उत्तरकाण्ड

उत्तरकाण्ड · दोहा १०८(घ)–११७(क)

शेअर करा

दोहा १०८(घ)

संकर दीनदयाल अब एहि पर होहु कृपाल। साप अनुग्रह होइ जेहिं नाथ थोरेहीं काल ॥ १०८ (घ)॥

saṃkara dīnadayāla aba ehi para hohu kṛpāla| sāpa anugraha hoi jehiṃ nātha thorehīṃ kāla || 108 (gha)||

एहि कर होइ परम कल्याना। सोइ करहु अब कृपानिधाना॥ बिप्रगिरा सुनि परहित सानी। एवमस्तु इति भइ नभबानी॥

ehi kara hoi parama kalyānā| soi karahu aba kṛpānidhānā|| bipragirā suni parahita sānī| evamastu iti bhai nabhabānī||

जदपि कीन्ह एहिं दारुन पापा। मैं पुनि दीन्ह कोप करि सापा॥ तदपि तुम्हार साधुता देखी। करिहउँ एहि पर कृपा बिसेषी॥

jadapi kīnha ehiṃ dāruna pāpā| maiṃ puni dīnha kopa kari sāpā|| tadapi tumhāra sādhutā dekhī| karihaum̐ ehi para kṛpā biseṣī||

छमासील जे पर उपकारी। ते द्विज मोहि प्रिय जथा खरारी॥ मोर श्राप द्विज ब्यर्थ न जाइहि। जन्म सहस अवस्य यह पाइहि॥

chamāsīla je para upakārī| te dvija mohi priya jathā kharārī|| mora śrāpa dvija byartha na jāihi| janma sahasa avasya yaha pāihi||

जनमत मरत दुसह दुख होई। अहि स्वल्पउ नहिं ब्यापिहि सोई॥ कवनेउँ जन्म मिटिहि नहिं ग्याना। सुनहि सूद्र मम बचन प्रवाना॥

janamata marata dusaha dukha hoī| ahi svalpau nahiṃ byāpihi soī|| kavaneum̐ janma miṭihi nahiṃ gyānā| sunahi sūdra mama bacana pravānā||

रघुपति पुरीं जन्म तब भयऊ। पुनि तैं मम सेवाँ मन दयऊ॥ पुरी प्रभाव अनुग्रह मोरें। राम भगति उपजिहि उर तोरें॥

raghupati purīṃ janma taba bhayaū| puni taiṃ mama sevām̐ mana dayaū|| purī prabhāva anugraha moreṃ| rāma bhagati upajihi ura toreṃ||

सुनु मम बचन सत्य अब भाई। हरितोषन ब्रत द्विज सेवकाई॥ अब जनि करहि बिप्र अपमाना। जानेहु संत अनंत समाना॥

sunu mama bacana satya aba bhāī| haritoṣana brata dvija sevakāī|| aba jani karahi bipra apamānā| jānehu saṃta anaṃta samānā||

इंद्र कुलिस मम सूल बिसाला। कालदंड हरि चक्र कराला॥ जो इन्ह कर मारा नहिं मरई। बिप्रद्रोह पावक सो जरई॥

iṃdra kulisa mama sūla bisālā| kāladaṃḍa hari cakra karālā|| jo inha kara mārā nahiṃ maraī| bipradroha pāvaka so jaraī||

अस बिबेक राखेहु मन माहीं। तुम्ह कहँ जग दुर्लभ कछु नाहीं। औरउ एक आसिषा मोरी। अप्रतिहत गति होइहि तोरी॥

asa bibeka rākhehu mana māhīṃ| tumha kaham̐ jaga durlabha kachu nāhīṃ| aurau eka āsiṣā morī| apratihata gati hoihi torī||

दोहा १०९(क)

सुनि सिव बचन हरघि गुर एवमस्तु इति भाषि। मोहि प्रबोधि गयउ गृह संभु चरन उर राखि ॥ १०९ (क)॥

suni siva bacana haraghi gura evamastu iti bhāṣi| mohi prabodhi gayau gṛha saṃbhu carana ura rākhi || 109 (ka)||

दोहा १०९(ख)

प्रेरित काल बिंधि गिरि जाइ भयरें मैं ब्याल। पुनि प्रयास बिनु सो तनु तजेउँ गएँ कछु काल ॥ १०९ (ख)॥

prerita kāla biṃdhi giri jāi bhayareṃ maiṃ byāla| puni prayāsa binu so tanu tajeum̐ gaem̐ kachu kāla || 109 (kha)||

दोहा १०९(ग)

जोइ तनु धरउँ तजउँ पुनि अनायास हरिजान। जिमि नूतन पट पहिरइ नर परिहरइ पुरान ॥ १०९ (ग)॥

joi tanu dharaum̐ tajaum̐ puni anāyāsa harijāna| jimi nūtana paṭa pahirai nara pariharai purāna || 109 (ga)||

दोहा १०९(घ)

सिर राखी श्रुति नीति अरु मैं नहिं पावा क्लेस। एहि बिधि धरेउं बिबिधि तनुग्यान नगयउ खगेस ॥ १०९ (घ)॥

sira rākhī śruti nīti aru maiṃ nahiṃ pāvā klesa| ehi bidhi dhareuṃ bibidhi tanugyāna nagayau khagesa || 109 (gha)||

त्रिजग देव नर जोइ तनु धरउँ। तहँ तहँ राम भजन अनुसरऊँ॥ एक सूल मोहि बिसर न काऊ। गुर कर कोमल सील सुभाऊ॥

trijaga deva nara joi tanu dharaum̐| taham̐ taham̐ rāma bhajana anusaraūm̐|| eka sūla mohi bisara na kāū| gura kara komala sīla subhāū||

चरम देह द्विज कै मैं पाई। सुर दुर्लभ पुरान श्रुति गाई॥ खेलउँ तहूँ बालकन्ह मीला। करउँ सकल रघुनायक लीला॥

carama deha dvija kai maiṃ pāī| sura durlabha purāna śruti gāī|| khelaum̐ tahūm̐ bālakanha mīlā| karaum̐ sakala raghunāyaka līlā||

प्रौढ़ भएँ मोहि पिता पढ़ावा। समझें सुन गुनऊ नहिं भावा॥ मन ते सकल बासना भागी। केवल राम चरन लय लागी॥

prauṛha bhaem̐ mohi pitā paṛhāvā| samajheṃ suna gunaū nahiṃ bhāvā|| mana te sakala bāsanā bhāgī| kevala rāma carana laya lāgī||

कहु खगेस अस कवन अभागी। खरी सेव सुरधेनुहि त्यागी॥ प्रेम मगन मोहि कछु न सोहाई। हारेउ पिता पढ़ाइ पढ़ाई॥

kahu khagesa asa kavana abhāgī| kharī seva suradhenuhi tyāgī|| prema magana mohi kachu na sohāī| hāreu pitā paṛhāi paṛhāī||

भए कालबस जब पितु माता। मैं बन गयउँ भजन जनत्राता॥ जहँ जहँ बिपिन मुनीस्वर पावउँ। आश्रम जाइ जाइ सिरु नावउँ॥

bhae kālabasa jaba pitu mātā| maiṃ bana gayaum̐ bhajana janatrātā|| jaham̐ jaham̐ bipina munīsvara pāvaum̐| āśrama jāi jāi siru nāvaum̐||

बूझत तिन्हहि राम गुन गाहा। कहहिं सुनउँ हरषित खगनाहा॥ सुनत फिरउँ हरि गुन अनुबादा। अब्याहत गति संभु प्रसादा॥

būjhata tinhahi rāma guna gāhā| kahahiṃ sunaum̐ haraṣita khaganāhā|| sunata phiraum̐ hari guna anubādā| abyāhata gati saṃbhu prasādā||

छूटी त्रिबिध ईषना गाढ़ी। एक लालसा उर अति बाढ़ी॥ राम चरन बारिज जब देखौं। तब निज जन्म सफल करि लेखौं॥

chūṭī tribidha īṣanā gāṛhī| eka lālasā ura ati bāṛhī|| rāma carana bārija jaba dekhauṃ| taba nija janma saphala kari lekhauṃ||

जेहि पूँछउँ सोइ मुनि अस कहई। ईस्वर सर्ब भूतमय अहई॥ निर्गुन मत नहिं मोहि सोहाई। सगुन ब्रह्म रति उर अधिकाई॥

jehi pūm̐chaum̐ soi muni asa kahaī| īsvara sarba bhūtamaya ahaī|| nirguna mata nahiṃ mohi sohāī| saguna brahma rati ura adhikāī||

दोहा ११०(क)

गुर के बचन सुरति करि राम चरन मनु लाग। रघुपति जस गावत फिरउँ छन छन नव अनुराग ॥ ११० (क)॥

gura ke bacana surati kari rāma carana manu lāga| raghupati jasa gāvata phiraum̐ chana chana nava anurāga || 110 (ka)||

दोहा ११०(ख)

मेरु सिखर बट छायाँ मुनि लोमस आसीन। देखि चरन सिरु नायउँ बचन कहेउं अति दीन ॥ ११० (ख)॥

meru sikhara baṭa chāyām̐ muni lomasa āsīna| dekhi carana siru nāyaum̐ bacana kaheuṃ ati dīna || 110 (kha)||

सुनि मम बचन बिनीत मृदु मुनि कृपाल खगराज। मोहि सादर पूछत भए द्विज आयहु केहि काज॥ ११० ( ग)॥

suni mama bacana binīta mṛdu muni kṛpāla khagarāja| mohi sādara pūchata bhae dvija āyahu kehi kāja|| 110 ( ga)||

दोहा ११०(घ)

तब मैं कहा कृपानिधि तुम्ह सर्बग्य सुजान। सगुन ब्रहहा अवराधन मोहि कहट्ठु भगवान ॥ ११० (घ)॥

taba maiṃ kahā kṛpānidhi tumha sarbagya sujāna| saguna brahahā avarādhana mohi kahaṭṭhu bhagavāna || 110 (gha)||

तब मुनिष रघुपति गुन गाथा। कहे कछुक सादर खगनाथा॥ ब्रह्मग्यान रत मुनि बिग्यानि। मोहि परम अधिकारी जानी॥

taba muniṣa raghupati guna gāthā| kahe kachuka sādara khaganāthā|| brahmagyāna rata muni bigyāni| mohi parama adhikārī jānī||

लागे करन ब्रह्म उपदेसा। अज अद्वेत अगुन हृदयेसा॥ अकल अनीह अनाम अरुपा। अनुभव गम्य अखंड अनूपा॥

lāge karana brahma upadesā| aja adveta aguna hṛdayesā|| akala anīha anāma arupā| anubhava gamya akhaṃḍa anūpā||

मन गोतीत अमल अबिनासी। निर्बिकार निरवधि सुख रासी॥

mana gotīta amala abināsī| nirbikāra niravadhi sukha rāsī||

सोरठा ३

सो तैं ताहि तोहि नहिं भेदा। बारि बीचि इव गावहि बेदा॥

so taiṃ tāhi tohi nahiṃ bhedā| bāri bīci iva gāvahi bedā||

बिबिध भाँति मोहि मुनि समुझावा। निर्गुन मत मम हृदयँ न आवा॥ पुनि मैं कहेउँ नाइ पद सीसा। सगुन उपासन कहहु मुनीसा॥

bibidha bhām̐ti mohi muni samujhāvā| nirguna mata mama hṛdayam̐ na āvā|| puni maiṃ kaheum̐ nāi pada sīsā| saguna upāsana kahahu munīsā||

राम भगति जल मम मन मीना। किमि बिलगाइ मुनीस प्रबीना॥

rāma bhagati jala mama mana mīnā| kimi bilagāi munīsa prabīnā||

सोरठा ५

सोइ उपदेस कहहु करि दाया। निज नयनन्हि देखौं रघुराया॥

soi upadesa kahahu kari dāyā| nija nayananhi dekhauṃ raghurāyā||

भरि लोचन बिलोकि अवधेसा। तब सुनिहउँ निर्गुन उपदेसा॥ मुनि पुनि कहि हरिकथा अनूपा। खंडि सगुन मत अगुन निरूपा॥

bhari locana biloki avadhesā| taba sunihaum̐ nirguna upadesā|| muni puni kahi harikathā anūpā| khaṃḍi saguna mata aguna nirūpā||

तब मैं निर्गुन मत कर दूरी। सगुन निरूपउँ करि हठ भूरी॥ उत्तर प्रतिउत्तर मैं कीन्हा। मुनि तन भए क्रोध के चीन्हा॥

taba maiṃ nirguna mata kara dūrī| saguna nirūpaum̐ kari haṭha bhūrī|| uttara pratiuttara maiṃ kīnhā| muni tana bhae krodha ke cīnhā||

सुनु प्रभु बहुत अवग्या किएँ। उपज क्रोध ग्यानिन्ह के हिएँ॥ अति संघरषन जौं कर कोई। अनल प्रगट चंदन ते होई॥

sunu prabhu bahuta avagyā kiem̐| upaja krodha gyāninha ke hiem̐|| ati saṃgharaṣana jauṃ kara koī| anala pragaṭa caṃdana te hoī||

दोहा १११(क)

बारंबार सकोप मुनि करइ निरूपन ग्यान। मैं अपने मन बैठ तब करें बिबिधि अनुमान ॥ १११ (क)॥

bāraṃbāra sakopa muni karai nirūpana gyāna| maiṃ apane mana baiṭha taba kareṃ bibidhi anumāna || 111 (ka)||

क्रोध कि द्वैतबुद्धि बिनु द्वैत कि बिनु अग्यान। मायाबस परिछिन्न जड़ जीव कि इस समान॥ १११ (ख )॥

krodha ki dvaitabuddhi binu dvaita ki binu agyāna| māyābasa parichinna jaṛa jīva ki isa samāna|| 111 (kha )||

कबहुँ कि दुख सब कर हित ताकें। तेहि कि दरिद्र परस मनि जाकें॥ परद्रोही की होहिं निसंका। कामी पुनि कि रहहिं अकलंका॥

kabahum̐ ki dukha saba kara hita tākeṃ| tehi ki daridra parasa mani jākeṃ|| paradrohī kī hohiṃ nisaṃkā| kāmī puni ki rahahiṃ akalaṃkā||

बंस कि रह द्विज अनहित कीन्हें। कर्म कि होहिं स्वरूपहि चीन्हें॥ काहू सुमति कि खल सँग जामी। सुभ गति पाव कि परत्रिय गामी॥

baṃsa ki raha dvija anahita kīnheṃ| karma ki hohiṃ svarūpahi cīnheṃ|| kāhū sumati ki khala sam̐ga jāmī| subha gati pāva ki paratriya gāmī||

भव कि परहिं परमात्मा बिंदक। सुखी कि होहिं कबहुँ हरिनिंदक॥ राजु कि रहइ नीति बिनु जानें। अघ कि रहहिं हरिचरित बखानें॥

bhava ki parahiṃ paramātmā biṃdaka| sukhī ki hohiṃ kabahum̐ hariniṃdaka|| rāju ki rahai nīti binu jāneṃ| agha ki rahahiṃ haricarita bakhāneṃ||

पावन जस कि पुन्य बिनु होई। बिनु अघ अजस कि पावइ कोई॥ लाभु कि किछु हरि भगति समाना। जेहि गावहिं श्रुति संत पुराना॥

pāvana jasa ki punya binu hoī| binu agha ajasa ki pāvai koī|| lābhu ki kichu hari bhagati samānā| jehi gāvahiṃ śruti saṃta purānā||

हानि कि जग एहि सम किछु भाई। भजिअ न रामहि नर तनु पाई॥ अघ कि पिसुनता सम कछु आना। धर्म कि दया सरिस हरिजाना॥

hāni ki jaga ehi sama kichu bhāī| bhajia na rāmahi nara tanu pāī|| agha ki pisunatā sama kachu ānā| dharma ki dayā sarisa harijānā||

एहि बिधि अमिति जुगुति मन गुनऊँ। मुनि उपदेस न सादर सुनऊँ॥ पुनि पुनि सगुन पच्छ मैं रोपा। तब मुनि बोलेउ बचन सकोपा॥

ehi bidhi amiti juguti mana gunaūm̐| muni upadesa na sādara sunaūm̐|| puni puni saguna paccha maiṃ ropā| taba muni boleu bacana sakopā||

मूढ़ परम सिख देउँ न मानसि। उत्तर प्रतिउत्तर बहु आनसि॥ सत्य बचन बिस्वास न करही। बायस इव सबही ते डरही॥

mūṛha parama sikha deum̐ na mānasi| uttara pratiuttara bahu ānasi|| satya bacana bisvāsa na karahī| bāyasa iva sabahī te ḍarahī||

सठ स्वपच्छ तब हृदयँ बिसाला। सपदि होहि पच्छी चंडाला॥ लीन्ह श्राप मैं सीस चढ़ाई। नहिं कछु भय न दीनता आई॥

saṭha svapaccha taba hṛdayam̐ bisālā| sapadi hohi pacchī caṃḍālā|| līnha śrāpa maiṃ sīsa caṛhāī| nahiṃ kachu bhaya na dīnatā āī||

दोहा ११२(क)

तुरत भयडं मैं काग तब पुनि मुनि पद सिरु नाइ। सुमिरि राम रघुबंस मनि हरघित चलें उड़ाइ ॥ ११२ (क)॥

turata bhayaḍaṃ maiṃ kāga taba puni muni pada siru nāi| sumiri rāma raghubaṃsa mani haraghita caleṃ uṛāi || 112 (ka)||

उमा जे राम चरन रत बिगत काम मद क्रोध। निज प्रभुमय देखहिं जगत केहि सन करहिं बिरोध॥ ११२ (ख )॥

umā je rāma carana rata bigata kāma mada krodha| nija prabhumaya dekhahiṃ jagata kehi sana karahiṃ birodha|| 112 (kha )||

सुनु खगेस नहिं कछु रिषि दूषन। उर प्रेरक रघुबंस बिभूषन॥ कृपासिंधु मुनि मति करि भोरी। लीन्हि प्रेम परिच्छा मोरी॥

sunu khagesa nahiṃ kachu riṣi dūṣana| ura preraka raghubaṃsa bibhūṣana|| kṛpāsiṃdhu muni mati kari bhorī| līnhi prema paricchā morī||

मन बच क्रम मोहि निज जन जाना। मुनि मति पुनि फेरी भगवाना॥ रिषि मम महत सीलता देखी। राम चरन बिस्वास बिसेषी॥

mana baca krama mohi nija jana jānā| muni mati puni pherī bhagavānā|| riṣi mama mahata sīlatā dekhī| rāma carana bisvāsa biseṣī||

अति बिसमय पुनि पुनि पछिताई। सादर मुनि मोहि लीन्ह बोलाई॥ मम परितोष बिबिध बिधि कीन्हा। हरषित राममंत्र तब दीन्हा॥

ati bisamaya puni puni pachitāī| sādara muni mohi līnha bolāī|| mama paritoṣa bibidha bidhi kīnhā| haraṣita rāmamaṃtra taba dīnhā||

बालकरूप राम कर ध्याना। कहेउ मोहि मुनि कृपानिधाना॥ सुंदर सुखद मिहि अति भावा। सो प्रथमहिं मैं तुम्हहि सुनावा॥

bālakarūpa rāma kara dhyānā| kaheu mohi muni kṛpānidhānā|| suṃdara sukhada mihi ati bhāvā| so prathamahiṃ maiṃ tumhahi sunāvā||

मुनि मोहि कछुक काल तहँ राखा। तब भाषा॥ सादर मोहि यह कथा सुनाई। पुनि बोले मुनि गिरा सुहाई॥

muni mohi kachuka kāla taham̐ rākhā| taba bhāṣā|| sādara mohi yaha kathā sunāī| puni bole muni girā suhāī||

रामचरित सर गुप्त सुहावा। संभु प्रसाद तात मैं पावा॥ तोहि निज भगत राम कर जानी। ताते मैं सब कहेउँ बखानी॥

rāmacarita sara gupta suhāvā| saṃbhu prasāda tāta maiṃ pāvā|| tohi nija bhagata rāma kara jānī| tāte maiṃ saba kaheum̐ bakhānī||

राम भगति जिन्ह कें उर नाहीं। कबहुँ न तात कहिअ तिन्ह पाहीं॥ मुनि मोहि बिबिध भाँति समुझावा। मैं सप्रेम मुनि पद सिरु नावा॥

rāma bhagati jinha keṃ ura nāhīṃ| kabahum̐ na tāta kahia tinha pāhīṃ|| muni mohi bibidha bhām̐ti samujhāvā| maiṃ saprema muni pada siru nāvā||

निज कर कमल परसि मम सीसा। हरषित आसिष दीन्ह मुनीसा॥ राम भगति अबिरल उर तोरें। बसिहि सदा प्रसाद अब मोरें॥

nija kara kamala parasi mama sīsā| haraṣita āsiṣa dīnha munīsā|| rāma bhagati abirala ura toreṃ| basihi sadā prasāda aba moreṃ||

दोहा ११३(क)

सदा राम प्रिय होहु तुम्ह सुभ गुन भवन अमान। कामरूप इच्छामरन ग्यान बिराग निधान ॥ ११३ (क)॥

sadā rāma priya hohu tumha subha guna bhavana amāna| kāmarūpa icchāmarana gyāna birāga nidhāna || 113 (ka)||

जेहिं आश्रम तुम्ह बसब पुनि सुमिरत श्रीभगवंत। ब्यापिहि तहेँं न अबिद्या जोजन एक प्रजंत॥ ११३ (ख )॥

jehiṃ āśrama tumha basaba puni sumirata śrībhagavaṃta| byāpihi tahem̐ṃ na abidyā jojana eka prajaṃta|| 113 (kha )||

काल कर्म गुन दोष सुभाऊ। कछु दुख तुम्हहि न ब्यापिहि काऊ॥ राम रहस्य ललित बिधि नाना। गुप्त प्रगट इतिहास पुराना॥

kāla karma guna doṣa subhāū| kachu dukha tumhahi na byāpihi kāū|| rāma rahasya lalita bidhi nānā| gupta pragaṭa itihāsa purānā||

बिनु श्रम तुम्ह जानब सब सोऊ। नित नव नेह राम पद होऊ॥ जो इच्छा करिहहु मन माहीं। हरि प्रसाद कछु दुर्लभ नाहीं॥

binu śrama tumha jānaba saba soū| nita nava neha rāma pada hoū|| jo icchā karihahu mana māhīṃ| hari prasāda kachu durlabha nāhīṃ||

सुनि मुनि आसिष सुनु मतिधीरा। ब्रह्मगिरा भइ गगन गँभीरा॥ एवमस्तु तव बच मुनि ग्यानी। यह मम भगत कर्म मन बानी॥

suni muni āsiṣa sunu matidhīrā| brahmagirā bhai gagana gam̐bhīrā|| evamastu tava baca muni gyānī| yaha mama bhagata karma mana bānī||

सुनि नभगिरा हरष मोहि भयऊ। प्रेम मगन सब संसय गयऊ॥ करि बिनती मुनि आयसु पाई। पद सरोज पुनि पुनि सिरु नाई॥

suni nabhagirā haraṣa mohi bhayaū| prema magana saba saṃsaya gayaū|| kari binatī muni āyasu pāī| pada saroja puni puni siru nāī||

हरष सहित एहिं आश्रम आयउँ। प्रभु प्रसाद दुर्लभ बर पायउँ॥ इहाँ बसत मोहि सुनु खग ईसा। बीते कलप सात अरु बीसा॥

haraṣa sahita ehiṃ āśrama āyaum̐| prabhu prasāda durlabha bara pāyaum̐|| ihām̐ basata mohi sunu khaga īsā| bīte kalapa sāta aru bīsā||

करउँ सदा रघुपति गुन गाना। सादर सुनहिं बिहंग सुजाना॥ जब जब अवधपुरीं रघुबीरा। धरहिं भगत हित मनुज सरीरा॥

karaum̐ sadā raghupati guna gānā| sādara sunahiṃ bihaṃga sujānā|| jaba jaba avadhapurīṃ raghubīrā| dharahiṃ bhagata hita manuja sarīrā||

तब तब जाइ राम पुर रहऊँ। सिसुलीला बिलोकि सुख लहऊँ॥ पुनि उर राखि राम सिसुरूपा। निज आश्रम आवउँ खगभूपा॥

taba taba jāi rāma pura rahaūm̐| sisulīlā biloki sukha lahaūm̐|| puni ura rākhi rāma sisurūpā| nija āśrama āvaum̐ khagabhūpā||

कथा सकल मैं तुम्हहि सुनाई। काग देह जेहिं कारन पाई॥ कहिउँ तात सब प्रस्न तुम्हारी। राम भगति महिमा अति भारी॥

kathā sakala maiṃ tumhahi sunāī| kāga deha jehiṃ kārana pāī|| kahium̐ tāta saba prasna tumhārī| rāma bhagati mahimā ati bhārī||

दोहा ११४(क)

ताते यह तन मोहि प्रिय भयउ राम पद नेह। निज प्रभु दरसन पायउँं गए सकल संदेह ॥ ११४ (क)॥

tāte yaha tana mohi priya bhayau rāma pada neha| nija prabhu darasana pāyaum̐ṃ gae sakala saṃdeha || 114 (ka)||

भगति पच्छ हठ करि रहें दीन्हि महारिषि साप। मुनि दुर्लभ बर पायउँ देखह भजन प्रताप॥ ११४ ( ख )॥

bhagati paccha haṭha kari raheṃ dīnhi mahāriṣi sāpa| muni durlabha bara pāyaum̐ dekhaha bhajana pratāpa|| 114 ( kha )||

जे असि भगति जानि परिहरहीं। केवल ग्यान हेतु श्रम करहीं॥ ते जड़ कामधेनु गृहँ त्यागी। खोजत आकु फिरहिं पय लागी॥

je asi bhagati jāni pariharahīṃ| kevala gyāna hetu śrama karahīṃ|| te jaṛa kāmadhenu gṛham̐ tyāgī| khojata āku phirahiṃ paya lāgī||

सुनु खगेस हरि भगति बिहाई। जे सुख चाहहिं आन उपाई॥ ते सठ महासिंधु बिनु तरनी। पैरि पार चाहहिं जड़ करनी॥

sunu khagesa hari bhagati bihāī| je sukha cāhahiṃ āna upāī|| te saṭha mahāsiṃdhu binu taranī| pairi pāra cāhahiṃ jaṛa karanī||

सुनि भसुंडि के बचन भवानी। बोलेउ गरुड़ हरषि मृदु बानी॥ तव प्रसाद प्रभु मम उर माहीं। संसय सोक मोह भ्रम नाहीं॥

suni bhasuṃḍi ke bacana bhavānī| boleu garuṛa haraṣi mṛdu bānī|| tava prasāda prabhu mama ura māhīṃ| saṃsaya soka moha bhrama nāhīṃ||

सुनेउँ पुनीत राम गुन ग्रामा। तुम्हरी कृपाँ लहेउँ बिश्रामा॥ एक बात प्रभु पूँछउँ तोही। कहहु बुझाइ कृपानिधि मोही॥

suneum̐ punīta rāma guna grāmā| tumharī kṛpām̐ laheum̐ biśrāmā|| eka bāta prabhu pūm̐chaum̐ tohī| kahahu bujhāi kṛpānidhi mohī||

कहहिं संत मुनि बेद पुराना। नहिं कछु दुर्लभ ग्यान समाना॥

kahahiṃ saṃta muni beda purānā| nahiṃ kachu durlabha gyāna samānā||

सोरठा ५

सोइ मुनि तुम्ह सन कहेउ गोसाईं। नहिं आदरेहु भगति की नाईं॥

soi muni tumha sana kaheu gosāīṃ| nahiṃ ādarehu bhagati kī nāīṃ||

ग्यानहि भगतिहि अंतर केता। सकल कहहु प्रभु कृपा निकेता॥ सुनि उरगारि बचन सुख माना। सादर बोलेउ काग सुजाना॥

gyānahi bhagatihi aṃtara ketā| sakala kahahu prabhu kṛpā niketā|| suni uragāri bacana sukha mānā| sādara boleu kāga sujānā||

भगतिहि ग्यानहि नहिं कछु भेदा। उभय हरहिं भव संभव खेदा॥ नाथ मुनीस कहहिं कछु अंतर। सावधान सोउ सुनु बिहंगबर॥

bhagatihi gyānahi nahiṃ kachu bhedā| ubhaya harahiṃ bhava saṃbhava khedā|| nātha munīsa kahahiṃ kachu aṃtara| sāvadhāna sou sunu bihaṃgabara||

ग्यान बिराग जोग बिग्याना। ए सब पुरुष सुनहु हरिजाना॥ पुरुष प्रताप प्रबल सब भाँती। अबला अबल सहज जड़ जाती॥

gyāna birāga joga bigyānā| e saba puruṣa sunahu harijānā|| puruṣa pratāpa prabala saba bhām̐tī| abalā abala sahaja jaṛa jātī||

दोहा ११५(क)

-पुरुष त्यागि सक नारिहि जो बिरक्त मति धीर। न तु कामी बिषयाबस बिमुख जो पद रघुबीर ॥ ११५ (क)॥

-puruṣa tyāgi saka nārihi jo birakta mati dhīra| na tu kāmī biṣayābasa bimukha jo pada raghubīra || 115 (ka)||

सोरठा ११५(ख)

सोउ मुनि ग्याननिधान मृगनयनी बिधु मुख निरखि। बिबस होइ हरिजान नारि बिष्नु माया प्रगट ॥ ११५ (ख)॥

sou muni gyānanidhāna mṛganayanī bidhu mukha nirakhi| bibasa hoi harijāna nāri biṣnu māyā pragaṭa || 115 (kha)||

इहाँ न पच्छपात कछु राखउँ। बेद पुरान संत मत भाषउँ॥ मोह न नारि नारि कें रूपा। पन्नगारि यह रीति अनूपा॥

ihām̐ na pacchapāta kachu rākhaum̐| beda purāna saṃta mata bhāṣaum̐|| moha na nāri nāri keṃ rūpā| pannagāri yaha rīti anūpā||

माया भगति सुनहु तुम्ह दोऊ। नारि बर्ग जानइ सब कोऊ॥ पुनि रघुबीरहि भगति पिआरी। माया खलु नर्तकी बिचारी॥

māyā bhagati sunahu tumha doū| nāri barga jānai saba koū|| puni raghubīrahi bhagati piārī| māyā khalu nartakī bicārī||

भगतिहि सानुकूल रघुराया। ताते तेहि डरपति अति माया॥ राम भगति निरुपम निरुपाधी। बसइ जासु उर सदा अबाधी॥

bhagatihi sānukūla raghurāyā| tāte tehi ḍarapati ati māyā|| rāma bhagati nirupama nirupādhī| basai jāsu ura sadā abādhī||

तेहि बिलोकि माया सकुचाई। करि न सकइ कछु निज प्रभुताई॥ अस बिचारि जे मुनि बिग्यानी। जाचहीं भगति सकल सुख खानी॥

tehi biloki māyā sakucāī| kari na sakai kachu nija prabhutāī|| asa bicāri je muni bigyānī| jācahīṃ bhagati sakala sukha khānī||

दोहा ११६(क)

यह रहस्य रघुनाथ कर बेगि न जानइ कोइ। जो जानइ रघुपति कृपा सपनेहुं मोह न होइ ॥ ११६ (क)॥

yaha rahasya raghunātha kara begi na jānai koi| jo jānai raghupati kṛpā sapanehuṃ moha na hoi || 116 (ka)||

औरड ग्यान भगति कर भेद सुनहु सुप्रबीन। जो सुनि होइ राम पद प्रीति सदा अबिछीन॥ ११६ ( ख )॥

auraḍa gyāna bhagati kara bheda sunahu suprabīna| jo suni hoi rāma pada prīti sadā abichīna|| 116 ( kha )||

सुनहु तात यह अकथ कहानी। समुझत बनइ न जाइ बखानी॥ ईस्वर अंस जीव अबिनासी। चेतन अमल सहज सुख रासी॥

sunahu tāta yaha akatha kahānī| samujhata banai na jāi bakhānī|| īsvara aṃsa jīva abināsī| cetana amala sahaja sukha rāsī||

सोरठा २

सो मायाबस भयउ गोसाईं। बँध्यो कीर मरकट की नाई॥ जड़ चेतनहि ग्रंथि परि गई। जदपि मृषा छूटत कठिनई॥

so māyābasa bhayau gosāīṃ| bam̐dhyo kīra marakaṭa kī nāī|| jaṛa cetanahi graṃthi pari gaī| jadapi mṛṣā chūṭata kaṭhinaī||

तब ते जीव भयउ संसारी। छूट न ग्रंथि न होइ सुखारी॥ श्रुति पुरान बहु कहेउ उपाई। छूट न अधिक अधिक अरुझाई॥

taba te jīva bhayau saṃsārī| chūṭa na graṃthi na hoi sukhārī|| śruti purāna bahu kaheu upāī| chūṭa na adhika adhika arujhāī||

जीव हृदयँ तम मोह बिसेषी। ग्रंथि छूट किमि परइ न देखी॥ अस संजोग ईस जब करई। तबहुँ कदाचित सो निरुअरई॥

jīva hṛdayam̐ tama moha biseṣī| graṃthi chūṭa kimi parai na dekhī|| asa saṃjoga īsa jaba karaī| tabahum̐ kadācita so niruaraī||

सात्त्विक श्रद्धा धेनु सुहाई। जौं हरि कृपाँ हृदयँ बस आई॥ जप तप ब्रत जम नियम अपारा। जे श्रुति कह सुभ धर्म अचारा॥

sāttvika śraddhā dhenu suhāī| jauṃ hari kṛpām̐ hṛdayam̐ basa āī|| japa tapa brata jama niyama apārā| je śruti kaha subha dharma acārā||

तेइ तृन हरित चरै जब गाई। भाव बच्छ सिसु पाइ पेन्हाई॥ नोइ निबृत्ति पात्र बिस्वासा। निर्मल मन अहीर निज दासा॥

tei tṛna harita carai jaba gāī| bhāva baccha sisu pāi penhāī|| noi nibṛtti pātra bisvāsā| nirmala mana ahīra nija dāsā||

परम धर्ममय पय दुहि भाई। अवटै अनल अकाम बनाई॥ तोष मरुत तब छमाँ जुड़ावै। धृति सम जावनु देइ जमावै॥

parama dharmamaya paya duhi bhāī| avaṭai anala akāma banāī|| toṣa maruta taba chamām̐ juṛāvai| dhṛti sama jāvanu dei jamāvai||

मुदिताँ मथैं बिचार मथानी। दम अधार रजु सत्य सुबानी॥ तब मथि काढ़ि लेइ नवनीता। बिमल बिराग सुभग सुपुनीता॥

muditām̐ mathaiṃ bicāra mathānī| dama adhāra raju satya subānī|| taba mathi kāṛhi lei navanītā| bimala birāga subhaga supunītā||

दोहा ११७(क)

जोग अगिनि करि प्रगट तब कर्म सुभासुभ लाइ। बुद्धि सिरावैं ग्यान घृत ममता मल जरि जाइ ॥ ११७ (क)॥

joga agini kari pragaṭa taba karma subhāsubha lāi| buddhi sirāvaiṃ gyāna ghṛta mamatā mala jari jāi || 117 (ka)||