Bal Kand — बालकाण्ड

बालकाण्ड · दोहा १–७(घ)

साझा करें

श्लोक १

वर्णानामर्थसंघानां रसानां छन्दसामपि। मङ्गलानां च कर्त्तारौ वन्दे वाणीविनायकौ॥ १॥

varṇānāmarthasaṃghānāṃ rasānāṃ chandasāmapi| maṅgalānāṃ ca karttārau vande vāṇīvināyakau|| 1||

श्लोक २

भवानीशङ्करौ वन्दे श्रद्धाविश्वासरूपिणौ। याभ्यां विना न पश्यन्ति सिद्धाः स्वान्तःस्थमीश्वरम्॥ २॥

bhavānīśaṅkarau vande śraddhāviśvāsarūpiṇau| yābhyāṃ vinā na paśyanti siddhāḥ svāntaḥsthamīśvaram|| 2||

श्लोक ३

वन्दे बोधमयं नित्यं गुरुं शङ्कररूपिणम्। यमाश्रितो हि वक्रोऽपि चन्द्रः सर्वत्र वन्द्यते॥ ३॥

vande bodhamayaṃ nityaṃ guruṃ śaṅkararūpiṇam| yamāśrito hi vakro'pi candraḥ sarvatra vandyate|| 3||

श्लोक ४

सीतारामगुणग्रामपुण्यारण्यविहारिणौ। वन्दे विशुद्धविज्ञानौ कवीश्वरकपीश्वरौ॥ ४॥

sītārāmaguṇagrāmapuṇyāraṇyavihāriṇau| vande viśuddhavijñānau kavīśvarakapīśvarau|| 4||

श्लोक ५

उद्भवस्थितिसंहारकारिणीं क्लेशहारिणीम्। सर्वश्रेयस्करीं सीतां नतोऽहं रामवल्लभाम्॥ ५॥

udbhavasthitisaṃhārakāriṇīṃ kleśahāriṇīm| sarvaśreyaskarīṃ sītāṃ nato'haṃ rāmavallabhām|| 5||

श्लोक ६

यन्मायावशवर्त्ति विश्वमखिलं ब्रह्मादिदेवासुरा यत्सत्त्वादमृषैव भाति सकलं रज्जौ यथाहेर्भ्रमः। यत्पादप्लवमेकमेव हि भवाम्भोधेस्तितीर्षावतां वन्देऽहं तमशेषकारणपरं रामाख्यमीशं हरिम्॥ ६॥

yanmāyāvaśavartti viśvamakhilaṃ brahmādidevāsurā yatsattvādamṛṣaiva bhāti sakalaṃ rajjau yathāherbhramaḥ| yatpādaplavamekameva hi bhavāmbhodhestitīrṣāvatāṃ vande'haṃ tamaśeṣakāraṇaparaṃ rāmākhyamīśaṃ harim|| 6||

श्लोक ७

नानापुराणनिगमागमसम्मतं यद् रामायणे निगदितं क्वचिदन्यतोऽपि। स्वान्तःसुखाय तुलसी रघुनाथगाथाभाषानिबन्धमतिमञ्जुलमातनोति॥ ७॥

nānāpurāṇanigamāgamasammataṃ yad rāmāyaṇe nigaditaṃ kvacidanyato'pi| svāntaḥsukhāya tulasī raghunāthagāthābhāṣānibandhamatimañjulamātanoti|| 7||

सोरठा १

जो सुमिरत सिधि होइ गन नायक करिबर बदन। करउ अनुग्रह सोइ बुद्धि रासि सुभ गुन सदन श॥

jo sumirata sidhi hoi gana nāyaka karibara badana| karau anugraha soi buddhi rāsi subha guna sadana śa||

दोहा २

मूक होइ बाचाल पंगु चढ़इ गिरिबर गहन। जासु कृर्षों सो दयाल द्रवठ सकल कलि मल दहन ॥ २॥

mūka hoi bācāla paṃgu caṛhai giribara gahana| jāsu kṛrṣoṃ so dayāla dravaṭha sakala kali mala dahana || 2||

दोहा ३

नील सरोरुह स्याम तरुन अरुन बारिज नयन। करठ सो मम उर धाम सदा छीरसागर सयन ॥ ३॥

nīla saroruha syāma taruna aruna bārija nayana| karaṭha so mama ura dhāma sadā chīrasāgara sayana || 3||

दोहा ४

कुंद इंदु सम देह उमा रमन करुना अयन। जाहि दीन पर नेह करउ कृपा मर्दन मयन ॥ ४॥

kuṃda iṃdu sama deha umā ramana karunā ayana| jāhi dīna para neha karau kṛpā mardana mayana || 4||

दोहा ५

बंदउं गुरु पद कंज कृपा सिंधु नररूप हरि। महामोह तम पुंज जासु बचन रबि कर निकर ॥ ५॥

baṃdauṃ guru pada kaṃja kṛpā siṃdhu nararūpa hari| mahāmoha tama puṃja jāsu bacana rabi kara nikara || 5||

बंदउ गुरु पद पदुम परागा। सुरुचि सुबास सरस अनुरागा॥ अमिय मूरिमय चूरन चारू। समन सकल भव रुज परिवारू॥

baṃdau guru pada paduma parāgā| suruci subāsa sarasa anurāgā|| amiya mūrimaya cūrana cārū| samana sakala bhava ruja parivārū||

सुकृति संभु तन बिमल बिभूती। मंजुल मंगल मोद प्रसूती॥ जन मन मंजु मुकुर मल हरनी। किएँ तिलक गुन गन बस करनी॥

sukṛti saṃbhu tana bimala bibhūtī| maṃjula maṃgala moda prasūtī|| jana mana maṃju mukura mala haranī| kiem̐ tilaka guna gana basa karanī||

श्रीगुर पद नख मनि गन जोती। सुमिरत दिब्य द्रृष्टि हियँ होती॥ दलन मोह तम सो सप्रकासू। बड़े भाग उर आवइ जासू॥

śrīgura pada nakha mani gana jotī| sumirata dibya drṛṣṭi hiyam̐ hotī|| dalana moha tama so saprakāsū| baṛe bhāga ura āvai jāsū||

उघरहिं बिमल बिलोचन ही के। मिटहिं दोष दुख भव रजनी के॥ सूझहिं राम चरित मनि मानिक। गुपुत प्रगट जहँ जो जेहि खानिक॥

ugharahiṃ bimala bilocana hī ke| miṭahiṃ doṣa dukha bhava rajanī ke|| sūjhahiṃ rāma carita mani mānika| guputa pragaṭa jaham̐ jo jehi khānika||

दोहा १

जथा सुअंजन अंजि दृग साधक सिद्ध सुजान। कौतुक देखत सैल बन भूतल भूरि निधान ॥ १॥

jathā suaṃjana aṃji dṛga sādhaka siddha sujāna| kautuka dekhata saila bana bhūtala bhūri nidhāna || 1||

गुरु पद रज मृदु मंजुल अंजन। नयन अमिअ दृग दोष बिभंजन॥ तेहिं करि बिमल बिबेक बिलोचन। बरनउँ राम चरित भव मोचन॥

guru pada raja mṛdu maṃjula aṃjana| nayana amia dṛga doṣa bibhaṃjana|| tehiṃ kari bimala bibeka bilocana| baranaum̐ rāma carita bhava mocana||

बंदउँ प्रथम महीसुर चरना। मोह जनित संसय सब हरना॥ सुजन समाज सकल गुन खानी। करउँ प्रनाम सप्रेम सुबानी॥

baṃdaum̐ prathama mahīsura caranā| moha janita saṃsaya saba haranā|| sujana samāja sakala guna khānī| karaum̐ pranāma saprema subānī||

साधु चरित सुभ चरित कपासू। निरस बिसद गुनमय फल जासू॥ जो सहि दुख परछिद्र दुरावा। बंदनीय जेहिं जग जस पावा॥

sādhu carita subha carita kapāsū| nirasa bisada gunamaya phala jāsū|| jo sahi dukha parachidra durāvā| baṃdanīya jehiṃ jaga jasa pāvā||

मुद मंगलमय संत समाजू। जो जग जंगम तीरथराजू॥ राम भक्ति जहँ सुरसरि धारा। सरसइ ब्रह्म बिचार प्रचारा॥

muda maṃgalamaya saṃta samājū| jo jaga jaṃgama tīratharājū|| rāma bhakti jaham̐ surasari dhārā| sarasai brahma bicāra pracārā||

बिधि निषेधमय कलि मल हरनी। करम कथा रबिनंदनि बरनी॥ हरि हर कथा बिराजति बेनी। सुनत सकल मुद मंगल देनी॥

bidhi niṣedhamaya kali mala haranī| karama kathā rabinaṃdani baranī|| hari hara kathā birājati benī| sunata sakala muda maṃgala denī||

बटु बिस्वास अचल निज धरमा। तीरथराज समाज सुकरमा॥ सबहिं सुलभ सब दिन सब देसा। सेवत सादर समन कलेसा॥

baṭu bisvāsa acala nija dharamā| tīratharāja samāja sukaramā|| sabahiṃ sulabha saba dina saba desā| sevata sādara samana kalesā||

अकथ अलौकिक तीरथराऊ। देइ सद्य फल प्रगट प्रभाऊ॥

akatha alaukika tīratharāū| dei sadya phala pragaṭa prabhāū||

दोहा २

सुनि समुझहिं जन मुदित मन मज्जहिं अति अनुराग। लहहिं चारि फल अछत तनु साधु समाज प्रयाग ॥ २॥

suni samujhahiṃ jana mudita mana majjahiṃ ati anurāga| lahahiṃ cāri phala achata tanu sādhu samāja prayāga || 2||

मज्जन फल पेखिअ ततकाला। काक होहिं पिक बकउ मराला॥ सुनि आचरज करै जनि कोई। सतसंगति महिमा नहिं गोई॥

majjana phala pekhia tatakālā| kāka hohiṃ pika bakau marālā|| suni ācaraja karai jani koī| satasaṃgati mahimā nahiṃ goī||

बालमीक नारद घटजोनी। निज निज मुखनि कही निज होनी॥ जलचर थलचर नभचर नाना। जे जड़ चेतन जीव जहाना॥

bālamīka nārada ghaṭajonī| nija nija mukhani kahī nija honī|| jalacara thalacara nabhacara nānā| je jaṛa cetana jīva jahānā||

मति कीरति गति भूति भलाई। जब जेहिं जतन जहाँ जेहिं पाई॥

mati kīrati gati bhūti bhalāī| jaba jehiṃ jatana jahām̐ jehiṃ pāī||

सोरठा ३

सो जानब सतसंग प्रभाऊ। लोकहुँ बेद न आन उपाऊ॥

so jānaba satasaṃga prabhāū| lokahum̐ beda na āna upāū||

बिनु सतसंग बिबेक न होई। राम कृपा बिनु सुलभ न सोई॥ सतसंगत मुद मंगल मूला। सोइ फल सिधि सब साधन फूला॥

binu satasaṃga bibeka na hoī| rāma kṛpā binu sulabha na soī|| satasaṃgata muda maṃgala mūlā| soi phala sidhi saba sādhana phūlā||

सठ सुधरहिं सतसंगति पाई। पारस परस कुधात सुहाई॥ बिधि बस सुजन कुसंगत परहीं। फनि मनि सम निज गुन अनुसरहीं॥

saṭha sudharahiṃ satasaṃgati pāī| pārasa parasa kudhāta suhāī|| bidhi basa sujana kusaṃgata parahīṃ| phani mani sama nija guna anusarahīṃ||

बिधि हरि हर कबि कोबिद बानी। कहत साधु महिमा सकुचानी॥

bidhi hari hara kabi kobida bānī| kahata sādhu mahimā sakucānī||

सोरठा ६

सो मो सन कहि जात न कैसें। साक बनिक मनि गुन गन जैसें॥

so mo sana kahi jāta na kaiseṃ| sāka banika mani guna gana jaiseṃ||

दोहा ३(क)

बंदउँ संत समान चित हित अनहित नहिं कोइ। अंजलि गत सुभ सुमन जिमि सम सुगंध कर दोइ ॥ ३ (क)॥

baṃdaum̐ saṃta samāna cita hita anahita nahiṃ koi| aṃjali gata subha sumana jimi sama sugaṃdha kara doi || 3 (ka)||

दोहा ३(ख)

संत सरल चित जगत हित जानि सुभाउ सनेहु। बालबिनय सुनि करि कृपा राम चरन रति देहु ॥ ३ (ख)॥

saṃta sarala cita jagata hita jāni subhāu sanehu| bālabinaya suni kari kṛpā rāma carana rati dehu || 3 (kha)||

बहुरि बंदि खल गन सतिभाएँ। जे बिनु काज दाहिनेहु बाएँ॥ पर हित हानि लाभ जिन्ह केरें। उजरें हरष बिषाद बसेरें॥

bahuri baṃdi khala gana satibhāem̐| je binu kāja dāhinehu bāem̐|| para hita hāni lābha jinha kereṃ| ujareṃ haraṣa biṣāda basereṃ||

हरि हर जस राकेस राहु से। पर अकाज भट सहसबाहु से॥ जे पर दोष लखहिं सहसाखी। पर हित घृत जिन्ह के मन माखी॥

hari hara jasa rākesa rāhu se| para akāja bhaṭa sahasabāhu se|| je para doṣa lakhahiṃ sahasākhī| para hita ghṛta jinha ke mana mākhī||

तेज कृसानु रोष महिषेसा। अघ अवगुन धन धनी धनेसा॥ उदय केत सम हित सबही के। कुंभकरन सम सोवत नीके॥

teja kṛsānu roṣa mahiṣesā| agha avaguna dhana dhanī dhanesā|| udaya keta sama hita sabahī ke| kuṃbhakarana sama sovata nīke||

पर अकाजु लगि तनु परिहरहीं। जिमि हिम उपल कृषी दलि गरहीं॥ बंदउँ खल जस सेष सरोषा। सहस बदन बरनइ पर दोषा॥

para akāju lagi tanu pariharahīṃ| jimi hima upala kṛṣī dali garahīṃ|| baṃdaum̐ khala jasa seṣa saroṣā| sahasa badana baranai para doṣā||

पुनि प्रनवउँ पृथुराज समाना। पर अघ सुनइ सहस दस काना॥ बहुरि सक्र सम बिनवउँ तेही। संतत सुरानीक हित जेही॥

puni pranavaum̐ pṛthurāja samānā| para agha sunai sahasa dasa kānā|| bahuri sakra sama binavaum̐ tehī| saṃtata surānīka hita jehī||

बचन बज्र जेहि सदा पिआरा। सहस नयन पर दोष निहारा॥

bacana bajra jehi sadā piārā| sahasa nayana para doṣa nihārā||

दोहा ४

उदासीन अरि मीत हित सुनत जरहिं खल रीति। जानि पानि जुग जोरि जन बिनती करइ सप्रीति ॥ ४॥

udāsīna ari mīta hita sunata jarahiṃ khala rīti| jāni pāni juga jori jana binatī karai saprīti || 4||

मैं अपनी दिसि कीन्ह निहोरा। तिन्ह निज ओर न लाउब भोरा॥ बायस पलिअहिं अति अनुरागा। होहिं निरामिष कबहुँ कि कागा॥

maiṃ apanī disi kīnha nihorā| tinha nija ora na lāuba bhorā|| bāyasa paliahiṃ ati anurāgā| hohiṃ nirāmiṣa kabahum̐ ki kāgā||

बंदउँ संत असज्जन चरना। दुखप्रद उभय बीच कछु बरना॥ बिछुरत एक प्रान हरि लेहीं। मिलत एक दुख दारुन देहीं॥

baṃdaum̐ saṃta asajjana caranā| dukhaprada ubhaya bīca kachu baranā|| bichurata eka prāna hari lehīṃ| milata eka dukha dāruna dehīṃ||

उपजहिं एक संग जग माहीं। जलज जोंक जिमि गुन बिलगाहीं॥ सुधा सुरा सम साधू असाधू। जनक एक जग जलधि अगाधू॥

upajahiṃ eka saṃga jaga māhīṃ| jalaja joṃka jimi guna bilagāhīṃ|| sudhā surā sama sādhū asādhū| janaka eka jaga jaladhi agādhū||

भल अनभल निज निज करतूती। लहत सुजस अपलोक बिभूती॥ सुधा सुधाकर सुरसरि साधू। गरल अनल कलिमल सरि ब्याधू॥ गुन अवगुन जानत सब कोई। जो जेहि भाव नीक तेहि सोई॥

bhala anabhala nija nija karatūtī| lahata sujasa apaloka bibhūtī|| sudhā sudhākara surasari sādhū| garala anala kalimala sari byādhū|| guna avaguna jānata saba koī| jo jehi bhāva nīka tehi soī||

दोहा ५

भलो भलाइहि पै लहइ लहइ निचाइहि नीचु। सुधा सराहिअ अमरताँ गरल सराहिअ मीचु ॥ ५॥

bhalo bhalāihi pai lahai lahai nicāihi nīcu| sudhā sarāhia amaratām̐ garala sarāhia mīcu || 5||

खल अघ अगुन साधू गुन गाहा। उभय अपार उदधि अवगाहा॥ तेहि तें कछु गुन दोष बखाने। संग्रह त्याग न बिनु पहिचाने॥

khala agha aguna sādhū guna gāhā| ubhaya apāra udadhi avagāhā|| tehi teṃ kachu guna doṣa bakhāne| saṃgraha tyāga na binu pahicāne||

भलेउ पोच सब बिधि उपजाए। गनि गुन दोष बेद बिलगाए॥ कहहिं बेद इतिहास पुराना। बिधि प्रपंचु गुन अवगुन साना॥

bhaleu poca saba bidhi upajāe| gani guna doṣa beda bilagāe|| kahahiṃ beda itihāsa purānā| bidhi prapaṃcu guna avaguna sānā||

दुख सुख पाप पुन्य दिन राती। साधु असाधु सुजाति कुजाती॥ दानव देव ऊँच अरु नीचू। अमिअ सुजीवनु माहुरु मीचू॥ माया ब्रह्म जीव जगदीसा। लच्छि अलच्छि रंक अवनीसा॥ कासी मग सुरसरि क्रमनासा। मरु मारव महिदेव गवासा॥ सरग नरक अनुराग बिरागा। निगमागम गुन दोष बिभागा॥

dukha sukha pāpa punya dina rātī| sādhu asādhu sujāti kujātī|| dānava deva ūm̐ca aru nīcū| amia sujīvanu māhuru mīcū|| māyā brahma jīva jagadīsā| lacchi alacchi raṃka avanīsā|| kāsī maga surasari kramanāsā| maru mārava mahideva gavāsā|| saraga naraka anurāga birāgā| nigamāgama guna doṣa bibhāgā||

दोहा ६

जड़ चेतन गुन दोषमय बिस्व कीन्ह करतार। संत हंस गुन गहहिं पय परिहरि बारि बिकार ॥ ६॥

jaṛa cetana guna doṣamaya bisva kīnha karatāra| saṃta haṃsa guna gahahiṃ paya parihari bāri bikāra || 6||

अस बिबेक जब देइ बिधाता। तब तजि दोष गुनहिं मनु राता॥ काल सुभाउ करम बरिआई। भलेउ प्रकृति बस चुकइ भलाई॥

asa bibeka jaba dei bidhātā| taba taji doṣa gunahiṃ manu rātā|| kāla subhāu karama bariāī| bhaleu prakṛti basa cukai bhalāī||

सोरठा २

सो सुधारि हरिजन जिमि लेहीं। दलि दुख दोष बिमल जसु देहीं॥ खलउ करहिं भल पाइ सुसंगू। मिटइ न मलिन सुभाउ अभंगू॥

so sudhāri harijana jimi lehīṃ| dali dukha doṣa bimala jasu dehīṃ|| khalau karahiṃ bhala pāi susaṃgū| miṭai na malina subhāu abhaṃgū||

लखि सुबेष जग बंचक जेऊ। बेष प्रताप पूजिअहिं तेऊ॥ उधरहिं अंत न होइ निबाहू। कालनेमि जिमि रावन राहू॥

lakhi subeṣa jaga baṃcaka jeū| beṣa pratāpa pūjiahiṃ teū|| udharahiṃ aṃta na hoi nibāhū| kālanemi jimi rāvana rāhū||

किएहुँ कुबेष साधु सनमानू। जिमि जग जामवंत हनुमानू॥ हानि कुसंग सुसंगति लाहू। लोकहुँ बेद बिदित सब काहू॥

kiehum̐ kubeṣa sādhu sanamānū| jimi jaga jāmavaṃta hanumānū|| hāni kusaṃga susaṃgati lāhū| lokahum̐ beda bidita saba kāhū||

गगन चढ़इ रज पवन प्रसंगा। कीचहिं मिलइ नीच जल संगा॥ साधु असाधु सदन सुक सारीं। सुमिरहिं राम देहिं गनि गारी॥

gagana caṛhai raja pavana prasaṃgā| kīcahiṃ milai nīca jala saṃgā|| sādhu asādhu sadana suka sārīṃ| sumirahiṃ rāma dehiṃ gani gārī||

धूम कुसंगति कारिख होई। लिखिअ पुरान मंजु मसि सोई॥

dhūma kusaṃgati kārikha hoī| likhia purāna maṃju masi soī||

सोरठा ६

सोइ जल अनल अनिल संघाता। होइ जलद जग जीवन दाता॥

soi jala anala anila saṃghātā| hoi jalada jaga jīvana dātā||

दोहा ७(क)

ग्रह भेषज जल पवन पट पाइ कुजोग सुजोग। होहि कुबस्तु सुबस्तु जग लखहिं सुलच्छन लोग॥ ७ (कक,

graha bheṣaja jala pavana paṭa pāi kujoga sujoga| hohi kubastu subastu jaga lakhahiṃ sulacchana loga|| 7 (kaka,

दोहा ७(ख)

सम प्रकास तम पाख दुहुँ नाम भेद बिधि कीन्ह। ससि सोषक पोषक समुझि जग जस अपजस दीन्ह ॥ ७ (ख)॥

sama prakāsa tama pākha duhum̐ nāma bheda bidhi kīnha| sasi soṣaka poṣaka samujhi jaga jasa apajasa dīnha || 7 (kha)||

दोहा ७(ग)

जड़ चेतन जग जीव जत सकल राममय जानि। बंदउँ सब के पद कमल सदा जोरि जुग पानि ॥ ७ (ग)॥

jaṛa cetana jaga jīva jata sakala rāmamaya jāni| baṃdaum̐ saba ke pada kamala sadā jori juga pāni || 7 (ga)||

दोहा ७(घ)

देव दनुज नर नाग खग प्रेत पितर गंधर्ब। बंदउँ किंनर रजनिचर कृपा करहु अब सर्ब ॥ ७ (घ)॥

deva danuja nara nāga khaga preta pitara gaṃdharba| baṃdaum̐ kiṃnara rajanicara kṛpā karahu aba sarba || 7 (gha)||