बालकाण्ड

बालकाण्ड · दोहा ३२२–३२६

शेअर करा

समउ बिलोकि बसिष्ठ बोलाए। सादर सतानंदु सुनि आए॥ बेगि कुअँरि अब आनहु जाई। चले मुदित मुनि आयसु पाई॥

samau biloki basiṣṭha bolāe| sādara satānaṃdu suni āe|| begi kuam̐ri aba ānahu jāī| cale mudita muni āyasu pāī||

रानी सुनि उपरोहित बानी। प्रमुदित सखिन्ह समेत सयानी॥ बिप्र बधू कुलबृद्ध बोलाईं। करि कुल रीति सुमंगल गाईं॥

rānī suni uparohita bānī| pramudita sakhinha sameta sayānī|| bipra badhū kulabṛddha bolāīṃ| kari kula rīti sumaṃgala gāīṃ||

नारि बेष जे सुर बर बामा। सकल सुभायँ सुंदरी स्यामा॥ तिन्हहि देखि सुखु पावहिं नारीं। बिनु पहिचानि प्रानहु ते प्यारीं॥

nāri beṣa je sura bara bāmā| sakala subhāyam̐ suṃdarī syāmā|| tinhahi dekhi sukhu pāvahiṃ nārīṃ| binu pahicāni prānahu te pyārīṃ||

बार बार सनमानहिं रानी। उमा रमा सारद सम जानी॥ सीय सँवारि समाजु बनाई। मुदित मंडपहिं चलीं लवाई॥

bāra bāra sanamānahiṃ rānī| umā ramā sārada sama jānī|| sīya sam̐vāri samāju banāī| mudita maṃḍapahiṃ calīṃ lavāī||

छंद

चलि ल्याइ सीतहि सखीं सादर सजि सुमंगल भामिनीं। नवसप्त साजे सुंदरीं सब मत्त कुंजर गामिनीं॥ कल गान सुनि मुनि ध्यान त्यागहिं काम कोकिल लाजहीं। मंजीर नूपुर कलित कंकन ताल गति बर बाजहीं॥

cali lyāi sītahi sakhīṃ sādara saji sumaṃgala bhāminīṃ| navasapta sāje suṃdarīṃ saba matta kuṃjara gāminīṃ|| kala gāna suni muni dhyāna tyāgahiṃ kāma kokila lājahīṃ| maṃjīra nūpura kalita kaṃkana tāla gati bara bājahīṃ||

दोहा ३२२

सोहति बनिता बूंद महूं सहज सुहावनि सीय। छवि ललना गन मध्य जनु सुषमा तिय कमनीय ॥ ३२२॥

sohati banitā būṃda mahūṃ sahaja suhāvani sīya| chavi lalanā gana madhya janu suṣamā tiya kamanīya || 322||

सिय सुंदरता बरनि न जाई। लघु मति बहुत मनोहरताई॥ आवत दीखि बरातिन्ह सीता। रूप रासि सब भाँति पुनीता॥

siya suṃdaratā barani na jāī| laghu mati bahuta manoharatāī|| āvata dīkhi barātinha sītā| rūpa rāsi saba bhām̐ti punītā||

सबहि मनहिं मन किए प्रनामा। देखि राम भए पूरनकामा॥ हरषे दसरथ सुतन्ह समेता। कहि न जाइ उर आनँदु जेता॥

sabahi manahiṃ mana kie pranāmā| dekhi rāma bhae pūranakāmā|| haraṣe dasaratha sutanha sametā| kahi na jāi ura ānam̐du jetā||

सुर प्रनामु करि बरसहिं फूला। मुनि असीस धुनि मंगल मूला॥ गान निसान कोलाहलु भारी। प्रेम प्रमोद मगन नर नारी॥

sura pranāmu kari barasahiṃ phūlā| muni asīsa dhuni maṃgala mūlā|| gāna nisāna kolāhalu bhārī| prema pramoda magana nara nārī||

एहि बिधि सीय मंडपहिं आई। प्रमुदित सांति पढ़हिं मुनिराई॥ तेहि अवसर कर बिधि ब्यवहारू। दुहुँ कुलगुर सब कीन्ह अचारू॥

ehi bidhi sīya maṃḍapahiṃ āī| pramudita sāṃti paṛhahiṃ munirāī|| tehi avasara kara bidhi byavahārū| duhum̐ kulagura saba kīnha acārū||

छंद १

आचारु करि गुर गौरि गनपति मुदित बिप्र पुजावहीं। सुर प्रगटि पूजा लेहिं देहिं असीस अति सुखु पावहीं॥ मधुपर्क मंगल द्रब्य जो जेहि समय मुनि मन महूँ चहैं। भरे कनक कोपर कलस सो तब लिएहिं परिचारक रहें॥

ācāru kari gura gauri ganapati mudita bipra pujāvahīṃ| sura pragaṭi pūjā lehiṃ dehiṃ asīsa ati sukhu pāvahīṃ|| madhuparka maṃgala drabya jo jehi samaya muni mana mahūm̐ cahaiṃ| bhare kanaka kopara kalasa so taba liehiṃ paricāraka raheṃ||

दोहा २

कुल रीति प्रीति समेत रवि कहि देत सबु सादर कियो। एहि भाँति देव पुजाइ सीतहि सुभग सिंघासनु दियो॥ सिय राम अवलोकनि परसपर प्रेमु काहु न लखि परै। मन बुद्धि बर बानी अगोचर प्रगट कबि कैसें करे॥

kula rīti prīti sameta ravi kahi deta sabu sādara kiyo| ehi bhām̐ti deva pujāi sītahi subhaga siṃghāsanu diyo|| siya rāma avalokani parasapara premu kāhu na lakhi parai| mana buddhi bara bānī agocara pragaṭa kabi kaiseṃ kare||

दोहा ३२३

होम समय तनु धरि अनलु अति सुख आहुति लेहिं। बिप्र बेष धरि बेद सब कहि बिबाह बिधि देहिं ॥ ३२३॥

homa samaya tanu dhari analu ati sukha āhuti lehiṃ| bipra beṣa dhari beda saba kahi bibāha bidhi dehiṃ || 323||

जनक पाटमहिषी जग जानी। सीय मातु किमि जाइ बखानी॥ सुजसु सुकृत सुख सुदंरताई। सब समेटि बिधि रची बनाई॥

janaka pāṭamahiṣī jaga jānī| sīya mātu kimi jāi bakhānī|| sujasu sukṛta sukha sudaṃratāī| saba sameṭi bidhi racī banāī||

समउ जानि मुनिबरन्ह बोलाई। सुनत सुआसिनि सादर ल्याई॥ जनक बाम दिसि सोह सुनयना। हिमगिरि संग बनि जनु मयना॥

samau jāni munibaranha bolāī| sunata suāsini sādara lyāī|| janaka bāma disi soha sunayanā| himagiri saṃga bani janu mayanā||

कनक कलस मनि कोपर रूरे। सुचि सुंगध मंगल जल पूरे॥ निज कर मुदित रायँ अरु रानी। धरे राम के आगें आनी॥

kanaka kalasa mani kopara rūre| suci suṃgadha maṃgala jala pūre|| nija kara mudita rāyam̐ aru rānī| dhare rāma ke āgeṃ ānī||

पढ़हिं बेद मुनि मंगल बानी। गगन सुमन झरि अवसरु जानी॥ बरु बिलोकि दंपति अनुरागे। पाय पुनीत पखारन लागे॥

paṛhahiṃ beda muni maṃgala bānī| gagana sumana jhari avasaru jānī|| baru biloki daṃpati anurāge| pāya punīta pakhārana lāge||

छंद १

लागे पखारन पाय पंकज प्रेम तन पुलकावली। नभ नगर गान निसान जय धुनि उमगि जनु चहूँ दिसि चली॥ जे पद सरोज मनोज अरि उर सर सदैव बिराजहीं। जेसकृत सुमिरत बिमलता मन सकल कलि मल भाजहीं॥

lāge pakhārana pāya paṃkaja prema tana pulakāvalī| nabha nagara gāna nisāna jaya dhuni umagi janu cahūm̐ disi calī|| je pada saroja manoja ari ura sara sadaiva birājahīṃ| jesakṛta sumirata bimalatā mana sakala kali mala bhājahīṃ||

दोहा २

जे परसि मुनिबनिता लही गति रही जो पातकमड। मकरंदु जिन्ह को संभु सिर सुचिता अवधि सुर बरनई॥ करि मधुप मन मुनि जोगिजन जे सेइ अभिमत गति लहें। ते पद पखारत भाग्यभाजनु जनकु जय जय सब कहें॥

je parasi munibanitā lahī gati rahī jo pātakamaḍa| makaraṃdu jinha ko saṃbhu sira sucitā avadhi sura baranaī|| kari madhupa mana muni jogijana je sei abhimata gati laheṃ| te pada pakhārata bhāgyabhājanu janaku jaya jaya saba kaheṃ||

दोहा ३

बर कुर्रि करतल जोरि साखोचारु दोउ कुलगुर करैं। भयो पानिगहनु बिलोकि बिधि सुर मनुज मुनि आनंद भरैं॥ सुखमूल दूलह देखि दंपति पुलक तन हुलस्यो हियो। करि लोक बेद बिधानु कन्यादानु नृपभूषन कियो॥

bara kurri karatala jori sākhocāru dou kulagura karaiṃ| bhayo pānigahanu biloki bidhi sura manuja muni ānaṃda bharaiṃ|| sukhamūla dūlaha dekhi daṃpati pulaka tana hulasyo hiyo| kari loka beda bidhānu kanyādānu nṛpabhūṣana kiyo||

दोहा ४

हिमवंत जिमि गिरिजा महेसहि हरिहि श्री सागर दई। तिमि जनक रामहि सिय समरपी बिस्व कल कीरति नई॥ क्यों करै बिनय बिदेहु कियो बिदेहु मूरति सावेंरीं। करि होमु बिधिवत गाँठि जोरी होन लागीं भावेँरीं॥

himavaṃta jimi girijā mahesahi harihi śrī sāgara daī| timi janaka rāmahi siya samarapī bisva kala kīrati naī|| kyoṃ karai binaya bidehu kiyo bidehu mūrati sāveṃrīṃ| kari homu bidhivata gām̐ṭhi jorī hona lāgīṃ bhāvem̐rīṃ||

दोहा ३२४

जय धुनि बंदी बेद धुनि मंगल गान निसान। सुनि हरषहिं बरषहिं बिबुध सुरतरु सुमन सुजान ॥ ३२४॥

jaya dhuni baṃdī beda dhuni maṃgala gāna nisāna| suni haraṣahiṃ baraṣahiṃ bibudha surataru sumana sujāna || 324||

कुअँरु कुअँरि कल भावँरि देहीं। नयन लाभु सब सादर लेहीं॥ जाइ न बरनि मनोहर जोरी। जो उपमा कछु कहौं सो थोरी॥

kuam̐ru kuam̐ri kala bhāvam̐ri dehīṃ| nayana lābhu saba sādara lehīṃ|| jāi na barani manohara jorī| jo upamā kachu kahauṃ so thorī||

राम सीय सुंदर प्रतिछाहीं। जगमगात मनि खंभन माहीं॥ मनहुँ मदन रति धरि बहु रूपा। देखत राम बिआहु अनूपा॥

rāma sīya suṃdara pratichāhīṃ| jagamagāta mani khaṃbhana māhīṃ|| manahum̐ madana rati dhari bahu rūpā| dekhata rāma biāhu anūpā||

दरस लालसा सकुच न थोरी। प्रगटत दुरत बहोरि बहोरी॥ भए मगन सब देखनिहारे। जनक समान अपान बिसारे॥

darasa lālasā sakuca na thorī| pragaṭata durata bahori bahorī|| bhae magana saba dekhanihāre| janaka samāna apāna bisāre||

प्रमुदित मुनिन्ह भावँरी फेरी। नेगसहित सब रीति निबेरीं॥ राम सीय सिर सेंदुर देहीं। सोभा कहि न जाति बिधि केहीं॥

pramudita muninha bhāvam̐rī pherī| negasahita saba rīti niberīṃ|| rāma sīya sira seṃdura dehīṃ| sobhā kahi na jāti bidhi kehīṃ||

अरुन पराग जलजु भरि नीकें। ससिहि भूष अहि लोभ अमी कें॥ बहुरि बसिष्ठ दीन्ह अनुसासन। बरु दुलहिनि बैठे एक आसन॥

aruna parāga jalaju bhari nīkeṃ| sasihi bhūṣa ahi lobha amī keṃ|| bahuri basiṣṭha dīnha anusāsana| baru dulahini baiṭhe eka āsana||

छंद १

तबैठे बरासन रामु जानकि मुदित मन दसरथु भए। तनु पुलक पुनि पुनि देखि अपनें सुकृत सुरतरु फल नए॥ भरि भुवन रहा उछाहु राम बिबाहु भा सबहीं कहा। केहि भाँति बरनि सिरात रसना एक यह मंगलु महा॥

tabaiṭhe barāsana rāmu jānaki mudita mana dasarathu bhae| tanu pulaka puni puni dekhi apaneṃ sukṛta surataru phala nae|| bhari bhuvana rahā uchāhu rāma bibāhu bhā sabahīṃ kahā| kehi bhām̐ti barani sirāta rasanā eka yaha maṃgalu mahā||

दोहा २

तब जनक पाइ बसिष्ट आयसु ब्याह साज संवारि कै। मांडवी श्रुतकीरति उरमिला कुर्रि लईं हँकारि कै॥ कुसकेतु कन्या प्रथम जो गुन सील सुख सोभामई। सब रीति प्रीति समेत करि सो ब्याहि नृप भरतहि दई॥

taba janaka pāi basiṣṭa āyasu byāha sāja saṃvāri kai| māṃḍavī śrutakīrati uramilā kurri laīṃ ham̐kāri kai|| kusaketu kanyā prathama jo guna sīla sukha sobhāmaī| saba rīti prīti sameta kari so byāhi nṛpa bharatahi daī||

दोहा

जानकी लघु भगिनी सकल सुंदरि सिरोमनि जानि कै।

jānakī laghu bhaginī sakala suṃdari siromani jāni kai|

सोरठा

तनय दीन्ही ब्याहिलखनहि सकल बिधि सनमानि कै॥ जेहि नामु श्रुतकोरति सुलोचनि सुमुखि सब गुन आगरी।

tanaya dīnhī byāhilakhanahi sakala bidhi sanamāni kai|| jehi nāmu śrutakorati sulocani sumukhi saba guna āgarī|

सोरठा ३

दई रिपुसूदनहि भूपति रूप सील उजागरी॥

daī ripusūdanahi bhūpati rūpa sīla ujāgarī||

दोहा ४

अनुरूप बर दुलहिनि परस्पर लखि सकुच हे हियें हरषहीं। सब मुदित सुंदरता सराहहिं सुमन सुर गन बरषहीं॥ सुंदरी सुंदर बरन्ह सह सब एक मंडप राजहीं। जनु जीव उर चारिउ अवस्था बिभुन सहित बिराजहीं॥

anurūpa bara dulahini paraspara lakhi sakuca he hiyeṃ haraṣahīṃ| saba mudita suṃdaratā sarāhahiṃ sumana sura gana baraṣahīṃ|| suṃdarī suṃdara baranha saha saba eka maṃḍapa rājahīṃ| janu jīva ura cāriu avasthā bibhuna sahita birājahīṃ||

दोहा ३२५

मुदित अवधपति सकल सुत बधुन्ह समेत निहारि। जनु पाए महिपाल मनि क्रियन्ह सहित फल चारि ॥ ३२५॥

mudita avadhapati sakala suta badhunha sameta nihāri| janu pāe mahipāla mani kriyanha sahita phala cāri || 325||

जसि रघुबीर ब्याह बिधि बरनी। सकल कुअँर ब्याहे तेहिं करनी॥ कहि न जाइ कछु दाइज भूरी। रहा कनक मनि मंडपु पूरी॥

jasi raghubīra byāha bidhi baranī| sakala kuam̐ra byāhe tehiṃ karanī|| kahi na jāi kachu dāija bhūrī| rahā kanaka mani maṃḍapu pūrī||

कंबल बसन बिचित्र पटोरे। भाँति भाँति बहु मोल न थोरे॥ गज रथ तुरग दास अरु दासी। धेनु अलंकृत कामदुहा सी॥

kaṃbala basana bicitra paṭore| bhām̐ti bhām̐ti bahu mola na thore|| gaja ratha turaga dāsa aru dāsī| dhenu alaṃkṛta kāmaduhā sī||

बस्तु अनेक करिअ किमि लेखा। कहि न जाइ जानहिं जिन्ह देखा॥ लोकपाल अवलोकि सिहाने। लीन्ह अवधपति सबु सुखु माने॥

bastu aneka karia kimi lekhā| kahi na jāi jānahiṃ jinha dekhā|| lokapāla avaloki sihāne| līnha avadhapati sabu sukhu māne||

दीन्ह जाचकन्हि जो जेहि भावा। उबरा सो जनवासेहिं आवा॥ तब कर जोरि जनकु मृदु बानी। बोले सब बरात सनमानी॥

dīnha jācakanhi jo jehi bhāvā| ubarā so janavāsehiṃ āvā|| taba kara jori janaku mṛdu bānī| bole saba barāta sanamānī||

छंद १

सनमानि सकल बरात आदर दान बिनय बड़ाइ कै। प्रमुदित महा मुनि बूंद बंदे पूजि प्रेम लड़ाइ कै॥ सिरु नाइ देव मनाइ सब सन कहत कर संपुट किएँ। सुर साधु चाहत भाउ सिंधु कि तोष जल अंजलि दिए॥

sanamāni sakala barāta ādara dāna binaya baṛāi kai| pramudita mahā muni būṃda baṃde pūji prema laṛāi kai|| siru nāi deva manāi saba sana kahata kara saṃpuṭa kiem̐| sura sādhu cāhata bhāu siṃdhu ki toṣa jala aṃjali die||

दोहा २

कर जोरि जनकु बहोरि बंधु समेत कोसलराय सों। बोले मनोहर बयन सानि सनेह सील सुभाय सों॥ संबंध राजन रावरें हम बड़े अब सब बिधि भएण। एहि राज साज समेत सेवक जानिबे बिनु गथ लए॥

kara jori janaku bahori baṃdhu sameta kosalarāya soṃ| bole manohara bayana sāni saneha sīla subhāya soṃ|| saṃbaṃdha rājana rāvareṃ hama baṛe aba saba bidhi bhaeṇa| ehi rāja sāja sameta sevaka jānibe binu gatha lae||

दोहा ३

ए दारिका परिचारिका करि पालिबीं करुना नई। अपराधु छमिबो बोलि पठए बहुत हों ढीट्यो कई॥ पुनि भानुकुलभूषन सकल सनमान निधि समधी किए। कहि जाति नहिं बिनती परस्पर प्रेम परिपूरन हिए॥

e dārikā paricārikā kari pālibīṃ karunā naī| aparādhu chamibo boli paṭhae bahuta hoṃ ḍhīṭyo kaī|| puni bhānukulabhūṣana sakala sanamāna nidhi samadhī kie| kahi jāti nahiṃ binatī paraspara prema paripūrana hie||

दोहा ४

बूंदारका गन सुमन बरिसहिं राउ जनवासेहि चले। दुंदुभी जय धुनि बेद धुनि नभ नगर कौतूहल भले॥ तब सखीं मंगल गान करत मुनीस आयसु पाइ कै। दूलह दुलहिनिन्ह सहित सुंदरि चलीं कोहबर ल्‍्याइ के॥

būṃdārakā gana sumana barisahiṃ rāu janavāsehi cale| duṃdubhī jaya dhuni beda dhuni nabha nagara kautūhala bhale|| taba sakhīṃ maṃgala gāna karata munīsa āyasu pāi kai| dūlaha dulahininha sahita suṃdari calīṃ kohabara lyāi ke||

दोहा ३२६

पुनि पुनि रामहि चितव सिय सकुचति मनु सकुचै न। हरत मनोहर मीन छबि प्रेम पिआसे नैन ॥ ३२६॥

puni puni rāmahi citava siya sakucati manu sakucai na| harata manohara mīna chabi prema piāse naina || 326||

स्याम सरीरु सुभायें सुहावन। सोभा कोटि मनोज लजावन॥ जावक जुत पद कमल सुहाए। मुनि मन मधुप रहत जिन्ह छाए॥

syāma sarīru subhāyeṃ suhāvana| sobhā koṭi manoja lajāvana|| jāvaka juta pada kamala suhāe| muni mana madhupa rahata jinha chāe||

पीत पुनीत मनोहर धोती। हरति बाल रबि दामिनि जोती॥ कल किंकिनि कटि सूत्र मनोहर। बाहु बिसाल बिभूषन सुंदर॥

pīta punīta manohara dhotī| harati bāla rabi dāmini jotī|| kala kiṃkini kaṭi sūtra manohara| bāhu bisāla bibhūṣana suṃdara||

पीत जनेउ महाछबि देई। कर मुद्रिका चोरि चितु लेई॥

pīta janeu mahāchabi deī| kara mudrikā cori citu leī||

सोरठा ३

सोहत ब्याह साज सब साजे। उर आयत उरभूषन राजे॥

sohata byāha sāja saba sāje| ura āyata urabhūṣana rāje||

पिअर उपरना काखासोती। दुहुँ आँचरन्हि लगे मनि मोती॥ नयन कमल कल कुंडल काना। बदनु सकल सौंदर्ज निधाना॥

piara uparanā kākhāsotī| duhum̐ ām̐caranhi lage mani motī|| nayana kamala kala kuṃḍala kānā| badanu sakala sauṃdarja nidhānā||

सुंदर भृकुटि मनोहर नासा। भाल तिलकु रुचिरता निवासा॥

suṃdara bhṛkuṭi manohara nāsā| bhāla tilaku ruciratā nivāsā||

सोरठा ५

सोहत मौरु मनोहर माथे। मंगलमय मुकुता मनि गाथे॥

sohata mauru manohara māthe| maṃgalamaya mukutā mani gāthe||

छंद १

गाथे महामनि मौर मंजुल अंग सब चित चोरहीं। पुर नारि सुर सुंदरी बरहि बिलोकि सब तिन तोरहीं॥ मनि बसन भूषन वारि आरति करहिं मंगल गावहीं। सुर सुमन बरिसहिं सूत मागध बंदि सुजसु सुनावहीं॥

gāthe mahāmani maura maṃjula aṃga saba cita corahīṃ| pura nāri sura suṃdarī barahi biloki saba tina torahīṃ|| mani basana bhūṣana vāri ārati karahiṃ maṃgala gāvahīṃ| sura sumana barisahiṃ sūta māgadha baṃdi sujasu sunāvahīṃ||

दोहा २

कोहबरहिं आने कु्अर कु्रि सुआसिनिन्ह सुख पाइ के। अति प्रीति लौकिक रीति लागीं करन मंगल गाइ के॥ लहकौरि गौरि सिखाव रामहि सीय सन सारद कहें। रनिवासु हास बिलास रस बस जन्म को फलु सब लहें॥

kohabarahiṃ āne kuara kuri suāsininha sukha pāi ke| ati prīti laukika rīti lāgīṃ karana maṃgala gāi ke|| lahakauri gauri sikhāva rāmahi sīya sana sārada kaheṃ| ranivāsu hāsa bilāsa rasa basa janma ko phalu saba laheṃ||

दोहा ३

निज पानि मनि महूँ देखिअति मूरति सुरूपनिधान की। चालति न भुजबल्ली बिलोकनि बिरह भय बस जानकी॥ कौतुक बिनोद प्रमोदु प्रेम न जाइ कहि जानहिं अलीं। बर कुर्रि सुंदर सकल सखीं लवाइ जनवासेहि चलीं॥

nija pāni mani mahūm̐ dekhiati mūrati surūpanidhāna kī| cālati na bhujaballī bilokani biraha bhaya basa jānakī|| kautuka binoda pramodu prema na jāi kahi jānahiṃ alīṃ| bara kurri suṃdara sakala sakhīṃ lavāi janavāsehi calīṃ||

दोहा ४

तेहि समय सुनिअ असीस जहें तहं नगर नभ आनंदु महा। चिरु जिअहुँं जोरीं चारु चारथो मुदित मन सबहीं कहा॥ जोगींद्र सिद्ध मुनीस देव बिलोकि प्रभु दुंदुभि हनी। चले हरघषि बरघि प्रसून निज निज लोक जय जय जय भनी॥

tehi samaya sunia asīsa jaheṃ tahaṃ nagara nabha ānaṃdu mahā| ciru jiahum̐ṃ jorīṃ cāru cāratho mudita mana sabahīṃ kahā|| jogīṃdra siddha munīsa deva biloki prabhu duṃdubhi hanī| cale haraghaṣi baraghi prasūna nija nija loka jaya jaya jaya bhanī||