Uttar Kand — उत्तरकाण्ड

उत्तरकाण्ड · दोहा १(क)–११(क)

साझा करें

(_ __ उत्तरकाएड

(_ __ uttarakāeḍa

श्लोक १

केकीकण्ठाभनीलं सुरवरविलसद्विप्रपादाब्जचिह्नं शोभाढ्यं पीतवस्त्रं सरसिजनयनं सर्वदा सुप्रसन्नम्। पाणौ नाराचचापं कपिनिकरयुतं बन्धुना सेव्यमानं नौमीड्यं जानकीशं रघुवरमनिशं पुष्पकारूढरामम्॥ १॥

kekīkaṇṭhābhanīlaṃ suravaravilasadviprapādābjacihnaṃ śobhāḍhyaṃ pītavastraṃ sarasijanayanaṃ sarvadā suprasannam| pāṇau nārācacāpaṃ kapinikarayutaṃ bandhunā sevyamānaṃ naumīḍyaṃ jānakīśaṃ raghuvaramaniśaṃ puṣpakārūḍharāmam|| 1||

श्लोक २

कोसलेन्द्रपदकञ्जमञ्जुलौ कोमलावजमहेशवन्दितौ। जानकीकरसरोजलालितौ चिन्तकस्य मनभृङ्गसङ्गिनौ॥ २॥

kosalendrapadakañjamañjulau komalāvajamaheśavanditau| jānakīkarasarojalālitau cintakasya manabhṛṅgasaṅginau|| 2||

श्लोक ३

कुन्दइन्दुदरगौरसुन्दरं अम्बिकापतिमभीष्टसिद्धिदम्। कारुणीककलकञ्जलोचनं नौमि शङ्करमनङ्गमोचनम्॥ ३॥

kundaindudaragaurasundaraṃ ambikāpatimabhīṣṭasiddhidam| kāruṇīkakalakañjalocanaṃ naumi śaṅkaramanaṅgamocanam|| 3||

दोहा

रहां एक दिन अवधि कर अति आरत पुर लोग। जहँ तहेँ सोचहिं नारि नर कृस तन राम बियोग॥

rahāṃ eka dina avadhi kara ati ārata pura loga| jaham̐ tahem̐ socahiṃ nāri nara kṛsa tana rāma biyoga||

दोहा

सगुन होहिं सुंदर सकल मन प्रसन्न सब केर। प्रभु आगवन जनाव जनु नगर रम्य चहुं फेर॥

saguna hohiṃ suṃdara sakala mana prasanna saba kera| prabhu āgavana janāva janu nagara ramya cahuṃ phera||

दोहा

कौसल्यादि मातु सब मन अनंद अस होइ। आयउ प्रभु श्री अनुजजुत कहन चहत अब कोइ॥

kausalyādi mātu saba mana anaṃda asa hoi| āyau prabhu śrī anujajuta kahana cahata aba koi||

दोहा

भरत नयन भुज दच्छिन फरकत बारहिं बार। जानि सगुन मन हरष अति लागे करन बिचार॥

bharata nayana bhuja dacchina pharakata bārahiṃ bāra| jāni saguna mana haraṣa ati lāge karana bicāra||

रहेउ एक दिन अवधि अधारा। समुझत मन दुख भयउ अपारा॥ कारन कवन नाथ नहिं आयउ। जानि कुटिल किधौं मोहि बिसरायउ॥

raheu eka dina avadhi adhārā| samujhata mana dukha bhayau apārā|| kārana kavana nātha nahiṃ āyau| jāni kuṭila kidhauṃ mohi bisarāyau||

अहह धन्य लछिमन बड़भागी। राम पदारबिंदु अनुरागी॥ कपटी कुटिल मोहि प्रभु चीन्हा। ताते नाथ संग नहिं लीन्हा॥

ahaha dhanya lachimana baṛabhāgī| rāma padārabiṃdu anurāgī|| kapaṭī kuṭila mohi prabhu cīnhā| tāte nātha saṃga nahiṃ līnhā||

जौं करनी समुझै प्रभु मोरी। नहिं निस्तार कलप सत कोरी॥ जन अवगुन प्रभु मान न काऊ। दीन बंधु अति मृदुल सुभाऊ॥

jauṃ karanī samujhai prabhu morī| nahiṃ nistāra kalapa sata korī|| jana avaguna prabhu māna na kāū| dīna baṃdhu ati mṛdula subhāū||

मोरि जियँ भरोस दृढ़ सोई। मिलिहहिं राम सगुन सुभ होई॥ बीतें अवधि रहहि जौं प्राना। अधम कवन जग मोहि समाना॥

mori jiyam̐ bharosa dṛṛha soī| milihahiṃ rāma saguna subha hoī|| bīteṃ avadhi rahahi jauṃ prānā| adhama kavana jaga mohi samānā||

दोहा १(क)

राम बिरह सागर महँ भरत मगन मन होत। बिप्र रूप धरि पवनसुत आइ गयउ जनु पोत ॥ १ (क)॥

rāma biraha sāgara maham̐ bharata magana mana hota| bipra rūpa dhari pavanasuta āi gayau janu pota || 1 (ka)||

दोहा १(ख)

बैठे देखि कुसासन जटा मुकुट कूस गात। राम राम रघुपति जपत स्त्रवत नयन जलजात ॥ १ (ख)॥

baiṭhe dekhi kusāsana jaṭā mukuṭa kūsa gāta| rāma rāma raghupati japata stravata nayana jalajāta || 1 (kha)||

देखत हनूमान अति हरषेउ। पुलक गात लोचन जल बरषेउ॥ मन महँ बहुत भाँति सुख मानी। बोलेउ श्रवन सुधा सम बानी॥

dekhata hanūmāna ati haraṣeu| pulaka gāta locana jala baraṣeu|| mana maham̐ bahuta bhām̐ti sukha mānī| boleu śravana sudhā sama bānī||

जासु बिरहँ सोचहु दिन राती। रटहु निरंतर गुन गन पाँती॥ रघुकुल तिलक सुजन सुखदाता। आयउ कुसल देव मुनि त्राता॥

jāsu biraham̐ socahu dina rātī| raṭahu niraṃtara guna gana pām̐tī|| raghukula tilaka sujana sukhadātā| āyau kusala deva muni trātā||

रिपु रन जीति सुजस सुर गावत। सीता सहित अनुज प्रभु आवत॥ सुनत बचन बिसरे सब दूखा। तृषावंत जिमि पाइ पियूषा॥

ripu rana jīti sujasa sura gāvata| sītā sahita anuja prabhu āvata|| sunata bacana bisare saba dūkhā| tṛṣāvaṃta jimi pāi piyūṣā||

को तुम्ह तात कहाँ ते आए। मोहि परम प्रिय बचन सुनाए॥ मारुत सुत मैं कपि हनुमाना। नामु मोर सुनु कृपानिधाना॥

ko tumha tāta kahām̐ te āe| mohi parama priya bacana sunāe|| māruta suta maiṃ kapi hanumānā| nāmu mora sunu kṛpānidhānā||

दीनबंधु रघुपति कर किंकर। सुनत भरत भेंटेउ उठि सादर॥ मिलत प्रेम नहिं हृदयँ समाता। नयन स्त्रवत जल पुलकित गाता॥

dīnabaṃdhu raghupati kara kiṃkara| sunata bharata bheṃṭeu uṭhi sādara|| milata prema nahiṃ hṛdayam̐ samātā| nayana stravata jala pulakita gātā||

कपि तव दरस सकल दुख बीते। मिले आजु मोहि राम पिरीते॥ बार बार बूझी कुसलाता। तो कहुँ देउँ काह सुनु भ्राता॥

kapi tava darasa sakala dukha bīte| mile āju mohi rāma pirīte|| bāra bāra būjhī kusalātā| to kahum̐ deum̐ kāha sunu bhrātā||

एहि संदेस सरिस जग माहीं। करि बिचार देखेउँ कछु नाहीं॥ नाहिन तात उरिन मैं तोही। अब प्रभु चरित सुनावहु मोही॥

ehi saṃdesa sarisa jaga māhīṃ| kari bicāra dekheum̐ kachu nāhīṃ|| nāhina tāta urina maiṃ tohī| aba prabhu carita sunāvahu mohī||

तब हनुमंत नाइ पद माथा। कहे सकल रघुपति गुन गाथा॥ कहु कपि कबहुँ कृपाल गोसाईं। सुमिरहिं मोहि दास की नाईं॥

taba hanumaṃta nāi pada māthā| kahe sakala raghupati guna gāthā|| kahu kapi kabahum̐ kṛpāla gosāīṃ| sumirahiṃ mohi dāsa kī nāīṃ||

छंद

निज दास ज्यों रघुबंसभूषन कबहूँ मम सुमिरन करथो। सुनि भरत बचन बिनीत अति कपि पुलकि तन चरनन्हि परच्यो॥ रघुबीर निज मुख जासु गुन गन कहत अग जग नाथ जो। काहे न होइ बिनीत परम पुनीत सदगुन सिंधु सो॥

nija dāsa jyoṃ raghubaṃsabhūṣana kabahūm̐ mama sumirana karatho| suni bharata bacana binīta ati kapi pulaki tana carananhi paracyo|| raghubīra nija mukha jāsu guna gana kahata aga jaga nātha jo| kāhe na hoi binīta parama punīta sadaguna siṃdhu so||

दोहा २(क)

राम प्रान प्रिय नाथ तुम्ह सत्य बचन मम तात। पुनि पुनि मिलत भरत सुनि हरष न हदयें समात ॥ २ (क)॥

rāma prāna priya nātha tumha satya bacana mama tāta| puni puni milata bharata suni haraṣa na hadayeṃ samāta || 2 (ka)||

सोरठा २(ख)

भरत चरन सिरु नाइ तुरित गयठ कपि राम पहिं। कही कुसल सब जाइ हरघि चलेउ प्रभु जान चढ़ि ॥ २ (ख)॥

bharata carana siru nāi turita gayaṭha kapi rāma pahiṃ| kahī kusala saba jāi haraghi caleu prabhu jāna caṛhi || 2 (kha)||

हरषि भरत कोसलपुर आए। समाचार सब गुरहि सुनाए॥ पुनि मंदिर महँ बात जनाई। आवत नगर कुसल रघुराई॥

haraṣi bharata kosalapura āe| samācāra saba gurahi sunāe|| puni maṃdira maham̐ bāta janāī| āvata nagara kusala raghurāī||

सुनत सकल जननीं उठि धाईं। कहि प्रभु कुसल भरत समुझाई॥ समाचार पुरबासिन्ह पाए। नर अरु नारि हरषि सब धाए॥

sunata sakala jananīṃ uṭhi dhāīṃ| kahi prabhu kusala bharata samujhāī|| samācāra purabāsinha pāe| nara aru nāri haraṣi saba dhāe||

दधि दुर्बा रोचन फल फूला। नव तुलसी दल मंगल मूला॥ भरि भरि हेम थार भामिनी। गावत चलिं सिंधु सिंधुरगामिनी॥

dadhi durbā rocana phala phūlā| nava tulasī dala maṃgala mūlā|| bhari bhari hema thāra bhāminī| gāvata caliṃ siṃdhu siṃdhuragāminī||

जे जैसेहिं तैसेहिं उटि धावहिं। बाल बृद्ध कहँ संग न लावहिं॥ एक एकन्ह कहँ बूझहिं भाई। तुम्ह देखे दयाल रघुराई॥

je jaisehiṃ taisehiṃ uṭi dhāvahiṃ| bāla bṛddha kaham̐ saṃga na lāvahiṃ|| eka ekanha kaham̐ būjhahiṃ bhāī| tumha dekhe dayāla raghurāī||

अवधपुरी प्रभु आवत जानी। भई सकल सोभा कै खानी॥ बहइ सुहावन त्रिबिध समीरा। भइ सरजू अति निर्मल नीरा॥

avadhapurī prabhu āvata jānī| bhaī sakala sobhā kai khānī|| bahai suhāvana tribidha samīrā| bhai sarajū ati nirmala nīrā||

दोहा ३(क)

हरघित गुर परिजन अनुज भूसुर बुंद समेत। चले भरत मन प्रेम अति सन्मुख कृपानिकेत ॥ ३ (क)॥

haraghita gura parijana anuja bhūsura buṃda sameta| cale bharata mana prema ati sanmukha kṛpāniketa || 3 (ka)||

दोहा ३(ख)

बहुतक चढ़ीं अटारिन्ह निरखहिं गगन बिमान। देखि मधुर सुर हरषित करहिं सुमंगल गान ॥ ३ (ख)॥

bahutaka caṛhīṃ aṭārinha nirakhahiṃ gagana bimāna| dekhi madhura sura haraṣita karahiṃ sumaṃgala gāna || 3 (kha)||

दोहा ३(ग)

राका ससि रघुपति पुर सिंधु देखि हरषान। बढ़्यो कोलाहल करत जनु नारि तरंग समान ॥ ३ (ग)॥

rākā sasi raghupati pura siṃdhu dekhi haraṣāna| baṛhyo kolāhala karata janu nāri taraṃga samāna || 3 (ga)||

इहाँ भानुकुल कमल दिवाकर। कपिन्ह देखावत नगर मनोहर॥ सुनु कपीस अंगद लंकेसा। पावन पुरी रुचिर यह देसा॥

ihām̐ bhānukula kamala divākara| kapinha dekhāvata nagara manohara|| sunu kapīsa aṃgada laṃkesā| pāvana purī rucira yaha desā||

जद्यपि सब बैकुंठ बखाना। बेद पुरान बिदित जगु जाना॥ अवधपुरी सम प्रिय नहिं सोऊ। यह प्रसंग जानइ कोउ कोऊ॥

jadyapi saba baikuṃṭha bakhānā| beda purāna bidita jagu jānā|| avadhapurī sama priya nahiṃ soū| yaha prasaṃga jānai kou koū||

जन्मभूमि मम पुरी सुहावनि। उत्तर दिसि बह सरजू पावनि॥ जा मज्जन ते बिनहिं प्रयासा। मम समीप नर पावहिं बासा॥

janmabhūmi mama purī suhāvani| uttara disi baha sarajū pāvani|| jā majjana te binahiṃ prayāsā| mama samīpa nara pāvahiṃ bāsā||

अति प्रिय मोहि इहाँ के बासी। मम धामदा पुरी सुख रासी॥ हरषे सब कपि सुनि प्रभु बानी। धन्य अवध जो राम बखानी॥

ati priya mohi ihām̐ ke bāsī| mama dhāmadā purī sukha rāsī|| haraṣe saba kapi suni prabhu bānī| dhanya avadha jo rāma bakhānī||

दोहा ४(क)

आवत देखि लोग सब कृपासिंधु भगवान। नगर निकट प्रभु प्रेरेड उतरे भूमि बिमान ॥ ४ (क)॥

āvata dekhi loga saba kṛpāsiṃdhu bhagavāna| nagara nikaṭa prabhu prereḍa utare bhūmi bimāna || 4 (ka)||

दोहा ४(ख)

उतरि कहेउ प्रभु पुष्पकहि तुम्ह कुबेर पहिं जाहु। प्रेरित राम चलेउ सो हरघषु बिरहु अति ताहु ॥ ४ (ख)॥

utari kaheu prabhu puṣpakahi tumha kubera pahiṃ jāhu| prerita rāma caleu so haraghaṣu birahu ati tāhu || 4 (kha)||

आए भरत संग सब लोगा। कृस तन श्रीरघुबीर बियोगा॥ बामदेव बसिष्ठ मुनिनायक। देखे प्रभु महि धरि धनु सायक॥

āe bharata saṃga saba logā| kṛsa tana śrīraghubīra biyogā|| bāmadeva basiṣṭha munināyaka| dekhe prabhu mahi dhari dhanu sāyaka||

धाइ धरे गुर चरन सरोरुह। अनुज सहित अति पुलक तनोरुह॥ भेंटि कुसल बूझी मुनिराया। हमरें कुसल तुम्हारिहिं दाया॥

dhāi dhare gura carana saroruha| anuja sahita ati pulaka tanoruha|| bheṃṭi kusala būjhī munirāyā| hamareṃ kusala tumhārihiṃ dāyā||

सकल द्विजन्ह मिलि नायउ माथा। धर्म धुरंधर रघुकुलनाथा॥ गहे भरत पुनि प्रभु पद पंकज। नमत जिन्हहि सुर मुनि संकर अज॥

sakala dvijanha mili nāyau māthā| dharma dhuraṃdhara raghukulanāthā|| gahe bharata puni prabhu pada paṃkaja| namata jinhahi sura muni saṃkara aja||

परे भूमि नहिं उठत उठाए। बर करि कृपासिंधु उर लाए॥ स्यामल गात रोम भए ठाढ़े। नव राजीव नयन जल बाढ़े॥

pare bhūmi nahiṃ uṭhata uṭhāe| bara kari kṛpāsiṃdhu ura lāe|| syāmala gāta roma bhae ṭhāṛhe| nava rājīva nayana jala bāṛhe||

छंद १

राजीव लोचन स्त्वत जल तन ललित पुलकावलि बनी। अति प्रेम हदयें लगाइ अनुजहि मिले प्रभु त्रिभुअन धनी॥ प्रभु मिलत अनुजहि सोह मो पहिं जाति नहिं उपमा कही। जनु प्रेम अरु सिंगार तनु धरि मिले बर सुषमा लही॥

rājīva locana stvata jala tana lalita pulakāvali banī| ati prema hadayeṃ lagāi anujahi mile prabhu tribhuana dhanī|| prabhu milata anujahi soha mo pahiṃ jāti nahiṃ upamā kahī| janu prema aru siṃgāra tanu dhari mile bara suṣamā lahī||

दोहा २

बूझत कृपानिधि कुसल भरतहि बचन बेगि न आवई। सुनु सिवा सो सुख बचन मन ते भिन्न जान जो पावढ॥ अब कुसल कौसलनाथ आरत जानि जन दरसन दियो। बूड़त बिरह बारीस कृपानिधान मोहि कर गहि लियो॥

būjhata kṛpānidhi kusala bharatahi bacana begi na āvaī| sunu sivā so sukha bacana mana te bhinna jāna jo pāvaḍha|| aba kusala kausalanātha ārata jāni jana darasana diyo| būṛata biraha bārīsa kṛpānidhāna mohi kara gahi liyo||

दोहा ५

पुनि प्रभु हरघषि सच्रुहन भेंटे हृदय लगाइ। लछिमन भरत मिले तब परम प्रेम दोउ भाइ ॥ ५॥

puni prabhu haraghaṣi sacruhana bheṃṭe hṛdaya lagāi| lachimana bharata mile taba parama prema dou bhāi || 5||

भरतानुज लछिमन पुनि भेंटे। दुसह बिरह संभव दुख मेटे॥ सीता चरन भरत सिरु नावा। अनुज समेत परम सुख पावा॥

bharatānuja lachimana puni bheṃṭe| dusaha biraha saṃbhava dukha meṭe|| sītā carana bharata siru nāvā| anuja sameta parama sukha pāvā||

प्रभु बिलोकि हरषे पुरबासी। जनित बियोग बिपति सब नासी॥ प्रेमातुर सब लोग निहारी। कौतुक कीन्ह कृपाल खरारी॥

prabhu biloki haraṣe purabāsī| janita biyoga bipati saba nāsī|| premātura saba loga nihārī| kautuka kīnha kṛpāla kharārī||

अमित रूप प्रगटे तेहि काला। जथाजोग मिले सबहि कृपाला॥ कृपादृष्टि रघुबीर बिलोकी। किए सकल नर नारि बिसोकी॥

amita rūpa pragaṭe tehi kālā| jathājoga mile sabahi kṛpālā|| kṛpādṛṣṭi raghubīra bilokī| kie sakala nara nāri bisokī||

छन महिं सबहि मिले भगवाना। उमा मरम यह काहुँ न जाना॥ एहि बिधि सबहि सुखी करि रामा। आगें चले सील गुन धामा॥

chana mahiṃ sabahi mile bhagavānā| umā marama yaha kāhum̐ na jānā|| ehi bidhi sabahi sukhī kari rāmā| āgeṃ cale sīla guna dhāmā||

कौसल्यादि मातु सब धाई। निरखि बच्छ जनु धेनु लवाई॥

kausalyādi mātu saba dhāī| nirakhi baccha janu dhenu lavāī||

छंद

जनु धेनु बालक बच्छ तजि गृहें चरन बन परबस गईं। दिन अंत पुर रुख स्त्रवत थन हुंकार करि धावत भं॥ अति प्रेम प्रभु सब मातु भेटीं बचन मृदु बहुबिधि कहे। गइ बिषम बिपति बियोगभव तिन्ह हरष सुख अगनित लहे॥

janu dhenu bālaka baccha taji gṛheṃ carana bana parabasa gaīṃ| dina aṃta pura rukha stravata thana huṃkāra kari dhāvata bhaṃ|| ati prema prabhu saba mātu bheṭīṃ bacana mṛdu bahubidhi kahe| gai biṣama bipati biyogabhava tinha haraṣa sukha aganita lahe||

दोहा ६(क)

भेटेड तनय सुमित्रा राम चरन रति जानि। रामहि मिलत कैकई हदयें बहुत सकुचानि ॥ ६ (क)॥

bheṭeḍa tanaya sumitrā rāma carana rati jāni| rāmahi milata kaikaī hadayeṃ bahuta sakucāni || 6 (ka)||

दोहा ६(ख)

लछिमन सब मातन्ह मिलि हरषे आसिष पाइ। कैकेइ कहें पुनि पुनि मिले मन कर छोभु न जाइ ॥ ६ (ख)॥

lachimana saba mātanha mili haraṣe āsiṣa pāi| kaikei kaheṃ puni puni mile mana kara chobhu na jāi || 6 (kha)||

सासुन्ह सबनि मिली बैदेही। चरनन्हि लागि हरषु अति तेही॥ देहिं असीस बूझि कुसलाता। होइ अचल तुम्हार अहिवाता॥

sāsunha sabani milī baidehī| carananhi lāgi haraṣu ati tehī|| dehiṃ asīsa būjhi kusalātā| hoi acala tumhāra ahivātā||

सब रघुपति मुख कमल बिलोकहिं। मंगल जानि नयन जल रोकहिं॥

saba raghupati mukha kamala bilokahiṃ| maṃgala jāni nayana jala rokahiṃ||

नाना भाँति निछावरि करहीं। परमानंद हरष उर भरहीं॥ कौसल्या पुनि पुनि रघुबीरहि। चितवति कृपासिंधु रनधीरहि॥

nānā bhām̐ti nichāvari karahīṃ| paramānaṃda haraṣa ura bharahīṃ|| kausalyā puni puni raghubīrahi| citavati kṛpāsiṃdhu ranadhīrahi||

हृदयँ बिचारति बारहिं बारा। कवन भाँति लंकापति मारा॥ अति सुकुमार जुगल मेरे बारे। निसिचर सुभट महाबल भारे॥

hṛdayam̐ bicārati bārahiṃ bārā| kavana bhām̐ti laṃkāpati mārā|| ati sukumāra jugala mere bāre| nisicara subhaṭa mahābala bhāre||

दोहा ७

लछिमन अरु सीता सहित प्रभुहि बिलोकति मातु। परमानंद मगन मन पुनि पुनि पुलकित गातु ॥ ७॥

lachimana aru sītā sahita prabhuhi bilokati mātu| paramānaṃda magana mana puni puni pulakita gātu || 7||

लंकापति कपीस नल नीला। जामवंत अंगद सुभसीला॥ हनुमदादि सब बानर बीरा। धरे मनोहर मनुज सरीरा॥

laṃkāpati kapīsa nala nīlā| jāmavaṃta aṃgada subhasīlā|| hanumadādi saba bānara bīrā| dhare manohara manuja sarīrā||

भरत सनेह सील ब्रत नेमा। सादर सब बरनहिं अति प्रेमा॥ देखि नगरबासिन्ह कै रीती। सकल सराहहि प्रभु पद प्रीती॥

bharata saneha sīla brata nemā| sādara saba baranahiṃ ati premā|| dekhi nagarabāsinha kai rītī| sakala sarāhahi prabhu pada prītī||

पुनि रघुपति सब सखा बोलाए। मुनि पद लागहु सकल सिखाए॥ गुर बसिष्ट कुलपूज्य हमारे। इन्ह की कृपाँ दनुज रन मारे॥

puni raghupati saba sakhā bolāe| muni pada lāgahu sakala sikhāe|| gura basiṣṭa kulapūjya hamāre| inha kī kṛpām̐ danuja rana māre||

ए सब सखा सुनहु मुनि मेरे। भए समर सागर कहँ बेरे॥ मम हित लागि जन्म इन्ह हारे। भरतहु ते मोहि अधिक पिआरे॥

e saba sakhā sunahu muni mere| bhae samara sāgara kaham̐ bere|| mama hita lāgi janma inha hāre| bharatahu te mohi adhika piāre||

सुनि प्रभु बचन मगन सब भए। निमिष निमिष उपजत सुख नए॥

suni prabhu bacana magana saba bhae| nimiṣa nimiṣa upajata sukha nae||

दोहा ८(क)

कौसल्या के चरनन्हि पुनि तिन्‍्ह नायउ माथ। आसिष दीन्हे हरषि तुम्ह प्रिय मम जिमि रघुनाथ ॥ ८ (क)॥

kausalyā ke carananhi puni tinha nāyau mātha| āsiṣa dīnhe haraṣi tumha priya mama jimi raghunātha || 8 (ka)||

दोहा ८(ख)

सुमन बुष्टि नभ संकुल भवन चले सुखकंद। चढ़ी अटारिन्ह देखहिं नगर नारि नर बूंद ॥ ८ (ख)॥

sumana buṣṭi nabha saṃkula bhavana cale sukhakaṃda| caṛhī aṭārinha dekhahiṃ nagara nāri nara būṃda || 8 (kha)||

कंचन कलस बिचित्र सँवारे। सबहिं धरे सजि निज निज द्वारे॥ बंदनवार पताका केतू। सबन्हि बनाए मंगल हेतू॥

kaṃcana kalasa bicitra sam̐vāre| sabahiṃ dhare saji nija nija dvāre|| baṃdanavāra patākā ketū| sabanhi banāe maṃgala hetū||

बीथीं सकल सुगंध सिंचाई। गजमनि रचि बहु चौक पुराई॥ नाना भाँति सुमंगल साजे। हरषि नगर निसान बहु बाजे॥

bīthīṃ sakala sugaṃdha siṃcāī| gajamani raci bahu cauka purāī|| nānā bhām̐ti sumaṃgala sāje| haraṣi nagara nisāna bahu bāje||

जहँ तहँ नारि निछावर करहीं। देहिं असीस हरष उर भरहीं॥

jaham̐ taham̐ nāri nichāvara karahīṃ| dehiṃ asīsa haraṣa ura bharahīṃ||

पुर सोभा संपति कल्याना। निगम सेष सारदा बखाना॥

pura sobhā saṃpati kalyānā| nigama seṣa sāradā bakhānā||

तेउ यह चरित देखि ठगि रहहीं। उमा तासु गुन नर किमि कहहीं॥

teu yaha carita dekhi ṭhagi rahahīṃ| umā tāsu guna nara kimi kahahīṃ||

दोहा ९(क)

नारि कुमुदिनीं अवध सर रघुपति बिरह दिनेस। अस्त भरएँ बिगसत भईं निरखि राम राकेस ॥ ९ (क)॥

nāri kumudinīṃ avadha sara raghupati biraha dinesa| asta bharaem̐ bigasata bhaīṃ nirakhi rāma rākesa || 9 (ka)||

दोहा ९(ख)

होहिं सगुन सुभ बिबिध बिधि बाजहिं गगन निसान। पुर नर नारि सनाथ करि भवन चले भगवान ॥ ९ (ख)॥

hohiṃ saguna subha bibidha bidhi bājahiṃ gagana nisāna| pura nara nāri sanātha kari bhavana cale bhagavāna || 9 (kha)||

प्रभु जानी कैकेई लजानी। प्रथम तासु गृह गए भवानी॥ ताहि प्रबोधि बहुत सुख दीन्हा। पुनि निज भवन गवन हरि कीन्हा॥

prabhu jānī kaikeī lajānī| prathama tāsu gṛha gae bhavānī|| tāhi prabodhi bahuta sukha dīnhā| puni nija bhavana gavana hari kīnhā||

कृपासिंधु जब मंदिर गए। पुर नर नारि सुखी सब भए॥ गुर बसिष्ट द्विज लिए बुलाई। आजु सुघरी सुदिन समुदाई॥

kṛpāsiṃdhu jaba maṃdira gae| pura nara nāri sukhī saba bhae|| gura basiṣṭa dvija lie bulāī| āju sugharī sudina samudāī||

सब द्विज देहु हरषि अनुसासन। रामचंद्र बैठहिं सिंघासन॥ मुनि बसिष्ट के बचन सुहाए। सुनत सकल बिप्रन्ह अति भाए॥

saba dvija dehu haraṣi anusāsana| rāmacaṃdra baiṭhahiṃ siṃghāsana|| muni basiṣṭa ke bacana suhāe| sunata sakala bipranha ati bhāe||

कहहिं बचन मृदु बिप्र अनेका। जग अभिराम राम अभिषेका॥ अब मुनिबर बिलंब नहिं कीजे। महाराज कहँ तिलक करीजै॥

kahahiṃ bacana mṛdu bipra anekā| jaga abhirāma rāma abhiṣekā|| aba munibara bilaṃba nahiṃ kīje| mahārāja kaham̐ tilaka karījai||

दोहा १०(क)

तब मुनि कहेउ सुमंत्र सन सुनत चलेउ हरषाइ। रथ अनेक बहु बाजि गज तुरत संँवारे जाइ ॥ १० (क)॥

taba muni kaheu sumaṃtra sana sunata caleu haraṣāi| ratha aneka bahu bāji gaja turata saṃm̐vāre jāi || 10 (ka)||

जहें तहँं धावन पठइ पुनि मंगल द्रब्य मगाइ। हरष समेत बसिष्ट पद पुनि सिर नायठ आइ॥ १० (ख )॥

jaheṃ taham̐ṃ dhāvana paṭhai puni maṃgala drabya magāi| haraṣa sameta basiṣṭa pada puni sira nāyaṭha āi|| 10 (kha )||

अवधपुरी अति रुचिर बनाई। देवन्ह सुमन बृष्टि झरि लाई॥ राम कहा सेवकन्ह बुलाई। प्रथम सखन्ह अन्हवावहु जाई॥

avadhapurī ati rucira banāī| devanha sumana bṛṣṭi jhari lāī|| rāma kahā sevakanha bulāī| prathama sakhanha anhavāvahu jāī||

सुनत बचन जहँ तहँ जन धाए। सुग्रीवादि तुरत अन्हवाए॥ पुनि करुनानिधि भरतु हँकारे। निज कर राम जटा निरुआरे॥

sunata bacana jaham̐ taham̐ jana dhāe| sugrīvādi turata anhavāe|| puni karunānidhi bharatu ham̐kāre| nija kara rāma jaṭā niruāre||

अन्हवाए प्रभु तीनिउ भाई। भगत बछल कृपाल रघुराई॥ भरत भाग्य प्रभु कोमलताई। सेष कोटि सत सकहिं न गाई॥

anhavāe prabhu tīniu bhāī| bhagata bachala kṛpāla raghurāī|| bharata bhāgya prabhu komalatāī| seṣa koṭi sata sakahiṃ na gāī||

पुनि निज जटा राम बिबराए। गुर अनुसासन मागि नहाए॥ करि मज्जन प्रभु भूषन साजे। अंग अनंग देखि सत लाजे॥

puni nija jaṭā rāma bibarāe| gura anusāsana māgi nahāe|| kari majjana prabhu bhūṣana sāje| aṃga anaṃga dekhi sata lāje||

दोहा ११(क)

सासुन्ह सादर जानकिहि मजन तुरत कराइ। दिव्य बसन बर भूषन अंग अंग सजे बनाइ ॥ ११ (क)॥

sāsunha sādara jānakihi majana turata karāi| divya basana bara bhūṣana aṃga aṃga saje banāi || 11 (ka)||