Bal Kand — बालकाण्ड

बालकाण्ड · दोहा ३४–४९

साझा करें

एहि बिधि सब संसय करि दूरी। सिर धरि गुर पद पंकज धूरी॥ पुनि सबही बिनवउँ कर जोरी। करत कथा जेहिं लाग न खोरी॥

ehi bidhi saba saṃsaya kari dūrī| sira dhari gura pada paṃkaja dhūrī|| puni sabahī binavaum̐ kara jorī| karata kathā jehiṃ lāga na khorī||

सादर सिवहि नाइ अब माथा। बरनउँ बिसद राम गुन गाथा॥ संबत सोरह सै एकतीसा। करउँ कथा हरि पद धरि सीसा॥

sādara sivahi nāi aba māthā| baranaum̐ bisada rāma guna gāthā|| saṃbata soraha sai ekatīsā| karaum̐ kathā hari pada dhari sīsā||

नौमी भौम बार मधु मासा। अवधपुरीं यह चरित प्रकासा॥ जेहि दिन राम जनम श्रुति गावहिं। तीरथ सकल तहाँ चलि आवहिं॥

naumī bhauma bāra madhu māsā| avadhapurīṃ yaha carita prakāsā|| jehi dina rāma janama śruti gāvahiṃ| tīratha sakala tahām̐ cali āvahiṃ||

असुर नाग खग नर मुनि देवा। आइ करहिं रघुनायक सेवा॥ जन्म महोत्सव रचहिं सुजाना। करहिं राम कल कीरति गाना॥

asura nāga khaga nara muni devā| āi karahiṃ raghunāyaka sevā|| janma mahotsava racahiṃ sujānā| karahiṃ rāma kala kīrati gānā||

दोहा ३४

मज्जहि सज्जन बृंद बहु पावन सरजू नीर। जपहिं राम धरि ध्यान उर सुंदर स्याम सरीर॥ ३

majjahi sajjana bṛṃda bahu pāvana sarajū nīra| japahiṃ rāma dhari dhyāna ura suṃdara syāma sarīra|| 3

दरस परस मज्जन अरु पाना। हरइ पाप कह बेद पुराना॥ नदी पुनीत अमित महिमा अति। कहि न सकइ सारद बिमलमति॥

darasa parasa majjana aru pānā| harai pāpa kaha beda purānā|| nadī punīta amita mahimā ati| kahi na sakai sārada bimalamati||

राम धामदा पुरी सुहावनि। लोक समस्त बिदित अति पावनि॥ चारि खानि जग जीव अपारा। अवध तजे तनु नहि संसारा॥

rāma dhāmadā purī suhāvani| loka samasta bidita ati pāvani|| cāri khāni jaga jīva apārā| avadha taje tanu nahi saṃsārā||

सब बिधि पुरी मनोहर जानी। सकल सिद्धिप्रद मंगल खानी॥ बिमल कथा कर कीन्ह अरंभा। सुनत नसाहिं काम मद दंभा॥

saba bidhi purī manohara jānī| sakala siddhiprada maṃgala khānī|| bimala kathā kara kīnha araṃbhā| sunata nasāhiṃ kāma mada daṃbhā||

एहि नामा। सुनत श्रवन पाइअ बिश्रामा॥ मन करि विषय अनल बन जरई। होइ सुखी जौ एहिं सर परई॥

ehi nāmā| sunata śravana pāia biśrāmā|| mana kari viṣaya anala bana jaraī| hoi sukhī jau ehiṃ sara paraī||

मुनि भावन। बिरचेउ संभु सुहावन पावन॥ त्रिबिध दोष दुख दारिद दावन। कलि कुचालि कुलि कलुष नसावन॥

muni bhāvana| biraceu saṃbhu suhāvana pāvana|| tribidha doṣa dukha dārida dāvana| kali kucāli kuli kaluṣa nasāvana||

रचि महेस निज मानस राखा। पाइ सुसमउ सिवा सन भाषा॥ तातें बर। धरेउ नाम हियँ हेरि हरषि हर॥

raci mahesa nija mānasa rākhā| pāi susamau sivā sana bhāṣā|| tāteṃ bara| dhareu nāma hiyam̐ heri haraṣi hara||

कहउँ कथा सोइ सुखद सुहाई। सादर सुनहु सुजन मन लाई॥

kahaum̐ kathā soi sukhada suhāī| sādara sunahu sujana mana lāī||

दोहा ३५

जस मानस जेहि बिधि भयउ जग प्रचार जेहि हेतु। अब सोइ कहउँ प्रसंग सब सुमिरि उमा बृषकेतु ॥ ३५॥

jasa mānasa jehi bidhi bhayau jaga pracāra jehi hetu| aba soi kahaum̐ prasaṃga saba sumiri umā bṛṣaketu || 35||

संभु प्रसाद सुमति हियँ हुलसी। कबि तुलसी॥ करइ मनोहर मति अनुहारी। सुजन सुचित सुनि लेहु सुधारी॥

saṃbhu prasāda sumati hiyam̐ hulasī| kabi tulasī|| karai manohara mati anuhārī| sujana sucita suni lehu sudhārī||

सुमति भूमि थल हृदय अगाधू। बेद पुरान उदधि घन साधू॥ बरषहिं राम सुजस बर बारी। मधुर मनोहर मंगलकारी॥

sumati bhūmi thala hṛdaya agādhū| beda purāna udadhi ghana sādhū|| baraṣahiṃ rāma sujasa bara bārī| madhura manohara maṃgalakārī||

लीला सगुन जो कहहिं बखानी। सोइ स्वच्छता करइ मल हानी॥ प्रेम भगति जो बरनि न जाई। सोइ मधुरता सुसीतलताई॥

līlā saguna jo kahahiṃ bakhānī| soi svacchatā karai mala hānī|| prema bhagati jo barani na jāī| soi madhuratā susītalatāī||

सोरठा ४-५

सो जल सुकृत सालि हित होई। राम भगत जन जीवन सोई॥ मेधा महि गत सो जल पावन। सकिलि श्रवन मग चलेउ सुहावन॥ भरेउ सुमानस सुथल थिराना। सुखद सीत रुचि चारु चिराना॥

so jala sukṛta sāli hita hoī| rāma bhagata jana jīvana soī|| medhā mahi gata so jala pāvana| sakili śravana maga caleu suhāvana|| bhareu sumānasa suthala thirānā| sukhada sīta ruci cāru cirānā||

दोहा ३६

सुठि सुंदर संबाद बर बिरचे बुद्धि बिचारि। तेइ एहि पावन सुभग सर घाट मनोहर चारि ॥ ३६॥

suṭhi suṃdara saṃbāda bara birace buddhi bicāri| tei ehi pāvana subhaga sara ghāṭa manohara cāri || 36||

रघुपति महिमा अगुन अबाधा। बरनब सोइ बर बारि अगाधा॥

raghupati mahimā aguna abādhā| baranaba soi bara bāri agādhā||

राम सीय जस सलिल सुधासम। उपमा बीचि बिलास मनोरम॥ पुरइनि सघन चारु चौपाई। जुगुति मंजु मनि सीप सुहाई॥

rāma sīya jasa salila sudhāsama| upamā bīci bilāsa manorama|| puraini saghana cāru caupāī| juguti maṃju mani sīpa suhāī||

छंद ३

छंद सोरठा सुंदर दोहा। सोइ बहुरंग कमल कुल सोहा॥ अरथ अनूप सुमाव सुभासा। सोइ पराग मकरंद सुबासा॥

chaṃda soraṭhā suṃdara dohā| soi bahuraṃga kamala kula sohā|| aratha anūpa sumāva subhāsā| soi parāga makaraṃda subāsā||

सुकृत पुंज मंजुल अलि माला। ग्यान बिराग बिचार मराला॥ धुनि अवरेब कबित गुन जाती। मीन मनोहर ते बहुभाँती॥

sukṛta puṃja maṃjula ali mālā| gyāna birāga bicāra marālā|| dhuni avareba kabita guna jātī| mīna manohara te bahubhām̐tī||

अरथ धरम कामादिक चारी। कहब ग्यान बिग्यान बिचारी॥ नव रस जप तप जोग बिरागा। ते सब जलचर चारु तड़ागा॥

aratha dharama kāmādika cārī| kahaba gyāna bigyāna bicārī|| nava rasa japa tapa joga birāgā| te saba jalacara cāru taṛāgā||

सुकृती साधु नाम गुन गाना। ते बिचित्र जल बिहग समाना॥ संतसभा चहुँ दिसि अवँराई। श्रद्धा रितु बसंत सम गाई॥

sukṛtī sādhu nāma guna gānā| te bicitra jala bihaga samānā|| saṃtasabhā cahum̐ disi avam̐rāī| śraddhā ritu basaṃta sama gāī||

भगति निरुपन बिबिध बिधाना। छमा दया दम लता बिताना॥ सम जम नियम फूल फल ग्याना। हरि पत रति रस बेद बखाना॥

bhagati nirupana bibidha bidhānā| chamā dayā dama latā bitānā|| sama jama niyama phūla phala gyānā| hari pata rati rasa beda bakhānā||

औरउ कथा अनेक प्रसंगा। तेइ सुक पिक बहुबरन बिहंगा॥

aurau kathā aneka prasaṃgā| tei suka pika bahubarana bihaṃgā||

दोहा ३७

पुलक बाटिका बाग बन सुख सुबिहंग बिहारु। माली सुमन सनेह जल सींचत लोचन चारु ॥ ३७॥

pulaka bāṭikā bāga bana sukha subihaṃga bihāru| mālī sumana saneha jala sīṃcata locana cāru || 37||

जे गावहिं यह चरित सँभारे। तेइ एहि ताल चतुर रखवारे॥ सदा सुनहिं सादर नर नारी। तेइ सुरबर मानस अधिकारी॥

je gāvahiṃ yaha carita sam̐bhāre| tei ehi tāla catura rakhavāre|| sadā sunahiṃ sādara nara nārī| tei surabara mānasa adhikārī||

अति खल जे बिषई बग कागा। एहिं सर निकट न जाहिं अभागा॥ संबुक भेक सेवार समाना। इहाँ न बिषय कथा रस नाना॥

ati khala je biṣaī baga kāgā| ehiṃ sara nikaṭa na jāhiṃ abhāgā|| saṃbuka bheka sevāra samānā| ihām̐ na biṣaya kathā rasa nānā||

तेहि कारन आवत हियँ हारे। कामी काक बलाक बिचारे॥ आवत एहिं सर अति कठिनाई। राम कृपा बिनु आइ न जाई॥

tehi kārana āvata hiyam̐ hāre| kāmī kāka balāka bicāre|| āvata ehiṃ sara ati kaṭhināī| rāma kṛpā binu āi na jāī||

कठिन कुसंग कुपंथ कराला। तिन्ह के बचन बाघ हरि ब्याला॥ गृह कारज नाना जंजाला। ते अति दुर्गम सैल बिसाला॥

kaṭhina kusaṃga kupaṃtha karālā| tinha ke bacana bāgha hari byālā|| gṛha kāraja nānā jaṃjālā| te ati durgama saila bisālā||

बन बहु बिषम मोह मद माना। नदीं कुतर्क भयंकर नाना॥

bana bahu biṣama moha mada mānā| nadīṃ kutarka bhayaṃkara nānā||

दोहा ३८

जे श्रद्धा संबल रहित नहि संतन्ह कर साथ। तिन्ह कहुँ मानस अगम अति जिन्हहि न प्रिय रघुनाथ ॥ ३८॥

je śraddhā saṃbala rahita nahi saṃtanha kara sātha| tinha kahum̐ mānasa agama ati jinhahi na priya raghunātha || 38||

जौं करि कष्ट जाइ पुनि कोई। जातहिं नींद जुड़ाई होई॥ जड़ता जाड़ बिषम उर लागा। गएहुँ न मज्जन पाव अभागा॥

jauṃ kari kaṣṭa jāi puni koī| jātahiṃ nīṃda juṛāī hoī|| jaṛatā jāṛa biṣama ura lāgā| gaehum̐ na majjana pāva abhāgā||

करि न जाइ सर मज्जन पाना। फिरि आवइ समेत अभिमाना॥ जौं बहोरि कोउ पूछन आवा। सर निंदा करि ताहि बुझावा॥

kari na jāi sara majjana pānā| phiri āvai sameta abhimānā|| jauṃ bahori kou pūchana āvā| sara niṃdā kari tāhi bujhāvā||

सकल बिघ्न ब्यापहि नहिं तेही। राम सुकृपाँ बिलोकहिं जेही॥

sakala bighna byāpahi nahiṃ tehī| rāma sukṛpām̐ bilokahiṃ jehī||

सोरठा ३

सोइ सादर सर मज्जनु करई। महा घोर त्रयताप न जरई॥

soi sādara sara majjanu karaī| mahā ghora trayatāpa na jaraī||

ते नर यह सर तजहिं न काऊ। जिन्ह के राम चरन भल भाऊ॥ जो नहाइ चह एहिं सर भाई। सो सतसंग करउ मन लाई॥

te nara yaha sara tajahiṃ na kāū| jinha ke rāma carana bhala bhāū|| jo nahāi caha ehiṃ sara bhāī| so satasaṃga karau mana lāī||

अस मानस मानस चख चाही। भइ कबि बुद्धि बिमल अवगाही॥ भयउ हृदयँ आनंद उछाहू। उमगेउ प्रेम प्रमोद प्रबाहू॥

asa mānasa mānasa cakha cāhī| bhai kabi buddhi bimala avagāhī|| bhayau hṛdayam̐ ānaṃda uchāhū| umageu prema pramoda prabāhū||

चली सुभग कबिता सरिता सो। राम बिमल जस जल भरिता सो॥ सरजू नाम सुमंगल मूला। लोक बेद मत मंजुल कूला॥

calī subhaga kabitā saritā so| rāma bimala jasa jala bharitā so|| sarajū nāma sumaṃgala mūlā| loka beda mata maṃjula kūlā||

नदी पुनीत सुमानस नंदिनि। कलिमल तृन तरु मूल निकंदिनि॥

nadī punīta sumānasa naṃdini| kalimala tṛna taru mūla nikaṃdini||

दोहा ३९

श्रोता त्रिबिध समाज पुर ग्राम नगर दुहुँ कूल। संतसभा अनुपम अवध सकल सुमंगल मूल॥

śrotā tribidha samāja pura grāma nagara duhum̐ kūla| saṃtasabhā anupama avadha sakala sumaṃgala mūla||

रामभगति सुरसरितहि जाई। मिली सुकीरति सरजु सुहाई॥ सानुज राम समर जसु पावन। मिलेउ महानदु सोन सुहावन॥

rāmabhagati surasaritahi jāī| milī sukīrati saraju suhāī|| sānuja rāma samara jasu pāvana| mileu mahānadu sona suhāvana||

जुग बिच भगति देवधुनि धारा। सोहति सहित सुबिरति बिचारा॥ त्रिबिध ताप त्रासक तिमुहानी। राम सरुप सिंधु समुहानी॥

juga bica bhagati devadhuni dhārā| sohati sahita subirati bicārā|| tribidha tāpa trāsaka timuhānī| rāma sarupa siṃdhu samuhānī||

मानस मूल मिली सुरसरिही। सुनत सुजन मन पावन करिही॥ बिच बिच कथा बिचित्र बिभागा। जनु सरि तीर तीर बन बागा॥

mānasa mūla milī surasarihī| sunata sujana mana pāvana karihī|| bica bica kathā bicitra bibhāgā| janu sari tīra tīra bana bāgā||

उमा महेस बिबाह बराती। ते जलचर अगनित बहुभाँती॥ रघुबर जनम अनंद बधाई। भवँर तरंग मनोहरताई॥

umā mahesa bibāha barātī| te jalacara aganita bahubhām̐tī|| raghubara janama anaṃda badhāī| bhavam̐ra taraṃga manoharatāī||

दोहा ४०

बालचरित चहु बंधु के बनज बिपुल बहुरंग। नृप रानी परिजन सुकृत मधुकर बारिबिहंग ॥ ४०॥

bālacarita cahu baṃdhu ke banaja bipula bahuraṃga| nṛpa rānī parijana sukṛta madhukara bāribihaṃga || 40||

सीय स्वयंबर कथा सुहाई। सरित सुहावनि सो छबि छाई॥ नदी नाव पटु प्रस्न अनेका। केवट कुसल उतर सबिबेका॥

sīya svayaṃbara kathā suhāī| sarita suhāvani so chabi chāī|| nadī nāva paṭu prasna anekā| kevaṭa kusala utara sabibekā||

सुनि अनुकथन परस्पर होई। पथिक समाज सोह सरि सोई॥ घोर धार भृगुनाथ रिसानी। घाट सुबद्ध राम बर बानी॥

suni anukathana paraspara hoī| pathika samāja soha sari soī|| ghora dhāra bhṛgunātha risānī| ghāṭa subaddha rāma bara bānī||

सानुज राम बिबाह उछाहू। सो सुभ उमग सुखद सब काहू॥ कहत सुनत हरषहिं पुलकाहीं। ते सुकृती मन मुदित नहाहीं॥

sānuja rāma bibāha uchāhū| so subha umaga sukhada saba kāhū|| kahata sunata haraṣahiṃ pulakāhīṃ| te sukṛtī mana mudita nahāhīṃ||

राम तिलक हित मंगल साजा। परब जोग जनु जुरे समाजा॥ काई कुमति केकई केरी। परी जासु फल बिपति घनेरी॥

rāma tilaka hita maṃgala sājā| paraba joga janu jure samājā|| kāī kumati kekaī kerī| parī jāsu phala bipati ghanerī||

दोहा ४१

समन अमित उतपात सब भरतचरित जपजाग। कलि अघ खल अवगुन कथन ते जलमल बग काग॥ ४ २9१

samana amita utapāta saba bharatacarita japajāga| kali agha khala avaguna kathana te jalamala baga kāga|| 4 291

कीरति सरित छहूँ रितु रूरी। समय सुहावनि पावनि भूरी॥ हिम हिमसैलसुता सिव ब्याहू। सिसिर सुखद प्रभु जनम उछाहू॥

kīrati sarita chahūm̐ ritu rūrī| samaya suhāvani pāvani bhūrī|| hima himasailasutā siva byāhū| sisira sukhada prabhu janama uchāhū||

बरनब राम बिबाह समाजू। सो मुद मंगलमय रितुराजू॥ ग्रीषम दुसह राम बनगवनू। पंथकथा खर आतप पवनू॥

baranaba rāma bibāha samājū| so muda maṃgalamaya riturājū|| grīṣama dusaha rāma banagavanū| paṃthakathā khara ātapa pavanū||

बरषा घोर निसाचर रारी। सुरकुल सालि सुमंगलकारी॥ राम राज सुख बिनय बड़ाई। बिसद सुखद सोइ सरद सुहाई॥

baraṣā ghora nisācara rārī| surakula sāli sumaṃgalakārī|| rāma rāja sukha binaya baṛāī| bisada sukhada soi sarada suhāī||

सती सिरोमनि सिय गुनगाथा। सोइ गुन अमल अनूपम पाथा॥ भरत सुभाउ सुसीतलताई। सदा एकरस बरनि न जाई॥

satī siromani siya gunagāthā| soi guna amala anūpama pāthā|| bharata subhāu susītalatāī| sadā ekarasa barani na jāī||

दोहा ४२

अवलोकनि बोलनि मिलनि प्रीति परसपर हास। भायप भलि चहु बंधु की जल माधुरी सुबास ॥ ४२॥

avalokani bolani milani prīti parasapara hāsa| bhāyapa bhali cahu baṃdhu kī jala mādhurī subāsa || 42||

आरति बिनय दीनता मोरी। लघुता ललित सुबारि न थोरी॥ अदभुत सलिल सुनत गुनकारी। आस पिआस मनोमल हारी॥

ārati binaya dīnatā morī| laghutā lalita subāri na thorī|| adabhuta salila sunata gunakārī| āsa piāsa manomala hārī||

राम सुप्रेमहि पोषत पानी। हरत सकल कलि कलुष गलानी॥ भव श्रम सोषक तोषक तोषा। समन दुरित दुख दारिद दोषा॥

rāma supremahi poṣata pānī| harata sakala kali kaluṣa galānī|| bhava śrama soṣaka toṣaka toṣā| samana durita dukha dārida doṣā||

काम कोह मद मोह नसावन। बिमल बिबेक बिराग बढ़ावन॥ सादर मज्जन पान किए तें। मिटहिं पाप परिताप हिए तें॥

kāma koha mada moha nasāvana| bimala bibeka birāga baṛhāvana|| sādara majjana pāna kie teṃ| miṭahiṃ pāpa paritāpa hie teṃ||

जिन्ह एहि बारि न मानस धोए। ते कायर कलिकाल बिगोए॥ तृषित निरखि रबि कर भव बारी। फिरिहहि मृग जिमि जीव दुखारी॥

jinha ehi bāri na mānasa dhoe| te kāyara kalikāla bigoe|| tṛṣita nirakhi rabi kara bhava bārī| phirihahi mṛga jimi jīva dukhārī||

दोहा ४३(क)

मति अनुहारि सुबारि गुन गनि मन अन्हवाइ। सुमिरि भवानी संकरहि कह कबि कथा सुहाइ ॥ ४३ (क)॥

mati anuhāri subāri guna gani mana anhavāi| sumiri bhavānī saṃkarahi kaha kabi kathā suhāi || 43 (ka)||

दोहा ४३(ख)

अब रघुपति पद पंकरुह हियँ धरि पाइ प्रसाद। कहउँ जुगल मुनिबर्ज कर मिलन सुभग संबाद ॥ ४३ (ख)॥

aba raghupati pada paṃkaruha hiyam̐ dhari pāi prasāda| kahaum̐ jugala munibarja kara milana subhaga saṃbāda || 43 (kha)||

भरद्वाज मुनि बसहिं प्रयागा। तिन्हहि राम पद अति अनुरागा॥ तापस सम दम दया निधाना। परमारथ पथ परम सुजाना॥

bharadvāja muni basahiṃ prayāgā| tinhahi rāma pada ati anurāgā|| tāpasa sama dama dayā nidhānā| paramāratha patha parama sujānā||

माघ मकरगत रबि जब होई। तीरथपतिहिं आव सब कोई॥ देव दनुज किंनर नर श्रेनी। सादर मज्जहिं सकल त्रिबेनीं॥

māgha makaragata rabi jaba hoī| tīrathapatihiṃ āva saba koī|| deva danuja kiṃnara nara śrenī| sādara majjahiṃ sakala tribenīṃ||

पूजहि माधव पद जलजाता। परसि अखय बटु हरषहिं गाता॥ भरद्वाज आश्रम अति पावन। परम रम्य मुनिबर मन भावन॥

pūjahi mādhava pada jalajātā| parasi akhaya baṭu haraṣahiṃ gātā|| bharadvāja āśrama ati pāvana| parama ramya munibara mana bhāvana||

तहाँ होइ मुनि रिषय समाजा। जाहिं जे मज्जन तीरथराजा॥ मज्जहिं प्रात समेत उछाहा। कहहिं परसपर हरि गुन गाहा॥

tahām̐ hoi muni riṣaya samājā| jāhiṃ je majjana tīratharājā|| majjahiṃ prāta sameta uchāhā| kahahiṃ parasapara hari guna gāhā||

दोहा ४४

ब्रह्म निरूपम धरम बिधि बरनहिं तत्त्व बिभाग। कहहिं भगति भगवंत कै संजुत ग्यान बिराग ॥ ४४॥

brahma nirūpama dharama bidhi baranahiṃ tattva bibhāga| kahahiṃ bhagati bhagavaṃta kai saṃjuta gyāna birāga || 44||

एहि प्रकार भरि माघ नहाहीं। पुनि सब निज निज आश्रम जाहीं॥ प्रति संबत अति होइ अनंदा। मकर मज्जि गवनहिं मुनिबृंदा॥

ehi prakāra bhari māgha nahāhīṃ| puni saba nija nija āśrama jāhīṃ|| prati saṃbata ati hoi anaṃdā| makara majji gavanahiṃ munibṛṃdā||

एक बार भरि मकर नहाए। सब मुनीस आश्रमन्ह सिधाए॥ जगबालिक मुनि परम बिबेकी। भरव्दाज राखे पद टेकी॥

eka bāra bhari makara nahāe| saba munīsa āśramanha sidhāe|| jagabālika muni parama bibekī| bharavdāja rākhe pada ṭekī||

सादर चरन सरोज पखारे। अति पुनीत आसन बैठारे॥ करि पूजा मुनि सुजस बखानी। बोले अति पुनीत मृदु बानी॥

sādara carana saroja pakhāre| ati punīta āsana baiṭhāre|| kari pūjā muni sujasa bakhānī| bole ati punīta mṛdu bānī||

नाथ एक संसउ बड़ मोरें। करगत बेदतत्व सबु तोरें॥ कहत सो मोहि लागत भय लाजा। जौ न कहउँ बड़ होइ अकाजा॥

nātha eka saṃsau baṛa moreṃ| karagata bedatatva sabu toreṃ|| kahata so mohi lāgata bhaya lājā| jau na kahaum̐ baṛa hoi akājā||

दोहा ४५

संत कहहि असि नीति प्रभु श्रुति पुरान मुनि गाव। होइ न बिमल बिबेक उर गुर सन किएँ दुराव ॥ ४५॥

saṃta kahahi asi nīti prabhu śruti purāna muni gāva| hoi na bimala bibeka ura gura sana kiem̐ durāva || 45||

अस बिचारि प्रगटउँ निज मोहू। हरहु नाथ करि जन पर छोहू॥ राम नाम कर अमित प्रभावा। संत पुरान उपनिषद गावा॥

asa bicāri pragaṭaum̐ nija mohū| harahu nātha kari jana para chohū|| rāma nāma kara amita prabhāvā| saṃta purāna upaniṣada gāvā||

संतत जपत संभु अबिनासी। सिव भगवान ग्यान गुन रासी॥ आकर चारि जीव जग अहहीं। कासीं मरत परम पद लहहीं॥

saṃtata japata saṃbhu abināsī| siva bhagavāna gyāna guna rāsī|| ākara cāri jīva jaga ahahīṃ| kāsīṃ marata parama pada lahahīṃ||

सोरठा ३

सोपि राम महिमा मुनिराया। सिव उपदेसु करत करि दाया॥ रामु कवन प्रभु पूछउँ तोही। कहिअ बुझाइ कृपानिधि मोही॥

sopi rāma mahimā munirāyā| siva upadesu karata kari dāyā|| rāmu kavana prabhu pūchaum̐ tohī| kahia bujhāi kṛpānidhi mohī||

एक राम अवधेस कुमारा। तिन्ह कर चरित बिदित संसारा॥ नारि बिरहँ दुखु लहेउ अपारा। भयहु रोषु रन रावनु मारा॥

eka rāma avadhesa kumārā| tinha kara carita bidita saṃsārā|| nāri biraham̐ dukhu laheu apārā| bhayahu roṣu rana rāvanu mārā||

दोहा ४६

प्रभु सोइ राम कि अपर कोउ जाहि जपत त्रिपुरारि। सत्यधाम सर्बग्य तुम्ह कहहु बिबेकु बिचारि ॥ ४६॥

prabhu soi rāma ki apara kou jāhi japata tripurāri| satyadhāma sarbagya tumha kahahu bibeku bicāri || 46||

जैसे मिटै मोर भ्रम भारी। कहहु सो कथा नाथ बिस्तारी॥ जागबलिक बोले मुसुकाई। तुम्हहि बिदित रघुपति प्रभुताई॥

jaise miṭai mora bhrama bhārī| kahahu so kathā nātha bistārī|| jāgabalika bole musukāī| tumhahi bidita raghupati prabhutāī||

राममगत तुम्ह मन क्रम बानी। चतुराई तुम्हारी मैं जानी॥ चाहहु सुनै राम गुन गूढ़ा। कीन्हिहु प्रस्न मनहुँ अति मूढ़ा॥

rāmamagata tumha mana krama bānī| caturāī tumhārī maiṃ jānī|| cāhahu sunai rāma guna gūṛhā| kīnhihu prasna manahum̐ ati mūṛhā||

तात सुनहु सादर मनु लाई। कहउँ राम कै कथा सुहाई॥ महामोहु महिषेसु बिसाला। रामकथा कालिका कराला॥

tāta sunahu sādara manu lāī| kahaum̐ rāma kai kathā suhāī|| mahāmohu mahiṣesu bisālā| rāmakathā kālikā karālā||

रामकथा ससि किरन समाना। संत चकोर करहिं जेहि पाना॥ ऐसेइ संसय कीन्ह भवानी। महादेव तब कहा बखानी॥

rāmakathā sasi kirana samānā| saṃta cakora karahiṃ jehi pānā|| aisei saṃsaya kīnha bhavānī| mahādeva taba kahā bakhānī||

दोहा

कहउँ सो मति अनुहारि अब उमा संभु संबाद। भयउ समय जेहि हेतु जेहि सुनु मुनि मिटिहि बिषाद ॥ ४७॥

kahaum̐ so mati anuhāri aba umā saṃbhu saṃbāda| bhayau samaya jehi hetu jehi sunu muni miṭihi biṣāda || 47||

एक बार त्रेता जुग माहीं। संभु गए कुंभज रिषि पाहीं॥ संग सती जगजननि भवानी। पूजे रिषि अखिलेस्वर जानी॥

eka bāra tretā juga māhīṃ| saṃbhu gae kuṃbhaja riṣi pāhīṃ|| saṃga satī jagajanani bhavānī| pūje riṣi akhilesvara jānī||

रामकथा मुनीबर्ज बखानी। सुनी महेस परम सुखु मानी॥ रिषि पूछी हरिभगति सुहाई। कही संभु अधिकारी पाई॥

rāmakathā munībarja bakhānī| sunī mahesa parama sukhu mānī|| riṣi pūchī haribhagati suhāī| kahī saṃbhu adhikārī pāī||

कहत सुनत रघुपति गुन गाथा। कछु दिन तहाँ रहे गिरिनाथा॥ मुनि सन बिदा मागि त्रिपुरारी। चले भवन सँग दच्छकुमारी॥

kahata sunata raghupati guna gāthā| kachu dina tahām̐ rahe girināthā|| muni sana bidā māgi tripurārī| cale bhavana sam̐ga dacchakumārī||

तेहि अवसर भंजन महिभारा। हरि रघुबंस लीन्ह अवतारा॥ पिता बचन तजि राजु उदासी। दंडक बन बिचरत अबिनासी॥

tehi avasara bhaṃjana mahibhārā| hari raghubaṃsa līnha avatārā|| pitā bacana taji rāju udāsī| daṃḍaka bana bicarata abināsī||

दोहा ४८(क)

ह्दयँ बिचारत जात हर केहि बिधि दरसनु होइ। गुप्त रुप अवतरेउ प्रभु गएँ जान सबु कोइ॥ ४८ (क

hdayam̐ bicārata jāta hara kehi bidhi darasanu hoi| gupta rupa avatareu prabhu gaem̐ jāna sabu koi|| 48 (ka

सोरठा ४८(ख)

संकर उर अति छोभु सती न जानहिं मरमु सोइ। तुलसी दरसन लोभु मन डरु लोचन लालची ॥ ४८ (ख)॥

saṃkara ura ati chobhu satī na jānahiṃ maramu soi| tulasī darasana lobhu mana ḍaru locana lālacī || 48 (kha)||

रावन मरन मनुज कर जाचा। प्रभु बिधि बचनु कीन्ह चह साचा॥ जौं नहिं जाउँ रहइ पछितावा। करत बिचारु न बनत बनावा॥

rāvana marana manuja kara jācā| prabhu bidhi bacanu kīnha caha sācā|| jauṃ nahiṃ jāum̐ rahai pachitāvā| karata bicāru na banata banāvā||

एहि बिधि भए सोचबस ईसा। तेहि समय जाइ दससीसा॥ लीन्ह नीच मारीचहि संगा। भयउ तुरत सोइ कपट कुरंगा॥

ehi bidhi bhae socabasa īsā| tehi samaya jāi dasasīsā|| līnha nīca mārīcahi saṃgā| bhayau turata soi kapaṭa kuraṃgā||

करि छलु मूढ़ हरी बैदेही। प्रभु प्रभाउ तस बिदित न तेही॥ मृग बधि बन्धु सहित हरि आए। आश्रमु देखि नयन जल छाए॥

kari chalu mūṛha harī baidehī| prabhu prabhāu tasa bidita na tehī|| mṛga badhi bandhu sahita hari āe| āśramu dekhi nayana jala chāe||

बिरह बिकल नर इव रघुराई। खोजत बिपिन फिरत दोउ भाई॥ कबहूँ जोग बियोग न जाकें। देखा प्रगट बिरह दुख ताकें॥

biraha bikala nara iva raghurāī| khojata bipina phirata dou bhāī|| kabahūm̐ joga biyoga na jākeṃ| dekhā pragaṭa biraha dukha tākeṃ||

दोहा ४९

अति विचित्र रघुपति चरित जानहिं परम सुजान। जे मतिमंद बिमोह बस हृदयँ धरहिं कछु आन ॥ ४९॥

ati vicitra raghupati carita jānahiṃ parama sujāna| je matimaṃda bimoha basa hṛdayam̐ dharahiṃ kachu āna || 49||