala nayana rājīva || 18 (ka)||

दोहा १८(ख)

निज उर माल बसन मनि बालितनय पहिराइ़। बिदा कीन्हि भगवान तब बहु प्रकार समुझाइ ॥ १८ (ख)॥

nija ura māla basana mani bālitanaya pahirāi| bidā kīnhi bhagavāna taba bahu prakāra samujhāi || 18 (kha)||